ᐃᓕᓐᓂᐊᑎᑦᓯᔨᐅᓂᕐᒥᒃ ᐱᓇᓱᒉᑦ

ᐃᓕᓐᓂᐊᑎᑦᓯᔩᑦ ᐃᓂᖏᑦ :

ᐱᔪᑦᓴᐅᔮᕐᑐᑦ ᑐᕐᖁᐊᑎᕐᕕᖓ
ᐊᕐᕌᒍᑕᒫᑦ ᐱᓇᓱᑦᑎᓂᐊᕈᑏᑦ
ᐱᓇᓱᒐᓪᓗᑯᐃᑦ

ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑎᑦᓯᒍᑎᑖᕐᓯᒪᔪᑦ ᓄᓇᕐᔪᐊᑦ ᐊᓯᖏᓐᓂᒃ

ᐃᓕᒍᒪᐅᑎᓕᒫᑦ ᐃᒣᒋᐊᓖᑦ:

ᐊᓪᓚᓯᒪᒋᐊᓖᑦ ᐅᖃᕐᓯᒪᓗᑎᒃ ᐱᓕᐅᑎᓂᐅᑉ ᑭᓯᑦᓯᑎᖓᓂᒃ ᐅᕝᕙᓘᓐᓃᑦ ᐱᓇᓱᒐᕐᒥᒃ ᐱᔪᒪᔭᒥᒃ
ᒪᓕᑦᑎᖃᕆᐊᓖᑦ ᐱᓇᓱᓚᐅᕐᓯᒪᓂᒃᑯᑦ ᐊᓪᓚᖁᑎᓐᓂᐅᕕᑦ
ᒪᓕᑦᑎᖃᕆᐊᓖᑦ ᓱᓇᒥᑦᑐᓂᒃ ᐊᓪᓚᑎᒍᑦ ᑐᕌᕈᑎᓂᒃ ᐅᖃᓕᒪᐅᑏᑦ ᑭᓯᑦᓯᑎᖏᑦ ᐊᒻᒪᓗ ᖃᕆᑕᐅᔭᒃᑯᑦ ᐊᓪᓚᑖᕈᑏᑦ ᓄᐃᑕᒻᒥᑎᓪᓗᒋᑦ
ᒪᓕᑦᑎᖃᕆᐊᓖᑦ ᓱᕐᖁᐃᒍᑎᑦᓴᒥᒃ ᐃᓕᓐᓂᐊᑎᑦᓯᒍᓐᓇᐅᑎᖃᓂᒥᒃ ᐃᓕᓐᓂᐊᑎᑦᓯᔨᐅᑉ ᐃᓂᖓᓄᑦ ᐆᑦᑐᕋᕐᑐᑎᒍᑦ

ᐃᑉᐱᒋᒍᒃ ᐱᓇᓱᒍᒪᐅᑎᒥᒃ ᓄᐃᑦᓯᒍᓐᓇᓚᖓᒍᕕᑦ ᑳᓇᑕᒥᐅᖑᒋᐊᖃᕋᕕᑦ ᐅᕝᕙᓘᓐᓃᑦ ᐊᑌᓐᓇᑐᒥᒃ ᓄᓇᓯᒪᔫᓂᕐᒧᑦ ᐃᓕᑕᕐᓇᐅᑎᖃᕐᓗᑎᑦ

ᐃᓕᓐᓂᐊᑎᑦᓯᔩᑦ ᐃᓂᖏᑦ - ᐱᔪᑦᓴᐅᔮᕐᑐᑦ ᑐᕐᖁᐊᑎᕐᕕᖓ

ᐱᓇᓱᒐᕐᑖᕈᒪᐅᑏᑦ ᐃᓕᓐᓂᐊᑎᑦᓯᔩᑦ ᐃᓂᖏᓐᓂᒃ ᑎᒍᖃᑦᑕᓚᖓᔪᑦ ᐊᕐᕌᒎᑉ ᐃᓗᓕᒫᖓᓂ.

ᐃᓕᒍᒪᐅᑎᓕᐅᕐᓗᑎᒃ ᑲᑎᕕᒃ ᐃᓕᓐᓂᐊᓂᓕᕆᔨᒃᑯᓄᑦ ᐅᕙᓂteaching@kativik.qc.ca
ᑖᓐᓇ ᖃᕆᑕᐅᔭᒧᑦ ᑐᕌᕈᑎ ᐊᑐᕈᒫᕐᓂᐊᑐᖅ ᐱᔪᑦᓴᐅᔮᕐᑐᑦ ᑐᕐᖁᐊᑎᕐᓂᖏᓐᓄᑦ ᑭᓯᐊᓂ

