ᒪᓕᒉᑦ ᑐᑭᒧᐊᑦᓯᐊᕈᑏᓪᓗ

This page has been moved to http://www.kativik.qc.ca/iu/directives/adm-03-maligaq-sapummijaugiaqarnimut-amisuulirtirigunnatutuunirmik. You will be automatically redirected in 10 seconds.

ᐃᓕᓐᓂᐊᓂᓕᕆᓂᖅ / ᐊᐅᓚᑦᓯᒍᓐᓇᓂᖅ

KSB-00 ᑐᑭᓯᑎᑦᓯᒍᑎ

ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᒪᓕᒐᖏᑦ ᐱᓇᓱᒍᑎᖏᓪᓗ ᐋᕐᕿᑕᐅᓯᒪᕗᑦ ᑐᑭᓯᓇᕐᑎᓯᒍᑎᐅᑦᓱᑎᒃ ᒪᓕᒐᐅᔪᓂᒃ, ᐃᓕᓐᓂᐊᓂᓕᕆᓂᓕᒫᒥ ᐊᑐᕐᑕᐅᓂᖃᕐᑐᓂᒃ, ᑐᑭᑖᕐᓂᐅᖃᑦᑕᑐᓪᓗ ᐊᑦᔨᒌᖕᖏᑐᓂ ᐱᓇᓱᐊᕐᓂᓂ ᐊᑦᔨᒌᑦᓯᐊᒥᒃ ᑐᑭᑖᕐᓂᐅᖃᑦᑕᖁᑦᓱᒋᑦ.

KSB-00-Introduction-I.pdf
61.58 KB
KSB-01 ᐃᓄᒍᐃᔭᐅᑦᓯᐊᓂᕐᒧᑦ

ᐱᓇᓱᐊᖃᑎᖃᑦᓯᐊᓗᓂ ᐊᖓᔪᖅᑳᒍᔪᓂ ᕿᑐᕐᖓᓕᓐᓂᒃ ᓄᓇᓕᓐᓂᓗ ᐊᓯᖏᓐᓂᓗ ᐃᓕᓐᓂᐊᓂᓕᕆᓂᕐᒥᒃ ᐱᕙᓪᓕᖁᑎᓕᐅᖃᑎᒌᒐᓱᐊᖅᑐᓂᒃ, ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᓇᓗᓇᐃᔭᐃᒍᑎᖓ ᐱᓇᓱᐊᕆᐊᓕᒻᒥᓂᒃ ᐃᒪᐃᑦᑑᕗᖅ ᐱᑕᖃᕐᑎᓯᓚᓂ ᓄᓇᕕᒻᒥᐅᓕᒫᓄᑦ ᐃᓕᓐᓂᐊᓂᓕᕆᓂᒃᑯᑦ ᐱᒍᑦᔨᒍᑎᖏᑦ ᑕᓯᐅᕐᓯᒍᑕᐅᓂᐊᕐᑐᓂᒃ ᐱᒍᓐᓇᓯᒍᑕᐅᓗᑎᓪᓗ ᐃᓕᓐᓂᐊᑐᓄᑦ ᐊᑕᐅᑦᓯᑳᕐᑎᑐᓄᑦ ᐃᓗᓐᓂᐃᓄᑦ ᐱᕈᕐᐸᓕᐊᒍᓐᓇᓯᓗᒋᑦ ᓇᔪᕐᑎᒋᒌᕐᑕᖏᑦ ᑎᑭᐅᑎᓚᕿᒍᑎᒋᓗᒋᑦ ᐃᓄᒍᐃᔭᐅᑦᓯᐊᓂᒧᑦ (ᒪᑭᑕᑦᓯᐊᓂᕐᒧᑦ) ᐃᒻᒥᓂᕿᒋᐅᕐᓂᐅᓯᐊᕐᓂᒧᓪᓗ.

mission_statement_i.pdf
1.07 MB
KSB-02 ᐊᐅᓚᑦᓯᓂᕐᒧᑦ ᒪᓕᒐᖏᑦ ᐳᕐᑐᓂᕐᓭᑦ ᑲᑎᖕᖓᔨᖏᑦᑕ

ᒪᓕᒐᖅ 613-ᒦᑦᑐᖅ ᐃᓕᓐᓂᐊᓂᐅᑉ ᒪᓕᒐᖏᓐᓂ ᐊᓪᓚᓅᓕᖓᔪᓂ (ᑯᔩᓄᑦ), ᐃᓄᑐᐃᓐᓇᓄᑦ, ᓇᔅᑳᐱᓄᓪᓗ ᓄᓇᓕᑐᖃᑦᓴᔭᕐᓄᑦ, ᐅᖃᕐᓯᒪᒻᒪᑦ ᐳᕐᑐᓂᕐᓭᑦ ᑲᑎᖕᖓᔨᖏᑦ ᑐᑭᑖᕈᑎᓕᐅᖃᑦᑕᕈᓐᓇᓂᕋᕐᓱᒋᑦ ᐊᐅᓚᑦᓯᒍᑎᒋᓂᐊᕐᑕᒥᓂᒃ ᐱᓇᓱᐊᕈᑎᒋᓂᐊᕐᑕᒥᓂᓪᓗ. ᑌᒣᑦᑐᖅ ᒪᓕᒐᐅᓂᐊᕐᑎᓗᒍ ᐊᖏᕈᑎᐅᓯᒪᒻᒪᑦ ᑲᒥᓴᓀᑦ ᑲᑎᖕᖓᔨᖏᓐᓄᑦ ᐱᖁᔦᑦ ᒪᓕᑦᓱᒋᑦ.

ᑲᑎᖕᖓᔨᐅᔪᑦ ᙯᖁᔭᐅᓯᒪᔪᓪᓗ ᑲᑎᖕᖓᓂᕐᓂ ᑖᒃᑯᓂᖓ ᒪᓕᒐᕐᓂᒃ ᐊᐅᓚᑦᓯᓂᕐᒨᓕᖓᔪᓂ ᐃᓕᓐᓂᐊᓂᓕᕆᓂᕐᒥ, ᑐᑭᑖᕐᓂᒧᑦ ᑐᑭᑖᕈᑎᓕᐅᕐᓂᖏᓐᓂᓗ ᑲᑎᖓᔩᑦ ᒪᓕᖃᑦᑕᕆᐊᖃᕐᐳᑦ.

KSB-02-XC-InternRules-I.pdf
440.87 KB
KSB-03 ᒪᓕᒐᖕᖑᑎᑕᐅᓯᒪᔪᑦ ᐱᒍᓐᓇᐅᑎᒋᔭᐅᓂᐊᕐᑎᓗᒋᑦ

ᒪᓕᒉᑦ ᒪᓕᑦᓱᒋᑦ 185-ᒦᑦᑐᑦ, 187-ᒥ ᐊᒻᒪᓗ 662-ᒥ ᐃᓕᓐᓂᐊᓂᐅᑉ ᒪᓕᒐᖓᓂ ᐊᓪᓚᓅᓕᖓᔪᒥ (ᑯᔩᓄᑦ), ᐃᓄᓐᓄᑦ ᐊᒻᒪᓗ ᓇᔅᑳᐱᓄᑦ ᓄᓇᖃᕐᖄᓯᒪᔪᓄᑦ, ᑲᒥᓯᓀᑦ ᑲᑎᖕᖓᔨᖏᑦ, ᒪᓕᒐᖕᖑᑎᓪᓗᒍ ᑎᓕᔨᓯᒪᒍᑎᖃᕈᓐᓇᑐᑦ, ᐱᒍᓐᓇᐅᑎᒥᑕ ᐱᓇᓱᐊᕆᐊᓕᒻᒥᑕᓗ ᐃᓚᖏᓐᓂᒃ ᐳᕐᑐᓂᕐᓭᑦ ᑲᑎᖕᖓᔨᖏᓐᓄᑦ, ᑲᔪᓯᒃᑫᔨᒧᑦ, ᑲᔪᓯᒃᑫᔨᐅᑉ ᐃᑲᔪᕐᑎᖓᓄᑦ, ᐸᐸᑦᓯᔨᒧᑦ ᐊᒻᒪᓗ ᐊᐅᓚᑦᓯᓂᓕᕆᔨᒻᒪᕆᓐᓄᑦ. ᐱᒍᓐᓇᐅᑎᐅᔪᑦ, ᐱᓇᓱᐊᕐᑕᐅᒋᐊᓖᓪᓗ ᑕᒡᒐᓂ ᒪᓕᒐᕐᒥ ᑎᓕᔨᓯᒪᒍᑎᐅᔪᑦ ᐊᑐᕐᑕᐅᒍᓐᓇᑐᑦ ᑮᓇᐅᔦᑦ ᑐᕋᒐᖏᓐᓂᒃ ᒪᓕᑦᓯᐊᑐᐊᕐᐸᑕ, ᒪᓕᒐᐅᔪᓂᒃ, ᐱᓇᓱᒍᑦᔨᓂᕐᒧᓗ ᐊᖏᖃᑎᕷᕆᒍᑎᐅᔪᓂᒃ ᐊᒻᒪᓗ ᒪᓕᒐᐅᔪᓂᒃ ᐊᑐᕐᑕᐅᑎᑕᐅᔪᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ.

ksb_03_deleg_pwrs_june-2011-i.pdf
130.86 KB
KSB-04 ᐃᓅᓯᖃᑦᓯᐊᓂᕐᒧᑦ ᐱᐅᓯᕐᓱᓯᐊᕐᓂᒧᓪᓗ ᒪᓕᒐᖅ

ᑖᓐᓇ ᐃᓅᓯᖃᑦᓯᐊᓂᐅᑉ ᐱᐅᓯᕐᓱᓯᐊᕐᓂᐅᓗ ᒪᓕᒐᖓ ᓄᐃᑎᑕᐅᓯᒪᕗᖅ ᒪᓕᒐᖕᖑᑎᑕᐅᑦᓱᓂ ᑲᒥᓴᓀᑦ ᐃᓕᓐᓂᐊᓂᓕᕆᓂᕐᓗ ᓴᐳᒻᒥᔭᐅᕕᖃᕈᓐᓇᖁᑦᓱᒋᑦ ᓲᓱᒋᔭᐅᓂᖃᑦᓯᐊᓗᑎᓪᓗ ᐃᓱᐃᓪᓕᐅᕈᑎᑕᖃᕐᐸᑦ ᐃᓱᐃᓪᓕᐅᕈᑎᐅᑐᐃᓐᓇᕆᐊ-ᓕᑦᑕᖃᕐᐸᓗᓐᓃᑦ ᒪᓕᒐᖃᕐᑎᓯᒍᑎᐅᑦᓱᓂᓗ ᓇᒻᒥᓂᖅ ᐱᐅᓯᕐᓱᓯᐊᕈᑎᐅᒋᐊᓕᓐᓂᒃ.

KSB-04-Code-I.pdf
147.18 KB

ᐃᓘᓐᓈᒍᑦ ᐊᐅᓚᑦᓯᓂᓕᕆᓂᖅ

ADM-01 ᐊᓪᓚᕕᒻᒪᕆᒃ ᐅᐃᒪᓇᕐᑐᒥᒃ ᐅᒃᑯᐊᑕᐅᒋᐊᖃᓕᕐᐸᑦ ᒪᓕᒐᖅ

ᐃᓕᓐᓂᐊᓂᓕᕆᓂᐅᑉ ᐊᐅᓚᑦᓯᔨᖏᑦ ᐊᖏᕐᑕᐅᒍᑎᖃᕐᓯᒪᕗᑦ ᐃᓕᓐᓂᐊᓂᓕᕆᓂᐅᑉ ᐊᓪᓚᕕᒻᒪᕆᖓᓂᒃ ᓱᓇᒐᓚᖃᐅᑎᖓᓂᓪᓗ ᐅᒃᑯᐊᓯᒍᓐᓇᓂᐊᕐᑎᓗᒋᑦ ᐅᐃᒪᓇᕐᑐᖃᕐᓂᐸᑦ ᐊᕐᖁᑏᑦ ᐊᑐᕐᑕᐅᒋᐊᓖᑦ ᐱᓇᓱᒋᐊᕐᑐᑐᓄᑦ, ᐊᓂᕐᕋᕋᓱᑦᑐᓄᓪᓗᓃᑦ ᐊᑦᑕᓇᕐᑑᐸᑕ ᐅᕝᕙᓗᓐᓃᑦ ᐱᓇᓱᒍᑎᐅᔪᑦ ᐃᓕᓐᓂᐊᓂᓕᕆᓂᕐᒥ ᐱᐅᓯᕆᓲᒥᓄᑦ ᐊᑐᕈᓐᓇᕕᖃᖕᖏᐸᑕ.

