ᒪᓕᒉᑦ ᑐᑭᒧᐊᑦᓯᐊᕈᑏᓪᓗ

ᐃᓕᓐᓂᐊᓂᓕᕆᓂᖅ / ᐊᐅᓚᑦᓯᒍᓐᓇᓂᖅ

  • KSB-00 ᑐᑭᓯᑎᑦᓯᒍᑎ

    ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᒪᓕᒐᖏᑦ ᐱᓇᓱᒍᑎᖏᓪᓗ ᐋᕐᕿᑕᐅᓯᒪᕗᑦ ᑐᑭᓯᓇᕐᑎᓯᒍᑎᐅᑦᓱᑎᒃ ᒪᓕᒐᐅᔪᓂᒃ, ᐃᓕᓐᓂᐊᓂᓕᕆᓂᓕᒫᒥ ᐊᑐᕐᑕᐅᓂᖃᕐᑐᓂᒃ, ᑐᑭᑖᕐᓂᐅᖃᑦᑕᑐᓪᓗ ᐊᑦᔨᒌᖕᖏᑐᓂ ᐱᓇᓱᐊᕐᓂᓂ ᐊᑦᔨᒌᑦᓯᐊᒥᒃ ᑐᑭᑖᕐᓂᐅᖃᑦᑕᖁᑦᓱᒋᑦ.

  • KSB-01 ᐃᓄᒍᐃᔭᐅᑦᓯᐊᓂᕐᒧᑦ

    ᐱᓇᓱᐊᖃᑎᖃᑦᓯᐊᓗᓂ ᐊᖓᔪᖅᑳᒍᔪᓂ ᕿᑐᕐᖓᓕᓐᓂᒃ ᓄᓇᓕᓐᓂᓗ ᐊᓯᖏᓐᓂᓗ ᐃᓕᓐᓂᐊᓂᓕᕆᓂᕐᒥᒃ ᐱᕙᓪᓕᖁᑎᓕᐅᖃᑎᒌᒐᓱᐊᖅᑐᓂᒃ, ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᓇᓗᓇᐃᔭᐃᒍᑎᖓ ᐱᓇᓱᐊᕆᐊᓕᒻᒥᓂᒃ ᐃᒪᐃᑦᑑᕗᖅ ᐱᑕᖃᕐᑎᓯᓚᓂ ᓄᓇᕕᒻᒥᐅᓕᒫᓄᑦ ᐃᓕᓐᓂᐊᓂᓕᕆᓂᒃᑯᑦ ᐱᒍᑦᔨᒍᑎᖏᑦ ᑕᓯᐅᕐᓯᒍᑕᐅᓂᐊᕐᑐᓂᒃ ᐱᒍᓐᓇᓯᒍᑕᐅᓗᑎᓪᓗ ᐃᓕᓐᓂᐊᑐᓄᑦ ᐊᑕᐅᑦᓯᑳᕐᑎᑐᓄᑦ ᐃᓗᓐᓂᐃᓄᑦ ᐱᕈᕐᐸᓕᐊᒍᓐᓇᓯᓗᒋᑦ ᓇᔪᕐᑎᒋᒌᕐᑕᖏᑦ ᑎᑭᐅᑎᓚᕿᒍᑎᒋᓗᒋᑦ ᐃᓄᒍᐃᔭᐅᑦᓯᐊᓂᒧᑦ (ᒪᑭᑕᑦᓯᐊᓂᕐᒧᑦ) ᐃᒻᒥᓂᕿᒋᐅᕐᓂᐅᓯᐊᕐᓂᒧᓪᓗ.

  • KSB-02 ᐊᐅᓚᑦᓯᓂᕐᒧᑦ ᒪᓕᒐᖏᑦ ᐳᕐᑐᓂᕐᓭᑦ ᑲᑎᖕᖓᔨᖏᑦᑕ

    ᒪᓕᒐᖅ 613-ᒦᑦᑐᖅ ᐃᓕᓐᓂᐊᓂᐅᑉ ᒪᓕᒐᖏᓐᓂ ᐊᓪᓚᓅᓕᖓᔪᓂ (ᑯᔩᓄᑦ), ᐃᓄᑐᐃᓐᓇᓄᑦ, ᓇᔅᑳᐱᓄᓪᓗ ᓄᓇᓕᑐᖃᑦᓴᔭᕐᓄᑦ, ᐅᖃᕐᓯᒪᒻᒪᑦ ᐳᕐᑐᓂᕐᓭᑦ ᑲᑎᖕᖓᔨᖏᑦ ᑐᑭᑖᕈᑎᓕᐅᖃᑦᑕᕈᓐᓇᓂᕋᕐᓱᒋᑦ ᐊᐅᓚᑦᓯᒍᑎᒋᓂᐊᕐᑕᒥᓂᒃ ᐱᓇᓱᐊᕈᑎᒋᓂᐊᕐᑕᒥᓂᓪᓗ. ᑌᒣᑦᑐᖅ ᒪᓕᒐᐅᓂᐊᕐᑎᓗᒍ ᐊᖏᕈᑎᐅᓯᒪᒻᒪᑦ ᑲᒥᓴᓀᑦ ᑲᑎᖕᖓᔨᖏᓐᓄᑦ ᐱᖁᔦᑦ ᒪᓕᑦᓱᒋᑦ.

    ᑲᑎᖕᖓᔨᐅᔪᑦ ᙯᖁᔭᐅᓯᒪᔪᓪᓗ ᑲᑎᖕᖓᓂᕐᓂ ᑖᒃᑯᓂᖓ ᒪᓕᒐᕐᓂᒃ ᐊᐅᓚᑦᓯᓂᕐᒨᓕᖓᔪᓂ ᐃᓕᓐᓂᐊᓂᓕᕆᓂᕐᒥ, ᑐᑭᑖᕐᓂᒧᑦ ᑐᑭᑖᕈᑎᓕᐅᕐᓂᖏᓐᓂᓗ ᑲᑎᖓᔩᑦ ᒪᓕᖃᑦᑕᕆᐊᖃᕐᐳᑦ.

  • KSB-03 ᒪᓕᒐᖕᖑᑎᑕᐅᓯᒪᔪᑦ ᐱᒍᓐᓇᐅᑎᒋᔭᐅᓂᐊᕐᑎᓗᒋᑦ

    ᒪᓕᒉᑦ ᒪᓕᑦᓱᒋᑦ 185-ᒦᑦᑐᑦ, 187-ᒥ ᐊᒻᒪᓗ 662-ᒥ ᐃᓕᓐᓂᐊᓂᐅᑉ ᒪᓕᒐᖓᓂ ᐊᓪᓚᓅᓕᖓᔪᒥ (ᑯᔩᓄᑦ), ᐃᓄᓐᓄᑦ ᐊᒻᒪᓗ ᓇᔅᑳᐱᓄᑦ ᓄᓇᖃᕐᖄᓯᒪᔪᓄᑦ, ᑲᒥᓯᓀᑦ ᑲᑎᖕᖓᔨᖏᑦ, ᒪᓕᒐᖕᖑᑎᓪᓗᒍ ᑎᓕᔨᓯᒪᒍᑎᖃᕈᓐᓇᑐᑦ, ᐱᒍᓐᓇᐅᑎᒥᑕ ᐱᓇᓱᐊᕆᐊᓕᒻᒥᑕᓗ ᐃᓚᖏᓐᓂᒃ ᐳᕐᑐᓂᕐᓭᑦ ᑲᑎᖕᖓᔨᖏᓐᓄᑦ, ᑲᔪᓯᒃᑫᔨᒧᑦ, ᑲᔪᓯᒃᑫᔨᐅᑉ ᐃᑲᔪᕐᑎᖓᓄᑦ, ᐸᐸᑦᓯᔨᒧᑦ ᐊᒻᒪᓗ ᐊᐅᓚᑦᓯᓂᓕᕆᔨᒻᒪᕆᓐᓄᑦ. ᐱᒍᓐᓇᐅᑎᐅᔪᑦ, ᐱᓇᓱᐊᕐᑕᐅᒋᐊᓖᓪᓗ ᑕᒡᒐᓂ ᒪᓕᒐᕐᒥ ᑎᓕᔨᓯᒪᒍᑎᐅᔪᑦ ᐊᑐᕐᑕᐅᒍᓐᓇᑐᑦ ᑮᓇᐅᔦᑦ ᑐᕋᒐᖏᓐᓂᒃ ᒪᓕᑦᓯᐊᑐᐊᕐᐸᑕ, ᒪᓕᒐᐅᔪᓂᒃ, ᐱᓇᓱᒍᑦᔨᓂᕐᒧᓗ ᐊᖏᖃᑎᕷᕆᒍᑎᐅᔪᓂᒃ ᐊᒻᒪᓗ ᒪᓕᒐᐅᔪᓂᒃ ᐊᑐᕐᑕᐅᑎᑕᐅᔪᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ.

  • KSB-04 ᐃᓅᓯᖃᑦᓯᐊᓂᕐᒧᑦ ᐱᐅᓯᕐᓱᓯᐊᕐᓂᒧᓪᓗ ᒪᓕᒐᖅ

    ᑖᓐᓇ ᐃᓅᓯᖃᑦᓯᐊᓂᐅᑉ ᐱᐅᓯᕐᓱᓯᐊᕐᓂᐅᓗ ᒪᓕᒐᖓ ᓄᐃᑎᑕᐅᓯᒪᕗᖅ ᒪᓕᒐᖕᖑᑎᑕᐅᑦᓱᓂ ᑲᒥᓴᓀᑦ ᐃᓕᓐᓂᐊᓂᓕᕆᓂᕐᓗ ᓴᐳᒻᒥᔭᐅᕕᖃᕈᓐᓇᖁᑦᓱᒋᑦ ᓲᓱᒋᔭᐅᓂᖃᑦᓯᐊᓗᑎᓪᓗ ᐃᓱᐃᓪᓕᐅᕈᑎᑕᖃᕐᐸᑦ ᐃᓱᐃᓪᓕᐅᕈᑎᐅᑐᐃᓐᓇᕆᐊ-ᓕᑦᑕᖃᕐᐸᓗᓐᓃᑦ ᒪᓕᒐᖃᕐᑎᓯᒍᑎᐅᑦᓱᓂᓗ ᓇᒻᒥᓂᖅ ᐱᐅᓯᕐᓱᓯᐊᕈᑎᐅᒋᐊᓕᓐᓂᒃ.

  • KSB-05 ᐃᓅᓯᖃᑦᓯᐊᓂᕐᒧᑦ ᒪᓕᒉᑦ ᐱᓇᓱᒐᖃᕐᓂᒥᓪᓗ ᐱᐅᓯᕐᓲᑎᐅᒋᐊᓖᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᑦᑎᓄᑦ

    ᑖᒃᑯᐊ ᐃᓅᓯᖃᑦᓯᐊᓂᕐᒧᑦ ᒪᓕᒉᑦ ᐱᓇᓱᒐᖃᕐᓂᒥᓪᓗ ᐱᐅᓯᕐᓲᑎᐅᒋᐊᓖᑦ ᓄᐃᑕᐅᕗᑦ ᐱᐅᓯᕐᓲᑎᖃᕈᑎᒋᒋᐊᓕᖏᓐᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᖏᓐᓄᑦ ᐱᐅᓯᕐᓲᑎᒋᒋᐊᓕᖏᓐᓄᑦ ᐱᓇᓱᒐᖃᕐᓂᒥᓂ ᑐᑭᓯᓐᓇᑎᑦᓯᓂᕐᒧᑦ ᓱᕐᖁᐃᓯᓂᕐᒧᓗ ᐱᐅᓯᕐᓲᑎᐅᒋᐊᓕᓐᓂᒃ ᐱᓇᓱᒐᕐᒥᓂᒃ ᐱᓇᓱᐊᕐᓂᒥᓂ.

  • KSB-06 ᐃᓕᓐᓂᐊᑎᓄᑦ ᐅᓐᓂᓗᒐᕐᕕᐅᑉ/ᑭᓪᓕᓯᓂᐊᕐᑎᐅᑉ ᖃᓄᐃᓘᕈᑎᖏᑦᑕ ᒪᓕᒐᖏᑦ

    ᑖᒃᑯᐊ ᒪᓕᒉᑦ ᑐᑭᓯᓐᓇᑎᑦᓯᔪᑦ ᖃᓄᐃᓘᕈᓯᕐᓂᒃ ᒪᓕᑦᑕᐅᒋᐊᓕᓐᓂᒃ ᖃᐅᔨᓴᕐᓂᒧᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐃᓕᓐᓂᐊᑏᑦ ᐅᓐᓂᓗᒐᐅᑎᖏᓐᓂᒃ ᐊᖓᔪᕐᖄᑯᖏᑦᑕᓘᓐᓃᑦ. ᖃᓄᐃᓘᕈᓰᑦ ᐃᑉᐱᒋᔭᖃᓗᐊᖕᖑᐊᓚᖓᔪᑦ ᐱᓐᓀᓗᑦᓯᓯᒪᐅᑎᓂᒃ ᐋᕐᖀᒐᓱᐊᕐᓂᒧᑦ ᑕᒣᓐᓄᑦ ᐊᖏᖃᑎᒌᒍᑎᐅᕈᓐᓇᑐᒃᑯᑦ. ᑐᑭᓯᓐᓇᑐᖅ ᐃᓚᐅᓂᕐᑕᓕᓕᒫᑦ ᖃᓄᐃᓘᕈᑎᓂ ᐱᓇᓱᖃᑎᒌᖃᑦᑕᓚᖓᒻᒪᑕ ᓲᓱᑦᓴᖃᑎᒌᓪᓗᑎᒃ ᑌᒪᖕᖓᓕᒫᖅ ᑭᓇᒃᑯᑐᐃᓐᓇᓄᓪᓗ ᐅᖃᔭᒍᑎᖃᕈᓐᓀᓗᑎᒃ.