ᒪᑯᐊ ᐊᓪᓚᓯᒪᔪᖏᑦ ᐱᑕᖃᕆᐊᖃᓚᖓᔪᑦ:
- ᑭᓇᐅᓂᕐᒥᒃ ᓱᒍᒪᓂᕐᒥᓗ ᐊᓪᓚᖄᕈᑏᑦ;
- ᓄᑕᐅᓯᕆᐊᕐᓯᒪᔪᑦ ᐱᓇᓱᑦᑎᐅᓕᓂᐅᑉ ᑐᑭᐊᒍᑦ ᐊᓪᓚᖏᑦ ᑖᒃᑯᐊ ᓇᓗᓀᕐᓯᑎᓪᓗᒋᑦ:

ᓱᓇᒥᑦᓯᐊᑐᓂᒃ ᑐᕌᕈᑎᓐᓂᐅᕕᑦ ᐊᓪᓚᑎᒍᑦ ᓇᓗᓀᒃᑯᑖᐲᑦ ᐊᒻᒪᓗ ᐅᖃᓕᒪᐅᑎᕕᑦ ᑭᓯᑦᓯᑎᖏᑦ ᐃᓚᐅᑎᓪᓗᒋᑦ.
ᐱᖁᔭᑎᒍᑦ ᐃᓕᑕᕐᓇᑐᒥᒃ ᐃᓕᓐᓂᐊᑎᑦᓯᒍᓐᓇᐅᑎᓐᓂᒃ ᑳᓇᑕᐅᑉ ᐊᕕᑦᑐᓯᒪᐅᑎᖏᑕ ᓇᓪᓕᐊᓂᒃ ᐱᓯᒪᔪᒥᒃ (ᐅᕝᕙᓘᓐᓃᑦ ᐱᒋᐊᕕᓕᕐᑐᒥᒃ).
ᐃᓕᓐᓂᐊᕇᕈᑎᕕᓂᕐᓂᐅᕕᑦ ᓯᑯᑦᓴᔭᒥᒃ ᐊᒻᒪᓗ ᓱᓇᓕᕆᓂᒃᑯᑦ ᐃᓕᑦᓯᒪᒍᑎᓐᓂᐅᕕᑦ (ᐃᓕᓐᓂᐊᑎᓂᒃ ᐳᒃᑭᓂᕐᓴᓂᒃ, ᐃᑲᔪᕐᓂᓴᕆᓗᒋᑦ ᐃᓕᓐᓂᐊᑎᒋᐊᓕᓐᓂᒃ, ᑌᒫᒐᓚᒃ) ᐊᒻᒪᓗ ᐊᕐᕌᒍᖓᓂᒃ ᐃᓕᓐᓂᐊᓂᕐᒥᒃ ᐱᔭᕇᕐᕕᕕᓂᐅᕕᑦ.
ᐊᑎᖏᓐᓂᒃ ᐊᒻᒪᓗ ᓄᓇᖏᓐᓂᒃ ᐃᓕᓐᓂᐊᕕᕕᓂᕐᐱᑦ.
ᑐᑭᐊᒍᑦ ᐱᓇᓱᒪᐅᕐᓯᒪᓂᕐᐱᑦ ᖃᓄᐃᑦᑑᓯᒪᓂᖓᓂᒃ

ᐱᔪᑦᓴᐅᔮᕐᑐᑦ ᓂᕈᐊᕐᑕᐅᓂᖏᑦ ᑲᑎᒍᒪᓚᖓᓗᒋᑦ ᐅᖃᓕᒪᐅᑎᒃᑯᑦ ᖃᓄᐃᓕᔭᐅᓂᐊᕐᑐᑦ. ᐅᖃᓕᒪᒋᐊᖃᖕᖏᑐᓯ.

ᐃᑉᐱᒍᓱᑦᓯᐊᕆᑦᓯ ᐱᓇᓱᒐᕐᒧᑦ ᐃᓕᒍᒪᐅᑎᓕᐅᓚᖓᓗᓯ ᑳᓇᑕᒥᐅᖑᒋᐊᖃᕋᑦᓯ ᐅᕝᕙᓘᓐᓃᑦ ᐊᑌᓐᓇᑐᒥᒃ ᓄᓇᓯᒪᔫᓂᕐᒥᒃ ᐃᓕᑕᕆᔭᐅᒍᑎᖃᕐᓗᓯ.

