ᓄᓇᕕᒻᒥ ᐱᒋᐅᕐᓴᕕᒃ
ᓄᓇᕕᒻᒥ ᐊᒥᓱᐃᓂᒃ ᐊᑦᔨᒌᖕᖏᑐᓂᒃ ᐱᓇᓱᒐᖃᕐᐳᖅ. ᓄᓇᕕᒻᒥ ᐱᒋᐅᕐᓴᕕᒃ ᐃᓕᓐᓂᐊᕕᒃ ᓱᓇᒥᑦᓯᐊᑐᓂᒃ ᐱᐅᒃᒍᑎᖃᑦᓯᐊᑐᖅ.
ᐱᓇᓱᒐᕐᓂᒃ ᐱᓪᓗᑯᒋᐊᓕᓐᓂᓗ ᐃᓕᓐᓂᐊᓂᖅ ᐊᑦᔨᐅᖏᑦᑑᓱᓂ ᐃᓕᓐᓂᐊᑎᑦᓯᓂᐅᕗᖅ ᑐᕌᕐᓂᓕᐅᕐᑕᐅᓯᒪᑦᓱᓂ ᐅᓪᓗᒥᐅᔪᖅ ᐱᓇᓱᒉᑦ ᖃᓄᐃᑦᑑᓂᖏᑦ ᒪᓕᑦᓱᒋᑦ.
- ᓄᓇᕕᒻᒥ ᐱᒋᐅᕐᓴᕕᒃ
- ᐃᓕᓐᓂᐊᑏᑦ ᐊᓂᕐᕋᖓ
- ᐃᓕᓐᓂᐊᑎᓂᒃ ᐱᒍᑦᔨᕕᒃ
- ᐃᓕᓐᓂᐊᑎᑦᓯᓂᕐᒧᑦ ᑐᕌᒉᑦ
- ᐃᓕᓐᓂᐊᕈᒪᐅᑎᓄᑦ ᑕᑕᕐᓴᒉᑦ
- ᑮᓇᐅᔭᑎᒍᑦ ᐃᑲᔪᓯᕐᒪᐅᑏᑦ
- ᐃᓕᓐᓂᐊᓯᒪᓂᖏᑦ ᐱᓇᓱᑦᓯᒪᓂᖏᓪᓗ ᐃᓕᑕᕆᔭᐅᓂᓖᑦ
- ᐃᓕᓐᓂᐊᓇᐅᑉ ᐅᓪᓗᖁᑎᖏᑦ
- ᐃᓕᓐᓂᐊᓂᕐᒧᑦ ᐃᑎᕈᓐᓇᐅᑎᐅᒋᐊᓖᑦ
- ᐱᔭᕇᕈᓯᒍᑎᑖᕐᓂᖅ
- ᐱᕕᑦᓴᐅᖃᔭᖕᖏᑐᓂᒃ ᓄᓇᕕᒻᒥ ᐃᓕᓐᓂᐊᒐᕐᓂᒃ ᐱᕕᑦᓴᖃᕐᑎᓯᓂᖅ ᓄᓇᕕᐅᑉ ᓯᓚᑖᓂ
- ᐱᓇᓱᑦᑏᑦ ᖃᐅᔨᒋᐊᕐᕕᐅᒍᓐᓇᑐᑦ ᐱᑐᑦᓯᒪᐅᑎᒃᑯᓗ ᑐᕌᕈᑎᖏᑦ
- ᐱᑐᑦᓯᒪᐅᑎᒃᑯᑦ ᑕᑯᔭᓐᓈᕕᒃ
ᓄᓇᕕᒻᒥ ᐱᒋᐅᕐᓴᕕᒃ
ᓄᓇᕕᒻᒥ ᐱᒋᐅᕐᓴᕕᒃ ᖃᕐᖃᔮᒦᑦᑐᖅ ᓵᖕᖓᓱᓂ ᑰᒻᒧᑦ. ᐃᓪᓗᔪᐊᖓ ᒪᕐᕈᐃᓕᖓᔪᖅ, ᐃᓕᓐᓂᐊᕕᑦᑕᖓ ᐃᓕᓐᓂᐊᑏᓪᓗ ᐊᓂᕐᕋᑕᖓ ᐃᓄᒃᔪᐊᒥᐅᔭᐅᖕᖏᑐᓄᑦ.