ᐃᓘᓐᓈᒍᑦ ᐊᐅᓚᑦᓯᓂᓕᕆᓂᖅ

  • ADM-01 ᐊᓪᓚᕕᒻᒪᕆᒃ ᐅᐃᒪᓇᕐᑐᒥᒃ ᐅᒃᑯᐊᑕᐅᒋᐊᖃᓕᕐᐸᑦ ᒪᓕᒐᖅ

    ᐃᓕᓐᓂᐊᓂᓕᕆᓂᐅᑉ ᐊᐅᓚᑦᓯᔨᖏᑦ ᐊᖏᕐᑕᐅᒍᑎᖃᕐᓯᒪᕗᑦ ᐃᓕᓐᓂᐊᓂᓕᕆᓂᐅᑉ ᐊᓪᓚᕕᒻᒪᕆᖓᓂᒃ ᓱᓇᒐᓚᖃᐅᑎᖓᓂᓪᓗ ᐅᒃᑯᐊᓯᒍᓐᓇᓂᐊᕐᑎᓗᒋᑦ ᐅᐃᒪᓇᕐᑐᖃᕐᓂᐸᑦ ᐊᕐᖁᑏᑦ ᐊᑐᕐᑕᐅᒋᐊᓖᑦ ᐱᓇᓱᒋᐊᕐᑐᑐᓄᑦ, ᐊᓂᕐᕋᕋᓱᑦᑐᓄᓪᓗᓃᑦ ᐊᑦᑕᓇᕐᑑᐸᑕ ᐅᕝᕙᓗᓐᓃᑦ ᐱᓇᓱᒍᑎᐅᔪᑦ ᐃᓕᓐᓂᐊᓂᓕᕆᓂᕐᒥ ᐱᐅᓯᕆᓲᒥᓄᑦ ᐊᑐᕈᓐᓇᕕᖃᖕᖏᐸᑕ.

  • ADM-02 ᒪᓕᒐᖅ ᐃᓕᓐᓂᐊᕖᑦ ᐃᓄᒻᒪᕇᓪᓗ ᐃᓕᓐᓂᐊᑎᑕᐅᕕᖏᑦ ᐅᒃᑯᐊᑕᐅᒋᐊᖃᕐᓂᐸᑕ

    ᐃᓕᓐᓂᐊᕖᑦ ᐊᐅᓚᑦᓯᓂᓕᕆᔨᖏᑦ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᑦᑕᓗ ᑲᒪᔨᒻᒪᕆᖏᑦ ᐊᖏᕐᑕᐅᓯᒪᕗᑦ ᐃᓕᓐᓂᐊᕕᓐᓂᒃ ᐅᒃᑯᐊᓯᒍᓐᓇᑎᓪᓗᒋᑦ ᓯᓚ ᐱᑦᔪᑎᐅᑎᓪᓗᒍ ᐅᕝᕙᓗᓐᓃᑦ ᐊᓯᖏᑦ ᐱᑦᔪᑎᐅᑎᓪᓗᒋᑦ ᐃᓕᓐᓂᐊᑎᓂᒃ ᐊᒻᒪᓗ/ᐅᕝᕙᓗᓐᓃᑦ ᐱᓇᓱᑦᑎᓂᒃ ᐃᓕᓐᓂᐊᕕᓕᐊᕋᓱᐊᕐᑐᓂᒃ ᐊᓂᕐᕋᕋᓱᐊᕐᑐᓂᓪᓗᓃᑦ, ᐱᐅᓯᕐᓲᑎᐅᖕᖏᑐᖅ ᐊᑑᑎᑉᐸᑦ ᐅᕝᕙᓗᓐᓃᑦ ᐃᓕᓐᓂᐊᕕᒃ ᐃᓄᒻᒪᕇᓪᓗᓃᑦ ᐃᓕᓐᓂᐊᑎᑕᐅᕕᖓ ᐊᑐᕐᑕᐅᒍᓐᓇᖏᕐᓯᒪᑉᐸᓂᒃ ᐊᓯᖏᓐᓂᒃ ᐱᑦᔪᑎᖃᕐᓗᑎᒃ.

  • ADM-03 ᒪᓕᒐᖅ ᓴᐳᒻᒥᔭᐅᒋᐊᖃᕐᓂᒧᑦ ᐊᒥᓲᓕᕐᑎᕆᒍᓐᓇᑐᑑᓂᕐᒥᒃ

    ᐊᒥᓲᓕᕐᑎᕆᒍᓐᓇᑐᑑᓂᐅᑉ ᐱᖁᔭᖓ ᑲᓇᑕᒥ ᐊᖓᔪᕐᖃᐅᕕᖃᕈᓐᓇᑎᑦᓯᕗᖅ ᑖᒃᑯᓂᖓᑐᐊᖅ ᐊᑐᐊᒐᓕᐅᕐᑐᕕᓂᕐᓂᒃ ᐊᑐᐊᒐᓕᐊᕕᓂᕐᒥᓄᑦ ᓴᐳᒻᒥᔭᐅᒍᑎᒋᓂᐊᕐᑕᖓᓂ ᐊᖏᕐᑕᐅᓯᒪᕐᖄᕋᑎᒃ ᐱᓇᓱᐊᕐᑕᕕᓂᖏᓐᓂᒃ ᐊᑐᕈᒪᒐᔭᕐᑐᕕᓂᕐᓄᑦ. ᑕᒪᓐᓇᓗ ᓴᐳᒻᒥᔭᐅᓂᖓ ᐊᑐᕐᕕᖃᕐᑎᑕᐅᕗᖅ ᐱᓇᓱᐊᕐᑕᕕᓂᖏᑦ ᐊᑐᕐᑕᐅᒍᒪᓕᕋᓗᐊᕐᐸᑕ ᐃᓕᓭᒍᑎᑦᓴᓕᐊᖑᒍᒪᓗᑎᒃ, ᐃᓛ, ᐱᖁᔭᖅ ᐃᓚᖓᓂ ᓴᖑᑎᑕᐅᑫᓐᓇᖃᑦᑕᕈᓐᓇᕋᔭᕐᑑᒐᓗᐊᖅ ᐃᓕᓐᓂᐊᓂᓕᕆᓃᑦ ᑎᒥᐅᔪᖁᑎᖏᓐᓄᑦ ᑐᕌᖓᓂᐊᕐᐸᑕ. ᑕᒪᒃᑯᐊᓗ ᓴᖑᑎᕆᑫᓐᓇᕈᓐᓇᓃᑦ, ᐃᓛ, ᐃᓓᓐᓇᖏᓐᓂᒃ ᐱᖁᔭᐅᑉ ᒪᓕᑦᑕᐅᒋᐊᖃᕐᓂᖓᓂ ᒪᓕᖕᖏᑫᓐᓇᓚᐅᕐᑐᕈᓐᓇᓱᑎᒃ, ᐃᓕᓐᓂᐊᓂᓕᕆᓃᓪᓗ ᐃᓕᓭᔩᓪᓗ ᓱᓕ ᐃᓱᒣᓐᓇᕿᐅᑎᖃᕈᓐᓇᕕᖃᕐᑎᑕᐅᓂᐊᖕᖏᑐᑦ ᐊᑐᕆᐊᒃᑯᑦ ᐊᒥᓲᓕᕐᑎᕆᒍᓐᓇᑐᑑᓂᕐᒧᑦ-ᓴᐳᑦᔭᐅᒪᔪᓂᒃ ᓯᑯᑦᓴᔭᓂᒃ.

  • ADM-04 ᒪᓕᒐᖅ ᐃᓕᑕᕆᔭᐅᒍᑎᑖᕈᑎᓄᑦ

    ᐃᓚᖓᓂ ᐱᐅᓯᐅᒋᐊᖃᓲᒍᒻᒪᑦ, ᐃᓕᓐᓂᐊᕈᑎᑦᓴᓕᐊᖑᓯᒪᔪᑦ, ᑐᑭᓯᒋᐊᕈᑎᓕᐊᖑᓯᒻᒪᔪᑦ, ᖃᐅᔨᑎᑦᓯᐅᑎᓕᐊᖑᓯᒪᔪᐃᓪᓘᓃᑦ ᐊᓪᓚᖁᑎᓕᐊᖑᓯᒪᑦᓱᑎᒃ ᓴᕐᕿᑎᑕᕕᓂᖏᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᖁᔭᕐᑎᒍᑦ ᐃᓕᑕᕆᔭᐅᓂᖃᕆᐊᖃᕐᒪᑕ ᑯᐯᒻᒥ ᑲᓇᑕᒥᓪᓗ ᐊᑐᐊᒐᖃᕐᕕᖏᓐᓄᑦ.

  • ADM-05 ᒪᓕᒐᖅ ᓇᓗᓀᕐᓯᓂᕐᒧᑦ ᐱᓇᓱᑦᑏᑦ ᓂᕈᐊᕐᑕᐅᓯᒪᔪᓪᓗ ᐱᒍᑦᔨᓯᒪᓂᖏᓐᓂᒃ

    ᐃᓕᓐᓂᐊᓂᓕᕆᓂᖅ ᐅᑉᐱᕆᔭᖃᕐᐳᑦ ᐱᓇᓱᑦᑏᑦ ᓂᕈᐊᕐᑕᐅᓯᒪᔪᓪᓗ ᓇᓗᐃᓇᕐᑕᐅᖃᑦᑕᑐᑦᓴᐅᓂᖏᓐᓂᒃ ᐱᒍᑦᔨᓂᕐᒥᓄᑦ ᐃᓕᓐᓂᐊᓂᕐᒥᒃ ᓄᓇᕕᒻᒥ. ᑌᒣᓐᓂᖓᒍᑦ, ᐃᓕᓐᓂᐊᓂᓕᕆᓂᖅ ᒪᓕᒐᖕᖑᑎᑦᓯᒍᒪᕗᖅ ᓇᓗᓀᕐᑕᐅᓂᕆᖃᑦᑕᓂᐊᕐᑕᖓᓂᒃ ᐱᓇᓱᑦᑏᑦ ᓂᕈᐊᕐᑕᐅᓯᒪᔪᓪᓗ ᐊᑯᓂ ᐱᓇᓱᐊᕐᓯᒪᓂᕆᓕᕐᑕᒥᓄᑦ. ᑐᑭᓯᔭᐅᑎᑦᓯᒍᒪᒻᒥᓱᓂᓗ ᓴᐳᒻᒥᓯᐊᕐᓂᒥᓂᒃ ᐊᓯᖏᓐᓂᒃ ᐱᐅᓯᕐᓲᑎᐅᖕᖏᑐᑎᒍᑦ ᐱᓇᓱᐊᕐᑕᐅᔪᓂᒃ.

  • ADM-06 ᑐᐹᑭᑦᑎᓯᑦᑌᓕᓂᕐᒧᑦ ᒪᓕᒐᖅ

    ᑲᑎᕕᒃ ᐃᓕᓐᓂᐊᓂᓕᕆᓂᖅ, ᐃᓕᓐᓂᐊᓂᕐᒥ ᐱᓇᓱᐊᕐᑕᖃᕐᓂᒥᓄᑦ, ᖃᓄᐃᖕᖏᓯᐊᕐᓂᒥᒃ ᐃᓅᓯᑦᓯᐊᖃᕐᓂᒥᒃ ᐃᓕᓐᓂᐊᑎᖁᑎᒥᓄᑦ ᑐᑭᓯᒪᔭᐅᑎᑦᓯᒍᒪᕗᖅ. ᑌᒣᒻᒪᑦ ᐊᖏᕈᑎᖃᕐᓯᒪᕗᖅ ᑐᐹᑭᑦᑎᓯᑦᑌᓕᓂᕐᒧᑦ ᑐᑭᓯᒪᔭᐅᑎᑦᓯᒐᓱᐊᕐᓂᒥᒃ ᐃᓕᓐᓂᐊᕕᖁᑎᒥᓂ ᐱᓇᓱᐊᕐᕕᖁᑎᒥᓂᓪᓗ, ᐱᓇᓱᐊᕐᕕᐅᔪᑦ ᐃᓕᓐᓂᐊᕕᐅᔪᓪᓗ ᓴᓗᒪᔪᑦᓯᐊᖑᓗᑎᒃ ᐊᕙᓗᒥᐅᑕᑦᓯᐊᒥᒃ ᐊᕙᓗᒥᐅᑕᖃᕈᓐᓇᖁᑦᓱᒋᑦ, ᐊᒻᒪᓗ ᑐᐹᑭᐅᑉ ᐳᔪᖓ ᐊᑦᑕᓇᕐᑐᒧᕆᓲᖑᒻᒪᑦ ᖃᓄᐃᖕᖏᓯᐊᕐᓂᒥᒃ. ᑐᐹᑭᓐᓂᖅ ᐊᑑᑎᔭᐅᒍᓐᓇᕕᖃᕐᑎᑕᐅᖕᖏᓚᖅ ᑐᐹᑭᕝᕕᓕᐊᖑᓯᒪᔪᑦ ᐊᓯᖏᓐᓂ ᐃᓂᓂ ᐱᖁᔦᑦ ᒪᓕᑦᓱᒋᑦ ᑖᒃᑯᓇᓂ ᒪᓕᒐᕐᓂ ᐋ ᕐᕿᑕᐅᓯᒪᔪᑦ. 1

  • ADM-07 ᒪᓕᒉᑦ ᐃᓗᕕᕐᓯᒋᐊᕐᑐᓱᑎᒃ ᐊᐅᓪᓚᑐᓄᑦ ᐱᐅᓯᕐᓱᑎᐅᖕᖏᑐᑎᒍᓪᓗ ᐊᐅᓪᓚᑐᓄᑦ

    ᑲᒥᓴᓀᑦ ᑲᑎᖕᖓᔨᖏᑦ ᐱᒻᒪᕆᐅᑎᑦᓯᕗᑦ ᐱᐅᓯᕐᓲᑎᐅᖕᖏᑐᑎᒍᑦ ᐊᑑᑎᔭᐅᓕᕐᑐᑦ ᐅᕝᕙᓗᓐᓃᑦ ᐱᓂᐊᕐᓂᐅᔪᑦ ᐃᓕᓐᓂᐊᓂᓕᕆᓂᐅᑉ ᑭᒡᒐᑐᕐᑎᖓᓄᑦ ᐅᐸᐅᑎᔭᐅᖃᑦᑕᑐᑦᓴᐅᓂᖏᓐᓂᒃ.

