ᑐᓴᕋᑦᓴᕗᑦ

This page has been moved to http://www.kativik.qc.ca/iu/news/aupalummiut-kangirsujuarmiulu-ilinniatiit-atuagatsaliursimalirtut-kinakkutuinnanut. You will be automatically redirected in 10 seconds.

ᐊᑯᓕᕕᒻᒥᐅᑦ ᐃᓕᓐᓂᐊᑏᑦ ᑭᓇᒃᑯᑐᐃᓐᓇᓄᑦ ᐊᓪᓚᓂᐊᕋᑦᓴᓕᐊᕕᓃᑦ

ᑯᐃᓐ ᑳᑐᒥᒃ ᑲᒪᔨᖃᕐᓱᑎᒃ ᐃᓕᓐᓂᐊᑎᑦᓯᔨᒥᓂᒃ, ᐊᑯᓕᕕᒻᒥᐅᑦ ᖃᓪᓗᓈᑎᑐᑦ ᐃᓕᓐᓂᐊᑏᑦ ᐳᕐᑐᓂᕐᓴᒥ 3,4,5-ᒥ ᐱᓇᓱᐊᕈᑎᖃᒻᒪᕆᖃᑦᑕᓚᐅᔪᔪᑦ ᐊᑐᐃᓐᓇᕈᕐᑎᓱᑎᒃ ᐊᑦᔨᓕᐅᕈᑎᒃᑯᑦ ᐆᑦᑐᕋᐅᑎᒥᒃ ᓄᓇᓕᒻᒥᓅᓕᖓᔪᒥᒃ. ᐃᓕᓐᓂᐊᑏᑦ ᐱᖕᖑᑎᑦᓯᒋᐊᖃᓚᐅᔪᔪᑦ ᐊᓪᓚᖃᑦᑕᑕᕕᓂᕐᒥᓂᒃ ᑲᑎᕐᓱᐃᓯᒪᓗᑎᒃ ᓄᓇᓕᒻᒥᓂᒃ ᖃᓄᐃᑦᑑᒪᖔᑦ ᑐᑭᓯᑎᑦᓯᒍᑎᓂᒃ. ᑖᒃᑯᐊ ᓯᑕᒪᒋᔭᐅᓕᕐᑐᑦ ᐃᓚᐅᓯᒪᓕᕐᓱᑎᒃ ᑖᑦᓱᒧᖓ ᐱᓇᓱᐊᕐᑕᐅᔪᒧᑦ ᐊᐅᓚᑕᐅᔪᒧᑦ ᐊᑐᓱᐃᓐᓇᕈᕐᑎᑕᐅᒪᑦᓱᓂᓗ Blue Metropolis-ᑯᓐᓄᑦ, ᒪᓐᑐᔨᐊᒥᐅᖑᑦᓱᓂ ᑎᒥᐅᔪᖅ ᖄᖏᓐᓂᑯᓕᐅᕐᑎᐅᒐᓂ. ᐱᓇᓱᐊᕐᑕᐅᔫᑉ ᑐᕌᒐᖏᑦᑕ ᐃᓚᖓ ᐃᓕᓐᓂᐊᑏᑦ ᐅᖄᕈᑎᖃᒋᐊᖃᕐᓂᖏᑦ ᓄᓇᓕᖓᑕ ᐊᑦᔨᐅᖏᑦᑑᒍᑎᖏᓐᓂᒃ ᐃᓱᒪᒋᔭᒥᓂᓪᓗ ᑐᓴᐅᒪᔭᐅᑎᑦᓯᓗᑎᒃ ᐊᓪᓚᓯᒪᔫᑎᓪᓗᒋᑦ. ᓯᕗᓪᓕᒥ ᓄᓇᕕᒻᒥᐅᑦ ᐃᓚᐅᖃᑕᐅᖃᑦᑕᓯᒪᔪᑦ ᑌᔭᐅᒍᓯᖃᕐᓯᒪᔪᑦ ᒪᑯᓂᖓ: ᕿᒧᑦᓰᑦ, ᐃᓄᐃᑦ ᐅᓪᓗᒥ ᑌᑦᓱᒪᓂᓗ, ᓄᓇᓕᒻᒥᓗ ᓱᖃᑦᓯᒍᑏᑦ. ᑕᒡᒐᓂ ᐊᕐᕌᒍᕐᒥ, ᐃᓚᐅᔪᑦ ᑲᒪᒋᔭᖃᓚᐅᕐᑐᑦ ᐃᓕᓐᓂᐊᕕᒻᒥᒃ ᓄᓇᓕᒻᒥᓗ ᖃᓄᐃᓘᕐᑎᐅᓂᖓᓂᒃ.