ADM-01-D-Emerg-Clos-adm-I-May-4-2011.pdf
239.07 KB
ADM-02 ᒪᓕᒐᖅ ᐃᓕᓐᓂᐊᕖᑦ ᐃᓄᒻᒪᕇᓪᓗ ᐃᓕᓐᓂᐊᑎᑕᐅᕕᖏᑦ ᐅᒃᑯᐊᑕᐅᒋᐊᖃᕐᓂᐸᑕ

ᐃᓕᓐᓂᐊᕖᑦ ᐊᐅᓚᑦᓯᓂᓕᕆᔨᖏᑦ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᑦᑕᓗ ᑲᒪᔨᒻᒪᕆᖏᑦ ᐊᖏᕐᑕᐅᓯᒪᕗᑦ ᐃᓕᓐᓂᐊᕕᓐᓂᒃ ᐅᒃᑯᐊᓯᒍᓐᓇᑎᓪᓗᒋᑦ ᓯᓚ ᐱᑦᔪᑎᐅᑎᓪᓗᒍ ᐅᕝᕙᓗᓐᓃᑦ ᐊᓯᖏᑦ ᐱᑦᔪᑎᐅᑎᓪᓗᒋᑦ ᐃᓕᓐᓂᐊᑎᓂᒃ ᐊᒻᒪᓗ/ᐅᕝᕙᓗᓐᓃᑦ ᐱᓇᓱᑦᑎᓂᒃ ᐃᓕᓐᓂᐊᕕᓕᐊᕋᓱᐊᕐᑐᓂᒃ ᐊᓂᕐᕋᕋᓱᐊᕐᑐᓂᓪᓗᓃᑦ, ᐱᐅᓯᕐᓲᑎᐅᖕᖏᑐᖅ ᐊᑑᑎᑉᐸᑦ ᐅᕝᕙᓗᓐᓃᑦ ᐃᓕᓐᓂᐊᕕᒃ ᐃᓄᒻᒪᕇᓪᓗᓃᑦ ᐃᓕᓐᓂᐊᑎᑕᐅᕕᖓ ᐊᑐᕐᑕᐅᒍᓐᓇᖏᕐᓯᒪᑉᐸᓂᒃ ᐊᓯᖏᓐᓂᒃ ᐱᑦᔪᑎᖃᕐᓗᑎᒃ.

ADM-02-D-emcl-schools-I.pdf
71.21 KB
ADM-03 ᒪᓕᒐᖅ ᓴᐳᒻᒥᔭᐅᒋᐊᖃᕐᓂᒧᑦ ᐊᒥᓲᓕᕐᑎᕆᒍᓐᓇᑐᑑᓂᕐᒥᒃ

ᐊᒥᓲᓕᕐᑎᕆᒍᓐᓇᑐᑑᓂᐅᑉ ᐱᖁᔭᖓ ᑲᓇᑕᒥ ᐊᖓᔪᕐᖃᐅᕕᖃᕈᓐᓇᑎᑦᓯᕗᖅ ᑖᒃᑯᓂᖓᑐᐊᖅ ᐊᑐᐊᒐᓕᐅᕐᑐᕕᓂᕐᓂᒃ ᐊᑐᐊᒐᓕᐊᕕᓂᕐᒥᓄᑦ ᓴᐳᒻᒥᔭᐅᒍᑎᒋᓂᐊᕐᑕᖓᓂ ᐊᖏᕐᑕᐅᓯᒪᕐᖄᕋᑎᒃ ᐱᓇᓱᐊᕐᑕᕕᓂᖏᓐᓂᒃ ᐊᑐᕈᒪᒐᔭᕐᑐᕕᓂᕐᓄᑦ. ᑕᒪᓐᓇᓗ ᓴᐳᒻᒥᔭᐅᓂᖓ ᐊᑐᕐᕕᖃᕐᑎᑕᐅᕗᖅ ᐱᓇᓱᐊᕐᑕᕕᓂᖏᑦ ᐊᑐᕐᑕᐅᒍᒪᓕᕋᓗᐊᕐᐸᑕ ᐃᓕᓭᒍᑎᑦᓴᓕᐊᖑᒍᒪᓗᑎᒃ, ᐃᓛ, ᐱᖁᔭᖅ ᐃᓚᖓᓂ ᓴᖑᑎᑕᐅᑫᓐᓇᖃᑦᑕᕈᓐᓇᕋᔭᕐᑑᒐᓗᐊᖅ ᐃᓕᓐᓂᐊᓂᓕᕆᓃᑦ ᑎᒥᐅᔪᖁᑎᖏᓐᓄᑦ ᑐᕌᖓᓂᐊᕐᐸᑕ. ᑕᒪᒃᑯᐊᓗ ᓴᖑᑎᕆᑫᓐᓇᕈᓐᓇᓃᑦ, ᐃᓛ, ᐃᓓᓐᓇᖏᓐᓂᒃ ᐱᖁᔭᐅᑉ ᒪᓕᑦᑕᐅᒋᐊᖃᕐᓂᖓᓂ ᒪᓕᖕᖏᑫᓐᓇᓚᐅᕐᑐᕈᓐᓇᓱᑎᒃ, ᐃᓕᓐᓂᐊᓂᓕᕆᓃᓪᓗ ᐃᓕᓭᔩᓪᓗ ᓱᓕ ᐃᓱᒣᓐᓇᕿᐅᑎᖃᕈᓐᓇᕕᖃᕐᑎᑕᐅᓂᐊᖕᖏᑐᑦ ᐊᑐᕆᐊᒃᑯᑦ ᐊᒥᓲᓕᕐᑎᕆᒍᓐᓇᑐᑑᓂᕐᒧᑦ-ᓴᐳᑦᔭᐅᒪᔪᓂᒃ ᓯᑯᑦᓴᔭᓂᒃ.

ADM-03-Copyright-I-April-2011.pdf
257.6 KB
ADM-04 ᒪᓕᒐᖅ ᐃᓕᑕᕆᔭᐅᒍᑎᑖᕈᑎᓄᑦ

ᐃᓚᖓᓂ ᐱᐅᓯᐅᒋᐊᖃᓲᒍᒻᒪᑦ, ᐃᓕᓐᓂᐊᕈᑎᑦᓴᓕᐊᖑᓯᒪᔪᑦ, ᑐᑭᓯᒋᐊᕈᑎᓕᐊᖑᓯᒻᒪᔪᑦ, ᖃᐅᔨᑎᑦᓯᐅᑎᓕᐊᖑᓯᒪᔪᐃᓪᓘᓃᑦ ᐊᓪᓚᖁᑎᓕᐊᖑᓯᒪᑦᓱᑎᒃ ᓴᕐᕿᑎᑕᕕᓂᖏᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᖁᔭᕐᑎᒍᑦ ᐃᓕᑕᕆᔭᐅᓂᖃᕆᐊᖃᕐᒪᑕ ᑯᐯᒻᒥ ᑲᓇᑕᒥᓪᓗ ᐊᑐᐊᒐᖃᕐᕕᖏᓐᓄᑦ.

ADM-04-Legal_deposit-I.doc.pdf
121.85 KB
ADM-05 ᒪᓕᒐᖅ ᓇᓗᓀᕐᓯᓂᕐᒧᑦ ᐱᓇᓱᑦᑏᑦ ᓂᕈᐊᕐᑕᐅᓯᒪᔪᓪᓗ ᐱᒍᑦᔨᓯᒪᓂᖏᓐᓂᒃ

ᐃᓕᓐᓂᐊᓂᓕᕆᓂᖅ ᐅᑉᐱᕆᔭᖃᕐᐳᑦ ᐱᓇᓱᑦᑏᑦ ᓂᕈᐊᕐᑕᐅᓯᒪᔪᓪᓗ ᓇᓗᐃᓇᕐᑕᐅᖃᑦᑕᑐᑦᓴᐅᓂᖏᓐᓂᒃ ᐱᒍᑦᔨᓂᕐᒥᓄᑦ ᐃᓕᓐᓂᐊᓂᕐᒥᒃ ᓄᓇᕕᒻᒥ. ᑌᒣᓐᓂᖓᒍᑦ, ᐃᓕᓐᓂᐊᓂᓕᕆᓂᖅ ᒪᓕᒐᖕᖑᑎᑦᓯᒍᒪᕗᖅ ᓇᓗᓀᕐᑕᐅᓂᕆᖃᑦᑕᓂᐊᕐᑕᖓᓂᒃ ᐱᓇᓱᑦᑏᑦ ᓂᕈᐊᕐᑕᐅᓯᒪᔪᓪᓗ ᐊᑯᓂ ᐱᓇᓱᐊᕐᓯᒪᓂᕆᓕᕐᑕᒥᓄᑦ. ᑐᑭᓯᔭᐅᑎᑦᓯᒍᒪᒻᒥᓱᓂᓗ ᓴᐳᒻᒥᓯᐊᕐᓂᒥᓂᒃ ᐊᓯᖏᓐᓂᒃ ᐱᐅᓯᕐᓲᑎᐅᖕᖏᑐᑎᒍᑦ ᐱᓇᓱᐊᕐᑕᐅᔪᓂᒃ.

ADM-05-D-Recogn-I.pdf
85.24 KB
ADM-06 ᑐᐹᑭᑦᑎᓯᑦᑌᓕᓂᕐᒧᑦ ᒪᓕᒐᖅ

ᑲᑎᕕᒃ ᐃᓕᓐᓂᐊᓂᓕᕆᓂᖅ, ᐃᓕᓐᓂᐊᓂᕐᒥ ᐱᓇᓱᐊᕐᑕᖃᕐᓂᒥᓄᑦ, ᖃᓄᐃᖕᖏᓯᐊᕐᓂᒥᒃ ᐃᓅᓯᑦᓯᐊᖃᕐᓂᒥᒃ ᐃᓕᓐᓂᐊᑎᖁᑎᒥᓄᑦ ᑐᑭᓯᒪᔭᐅᑎᑦᓯᒍᒪᕗᖅ. ᑌᒣᒻᒪᑦ ᐊᖏᕈᑎᖃᕐᓯᒪᕗᖅ ᑐᐹᑭᑦᑎᓯᑦᑌᓕᓂᕐᒧᑦ ᑐᑭᓯᒪᔭᐅᑎᑦᓯᒐᓱᐊᕐᓂᒥᒃ ᐃᓕᓐᓂᐊᕕᖁᑎᒥᓂ ᐱᓇᓱᐊᕐᕕᖁᑎᒥᓂᓪᓗ, ᐱᓇᓱᐊᕐᕕᐅᔪᑦ ᐃᓕᓐᓂᐊᕕᐅᔪᓪᓗ ᓴᓗᒪᔪᑦᓯᐊᖑᓗᑎᒃ ᐊᕙᓗᒥᐅᑕᑦᓯᐊᒥᒃ ᐊᕙᓗᒥᐅᑕᖃᕈᓐᓇᖁᑦᓱᒋᑦ, ᐊᒻᒪᓗ ᑐᐹᑭᐅᑉ ᐳᔪᖓ ᐊᑦᑕᓇᕐᑐᒧᕆᓲᖑᒻᒪᑦ ᖃᓄᐃᖕᖏᓯᐊᕐᓂᒥᒃ. ᑐᐹᑭᓐᓂᖅ ᐊᑑᑎᔭᐅᒍᓐᓇᕕᖃᕐᑎᑕᐅᖕᖏᓚᖅ ᑐᐹᑭᕝᕕᓕᐊᖑᓯᒪᔪᑦ ᐊᓯᖏᓐᓂ ᐃᓂᓂ ᐱᖁᔦᑦ ᒪᓕᑦᓱᒋᑦ ᑖᒃᑯᓇᓂ ᒪᓕᒐᕐᓂ ᐋ ᕐᕿᑕᐅᓯᒪᔪᑦ. 1

ADM-06-P-Non-smoking-I.pdf
47.6 KB
ADM-07 ᒪᓕᒉᑦ ᐃᓗᕕᕐᓯᒋᐊᕐᑐᓱᑎᒃ ᐊᐅᓪᓚᑐᓄᑦ ᐱᐅᓯᕐᓱᑎᐅᖕᖏᑐᑎᒍᓪᓗ ᐊᐅᓪᓚᑐᓄᑦ

ᑲᒥᓴᓀᑦ ᑲᑎᖕᖓᔨᖏᑦ ᐱᒻᒪᕆᐅᑎᑦᓯᕗᑦ ᐱᐅᓯᕐᓲᑎᐅᖕᖏᑐᑎᒍᑦ ᐊᑑᑎᔭᐅᓕᕐᑐᑦ ᐅᕝᕙᓗᓐᓃᑦ ᐱᓂᐊᕐᓂᐅᔪᑦ ᐃᓕᓐᓂᐊᓂᓕᕆᓂᐅᑉ ᑭᒡᒐᑐᕐᑎᖓᓄᑦ ᐅᐸᐅᑎᔭᐅᖃᑦᑕᑐᑦᓴᐅᓂᖏᓐᓂᒃ.

