ᑐᓴᕋᑦᓴᕗᑦ

ᐁᑦᑑᑎᐅᑦᓴᐅᑎᒋᒋᐊᓖᑦ

ᑐᓴᕋᑦᓭᑦ

ᐃᓄᑦᔪᐊᒥᐅᑦ ᐃᓕᓐᓂᐊᑏᑦ ᐊᓂᕐᓂᖃᖕᖏᑐᓕᐊᕐᑎᒧᑦ ᑲᓇᑕᒥᐅᔭᒧᑦ ᐅᖄᔪᑦ Chris Hadfield-ᒧᑦ

ᐃᓄᑦᔪᐊᒃ, ᓄᓇᕕᒃ, ᑯᐯᒃ (ᐁᕆᓕ 8, 2013) - ᑕᒡᒐᓂ ᐱᓇᓱᐊᕈᓯᕐᒥ ᐃᓐᓇᓕᒃ ᐃᓕᓐᓂᐊᕕᒻᒥ ᐃᓕᓐᓂᐊᑏᑦ ᐅᖄᖃᑎᖃᓛᕐᑐᑦ ᑲᓇᑕᒥᐅᔭᒧᑦ ᐊᓂᕐᓂᖃᖕᖏᑐᓕᐊᕐᑎᒧᑦ Chris Hadfield-ᒧᑦ, ᓯᓚᕐᔪᐊᒥᐅᑦ ᐊᓂᕐᓂᖃᖕᖏᑐᒃᑯᕕᖓᓂ ᐊᐅᓚᑦᓯᔨ. ᓈᓚᐅᑎᒃᑯᑦ ᐅᖄᖃᑎᒌᓐᓂᖅ ᐱᒋᐊᕐᓗᓂ ᓂᕿᑦᓯᕕᒻᒥ ᐁᕆᓕ 12, 2013-ᒥ 13:30ᖑᐸᑦ, ᐊᓂᕐᓂᖃᖕᖏᑐᒃᑯᕕᒃ ᖁᒻᒧᐊᑎᑕᐅᓯᒪᔪᖅ ᐃᓄᑦᔪᐊᒥᑦ ᖁᓚᐅᓕᕐᐸᑦ, 400-ᑭᓚᒦᑕᒐᓛᓂ ᑭᖏᓐᓂᖃᕐᓗᓂ ᓄᓇᕐᔪᐊᒥᑦ.

“ᐃᓕᓐᓂᐊᑎᕗᑦ Chris Hadfield-ᒧᑦ ᐊᐱᕐᓲᑎᑦᓴᒥᓂᒃ ᐊᑐᐃᓐᓇᕈᕐᑎᖃᑦᑕᑐᑦ” ᐃᓐᓇᓕᒃ ᐃᓕᓐᓂᐊᕕᒻᒥ ᐃᓕᓐᓂᐊᑎᑦᓯᔨ ᐅᖃᕐᑐᖅ Haley Digel. “ᐊᓂᕐᓂᖃᖕᖏᑐᒃᑯᕕᒻᒦᑐᓄᑦ ᐅᖄᖃᑎᖃᕐᓂᖅ ᐊᓕᐊᓇᕐᑐᒪᕆᐅᕗᖅ, ᓱᑯᐃᔦᓂᕐᓅᓕᖓᔪᓂᒃ ᐱᓇᓱᓐᓇᓱᓂ ᐃᓕᓐᓂᐊᑎᓄᑦ ᐱᖕᖑᐊᕈᑎᒋᓇᒋᑦ” ᐅᖃᕐᑐᖅ Digel.