ᐅᑭᐅᕐᑕᑐᒧᑦ ᐱᑐᑦᓯᒪᓂᖅ

ᖃᓪᓗᓈᑎᑐᑦ ᐳᒃᑭᓂᕐᓴᒥ ᐃᓕᓐᓂᐊᑏᑦ ᓄᓇᕕᒻᒥ ᐊᓕᐊᓇᕐᑐᓂᒃ ᐊᑑᑎᖃᑦᑕᖁᑦ ᑕᒡᒐᓂ ᐊᕐᕌᒍᕐᒥ. ᓯᑎᐱᕆ 2009-ᒥᓂᑦ, ᐳᒃᑭᓂᕐᓴᒥ ᖃᓪᓗᓈᑎᑐᑦ ᐊᑕᐅᓰᑦ ᐃᓕᓐᓂᐊᖃᑎᒌᑦ ᓄᓇᓕᓐᓂᑦ ᐊᑐᓂᑦ ᐃᓚᐅᖃᐅᑕᕕᖃᖃᑦᑕᑐᑦ ᐃᓗᕐᖁᓯᕐᒨᓕᖓᔪᓂ ᐱᓇᓱᐊᕐᑕᐅᔪᓄᑦ ᑲᑦᓱᙰᑦᑎᑕᐅᓚᕿᑦᓱᑎᒃ ᐃᓗᕐᖁᓯᕐᒥᓂᒃ ᐃᓕᑦᓯᒋᐊᓪᓛᓂᕐᒧᑦ, ᓂᑦᔭᕉᑎᖃᕐᓂᒧᑦ ᐃᓱᒪᒋᔭᒥᓂᒃ, ᖃᐅᔨᕈᓐᓇᓯᑎᑕᐅᓚᖓᑦᓱᑎᓪᓗ ᓄᓇᕕᒻᒥᐅᖑᖃᑎᒥᓄᑦ ᐃᓕᓐᓂᐊᑎᓄᑦ ᐱᑐᑦᓯᒪᓂᖃᕐᓂᒥᓂᒃ.

ᓱᑲᑦᑐᐊᓗᒻᒥᒃ ᐊᕐᕌᒍᓕᒫᕐᒥ ᐱᓇᓱᐊᕐᑕᕗᑦ ᐱᔭᕇᕐᐸᓕᐊᓕᕐᑕᕗᑦ. ᒣ 31-ᒥᑦ ᔫᓂ 4, 2010-ᒧᑦ, ᐃᓕᓐᓂᐊᑏᓐᓂᒃ ᒪᕐᕉᓂᒃ ᐃᓕᓐᓂᐊᑎᑦᓯᔩᓐᓂᓗ ᒪᕐᕉᓂᒃ ᓄᓇᓕᓐᓂᑦ ᐊᑐᓂᑦ ᐱᓯᒪᔪᑦ ᐊᐅᐸᓗᓕᐊᓛᕐᑐᑦ ᓂᐱᓕᐅᕆᒋᐊᕐᑐᓗᑎᒃ ᓄᓇᕕᐅᑉ ᐱᓯᖓᓂᒃ. ᐊᐅᐸᓗᒻᒦᓂᕐᒥᓂ ᐃᓕᓐᓂᐊᑏᑦ ᐳᓛᕆᐊᕐᓯᒪᔪᑦ (ᐃᓚᐅᑎᓪᓗᒋᑦ ᐳᒃᑭᓂᕐᓴᒥ ᐃᓕᓐᓂᐊᑏᑦ) ᓂᕆᖃᑎᒌᖃᑦᑕᓛᕐᑐᑦ, ᑕᒡᒐᓂᑦᓭᓇᖅ ᓯᓂᖃᑦᑕᓗᑎᒃ, ᐱᖕᖑᑎᑦᓯᖃᑦᑕᓗᑎᒃ ᐱᖕᖑᐊᖃᑎᒌᖃᑦᑕᓗᑎᓪᓗ ᐊᑕᐅᑦᓯᑯᑦ ᐱᓇᓱᖃᑎᒌᓐᓂᖃᕐᓗᑎᒃ ᐊᓕᐊᓱᐊᓂᖃᕐᓗᑎᓪᓗ. ᓄᓇᕕᐅᑉ ᐱᓯᖓᓄᑦ ᐃᓚᒋᔭᐅᑎᓪᓗᒍ, ᓂᑦᔭᕈᑎᐅᔮᕈᒃ ᓂᐱᖁᑎᖃᓛᕐᒥᔪᖅ ᐃᓕᓐᓂᐊᑏᑦ ᐃᓄᐃᑦ ᐅᓂᒃᑳᖏᓐᓂᒃ ᐊᑐᐊᕐᓯᑎᓪᓗᒋᑦ ᐅᓂᒃᑳᓕᐊᕕᓂᕐᒥᓂᓘᓐᓃᑦ, ᐃᒥᐊᕇᒃᑯᑎᖃᕐᓗᑎᒃ ᓂᐱᖏᑦ ᐱᐅᔫᒐᔭᕐᒪᑕ ᐊᑐᓂᑦ. ᓂᕆᐅᓐᓇᖏᑦᑐᓂᒃ ᓂᐱᓕᐅᕐᓯᒪᔪᖃᑐᐃᓐᓇᕆᐊᖃᓛᕐᒥᔪᑦ… ᓈᓚᕋᓱᑦᓯᐊᕆᑦᓯ!