  • ADM-08 ᒪᓕᒉᑦ ᐃᒻᒪᖃᐅᑎᖃᕐᓂᒧᑦ ᐃᓅᖃᑎᖃᕐᓂᑯᓪᓗ ᒪᓕᒐᖃᕆᐊᖃᕐᓂᒧᑦ

    ᑖᓐᓇ ᒪᓕᒐᖅ ᓄᐃᑕᑎᑦᓯᔪᖅ ᐃᒻᒪᖃᐅᑎᖃᕈᑎᐅᔪᓄᑦ ᐊᒻᒪᓗ ᐃᓅᖃᑎᖃᕐᓂᑯᑦ ᑲᒪᒋᔭᖃᕆᐊᖃᕐᓂᒧᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᐊᕐᕕᖏᓐᓂ ᑕᕐᕋᒥ ᖃᓪᓗᓈᓪᓗ ᓄᓇᖓᓐᓂ.

  • ADM-09 ᒪᓕᒉᑦ ᐃᓕᓐᓂᐊᑕᒥᓂᒃ ᐱᔭᕇᕈᓯᕐᑕᐅᔪᓄᑦ

    ᑲᑎᕕᒃ ᐃᓕᓐᓂᐊᓂᓕᕆᓂᖅ ᐅᑉᐱᕆᔭᖃᕐᐳᖅ ᐃᓕᓐᓂᐊᑏᑦ ᐃᓕᓐᓂᐊᑕᒥᓂᒃ ᐱᔭᕇᕐᑐᑦ, ᐃᓕᓐᓂᐊᑕᒥᓂᓪᓗ ᐱᔭᕇᕋᓱᐊᕐᑐᑦ ᑫᓪᓚᑐᕐᑕᐅᔪᑦᓴᐅᓂᖏᓐᓂᒃ, ᐃᓕᓐᓂᐊᕕᒻᒥᓗ ᓄᕐᙯᓇᕐᑎᓯᑦᑌᓕᔪᑦᓴᐅᓂᕐᒥᒃ ᐃᓕᓐᓂᐊᑎᓂᒃ ᐱᔭᕇᕐᑐᓂᒃ ᐅᐱᒍᓲᓰᖃᑦᑕᓂᒃᑯᑦ.

  • ADM-10 ᒪᓕᒉᑦ ᓴᐳᒻᒥᔭᐅᒋᐊᖃᕐᓂᖏᓐᓄᑦ ᐃᓄᐃᑦ ᐊᑕᐅᓯᐅᓈᕐᑎᑐᑦ ᐊᓪᓚᖁᑎᖏᑦᑕ

    ᑖᓐᓇ ᒪᓕᒐᖅ ᐊᑑᑎᔭᐅᒋᐊᖃᖃᑦᑕᓂᐊᕐᑐᖅ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᒪᓕᑦᓯᐊᕆᐊᖃᖃᑦᑕᓂᐊᕐᑕᖓᓂ ᐊᐅᓚᑕᐅᒍᓯᒋᒋᐊᓕᖏᓐᓄᑦ ᐃᓅᑉ ᐊᑕᐅᓯᐅᑉ ᐊᓪᓚᖁᑎᖏᑦᑕ, ᐱᓇᓱᑦᑎᑖᕐᓂᒥᓄᑦ ᓄᑖᒥᒃ ᐊᓪᓚᖁᑎᓕᐊᕕᓂᖏᑦ ᐅᕝᕙᓘᓐᓃᑦ ᐱᓇᓱᑦᑎᑐᖃᕐᒥᑕ ᐃᓕᓵᖁᑎᒥᑕᓘᓐᓃᑦ ᐊᓪᓚᖁᑎᓕᕆᔭᐅᒍᓯᕕᓂᖏᓐᓄᑦ.

  • ADM-11 ᒪᓕᒉᑦ ᐃᒫᙰᕐᑎᓄᑦ ᐱᒍᑦᔭᐅᓂᕐᒧᑦ

    ᑲᑎᕕᒃ ᐃᓕᓐᓂᐊᓂᓕᕆᓂᖅ, ᒋᐊᖃᓕᑐᐊᕈᓂ, ᐊᑐᖃᑦᑕᓚᖓᕗᖅ ᐱᒍᑦᔨᓂᖏᓐᓂᒃ ᐃᒫᙰᕐᑏᑦ ᐱᔪᓐᓇᑐᓪᓚᕆᒻᒥᒃ ᑭᖕᖒᒪᒋᔭᖃᓕᕐᓗᑎᒃ ᐊᑐᐃᓐᓇᖃᖕᖏᑐᐊᕈᑎᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᖏᑦᑕ ᐊᑯᕐᖓᓂ.

  • ADM-12 ᒪᓕᒐᖅ ᐅᕕᒐᕐᑐᓕᕆᔩᑦ ᐱᖁᔭᖏᑦᑕ ᐊᑐᕐᑎᑕᐅᓂᖏᓐᓄᑦ

    ᐅᕕᒐᕐᑐᓕᕆᔩᑦ ᐱᖁᔭᖏᑦ ᐊᑑᑎᔭᐅᒋᐊᖃᕐᑐᓂᒃ ᐃᓕᓐᓂᐊᓂᕐᒥᒃ ᐱᓇᓱᐊᕐᑐᓄᑦ ᓄᐃᑎᑦᓯᓯᒪᒻᒪᑕ ᓴᐳᒻᒥᔭᐅᒋᐊᖃᕐᓂᖏᓐᓄᑦ ᐱᐊᕃᑦ/ᑲᒃᑲᓛᑦ ᐊᑦᑕᓇᕐᑐᒦᑎᑕᐅᑦᑌᓕᒋᐊᖃᕐᓂᖓᓄᑦ ᐊᒻᒪᓗ/ᐅᕝᕙᓗᓐᓃᑦ ᐱᕈᕐᐸᓕᐊᓂᖓ ᐊᑦᑕᓇᕐᑐᒦᑎᑕᐅᑉᐸᑦ. ᑲᑎᕕᒃ ᐃᓕᓐᓂᐊᓂᓕᕆᓂᖅ ᑖᒃᑯᓂᖓ ᐱᖁᔭᕐᓂᒃ ᓲᓱᒋᔭᐅᑎᑦᓯᓯᐊᕋᓱᐊᕐᓂᐊᐳᖅ ᐱᒍᓐᓇᕕᓕ ᑦᓯᐊᖓᓄᑦ, ᑖᒃᑯᓂᖓᓗ ᒪᓕᒐᕐᓂᒃ ᑐᑭᓯᓇᕐᑎᓯᑦᓯᐊᕈᒪᑦᓱᓂ.

  • ADM-13 ᒪᓕᒐᖅ ᐃᓕᓐᓂᐊᑎᑦᓯᓂᕐᒥ ᐅᖃᐅᓯᕐᓄᑦ

    ᑖᒃᑯᓇᓂ ᒪᓕᒐᕐᓂ ᓄᐃᑎᑦᓯᒍᑎᐅᒋᐊᓪᓚᑐᖅ ᐊᑐᓕᕐᑎᓯᒍᑎᐅᒋᐊᓪᓚᓱᓂᓗ ᐃᓄᑦᑎᑐᑦ ᐅᖃᐅᓯᕐᒥᒃ ᐃᓕᓐᓂᐊᓂᕐᒥ ᐱᓇᓱᐊᕐᑎᓯᒍᑎᐅᔪᓕ ᓂ ᐃᓄᐃᑦ ᑭᖑᕐᕈᓯᐊᕆᓯᒪᔭᖏᑦ ᑲᔪᓯᑎᑕᐅᒍᓐᓇᓯᐊᖁᓪᓗᒋᑦ, ᐃᓄᑦᑎᑐᑦ ᐅᖃᐅᓯᖅ ᐃᓂᖃᕐᑎᑕᐅᖁᓪᓗᒍ ᓯᕗᓪᓕᐸᐅᓗᓂ ᐅᖃᐅᓯᕆᔭᐅᓂᐊᕐᑎᓗᒍ ᓄᓇᕕᒻᒥ ᐊᒻᒪᓗ ᐃᓄᑦᑎᑐ ᐅᖃᕆᐅᑦᓯᐊᖁᓪᓗᒋᑦ ᐱᒍᓐᓇᓯᑦᓯᐊᒥᓗᑎᓪᓗ ᐅᖃᐅᓯᐅᑉ ᐁᑉᐱᐅᑎᖓᓂᒃ (ᒍᐃᒍᐃᑎᑐᑦ ᖃᓪᓗᓈᑎᑐᓪᓗᓃᑦ).

  • ADM-14 ᑐᑭᒧᐊᑦᓯᐊᕈᑎᒃ ᐸᕝᕕᓴᕐᑕᐅᑎᑦᓯᑌᓕᓂᕐᒧᑦ

    ᑲᑎᕕᒃ ᐃᓕᓐᓂᐊᓂᓕᕆᓂᖅ ᓇᓗᓀᕐᓯᕗᖅ ᐸᕝᕕᓵᕆᓂᖅ ᐃᓅᑉ ᐱᒍᓐᓇᐅᑎᖏᓐᓂᒃ ᐸᕝᕕᓴᕐᑕᐅᒍᓐᓀᓗᓂ ᐃᓕᓐᓂᐊᕈᓐᓇᓂᕐᒥᒃ ᐱᓇᓱᐊᕈᓐᓇᓂᕐᒥᓗ ᓯᖁᒥᑦᓯᓂᐅᓂᖓᓂᒃ.

  • ADM-15 ᒪᓕᒐᖅ ᐱᓇᓱᕝᕕᒥ ᖃᓄᐃᖕᖏᓯᐊᕐᓂᒧᑦ ᐊᑦᑕᓇᕐᑌᓕᒪᓂᕐᒧᓗ

    ᖃᓄᐃᖕᖏᓯᐊᕈᑎᑦᓴᖏᓐᓂᒃ ᐊᑦᑕᓇᕐᑌᓕᒪᒍᑎᑦᓴᖏᓐᓂᓗ, ᑎᒥᒃᑯᓗ ᖃᓄᐃᖕᖏᓯᐊᕈᑎᑦᓴᖏᓐᓂᒃ ᐱᓇᓱᑦᑎᒥᑕ, ᑲᑎᕕᒃ ᐃᓕᓐᓂᐊᓂᓕᕆᔨᒃᑯᑦ ᐃᓱᒫᓘᑎᖃᕐᓂᐸᐅᕗᑦ. ᑖᓐᓇ ᒪᓕᒐᖅ ᒪᓕᒐᕐᑕᖃᕐᖁᖅ ᐱᓇᓱᕝᕕᖃᖁᔨᒐᑦᑕ ᑎᒥᒃᑯᑦ ᐃᓱᒪᒃᑯᓗ ᖃᓄᐃᖕᖏᓯᐊᕐᕕᐅᒍᓐᓇᑐᒥᒃ ᐃᓕᓐᓂᐊᓂᓕᕆᔨᒃᑯᑦ ᐱᓇᓱᑦᑎᖏᓐᓂᒃ. ᓄᐃᑕᑎᑦᓯᒍᑕᐅᑦᓱᑎᓪᓗ ᐃᓱᒫᓘᑎᒋᔭᐅᒋᐊᓕᓐᓂᒃ ᐃᓱᒫᓘᑎᖃᖃᑕᐅᒋᐊᓕᓐᓄᑦ ᐱᓇᓱᕝᕕᒥ ᖃᓄᐃᖕᖏᓯᐊᕐᓂᒥᒃ ᐊᑦᑕᓇᕐᑌᓕᒪᓂᕐᒥᓗ.

