ᐃᓕᓐᓂᐊᕈᑎᓅᓕᖓᔪᓄᑦ ᐃᑲᔪᕐᑎ ᐅᐃᒍᐃᑎᑐᑦ ᐅᖃᐅᓯᐅᑉ ᐁᑉᐱᐅᑎᒋᔭᖓᓂ ᐃᓅᑦᔪᓯᓕᕆᓂᕐᒥᓗ ᐳᕐᑐᓂᕐᓴᒥ

CATEGORY: 
ᐃᓕᓐᓂᐊᕈᑎᓕᕆᕕᒃ
LOCATION: 
ᑰᑦᔪᐊᖅ

ᐱᓇᓱᒐᖅ:

ᐃᓕᓐᓂᐊᕈᑎᓅᓕᖓᔪᓄᑦ ᐃᑲᔪᕐᑎ ᐅᐃᒍᐃᑎᑐᑦ ᐅᖃᐅᓯᐅᑉ ᐁᑉᐱᐅᑎᒋᔭᖓᓂ ᐃᓅᑦᔪᓯᓕᕆᓂᕐᒥᓗ ᐳᕐᑐᓂᕐᓴᒥ

ᐊᓪᓚᕕᖓ:

ᐃᓕᓐᓂᐊᕈᑎᓕᕆᕕᒃ

ᐱᓇᓱᒐᐅᑉ ᑭᑎᑦᔪᑎᖓ:

CONSP-FR/SCH1702-01

ᓇᓃᓐᓂᓴᖓ:

ᑰᑦᔪᐊᖅ

ᖃᓄᐃᑦᔅᑐᑑᓂᖓ:

ᐅᓪᓗᓕᒫᕐᑐᒥᒃ ᐊᑌᓐᓇᑐᒥᒃ ᐱᓇᓱᒐᖅ

ᐱᒋᐊᕐᕕᓴᖓᑕ ᐅᓪᓗᖓ:

ᒫᑦᔨ 2017

 

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ. ᐊᓪᓚᕕᒻᒪᕆᖓ, ᒫᓐᓇ ᒪᓐᑐᔨᐊᓪᒦᖏᓐᓇᑑᒐᓗᐊᖅ, ᓄᑦᑎᑕᐅᓛᕐᓱᓂ ᓄᓇᕕᒻᒧᑦ.

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᐅᖃᐅᓯᐅᑉ ᐁᑉᐱᐅᑎᖓᓂ ᐃᓕᓐᓂᐊᕈᑎᑦᓴᓕᐅᕐᓂᒥ, ᐱᓇᓱᒐᕐᒥ ᐱᔭᑦᓴᖁᑎᓕᒃ ᑲᒪᒋᔭᑦᓴᖃᕐᓂᒥᒃ ᐊᔪᖀᒋᐊᖃᑦᑕᓂᕐᒥᒃ ᓴᐳᑦᔨᓯᒪᓂᕐᒥᓗ ᐃᓕᓐᓂᐊᕕᓐᓄᑦ ᐊᑐᓕᕐᑎᑕᐅᓂᖏᓐᓂ, ᐱᖕᖑᑎᑕᐅᓂᖏᓐᓂ ᓇᐅᑦᓯᑐᕐᑕᐅᓂᖏᓐᓂᓗ ᐃᓕᓐᓂᐊᕈᑎᑦᓭᑦ, ᖃᕆᐊᕐᒥᒃ ᐊᐅᓚᑦᓯᓂᓕᕆᓂᕐᒥᒃ ᐃᓕᓐᓂᐊᕈᑏᓪᓗ ᐱᐅᒃᑯᑎᖏᓐᓂᒃ. 

 

ᐃᓂᖓ ᐱᓇᓱᐊᕆᐊᓕᖏᓪᓗ:

·  ᓴᐳᑦᔨᓯᒪᖃᑦᑕᓗᓂ ᓱᕐᖁᐃᓯᓯᒣᓐᓇᓗᓂᓗ ᐱᐅᓂᕐᐹᓂᒃ ᐃᓗᕐᖁᓯᕐᒧᓗ ᓈᒻᒪᓯᐊᕐᑐᓂᒃ ᐃᓕᓐᓂᐊᓂᖃᕐᑎᓯᓂᕐᒧᑦ ᓄᓇᕕᒻᒥ ᐱᓕᐊᕐᑐᒥᒃ ᐳᕐᑐᓂᕐᓴᒥᒃ ᐃᓕᓐᓂᐊᑎᑦᓯᔨᓄᑦ ᐅᐃᒍᐃᑎᑐᑦ ᐅᖃᐅᓯᐅᑉ ᐁᑉᐱᐅᑎᖓᓂ ᐃᓅᑦᔪᓯᓕᕆᓂᕐᒥᓗ;

