ᑐᓴᕋᑦᓴᕗᑦ

2011-2014ᒥ ᐳᕐᑐᓂᕐᓭᑦ ᑲᑎᒪᔩᑦ - ᔮᓂ ᖃᓴᓪᓗᐊᖅ, ᐊᖓᔪᕐᖄᖅ; ᒫᕐᑌ ᓯᑳᑦ, ᐳᕐᑐᓂᕐᓴᓄᑦ ᐃᓚᐅᔪᖅ; ᐋᓂ ᐊᓚᑯ, ᐊᖓᔪᕐᖄᑉ ᑐᖓᓕᖓ; ᑑᒪᓯ ᒪᖏᐅᖅ, ᐳᕐᑐᓂᕐᓴᓄᑦ ᐃᓚᐅᔪᖅ; ᐋᓚᓐ ᐳᔭᐅᓐ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑭᒡᒐᑐᕐᑎᖓ (ᐊᔾᔨᓕᐊᕕᓂᖓ: ᑲᐅᔾᔭᒃ ᐹᓪᓚᔮᑦ)

---

- ᑐᓴᕋᑦᓭᑦ -

ᐱᖓᑦᓯᑐᓂ, ᑎᓯᒻᐱᕆ 7, 2011ᒥ - ᒪᓐᑐᕆᐊᒥ - ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᓂᕐᒥᒃ ᑭᒡᒐᑐᕐᑎᖏᑦ ᓂᕈᐊᑫᓐᓇᖁᑦ ᐅᒡᓗᒥ ᐳᕐᑐᓂᕐᓴᓄᑦ ᐃᓕᔪᑦᓴᓂᒃ.

ᓂᕈᐊᕈᑎᕕᓃᑦ ᓄᓇᓕᓐᓂ ᐊᑐᓂᑦ

Kangiqsualujjuaq - Maggie Mae Emudluk Imbeault - ᓄᑖᖅ

Kuujjuaq  - Mary Tukkiapik Mesher -  ᓄᑖᖅ

Tasiujaq -  Pasha Berthe  -  ᓄᑖᖅ

Aupaluk  - Martin Scott   -  ᓄᑖᖅ

Kangirsuk -  Aloupa Taqulik

Quaqtaq - Sammy Tukkiapik - ᓄᑖᖅ

Kangiqsujuaq - Jessica Arngak  -  ᓄᑖᖅ

Salluit  - Annie Alaku  -   ᓄᑖᖅ

Ivujivik -  Thomassie Mangiuk  - ᓄᑖᖅ

Akulivik -  Markusi Qinuajuaq  -  ᓄᑖᖅ

ᐋᓂ ᐴᐱᐊᑦ ᐃᓇᖐᓛᓕᕐᑐᖅ ᐋᓂ ᑯᕆᓃᒥᒃ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᑲᔪᓯᒃᑫᔨᙳᓗᓂ, ᔪᓓ 18, 2011 ᐱᒋᐊᕐᓗᒍ.

ᐋᓂ ᑯᕆᓃ ᐃᓄᒻᒪᕆᐅᓂᕐᒥᓄᑦ ᕿᑲᓛᓯᔪᖅ ᐊᕐᕌᒍᓂᒃ ᖁᓕᓪᓗ ᓯᑕᒪᐅᔪᙱᒐᕐᑐᓂᒃ ᐱᓇᓱᐊᖃᑦᑕᓚᐅᕐᓱᓂ ᑲᑎᕕᒃ ᐃᓕᓐᓂᐊᓕᓂᕆᕐᒥ ᐊᕐᕌᒍᓂᒃ ᖁᓕᓪᓗ ᑕᓪᓕᒪᓪᓗᓂᒃ ᑲᔪᓯᒃᑫᔨᐅᑦᓱᓂ.