ADM-07-P-Trav-funerals-I.pdf
43.11 KB
ADM-08 ᒪᓕᒉᑦ ᐃᒻᒪᖃᐅᑎᖃᕐᓂᒧᑦ ᐃᓅᖃᑎᖃᕐᓂᑯᓪᓗ ᒪᓕᒐᖃᕆᐊᖃᕐᓂᒧᑦ

ᑖᓐᓇ ᒪᓕᒐᖅ ᓄᐃᑕᑎᑦᓯᔪᖅ ᐃᒻᒪᖃᐅᑎᖃᕈᑎᐅᔪᓄᑦ ᐊᒻᒪᓗ ᐃᓅᖃᑎᖃᕐᓂᑯᑦ ᑲᒪᒋᔭᖃᕆᐊᖃᕐᓂᒧᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᐊᕐᕕᖏᓐᓂ ᑕᕐᕋᒥ ᖃᓪᓗᓈᓪᓗ ᓄᓇᖓᓐᓂ.

ADM-08-D-Ins-cover-I.pdf
67.09 KB
ADM-09 ᒪᓕᒉᑦ ᐃᓕᓐᓂᐊᑕᒥᓂᒃ ᐱᔭᕇᕈᓯᕐᑕᐅᔪᓄᑦ

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐅᑉᐱᕆᔭᖃᕐᐳᖅ ᐃᓕᓐᓂᐊᑏᑦ ᐃᓕᓐᓂᐊᑕᒥᓂᒃ ᐱᔭᕇᕐᑐᑦ, ᐃᓕᓐᓂᐊᑕᒥᓂᓪᓗ ᐱᔭᕇᕋᓱᐊᕐᑐᑦ ᑫᓪᓚᑐᕐᑕᐅᔪᑦᓴᐅᓂᖏᓐᓂᒃ, ᐃᓕᓐᓂᐊᕕᒻᒥᓗ ᓄᕐᙯᓇᕐᑎᓯᑦᑌᓕᔪᑦᓴᐅᓂᕐᒥᒃ ᐃᓕᓐᓂᐊᑎᓂᒃ ᐱᔭᕇᕐᑐᓂᒃ ᐅᐱᒍᓲᓰᖃᑦᑕᓂᒃᑯᑦ.

ADM-09-P-Graduation-I.pdf
47.28 KB
ADM-10 ᒪᓕᒉᑦ ᓴᐳᒻᒥᔭᐅᒋᐊᖃᕐᓂᖏᓐᓄᑦ ᐃᓄᐃᑦ ᐊᑕᐅᓯᐅᓈᕐᑎᑐᑦ ᐊᓪᓚᖁᑎᖏᑦᑕ

ᑖᓐᓇ ᒪᓕᒐᖅ ᐊᑑᑎᔭᐅᒋᐊᖃᖃᑦᑕᓂᐊᕐᑐᖅ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᒪᓕᑦᓯᐊᕆᐊᖃᖃᑦᑕᓂᐊᕐᑕᖓᓂ ᐊᐅᓚᑕᐅᒍᓯᒋᒋᐊᓕᖏᓐᓄᑦ ᐃᓅᑉ ᐊᑕᐅᓯᐅᑉ ᐊᓪᓚᖁᑎᖏᑦᑕ, ᐱᓇᓱᑦᑎᑖᕐᓂᒥᓄᑦ ᓄᑖᒥᒃ ᐊᓪᓚᖁᑎᓕᐊᕕᓂᖏᑦ ᐅᕝᕙᓘᓐᓃᑦ ᐱᓇᓱᑦᑎᑐᖃᕐᒥᑕ ᐃᓕᓵᖁᑎᒥᑕᓘᓐᓃᑦ ᐊᓪᓚᖁᑎᓕᕆᔭᐅᒍᓯᕕᓂᖏᓐᓄᑦ.

ADM-10-Pers-info-I.doc.pdf
92.13 KB
ADM-11 ᒪᓕᒉᑦ ᐃᒫᙰᕐᑎᓄᑦ ᐱᒍᑦᔭᐅᓂᕐᒧᑦ

ᑲᑎᕕᒃ ᐃᓕᓐᓂᐊᓂᓕᕆᓂᖅ, ᒋᐊᖃᓕᑐᐊᕈᓂ, ᐊᑐᖃᑦᑕᓚᖓᕗᖅ ᐱᒍᑦᔨᓂᖏᓐᓂᒃ ᐃᒫᙰᕐᑏᑦ ᐱᔪᓐᓇᑐᓪᓚᕆᒻᒥᒃ ᑭᖕᖒᒪᒋᔭᖃᓕᕐᓗᑎᒃ ᐊᑐᐃᓐᓇᖃᖕᖏᑐᐊᕈᑎᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᖏᑦᑕ ᐊᑯᕐᖓᓂ.

ADM-11-D-Consult-I-Nov-08.pdf
275.5 KB
ADM-12 ᒪᓕᒐᖅ ᐅᕕᒐᕐᑐᓕᕆᔩᑦ ᐱᖁᔭᖏᑦᑕ ᐊᑐᕐᑎᑕᐅᓂᖏᓐᓄᑦ

ᐅᕕᒐᕐᑐᓕᕆᔩᑦ ᐱᖁᔭᖏᑦ ᐊᑑᑎᔭᐅᒋᐊᖃᕐᑐᓂᒃ ᐃᓕᓐᓂᐊᓂᕐᒥᒃ ᐱᓇᓱᐊᕐᑐᓄᑦ ᓄᐃᑎᑦᓯᓯᒪᒻᒪᑕ ᓴᐳᒻᒥᔭᐅᒋᐊᖃᕐᓂᖏᓐᓄᑦ ᐱᐊᕃᑦ/ᑲᒃᑲᓛᑦ ᐊᑦᑕᓇᕐᑐᒦᑎᑕᐅᑦᑌᓕᒋᐊᖃᕐᓂᖓᓄᑦ ᐊᒻᒪᓗ/ᐅᕝᕙᓗᓐᓃᑦ ᐱᕈᕐᐸᓕᐊᓂᖓ ᐊᑦᑕᓇᕐᑐᒦᑎᑕᐅᑉᐸᑦ. ᑲᑎᕕᒃ ᐃᓕᓐᓂᐊᓂᓕᕆᓂᖅ ᑖᒃᑯᓂᖓ ᐱᖁᔭᕐᓂᒃ ᓲᓱᒋᔭᐅᑎᑦᓯᓯᐊᕋᓱᐊᕐᓂᐊᐳᖅ ᐱᒍᓐᓇᕕᓕ ᑦᓯᐊᖓᓄᑦ, ᑖᒃᑯᓂᖓᓗ ᒪᓕᒐᕐᓂᒃ ᑐᑭᓯᓇᕐᑎᓯᑦᓯᐊᕈᒪᑦᓱᓂ.

ADM-12-D-Youth_Protection-I.doc.pdf
62.59 KB
ADM-13 ᒪᓕᒐᖅ ᐃᓕᓐᓂᐊᑎᑦᓯᓂᕐᒥ ᐅᖃᐅᓯᕐᓄᑦ

ᑖᒃᑯᓇᓂ ᒪᓕᒐᕐᓂ ᓄᐃᑎᑦᓯᒍᑎᐅᒋᐊᓪᓚᑐᖅ ᐊᑐᓕᕐᑎᓯᒍᑎᐅᒋᐊᓪᓚᓱᓂᓗ ᐃᓄᑦᑎᑐᑦ ᐅᖃᐅᓯᕐᒥᒃ ᐃᓕᓐᓂᐊᓂᕐᒥ ᐱᓇᓱᐊᕐᑎᓯᒍᑎᐅᔪᓕ ᓂ ᐃᓄᐃᑦ ᑭᖑᕐᕈᓯᐊᕆᓯᒪᔭᖏᑦ ᑲᔪᓯᑎᑕᐅᒍᓐᓇᓯᐊᖁᓪᓗᒋᑦ, ᐃᓄᑦᑎᑐᑦ ᐅᖃᐅᓯᖅ ᐃᓂᖃᕐᑎᑕᐅᖁᓪᓗᒍ ᓯᕗᓪᓕᐸᐅᓗᓂ ᐅᖃᐅᓯᕆᔭᐅᓂᐊᕐᑎᓗᒍ ᓄᓇᕕᒻᒥ ᐊᒻᒪᓗ ᐃᓄᑦᑎᑐ ᐅᖃᕆᐅᑦᓯᐊᖁᓪᓗᒋᑦ ᐱᒍᓐᓇᓯᑦᓯᐊᒥᓗᑎᓪᓗ ᐅᖃᐅᓯᐅᑉ ᐁᑉᐱᐅᑎᖓᓂᒃ (ᒍᐃᒍᐃᑎᑐᑦ ᖃᓪᓗᓈᑎᑐᓪᓗᓃᑦ).

ADM-13-P-lang-inst-I.pdf
106.6 KB
ADM-14 ᑐᑭᒧᐊᑦᓯᐊᕈᑎᒃ ᐸᕝᕕᓴᕐᑕᐅᑎᑦᓯᑌᓕᓂᕐᒧᑦ

ᑲᑎᕕᒃ ᐃᓕᓐᓂᐊᓂᓕᕆᓂᖅ ᓇᓗᓀᕐᓯᕗᖅ ᐸᕝᕕᓵᕆᓂᖅ ᐃᓅᑉ ᐱᒍᓐᓇᐅᑎᖏᓐᓂᒃ ᐸᕝᕕᓴᕐᑕᐅᒍᓐᓀᓗᓂ ᐃᓕᓐᓂᐊᕈᓐᓇᓂᕐᒥᒃ ᐱᓇᓱᐊᕈᓐᓇᓂᕐᒥᓗ ᓯᖁᒥᑦᓯᓂᐅᓂᖓᓂᒃ.

ADM-14-D-Harassment-I-May5-08.pdf
340.38 KB
ADM-15 ᒪᓕᒐᖅ ᐱᓇᓱᕝᕕᒥ ᖃᓄᐃᖕᖏᓯᐊᕐᓂᒧᑦ ᐊᑦᑕᓇᕐᑌᓕᒪᓂᕐᒧᓗ

ᖃᓄᐃᖕᖏᓯᐊᕈᑎᑦᓴᖏᓐᓂᒃ ᐊᑦᑕᓇᕐᑌᓕᒪᒍᑎᑦᓴᖏᓐᓂᓗ, ᑎᒥᒃᑯᓗ ᖃᓄᐃᖕᖏᓯᐊᕈᑎᑦᓴᖏᓐᓂᒃ ᐱᓇᓱᑦᑎᒥᑕ, ᑲᑎᕕᒃ ᐃᓕᓐᓂᐊᓂᓕᕆᔨᒃᑯᑦ ᐃᓱᒫᓘᑎᖃᕐᓂᐸᐅᕗᑦ. ᑖᓐᓇ ᒪᓕᒐᖅ ᒪᓕᒐᕐᑕᖃᕐᖁᖅ ᐱᓇᓱᕝᕕᖃᖁᔨᒐᑦᑕ ᑎᒥᒃᑯᑦ ᐃᓱᒪᒃᑯᓗ ᖃᓄᐃᖕᖏᓯᐊᕐᕕᐅᒍᓐᓇᑐᒥᒃ ᐃᓕᓐᓂᐊᓂᓕᕆᔨᒃᑯᑦ ᐱᓇᓱᑦᑎᖏᓐᓂᒃ. ᓄᐃᑕᑎᑦᓯᒍᑕᐅᑦᓱᑎᓪᓗ ᐃᓱᒫᓘᑎᒋᔭᐅᒋᐊᓕᓐᓂᒃ ᐃᓱᒫᓘᑎᖃᖃᑕᐅᒋᐊᓕᓐᓄᑦ ᐱᓇᓱᕝᕕᒥ ᖃᓄᐃᖕᖏᓯᐊᕐᓂᒥᒃ ᐊᑦᑕᓇᕐᑌᓕᒪᓂᕐᒥᓗ.

ADM-15-Policy-SST-2008-I.pdf
185.51 KB
ADM-16 ᒪᓕᒐᖅ ᓭᒪᓇᕐᓂᒧᑦ ᐱᐅᓯᑦᓯᐊᒧᓪᓗ ᐃᓕᓐᓂᐊᕕᓐᓂ

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐅᑉᐱᕆᔭᖃᕐᖁᖅ ᐃᓕᓐᓂᐊᑏᑦ ᐱᓇᓱᑦᑏᓗ ᐃᓕᓐᓂᐊᕕᓕ ᓪᓗ ᐃᓗᐊᓂ ᖃᓄᐃᖕᖏᓯᐊᕐᓂᒥᒃ ᓇᒻᒥᓂᕐᓗ ᓱᓕᔫᓂᕐᒥᒃ. ᐃᓱ ᓘᑏᑦ ᐱᔭᕆᒍᓐᓇᓯᖁᓪᓗᒋᑦ, ᑐᖕᖓᕕᐅᓗᐊᖕᖑᐊᑐᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᑎᑭᐅᑎᒐᓱᐊᕐᑕᖏᓐᓂ ᐅᑯᓂᖓ ᐃᓚᓖᑦ, ᐊᑦᑕᓇᖕᖏᑐᒥᒃ ᐊᕙᑎᖃᕐᓂᖅ, ᑎᒥᒃᑯᑦ, ᐃᓱᒪᒃᑯᑦ ᐃᑉᐱᓂᐊᕐᓂᑯᓪᓗ ᐱᕈᕐᐸᓕᐊᓂᖅ, ᐃᓗᕐᕈᓯᒨᓕᖓᑦᓯᐊᑐᓂᓪᓗ ᐃᓕᓐᓂᐊᕈᑎᑦᓴᖃᕐᓂᖅ.