ᐱᒋᐅᕐᓴᕕᐅᑉ ᐃᓪᓗᔪᐊᖓ ᒪᕐᕈᐃᓕᖓᔪᖅ. ᑕᑭᓂᕐᓴᐅᓂᕐᓴᖅ, ᓂᕈᑐᓂᕐᓴᐅᓱᓂ ᐊᕕᑦᑐᓯᒪᔪᖅ ᒪᕐᕈᐃᓕᖓᑦᓱᓂ ᐊᑦᔨᒌᖕᖏᑐᓂᒃ ᐱᓇᓱᐊᕐᕕᐅᒍᓐᓇᑐᖅ ᑕᐅᕐᓯᑐᕐᑕᐅᑲᒥᒍᓐᓇᓲᖑᑦᓱᓂᓗ ᐃᓕᓐᓂᐊᑎᑦᓯᕕᖕᖑᑎᑕᐅᒍᓐᓇᓱᓂ ᐱᓇᓱᐊᕐᕕᐅᒍᓐᓇᓱᓂᓗ. ᐃᓕᓐᓂᐊᑎᑦᓯᕕᖃᕐᓱᓂ ᒪᕐᕉᓂᓪᓗ ᐱᖁᑎᖃᐅᑎᖃᕐᓱᓂ, ᐁᑉᐸᖓ ᐱᖁᑎᖃᐅᑎᐅᑦᓱᓂ ᐁᑉᐸᖓᓗ ᐱᖁᑎᑖᕐᕕᐅᑎᐅᓪᓗᒍ.
ᐱᒋᐅᕐᓴᕕᐅᑉ ᖁᑉᐹᓃᑦᑐᖅ ᐃᓕᓐᓂᐊᑎᑦᓯᕕᑐᐃᓐᓇᓕᒃ, ᖃᕆᑕᐅᔭᓕᕆᕕᓕᒃ, ᐯᕐᓯᕕᓕᒃ, ᑕᓚᕖᓴᕐᕕᓕᒃ ᐊᓪᓚᕕᖃᕐᕕᐅᓱᓂᓗ.
ᐱᒋᐅᕐᓴᕕᐅᑉ ᐃᓪᓗᔪᐊᖓᑕ ᕿᑎᖓᓃᓪᓗᐊᑐᖅ ᐳᓛᕐᕕᒃ ᖃᐅᒪᔪᑦᓯᐊᖑᓲᖅ ᓯᕿᓐᓂᔮᕐᑕᐅᓂᕐᒦᒐᒥ ᐃᓕᓐᓂᐊᑎᐅᖃᑎᒌᓄᑦ ᐳᓛᖃᑎᒌᕝᕕᓴᑦᓯᐊᖑᓲᖅ, ᑳᐱᑐᖃᑎᒌᕝᕕᐅᓱᓂ, ᕿᑲᓚᐅᕐᑐᕕᐅᑦᓱᓂ, ᑲᑎᒪᕕᐅᑦᓱᓂᓪᓘᓃᑦ ᓱᖃᑦᓯᕕᐅᑦᓱᓂᓘᓐᓃᑦ.
ᐃᓕᓐᓂᐊᑏᑦ ᐊᓂᕐᕋᖓ 26-ᓂᒃ ᖃᕆᐊᓕᒃ, ᓂᕆᕕᖃᕐᓱᓂ ᐃᓄᖃᕈᓐᓇᑐᓂᒃ 80-ᓂᒃ, ᐃᓕᓐᓂᐊᒐᓕᕆᕕᐅᒍᓐᓇᓱᓂᓗ ᐱᖕᖑᐊᕕᖃᕐᓱᓂᓗ. ᐃᒐᓕᖓ ᓂᕿᓕᐅᕐᕕᐅᓱᓂ ᐃᓕᓐᓂᐊᑎᓄᑦ ᐃᒐᓂᕐᒥᒃ ᐃᓕᓐᓂᐊᑐᓄᑦ ᐃᓕᓐᓂᐊᑎᑦᓯᕕᐅᓲᖑᒻᒥᔪᖅ.