ᐋᓂ ᐴᐱᐊᑦ ᐅᑎᕐᑐᖅ ᑕᒡᒍᖓ ᐃᓂᒧᑦ ᐃᓂᒋᓚᐅᕐᓯᒪᒻᒥᔭᒥᓄᑦ ᐊᕐᕌᒍᓂ ᖁᓕᓂ 1983-ᒥᑦ 1993-ᒧᑦ. ᐋᓂ ᓄᕐᖃᕋᒥ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ 1993-ᖑᑎᓪᓗᒍ, ᐱᓇᓱᐊᓯᓚᐅᔪᖅ ᓇᒻᒥᓂᖅ ᐃᓗᓯᓕᕆᓂᕐᒥᒃ ᐃᓕᓐᓂᐊᓂᕐᒨᓕᖓᔪᓂᓪᓗ ᐱᓇᓱᐊᕐᐸᓱᓂ. ᐋᓂ ᐃᓕᓐᓂᐊᓂᓕᕆᓂᕐᒥ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖓᓄᑦ ᑐᑭᒧᐊᑦᑎᓯᔨᐅᓯᒪᒻᒥᔪᖅ 1982-ᒥᑦ 1983-ᒧᑦ ᑲᒪᔨᒻᒪᕆᐅᓯᒪᒻᒥᓱᓂᓪᓗ ᐃᓕᓐᓂᐊᕕᒻᒥ ᑰᑦᔪᐊᒥ 1979-ᒥᑦ 1982-ᒧᑦ.

ᐃᓕᓐᓂᐊᕖᑦ ᑭᒡᒐᑐᕐᑎᖏᑦ ᐱᓇᓱᑦᑏᓗ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᓇᑯᕐᒦᒪᕆᑉᐳᑦ ᐋᓂ ᑯᕆᓃᒥᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᐊᕐᓂᕆᓚᐅᔭᖓᓄᑦ. ᑐᙵᓱᑦᑎᓯᑦᓱᑎᓪᓗ ᐋᓂ ᐳᐱᐊᑦᒥᒃ ᐱᓇᓱᐊᖃᑎᖃᓛᕐᓂᒥᓪᓗ ᐊᕐᕌᒍᓂ ᐊᒥᓱᓂ ᓂᕆᐅᑦᓱᑎᒃ.

ᐊᕐᖁᑎ ᒪᕐᕋᖃᕐᓂᖓ ᐃᓱᓕᑐᐊᕐᒪᑦ ᓄᓇᒃᑰᔫᖏᓪᓗ ᐅᓇᑕᕐᑏᑦ ᓄᓇᐅᔭᐅᑦᓱᑎᒃ ᓄᐃᕐᖃᓕᕐᒪᑕ ᐊᕐᖁᑎᑦᓯᐊᖑᖕᖏᒪᕆᑦᑐᑯᑦ, ᐃᓘᓐᓇᑎᒃ ᓂᕆᐅᓚᐅᔪᖕᖏᑐᑦ ᐊᕐᖁᑎᑦᓯᐊᖑᖕᖏᑐᓂᑐᐃᓐᓇᖓᓅᖕᖏᑐᖅ. ᐃᒐᓛᒃᑯᑦ ᐃᑦᓱᐊᖓᑦᓱᑎᒃ, 12 ᐊᑯᓕᕕᒻᒥᐅᑦ ᑕᑯᓐᓇᓚᐅᔪᑦ ᕿᕐᓂᑌᑦ ᓄᓇᖓᓐᓂᒥᐅᓂᒃ ᐱᐊᕋᕐᓂᒃ ᓄᐃᑎᕐᑐᓂᒃ ᓯᑎᒥᓂᑦ ᒪᕐᕋᒥ ᐱᓱᓯᑦᓱᑎᒃ ᐱᕈᕐᓰᔩᑦ ᓄᓇᖓᒍᑦ ᐊᕐᖁᑎᐅᑉ ᓴᓂᕌᓅᑦᑐᓂᒃ. ᑭᐊᓐᔭᒥᐅᑦ ᐱᐊᕃᑦ ᓄᓇᒃᑰᔫᕐᒧᑦ ᑎᑭᒐᒥᒃ, ᓴᓂᐊᒍᑦ ᐅᓪᓚᓯᓚᐅᔪᑦ, ᐊᓕᐊᓱᑦᓱᑎᒃ ᓄᓗᕋᕐᓱᑎᒃ, “JAMBO”! ᓚᓕᕐᓱᑎᓗ (ᐁ! ᓚᕈᑎᖓ ᐅᖃᐅᓯᕐᒥᒍᑦ) “ᑕᑯᑦᓱᒋᑦ ᑲᒥᖃᕋᑎᒃ ᐅᓪᓚᑎᓪᓗᒋᑦ ᐅᔭᕋᓪᓛᑯᑦ, ᐅᑉᐱᕈᓱᓚᐅᔪᖕᖏᑐᖓ” ᓚᔪᖅ ᔫᓯ ᐊᓕᖁ, ᐳᕐᑐᓂᕐᓴᒥ 5-ᒥ ᐃᓕᓐᓂᐊᑎ. “ᐊᔪᕐᓴᑐᒻᒪᕇᑦ.”