ᐊᓂᕐᓂᖃᖕᖏᑐᒃᑯᕕᒻᒥᐅᓄᑦ ᐅᖄᖃᑎᖃᕐᓂᒥᓂ, ᐃᓐᓇᓕᒃ ᐃᓕᓐᓂᐊᕕᒃ ᐃᓄᑦᔪᐊᒥᐅᓄᑦ ᐅᐸᑦᑕᐅᓯᒪᕈᓐᓇᓛᕐᒥᔪᖅ. “ᑕᒪᓐᓇ ᐱᓇᓱᐊᕐᑕᐅᔪᖅ ᐱᒻᒪᕆᐅᕗᖅ ᐃᓕᓐᓂᐊᑎᓂᒃ ᑲᖐᒋᔭᖃᕐᓂᓴᐅᑎᑦᓯᒋᐊᕐᓂᒧᑦ ᓱᑯᐃᔦᓂᕐᓂᒃ ᐃᓱᕐᕉᑎᓕᕆᓂᕐᓂᓗ”, ᐃᓐᓇᓕᒃ ᐃᓕᓐᓂᐊᕕᒻᒥ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓ ᐅᖄᕐᑐᖅ ᐹᓪ ᐳᕋᓴ. “ᐱᐅᔪᓪᓚᕆᐅᕗᖅ ᕿᑐᕐᖓᓖᑦ ᓄᓇᓕᒻᒥᐅᓗ ᐃᓚᐅᕕᖃᕈᓐᓇᒪᑕ ᐃᓕᓐᓂᐊᑏᑦ ᐃᓚᒋᓗᒋᑦ”, ᐅᖃᕆᐊᓪᓚᓱᓂᓗ.

ᐊᓂᕐᓂᖃᖕᖏᑐᒃᑯᕕᒻᒥᐅᒧᑦ Chris Hadfield-ᒧᑦ ᐅᖄᖃᑎᖃᖕᖏᓂᕐᒥᓂ, ᐃᓕᓐᓂᐊᑏᑦ ᑲᑎᒪᓂᐊᕈᓯᖃᕐᑎᑕᐅᖃᑦᑕᓚᖓᔪᑦ ᐊᕐᓴᓃᑦ ᐱᐅᓯᖏᓐᓅᓕᖓᔪᓂᒃ. ᓯᓚ ᐱᐅᔫᑉᐸᑦ, ᐅᓐᓄᑐᒃᑯᑦ ᑕᑯᓐᓇᕆᐊᕐᓂᒧᑦ ᐊᑐᐃᓐᓇᕈᕐᑎᓯᒪᒻᒥᔪᑦ.

ᐊᕐᕌᒍᓂ ᐊᓂᒍᕐᑐᓂ, ᑕᒪᓐᓇ ᐊᑐᐃᓐᓇᐅᑎᑕᐅᓲᖑᓕᕐᑐᖅ ᓄᓇᕕᒻᒥ ᐃᓕᓐᓂᐊᕕᓐᓄᑦ ᑮᓇᐅᔭᖃᕐᑎᓯᑎᓪᓗᒋᑦ ᒪᑭᕝᕕᑯᑦ, First Air-ᑯᑦ ᐃᓄᐃᓪᓗ ᖃᖓᑦᑕᔫᖏᑦ. ᐱᓇᓱᐊᕐᑕᐅᔪᖅ ᐊᑕᐅᑦᓯᑰᕐᑎᑕᐅᑦᓱᓂ Amateur Radio on the International Space Station-ᑯᓐᓄᑦ (ARISS), ᐃᑲᔪᕐᑎᓗᒋᑦ National Aeronautics and Space Administration-ᑯᓐᓄᑦ (NASA) ᐊᒻᒪᓗ Canadian Space Agency-ᑯᓐᓄᑦ (CSA).

ᐅᕙᑦᑎᓅᓕᖓᔪᑦ:

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐱᖕᖑᑎᑕᐅᓯᒪᔪᖅ 1975-ᒥ, ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖏᑦ ᒪᓕᑦᓱᒋᑦ. 1978-ᒥᓂᑦ, ᓄᓇᕕᒻᒥᐅᓄᑦ ᐃᓕᓐᓂᐊᓂᕐᒥᒃ ᐱᒍᑦᔨᔨᑐᐊᖑᓲᖑᓕᕐᑐᖅ. ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᕈᑎᓕᐊᕕᓂᖏᑦ ᐃᓕᓐᓂᐊᕕᓐᓂ ᐊᑐᕐᑕᐅᓲᑦ ᓄᓇᓕᓕᒫᓂ ᓄᓇᕕᒻᒥ, ᐃᓄᒃᑎᑐᑦ ᐅᖃᐅᓯᕐᖄᒥ ᐃᓕᓐᓂᐊᑎᑦᓯᒍᑎᐅᑎᓪᓗᒍ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᖏᓐᓂ. ᑐᑭᓯᒋᐊᕐᕕᐅᕈᓐᓇᑐᖅ:  www.kativik.qc.ca