ᐃᓕᓐᓂᐊᑏᑦ ᐊᓂᕐᕋᖓ ᐊᓂᕐᕋᖃᕐᑎᓯᓲᖑᕗᖅ ᐁᑉᐸᖃᖕᖏᑐᓂᒃ ᕿᑐᕐᖓᓕᓐᓂᓗ ᐊᑕᐅᓯᕐᒥᒃ ᒪᕐᕉᓂᓪᓘᓃᑦ.
ᐃᓕᓐᓂᐊᑏᑦ ᓱᖃᑦᓯᑎᑦᓯᔨᖏᑦ ᐃᑲᔪᕐᓯᒪᓲᑦ, ᓱᖃᑦᓯᑎᑦᓯᓲᖑᑦᓱᑎᓗ ᐅᓐᓄᑕᒫᑦ ᖁᓕᓪᓗ ᐊᑕᐅᓯᕐᓗᖑᒻᒧᑦ ᐅᓪᓗᓕᒫᕐᓗ ᐱᓇᓱᐊᕈᓯᐅᑉ ᓄᖕᖑᐊᓂ.
ᐃᓕᓐᓂᐊᑎᓂᒃ ᐱᒍᑦᔨᕕᒃ
ᐱᒋᐅᕐᓴᕕᒻᒥ ᐃᓕᓐᓂᐊᑎᓂᒃ ᐱᒍᑦᔨᕕᒃ ᑐᕌᕐᓂᓕᐅᕐᓯᒪᔪᖅ ᐃᓕᓐᓂᐊᑎᓂᒃ ᐊᑐᓂᑦ ᐱᒍᑦᔨᕕᖃᕐᓂᐊᓱᓂ ᐃᓕᓐᓂᐊᑕᖏᓐᓂᒃ. ᐅᑯᐊ ᐊᓪᓚᓯᒪᔪᑦ ᐃᓕᓐᓂᐊᑎᓂᒃ ᐃᑲᔪᕐᓯᒍᑎᑦᓴᐅᑎᓪᓗᒋᑦ ᐱᕕᑦᓴᖃᕐᑎᓯᒍᑎᐅᕗᑦ:
-
ᐃᓕᓐᓂᐊᑎᓂᒃ ᐃᓱᐊᕐᓭᔨ; - ᐃᓕᓐᓂᐊᑎᓂᒃ ᓱᖃᑦᓯᑎᑦᓯᔨ;
- ᐃᓕᓐᓂᐊᑏᑦ ᑲᑎᒪᔨᖏᑦ;
- ᐯᕐᓯᕕᒃ;
- ᐃᓕᓐᓂᐊᑎᑦᓯᔩᑦ;
- ᐱᓇᓱᑦᑏᑦ;
-
ᐊᐅᓚᑦᓯᔩᒃ ᒪᕐᕉᒃ.
ᐃᓕᓐᓂᐊᑎᑦᓯᒍᑏᑦ ᐊᑐᓂᑦ ᐋᕐᕿᓱᕐᑕᐅᓯᒪᕗᑦ ᐱᒋᐅᕐᑎᓯᓂᕐᒥᒃ ᑐᖕᖓᕕᖃᕐᓱᑎᒃ, ᐱᐅᓯᕐᓲᑎᐅᒋᐊᓕᓐᓂᒃ ᑐᕌᕐᓂᖃᕈᑎᐅᒋᐊᓕᓐᓂᓗ ᐱᓇᓱᒐᖃᓛᕈᒪᓂᕐᒧᑦ ᓯᕗᓂᕐᒥ. ᐃᓕᓐᓂᐊᑏᑦ ᐱᓇᓱᒐᕐᒥᒃ ᓂᕈᐊᕐᓯᒪᔭᕐᒥᓂᒃ ᐃᓕᓐᓂᐊᑐᑦ ᐃᓕᓐᓂᐊᑎᑕᐅᓲᑦ ᐱᒋᐅᕐᓯᒪᑦᓯᐊᖁᓪᓗᒋᑦ ᐱᓇᓱᒐᕆᒍᒪᔭᒥᓂᒃ.