ADM-16-PD-Peaceful-schools-I.pdf
94.82 KB
ADM-17 ᒪᓕᒐᖅ ᐱᑦᔪᑎᓕᒃ ᑮᓇᐅᑦᔭᓇᓚᐅᕐᑎᓇᒍ ᑮᓇᐅᑦᔭᓂᕐᒧᑦ

ᑖᓐᓇ ᒪᓕᒐᖅ ᓄᐃᑎᑕᐅᓯᒪᔪᖅ ᑮᓇᐅᑦᔭᓇᐅᓚᐅᕐᑎᓇᒍ ᑮᓇᐅᑦᔭᑲᐱᖃᑦᑕᕈᒪᔪᓄᑦ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᖕᒋᓐᓄᑦ.

adm-17-p-salary-adv-ik-june-2011.pdf
47.67 KB

ᐃᓕᓴᕐᕖᑦ ᐊᐅᓚᑕᐅᓂᖓ

SO-01 ᒪᓕᒉᑦ ᐃᓕᓐᓂᐊᕕᑐᐃᓐᓇᓂ ᐃᓕᓐᓂᐊᑎᓂᒃ ᓄᕐᖃᖓᑎᑦᓯᓂᕐᒧᑦ ᐊᓂᑎᑦᓯᓂᕐᒧᓗ

ᑖᓐᓇ ᒪᓕᒐᖅ ᓄᐃᑕᑎᑦᓯᕗᖅ ᓈᒻᒪᓯᐊᕐᑐᑯᑦ ᐱᓇᓱᐊᕐᑕᐅᖃᑦᑕᖁᑦᓱᒋᑦ ᓄᕐᖃᖓᑎᑕᐅᔪᑦ ᐅᕝᕙᓗᓐᓃᑦ ᐃᓕᓐᓂᐊᑏᑦ ᐃᓕᓐᓂᐊᕕᒻᒥᑦ ᐊᓂᑎᑕᐅᔪᑦ ᐃᓕᓐᓂᐊᕕᑐᐃᓐᓇᓂ.

so-01-d-expulsion-may-2011-i.pdf
77.18 KB
SO-02 ᐊᑐᕐᑕᐅᓂᖏᑦᑕ ᐃᓕᓐᓂᐊᑎᓄᑦ ᖃᕆᑕᐅᔦᑦ, ᓯᓚᕐᔪᐊᒧᑦ ᐱᑐᑦᓯᒪᒍᑎᖏᑦ ᐊᑐᐃᓐᓇᖃᕐᕕᖏᓪᓗ ᒪᓕᒐᖏᑦ

ᑖᓐᓇ ᒪᓕᒐᖅ ᓄᐃᑎᑕᐅᓯᒪᕗᖅ ᖃᕆᑕᐅᔭᐅᑉ ᐱᑐᑦᓯᒪᒍᑎᖏᑦᑕ ᐊᑐᐃᓐᓇᖃᕐᕕᖏᓐᓄᓗ ᐅᐸᐅᑎᒍᓐᓇᓂᕐᒧᑦ ᐊᑐᕐᑕᐅᓂᖏᓐᓄᑦ ᒪᓕᒐᕆᔭᐅᓂᐊᕐᑎᓗᒍ ᐃᓕᓐᓂᐊᑎᓄᑦ ᐃᓕᓐᓂᐊᕕᓐᓂ, ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂ ᐊᓯᖏᓐᓂᓗ ᓇᓪᓕᑐᐃᓐᓇᖏᓐᓂ ᐃᓕᓐᓂᐊᑎᑦᓯᕕᐅᔪᓂ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐊᐅᓚᑕᐅᔪᓂ.

so-02-d-internet-sch-may-2011-i.pdf
85.96 KB
SO-03 ᒪᓕᒉᑦ ᐊᖏᖃᑎᒌᓐᓂᒧᑦ ᐃᓚᐅᒍᑎᓖᑦ ᓄᓇᕕᐅᑉ ᓯᓚᑖᓂ ᐃᓕᓐᓂᐊᕈᑎᓂᒃ ᐊᑭᓕᕐᑐᐃᒍᑦᔭᐅᓂᖏᓐᓄᑦ

ᑖᓐᓇ ᒪᓕᒐᖅ ᓄᐃᑎᑕᐅᓯᒪᕗᖅ ᐃᓚᒌᑦ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᑦ ᐃᓕᓐᓂᐊᓂᓕᕆᓂᐅᑉ ᐊᐅᓚᑕᖏᑦᑕ ᓯᓚᑖᓂ ᐊᓂᕐᕋᖃᕐᑐᑦ ᐃᓕᓐᓂᐊᓂᕐᒥᒃ ᐊᑭᓕᕐᑐᐃᒋᐊᖃᖁᓇᒋᑦ ᐅᖃᕐᑕᐅᓯᒪᔪᑦ ᐊᕕᑦᑐᓯᒪᓂᕐᒥ 2-ᒦᑦᑐᑦ ᒪᓕᑦᓱᒋᑦ ᓄᓇᕕᒻᒥᐅᑦ ᐃᓚᐅᒍᑎᓖᑦ ᐊᑭᓕᕐᑐᐃᓲᖑᙱᒪᑕ ᐃᓕᓐᓂᐊᓂᐅᔪᒥᒃ ᑌᒫᑦᓭᓈᕈᓐᓇᖁᑦᓱᒋᑦ.

so-03-p-edu-cost_south-may-2011-i.pdf
52.2 KB
SO-04 ᖁᑭᐅᑎᓂᒃ ᐊᑐᕐᓂᐅᑉ ᒪᓕᒐᖏᑦ ᐃᓕᓐᓂᐊᕕᒃ ᓱᖃᑦᓯᑎᑦᓯᓂᖃᕐᑎᓗᒍ

ᑖᓐᓇ ᒪᓕᒐᖅ ᓄᐃᑎᑕᐅᓯᒪᔪᖅ ᑲᕙᒪᑐᖃᒃᑯᑦ ᐱᖁᔭᓕᐊᕆᓚᐅᔭᖓᓄᑦᑦ ᐆᒃᑐᐱᕆ 1, 1998-ᖑᑎᓪᓗᒍ ᖁᑭᐅᑎᖃᕐᓂᒧᑦ ᒪᓕᑦᑕᐅᓯᐊᕆᐊᖃᕐᓂᖏᓐᓄᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᕕᑦᑎᒍᑦ ᓱᖃᑦᓯᑎᑦᓯᓂᖏᓐᓂ.

so-04-p-firearms-may-2011-i.pdf
80.39 KB
SO-05 ᒪᓕᒉᑦ ᐃᓕᓐᓂᐊᑎᓂᒃ ᐊᓃᕐᑎᓯᓂᕐᒧᑦ ᒪᙯᑦᑎᓯᓂᕐᒧᓗ

ᑖᓐᓇ ᒪᓕᒐᖅ ᑐᕌᖓᔪᖅ ᐊᑐᐃᓐᓇᕈᕐᑎᕆᓂᕐᒧᑦ
ᐃᓕᓐᓂᐊᑎᓂᒃ ᐊᓃᕐᑎᓯᓂᕐᒥᒃ, ᒪᙯᑦᑎᓯᓂᕐᓂᓗ, ᑖᓐᓇ ᑐᙵᕕᒋᔭᐅᖃᑦᑕᓂᐊᕐᑎᓗᒍ ᐋᕐᕿᑕᐅᓯᒪᔪᖅ ᓱᖃᑦᓯᑎᑦᓯᒍᑎᐅᔪᑦ ᐊᑦᑕᓇᕐᑐᒦᑎᑕᐅᑦᑌᓕᓂᖏᓐᓄᑦ ᐃᓕᓐᓂᐊᑏᑦ ᑲᒪᔨᖏᓪᓗ ᒪᙯᑦᑎᓯᔪᑦ ᐊᑦᑕᓇᕐᑐᒦᖁᓇᒋ ᑌᒪᙵᓕᒫᖅ ᐊᑐᕐᑕᐅᔪᑦᓴᐅᑎᓪᓗᒍ.

so-05-d-excursion-may-2011-i.pdf
592.55 KB
SO-07 ᐊᓂᕐᕋᒥ ᐱᓇᓱᒐᑦᓴᔦᑦ ᒪᓕᒐᖏᑦ ᐃᓕᓐᓂᐊᕆᐊᙵᑐᓂᑦ ᐳᕐᑐᓂᕐᓴᓄᑦ 5-ᒧᑦ

ᑐᕌᒐᓱᐊᕐᑕᐅᔪᑦ ᑕᒡᒐᓂ ᐊᓪᓚᖁᑎᒥ ᒪᓕᒐᖃᓕᕐᑎᓯᓂᕐᒧᑦ ᑲᔪᓯᑎᑦᓯᓂᕐᒧᑦ ᐊᓂᕐᕋᒥ ᐱᓇᓱᒐᑦᓴᔭᓂᒃ. ᒪᓕᒉᑦ ᐅᖃᕈᑎᓖᑦ ᐊᓂᕐᕋᒥ ᐱᓇᓱᒐᑦᓴᔭᓅᓕᖓᔪᑦ ᑐᙵᕕᖏᓐᓂᒃ ᐃᓕᓐᓂᐊᑎᓄᑦ ᐊᑐᓂᑦ ᐳᕐᑐᓂᖏᓐᓂ ᑐᑭᓯᓐᓇᑎᑦᓯᓱᓂᓗ ᓱᓀᑦ ᓂᕆᐅᒋᔭᐅᒍᑎᐅᒻᒪᖔᑕ ᐊᐅᓚᑦᓯᓂᓕᕆᔨᓄᑦ, ᐃᓕᓐᓂᐊᑎᑦᓯᔨᓄᑦ, ᕿᑐᕐᖓᓕᓐᓄᑦ ᐃᓕᓐᓂᐊᑎᓄᓪᓗ.

so-07-homework_policy-july-2011-ik.pdf
175.84 KB
SO-08 ᒪᓕᒉᑦ ᐱᓇᓱᑦᑎᓄᑦ ᖃᕆᑕᐅᔭᐅᑉ ᑐᕃᓐᓇᑐᒥᒃ ᐱᑐᑦᓯᒪᕕᖓᓂᒃ ᐊᑐᕐᓂᒧᑦ ᖃᕆᑕᐅᔭᓂᓪᓗ ᐊᑐᕐᓂᒧᑦ

ᖃᕆᑕᐅᔭᐅᑉ ᐱᑐᑦᓯᒪᕕᖓᓂᒃ ᓯᓚᕐᔪᐊᒧᑦ ᐱᑐᑦᓯᒪᐅᑎᓂᓪᓗ ᐊᑐᕈᓐᓇᓂᖅ ᐱᓇᓱᑦᑎᓄᑦ ᐃᓄᓐᓄᓗ ᐱᑐᑦᓯᒪᓂᖃᕐᑐᓄᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐊᑐᕋᑦᓴᐅᑎᓪᓗᒍ ᐊᑐᐃᓐᓇᐅᑎᑕᐅᕗᖅ ᐱᓇᓱᐊᕐᓂᒧᑦ ᐱᓇᓱᒋᐊᓕᒻᒥᓂᓪᓗ ᐃᓕᓐᓂᐊᓂᓕᕆᓂᐅᑉ ᑎᓕᔭᐅᓯᒪᒍᑎᖓᓂᒃ ᑐᖕᖓᕕᓕᓐᓂᒃ ᐱᓇᓱᐊᕐᓂᒥᓄᑦ. ᖃᕆᑕᐅᔭᒃᑯᑦ ᐱᑐᑦᓯᒪᐅᑎᒥᒃ ᓯᓚᕐᔪᐊᒧᑦ ᐱᑐᑦᓯᒪᐅᑎᓂᓪᓗ ᖃᕆᑕᐅᔭᓂᓪᓗ ᐊᑐᓐᓂᖅ ᐱᓇᓱᑦᑎᓄᑦ ᐊᓯᖏᓐᓄᓗᓐᓃᑦ ᐊᖏᕐᑕᐅᓯᒪᔪᓄᑦ ᐃᓕᓐᓂᐊᓂᓕᕆᓂᕐᒧᑦ ᑖᒃᑯᓇᓂ ᒪᓕᒐᕐᓃᑐᓂᒃ ᒪᓕᑦᓯᐊᕆᐊᖃᕐᐳᖅ.