--- 30 ---

ᑐᑭᓯᒋᐊᕐᕕᐅᕈᓐᓇᑐᖅ:

ᑲᐅᑦᔭᒃ ᐹᓪᓚᔮᑦ

ᑭᓇᒃᑯᑐᐃᓐᓇᓄᑦ ᑐᓴᐅᒪᖃᑎᒌᑦᑎᓯᔨ

ᑲᑎᕕᒃ ᐃᓕᓐᓂᐊᓂᓕᕆᓂᖅ

(514) 482-8220

publicrelations@kativik.qc.ca

20130408_i_space_contact_inukjuak.pdf

364.52 KB

ᑐᓴᕐᑕᐅᓴᐅᑎᒋᒋᐊᓖᑦ

ᑐᓴᕋᑦᓴᓂᐊᕐᑎᓄᑦ

2013ᒥ ᑯᐯᒻᒥ ᓄᓇᓕᑐᙯᑦ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᓂᖓ ᖃᐅᑉᐸᑦ ᐱᒋᐊᓛᕐᑐᖅ

ᑰᔾᔪᐊᖅ, ᓄᓇᕕᒃ, ᑯᐯᒃ (ᒫᑦᓯ 18, 2013) -2013ᒥ ᑯᐯᒻᒥ ᓄᓇᓕᑐᙯᑦ ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᓂᖃᓛᕐᑐᑦ ᐁᑉᐱᑐᓂ ᒫᑦᓯ 19ᒥ ᐱᖓᑦᓯᑐᓂᓪᓗ ᒫᑦᓯ 20, 2013, ᔮᓂᒻᒪᕆᒻᒥ ᐃᓕᓐᓂᐊᕕᒻᒥ ᑰᔾᔪᐊᒦᑦᑐᒥ, ᓄᓇᕕᒻᒥ.

ᐃᓂᓪᓚᑎᕐᑕᐅᓛᕐᑐᖅ ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒥᒃ ᓴᓇᓂᕐᒥᓗ ᓴᕐᕿᑎᑦᓯᓯᒪᓂᖓᑕ ᑲᑐᑦᔨᖃᑎᒌᓐᓂᖓᓄᑦ (QASEA), ᐊᒻᒪᓗ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ.

100 ᐅᖓᑖᓅᓛᕐᑐᑦ ᓄᓇᖃᕐᑳᓯᒪᔪᑦ ᐅᕕᒃᑫᑦ ᐳᒃᑭᓂᕐᓴᒥᓪᓗ ᐳᕐᑐᓂᕐᓴᒥᓪᓗ ᐃᓕᓴᕐᕕᖏᓐᓂᑦ ᓄᓇᓕᑐᙯᑦ, ᐃᓄᐃᓪᓗ ᓄᓇᓕᖏᓐᓂᑦ ᑯᐯᒻᒥᑦ ᑎᒻᒥᔫᒃᑯᑦ ᑰᔾᔪᐊᓕᐊᓚᖓᔪᑦ ᐅᒡᓗᒥ ᐱᓕᐅᑦᔨᒋᐊᕐᑐᑐᑦ.

ᖃᐅᑉᐸᑦ, ᓱᑯᐃᔭᕐᓯᒪᔭᒥᓂᒃ ᑕᑯᑦᓴᐅᑎᑦᓯᓛᕐᑐᑦ ᐱᓕᐅᔾᔨᒍᑎᒥᓂᒃ ᐅᐱᒍᓲᑎᑖᕐᑎᑕᐅᖃᑦᑕᑎᓪᓗᒋᑦ ᐱᑦᓯᐊᓯᒪᓂᕐᐹᑦ. ᒫᑦᓯ 20, 2013ᒥ ᓵᓚᓕᕕᓃᑦ ᐅᖃᕐᑕᐅᓛᕐᑐᑦ.