ᐃᓕᓐᓂᐊᑎᑦᓯᔩᑦ ᐃᓂᖏᑦ – ᐊᕐᕌᒍᑕᒫᑦ ᐱᓇᓱᑦᑎᓂᐊᕈᑏᑦ ᑐᕌᖓᔪᑦ ᑭᖑᓪᓕᒧᑦ ᐃᓕᓐᓂᐊᓇᐅᑉ ᐊᕐᕌᒍᖓᓄᑦ ᐊᒻᒪᓗ ᐱᓇᓱᒐᓪᓗᑯᐃᑦ

ᐊᕐᕌᒍᑕᒫᑦ ᐃᓕᓐᓂᐊᑎᑦᓯᔨᓂᒃ ᐱᓇᓱᑦᑎᓴᕐᓂᐊᓇᕐᓯᐸᑦ ᐊᒻᒪᓗ ᖃᖓᓕᒫᑦᓯᐊᖅ ᐊᓯᐊᒎᒐᓗᐊᕐᐸᑦ ᐊᕐᕌᒎᑉ ᐃᓗᐊᓂ ᐱᓇᓱᒐᓪᓗᑯᐃᑦ ᐱᑦᔪᑎᒋᓗᒋᑦ, ᐃᓕᓐᓂᐊᓂᓕᕆᔩᑦ ᒪᑐᐃᕐᓯᕙᓚᖓᔪᑦ ᐃᓂᓂᒃ ᐊᓪᓚᓂᐊᒐᕐᑎᒍᑦ ᑐᓴᕋᑦᓴᓂᒃ (The Globe & Mail, La Presse, ᑌᒣᑦᑐᒐᓚᓐᓂ), ᐊᒻᒪᓗ ᖃᕆᑕᐅᔭᓄᑦ ᐅᒃᑯᐃᑕᕐᕕᑎᓐᓂ: ᐅᓪᓗᒥ ᐱᓇᓱᒐᕐᑖᖑᒍᓐᓇᑐᑦ.

ᐃᓕᒍᒪᓚᖓᒍᕕᑦ, ᒪᓕᓪᓗᑎᑦ ᑎᓕᔨᒍᑎᓂᒃ ᐅᖃᕐᑕᐅᔪᓂᒃ ᐱᓇᓱᒐᐅᑉ ᒪᑐᐃᕈᑎᖓᓂ. ᐃᓚᐅᑎᑦᓯᓗᑎᑦ ᐱᓕᐅᑎᓂᐅᑉ ᑭᓯᑦᓯᑎᖓᓂᒃ ᑕᒪᖏᓐᓂ ᐊᓪᓚᖄᕈᑎᑎᓐᓂ ᐊᒻᒪᓗ ᐱᓇᓱᓚᐅᕐᓯᒪᓂᕐᓂᒃ ᐊᓪᓚᖁᑎᑎᓐᓂ.
ᐃᑉᐱᒋᔭᐅᓕ ᐱᓇᓱᓚᐅᕐᓯᒪᓂᒃᑯᑦ ᐊᓪᓚᖁᑎᓂᒃ ᑎᒍᓚᓂᐊᖕᖏᓐᓂᕗᑦ ᖃᕆᑕᐅᔦᑦ ᐊᓪᓚᑖᕐᕕᖏᑎᒍᑦ.

ᐱᔪᑦᓴᐅᔮᕐᑐᑦ ᓂᕈᐊᕐᑕᐅᓂᖏᑦ ᑲᑎᒍᒪᓚᖓᓗᒋᑦ ᑖᒃᑯᑐᐊᑦ ᖃᓄᐃᓕᔭᐅᓂᐊᕐᑐᑦ.

ᐱᔪᑦᓴᐅᔮᕐᑐᑦ ᓱᕐᖁᐃᓗᑐᕈᒪᔪᑦ ᐃᓕᒍᒪᐅᑎᖏᑕ ᑎᑭᓐᓂᖏᓐᓂᒃ ᐊᑐᕆᐊᖃᓚᖓᔪᑦ ᐊᓪᓚᓂᒃ ᒥᓇᕋᕐᑎᒥᒃ.

ᖃᐅᔨᒋᐊᑦᓯᐊᕈᒪᒍᑦᓯ ᓱᓕ ᑕᑯᒋᐊᕐᓗᓯ ᐅᑯᓂᖓ ᒪᑉᐱᒑᐱᑦᑎᓂᒃ: ᐃᓕᓐᓂᐊᑎᑦᓯᓂᖅ ᓄᓇᕕᐅᑉ ᐃᓗᐊ ᓂ (PDF-ᒧᑦ ᐊᓪᓚᓯᒪᔪᑦ).

ᐃᑉᐱᒍᓱᑦᓯᐊᕆᑦᓯ ᐱᓇᓱᒐᕐᒧᑦ ᐃᓕᒍᒪᐅᑎᓕᐅᓚᖓᓗᓯ ᑳᓇᑕᒥᐅᖑᒋᐊᖃᕋᑦᓯ ᐅᕝᕙᓘᓐᓃᑦ ᐊᑌᓐᓇᑐᒥᒃ ᓄᓇᓯᒪᔫᓂᕐᒥᒃ ᐃᓕᑕᕆᔭᐅᒍᑎᖃᕐᓗᓯ.

ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑎᑦᓯᒍᑎᑖᕐᓯᒪᔪᑦ ᓄᓇᕐᔪᐊᑦ ᐊᓯᖏᓐᓂᒃ

ᑯᐯᒃᑯᑦ ᒥᓂᒡᑕᒃᑯᖏᑦ ᐃᓕᓐᓂᐊᓂᕐᒧᑦ, ᓱᖃᑦᓯᓂᕐᒧᑦ ᐊᒻᒪᓗ ᐱᖕᖑᐊᓂᕐᒧᑦ (MELS) ᐃᓕᓐᓂᐊᑎᑦᓯᔨᓕᒫᓂᒃ ᐃᓕᓐᓂᐊᑐᕕᓂᕐᓂᒃ ᑳᓇᑕᐅᑉ ᓯᓚᑖᓂ ᑐᑦᓯᕋᕆᐊᖃᕐᑎᓯᔪᑦ ᓇᒻᒥᓂᖅ ᐃᓕᑕᕐᓇᐅᑎᒥᓂᒃ ᑯᐯᒃᑯᓄᑦ ᑲᖕᖑᓇᕿᐅᑕᐅᖁᔨᓗᑎᒃ. ᑌᒣᒍᕕᑦ ᑭᓯᐊᓂ ᒥᓂᔅᑕᒃᑯᓄᑦ ᕿᒥᕐᕈᒍᑕᐅᒍᓐᓇᓚᖓᔪᑦ ᐊᓪᓚᖁᑎᑎᑦ ᓄᐃᑦᓯᒍᑕᐅᓂᐊᕐᓗᑎᒃ ᐃᓕᓐᓂᐊᑎᑦᓯᓂᒥᒃ ᐱᔪᓐᓇᐅᑎᒥᒃ (ᐊᑐᕈᒫᕐᓂᐊᑐᒥᒃ ᑯᐯᒃᒥ).

ᑌᒫᒃ ᕿᒥᕐᕈᒍᑕᐅᓂᕐᒥᒃ ᐱᒍᓐᓇᑐᑎᑦ ᑯᐯᒃᑯᑦ ᑲᕙᒪᒃᑯᖏᓐᓂᒃ ᐅᕙᓂ, http://www.immigration-quebec.gouv.qc.ca/en/employment/comparative-evaluation/index.html ᐅᕝᕙᓘᓐᓃᑦ ᐅᖃᓕᒪᓗᑎᑦ ᐅᕗᖓ 1-514 864-9191 (ᒪᓐᑐᔨᐊᓪ ᒥᑦᓵᓃᒍᕕᑦ) ᐅᕝᕙᓘᓐᓃᑦ ᐅᕗᖓ ᐊᑭᖃᖕᖏᑐᒧᑦ 1-877 864-9191 (ᐊᓯᓕᒫᖏᓐᓄᑦ ᑯᐯᒃ ᐃᓗᐊᓂ).

ᑎᒍᒥᐊᓕᑐᐊᕈᕕᑦ ᑲᖕᖑᓇᕿᔭᐅᒍᑎᕕᓂᕐᓂᐅᕕᑦ, ᖃᓄᐃᓕᔪᑦᓴᐅᓕᕐᒥᔪᑎᑦ ᑯᐯᒃᑯᑦ ᐃᓕᓐᓂᐊᓂᕐᒧᑦ ᒥᓂᔅᑕᒃᑯᖏᑕ ᐃᓕᓐᓂᐊᑎᑦᓯᔨᓂᒃ ᐱᔪᓐᓇᐅᓯᕐᑐᐃᕕᖓᓄᑦ ᑯᐯᒃ ᓯᑎᒦᑦᑐᒧᑦ ᓯᕙᓂᕐᓗᑎᑦ ᐅᕗᖓ 1-418-646-6581 ᑎᒍᓯᓂᐊᓕᕋᕕᑦ ᐃᓕᓐᓂᐊᑎᑦᓯᓂᕐᒥᒃ ᐱᔪᓐᓇᐅᑎᒥᒃ ᑌᒃᑯᓇᖕᖓᑦ ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᐅᒃᑯᐃᑕᕐᕕᖓᓅᕐᓗᑎᑦ ᐅᕙᓂ www.meq.gouv.qc.ca/dftps/ ᐆᒪ "Autorisation d'enseigner" ᐊᑖᓅᕐᓗᑎᑦ.