ᐊᐅᓚᑦᓯᓂᓕᕆᓂᕐᒥ ᖃᐅᔨᒋᐊᕐᑕᕕᒃ - ᓄᑖᓂᒃ ᐊᕐᖁᓯᐅᕐᓃᑦ

CATEGORY: 
MANAGEMENT
LOCATION: 
ᑰᑦᔪᐊᖅ

ᐱᓇᓱᒐᖅ:

ᐊᐅᓚᑦᓯᓂᓕᕆᓂᕐᒥ ᖃᐅᔨᒋᐊᕐᑕᕕᒃ - ᓄᑖᓂᒃ ᐊᕐᖁᓯᐅᕐᓃᑦ

ᐊᓪᓚᕕᖓ:

ᐃᓘᓐᓈᒍᑦ ᐊᐅᓚᑦᓯᓂᓕᕆᓂᖅ

ᐱᓇᓱᒐᐅᑉ ᑭᑎᑦᔪᑎᖓ:

NEWPATHS1702-01

ᓇᓃᓐᓂᓴᖓ:

ᑰᑦᔪᐊᖅ

ᖃᓄᐃᑦᑑᓂᖓ:

ᐊᑌᓐᓇᑐᖅ ᐅᓪᓗᓕᒫᕐᑐᒥᒃ ᐱᓇᓱᒐᖅ

ᐱᒋᐊᕐᕕᓴᖓᑕ ᐅᓪᓗᖓ:

ᕕᕈᐊᕆ 2017

 

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ. ᐊᓪᓚᕕᒻᒪᕆᖓ, ᒫᓐᓇ ᒪᓐᑐᔨᐊᓪᒦᖏᓐᓇᑑᒐᓗᐊᖅ, ᓄᑦᑎᑕᐅᓛᕐᓱᓂ ᓄᓇᕕᒻᒧᑦ.

 

ᐃᓂᖓ ᐱᓇᓱᐊᕆᐊᓕᖏᓪᓗ:

ᑲᔪᓯᒃᑫᔨᒥᒃ ᐊᖓᔪᕐᖄᖃᕐᓱᓂ, ᐊᐅᓚᑦᓯᓂᓕᕆᓂᕐᒥᒃ ᖃᐅᔨᒋᐊᕐᑕᕕᒃ - ᓄᑖᓂᒃ ᐊᕐᖁᓯᐅᕐᓂᒧᑦ ᑲᒪᒋᔭᑦᓴᔭᓕᒃ, ᐱᔪᓐᓇᓂᕐᒥᓂᒃ ᑐᖕᖓᕕᖃᕐᓱᓂ, ᐊᔪᖀᒋᐊᖃᑦᑕᓂᕐᒥᒃ ᖃᐅᔨᒪᓂᕐᒥᓂᓗ ᐅᖃᐅᑦᔨᒍᑎᖃᕐᓗᓂ ᐊᐅᓚᑦᓯᔨᓄᑦ ᐃᓕᓐᓂᐊᓂᓕᕆᓂᕐᒥ, ᓈᒻᒪᓯᐊᕐᑐᑯᑦ ᐊᐅᓚᑦᓯᓂᓕᕆᓂᖃᕐᑎᓯᒋᐊᕐᓱᓂ ᓄᑖᓂᒃ ᐊᕐᖁᓯᐅᕐᓂᑯᑦ ᐱᓇᓱᐊᕐᑕᐅᔪᓂᒃ. 

 

ᐃᓘᓐᓈᒍᑦ, ᐱᓇᓱᒐᖅ ᒪᑯᓂᖓ ᑲᒪᒋᔭᑦᓴᔭᓕᒃ:

·  ᐃᓚᐅᕕᖃᖃᑦᑕᓗᓂ ᒪᓕᒐᓕᐅᕐᑐᓄᑦ, ᐱᓇᓱᐊᕋᑦᓴᓕᐅᕐᑐᓄᑦ, ᐱᔭᑦᓴᓴᓕᐅᕐᑐᓄᑦ, ᐱᖁᔭᓕᐅᕐᑐᓄᑦ, ᖃᓄᐃᓘᕈᓯᕐᓄᓗ ᓄᑖᓂᒃ ᐊᕐᖁᓯᐅᕐᓂᒥᒃ ᐱᓇᓱᐊᕐᑕᐅᔪᓄᑦ;

·  ᓱᕐᖁᐃᓯᓯᒪᖃᑦᑕᓗᓂ ᐅᑎᕐᕕᐅᖃᑦᑕᕆᐊᖃᕐᓂᖏᓐᓄᑦ ᐃᑉᐱᒋᔭᐅᒋᐊᖃᕐᓂᖏᓐᓄᓗ ᐊᑐᓕᕐᑎᑕᐅᒐᓱᐊᕐᓂᖏᓐᓂᒃ ᒪᓕᒉᑦ, ᐱᔭᑦᓭᑦ, ᐱᖁᔦᑦ ᖃᓄᐃᓘᕈᓰᓪᓘᓃᑦ;