·  ᐃᓚᒋᔭᐅᖃᑦᑕᓗᓂ ᐃᓕᓐᓂᐊᕈᑎᑦᓴᓕᐅᕐᑐᓄᑦ ᐱᐅᒃᑯᑎᑦᓴᓕᐅᕐᑐᓄᓪᓗ ᐃᓄᐃᑦ ᐃᓗᕐᖁᓯᖓᓄᑦ ᓈᒻᒪᑐᓂᒃ, ᐅᖃᐅᓯᖓᓄᑦ ᐃᓪᓕᕆᔭᖏᓐᓄᓗ;

·  ᐃᓕᓐᓂᐊᕈᑎᑦᓴᓕᐅᖃᑦᑕᓗᓂ ᓇᐅᑦᓯᑐᕈᑎᓂᓪᓗ ᓴᐳᑦᔨᓯᒪᓗᓂᓗ ᐱᐅᒃᑯᑎᖏᓐᓄᑦ ᐳᕐᑐᓂᕐᓴᒥ ᐊᕕᑦᑐᓯᒪᐅᑏᓐᓄᑦ ᒪᕐ&##5449;ᓄᑦ;

·  ᓴᐳᑦᔨᓯᒪᖃᑦᑕᓗᓂ ᑲᑎᕕᒃᑯᑦ ᐱᒃᑲᕆᑦᓯᕙᓪᓕᐊᓂᕐᒥᒃ ᑐᖕᖓᕕᓕᓐᓂᒃ ᐃᓕᓐᓂᐊᕈᑎᓂᒃ ᖁᕝᕙᕆᐊᕐᓯᒪᑎᑦᓯᓂᕐᒥ ᐃᓕᓐᓂᐊᕕᒻᒥ ᐊᐅᓚᑦᓯᓂᓕᕆᔨᓄᑦ, ᐃᓕᓐᓂᐊᑎᑦᓯᔨᓄᑦ ᐊᓯᖏᓐᓄᓗ ᐱᓇᓱᑦᑎᓄᑦ ᑲᒪᒋᔭᑦᓴᔭᓕᓐᓄᑦ;

·  ᐱᒋᐅᕐᓴᑎᑦᓯᒍᑎᓂᒃ/ᑲᑎᒪᓂᐊᕈᓯᕐᓂᒃ ᓯᕗᓕᖃᑦᑕᓗᓂ ᐃᓕᓐᓂᐊᑎᑦᓯᔨᓄᑦ ᑲᑎᒪᓗᒋᑦ ᐃᓱᕐᕉᑎᑎᒍᓪᓘᓃᑦ (ᑕᑯᓐᓇᖃᑦᑕᐅᑎᒍᑎᑎᒍᑦ ᐃᓕᓐᓂᐊᑎᓪᓗᒋᑦ, ᐊᓯᖏᒍᓪᓗ);

·  ᐃᑲᔪᕐᓯᖃᑦᑕᓗᓂ ᐱᓇᓱᖃᑎᒌᑦᑐᓂᒃ ᐊᓪᓚᕕᓐᓂ ᐃᓗᕐᖁᓯᓕᕆᓂᕐᒥᓗ ᐱᐅᒃᑯᑎᑦᓴᓕᐅᕐᓂᒥ;

·  ᐱᐅᒃᑯᑏᑦ ᑭᓯᑕᐅᒪᐅᑎᖏᓐᓂᒃ ᓄᑕᐅᓯᓕᕐᑎᕆᖃᑦᑕᓗᓂ ᐅᐃᒍᐃᑎᑐᑦ ᐅᖃᐅᓯᐅᑉ ᐁᑉᐱᐅᑎᖓᓂ ᐃᓅᑦᔪᓯᓕᕆᓂᕐᒥᓗ ᐳᕐᑐᓂᕐᓴᒥ ᐅᐃᒍᐃᑎᑐᑦ;

·  ᓴᐳᑦᔨᓯᒪᖃᑦᑕᓗᓂ ᐱᓇᓱᐊᕐᑕᐅᔪᓂᒃ ᑕᒪᒃᑯᓂᖓ ᐃᓕᓐᓂᐊᑎᑦᓯᒍᑎᓂᒃ ᐃᓱᒪᑐᔫᓂᕐᑎᒍᑦ ᐱᓐᓀᓗᑕᓂᓪᓗ ᐋᕐᖀᒋᐊᕈᓐᓇᖃᕐᓗᓂ;

·  ᐱᔭᑦᓴᕆᔭᐅᖁᔭᖏᓐᓂᒃ ᐊᖓᔪᕐᖄᒥᑕ ᐱᓇᓱᐊᖃᑦᑕᒥᓪᓗᓂ.        