  • ADM-16 ᒪᓕᒐᖅ ᑕᐸᓀᓕᓵᕐᑎᓯᑦᑌᓕᓂᕐᒧᑦ ᖁᕝᕙᕆᐊᕐᓯᒪᑎᑦᓯᓂᕐᒧᓗ ᓭᒪᓇᕐᓂᒥᒃ ᐱᐅᓯᑦᓯᐊᖃᕐᓂᒥᓪᓗ wo8ix[8i

    ᑲᑎᕕᒃ ᐃᓕᓐᓂᐊᓂᓕᕆᓂᖅ ᐅᑉᐱᕆᔭᖃᕐᖁᖅ ᐃᓕᓐᓂᐊᑏᑦ ᐱᓇᓱᑦᑏᓗ ᐃᓕᓐᓂᐊᕕᓕ ᓪᓗ ᐃᓗᐊᓂ ᖃᓄᐃᖕᖏᓯᐊᕐᓂᒥᒃ ᓇᒻᒥᓂᕐᓗ ᓱᓕᔫᓂᕐᒥᒃ. ᐃᓱ ᓘᑏᑦ ᐱᔭᕆᒍᓐᓇᓯᖁᓪᓗᒋᑦ, ᑐᖕᖓᕕᐅᓗᐊᖕᖑᐊᑐᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᑎᑭᐅᑎᒐᓱᐊᕐᑕᖏᓐᓂ ᐅᑯᓂᖓ ᐃᓚᓖᑦ, ᐊᑦᑕᓇᖕᖏᑐᒥᒃ ᐊᕙᑎᖃᕐᓂᖅ, ᑎᒥᒃᑯᑦ, ᐃᓱᒪᒃᑯᑦ ᐃᑉᐱᓂᐊᕐᓂᑯᓪᓗ ᐱᕈᕐᐸᓕᐊᓂᖅ, ᐃᓗᕐᕈᓯᒨᓕᖓᑦᓯᐊᑐᓂᓪᓗ ᐃᓕᓐᓂᐊᕈᑎᑦᓴᖃᕐᓂᖅ.

  • ADM-18 ᒪᓕᒐᖅ ᐱᔾᔪᑎᓕᒃ ᐹᕐᓯᖓᐅᑎᑦᑌᓕᒍᑎᑦᓴᓂᒃ ᑐᑭᑖᖃᑎᒌᒍᓐᓇᓂᕐᓂᓗ

    ᑖᓐᓇ ᒪᓕᒐᖅ ᖃᓄᐃᓘᕈᓯᕐᓂᒃ ᑐᑭᒧᐊᒍᑎᑦᓴᓕᐅᕈᑕᐅᓯᒪᔪᖅ ᐱᓇᓱᕝᕕᒥ ᐹᕐᓯᖓᐅᑎᑦᑌᓕᒍᑎᑦᓴᓂᒃ ᐊᓯᐊᒎᕐᑐᓂᓪᓗ ᑐᑭᑖᕋᓱᐊᕈᑕᐅᒍᓐᓇᑐᓂᒃ ᐹᕐᓯᖓᐅᑎᔪᖃᓕᕐᐸᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᖏᓐᓂᒃ ᐸᕐᓀᓯᒪᑦᓯᐊᑐᒃᑯᑦ ᑐᑭᑖᖃᑎᒌᑦᓯᐊᖃᑦᑕᓂᐊᕐᑎᓗᒋᑦ. ᑖᓐᓇ ᒪᓕᒐᖅ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᒪᓕᒐᐅᑉ ᐱᔾᔪᑎᓕᐅᑉ ᐸᕝᕕᓴᕐᑌᓕᒋᐊᖃᕐᓂᕐᒧᑦ ᐊᑐᕐᑕᐅᖃᑎᒋᒍᓐᓇᑕᖓ.

ᐃᓕᓴᕐᕖᑦ ᐊᐅᓚᑕᐅᓂᖓ

  • SO-01 ᒪᓕᒉᑦ ᐃᓕᓐᓂᐊᕕᑐᐃᓐᓇᓂ ᐃᓕᓐᓂᐊᑎᓂᒃ ᓄᕐᖃᖓᑎᑦᓯᓂᕐᒧᑦ ᐊᓂᑎᑦᓯᓂᕐᒧᓗ

    ᑖᓐᓇ ᒪᓕᒐᖅ ᓄᐃᑕᑎᑦᓯᕗᖅ ᓈᒻᒪᓯᐊᕐᑐᑯᑦ ᐱᓇᓱᐊᕐᑕᐅᖃᑦᑕᖁᑦᓱᒋᑦ ᓄᕐᖃᖓᑎᑕᐅᔪᑦ ᐅᕝᕙᓗᓐᓃᑦ ᐃᓕᓐᓂᐊᑏᑦ ᐃᓕᓐᓂᐊᕕᒻᒥᑦ ᐊᓂᑎᑕᐅᔪᑦ ᐃᓕᓐᓂᐊᕕᑐᐃᓐᓇᓂ.

  • SO-03 ᒪᓕᒉᑦ ᐊᖏᖃᑎᒌᓐᓂᒧᑦ ᐃᓚᐅᒍᑎᓖᑦ ᓄᓇᕕᐅᑉ ᓯᓚᑖᓂ ᐃᓕᓐᓂᐊᕈᑎᓂᒃ ᐊᑭᓕᕐᑐᐃᒍᑦᔭᐅᓂᖏᓐᓄᑦ

    ᑖᓐᓇ ᒪᓕᒐᖅ ᓄᐃᑎᑕᐅᓯᒪᕗᖅ ᐃᓚᒌᑦ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᑦ ᐃᓕᓐᓂᐊᓂᓕᕆᓂᐅᑉ ᐊᐅᓚᑕᖏᑦᑕ ᓯᓚᑖᓂ ᐊᓂᕐᕋᖃᕐᑐᑦ ᐃᓕᓐᓂᐊᓂᕐᒥᒃ ᐊᑭᓕᕐᑐᐃᒋᐊᖃᖁᓇᒋᑦ ᐅᖃᕐᑕᐅᓯᒪᔪᑦ ᐊᕕᑦᑐᓯᒪᓂᕐᒥ 2-ᒦᑦᑐᑦ ᒪᓕᑦᓱᒋᑦ ᓄᓇᕕᒻᒥᐅᑦ ᐃᓚᐅᒍᑎᓖᑦ ᐊᑭᓕᕐᑐᐃᓲᖑᙱᒪᑕ ᐃᓕᓐᓂᐊᓂᐅᔪᒥᒃ ᑌᒫᑦᓭᓈᕈᓐᓇᖁᑦᓱᒋᑦ.

  • SO-04 ᖁᑭᐅᑎᓂᒃ ᐊᑐᕐᓂᐅᑉ ᒪᓕᒐᖏᑦ ᐃᓕᓐᓂᐊᕕᒃ ᓱᖃᑦᓯᑎᑦᓯᓂᖃᕐᑎᓗᒍ

    ᑖᓐᓇ ᒪᓕᒐᖅ ᓄᐃᑎᑕᐅᓯᒪᔪᖅ ᑲᕙᒪᑐᖃᒃᑯᑦ ᐱᖁᔭᓕᐊᕆᓚᐅᔭᖓᓄᑦᑦ ᐆᒃᑐᐱᕆ 1, 1998-ᖑᑎᓪᓗᒍ ᖁᑭᐅᑎᖃᕐᓂᒧᑦ ᒪᓕᑦᑕᐅᓯᐊᕆᐊᖃᕐᓂᖏᓐᓄᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᕕᑦᑎᒍᑦ ᓱᖃᑦᓯᑎᑦᓯᓂᖏᓐᓂ.

  • SO-05 ᒪᓕᒉᑦ ᐃᓕᓐᓂᐊᑎᓂᒃ ᐊᓃᕐᑎᓯᓂᕐᒧᑦ ᒪᙯᑦᑎᓯᓂᕐᒧᓗ

    ᑖᓐᓇ ᒪᓕᒐᖅ ᑐᕌᖓᔪᖅ ᐊᑐᐃᓐᓇᕈᕐᑎᕆᓂᕐᒧᑦ
    ᐃᓕᓐᓂᐊᑎᓂᒃ ᐊᓃᕐᑎᓯᓂᕐᒥᒃ, ᒪᙯᑦᑎᓯᓂᕐᓂᓗ, ᑖᓐᓇ ᑐᙵᕕᒋᔭᐅᖃᑦᑕᓂᐊᕐᑎᓗᒍ ᐋᕐᕿᑕᐅᓯᒪᔪᖅ ᓱᖃᑦᓯᑎᑦᓯᒍᑎᐅᔪᑦ ᐊᑦᑕᓇᕐᑐᒦᑎᑕᐅᑦᑌᓕᓂᖏᓐᓄᑦ ᐃᓕᓐᓂᐊᑏᑦ ᑲᒪᔨᖏᓪᓗ ᒪᙯᑦᑎᓯᔪᑦ ᐊᑦᑕᓇᕐᑐᒦᖁᓇᒋ ᑌᒪᙵᓕᒫᖅ ᐊᑐᕐᑕᐅᔪᑦᓴᐅᑎᓪᓗᒍ.

  • SO-07 ᐊᓂᕐᕋᒥ ᐱᓇᓱᒐᑦᓴᔦᑦ ᒪᓕᒐᖏᑦ ᐃᓕᓐᓂᐊᕆᐊᙵᑐᓂᑦ ᐳᕐᑐᓂᕐᓴᓄᑦ 5-ᒧᑦ

    ᑐᕌᒐᓱᐊᕐᑕᐅᔪᑦ ᑕᒡᒐᓂ ᐊᓪᓚᖁᑎᒥ ᒪᓕᒐᖃᓕᕐᑎᓯᓂᕐᒧᑦ ᑲᔪᓯᑎᑦᓯᓂᕐᒧᑦ ᐊᓂᕐᕋᒥ ᐱᓇᓱᒐᑦᓴᔭᓂᒃ. ᒪᓕᒉᑦ ᐅᖃᕈᑎᓖᑦ ᐊᓂᕐᕋᒥ ᐱᓇᓱᒐᑦᓴᔭᓅᓕᖓᔪᑦ ᑐᙵᕕᖏᓐᓂᒃ ᐃᓕᓐᓂᐊᑎᓄᑦ ᐊᑐᓂᑦ ᐳᕐᑐᓂᖏᓐᓂ ᑐᑭᓯᓐᓇᑎᑦᓯᓱᓂᓗ ᓱᓀᑦ ᓂᕆᐅᒋᔭᐅᒍᑎᐅᒻᒪᖔᑕ ᐊᐅᓚᑦᓯᓂᓕᕆᔨᓄᑦ, ᐃᓕᓐᓂᐊᑎᑦᓯᔨᓄᑦ, ᕿᑐᕐᖓᓕᓐᓄᑦ ᐃᓕᓐᓂᐊᑎᓄᓪᓗ. 

  • SO-8 ᑲᑎᕕᒃ ᐃᓕᓐᓂᐊᓂᓕᕆᓂᖅ ᐊᓇᕐᕋᒥ ᐃᓕᓴᔨᐊᖃᕐᓂᖅ ᐊᒻᒪᓗ ᐃᓕᓭᔨᖃᕐᑎᓯᓂᖅ ᐃᓕᓐᓂᐊᓇᐅᑉ ᓯᓚᑖᒍᑦ

    ᑲᑎᕕᒃ ᐃᓕᓐᓂᐊᓂᓕᕆᓂᖅ ᐊᖏᕈᑎᖃᕐᓯᒪᔪᖅ, ᐅᑦᑐᕋᕐᓱᑎᒃ, ᐊᓇᕐᕋᒥ ᐃᓕᓴᔨᐊᖃᕐᓂᒥᒃ ᐊᒻᒪᓗ ᐃᓕᔨᖃᕐᑎᓯᓂᕐᒥᒃ ᐃᓕᓐᓂᐊᓇᐅᑉ ᓯᓚᑖᒍᑦ ᐊᑐᕋᑦᓴᐅᑎᓪᓗᒍ ᐃᓕᓵᓄᑦ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐃᓚᐅᒍᑎᖃᖕᖏᑐᓄᑦ ᒥᓯ ᒥ ᑯᓪᓗ ᑕᕐᕋᖓᓂ ᐊᖏᖃᑎᒌᒍᑎᒧᑦ;

ᐃᓕᓐᓂᐊᕈᑎᓕᕆᕕᒃ

  • EDU-01 ᒪᓕᒐᖅ ᐱᑦᔪᑎᓕᒃ ᐃᓂᓪᓚᖓᐅᓯᖏᓐᓂᒃ ᐱᒍᑦᔨᓃᑦ ᐃᓕᓵᓂᒃ ᑎᒥᒻᒥᒍᑦ ᐱᕐᖃᔭᑦᓯᐊᖏᑦᑑᒍᑎᓕᓐᓂᒃ, ᐃᓅᖃᑎᒋᔭᐅᒋᐅᕐᓴᕆᐊᓕᓐᓂᒃ ᐅᕝᕙᓘᓐᓃᑦ ᐃᓕᑦᓯᓴᕇᑦᑐᒍᑎᓕᓐᓂᒃ

    ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓴᕐᕕᖁᑎᒥᓂᒃ ᓴᐳᔾᔨᓯᒪᓲᒍᕗᖅ ᐃᓕᓵᓂᒃ ᐃᓕᕕᐅᑎᓪᓗᒋᑦ ᑲᒪᑦᓯᐊᕕᐅᓗᑎᒃ, ᐊᑦᑕᑦᑐᓯᐊᒍᓗᑎᒃ ᐃᓕᑦᓯᕕᑦᓴᓯᐊᒍᓗᑎᓪᓗ. ᑖᓐᓇ ᒪᓕᒐᓕᐊᒍᓯᒪᔪᖅ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᖏᑦ ᐱᒍᑦᔨᓯᐊᕈᓐᓇᕕᓕᒫᒥᒍᑦ ᐱᒍᑦᔨᓂᐊᕐᑎᓗᒋᑦ ᐃᓕᓵᓂᒃ ᐱᕐᖃᔭᑦᓯᐊᖏᑦᑑᒍᑎᓕᓐᓂᒃ, ᐃᓅᖃᑎᒋᔭᐅᒋᐅᕐᓴᕆᐊᓕᓐᓂᒃ ᐅᕝᕙᓘᓐᓃᑦ ᐃᓕᑦᓯᓴᕇᑦᑐᓂᒃ ᐃᓕᓵᑦ ᐊᑐᓂᑦ ᐃᓕᑦᓯᓯᐊᖁᑦᓱᒋᑦ, ᐃᓅᖃᑎᒋᔭᐅᒍᓐᓇᓯᑦᓯᐊᖁᑦᓱᒋᑦ ᐱᒍᓐᓇᓯᖁᑦᓱᒋᓪᓗ ᐃᓗᐃᑦᑐᓯᐊᒥᒃ ᐃᓅᓯᖃᕈᓐᓇᓂᕐᒥᒃ.