·  ᖃᐅᔨᑎᑦᓯᒍᑎᒋᖃᑦᑕᓗᒋᑦ ᑕᒪᒃᑯᐊ ᒪᓕᒉᑦ, ᐱᓇᓱᐊᕐᑕᐅᔪᑦ, ᐱᔭᑦᓴᖏᑦ, ᐱᖁᔭᖏᑦ ᖃᓄᐃᓘᕐᑕᐅᒍᓯᖏᓪᓗ ᐳᕐᑐᓂᕐᓴᒥ ᐱᓇᓱᑦᑎᓄᑦ ᐊᑐᓕᕐᑎᑕᐅᓂᕆᒋᐊᓕᖏᓪᓗ ᑲᕙᒪᑐᖃᒃᑯᑦ ᐱᖁᔭᖃᕐᑎᓯᒍᑏᑦ ᐱᔭᐅᓯᒪᓲᖑᒻᒪᑕ ᑮᓇᐅᔭᖃᕐᑎᓯᒍᑎᖏᓐᓄᑦ;

·  ᓄᑖᓂᒃ ᐊᕐᖁᓯᐅᕐᓂᒧᑦ ᑲᑎᒪᔩᑦ ᐱᓇᓱᖃᑎᒋᖃᑦᑕᓗᒋᑦ ᐅᖄᖃᑎᒌᒍᑎᖃᕐᓂᒧᑦ ᐅᓐᓂᑑᑕᐅᔪᕕᓂᕐᓂᒃ ᑮᓇᐅᔭᖃᕐᑎᓯᒍᑎᑦᓴᓄᑦ ᑐᖕᖓᕕᒋᓗᒋᑦ ᐃᓕᓐᓂᐊᓂᓕᕆᓂᐅᑉ ᑭᖕᖒᒪᒋᔭᖏᑦ;

·  ᐃᑲᔪᕐᓯᖃᑦᑕᓗᓂ ᐊᐅᓚᑦᓯᓂᓕᕆᔨᓂᒃ ᐊᓪᓚᒍᑎᖃᕐᑎᓗᒋᑦ ᐱᓇᓱᐊᕐᑕᐅᔪᑦᓴᐅᒐᔭᕐᑐᓂᒃ ᑲᕙᒪᑐᖃᒃᑯᓄᑦ ᑐᑦᓯᕋᐅᑎᑦᓭᑦ;

·  ᓱᕐᖁᐃᓯᓯᒪᖃᑦᑕᓗᓂ ᐱᔭᖃᕐᓯᒪᓂᕐᒥᒃ ᑮᓇᐅᔭᖃᕐᑎᓯᒍᑎᓕᒫᖏᓐᓂᒃ ᑲᕙᒪᑐᖃᒃᑯᑦ;

·  ᑲᕙᒪᒃᑯᓄᑦ ᑮᓇᐅᔭᖃᕐᑎᑕᐅᒍᒪᐅᑎᓂᒃ ᐊᓪᓚᓯᒪᔪᖕᖑᑎᑦᓯᖃᑦᑕᓗᓂ;

·  ᑮᓇᐅᔦᑦ ᑐᕌᒐᖏᓐᓂᒃ ᐅᓄᕐᑐᓂᒃ ᐊᐅᓚᑦᓯᖃᑦᑕᓗᓂ;

·  ᑐᓴᕐᑎᓯᒍᑎᑦᓴᓕᐅᖃᑦᑕᓗᓂ ᖁᔭᐅᓕᕈᓂ, ᐆᑦᑑᑎᒋᓗᒋᑦ ᐊᕐᕌᒍᑕᒫᑦ ᑐᓴᕐᑎᓯᒍᑏᑦ/ᐊᓪᓚᖁᑎᐅᒋᐊᓕᓐᓂᒃ ᐊᐅᓚᑦᓯᓂᓕᕆᕕᒻᒧᑦ ᐃᓕᓐᓂᐊᓂᓕᕆᓂᕐᒧᓘᓐᓃᑦ ᑮᓇᐅᔭᖃᕐᑎᓯᒍᑎᓅᓕᖓᔪᓂᒃ ᓄᑖᓂᒃ ᐊᕐᖁᓯᐅᕐᓂᒧᑦ ᐱᓇᓱᐊᕐᑕᐅᔪᓂᒃ;

·  ᐊᓯᖏᓐᓂᓗ ᐱᔭᑦᓴᖃᕐᑎᑕᐅᒍᑎᒥᓂᒃ ᐊᖓᔪᕐᖄᒥᓄᑦ.    