ᐃᓕᓐᓂᐊᕈᒪᐅᑎᓄᑦ ᑕᑕᕐᓴᒉᑦ
ᐃᓕᓐᓂᐊᕈᒪᐅᑎᓄᑦ ᑕᑕᕐᓴᒉᑦ ᐱᕕᑦᓴᐅᕗᑦ ᐃᓕᓐᓂᐊᕕᓐᓂ ᓄᓇᓕᓕᒫᓂ ᐃᓕᓐᓂᐊᕕᐅᑉ ᑲᒪᔨᒻᒪᕆᖓ ᖃᐅᔨᒋᐊᕐᕕᒋᓗᒍ ᓇᓪᓕᐊᓂᑐᐃᓐᓇᓗ ᐃᓄᒻᒪᕇᑦ ᐃᓕᓐᓂᐊᕕᖏᓐᓂ. ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᓇᓱᒐᑦᓴᓕᕆᔨᖏᓐᓂᒃ ᑕᑯᔭᕐᑐᕕᐅᒍᓐᓇᒥᔪᑦ.
ᑮᓇᐅᔭᓄᑦ ᐃᑲᔪᕐᓯᔭᐅᒍᑏᑦ
ᐃᓄᐃᑦ ᓅᒋᐊᓖᑦ ᐃᓕᓐᓂᐊᕆᐊᕐᓗᑎᒃ ᓄᓀᑦ ᐊᓯᖏᓐᓂ ᐱᓯᒪᔫᓗᑎᒃ ᑮᓇᐅᔭᓄᑦ ᐃᑲᔪᕐᓯᔭᐅᒍᑎᖃᓲᑦ ᐊᓂᕐᕋᖃᕐᑎᑕᐅᓂᒃᑯᑦ ᐊᐅᓚᒍᓐᓇᐅᑎᖃᕐᑎᑕᐅᓂᒃᑯᓗ ᖃᖓᑦᑕᐅᑎᓂᒃ, ᐃᒻᒥᓄᑦ ᐆᒪᑕᒥᓄᓪᓗ (ᕿᑐᕐᖓᒥᓄᑦ/ᐁᑉᐸᒥᓄᑦ). ᐱᓇᓱᐊᕈᓯᑕᒫᑦ ᑮᓇᐅᑦᔭᑎᑕᐅᓲᖑᒻᒥᔪᑦ ᑮᓇᐅᑦᔭᓴᖕᖏᑐᐊᕐᒪᑕ ᐊᓯᐊᒍᑦ.
ᐊᓪᓚᓯᒪᐅᑏᑦ ᑐᑭᓯᓇᕐᑎᓯᐅᑎᖃᑦᓯᐊᑐᑦ ᐃᓕᓐᓂᐊᑏᑦ ᐱᒍᓐᓇᐅᑎᖏᓐᓄᑦ ᐱᔭᑦᓴᖏᓐᓄᓗ ᐃᓕᖓᔪᓂᒃ ᓄᓀᑦ ᐊᓯᖏᓐᓂ ᐱᓯᒪᔪᓄᑦ, ᓄᓀᓪᓗ ᐊᓯᖏᓐᓂ ᐱᓯᒪᔫᓗᑎᒃ ᐃᓕᓐᓂᐊᕈᒪᐅᑏᑦ ᑕᑕᕐᓴᒐᖏᑦ, ᐱᕕᑦᓴᐅᔪᑦ ᐃᓕᓐᓂᐊᕕᓐᓂ ᓄᓇᓕᓕᒫᓂ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓ ᖃᐅᔨᒋᐊᕐᕕᒋᓗᒍ ᐃᓄᒻᒪᕇᓪᓗ ᐃᓕᓐᓂᐊᕕᖏᓐᓂ.
ᐃᓕᓐᓂᐊᓯᒪᓂᕐᒥᒃ ᐱᓇᓱᑦᓯᒪᓂᕐᒥᓗ ᐃᓕᑕᕆᔭᐅᒍᑏᑦ
ᐃᓕᓐᓂᐊᑏᑦ ᐊᑐᓂᑦ ᐊᓪᓚᓯᒪᐅᑎᖏᑦ ᕿᒥᕐᕈᔭᐅᓲᑦ. ᐃᓚᖏᑎᒍᑦ ᐃᓕᓐᓂᐊᑏᑦ ᐱᓇᓱᑦᓯᒪᓂᖏᑦ ᐃᑲᔪᕐᓯᒪᒍᓐᓇᓲᑦ ᐃᓕᓐᓂᐊᑕᕐᒥᓂᒃ ᐱᐊᓚᓂᕐᓴᐅᒍᑎᒋᑦᓱᒋᑦ.