 

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᓯᕗᓪᓕᐹᖓᓂᒃ ᐱᔭᕇᕐᓯᒪᐅᑎᖓᓗᓂ ᑌᒣᑦᑐᓅᓕᖓᔪᒥᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

 

ᐊᑐᕈᓐᓇᕆᐊᓕᖏᑦ:

·  ᑯᐯᒻᒥ ᐃᓕᓐᓂᐊᑎᑦᓯᒍᓐᓇᐅᑎᖃᕐᓗᓂ;

·  ᐃᓕᓐᓂᐊᑎᑦᓯᔨᐅᓯᒪᓗᓂ;

·  ᖃᐅᔨᒪᔭᖃᑦᓯᐊᓗᓂ ᐅᐃᒍᐃᑎᑐᑦ ᐱᐅᔫᒐᔭᕐᑐᖅ;

·  ᖃᕆᑕᐅᔭᓕᕆᒍᓐᓇᓯᐊᕐᓗᓂ;

·  ᐃᓄᒃᑎᑐᑦ ᖃᓪᓗᓈᑎᑐᓪᓘᓃᑦ ᖃᐅᔨᒪᔭᖃᕈᓂ ᐱᐅᔫᒐᔭᕐᑐᖅ.  

 

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖃᕈᑎᖏᓐᓃᑐᑦ SPPOM-ᑯᑦ ᑲᑐᑦᔨᖃᑎᒌᓐᓂᖓᓂ ᐱᒍᓐᓇᐅᑎᓖᑦ / $40,241-ᓂᑦ  $76,293-ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᓪᓗᒋᑦ.

ᑮᓇᐅᑦᔭᓵᓄᑦ ᐃᓚᒋᐊᕈᑎᐅᑎᓪᓗᒋᑦ, ᐱᕙᓪᓕᖁᑎᑖᕐᑕᑐᐃᓐᓇᕆᐊᖃᕐᑐᑎᑦ ᐃᒣᑦᑐᓂᒃ:

·     20 ᐅᓪᓗᐃᑦ ᑕᙯᕐᓯᕖᑦ ᐊᕐᕌᒍᑕᒫᑦ

·     ᐱᓇᓱᐊᕈᓰᓐᓂ ᒪᕐᕉᓂ ᖁᕕᐊᓱᕝᕕᓯᐅᕐᓂᖅ

 

ᕈᓐᓇᑐᐊᕈᓂᓗ, ᐊᓯᒋᐊᓪᓚᕆᒍᓐᓇᒥᔭᖏᑦ:

·     ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ

·     ᐃᓪᓗᖃᕐᓂᖅ

·      ᖃᓪᓗᓈᑦ ᓄᓇᖓᓂᒥᐅᖑᓂᕐᒧᑦ

·     ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ

·     ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ  

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

 

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᒫᑦᔨ 01, 2017

ᐊᐅᓪᓚᑎᓗᒋᑦ ᐅᕗᖓ ᖃᕆᑕᐅᔭᒃᑯᑦ ᓱᑲᑦᑐᑰᕐᑎᓯᒍᑎᒃᑯᓗᓐᓃᑦ:

Professionnels@kativik.qc.ca

ᐅᓇ ᓇᓗᓀᕐᓯᒪᒋᐊᓕᒃ CONSP-FR/SCH1702-01 ᖃᕆᑕᐅᔭᒃᑯᑦ ᐊᓪᓚᑖᕈᑎᐅᑉ ᓱᓇᒨᓕᖓᓂᕃᕕᖓᓂ.

ᐱᓇᓱᑦᑐᓕᕆᕕᒃ

ᑲᑎᕕᒃ ᐃᓕᓐᓂᐊᓂᓕᕆᓂᖅ

 

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

*ᐃᓕᓐᓂᐊᓂᓕᕆᓂᖅ ᐱᓇᓱᒐᕐᑖᒐᓱᐊᕐᑐᓂᒃ ᐊᔾᔨᒌᖕᖏᑐᓂᒃ ᖃᐅᔨᓴᐅᑎᓕᕆᑎᑦᓯᒍᓐᓇᕕᖃᕐᐳᖅ  ᐱᒍᓐᓇᓯᒋᐊᓕᒥᓂᒃ ᐱᒍᓐᓇᓯᖁᑦᓱᒋᑦ.

 

DATE OF PUBLISHING: 
Thu 16 ᕕᕈᐊᕆ 2017 - Wed 1 ᒫᑦᔨ 2017