application/pdf icon
SarahRussellText.pdf
46.24 KB
application/pdf icon
DebraGText.pdf
52.5 KB

ᐅᐱᒍᓲᑦᔨᕗᒍᑦ ᐊᒪᕈᒃᑯᑦ ᐃᓕᒌᑦ ᐃᑯᓯᒃ ᐃᓕᓐᓂᐊᕕᒻᒥ!

ᑲᑎᕕᒃ ᐃᓕᓐᓂᐊᓂᓕᕆᓂᖅ ᓄᓇᕕᒻᒥᓗ ᓄᓇᓕᓕᒫᑦ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᑲᑎᒪᔨᖏᑦ ᑲᑐᑦᔨᖃᑎᒌᑦᓱᑎᒃ ᑐᓴᕐᑎᓯᒍᑎᓖᑦ ᐊᒪᕈᒃᑯᑦ ᐃᑯᓯᒃ ᐃᓕᓐᓂᐊᕕᒻᒥ ᐃᓕᒌᑦ ᓵᓚᖃᕐᓂᕕᓂᖏᓐᓂᒃ ᓄᓇᓕᓕᒫᓂ ᖄᑭᕐᓂᒥ ᐱᓕᐅᑦᔨᓂᖓᓂ ᐊᑑᑎᔭᐅᔪᕕᓂᕐᓂ.

application/pdf icon
2010-03-31_Press_Release_Inuk_KSB.pdf
596.26 KB

“ᓱᑯᐃᔦᓂᕐᒥᒃ ᓄᑖᒍᓕᕐᑐᓂᓪᓗ ᐱᓇᓱᒍᑎᑦᓴᓕᕆᓂᕐᒥᒃ” ᐃᓕᓴᖃᑕᐅᓂᖅ

ᐃᓕᓴᖃᑕᐅᔪᑦ EDEE 372 ᐃᓕᓭᒍᓯᕐᓂᒃ ᓱᑯᐃᔦᓂᕐᒥᒃ, ᐃᓄᒃᔪᐊᒥ ᒫᑦᓯ 1-10

ᑖᓐᓇ ᐃᓕᓴᕋᑦᓴᖅ ᖃᕝᕙᕆᐊᕈᑎᑖᕐᐸᓕᐊᒍᑕᐅᒍᓐᓇᑐᖅ 60ᓂᒃ ᖃᕝᕙᕆᐊᕈᑎᑖᕋᓱᐊᕐᑐᓄᑦ ᐊᓪᓓᓗ ᐃᓄᐃᓪᓗ ᐃᓕᓐᓂᐊᓂᖓᒍᑦ (ᑲᑎᕕᒃ ᐃᓕᓐᓂᐊᓂᓕᕆᓂᑎᒍᑦ/ᒪᑭᐊᓪᑎᒍᓪᓗ ᐱᒋᐅᕐᓴᓂᒃᑯᑦ). ᐃᓕᓴᖃᑦᑕᕆᐊᖃᕐᒪᑕ Brevet (ᐃᓕᓭᒍᓐᓇᐅᑎᑖᕐᒣᑐᐃᑦ). ᐃᓕᓭᒍᓐᓇᐅᑎᑖᕇᕐᓯᒪᓕᕋᓗᐊᕈᑎᒃ ᐃᓕᓴᕆᐊᓪᓚᑖᖁᔭᐅᔪᑦ ᐳᕐᑐᓂᕐᓴᒋᐊᓪᓚᒥᒃ ᐱᒍᓐᓇᐅᑎᑖᕈᑎᑦᓴᓂᒃ B.Ed.