ᐃᓕᓐᓂᐊᓇᐅᑉ ᐅᓪᓗᖁᑎᖏᑦ
ᐱᓇᓱᒐᕐᓂᒃ ᐱᒋᐅᕐᓴᓂᕐᓄᑦ ᐃᓕᓐᓂᐊᓂᖅ ᐊᐅᒡᒎᓯᒥ ᐱᒋᐊᕐᓱᖅ ᒣ ᕿᑎᖓᓂ ᐃᓱᓕᕝᕕᖃᕐᓱᓂ, ᕿᑲᓚᐅᕐᑐᓂᖃᕐᓱᑎᒃ ᕿᑎᖕᖒᑉ ᐅᓗᓪᖏᓐᓂ ᒪᑭᕝᕕᐊᓂᓪᓗ.
ᐃᓕᓐᓂᐊᑏᑦ ᐃᓕᓐᓂᐊᑐᑦ ᐃᓘᓐᓈᒍᑦ ᐃᓕᓐᓂᐊᓂᕐᒥ ᐃᓕᓐᓂᐊᓯᓲᑦ ᐊᑐᐃᓐᓇᐅᓕᕋᒥ ᐃᓕᓐᓂᐊᕈᒪᓕᕋᒥᓪᓗ. ᖃᖓᑐᐃᓐᓇᓯᐊᒃᑯᑦ ᐃᓕᓐᓂᐊᕈᒪᐅᑎᓕᐅᕈᓐᓇᓱᑎᒃ.
ᐃᓕᓐᓂᐊᕈᓐᓇᐅᑎᐅᒋᐊᓖᑦ ᐱᓇᓱᒐᕐᓂᒃ ᐱᒋᐅᕐᓴᓂᕐᒥᒃ ᐃᓕᓐᓂᐊᓂᕐᓄᑦ
ᑐᕌᕐᓂᖃᕈᑎᒋᑦᓱᒍ ᐱᕕᑦᓴᖃᕐᑎᓯᒍᑎᐅᑦᓱᓂᓗ ᐃᓕᓐᓂᐊᑎᓂᒃ ᐱᓇᓱᒐᕐᓂᒃ ᐱᒋᐅᕐᓴᑎᑦᓯᓂᕐᒥᒃ, ᐅᑯᐊ ᐃᓕᓐᓂᐊᕈᓐᓇᐅᑎᐅᒋᐊᓖᑦ ᐃᓕᓐᓂᐊᑎᓄᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐱᑐᑦᓯᒪᔪᓄᑦ.
ᐃᓕᓐᐊᓂᕐᒧᑦ ᐊᖏᕐᑕᐅᒍᓐᓇᑐᑎᑦ ᐅᑯᐊ ᓇᓪᓕᐊᓂᒃ ᐱᒍᓐᓇᐅᑎᖃᕈᕕᑦ ᖃᓄᐃᓕᖓᐅᑎᓕᐊᕆᔭᐅᓯᒪᔪᓂᑦ:
-
ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐃᓕᑕᕆᔭᐅᒍᑎᖃᕐᑐᑎᑦ (SSD), ᐅᕝᕙᓘᓐᓃᑦ; - ᐳᕐᑐᓂᕐᓴᒥ 4-ᒥ ᐃᓕᓐᓂᐊᕕᒻᒥ ᐊᓂᒎᑎᓯᒪᔪᑎᑦ, ᐅᕝᕙᓘᓐᓃᑦ;