  • EDU-02 ᑎᓕᔨᒍᑎ ᐱᑦᔪᑎᓕᒃ ᖃᕆᑕᐅᔭᓄᑦ ᐱᑐᕝᕕᐅᑉ, ᖃᕆᑕᐅᔭᖁᑏᑦ ᐱᑐᑦᓯᒪᐅᑎᕕᖓᑕ ᐊᒻᒪᓗ ᖃᕆᑕᐅᔭᐃᑦ ᐊᑐᕐᑕᐅᓂᖏᓐᓂᒃ
     

    ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᑕᕐᓯᒪᑦᓯᐊᐳᖅ ᐱᒻᒪᕆᐅᒋᐊᖓᓂᒃ ᖃᕆᑕᐅᔭᑎᒍᑦ ᐃᓱᐊᖁᑎᒐᓚᒻᒥᓂᒃ ᐊᒻᒪᓗ ᖁᒻᒧᐊᑎᑕᐅᓯᒪᔪᒃᑰᕈᑎᒥᓂᒃ ᐊᑐᕈᓐᓇᑎᑦᓯᓗᓂ ᐃᓕᓐᓂᐊᑎᒥᓄᑦ, ᐱᓇᓱᑦᑎᒥᓄᓪᓗ ᐊᒻᒪᓗ ᓂᕈᐊᕐᑕᐅᒪᔪᓄᑦ ᐃᓚᒥᓄᑦ. ᑖᓐᓇ ᑎᓕᔨᒍᑎ ᒪᑭᑦᓯᕗᖅ ᒪᓕᒐᕐᓂᒃ ᐱᐅᓯᐅᒋᐊᓕᓐᓂᓗ ᑕᒪᒃᑯᐊ ᐃᓱᐊᖁᑏᑦ ᐊᑐᕐᓂᖏᓐᓄᑦ ᐃᓕᓐᓂᐊᕕᓐᓂ, ᐃᓄᒻᒪᕆᓐᓂᒃ ᐃᓕᓐᓂᐊᑎᑦᓯᕕᓐᓂ, ᐊᓪᓚᕕᖃᕐᕕᓂ ᐊᒻᒪᓗ ᐊᓯᓕᒫᖏᓐᓂ ᓇᐅᑐᐃᓐᓇᓂ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᕝᕕᖁᑎᖏᓐᓂ.

ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖓᑦ

  • ADU-01 ᐱᐅᓯᕐᓱᓯᐊᕐᓂᒧᑦ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂ ᐱᓇᓱᒐᕐᓂᓗ ᐃᓕᓐᓂᐊᑎᑕᐅᕕᓐᓂ ᐃᓕᓐᓂᐊᑐᑦ ᒪᓕᒐᖏᑦ

    ᑲᑎᕕᒃ ᐃᓕᓐᓂᐊᓂᓕᕆᓂᖅ ᓯᕗᓪᓕᐅᔨᒐᓱᐊᖏᓐᓇᐸᑉᐳᖅ ᐃᓕᓐᓂᐊᕕᖃᕐᑎᓯᓂᕐᒥᒃ ᐅᓚᐱᑕᐅᓐᓇᖏᑦᑐᓂᒃ ᐊᑦᑕᓇᖕᖏᑐᓂᒃ ᐃᓕᓐᓂᐊᑏᓪᓗ ᑭᖕᖒᒪᒋᔭᖏᓐᓂᒃ ᐃᑉᐱᒋᔭᖃᑦᓯᐊᑐᓂᒃ ᐱᓇᓱᑦᑏᓗ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂ ᐱᒋᐅᕐᓴᑎᑦᓯᕕᓐᓂᓗ

  • ADU-02 ᒪᓕᒐᖅ ᓄᓇᓕᒋᖕᖏᑕᒥᓄᑦ ᐃᓕᓐᓂᐊᕆᐊᕐᓯᒪᔪᓄᑦ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂ ᐱᒋᐅᕐᓴᑎᑦᓯᓂᕐᒥᓗ

    ᑖᒃᑯᐊ ᒪᓕᕷᕆᖅ ᓄᐃᑎᑕᐅᓯᒪᔪᑦ ᐊᑕᔪᒥᒃ ᐃᓕᓐᓂᐊᑐᑦ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂ ᐱᒋᐅᕐᓴᑎᑦᓯᓂᕐᒥᓗ ᓄᓇᓕᒋᖕᖏᑕᒥᓄᑦ ᐃᓕᓐᓂᐊᕆᐊᕐᓯᒪᔪᑦ ᑮᓇᐅᔭᖃᕐᑎᑕᐅᑦᓯᐊᖁᑦᓱᒋᑦ ᑮᓇᐅᔭᑐᕈᑎᒋᒋᐊᓕᒻᒥᓄᑦ.

  • ADU-03 ᑐᑭᒧᐊᒋᐊᑦᓯᐊᕈᑎᑦᓴᖅ ᐱᑦᔪᑎᓕᒃ ᓄᓇᕕᒻᒥ ᐱᒋᐅᕐᓴᕕᒻᒥ ᐃᓕᓵᑦ ᓯᓂᑦᑕᕕᖓᓂᒃ

    ᑖᓐᓇ ᑐᑭᒧᐊᒋᐊᑦᓯᐊᕈᑎᑦᓴᖅ ᒪᓕᒐᓕᐊᒍᓯᒪᔪᖅ ᐱᑦᔪᑎᖃᕐᓱᓂ ᐱᑦᓯᐊᕆᐊᖃᕐᓂᖏᓐᓂᒃ ᐃᓕᓵᑦ, ᓯᓂᑦᑕᕕᒻᒥᐅᓗ ᐳᓛᕐᑐᐃᓘᓐᓃᑦ ᓄᓇᕕᒻᒥ ᐱᒋᐅᕐᓴᕕᐅᑉ ᓯᓂᑦᑕᕕᖓᓂ ᐃᓕᓵᓄᑦ. ᑖᒃᑯᐊ ᒪᓕᒐᐃᑦ ᓇᓗᓇᐃᕐᓯᒍᑕᐅᒻᒥᔪᑦ ᖃᓄᐃᓕᒋᐊᕈᑎᑦᓴᓂᒃ ᐱᑦᓯᐊᖏᑦᑑᔪᖃᓕᕐᐸᑦ.

ᐱᓇᓱᑦᑎᓕᕆᕕᒃ

  • HR-01 ᐊᓂᕐᕋᑫᓐᓇᕈᑎᓄᑦ ᖃᖓᑦᑕᐅᑎᓄᑦ

    ᑖᒃᑯᐊ ᒪᓕᒉᑦ ᓄᐃᑕᑎᑦᓯᔪᑦ ᐊᑭᓕᕐᑐᑕᐅᒍᓯᖏᓐᓂᒃ ᐅᑎᕐᑕᐅᒍᑎᖏᓐᓂᓗ, ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᖏᑦᑕ, ᑮᓇᐅᔭᕐᑐᕈᑎᕕᓂᖏᓐᓂᒃ ᐆᒪᑕᖏᑦᑕᓗ ᑮᓇᐅᔭᕐᑐᕈᑎᕕᓂᖏᓐᓂᒃ ᐊᐅᓚᓂᕐᒥᓂ ᐊᓂᕐᕋᑫᓐᓇᕈᑎᒥᓂᒃ ᐊᑐᕐᓱᑎᒃ ᐱᓇᓱᐊᕐᕕᒥᓂᑦ ᓄᓇᓕᒻᒧᑦ ᐊᐅᓪᓚᕕᒋᓯᒪᔭᒥᓄᑦ. ᑖᒃᑯᐊ ᒪᓕᒉᑦ ᓄᐃᑕᑎᑦᓯᒥᔪᑦ ᒪᓕᒐᕐᓂᒃ ᐊᓂᕐᕋᑫᓐᓇᓱᑎᒃ ᐊᐅᓪᓚᑐᓄᑦ.


     

     

     

  • HR-02 ᒪᓕᒐᖅ ᐊᐅᓚᑦᓯᓂᓕᕆᔩᑦ ᑕᙯᕐᓯᓇᖏᓐᓄᑦ

    ᑖᓐᓇ ᒪᓕᒐᖅ ᓄᐃᑎᑕᐅᓯᒪᔪᖅ ᐊᐅᓚᑦᓯᓂᓕᕆᓂᕐᒥᒃ ᐱᓇᓱᑦᑏᑦ ᑖᙯᓯᓂᕐᒧᑦ ᐅᓪᓗᖁᑎᖏᑦᑕ ᐊᑐᕐᑕᐅᓂᖏᓐᓄᑦ ᑐᕌᖓᑦᓱᓂ. ᐊᐅᓚᑦᓯᔨᐅᑦᓱᑎᒃ ᐱᓇᓱᑦᑏᑦ ᐊᑭᓕᕐᑕᐅᒍᑎᖃᓲᒍᑦᔭᖏᒻᒪᑕ ᑫᕙᓪᓚᒍᓯᕐᒥᑕ ᐅᖓᑖᓄᑦ ᐃᑲᐅᕐᓂᓕᐅᕐᑐᕕᓂᐅᒐᓗᐊᕋᒥᒃ, ᐅᑎᕐᑕᐅᒍᑎᒋᒍᓐᓇᕋᔭᕐᑕᖏᑦ ᐃᓂᓪᓚᑕᐅᓯᒪᕗᑦ ᕿᑲᕐᕕᒋᒍᓇᖃᑦᑕᓂᐊᕐᑕᖏᓐᓂ ᐊᕐᕕᑕᕐᓂᕕᓂᕐᒥᓄᑦ, ᐅᓐᓄᓴᒃᑯᑦ ᐱᓇᓱᓐᓂᕈᑎᒃ ᐱᓇᓱᐊᕈᓯᐅᓪᓘᓃᑦ ᓄᖕᖑᐊᓂ ᐱᓇᓱᐊᖃᑦᑕᓂᕕᓂᕐᒥᓄᑦ.

  • HR-03 ᒪᓕᒉᑦ ᐅᐱᕐᖔᒥ/ᐊᐅᔭᒥ ᐱᓇᓱᓐᓇᓄᑦ ᑫᕙᓪᓚᒍᓯᕐᓄᑦ/ᐃᑲᐅᕐᓂᓄᑦ

    ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᓕ ᖏᑦ ᐱᓇᓱᒐᓖᑦ ᐊᑕᔪᒥᒃ ᐅᐱᕐᖔᒥ/ᐊᐅᔭᒥ ᐱᓇᓱᐊᕐᓂᒧᑦ ᑫᕙᓪᓚᒍᓯᖏᑦ/ᐃᑲᐅᕐᓂᖏᑦ ᐃᑭᓪᓕᒋᐊᕐᑕᐅᓯᒪᖃᑦᑕᓂᐊᕐᐳᑦ.

  • HR-04 ᐊᕐᕌᒍᑕᒫᑦ ᕿᑲᕐᓇᓄᑦ ᒪᓕᒉᑦ

    ᑖᒃᑯᐊ ᒪᓕᒉᑦ ᓄᐃᑎᑕᐅᓯᒪᕗᑦ ᐊᕐᕌᒍᑕ ᑦ ᕿᑲᕐᓀᑦ ᐱᓇᓱᑦᑏᑦ ᐊᑐᕈᓐᓇᑕᖏᑦ ᐱᓇᓱᒍᑦᔨᓂᕐᒧᑦ ᐊᖏᖃᑎᕷᕆᒍᑎᐅᓯᒪᔪᑦ ᐅᕝᕙᓗᓐᓃᑦ ᐊᓯᖏᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᐊᕐᓂᒧᑦ ᒪᓕᒐᖏᑦ ᑐᑭᓯᒪᔭᐅᑦᓯᐊᖁᑦᓱᒋᑦ.