so-08-d-internet-employ-may-2011-ik.pdf
83.47 KB

ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖓᑦ

ADU-01 ᐱᐅᓯᕐᓱᓯᐊᕐᓂᒧᑦ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂ ᐱᓇᓱᒐᕐᓂᓗ ᐃᓕᓐᓂᐊᑎᑕᐅᕕᓐᓂ ᐃᓕᓐᓂᐊᑐᑦ ᒪᓕᒐᖏᑦ

ᑲᑎᕕᒃ ᐃᓕᓐᓂᐊᓂᓕᕆᓂᖅ ᓯᕗᓪᓕᐅᔨᒐᓱᐊᖏᓐᓇᐸᑉᐳᖅ ᐃᓕᓐᓂᐊᕕᖃᕐᑎᓯᓂᕐᒥᒃ ᐅᓚᐱᑕᐅᓐᓇᖏᑦᑐᓂᒃ ᐊᑦᑕᓇᖕᖏᑐᓂᒃ ᐃᓕᓐᓂᐊᑏᓪᓗ ᑭᖕᖒᒪᒋᔭᖏᓐᓂᒃ ᐃᑉᐱᒋᔭᖃᑦᓯᐊᑐᓂᒃ ᐱᓇᓱᑦᑏᓗ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂ ᐱᒋᐅᕐᓴᑎᑦᓯᕕᓐᓂᓗ

adu-01-ad-ed-code-cond-i.pdf
187.29 KB
ADU-02 ᒪᓕᒐᖅ ᓄᓇᓕᒋᖕᖏᑕᒥᓄᑦ ᐃᓕᓐᓂᐊᕆᐊᕐᓯᒪᔪᓄᑦ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂ ᐱᒋᐅᕐᓴᑎᑦᓯᓂᕐᒥᓗ

ᑖᒃᑯᐊ ᒪᓕᕷᕆᖅ ᓄᐃᑎᑕᐅᓯᒪᔪᑦ ᐊᑕᔪᒥᒃ ᐃᓕᓐᓂᐊᑐᑦ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂ ᐱᒋᐅᕐᓴᑎᑦᓯᓂᕐᒥᓗ ᓄᓇᓕᒋᖕᖏᑕᒥᓄᑦ ᐃᓕᓐᓂᐊᕆᐊᕐᓯᒪᔪᑦ ᑮᓇᐅᔭᖃᕐᑎᑕᐅᑦᓯᐊᖁᑦᓱᒋᑦ ᑮᓇᐅᔭᑐᕈᑎᒋᒋᐊᓕᒻᒥᓄᑦ.

ADU-02-D-Transf-stud-I.doc.pdf
101.09 KB
ADU-03 ᑐᑭᒧᐊᒋᐊᑦᓯᐊᕈᑎᑦᓴᖅ ᐱᑦᔪᑎᓕᒃ ᓄᓇᕕᒻᒥ ᐱᒋᐅᕐᓴᕕᒻᒥ ᐃᓕᓵᑦ ᓯᓂᑦᑕᕕᖓᓂᒃ

ᑖᓐᓇ ᑐᑭᒧᐊᒋᐊᑦᓯᐊᕈᑎᑦᓴᖅ ᒪᓕᒐᓕᐊᒍᓯᒪᔪᖅ ᐱᑦᔪᑎᖃᕐᓱᓂ ᐱᑦᓯᐊᕆᐊᖃᕐᓂᖏᓐᓂᒃ ᐃᓕᓵᑦ, ᓯᓂᑦᑕᕕᒻᒥᐅᓗ ᐳᓛᕐᑐᐃᓘᓐᓃᑦ ᓄᓇᕕᒻᒥ ᐱᒋᐅᕐᓴᕕᐅᑉ ᓯᓂᑦᑕᕕᖓᓂ ᐃᓕᓵᓄᑦ. ᑖᒃᑯᐊ ᒪᓕᒐᐃᑦ ᓇᓗᓇᐃᕐᓯᒍᑕᐅᒻᒥᔪᑦ ᖃᓄᐃᓕᒋᐊᕈᑎᑦᓴᓂᒃ ᐱᑦᓯᐊᖏᑦᑑᔪᖃᓕᕐᐸᑦ.

adu-03-d-nunavimmi_pigiursavik_residence-nov-2011-ik.pdf
266.12 KB

ᐱᓇᓱᑦᑎᓕᕆᕕᒃ

HR-01 ᐊᓂᕐᕋᑫᓐᓇᕈᑎᓄᑦ ᖃᖓᑦᑕᐅᑎᓄᑦ

ᑖᒃᑯᐊ ᒪᓕᒉᑦ ᓄᐃᑕᑎᑦᓯᔪᑦ ᐊᑭᓕᕐᑐᑕᐅᒍᓯᖏᓐᓂᒃ ᐅᑎᕐᑕᐅᒍᑎᖏᓐᓂᓗ, ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᖏᑦᑕ, ᑮᓇᐅᔭᕐᑐᕈᑎᕕᓂᖏᓐᓂᒃ ᐆᒪᑕᖏᑦᑕᓗ ᑮᓇᐅᔭᕐᑐᕈᑎᕕᓂᖏᓐᓂᒃ ᐊᐅᓚᓂᕐᒥᓂ ᐊᓂᕐᕋᑫᓐᓇᕈᑎᒥᓂᒃ ᐊᑐᕐᓱᑎᒃ ᐱᓇᓱᐊᕐᕕᒥᓂᑦ ᓄᓇᓕᒻᒧᑦ ᐊᐅᓪᓚᕕᒋᓯᒪᔭᒥᓄᑦ. ᑖᒃᑯᐊ ᒪᓕᒉᑦ ᓄᐃᑕᑎᑦᓯᒥᔪᑦ ᒪᓕᒐᕐᓂᒃ ᐊᓂᕐᕋᑫᓐᓇᓱᑎᒃ ᐊᐅᓪᓚᑐᓄᑦ.

hr-01-d-soctr-aug-2011-i-b.pdf
255.41 KB
HR-02 ᒪᓕᒐᖅ ᐊᐅᓚᑦᓯᓂᓕᕆᔩᑦ ᑕᙯᕐᓯᓇᖏᓐᓄᑦ

ᑖᓐᓇ ᒪᓕᒐᖅ ᓄᐃᑎᑕᐅᓯᒪᔪᖅ ᐊᐅᓚᑦᓯᓂᓕᕆᓂᕐᒥᒃ ᐱᓇᓱᑦᑏᑦ ᑖᙯᓯᓂᕐᒧᑦ ᐅᓪᓗᖁᑎᖏᑦᑕ ᐊᑐᕐᑕᐅᓂᖏᓐᓄᑦ ᑐᕌᖓᑦᓱᓂ. ᐊᐅᓚᑦᓯᔨᐅᑦᓱᑎᒃ ᐱᓇᓱᑦᑏᑦ ᐊᑭᓕᕐᑕᐅᒍᑎᖃᓲᒍᑦᔭᖏᒻᒪᑕ ᑫᕙᓪᓚᒍᓯᕐᒥᑕ ᐅᖓᑖᓄᑦ ᐃᑲᐅᕐᓂᓕᐅᕐᑐᕕᓂᐅᒐᓗᐊᕋᒥᒃ, ᐅᑎᕐᑕᐅᒍᑎᒋᒍᓐᓇᕋᔭᕐᑕᖏᑦ ᐃᓂᓪᓚᑕᐅᓯᒪᕗᑦ ᕿᑲᕐᕕᒋᒍᓇᖃᑦᑕᓂᐊᕐᑕᖏᓐᓂ ᐊᕐᕕᑕᕐᓂᕕᓂᕐᒥᓄᑦ, ᐅᓐᓄᓴᒃᑯᑦ ᐱᓇᓱᓐᓂᕈᑎᒃ ᐱᓇᓱᐊᕈᓯᐅᓪᓘᓃᑦ ᓄᖕᖑᐊᓂ ᐱᓇᓱᐊᖃᑦᑕᓂᕕᓂᕐᒥᓄᑦ.

HR-02-D-Recup-day-I.pdf
54.07 KB
HR-03 ᒪᓕᒉᑦ ᐅᐱᕐᖔᒥ/ᐊᐅᔭᒥ ᐱᓇᓱᓐᓇᓄᑦ ᑫᕙᓪᓚᒍᓯᕐᓄᑦ/ᐃᑲᐅᕐᓂᓄᑦ

ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᓕ ᖏᑦ ᐱᓇᓱᒐᓖᑦ ᐊᑕᔪᒥᒃ ᐅᐱᕐᖔᒥ/ᐊᐅᔭᒥ ᐱᓇᓱᐊᕐᓂᒧᑦ ᑫᕙᓪᓚᒍᓯᖏᑦ/ᐃᑲᐅᕐᓂᖏᑦ ᐃᑭᓪᓕᒋᐊᕐᑕᐅᓯᒪᖃᑦᑕᓂᐊᕐᐳᑦ.

HR-03-D-Summer-hrs-I.doc.pdf
61.96 KB
HR-04 ᐊᕐᕌᒍᑕᒫᑦ ᕿᑲᕐᓇᓄᑦ ᒪᓕᒉᑦ

ᑖᒃᑯᐊ ᒪᓕᒉᑦ ᓄᐃᑎᑕᐅᓯᒪᕗᑦ ᐊᕐᕌᒍᑕ ᑦ ᕿᑲᕐᓀᑦ ᐱᓇᓱᑦᑏᑦ ᐊᑐᕈᓐᓇᑕᖏᑦ ᐱᓇᓱᒍᑦᔨᓂᕐᒧᑦ ᐊᖏᖃᑎᕷᕆᒍᑎᐅᓯᒪᔪᑦ ᐅᕝᕙᓗᓐᓃᑦ ᐊᓯᖏᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᐊᕐᓂᒧᑦ ᒪᓕᒐᖏᑦ ᑐᑭᓯᒪᔭᐅᑦᓯᐊᖁᑦᓱᒋᑦ.

HR-04-DAnnual-vac-Ik-July-1-09.pdf
119.31 KB
HR-05 ᒪᓕᒉᑦ ᐱᓇᓱᑦᑎᓅᓕᖓᔪᑦ ᐊᑯᓂ ᐱᓇᓱᐊᕐᓯᒪᓕᕐᑐᓄᑦ ᑮᓇᐅᑦᔭᓵᒥᓂᑦ ᓄᐊᑦᓯᒍᒪᔪᓄᑦ ᑭᖃᕐᓗᑎᒃ ᐊᑐᕋᔭᕐᑕᒥᓂᒃ ᓄ

ᑖᓐᓇ ᒪᓕᒐᖅ ᑐᑭᓯᓇᕐᑎᓯᔪᖅ ᑐᑦᓯᕋᐅᑎᓕᐅᕐᓂᐅᒍᓐᓇᑐᓂᒃ ᐱᓇᓱᑦᑎᓄᑦ ᑮᓇᐅᑦᔭᓵᒥᓂᒃ ᓄᐊᑦᓯᓚᐅᑲᓪᓗᑎᒃ ᕿᑲᕈᒪᒐᔭᕐᑐᓄᑦ ᐱᓇᓱᑦᑎᓄᑦ ᐊᑯᓂ ᐱᓇᓱᐊᕐᓯᒪᓕᕐᑐᒧᑦ ᑐᕌᖓᔪᖅ, ᐃᓚᒋᔭᐅᒋᐊᓪᓚᓱᓂ ᐱᓇᓱᒍᑦᔨᓂᕐᒧᑦ ᐊᖏᖃᑎᕷᕆᒍᑎᐅᓯᒪᔪᓄᑦ ᐅᕝᕙᓗᓐᓃᑦ ᐱᓇᓱᑦᑏᑦ ᒪᓕᒐᖏᓐᓄᑦ.

HR-05-D-Defered-salary-I-09.pdf
65.49 KB
HR-07 ᐱᓇᓱᒐᕐᒥᓂᑦ ᕿᑲᓚᐅᕐᑐᑐᓄᑦ ᕿᓂᕐᓂᓄᑦ ᐱᖏᑦᑐᓯᐅᕐᓂᓄᓪᓗ

ᑖᓐᓇ ᒪᓕᒐᖅ ᓄᐃᑦᓯᔪᖅ ᐱᖁᔭᕐᓂᒃ ᐃᓚᖏᓐᓂᒃ ᐱᓇᓱᒐᕐᒥᒃ ᕿᒣᓯᒪᑫᓪᓇᓂᕐᒨᓕᖓᔪᓂᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᑦᑎᓄᑦ ᐃᓚᐅᔪᓄᑦ ᕿᓂᕐᓂᓂ ᐊᓐᓇᑎᑦᓯᒐᓱᐊᕐᓂᓂᓪᓗ ᓄᓇᓖᑦ ᐃᓚᖏᓐᓂ.