ᐱᓇᓱᐊᕐᑕᕗᑦ:

20130318_i_media_advisory_science_fair.pdf

392.17 KB

ᓄᓇᕕᒻᒥᐅᑦ ᓱᖏᐅᑎᓯᒪᑐᐃᓐᓇᐅᓕᕐᖁᑦ ᐊᔪᐃᓐᓇᕆᐊᖃᕐᓇᑐᓄᑦ ᐱᕙᓪᓕᐊᒍᑏᑦ ᑌᒣᑦᑐᓕᐊᖏᓐᓄᑦ. 1975-ᒥ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᖅ ᐃᓕᑕᕐᓯᒍᑕᐅᓚᐅᕐᓯᒪᕗᖅ ᓄᓇᕕᐅᑉ ᐃᓄᖏᑦᑕ ᐱᔪᓐᓇᓂᖃᕈᑎᖏᓐᓂᒃ ᓄᓇᒥ ᐊᖏᔪᕐᔪᐊᕌᓗᒻᒥ, ᐱᑎᑦᓯᒍᑕᐅᑦᓱᓂ ᐱᖁᔭᑎᒍᑦ ᐃᓕᑕᕐᓇᓂᕐᒥᒃ ᐊᒻᒪᓗ ᐊᑦᔨᐅᖏᑦᑐᒥᒃ ᒪᓕᒐᖃᕐᑎᓯᒍᓯᕐᒥᒃ ᑕᒪᑐᒪ ᐊᐅᓚᑕᐅᓂᖓᓄᑦ. 2002-ᒥ ᐋᕐᕿᑕᐅᓚᐅᔪᔪᖅ ᓴᓇᕐᕈᑎᒃ ᐊᖏᖃᑎᒌᓐᓂᖅ ᒪᑭᑦᓯᓚᐅᔪᕗᖅ ᓄᑖᒥᒃ ᓄᓇᕐᔪᐊᓕᓐᓂᒃ-ᓄᓇᕐᔪᐊᓕᓐᓄᑦ ᐊᑦᑐᐊᒍᑎᓂᕐᒥᒃ ᓄᓇᕕᒻᒧᑦ ᐊᒻᒪᓗ ᑯᐯᒻᒧᑦ ᐊᒻᒪᓗ ᑫᒥᑦᓯᒍᑕᐅᑦᓱᓂ ᑕᒣᓐᓄᑦ ᑕᑯᓐᓇᒐᖃᕈᑎᒥᒃ ᒪᑭᑕᐅᑏᑦ ᐊᒻᒪᓗ ᓄᓇᓖᑦ ᐱᕙᓪᓕᐊᓂᑦᓴᖏᓐᓂᒃ. ᑭᓯᐊᓂ, ᓯᓚᕐᔪᐊᒥᐅᑦ ᐅᔭᕋᕐᓃᑐᓂᒃ ᐱᕙᓪᓕᖁᑎᓂᒃ ᐃᒪᓕᕆᓂᒃᑯᓗ ᐱᕙᓪᓕᖁᑎᑦᓴᓂᒃ ᐱᔪᒪᓂᖏᑦ ᓱᑌᔭᒻᒪᕆᓪᓗᑎᒃ ᐱᕈᕐᓂᐊᑐᕆᔭᐅᑎᓪᓗᒋᑦ, ᒫᓐᓇᓴᐅᑎᒋᒃ
ᐊᔪᐃᓐᓇᓂᖃᕆᐊᖃᓕᕐᑐᖅ ᑕᒪᒃᑯᐊ ᐱᕙᓪᓕᐊᒍᑏᑦ ᑭᖑᓂᑦᓴᑎᓐᓂᒃ ᓇᖏᐊᕐᓇᑐᒨᕆᓂᐊᙱᒪᑕ.

ᑐᑭᓯᒋᐊᕈᒪᒍᕕᑦ ᓱᑯᐃᔦᓂᕐᒥ ᓴᕐᕿᑎᑦᓯᓯᒪᓂᕐᓅᓕᖓᔪᓂᒃ ᓇᕐᓂᓗᒍ ᐊᑭᓐᓇᒥᐅᑕᖅ ᐊᑖᓃᑦᑐᖅ.