  • HR-05 ᒪᓕᒉᑦ ᐱᓇᓱᑦᑎᓅᓕᖓᔪᑦ ᐊᑯᓂ ᐱᓇᓱᐊᕐᓯᒪᓕᕐᑐᓄᑦ ᑮᓇᐅᑦᔭᓵᒥᓂᑦ ᓄᐊᑦᓯᒍᒪᔪᓄᑦ ᑭᖃᕐᓗᑎᒃ ᐊᑐᕋᔭᕐᑕᒥᓂᒃ ᓄ

    ᑖᓐᓇ ᒪᓕᒐᖅ ᑐᑭᓯᓇᕐᑎᓯᔪᖅ ᑐᑦᓯᕋᐅᑎᓕᐅᕐᓂᐅᒍᓐᓇᑐᓂᒃ ᐱᓇᓱᑦᑎᓄᑦ ᑮᓇᐅᑦᔭᓵᒥᓂᒃ ᓄᐊᑦᓯᓚᐅᑲᓪᓗᑎᒃ ᕿᑲᕈᒪᒐᔭᕐᑐᓄᑦ ᐱᓇᓱᑦᑎᓄᑦ ᐊᑯᓂ ᐱᓇᓱᐊᕐᓯᒪᓕᕐᑐᒧᑦ ᑐᕌᖓᔪᖅ, ᐃᓚᒋᔭᐅᒋᐊᓪᓚᓱᓂ ᐱᓇᓱᒍᑦᔨᓂᕐᒧᑦ ᐊᖏᖃᑎᕷᕆᒍᑎᐅᓯᒪᔪᓄᑦ ᐅᕝᕙᓗᓐᓃᑦ ᐱᓇᓱᑦᑏᑦ ᒪᓕᒐᖏᓐᓄᑦ.

  • HR-07 ᐱᓇᓱᒐᕐᒥᓂᑦ ᕿᑲᓚᐅᕐᑐᑐᓄᑦ ᕿᓂᕐᓂᓄᑦ ᐱᖏᑦᑐᓯᐅᕐᓂᓄᓪᓗ

    ᑖᓐᓇ ᒪᓕᒐᖅ ᓄᐃᑦᓯᔪᖅ ᐱᖁᔭᕐᓂᒃ ᐃᓚᖏᓐᓂᒃ ᐱᓇᓱᒐᕐᒥᒃ ᕿᒣᓯᒪᑫᓪᓇᓂᕐᒨᓕᖓᔪᓂᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᑦᑎᓄᑦ ᐃᓚᐅᔪᓄᑦ ᕿᓂᕐᓂᓂ ᐊᓐᓇᑎᑦᓯᒐᓱᐊᕐᓂᓂᓪᓗ ᓄᓇᓖᑦ ᐃᓚᖏᓐᓂ.

  • HR-08 ᕿᑲᕐᓇᓄᑦ ᐊᑭᓕᕐᑐᑕᐅᒍᓐᓇᑐᓄᑦ ᒪᓕᒉᑦ

    ᑖᓐᓇ ᒪᓕᒐᖅ ᑐᑭᓯᓇᕐᑎᓯᔪᖅ ᐱᓇᓱᑦᑎᓄᑦ ᕿᑲᕐᓇᕆᔭᐅᒍᓐᓇᑐᓂᒃ ᐊᑭᓕᕐᑐᐃᒍᑎᐅᓗᑎᒃ ᐱᓇᓱᒍᑦᔨᓂᕐᒧᑦ ᐊᖏᖃᑎᖏᒍᑏᑦ ᒪᓕᑦᓱᒋᑦ ᐅᕝᕙᓗᓐᓃᑦ ᐱᓇᓱᐊᕐᓂᒧᑦ ᒪᓕᒐᐅᔪᑦ ᒪᓕᑦᓱᒋᑦ.

  • HR-09 ᐃᓕᖓᔪᖅ ᐱᓇᓱᒐᕐᒥᓂᒃ ᕿᑲᕐᑐᓄᑦ ᑮᓇᐅᑦᔭᓴᕋᑎᒃ ᐱᓇᓱᕝᕕᐅᑉ ᓯᓚᑖᓂ ᐱᓇᓱᒋᐊᕐᑐᓯᒪᔪᓄᑦ

    ᐃᓕᓐᓂᐊᓂᓕᕆᕕᒃ ᐱᓇᓱᑦᑎᒥᓂᒃ ᑫᓪᓚᑐᐃᒍᑎᑦᓴᓂᒃ ᓄᐃᑦᓯᒍᑎᖃᕐᓯᒪᕗᖅ ᐃᓚᐅᕕᖃᕐᑎᓯᓂᕐᒥᒃ ᐱᕕᑦᓴᖃᕐᑎᓯᓂᒃᑯᑦ ᐱᓇᓱᐊᕐᓂᑯᑦ ᐱᓂᐊᕐᓂᐅᔪᓄᓪᓗ ᐃᓚᐅᕕᖃᕐᑎᓯᓂᕐᒥᒃ ᐱᕙᓪᓖᒍᑎᐅᓚᖓᔪᓄᑦ ᓄᓇᕕᒻᒥ ᓄᓇᕕᒻᒥᐅᓗ ᐃᓄᖏᑦᑕ ᖃᓄᐃᖕᖏᓯᐊᕐᓂᒦᒋᐊᖃᕐᓂᖏᓐᓄᑦ.

  • HR-11 ᒪᓕᒉᑦ ᐱᓇᓱᑦᑎᑖᖑᒐᓱᐊᕐᑐᑦ ᐊᓪᓚᖁᑎᖏᓐᓂᒃ ᖃᐅᔨᓴᕐᓂᒧᑦ

    ᑖᒃᑯᐊ ᒪᓕᒉᑦ ᐱᖁᔭᖃᕐᑎᓯᕗᑦ ᖃᐅᔨᓴᕐᓂᒨᓕᖓᔪᓂᒃ ᐱᓇᓱᒐᕐᑖᕋᓱᐊᕐᑑᑉ ᓯᕗᓪᓕᒥ ᐱᓇᓱᒐᖃᕐᕕᕕᓂᖏᓐᓂᒃ ᐃᓕᓐᓂᐊᓂᓕᕆᓂᕐᒧᑦ ᐱᓇᓱᑦᑎᑖᕆᔭᐅᖕᖏᓂᕐᒥᓂ.

  • HR-12 ᒪᓕᒉᑦ ᐅᐃᒪᓇᕐᑐᑎᒍᑦ ᐊᐅᓪᓚᐅᔭᐅᒋᐊᓕᓐᓄᑦ ᐋᓐᓂᐊᓂᕐᒥᓄᑦ

    ᑖᒃᑯᐊ ᒪᓕᒉᑦ ᓄᐃᑎᑕᐅᓯᒪᔪᑦ ᐊᑭᓖᒍᑎᐅᒐᔭᕐᑐᓂᒃ ᐱᓇᓱᑦᑏᑦ ᐆᒪᑕᖏᓪᓘᓃᑦ ᐊᐅᓪᓚᐅᔭᐅᒋᐊᖃᕐᑐᕕᓂᐅᑐᐊᕐᒪᑕ ᐋᓐᓂᐊᓂᕐᒧᑦ ᐅᐃᒪᓇᕐᑐᑯᑦ.

  • HR-13 ᒪᓕᒉᑦ ᐱᕙᓪᓕᖁᑎᑖᕆᔭᐅᕙᑦᑐᓄᑦ ᐊᖏᖃᑎᒌᓐᓂᒧᑦ ᐃᓚᐅᒍᑎᓕᓐᓄᑦ ᐱᓇᓱᐊᕐᐸᑐᓄᑦ ᒪᓐᑐᔨᐊᒥ

    ᑖᒃᑯᐊ ᒪᓕᒉᑦ ᓄᐃᑎᑕᐅᓯᒪᕗᑦ ᐃᓚᐅᒍᑎᖃᕐᓱᑎᒃ ᐊᖏᖃᑎᕷᕆᓐᓂᒧᑦ ᐱᓇᓱᑦᑏᑦ ᐱᓇᓱᐊᕐᕕᖃᕐᑐᑦ ᒪᓐᑐᔨᐊᒥ ᓈᒻᒪᕕᐅᑦᓯᐊᖁᑦᓱᒋᑦ ᓇᓪᓕᖁᐊᕇᒥᓪᓗ ᐱᐅᓯᖃᕐᕕᐅᖁᑦᓱᒋᑦ.

  • HR-14 ᐱᒍᓐᓇᐅᑎᓕᓐᓂᒃ ᐃᓕᓐᓂᐊᑎᑦᓯᔨᓂᒃ ᑮᓇᐅᔦᑦ ᐃᑲᔪᕐᓯᒍᑏᑦ ᒪᓕᒐᖏᑦ

    ᐱᒍᓐᓇᐅᑎᓕᓐᓂᒃ ᐃᑲᔪᕐᓯᒪᐅᑏᑦ ᑮᓇᐅᔦᑦ ᐱᕕᑦᓴᖃᕐᑎᓯᒍᑎᐅᔪᑦ ᐃᑲᔪᕐᓯᒍᑎᑦᓴᕆᐊᓪᓚᐅᑎᓪᓗᒋᑦ ᐃᓕᓐᓂᐊᑎᑦᓯᔩᑦ ᐃᓕᑦᓯᓯᒪᔭᖏᓐᓂᒃ, ᐱᔪᓐᓇᑕᖏᓐᓂᒃ ᐱᒍᓐᓇᓂᖏᓐᓂᓗ ᐱᓇᓱᒐᕐᒥᒍᑦ ᐃᓕᓐᓂᐊᓂᓕᕆᓂᐅᑉ ᐃᓗᐊᓂ. ᑖᓐᓇ ᒪᓕᒐᖅ ᒪᓕᒐᐅᔪᓂᒃ ᐊᑐᓕᕐᑎᓯᒍᑎᐅᔪᖅ ᐱᒍᓐᓇᐅᑎᓕᓐᓂᒃ ᐃᑲᔪᕐᓯᒪᓂᕐᒧᑦ ᑮᓇᐅᔦᑦ ᐃᓕᓐᓂᐊᑎᑦᓯᔨᓄᑦ ᑐᕌᖓᑦᓱᑎᒃ ᐃᓕᓐᓂᐊᓂᓕᕆᕕᒻᒥ ᐱᓇᓱᑦᑐᓄᑦ ᐊᕕᑦᑐᓯᒪᔪᒦᑦᑐᖅ 7-0.00ᒥ ᒪᓕᑦᓱᒍ ᐃᓕᓐᓂᐊᑎᑦᓯᔩᑦ ᐊᖏᖃᑎᕷᕆᒍᑎᖓᓂᑦ.

  • HR-15 ᐱᒍᓐᓇᐅᑎᓖᑦ ᐱᓇᓱᑦᑏᑦ ᐃᓕᓐᓂᐊᑎᑦᓯᔨᐅᖕᖏᑐᑦ ᐱᕙᓪᓕᖁᑎᑦᓴᖏᓐᓄᑦ ᑮᓇᐅᔦᑦ ᒪᓕᒐᖏᑦ

    ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᑕᕐᓯᒪᕗᖅ ᐱᒻᒪᕆᐅᓂᖓᓂᒃ ᐱᒍᓐᓇᐅᑎᓖᑦ ᐱᓇᓱᑦᑏᑦ ᐃᑲᔪᕐᓯᔭᐅᖃᑦᑕᑐᑦᓴᐅᒋᐊᖏᑦ ᐱᓇᓱᒐᕐᒥᒍᑦ, ᐱᓇᓱᑦᑎᓂᒃ ᐱᕕᑦᓴᖃᕐᑎᓯᒍᑎᐅᑦᓱᓂ ᐱᓇᓱᐊᒐᒃᑯᑦ ᓄᑖᓂᒃ ᐃᓕᓐᓂᐊᑎᑦᓯᒍᓯᕐᓂᒃ ᐱᕙᓪᓕᐊᑎᑦᓯᓂᖅ. ᑮᓇᐅᔦᑦ ᐱᕙᓪᓚᖁᑏᑦ ᐱᕕᑦᓴᖃᕐᑎᓯᕗᑦ ᐱᒍᓐᓇᐅᑎᓕᓐᓂᒃ ᐃᓕᓐᓂᐊᑎᑦᓯᔨᐅᖕᖏᑐᓂᒃ ᐃᓕᑦᓯᓯᒪᔭᖏᓐᓂᒃ, ᐱᔪᓐᓇᑕᖏᓐᓂᒃ ᐱᒍᓐᓇᓂᖏᓐᓂᓗ ᐱᓇᓱᒐᕐᒥᒍᑦ ᐱᕈᕐᐸᓕᐊᑎᑦᓯᓂᕐᒥᒃ ᐃᓕᓐᓂᐊᓂᓕᕆᓂᐅᑉ ᐃᓗᐊᓂ. ᑖᓐᓇ ᒪᓕᒐᖅ ᒪᓕᒐᐅᔪᓂᒃ ᐊᑐᓕᕐᑎᓯᒍᑎᐅᕗᖅ ᐱᒍᓐᓇᐅᑎᓕᓐᓂᒃ ᐃᑲᔪᕐᓯᒪᓂᕐᒧᑦ ᑮᓇᐅᔦᓪᓗ ᐃᓕᓐᓂᐊᑎᑦᓯᔨᓄᑦ ᑐᕌᖓᕗᑦ ᐃᓕᓐᓂᐊᓂᓕᕆᕕᒻᒥ ᐱᓇᓱᑦᑐᓄᑦ ᐊᕕᑦᑐᓯᒪᔪᒦᑦᑐᖅ 7-10.00ᒥ ᒪᓕᑦᓱᒍ ᐱᒍᓐᓇᐅᑎᓖᑦ ᐱᓇᓱᑦᑏᑦ ᐊᖏᖃᑎᕷᕆᒍᑎᖓᓂ.