HR-07-D-Search-rescue-I-V2.pdf
179.87 KB
HR-08 ᕿᑲᕐᓇᓄᑦ ᐊᑭᓕᕐᑐᑕᐅᒍᓐᓇᑐᓄᑦ ᒪᓕᒉᑦ

ᑖᓐᓇ ᒪᓕᒐᖅ ᑐᑭᓯᓇᕐᑎᓯᔪᖅ ᐱᓇᓱᑦᑎᓄᑦ ᕿᑲᕐᓇᕆᔭᐅᒍᓐᓇᑐᓂᒃ ᐊᑭᓕᕐᑐᐃᒍᑎᐅᓗᑎᒃ ᐱᓇᓱᒍᑦᔨᓂᕐᒧᑦ ᐊᖏᖃᑎᖏᒍᑏᑦ ᒪᓕᑦᓱᒋᑦ ᐅᕝᕙᓗᓐᓃᑦ ᐱᓇᓱᐊᕐᓂᒧᑦ ᒪᓕᒐᐅᔪᑦ ᒪᓕᑦᓱᒋᑦ.

HR-08-D-paid-holid-I.pdf
54.25 KB
HR-09 ᐃᓕᖓᔪᖅ ᐱᓇᓱᒐᕐᒥᓂᒃ ᕿᑲᕐᑐᓄᑦ ᑮᓇᐅᑦᔭᓴᕋᑎᒃ ᐱᓇᓱᕝᕕᐅᑉ ᓯᓚᑖᓂ ᐱᓇᓱᒋᐊᕐᑐᓯᒪᔪᓄᑦ

ᐃᓕᓐᓂᐊᓂᓕᕆᕕᒃ ᐱᓇᓱᑦᑎᒥᓂᒃ ᑫᓪᓚᑐᐃᒍᑎᑦᓴᓂᒃ ᓄᐃᑦᓯᒍᑎᖃᕐᓯᒪᕗᖅ ᐃᓚᐅᕕᖃᕐᑎᓯᓂᕐᒥᒃ ᐱᕕᑦᓴᖃᕐᑎᓯᓂᒃᑯᑦ ᐱᓇᓱᐊᕐᓂᑯᑦ ᐱᓂᐊᕐᓂᐅᔪᓄᓪᓗ ᐃᓚᐅᕕᖃᕐᑎᓯᓂᕐᒥᒃ ᐱᕙᓪᓖᒍᑎᐅᓚᖓᔪᓄᑦ ᓄᓇᕕᒻᒥ ᓄᓇᕕᒻᒥᐅᓗ ᐃᓄᖏᑦᑕ ᖃᓄᐃᖕᖏᓯᐊᕐᓂᒦᒋᐊᖃᕐᓂᖏᓐᓄᑦ.

HR-09-D-Spec-leave-I-June-08.pdf
102.66 KB
HR-11 ᒪᓕᒉᑦ ᐱᓇᓱᑦᑎᑖᖑᒐᓱᐊᕐᑐᑦ ᐊᓪᓚᖁᑎᖏᓐᓂᒃ ᖃᐅᔨᓴᕐᓂᒧᑦ

ᑖᒃᑯᐊ ᒪᓕᒉᑦ ᐱᖁᔭᖃᕐᑎᓯᕗᑦ ᖃᐅᔨᓴᕐᓂᒨᓕᖓᔪᓂᒃ ᐱᓇᓱᒐᕐᑖᕋᓱᐊᕐᑑᑉ ᓯᕗᓪᓕᒥ ᐱᓇᓱᒐᖃᕐᕕᕕᓂᖏᓐᓂᒃ ᐃᓕᓐᓂᐊᓂᓕᕆᓂᕐᒧᑦ ᐱᓇᓱᑦᑎᑖᕆᔭᐅᖕᖏᓂᕐᒥᓂ.

HR-11-Ref-check-Sept-8-09-Inuk.pdf
188.37 KB
HR-12 ᒪᓕᒉᑦ ᐅᐃᒪᓇᕐᑐᑎᒍᑦ ᐊᐅᓪᓚᐅᔭᐅᒋᐊᓕᓐᓄᑦ ᐋᓐᓂᐊᓂᕐᒥᓄᑦ

ᑖᒃᑯᐊ ᒪᓕᒉᑦ ᓄᐃᑎᑕᐅᓯᒪᔪᑦ ᐊᑭᓖᒍᑎᐅᒐᔭᕐᑐᓂᒃ ᐱᓇᓱᑦᑏᑦ ᐆᒪᑕᖏᓪᓘᓃᑦ ᐊᐅᓪᓚᐅᔭᐅᒋᐊᖃᕐᑐᕕᓂᐅᑐᐊᕐᒪᑕ ᐋᓐᓂᐊᓂᕐᒧᑦ ᐅᐃᒪᓇᕐᑐᑯᑦ.

HR-12-D-Medi-vac-I.pdf
92 KB
HR-13 ᒪᓕᒉᑦ ᐱᕙᓪᓕᖁᑎᑖᕆᔭᐅᕙᑦᑐᓄᑦ ᐊᖏᖃᑎᒌᓐᓂᒧᑦ ᐃᓚᐅᒍᑎᓕᓐᓄᑦ ᐱᓇᓱᐊᕐᐸᑐᓄᑦ ᒪᓐᑐᔨᐊᒥ

ᑖᒃᑯᐊ ᒪᓕᒉᑦ ᓄᐃᑎᑕᐅᓯᒪᕗᑦ ᐃᓚᐅᒍᑎᖃᕐᓱᑎᒃ ᐊᖏᖃᑎᕷᕆᓐᓂᒧᑦ ᐱᓇᓱᑦᑏᑦ ᐱᓇᓱᐊᕐᕕᖃᕐᑐᑦ ᒪᓐᑐᔨᐊᒥ ᓈᒻᒪᕕᐅᑦᓯᐊᖁᑦᓱᒋᑦ ᓇᓪᓕᖁᐊᕇᒥᓪᓗ ᐱᐅᓯᖃᕐᕕᐅᖁᑦᓱᒋᑦ.

HR-13-P-Ben-Inuit-mtl-I.doc.pdf
55.43 KB
HR-14 ᐱᒍᓐᓇᐅᑎᓕᓐᓂᒃ ᐃᓕᓐᓂᐊᑎᑦᓯᔨᓂᒃ ᑮᓇᐅᔦᑦ ᐃᑲᔪᕐᓯᒍᑏᑦ ᒪᓕᒐᖏᑦ

ᐱᒍᓐᓇᐅᑎᓕᓐᓂᒃ ᐃᑲᔪᕐᓯᒪᐅᑏᑦ ᑮᓇᐅᔦᑦ ᐱᕕᑦᓴᖃᕐᑎᓯᒍᑎᐅᔪᑦ ᐃᑲᔪᕐᓯᒍᑎᑦᓴᕆᐊᓪᓚᐅᑎᓪᓗᒋᑦ ᐃᓕᓐᓂᐊᑎᑦᓯᔩᑦ ᐃᓕᑦᓯᓯᒪᔭᖏᓐᓂᒃ, ᐱᔪᓐᓇᑕᖏᓐᓂᒃ ᐱᒍᓐᓇᓂᖏᓐᓂᓗ ᐱᓇᓱᒐᕐᒥᒍᑦ ᐃᓕᓐᓂᐊᓂᓕᕆᓂᐅᑉ ᐃᓗᐊᓂ. ᑖᓐᓇ ᒪᓕᒐᖅ ᒪᓕᒐᐅᔪᓂᒃ ᐊᑐᓕᕐᑎᓯᒍᑎᐅᔪᖅ ᐱᒍᓐᓇᐅᑎᓕᓐᓂᒃ ᐃᑲᔪᕐᓯᒪᓂᕐᒧᑦ ᑮᓇᐅᔦᑦ ᐃᓕᓐᓂᐊᑎᑦᓯᔨᓄᑦ ᑐᕌᖓᑦᓱᑎᒃ ᐃᓕᓐᓂᐊᓂᓕᕆᕕᒻᒥ ᐱᓇᓱᑦᑐᓄᑦ ᐊᕕᑦᑐᓯᒪᔪᒦᑦᑐᖅ 7-0.00ᒥ ᒪᓕᑦᓱᒍ ᐃᓕᓐᓂᐊᑎᑦᓯᔩᑦ ᐊᖏᖃᑎᕷᕆᒍᑎᖓᓂᑦ.

HR-14-D-Prof-fund-Teachers-Oct-2010-Ik.pdf
283.66 KB
HR-15 ᐱᒍᓐᓇᐅᑎᓖᑦ ᐱᓇᓱᑦᑏᑦ ᐃᓕᓐᓂᐊᑎᑦᓯᔨᐅᖕᖏᑐᑦ ᐱᕙᓪᓕᖁᑎᑦᓴᖏᓐᓄᑦ ᑮᓇᐅᔦᑦ ᒪᓕᒐᖏᑦ

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᑕᕐᓯᒪᕗᖅ ᐱᒻᒪᕆᐅᓂᖓᓂᒃ ᐱᒍᓐᓇᐅᑎᓖᑦ ᐱᓇᓱᑦᑏᑦ ᐃᑲᔪᕐᓯᔭᐅᖃᑦᑕᑐᑦᓴᐅᒋᐊᖏᑦ ᐱᓇᓱᒐᕐᒥᒍᑦ, ᐱᓇᓱᑦᑎᓂᒃ ᐱᕕᑦᓴᖃᕐᑎᓯᒍᑎᐅᑦᓱᓂ ᐱᓇᓱᐊᒐᒃᑯᑦ ᓄᑖᓂᒃ ᐃᓕᓐᓂᐊᑎᑦᓯᒍᓯᕐᓂᒃ ᐱᕙᓪᓕᐊᑎᑦᓯᓂᖅ. ᑮᓇᐅᔦᑦ ᐱᕙᓪᓚᖁᑏᑦ ᐱᕕᑦᓴᖃᕐᑎᓯᕗᑦ ᐱᒍᓐᓇᐅᑎᓕᓐᓂᒃ ᐃᓕᓐᓂᐊᑎᑦᓯᔨᐅᖕᖏᑐᓂᒃ ᐃᓕᑦᓯᓯᒪᔭᖏᓐᓂᒃ, ᐱᔪᓐᓇᑕᖏᓐᓂᒃ ᐱᒍᓐᓇᓂᖏᓐᓂᓗ ᐱᓇᓱᒐᕐᒥᒍᑦ ᐱᕈᕐᐸᓕᐊᑎᑦᓯᓂᕐᒥᒃ ᐃᓕᓐᓂᐊᓂᓕᕆᓂᐅᑉ ᐃᓗᐊᓂ. ᑖᓐᓇ ᒪᓕᒐᖅ ᒪᓕᒐᐅᔪᓂᒃ ᐊᑐᓕᕐᑎᓯᒍᑎᐅᕗᖅ ᐱᒍᓐᓇᐅᑎᓕᓐᓂᒃ ᐃᑲᔪᕐᓯᒪᓂᕐᒧᑦ ᑮᓇᐅᔦᓪᓗ ᐃᓕᓐᓂᐊᑎᑦᓯᔨᓄᑦ ᑐᕌᖓᕗᑦ ᐃᓕᓐᓂᐊᓂᓕᕆᕕᒻᒥ ᐱᓇᓱᑦᑐᓄᑦ ᐊᕕᑦᑐᓯᒪᔪᒦᑦᑐᖅ 7-10.00ᒥ ᒪᓕᑦᓱᒍ ᐱᒍᓐᓇᐅᑎᓖᑦ ᐱᓇᓱᑦᑏᑦ ᐊᖏᖃᑎᕷᕆᒍᑎᖓᓂ.