 

ᐱᒍᓐᓇᐅᑎᒋᒋᐊᓕᖏᑦ:

·  ᐃᓕᓐᓂᐊᕕᕐᔪᐊᒥ ᐱᔭᕇᕐᓯᒪᐅᑎᖃᕐᓗᓂ ᑕᒪᒃᑯᓄᖓᓕᖓᔪᓂᒃ ᐃᓕᓐᓂᐊᓯᒪᓂᕐᒥ, ᐳᕐᑐᓂᕐᓴᒥᓪᓘᓃᑦ ᐱᓇᓱᒐᖃᕐᓯᒪᓗᓂ;

·  ᐊᕐᕌᒎᓐᓂ ᒪᕐᕉᓂ ᐱᓇᓱᐊᕐᓯᒪᓗᓂ ᑕᒪᒃᑯᓄᖓᓕᖓᔪᓂᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

 

ᐊᑐᕈᓐᓇᕆᐊᓕᖏᑦ:

·  ᐅᖃᐅᓯᖃᕈᓐᓇᓗᓂ ᒪᕐᕉᓂᒃ ᐃᓕᓐᓂᐊᓂᓕᕆᓂᐅᑉ ᐅᖃᐅᓯᖏᑦᑕ ᐱᖓᓱᑦ ᓇᓪᓕᖏᓐᓂᒃ (ᐃᓄᒃᑎᑐᑦ, ᐅᐃᒍᐃᑎᑐᑦ, ᖃᓪᓗᓈᑎᑐᑦ);

·  ᑐᓴᐅᒪᖃᑎᒌᒍᓐᓇᓂᖃᑦᓯᐊᒪᕆᓪᓗᓂ;

·  ᑮᓇᐅᔦᑦ ᑐᕌᒐᖏᓐᓂᒃ ᐱᓇᓱᐊᕐᓂᖃᕐᓯᒪᓗᓂ;

·  ᑮᓇᐅᔭᓕᕆᓂᕐᒥ ᐱᓇᓱᐊᕈᓐᓇᓂᖃᕈᓂ ᐱᐅᔫᒐᔭᕐᑐᖅ.   

 

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 6 ᒪᓕᑦᓱᒋᑦ ᑲᑎᕕᒃᑯᑦ ᐱᓇᓱᐊᕐᓂᒥ ᖃᓄᐃᑦᑐᒦᓐᓂᖃᕈᑎᖏᑦ ᐊᐅᓚᑦᓯᓂᓕᕆᔨᓄᑦ / $67,583-ᓂᑦ $90,099-ᓄᑦ ᑎᑭᐅᑎᒍᓐᓇᑐᑦ ᐊᑐᕈᓐᓇᕆᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑮᓇᐅᑦᔭᓵᓄᑦ ᐃᓚᒋᐊᕈᑎᐅᑎᓪᓗᒋᑦ, ᐱᕙᓪᓕᖁᑎᑖᕐᑕᑐᐃᓐᓇᕆᐊᖃᕐᑐᑎᑦ ᐃᒣᑦᑐᓂᒃ:

·     25 ᐅᓪᓗᐃᑦ ᑕᙯᕐᓯᕖᑦ ᐊᕐᕌᒍᑕᒫᑦ

·     ᐅᓪᓗᓄᑦ 10-ᓄᑦ ᑎᑭᒍᓐᓇᑐᑦ ᑕᙯᕐᓯᕕᖏᑦ

·     ᐱᓇᓱᐊᕈᓰᓐᓂ ᒪᕐᕉᓂ ᖁᕕᐊᓱᕝᕕᓯᐅᕐᓂᖅ

 

ᕈᓐᓇᑐᐊᕈᓂᓗ, ᐊᓯᒋᐊᓪᓚᕆᒍᓐᓇᒥᔭᖏᑦ:

·     ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ

·     ᐃᓪᓗᖃᕐᓂᖅ

·     ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ

·     ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ

·     ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ  

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

 

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᕕᕈᐊᕆ 22, 2017

 

ᐊᐅᓪᓚᑎᓗᒋᑦ ᐅᕗᖓ ᖃᕆᑕᐅᔭᒃᑯᑦ ᓱᑲᑦᑐᑰᕐᑎᓯᒍᑎᒃᑯᓗᓐᓃᑦ:

Management@kativik.qc.ca

ᐅᓇ ᓇᓗᓀᕐᓯᒪᓗᒍ NEWPATHS1702-01 ᖃᕆᑕᐅᔭᒃᑯᑦ ᐊᓪᓚᑖᕐᕕᒥ ᓱᓇᒨᓕᖓᓂᕃᕕᖓᓂ.

 

ᐱᓇᓱᑦᑐᓕᕆᕕᒃ

ᑲᑎᕕᒃ ᐃᓕᓐᓂᐊᓂᓕᕆᓂᖅ

 

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

*ᐃᓕᓐᓂᐊᓂᓕᕆᓂᖅ ᐱᓇᓱᒐᕐᑖᒐᓱᐊᕐᑐᓂᒃ ᐊᔾᔨᒌᖕᖏᑐᓂᒃ ᖃᐅᔨᓴᐅᑎᓕᕆᑎᑦᓯᒍᓐᓇᕕᖃᕐᐳᖅ  ᐱᒍᓐᓇᓯᒋᐊᓕᒥᓂᒃ ᐱᒍᓐᓇᓯᖁᑦᓱᒋᑦ.

DATE OF PUBLISHING: 
Wed 8 ᕕᕈᐊᕆ 2017 - Wed 22 ᕕᕈᐊᕆ 2017