ᐊᑦᓯᖑᐁᑦ

ᑖᒃᑯᐊ ᐃᓕᓴᕋᑦᓭᑦ ᐱᒐᓱᐊᒻᒪᕆᓐᓇᑐᑦ ᑫᕙᓪᓚᒍᓯᖏᑦ ᐊᒥᓲᒋᐊᖃᕐᓱᑎᒃ ᐃᓕᓴᕐᕕᒥ ᐃᓕᓴᕐᕕᒥᐅᖕᖏᑐᕐᓗ. ᑕᒪᑐᒥᖓ ᐃᓕᓴᕐᑐᓕᒫᑦ, ᐊᓕᐊᒋᔭᖃᖃᑦᑕᓯᒪᔪᑦ ᐃᓕᓭᓂᕐᒥᒃ/ᐃᓕᑦᓯᕙᓪᓕᐊᓂᕐᒥᓗ ᐱᕕᑦᓴᖃᕐᑎᑕᐅᖃᑦᑕᓂᕋᒥᒃ “ᓱᑯᐃᔦᓂᕐᒥᒃ ᓄᑖᒍᓕᕐᑐᓂᓪᓗ ᐱᓇᓱᒍᑎᑦᓴᓕᕆᓂᕐᒥᒃ” ᐃᓕᓴᖃᑕᐅᒍᒪᓯᒪᔪᑦ. ᑕᒪᑐᒥᖓ ᐃᓕᓴᖃᑕᐅᖃᑦᑕᑐᑦ “ᓱᑯᐃᔦᓂᕐᒥᒃ ᓄᑖᒍᓕᕐᑐᓂᓪᓗ ᐱᓇᓱᒍᑎᑦᓴᓕᕆᓂᕐᒥᒃ” ᑐᓱᓕᖃᑦᑕᐅᑎᒍᑎᐅᖁᔨᔫᒐᓗᐊᑦ ᓄᓇᕕᒻᒥᐅᑦ ᑲᒃᑲᓛᑦ ᐱᕙᓪᓕᖁᑎᖃᑦᓯᐊᖁᑦᓱᒋᑦ ᖃᐅᔨᒪᔭᐅᓕᕐᑐᓂᒃ.

ᒫᑦᔨ 2010

ᐃᓕᑦᓯᒍᓐᓇᑕᒥᒍᑦ ᐃᓕᓐᓂᐊᑎᑕᐅᔪᑦ ᐅᓪᓗᕆᐊᖅ ᐃᓕᓐᓂᐊᕕᒻᒥ ᑲᖏᕐᓱᐊᓗᒃᔪᐊᒥ ᕿᒧᑦᓯᑎᑦᓯᔪᑦ ᐳᒃᑭᓂᕐᓴᒥ ᐃᓕᓐᓂᐊᑎᓂᒃ. (ᐊᑦᓯᖑᐊᒃ, 2009-2010-ᒥᐅᔭᖅ ᐅᓪᓗᖁᑏᑦ ᐊᑭᓐᓇᖓ)

ᐃᑲᔪᕐᓯᒪᕈᓐᓇᑐᑦ ᐱᑐᕝᕖᑦ:
ᖃᕆᑕᐅᔭᕐᓄᑦ ᑐᕐᖁᑐᕐᓗᒍ 2009-2010-ᒥᐅᔭᖅ ᐅᓪᓗᖁᑏᑦ ᐊᑭᓐᓇᖓ,    ᐅᓪᓗᖁᑎᖃᐅᑎᒃ ᐊᕕᑦᑐᓯᒪᓂᖅ

 

 

 