HR-15-D-Prof-fund-professionals-Oct-2010-Ik.pdf
161.53 KB
HR-16 ᐱᓇᓱᑦᑎᑐᐃᓐᓀᑦ ᐱᒋᐅᕐᓴᔭᐅᒋᐊᓪᓛᓂᕐᒧᑦ ᑮᓇᐅᔭᖃᕐᑎᓯᒍᑎᖏᑦᑕ ᑐᑭᒧᐊᒍᑎᖏᑦ

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐅᑉᐱᒋᔭᖃᓪᓚᕆᑦᑐᖅ ᐱᒻᒪᕆᐅᓂᖓᓂᒃ ᓱᕐᖁᐃᓯᒪᒋᐊᖃᕐᓂᐅᑉ ᐱᓇᓱᑦᑎᑐᐃᓐᓇᒥᑕ ᐱᒍᓐᓇᓯᓕᐅᒥᒋᐊᕈᑎᑦᓴᖏᓐᓂᒃ. ᑐᑭᒧᐊᒍᑏᑦ ᒪᓕᒐᖏᓐᓂᒃ ᐋᕐᕿᓯᒪᑎᑦᓯᔪᑦ ᐊᑐᕐᑕᐅᒍᓐᓇᑐᓂᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᑦᑎᑐᐃᓐᓇᓂᒃ ᐱᒍᓐᓇᓯᓕᐅᒥᒋᐊᕈᑎᑦᓴᖏᓐᓄᑦ ᑮᓇᐅᔭᖃᕐᑎᓯᒍᑎᓂᒃ ᒪᓕᑦᓱᒋᑦ ᐊᑐᐊᒐᕐᓃᑐᑦ 5-7.00-ᒥ ᐱᓇᓱᑦᑎᑐᐃᓐᓀᑦ ᐱᓇᓱᒍᑦᔨᓂᖏᑦᑕ ᐊᖏᖃᑎᕷᕆᒍᑎᖏᓐᓂ. ᓱᕐᖁᐃᓯᒪᑎᑦᓯᔪᖅ ᒪᓕᒐᖓᓂᒃ ᐊᐅᓚᑦᓯᓂᐅᑉ ᐊᑐᐃᓐᓇᕈᕐᑎᓂᕐᒥ, ᐃᓂᓪᓚᑎᕆᓂᕐᒥ, ᐊᖏᕐᓂᒥ, ᐊᐅᓚᑦᓯᓂᖃᕐᓂᒥ ᓇᐅᑦᓯᑐᕐᓂᒥᓪᓗ ᐱᓇᓱᑦᑏᑦ ᐱᒍᓐᓇᓯᓕᐅᒥᒋᐊᕈᑎᑦᓴᖏᓐᓂᒃ ᓱᑎᑦᓯᒍᑎᓂ.

HR-16-D-Prof-Fund-Supp-Oct-2010-I.pdf
312.76 KB
HR-17 ᐱᒍᓐᓇᐅᑎᓖᑦ ᐱᒍᓐᓇᓯᓕᐅᒥᒋᐊᕈᑎᑦᓴᖏᓐᓄᑦ ᑮᓇᐅᔭᖃᕐᑎᓯᓂᕐᒥ ᐊᐅᓚᑦᓯᓂᓕᕆᔨᓄᑦ

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐱᒻᒪᕆᐅᔪᖁᑎᖃᕐᖁᖅ ᐱᒍᓐᓇᐅᑎᓖᑦ ᐱᒍᓐᓇᓯᓕᐅᒥᒋᐊᖃᕐᓂᖏᓐᓂᒃ, ᐊᐅᓚᑦᓯᓂᓕᕆᓂᕐᒥᒃ ᐱᓇᓱᑦᑎᖁᑎᒥᓐᓂᒃ ᖃᐅᔨᒪᓂᕐᑖᒋᐊᓪᓚᑎᑦᓯᒐᔭᕐᑐᓂᒃ ᐱᓇᓱᐊᕈᓐᓇᒋᐊᖃᕐᓂᖏᓐᓄᑦ ᑎᓕᔭᐅᒪᐅᑎᒻᒥᓂᒃ ᐱᔪᓐᓇᓂᕐᑖᓂᓐᓄᓗ ᓄᑖᓂᒃ ᐱᐅᓯᕐᑖᓂᕐᒧᓘᓐᓃᑦ ᐱᓇᓱᒐᖃᓐᓂᒨᕐᐸᓕᐊᔪᓂᒃ.

HR-17-D-Prof-fund-Managers-Ik-Oct-2010.pdf
140.92 KB
HR-18 ᐱᓇᓱᒐᕐᒥᒃ ᓄᕐᖃᖓᑫᓐᓇᓃᑦ ᐊᑭᓕᕐᑐᑕᐅᙱᑐᓂᒃ ᒪᓕᒐᖏᑦ

ᑖᒃᑯᐊ ᒪᓕᒉᑦ ᐱᖁᔭᖃᕐᑎᓯᕗᑦ ᐱᓇᓱᒐᕐᓂᒃ ᓄᕐᖃᖓᑫᓐᓇᓂᕐᒨᓕᖓᔪᓂᒃ ᐊᑭᓕᕐᑐᑕᐅᙱᑐᓂᒃ ᐱᑦᔪᑎᑦᓯᐊᓂᒃ ᐱᑦᔪᑎᖃᕐᓱᑎᒃ ᒪᓕᒐᖃᕐᑎᓯᒍᑎᐅᙱᑐᓂᒃ ᐱᓇᓱᒍᑦᔨᓂᕐᒧᑦ ᐊᖏᖃᑎᒌᒍᑎᓂ ᐊᓯᖏᓐᓂᓘᓐᓃᑦ ᐱᓇᓱᒐᖃᕐᓂᐅᑉ ᖃᓄᐃᑦᑐᒦᓐᓂᖃᕐᑎᑕᐅᒍᑎᖏᓐᓂ.

hr-18-d-leaves_of_absence-nov-08-2011-ik.pdf
265.14 KB

ᑮᓇᐅᔭᓕᕆᓂᒃᑯᑦ ᐊᐅᓚᑦᓯᓂᓕᕆᓂᖅ

FIN-01 ᒪᓕᒉᑦ ᐱᓇᓱᒋᐊᕐᑐᓱᑎᒃ ᐊᐅᓪᓚᖃᑦᑕᑐᑦ ᓂᕈᐊᕐᑕᐅᓯᒪᑦᓱᑎᒃ ᑭᒡᒐᑐᑦᑎᐅᔪᓄᑦ

ᑖᓐᓇ ᒪᓕᒐᖅ ᓄᐃᑕᑎᑦᓯᔪᖅ ᐊᑭᓕᕐᑐᐃᓂᕐᒧᑦ ᑮᓇᐅᔭᕐᑐᕈᑎᐅᔪᕕᓂᕐᓂᓗ ᐊᑭᓖᓂᕐᒧᑦ ᒪᓕᑦᑕᐅᒋᐊᓕᓐᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᑦᑎᓄᑦ ᐱᓇᓱᒋᐊᕐᑐᓱᑎᒃ ᐊᐅᓪᓚᑲᑦᑕᓲᓄᑦ. ᑖᓐᓇ ᒪᓕᒐᖅ ᓄᐃᑕᑎᑦᓯᒥᔪᖅ ᐱᓇᓱᒋᐊᕐᑐᓱᑎᒃ ᐊᐅᓚᓲᑦ ᒪᓕᒐᖏᓐᓂᒃ.

fin-01-d-bus-tr-elect-aug-2011-i.pdf
379.14 KB
FIN-02 ᒪᓕᒉᑦ ᐱᓇᓱᑦᑎᓄᑦ ᐱᓇᓱᒋᐊᕐᑐᓱᑎᒃ ᐊᐅᓪᓚᖃᑦᑕᑐᓄᑦ

ᑖᓐᓇ ᑐᑭᒧᐊᑦᓯᐊᕈᑎᒃ ᓄᐃᑕᑎᑦᓯᔪᖅ ᐊᑭᓕᕐᑐᐃᓂᕐᒧᑦ ᑮᓇᐅᔭᕐᑐᕈᑎᐅᔪᕕᓂᕐᓂᓗ ᐊᑭᓖᓂᕐᒧᑦ ᒪᓕᑦᑕᐅᒋᐊᓕᓐᓂᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᑦᑎᓄᑦ ᐱᓇᓱᒋᐊᕐᑐᓱᑎᒃ ᐊᐅᓪᓚᑲᑦᑕᓲᓄᑦ. ᑖᓐᓇ ᑐᑭᒧᐊᑦᓯᐊᕈᑎᒃ ᓄᐃᑕᑎᑦᓯᒥᔪᖅ ᐱᓇᓱᒋᐊᕐᑐᓱᑎᒃ ᐊᐅᓚᓲᑦ ᒪᓕᒐᖏᓐᓂᒃ.

fin-02-d-busi-employ-i-aug-2011.pdf
408.72 KB
FIN-03 ᒪᓕᒉᑦ ᐃᓕᓐᓂᐊᕖᑦ ᑮᓇᐅᔭᖁᑎᖏᓐᓂᒃ ᐊᐅᓚᑦᓯᓂᕐᓄᑦ ᓄᓇᓕᒻᒥᓗ ᑮᓇᐅᔭᒃᑯᕕᓐᓂᒃ

ᐱᒍᑦᔨᒍᑎᐅᔪᑦ ᐃᓕᓐᓂᐊᕕᓐᓄᑦ ᐃᕐᐸᑎᑕᐅᕙᓪᓕᐊᓂᖏᓐᓄᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᓯᕗᓪᓕᐸᐅᑦᔨᒐᓱᐊᕐᓱᒍ ᐱᓇᓱᐊᕋᓱᐊᕐᒪᒍ ᑌᒣᓐᓂᖓᓄᑦ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑎᖏᑦ ᑮᓇᐅᔭᖁᑎᓂᒃ ᐊᐅᓚᑦᓯᒋᐊᖃᖃᑦᑕᒪᑕ ᓇᓪᓕᐊᒍᑐᐃᓐᓇᖅ ᑌᒪᖕᖓᓕ ᖅ ᑖᒃᑯᐊ ᑮᓇᐅᔦᑦ ᐊᐅᓚᑕᐅᓂᕐᓗᓯᒪᒋᐊᖃᖕᖏᒪᑕ, ᐃᓕᓐᓂᐊᕕᐅᑉ ᑮᓇᐅᔭᖁᑎᖏᓗᐊᖕᖑᐊᖅ.

Fin-03-P-R-local-accounts-I.doc.pdf
72.11 KB

ᐱᐅᒃᑯᑏᑦ, ᐃᓪᓗᖁᑏᑦ ᐊᐅᓚᒍᑏᓪᓗ

EQU-01 ᒪᓕᒉᑦ ᓂᐅᕕᕐᓂᒧᑦ ᐱᖁᑎᓂᒃ ᐱᓇᓱᒍᑎᓂᓪᓗ

ᑖᓐᓇ ᒪᓕᒐᖅ ᓄᐃᑎᑕᐅᓯᒪᕗᖅ ᓈᒻᒪᓯᐊᕐᓂᐹᒃᑯᑦ ᐃᓱᐊᕐᓂᐹᒃᑯᑦ ᐊᑭᑭᓐᓂᐸᐅᑎᓪᓗᒍᓗ ᐱᖁᑏᑦ ᐱᓇᓱᒍᑏᓪᓗ ᓂᐅᕕᕐᑕᐅᖃᑦᑕᓂᐊᕐᑎᓗᒋᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ.

EQU-01-D-Purchasing-I.pdf
259.02 KB
EQU-02 ᒪᓕᒐᖅ ᐃᓕᓐᓂᐊᓂᓕᕆᓂᐅᑉ ᐱᖁᑎᖏᑦᑕ ᐃᓱᕐᕉᑎᖏᑦᑕᓗ ᐊᑐᕐᑕᐅᓂᖏᓐᓄᑦ ᓄᓇᓕᒻᒧᑦ ᐊᓯᖏᓐᓂᓗ ᑎᒥᐅᔪᓄᑦ

ᐃᓕᓐᓂᐊᓂᓕᕆᓂᖅ ᐃᓱᕐᕉᑎᒥᓂᒃ ᐱᖁᑎᒥᓂᓪᓗ ᐊᑐᕐᑕᐅᔪᑦᓴᖁᑎᖃᕐᐳᖅ ᐃᓄᓐᓄᑦ ᑎᒥᐅᔪᓄᓪᓗ, ᑕᒪᒃᑯᐊ ᐊᑦᑕᑐᕐᑐᑦ ᐃᓕᓐᓂᐊᕕᐅᑉ ᐱᓇᓱᐊᕐᓂᖓᓂᒃ ᐅᓚᐱᑦᓯᓂᐊᖕᖏᑐᐊᕐᐸᑕ. ᑲᑎᕕᒃ ᐃᓕᓐᓂᐊᓂᓕᕆᓂᖅ ᓄᓇᓕᒻᒥᐅᓄᑦ ᐊᑐᐃᓐᓇᐅᑎᑦᓯᒍᒪᕗᖅ ᐱᖁᑎᒥᓂᒃ ᐃᓱᕐᕉᑎᒥᓂᓪᓗ ᐃᓕᓐᓂᐊᓇᐅᑉ ᓯᓚᑖᒍᑦ ᐊᑐᕐᑕᐅᒍᓐᓇᓂᐊᕐᑎᓗᒋᑦ.