  • HR-16 ᐱᓇᓱᑦᑎᑐᐃᓐᓀᑦ ᐱᒋᐅᕐᓴᔭᐅᒋᐊᓪᓛᓂᕐᒧᑦ ᑮᓇᐅᔭᖃᕐᑎᓯᒍᑎᖏᑦᑕ ᑐᑭᒧᐊᒍᑎᖏᑦ

    ᑲᑎᕕᒃ ᐃᓕᓐᓂᐊᓂᓕᕆᓂᖅ ᐅᑉᐱᒋᔭᖃᓪᓚᕆᑦᑐᖅ ᐱᒻᒪᕆᐅᓂᖓᓂᒃ ᓱᕐᖁᐃᓯᒪᒋᐊᖃᕐᓂᐅᑉ ᐱᓇᓱᑦᑎᑐᐃᓐᓇᒥᑕ ᐱᒍᓐᓇᓯᓕᐅᒥᒋᐊᕈᑎᑦᓴᖏᓐᓂᒃ. ᑐᑭᒧᐊᒍᑏᑦ ᒪᓕᒐᖏᓐᓂᒃ ᐋᕐᕿᓯᒪᑎᑦᓯᔪᑦ ᐊᑐᕐᑕᐅᒍᓐᓇᑐᓂᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᑦᑎᑐᐃᓐᓇᓂᒃ ᐱᒍᓐᓇᓯᓕᐅᒥᒋᐊᕈᑎᑦᓴᖏᓐᓄᑦ ᑮᓇᐅᔭᖃᕐᑎᓯᒍᑎᓂᒃ ᒪᓕᑦᓱᒋᑦ ᐊᑐᐊᒐᕐᓃᑐᑦ 5-7.00-ᒥ ᐱᓇᓱᑦᑎᑐᐃᓐᓀᑦ ᐱᓇᓱᒍᑦᔨᓂᖏᑦᑕ ᐊᖏᖃᑎᕷᕆᒍᑎᖏᓐᓂ. ᓱᕐᖁᐃᓯᒪᑎᑦᓯᔪᖅ ᒪᓕᒐᖓᓂᒃ ᐊᐅᓚᑦᓯᓂᐅᑉ ᐊᑐᐃᓐᓇᕈᕐᑎᓂᕐᒥ, ᐃᓂᓪᓚᑎᕆᓂᕐᒥ, ᐊᖏᕐᓂᒥ, ᐊᐅᓚᑦᓯᓂᖃᕐᓂᒥ ᓇᐅᑦᓯᑐᕐᓂᒥᓪᓗ ᐱᓇᓱᑦᑏᑦ ᐱᒍᓐᓇᓯᓕᐅᒥᒋᐊᕈᑎᑦᓴᖏᓐᓂᒃ ᓱᑎᑦᓯᒍᑎᓂ.

  • HR-17 ᐱᒍᓐᓇᐅᑎᓖᑦ ᐱᒍᓐᓇᓯᓕᐅᒥᒋᐊᕈᑎᑦᓴᖏᓐᓄᑦ ᑮᓇᐅᔭᖃᕐᑎᓯᓂᕐᒥ ᐊᐅᓚᑦᓯᓂᓕᕆᔨᓄᑦ

    ᑲᑎᕕᒃ ᐃᓕᓐᓂᐊᓂᓕᕆᓂᖅ ᐱᒻᒪᕆᐅᔪᖁᑎᖃᕐᖁᖅ ᐱᒍᓐᓇᐅᑎᓖᑦ ᐱᒍᓐᓇᓯᓕᐅᒥᒋᐊᖃᕐᓂᖏᓐᓂᒃ, ᐊᐅᓚᑦᓯᓂᓕᕆᓂᕐᒥᒃ ᐱᓇᓱᑦᑎᖁᑎᒥᓐᓂᒃ ᖃᐅᔨᒪᓂᕐᑖᒋᐊᓪᓚᑎᑦᓯᒐᔭᕐᑐᓂᒃ ᐱᓇᓱᐊᕈᓐᓇᒋᐊᖃᕐᓂᖏᓐᓄᑦ ᑎᓕᔭᐅᒪᐅᑎᒻᒥᓂᒃ ᐱᔪᓐᓇᓂᕐᑖᓂᓐᓄᓗ ᓄᑖᓂᒃ ᐱᐅᓯᕐᑖᓂᕐᒧᓘᓐᓃᑦ ᐱᓇᓱᒐᖃᓐᓂᒨᕐᐸᓕᐊᔪᓂᒃ.

  • HR-18 ᐱᓇᓱᒐᕐᒥᒃ ᓄᕐᖃᖓᑫᓐᓇᓃᑦ ᐊᑭᓕᕐᑐᑕᐅᙱᑐᓂᒃ ᒪᓕᒐᖏᑦ

    ᑖᒃᑯᐊ ᒪᓕᒉᑦ ᐱᖁᔭᖃᕐᑎᓯᕗᑦ ᐱᓇᓱᒐᕐᓂᒃ ᓄᕐᖃᖓᑫᓐᓇᓂᕐᒨᓕᖓᔪᓂᒃ ᐊᑭᓕᕐᑐᑕᐅᙱᑐᓂᒃ ᐱᑦᔪᑎᑦᓯᐊᓂᒃ ᐱᑦᔪᑎᖃᕐᓱᑎᒃ ᒪᓕᒐᖃᕐᑎᓯᒍᑎᐅᙱᑐᓂᒃ ᐱᓇᓱᒍᑦᔨᓂᕐᒧᑦ ᐊᖏᖃᑎᒌᒍᑎᓂ ᐊᓯᖏᓐᓂᓘᓐᓃᑦ ᐱᓇᓱᒐᖃᕐᓂᐅᑉ ᖃᓄᐃᑦᑐᒦᓐᓂᖃᕐᑎᑕᐅᒍᑎᖏᓐᓂ.    

ᑮᓇᐅᔭᓕᕆᓂᒃᑯᑦ ᐊᐅᓚᑦᓯᓂᓕᕆᓂᖅ

  • FIN-01 ᒪᓕᒉᑦ ᐱᓇᓱᒋᐊᕐᑐᓱᑎᒃ ᐊᐅᓪᓚᖃᑦᑕᑐᑦ ᓂᕈᐊᕐᑕᐅᓯᒪᑦᓱᑎᒃ ᑭᒡᒐᑐᑦᑎᐅᔪᓄᑦ

    ᑖᓐᓇ ᒪᓕᒐᖅ ᓄᐃᑕᑎᑦᓯᔪᖅ ᐊᑭᓕᕐᑐᐃᓂᕐᒧᑦ ᑮᓇᐅᔭᕐᑐᕈᑎᐅᔪᕕᓂᕐᓂᓗ ᐊᑭᓖᓂᕐᒧᑦ ᒪᓕᑦᑕᐅᒋᐊᓕᓐᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᑦᑎᓄᑦ ᐱᓇᓱᒋᐊᕐᑐᓱᑎᒃ ᐊᐅᓪᓚᑲᑦᑕᓲᓄᑦ. ᑖᓐᓇ ᒪᓕᒐᖅ ᓄᐃᑕᑎᑦᓯᒥᔪᖅ ᐱᓇᓱᒋᐊᕐᑐᓱᑎᒃ ᐊᐅᓚᓲᑦ ᒪᓕᒐᖏᓐᓂᒃ.

  • FIN-02 ᒪᓕᒉᑦ ᐱᓇᓱᑦᑎᓄᑦ ᐱᓇᓱᒋᐊᕐᑐᓱᑎᒃ ᐊᐅᓪᓚᖃᑦᑕᑐᓄᑦ

    ᑖᓐᓇ ᑐᑭᒧᐊᑦᓯᐊᕈᑎᒃ ᓄᐃᑕᑎᑦᓯᔪᖅ ᐊᑭᓕᕐᑐᐃᓂᕐᒧᑦ ᑮᓇᐅᔭᕐᑐᕈᑎᐅᔪᕕᓂᕐᓂᓗ ᐊᑭᓖᓂᕐᒧᑦ ᒪᓕᑦᑕᐅᒋᐊᓕᓐᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᑦᑎᓄᑦ ᐱᓇᓱᒋᐊᕐᑐᓱᑎᒃ ᐊᐅᓪᓚᑲᑦᑕᓲᓄᑦ. ᑖᓐᓇ ᑐᑭᒧᐊᑦᓯᐊᕈᑎᒃ ᓄᐃᑕᑎᑦᓯᒥᔪᖅ ᐱᓇᓱᒋᐊᕐᑐᓱᑎᒃ ᐊᐅᓚᓲᑦ ᒪᓕᒐᖏᓐᓂᒃ.

  • FIN-03 ᒪᓕᒉᑦ ᐃᓕᓐᓂᐊᕖᑦ ᑮᓇᐅᔭᖁᑎᖏᓐᓂᒃ ᐊᐅᓚᑦᓯᓂᕐᓄᑦ ᓄᓇᓕᒻᒥᓗ ᑮᓇᐅᔭᒃᑯᕕᓐᓂᒃ

    ᐱᒍᑦᔨᒍᑎᐅᔪᑦ ᐃᓕᓐᓂᐊᕕᓐᓄᑦ ᐃᕐᐸᑎᑕᐅᕙᓪᓕᐊᓂᖏᓐᓄᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᓯᕗᓪᓕᐸᐅᑦᔨᒐᓱᐊᕐᓱᒍ ᐱᓇᓱᐊᕋᓱᐊᕐᒪᒍ ᑌᒣᓐᓂᖓᓄᑦ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᖏᑦ ᑮᓇᐅᔭᖁᑎᓂᒃ ᐊᐅᓚᑦᓯᒋᐊᖃᖃᑦᑕᒪᑕ ᓇᓪᓕᐊᒍᑐᐃᓐᓇᖅ ᑌᒪᖕᖓᓕ ᖅ ᑖᒃᑯᐊ ᑮᓇᐅᔦᑦ ᐊᐅᓚᑕᐅᓂᕐᓗᓯᒪᒋᐊᖃᖕᖏᒪᑕ, ᐃᓕᓐᓂᐊᕕᐅᑉ ᑮᓇᐅᔭᖁᑎᖏᓗᐊᖕᖑᐊᖅ.

ᐱᐅᒃᑯᑏᑦ, ᐃᓪᓗᖁᑏᑦ ᐊᐅᓚᒍᑏᓪᓗ

  • EQU-01 ᑐᑭᒧᐊᒍᑎᑦᓭᑦ ᐱᑦᔪᑎᓖᑦ ᓂᐅᕕᐊᑦᓴᓂᒃ, ᐱᒍᑦᔭᐅᓂᕐᓂᒃ ᓴᓇᔨᓄᓪᓗ ᐊᖏᖃᑎᒌᒍᑎᑎᒍᑦ ᐱᒍᑦᔭᐅᓂᕐᓂᒃ

    ᑖᓐᓇ ᑐᑭᒧᐊᒍᑎᒃ ᑐᖕᖓᕕᓕᐅᕈᑎᒃ ᐱᓇᓱᐊᕐᑕᐅᔪᑦᓴᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᓂᐅᕕᐊᑦᓴᓄᑦ, ᐱᒍᑦᔭᐅᓂᕐᓄᑦ ᓴᓇᓂᕐᓄᓗ ᖃᐅᔨᒪᑎᑦᓯᒍᑎᑦᓴᐅᓱᓂᓗ ᒪᓕᒐᕐᓂᒃ ᐊᖏᖃᑎᒌᒍᑎᑎᒍᑦ ᐱᒍᑦᔭᐅᒍᑎᓅᓕᖓᔪᓂᒃ. ᑖᓐᓇ ᒪᓕᒐᖅ ᑐᖕᖓᕕᓕᒃ ᖃᐅᔨᒋᐊᕐᕕᐅᓯᒪᔪᓂᒃ ᑕᑲᒃᑯᓂᖓ ᐊᒡᓚᖁᑎᓂᓪᓗ

     

  • EQU-02 ᒪᓕᒐᖅ ᐃᓕᓐᓂᐊᓂᓕᕆᓂᐅᑉ ᐱᖁᑎᖏᑦᑕ ᐃᓱᕐᕉᑎᖏᑦᑕᓗ ᐊᑐᕐᑕᐅᓂᖏᓐᓄᑦ ᓄᓇᓕᒻᒧᑦ ᐊᓯᖏᓐᓂᓗ ᑎᒥᐅᔪᓄᑦ

    ᐃᓕᓐᓂᐊᓂᓕᕆᓂᖅ ᐃᓱᕐᕉᑎᒥᓂᒃ ᐱᖁᑎᒥᓂᓪᓗ ᐊᑐᕐᑕᐅᔪᑦᓴᖁᑎᖃᕐᐳᖅ ᐃᓄᓐᓄᑦ ᑎᒥᐅᔪᓄᓪᓗ, ᑕᒪᒃᑯᐊ ᐊᑦᑕᑐᕐᑐᑦ ᐃᓕᓐᓂᐊᕕᐅᑉ ᐱᓇᓱᐊᕐᓂᖓᓂᒃ ᐅᓚᐱᑦᓯᓂᐊᖕᖏᑐᐊᕐᐸᑕ. ᑲᑎᕕᒃ ᐃᓕᓐᓂᐊᓂᓕᕆᓂᖅ ᓄᓇᓕᒻᒥᐅᓄᑦ ᐊᑐᐃᓐᓇᐅᑎᑦᓯᒍᒪᕗᖅ ᐱᖁᑎᒥᓂᒃ ᐃᓱᕐᕉᑎᒥᓂᓪᓗ ᐃᓕᓐᓂᐊᓇᐅᑉ ᓯᓚᑖᒍᑦ ᐊᑐᕐᑕᐅᒍᓐᓇᓂᐊᕐᑎᓗᒋᑦ.