ᐃᓕᓵᖁᑎᓯ ᓯᓚᕐᔪᐊᒥᐅᑦ ᐱᖕᖑᐊᓂᕐᔪᐊᓂᖏᓐᓂ ᓱᒐᑦᓴᖃᕐᑎᑕᐅᓂᕆᓛᕐᑕᖏᑦ

ᓯᓚᕐᔪᐊᒥᐅᑦ ᐱᖕᖑᐊᓂᕐᔪᐊᓂᖏᓐᓂ, ᕚᓐᑰᕙᒥ ᐱᖕᖑᐊᖃᑕᐅᔪᑦ ᖃᓄᐃᓕᖓᓕᕐᒪᖔᑕ ᑐᓴᐅᒪᑎᑦᓯᖃᑦᑕᓚᖓᕗᒍᑦ ᒥᑭᓂᕐᐹᓂᒃ ᐳᕐᑐᓂᕐᓴᓂᓪᓗ ᐃᓕᓵᓂᒃ ᓱᒐᑦᓴᖃᕐᑎᖃᑦᑕᓗᒋᓪᓗ ᕚᓐᑰᕙᒥ ᓯᓚᕐᔪᐊᒥᐅᑦ ᐱᖕᖑᐊᓂᕐᔪᐊᖓᓅᓕᖓᔪᓂᒃ !

ᓯᑕᒪᐅᔪᕐᑐᑦ ᐃᓕᓵᒃᑲ ᐳᕐᑐᓂᕐᓭᑦ VI ᑲᖏᕐᓱᔪᐊᒥ ᐅᓪᓗᑕᒫᑦ ᑐᓴᕋᑦᓴᓕᐅᖃᑦᑕᓚᖓᔪᑦ ᐱᖕᖑᐊᓂᕐᔪᐊᓂᖏᓐᓂ (ᖁᓕᕕᓪᓗᑎᒃ ᓈᒻᒪᓈᕐᑕᓯᐊᕐᓂᕈᑎᒃ). ᐃᓕᓵᑦᓯᓄᑦ ᐊᓕᐊᒋᔭᐅᖁᓇᕐᑑᒐᓗᐊᑦ (ᐅᐃᒍᐃᑎᑐᑦ ᑭᓯᐊᓂ). ᑐᓴᕋᑦᓴᖁᑎᕗᑦ

ᓯᕗᓪᓕᐹᑦ ᒪᑯᓂᖓ ᑐᓴᕋᑦᓴᑕᖃᕋᔭᕐᑐᑦ:

  • ᓯᓚᕐᔪᐊᒥᐅᑦ ᐱᖕᖑᐊᓂᕐᔪᐊᖓᑕ ᓇᓗᓀᒃᑯᑕᖕᖑᐊᖏᑦ
  • Vowels
  • ᐅᑭᐅᒥ ᐱᖕᖑᐊᕈᓰᑦ
  • ᓯᓚᕐᔪᐊᒥᐅᑦ ᐱᖕᖑᐊᓂᕐᔪᐊᖓᑕ ᐃᑯᒪᕐᔪᐊᖓ
  • ᐃᑎᕈᑏᑦ
Carole Cadoret, ᐳᕐᑐᓂᕐᓭᑦ VI ᐃᓕᓭᔨᖓ
ᐊᕐᓴᓂᖅ ᐃᓕᓐᓂᐊᕕᒃ

 