EQU-02-D-Use-school-I-oct-09.pdf
235.41 KB
EQU-03 ᒪᓕᒐᖅ ᐃᓕᓐᓂᐊᕕᑐᐃᓐᓇᓂᒃ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖏᓐᓂᓗ ᐱᓇᓱᑦᑏᑦ ᐊᓂᕐᕋᖃᕐᑎᑕᐅᓂᖏᓐᓄᑦ

ᑖᒃᑯᐊ ᒪᓕᒉᑦ ᓄᐃᑕᑎᑦᓯᒍᑎᐅᔪᑦ ᒪᓕᒐᕆᔭᐅᒋᐊᓕᓐᓂᒃ ᐃᓪᓗᖃᕐᑎᑕᐅᓂᕐᒧᑦ ᐃᓕᓐᓂᐊᕕᐅᑉ ᐱᓇᓱᑦᑎᖏᓐᓄᑦ ᐃᓕᓐᓂᐊᕕᑐᐃᓐᓇᓂ ᐃᓄᒻᒪᕇᓪᓗ ᐃᓕᓐᓂᐊᑎᑕᐅᕕᖏᓐᓂ ᐊᒻᒪᓗ ᓄᓇᕕᒻᒥ ᐱᒋᐅᕐᓴᕕᒻᒥ ᐱᓇᓱᑦᑎᓄᑦ.

EQU-3-D-Housing-I.pdf
87.68 KB
EQU-04 ᒪᓕᒉᑦ ᐃᑯᐊᓪᓚᑐᓕᕆᓂᕐᒧᑦ ᐅᐃᒪᓇᕐᑐᒥᓪᓗ ᐃᓕᓐᓂᐊᕕᒻᒦᑐᓄᑦ ᐊᓂᑎᑦᓯᓂᕐᒧᑦ

ᐃᓕᓐᓂᐊᕕᐅᑉ ᐊᐅᓚᑦᓯᓂᓕᕆᔨᖏᑦ ᐃᓕᓐᓂᐊᕕᓱᐃᓐᓇᒥ ᐃᓄᒻᒪᕇᓪᓗ ᐃᓕᓐᓂᐊᑎᑕᐅᕕᖏᓐᓂ ᑲᒪᒋᔭᖃᕆᐊᖃᕐᐳᖅ ᐃᓕᓐᓂᐊᓇᐅᑉ ᐊᕐᕌᒍᖓ ᐊᑑᑎᑎᓪᓗᒍ ᐃᑯᐊᓪᓚᑐᖃᓕᕐᓂᐸᑦ ᐅᐃᒪᓇᕐᑐᒥᒃ ᐊᓂᒋᐅᕐᓴᑎᑦᓯᓂᕐᒥᒃ ᖃᓄᐃᓘᕐᓂᐅᒐᔭᕐᑐᓂᓪᓗ ᑐᑭᓯᒪᑎᑦᓯᓂᕐᒥᒃ.

EQU-04-D-FireDrill-I.pdf
74.5 KB
EQU-05 ᒪᓕᒐᖅ ᐃᓕᓐᓂᐊᓂᓕᕆᓂᐅᑉ ᐃᖏᕐᕋᐅᑎᖏᓐᓂᒃ ᐊᑐᕐᓂᒧᑦ

ᐃᓕᓐᓂᐊᓂᓕᕆᓂᖅ ᐃᖏᕐᕋᐅᑎᖃᕐᒪᑦ ᐱᓇᓱᐊᕐᓂᒥᓄᑦ ᐊᑐᕐᐸᑕᒥᓂᒃ ᑖᒃᑯᐊ ᐃᓕᓐᓂᐊᓂᓕᕆᓂᐅᑉ ᐱᓇᓱᑦᑕᐅᓂᖓᓄᑦ ᑭᐊᓂ ᑐᕌᖓᒋᐊᖃᕐᐳᑦ. ᐃᓕᓐᓂᐊᓂᓕᕆᓂᐅᑉ ᐃᖏᕐᕋᐅᑎᖏᓐᓂᖅ ᐊᑐᕐᓂᖅ ᓇᒻᒥᓂᕐᒨᓕᖓᑎᓪᓗᒍ ᐊᑑᑎᔭᐅᔪᑦᓴᐅᖏᓪᓚᖅ. ᑭᓯᐊᓂ, ᐱᓇᓱᑦᑎ ᐊᑐᐃᓐᓇᐅᒋᐊᖃᕐᓂᐸᑦ ᐃᓕᓐᓂᐊᓂᓕᕆᓂᖅ ᐱᓪᓗᒍ ᐅᐃᒪᓇᕐᓯᔪᖃᕐᐸᑦ, ᓄᓇᒃᑰᔫᒥᒃ ᐊᑐᕈᓐᓇᑐᖅ ᐱᓇᓱᓐᓇᐅᑉ ᓯᓚᑖᒍᑦ ᒪᓕᓪᓗᒋᑦ ᐅᑯᐊ.

EQU-05-D-Use-vehicles-I-Oct-09.pdf
192.17 KB
EQU-06 ᒪᓕᒉᑦ ᐅᖄᓚᐅᑎᓄᑦ ᓱᑲᒃᑐᑯᕐᑎᓯᒍᑎᓄᑦ, ᐊᑦᔨᒌᓕᐅᕈᑎᓄᓪᓗ ᐊᑐᕐᓂᒧᑦ

ᑖᒃᑯᐊ ᒪᓕᒉᑦ ᓄᐃᑎᑕᐅᓯᒪᕗᑦ ᐅᖄᓚᐅᑏᑦ ᓱᑲᑦᑐᑯᓪᓗ ᐊᐅᓪᓚᑎᑦᓯᒍᑏᑦ ᐊᑦᔨᕷᕆᓕᐅᕈᑏᓪᓗ ᐊᑐᕐᑕᐅᓂᖏᓐᓄᑦ ᐃᓕᓐᓂᐊᕕᓐᓂ, ᐃᓕᓐᓂᐊᕆᐊᓪᓛᕕᓐᓂᓗ, ᐊᓪᓚᕕᒻᒪᕆᒻᒥᓗ ᐊᓯᖏᓐᓂᓗ ᐃᓕᓐᓂᐊᓂᓕᕆᓂᐅᑉ ᐱᓇᓱᐊᕐᕕᖁᑎᖏᓐᓂ.

EQU-06-D-Use-telephone-I-April-2011.pdf
130.24 KB
EQU-07 ᑐᑭᒧᐊᒋᐊᑦᓯᐊᕈᑎᑦᓴᖓ ᐱᓇᓱᑦᑎᖏᑦᑕ ᐃᓕᓐᓂᐊᓂᓕᕆᕕᐅᑉ ᑰᔾᔪᐊᒦᑦᑐᒥ ᐊᐅᓚᑦᓯᓂᓕᕆᕕᒻᒥ

ᑖᓐᓇ ᒪᓕᒐᖅ ᒪᓕᒐᓕᐅᕈᑕᐅᓯᒪᔪᖅ ᑰᔾᔪᐊᒦᑦᑑᑉ ᐃᓕᓐᓂᐊᓂᓕᕆᓂᐅᑉ ᐊᐅᓚᑦᓯᓂᓕᕆᕕᖓᓂ ᐱᓇᓱᑦᑏᑦ ᐃᒡᓗᖏᓐᓅᓕᖓᔪᓂᒃ, ᐃᒡᓗᖃᕐᑎᑕᐅᓂᕐᒥᒃ, ᐊᑐᕐᑕᐅᒋᐊᖃᕐᓂᖏᓐᓂᒃ ᖃᓄᐃᓕᖓᒋᐊᖃᕐᓂᖏᓐᓂᓗ. ᒪᓕᒉᑦ ᓄᓇᓕᒻᒥ ᐃᓕᓴᕐᕕᒥ ᐱᓇᓱᑦᑎᓅᓕᖓᔪᑦ ᐱᓇᓱᑦᑐᓄᑦ ᐃᓕᓐᓂᐊᕕᑐᐃᓐᓇᓂ, ᐃᓄᒻᒪᕇᓪᓗ ᐃᓕᓐᓂᐊᕕᖏᓐᓂ, ᐱᒋᐅᕐᓴᔭᐅᕕᓐᓂ ᐊᒻᒪᓗ ᐱᓇᓱᑦᑐᓄᑦ ᓄᓇᓕᓕᒫᓂ ᓯᖁᒥᓯᒪᔪᕐᓂᐊᓂᕐᒥᒃ ᐊᓯᐊᓄᑦ ᒪᓕᒐᕐᒧᑦ ᐊᐅᓚᑕᐅᓂᖃᕐᒥᔪᑦ.

EQU-7-Directive-Housing-Kuujjuaq-Jan-2011-I.pdf
188.85 KB
TRA-01 ᒪᓕᒉᑦ ᐱᓇᓱᑦᑏᑦ ᐱᐅᓕᓂᐊᒐᕐᒥᓂᒃ ᓴᓂᕐᕓᓯᒪᓂᖏᓐᓄᑦ

ᑖᓐᓇ ᒪᓕᒐᖅ ᑐᑭᓯᓇᕐᑎᓯᔪᖅ ᐱᓇᓱᑦᑏᑦ ᐱᐅᓕᓂᐊᒐᖏᑦᑕ ᓴᓂᕐᕙᑕᐅᓯᒪᒍᑎᖏᓐᓄᑦ ᐱᓇᓱᑦᑎᓅᓕᖓᔪᖅ ᐱᕙᓪᓕᖁᑎᑕᕈᓐᓇᑐᓄᑦ ᑕᒪᑐᒥᖓ ᐱᓇᓱᒍᑦᔨᓂᕐᒧᑦ ᐊᖏᖃᑎᒌᒍᑎᐅᔪᑦ ᐊᓯᖏᓪᓗ ᐱᓇᓱᐊᕐᓂᒧᑦ ᒪᓕᒐᐅᔪᑦ ᒪᓕᓪᓗᒋᑦ. ᑕᒪᒃᑯᐊ ᒪᓕᒉᑦ ᑐᕌᖓᖕᖏᑐᑦ ᐱᓇᓱᒐᖏᑦ ᓄᑦᑎᑕᐅᔪᓄᑦ.

TRA-01-D-Storage-furn-I-Oct-09.pdf
227.85 KB
TRA-02 ᒪᓕᒉᑦ ᖃᖓᑦᑕᔫᓂᒃ ᐊᑦᑕᑐᕐᓂᒧᑦ ᐱᓇᓱᒋᐊᕐᑐᓱᑎᒃ ᐊᓂᕐᕋᑫᓐᓇᓱᑎᓪᓗ ᐊᐅᓪᓚᑐᓄᑦ

ᐊᐅᓚᒍᑎᓕᕆᕕᒃ ᑲᒪᔨᐅᒋᐊᖃᕐᐳᖅ ᖃᖓᑦᑕᔫᑦ/ᑎᒻᒥᔫᑦ ᐊᑦᑕᑐᕐᑕᐅᓂᖏᓐᓂᒃ ᐱᓇᓱᒋᐊᕐᑐᑐᓄᑦ ᐊᓂᕐᕋᑫᓐᓇᑐᓄᓪᓗ ᐅᓪᓗᓕᐅᕇᕐᓯᒪᔪᑦ ᐃᑭᕕᐅᒍᓐᓇᖏᑐᐊᕐᐸᑕ ᐅᕝᕙᓗᓐᓃᑦ ᑌᒣᓕᖓᔪᒥᒃ ᐋᕐᕿᓯᒪᓂᖃᕐᓗᓂ ᐊᐅᓚᓂᐅᔪᖅ ᐊᑭᑭᓐᓂᓴᐅᓂᐊᑐᐊᕐᐸᑦ.

TRA-02-D-charter-I.pdf
60.57 KB
TRA-03 ᓂᖀᑦ, ᐱᖁᑏᑦ ᐊᒻᒪᓗ ᐱᐅᓕᓂᐊᒉᑦ ᐅᓯᔭᐅᑎᑕᐅᓂᖏᓐᓄᑦ ᒪᓕᒉᑦ ᓄᓇᕕᒻᒥ ᐱᓇᓱᑦᑎᓄᑦ

ᑖᓐᓇ ᒪᓕᒐᖅ ᓄᐃᑕᑎᑦᓯᔪᖅ ᐱᓇᓱᑦᑏᑦ ᐱᓇᓱᐊᕐᕕᖃᕐᑐᑦ ᓄᓇᕕᒻᒥ ᐅᓯᔭᐅᑎᑦᓯᒍᑎᖏᓐᓂᒃ, ᐱᕙᓪᓕᖁᑎᑖᕈᓐᓇᑐᓄᑦ ᐱᓇᓱᒍᑦᔨᓂᕐᒧᑦ ᐊᖏᖃᑎᕷᕆᒍᑏᑦ ᒪᓕᑦᓱᒋᑦ ᐅᕝᕙᓘᓐᓃᑦ ᐱᖁᔮᐱᓐᓂ ᐱᓇᓱᑦᑎᐅᑉ ᖃᓄᐃᑦᑑᓂᖏᓐᓅᓕᖓᔪᑦ ᐊᐅᓚᑦᓯᓂᓕᕆᓂᕐᒥ.

tra-03-d-cargo-june-2011-i_.pdf
219.56 KB