  • EQU-03 ᒪᓕᒐᖅ ᐃᓕᓐᓂᐊᕕᑐᐃᓐᓇᓂᒃ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂᓗ ᐱᓇᓱᑦᑏᑦ ᐊᓂᕐᕋᖃᕐᑎᑕᐅᓂᖏᓐᓄᑦ

    ᑖᒃᑯᐊ ᒪᓕᒉᑦ ᓄᐃᑕᑎᑦᓯᒍᑎᐅᔪᑦ ᒪᓕᒐᕆᔭᐅᒋᐊᓕᓐᓂᒃ ᐃᓪᓗᖃᕐᑎᑕᐅᓂᕐᒧᑦ ᐃᓕᓐᓂᐊᕕᐅᑉ ᐱᓇᓱᑦᑎᖏᓐᓄᑦ ᐃᓕᓐᓂᐊᕕᑐᐃᓐᓇᓂ ᐃᓄᒻᒪᕇᓪᓗ ᐃᓕᓐᓂᐊᑎᑕᐅᕕᖏᓐᓂ ᐊᒻᒪᓗ ᓄᓇᕕᒻᒥ ᐱᒋᐅᕐᓴᕕᒻᒥ ᐱᓇᓱᑦᑎᓄᑦ.

  • EQU-04 ᒪᓕᒉᑦ ᐃᑯᐊᓪᓚᑐᓕᕆᓂᕐᒧᑦ ᐅᐃᒪᓇᕐᑐᒥᓪᓗ ᐃᓕᓐᓂᐊᕕᒻᒦᑐᓄᑦ ᐊᓂᑎᑦᓯᓂᕐᒧᑦ

    ᐃᓕᓐᓂᐊᕕᐅᑉ ᐊᐅᓚᑦᓯᓂᓕᕆᔨᖏᑦ ᐃᓕᓐᓂᐊᕕᓱᐃᓐᓇᒥ ᐃᓄᒻᒪᕇᓪᓗ ᐃᓕᓐᓂᐊᑎᑕᐅᕕᖏᓐᓂ ᑲᒪᒋᔭᖃᕆᐊᖃᕐᐳᖅ ᐃᓕᓐᓂᐊᓇᐅᑉ ᐊᕐᕌᒍᖓ ᐊᑑᑎᑎᓪᓗᒍ ᐃᑯᐊᓪᓚᑐᖃᓕᕐᓂᐸᑦ ᐅᐃᒪᓇᕐᑐᒥᒃ ᐊᓂᒋᐅᕐᓴᑎᑦᓯᓂᕐᒥᒃ ᖃᓄᐃᓘᕐᓂᐅᒐᔭᕐᑐᓂᓪᓗ ᑐᑭᓯᒪᑎᑦᓯᓂᕐᒥᒃ.

  • EQU-05 ᒪᓕᒐᖅ ᐃᓕᓐᓂᐊᓂᓕᕆᓂᐅᑉ ᐃᖏᕐᕋᐅᑎᖏᓐᓂᒃ ᐊᑐᕐᓂᒧᑦ

    ᐃᓕᓐᓂᐊᓂᓕᕆᓂᖅ ᐃᖏᕐᕋᐅᑎᖃᕐᒪᑦ ᐱᓇᓱᐊᕐᓂᒥᓄᑦ ᐊᑐᕐᐸᑕᒥᓂᒃ ᑖᒃᑯᐊ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑕᐅᓂᖓᓄᑦ ᑭᐊᓂ ᑐᕌᖓᒋᐊᖃᕐᐳᑦ. ᐃᓕᓐᓂᐊᓂᓕᕆᓂᐅᑉ ᐃᖏᕐᕋᐅᑎᖏᓐᓂᖅ ᐊᑐᕐᓂᖅ ᓇᒻᒥᓂᕐᒨᓕᖓᑎᓪᓗᒍ ᐊᑑᑎᔭᐅᔪᑦᓴᐅᖏᓪᓚᖅ. ᑭᓯᐊᓂ, ᐱᓇᓱᑦᑎ ᐊᑐᐃᓐᓇᐅᒋᐊᖃᕐᓂᐸᑦ ᐃᓕᓐᓂᐊᓂᓕᕆᓂᖅ ᐱᓪᓗᒍ ᐅᐃᒪᓇᕐᓯᔪᖃᕐᐸᑦ, ᓄᓇᒃᑰᔫᒥᒃ ᐊᑐᕈᓐᓇᑐᖅ ᐱᓇᓱᓐᓇᐅᑉ ᓯᓚᑖᒍᑦ ᒪᓕᓪᓗᒋᑦ ᐅᑯᐊ.

  • EQU-06 ᒪᓕᒉᑦ ᐅᖄᓚᐅᑎᓄᑦ ᓱᑲᒃᑐᑯᕐᑎᓯᒍᑎᓄᑦ, ᐊᑦᔨᒌᓕᐅᕈᑎᓄᓪᓗ ᐊᑐᕐᓂᒧᑦ

    ᑖᒃᑯᐊ ᒪᓕᒉᑦ ᓄᐃᑎᑕᐅᓯᒪᕗᑦ ᐅᖄᓚᐅᑏᑦ ᓱᑲᑦᑐᑯᓪᓗ ᐊᐅᓪᓚᑎᑦᓯᒍᑏᑦ ᐊᑦᔨᕷᕆᓕᐅᕈᑏᓪᓗ ᐊᑐᕐᑕᐅᓂᖏᓐᓄᑦ ᐃᓕᓐᓂᐊᕕᓐᓂ, ᐃᓕᓐᓂᐊᕆᐊᓪᓛᕕᓐᓂᓗ, ᐊᓪᓚᕕᒻᒪᕆᒻᒥᓗ ᐊᓯᖏᓐᓂᓗ ᐃᓕᓐᓂᐊᓂᓕᕆᓂᐅᑉ ᐱᓇᓱᐊᕐᕕᖁᑎᖏᓐᓂ.

  • EQU-07 ᑐᑭᒧᐊᒋᐊᑦᓯᐊᕈᑎᑦᓴᖓ ᐱᓇᓱᑦᑎᖏᑦᑕ ᐃᓕᓐᓂᐊᓂᓕᕆᕕᐅᑉ ᑰᔾᔪᐊᒦᑦᑐᒥ ᐊᐅᓚᑦᓯᓂᓕᕆᕕᒻᒥ

    ᑖᓐᓇ ᒪᓕᒐᖅ ᒪᓕᒐᓕᐅᕈᑕᐅᓯᒪᔪᖅ ᑰᔾᔪᐊᒦᑦᑑᑉ ᐃᓕᓐᓂᐊᓂᓕᕆᓂᐅᑉ ᐊᐅᓚᑦᓯᓂᓕᕆᕕᖓᓂ ᐱᓇᓱᑦᑏᑦ ᐃᒡᓗᖏᓐᓅᓕᖓᔪᓂᒃ, ᐃᒡᓗᖃᕐᑎᑕᐅᓂᕐᒥᒃ, ᐊᑐᕐᑕᐅᒋᐊᖃᕐᓂᖏᓐᓂᒃ ᖃᓄᐃᓕᖓᒋᐊᖃᕐᓂᖏᓐᓂᓗ. ᒪᓕᒉᑦ ᓄᓇᓕᒻᒥ ᐃᓕᓴᕐᕕᒥ ᐱᓇᓱᑦᑎᓅᓕᖓᔪᑦ ᐱᓇᓱᑦᑐᓄᑦ ᐃᓕᓐᓂᐊᕕᑐᐃᓐᓇᓂ, ᐃᓄᒻᒪᕇᓪᓗ ᐃᓕᓐᓂᐊᕕᖏᓐᓂ, ᐱᒋᐅᕐᓴᔭᐅᕕᓐᓂ ᐊᒻᒪᓗ ᐱᓇᓱᑦᑐᓄᑦ ᓄᓇᓕᓕᒫᓂ ᓯᖁᒥᓯᒪᔪᕐᓂᐊᓂᕐᒥᒃ ᐊᓯᐊᓄᑦ ᒪᓕᒐᕐᒧᑦ ᐊᐅᓚᑕᐅᓂᖃᕐᒥᔪᑦ.

  • TRA-01 ᒪᓕᒉᑦ ᐱᓇᓱᑦᑏᑦ ᐱᐅᓕᓂᐊᒐᕐᒥᓂᒃ ᓴᓂᕐᕓᓯᒪᓂᖏᓐᓄᑦ

    ᑖᓐᓇ ᒪᓕᒐᖅ ᑐᑭᓯᓇᕐᑎᓯᔪᖅ ᐱᓇᓱᑦᑏᑦ ᐱᐅᓕᓂᐊᒐᖏᑦᑕ ᓴᓂᕐᕙᑕᐅᓯᒪᒍᑎᖏᓐᓄᑦ ᐱᓇᓱᑦᑎᓅᓕᖓᔪᖅ ᐱᕙᓪᓕᖁᑎᑕᕈᓐᓇᑐᓄᑦ ᑕᒪᑐᒥᖓ ᐱᓇᓱᒍᑦᔨᓂᕐᒧᑦ ᐊᖏᖃᑎᒌᒍᑎᐅᔪᑦ ᐊᓯᖏᓪᓗ ᐱᓇᓱᐊᕐᓂᒧᑦ ᒪᓕᒐᐅᔪᑦ ᒪᓕᓪᓗᒋᑦ. ᑕᒪᒃᑯᐊ ᒪᓕᒉᑦ ᑐᕌᖓᖕᖏᑐᑦ ᐱᓇᓱᒐᖏᑦ ᓄᑦᑎᑕᐅᔪᓄᑦ.

  • TRA-02 ᒪᓕᒉᑦ ᖃᖓᑦᑕᔫᓂᒃ ᐊᑦᑕᑐᕐᓂᒧᑦ ᐱᓇᓱᒋᐊᕐᑐᓱᑎᒃ ᐊᓂᕐᕋᑫᓐᓇᓱᑎᓪᓗ ᐊᐅᓪᓚᑐᓄᑦ

    ᐊᐅᓚᒍᑎᓕᕆᕕᒃ ᑲᒪᔨᐅᒋᐊᖃᕐᐳᖅ ᖃᖓᑦᑕᔫᑦ/ᑎᒻᒥᔫᑦ ᐊᑦᑕᑐᕐᑕᐅᓂᖏᓐᓂᒃ ᐱᓇᓱᒋᐊᕐᑐᑐᓄᑦ ᐊᓂᕐᕋᑫᓐᓇᑐᓄᓪᓗ ᐅᓪᓗᓕᐅᕇᕐᓯᒪᔪᑦ ᐃᑭᕕᐅᒍᓐᓇᖏᑐᐊᕐᐸᑕ ᐅᕝᕙᓗᓐᓃᑦ ᑌᒣᓕᖓᔪᒥᒃ ᐋᕐᕿᓯᒪᓂᖃᕐᓗᓂ ᐊᐅᓚᓂᐅᔪᖅ ᐊᑭᑭᓐᓂᓴᐅᓂᐊᑐᐊᕐᐸᑦ.

  • TRA-03 ᓂᖀᑦ, ᐱᖁᑏᑦ ᐊᒻᒪᓗ ᐱᐅᓕᓂᐊᒉᑦ ᐅᓯᔭᐅᑎᑕᐅᓂᖏᓐᓄᑦ ᒪᓕᒉᑦ ᓄᓇᕕᒻᒥ ᐱᓇᓱᑦᑎᓄᑦ

    ᑖᓐᓇ ᒪᓕᒐᖅ ᓄᐃᑕᑎᑦᓯᔪᖅ ᐱᓇᓱᑦᑏᑦ ᐱᓇᓱᐊᕐᕕᖃᕐᑐᑦ ᓄᓇᕕᒻᒥ ᐅᓯᔭᐅᑎᑦᓯᒍᑎᖏᓐᓂᒃ, ᐱᕙᓪᓕᖁᑎᑖᕈᓐᓇᑐᓄᑦ ᐱᓇᓱᒍᑦᔨᓂᕐᒧᑦ ᐊᖏᖃᑎᕷᕆᒍᑏᑦ ᒪᓕᑦᓱᒋᑦ ᐅᕝᕙᓘᓐᓃᑦ ᐱᖁᔮᐱᓐᓂ ᐱᓇᓱᑦᑎᐅᑉ ᖃᓄᐃᑦᑑᓂᖏᓐᓅᓕᖓᔪᑦ ᐊᐅᓚᑦᓯᓂᓕᕆᓂᕐᒥ.