ᐊᐅᐸᓗᒻᒥᐅᑦ ᑲᖏᕐᓱᔪᐊᕐᒥᐅᓗ ᐃᓕᓐᓂᐊᑏᑦ ᐊᑐᐊᒐᑦᓴᓕᐅᕐᓯᒪᓕᕐᑐᑦ ᑭᓇᒃᑯᑐᐃᓐᓇᓄᑦ ᑕᑯᔭᐅᕈᓐᓇᓕᕐᑐᓂᒃ

2008-2009-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ, ᐳᕐᑐᓂᕐᓴᒥ ᖃᓪᓗᓈᑎᑐᑦ ᐃᓕᓐᓂᐊᑏᒃ ᒪᕐᕉᒃ, ᐊᐅᐸᓗᒻᒥᐅᖅ ᑲᖏᕐᓱᔪᐊᕐᒥᐅᓗ, ᓂᕈᐊᕐᑕᐅᓚᐅᔪᔫᒃ ᐃᓚᐅᖃᑕᐅᔪᑦᓴᐅᑎᓪᓗᒋᒃ ᐃᓕᓐᓂᐊᓂᕐᒨᓕᖓᔪᓄᑦ ᐱᓇᓱᐊᕐᑕᐅᔪᓄᑦ Blue Metropolis-ᑯᓐᓄᑦ ᐊᐅᓚᑕᐅᔪᒧᑦ, ᖄᖏᓐᓂᑯᓕᐅᕐᓂᖃᕋᓂ ᑎᒥᐅᔪᖅ "ᑐᕌᒐᖃᕐᓱᓂ ᓄᓇᖃᑎᒌᑦᓴᔭᐅᖕᖏᑐᓂᒃ ᐃᓗᕐᖁᓯᖃᑎᒌᕋᑎᒃ ᑲᓱᕐᑎᓯᓂᕐᒥᒃ ᑲᑎᒪᓗᑎᒃ ᐊᓪᓚᓂᐊᖃᑦᑕᑎᓪᓗᒋᑦ ᐊᓪᓚᓯᒪᔪᓕᐅᕐᓂᒥᓪᓗ". ᐃᑲᔪᕐᑕᐅᓱᑎᒃ ᐱᒍᓐᓇᐅᑎᓕᓐᓄᑦ ᐊᓪᓚᑎᓄᑦ, ᐊᑦᔨᓕᐅᕆᔨᓄᑦ ᓂᐱᓕᕆᔨᓄᓪᓗ, ᐃᒻᒥᒎᕐᑑᒃ ᐱᓇᓱᖃᑎᒌᓚᐅᔪᔫᒃ ᐊᕐᕌᒍᓕᒫᒥ ᑐᕌᒐᓱᑦᑕᒥᓄᑦ ᑎᑭᐅᑎᒐᓱᐊᕐᓱᑎᒃ ᑐᓴᐅᒪᖃᑎᒌᓐᓂᑯᑦ ᐃᓗᕐᖁᓯᕐᒥᓂᒃ ᑕᓚᕖᓴᒃᑯᑦ ᑕᑯᓐᓇᖃᑦᑕᐅᑎᖃᑦᑕᓱᑎᑦ. ᐊᓪᓚᓂᐊᖏᓐᓇᓗᑎᑦ ᖃᐅᔨᓚᖓᔪᑎᑦ ᖃᓄᐃᑦᑑᓂᖏᓐᓂᒃ ᐱᓇᓱᐊᕐᑕᕕᓂᖏᑦᑕ ᓇᓂᓗ ᑕᑯᕈᓐᓇᒪᖔᑕ ᐱᓇᓱᑦᑕᕕᓂᖏᑦ ᑭᓇᒃᑯᑐᐃᓐᓇᓄᑦ ᐊᑐᐃᓐᓀᑦ. 

ᐅᓪᓗᖁᑏᑦ 2009-2010

ᐃᓕᓐᓂᐊᑏᑦ ᐊᔭᒍᑕᖅ ᐃᓕᓐᓂᐊᕕᒻᒥ ᑕᓯᐅᔭᒥ ᐊᕐᕌᒍᑕμᑦ ᐊᕐᐸᖏᕐᓂᐅᓲᒥᒃ ᐊᑑᑎᔪᑦ ᑎᐊᕆ ᕚᒃᓯᐅᑉ ᐃᕐᖃᐅᒪᔭᐅᓂᖓᓄᑦ ᑮᓇᐅᔭᓂᒃ ᓄᐊᑦᓯᓱᑎᒃ ᐋᓐᓂᐊᓂᒃ ᐋᕐᕿᑕᐅᕐᖃᔭᖕᖏᑐᓂᒃ ᐋᕐᕿᕈᑎᑦᓴᓯᐅᕈᑎᑦᓴᓂᒃ.
 (ᐊᑦᓯᖑᐊᒃ, ᓯᑎᐱᕆ 2009)

ᐃᑲᔪᕐᓯᒪᕈᓐᓇᑐᑦ ᐱᑐᕝᕖᑦ:
ᖃᕆᑕᐅᔭᕐᓄᑦ ᑐᕐᖁᑐᕐᓗᒍ 2009-2010-ᒥᐅᔭᖅ ᐅᓪᓗᖁᑏᑦ ᐊᑭᓐᓇᖓ,    ᐅᓪᓗᖁᑎᖃᐅᑎᒃ ᐊᕕᑦᑐᓯᒪᓂᖅ

 

 

ᖃᕆᑕᐅᔭᕐᑎᒍᑦ ᐊᑐᐃᓐᓇᖃᕐᕕᒃ ᑕᑯᓂᐊᕐᑕᕕᒃ

ᖃᕆᑕᐅᔭᕐᑎᒍᑦ ᐊᑐᐃᓐᓇᖃᕐᕕᕗᑦ ᐊᓯᑦᔨᖃᒻᒥᐅᕗᖅ ᓴᓇᔭᐅᓂᕐᒦᖏᓐᓇᑫᓐᓇᓚᖓᑦᓱᓂᓗ ᐱᓇᓱᐊᕈᓯᕐᓂ ᐊᒥᓲᓪᓗᐊᖏᑦᑐᓂ.

ᓱᓇᑐᐃᓐᓇᒥᒃ ᕿᓂᑦᓴᓂᕈᑦᓯ ᓇᕝᕚᖃᔭᕐᓇᒍᓗ, ᓇᕐᓂᑐᐃᓐᓇᓗᒍ "ᖃᐅᔨᒋᐊᕐᕕᐅᒍᓐᓇᑐᑦ", ᒪᑉᐱᒐᐅᑉ ᐊᑖᓅᕐᓗᑎᑦ ᐊᐱᕐᓲᑏᓪᓗ ᐊᓪᓚᓗᒍ. ᖃᕆᑕᐅᔭᕐᑎᒍᑦ ᐊᓪᓚᑖᕐᕕᒐᓄᑦ ᐊᐱᕐᓲᑎᓯ ᑎᑭᒐᔭᕐᑐᑦ ᑭᐅᒐᔭᕐᓱᒍᓗ.

ᓇᑯᕐᒦᒃ ᕿᓄᐃᓵᑦᓯᐊᓂᑦᓯᓄᑦ!

ᐱᒍᓐᓇᐳᒍᑦ

ᐱᒍᓐᓇᐳᒍᑦ ᖃᐅᓐᓇᒥ ᐊᑑᑎᔭᐅᓚᐅᔪᔪᖅ, ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᓴᓪᓗᓂ ᐃᓄᒻᒪᕇᑦ ᐃᓕᓐᓂᐊᕕᖁᑎᖓᓂ ᒫᑦᔨ 9-ᒥᑦ ᐁᕆᓕ 3-ᒧᑦ. ᐱᓇᓱᐊᕈᓯᕐᓂ ᓯᑕᒪᓂ ᐱᓇᓱᐊᕐᓂᐅᓱᓂ ᐱᐅᓯᑐᖃᒃᑯᑦ ᐱᔪᓐᓇᓂᕐᓂᒃ ᒥᕐᓱᓂᕐᒥ, ᓂᑦᓯᕋᕐᓂᒥ, ᓄᕕᕐᓴᓂᕐᒥ, ᑕᕐᓯᑐᐃᓂᕐᒥ ᑲᒻᒥᐅᓂᕐᒥᓗ, ᐊᕐᓀᓗ ᖃᓄᐃᖕᖏᓯᐊᕐᓂᖏᓐᓂ. ᐃᓕᓐᓂᐊᑎᑦᓯᔩᑦ ᓄᓇᕕᒻᒥᐅᑦ ᓄᓇᕘᒻᒥᐅᓗ ᖃᐅᔨᒪᔭᐅᓂᖃᕐᓱᑎᒃ ᐱᓯᑎᐅᓂᕐᒥᓄᑦ ᐱᔪᓐᓇᓯᐊᕐᓂᒥᓂ ᑌᒣᑦᑐᓂᒃ. ᐃᓚᐅᔪᑦ ᒥᕐᓱᓯᑎᐅᑦᓱᑎᒃ ᓂᕈᐊᕐᑕᐅᓚᐅᔪᔪᑦ ᓄᓇᓕᓐᓂᑦ ᐊᑐᓂᑦ ᐱᓯᒪᔪᑦ. ᐃᓚᐅᔪᑦ ᐋᕐᕿᓱᐃᓛᕐᒥᔪᑦ ᑌᒣᑦᑐᓭᓐᓇᒐᓛᓂᒃ, ᓄᓇᓕᒻᒥᓄᑦ ᐅᑎᕐᓯᒪᓕᕈᑎᒃ.

Syndicate content