- 16-ᓂᒃ ᐅᑭᐅᕐᑖᑐᕕᓂᐅᔪᑎᑦ ᓯᑉᑎᒻᐱᕆ 30-ᐅᓕᕐᑎᓗᒍ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐊᓂᒎᑎᓯᒪᑦᓱᑎᓗ ᐳᕐᑐᓂᕐᓴᒥ 4-ᒥ ᐃᓄᒃᑎᑐᑦ ᐃᓕᓐᓂᐊᕈᑎᖏᓐᓂ ᐅᖃᐅᓯᕐᖄᕆᓗᒍ, ᐅᖃᐅᓯᐅᑉ ᐁᑉᐱᐅᑎᖓᓂᒃ ᑭᑎᑦᔪᑎᓐᓂᐊᕈᑎᓂᓪᓗ, ᐅᕝᕙᓘᓐᓃᑦ;
- ᐅᑭᐅᖃᕐᑐᑎᑦ 18-ᓂᒃ ᐃᓕᓐᓂᐊᕆᐊᖕᖓᓯᑦᓱᑎᑦ ᐊᓂᒎᑎᓯᑦᒪᑦᓱᑎᓗ ᐳᕐᑐᓂᕐᓴᒥ 3-ᒥ, ᐃᓄᒃᑎᑐᑦ ᐃᓕᓐᓂᐊᕈᑎᖏᓐᓂ ᐅᖃᐅᓯᕐᖄᕆᓗᒍ, ᐅᖃᐅᓯᐅᑉ ᐁᑉᐱᐅᑎᖓᓂᒃ ᑭᑎᑦᔪᑎᓐᓂᐊᕈᑎᓂᓪᓗ ᐅᕝᕙᓘᓐᓃᑦ;
- ᑌᒃᑯᓄᖓ ᐃᓕᓐᓂᐊᑎᓄᑦ ᐅᑭᐅᓕᓐᓄᑦ 18-ᓂᒃ ᐅᖓᑖᓄᓪᓗ ᐃᓕᓐᓂᐊᕆᐊᖕᖓᓯᓗᑎᒃ ᐅᕕᒃᑫᓗ ᐃᓕᓐᓂᐊᕕᖏᓐᓂ ᐃᓕᓐᓂᐊᓯᒪᔪᕕᓂᐅᒍᓐᓀᓗᑎᒃ ᑕᕐᕿᓄᑦ ᐱᖓᓲᔪᕐᑐᓄᑦ, ᐃᓕᓐᓂᐊᓂᕐᒧᑦ ᐊᖏᕐᑕᐅᒍᑏᑦ ᐃᒻᒥᒎᓈᕐᑎᑐᑎᒍᑦ ᕿᒥᕐᕈᔭᐅᓲᑦ ᓇᐅᑦᓯᑐᕐᑕᐅᓱᑎᒃ ᐃᓕᓐᓂᐊᑏᑦ ᐊᓪᓚᖁᑎᖏᑦ ᑐᖕᖓᕕᒋᑦᓱᒋᑦ. ᓇᐅᑦᓯᑐᕐᑕᐅᒍᑏᑦ ᐃᓗᓕᖃᓲᑦ ᐃᓕᓐᓂᐊᓯᒪᓂᖏᓐᓂᒃ, ᐱᓇᓱᑦᓯᒪᓂᖏᓐᓂᒃ, ᐅᖃᐅᓯᕐᒥᓗ ᐃᓕᓐᓂᐊᑎᑕᐅᒍᑎᒥᓂᒃ ᑯᑯᔭᖕᖏᓂᕐᒥᒃ ᐃᓚᖃᕐᓱᓂ ᐃᓕᓐᓂᐊᑎᐅᑉ ᑲᑦᓱᙰᓐᓂᖓᓂᒃ.
ᐃᓕᑕᕆᔭᐅᒍᑎᑖᕐᓂᖅ
ᐃᓕᓐᓂᐊᑕᒥᓂᒃ ᐅᑯᓂᖓ ᐊᓂᒎᑎᒐᒥ:
- ᐃᓘᓐᓈᒍᑦ ᐃᓕᓐᓂᐊᓂᖅ, ᐃᓕᓐᓂᐊᑏᑦ ᐳᕐᑐᓂᕐᓴᒥ ᐱᔭᕇᒍᓯᕐᓂᒧᑦ ᐃᓕᑕᕆᔭᐅᒍᑎᑖᓲᑦ (SSD), ᐃᓕᑕᕆᔭᐅᓂᓕᒻᒥᒃ ᐃᓕᓐᓂᐊᓂᓕᕆᓂᕐᒥᒃ, ᐱᖕᖑᐊᑐᓕᕆᓂᕐᒥᒃ, ᓱᖃᑦᓯᑎᑦᓯᓂᕐᒥᓗ ᑐᕐᖃᑕᕐᕕᖓᓄᑦ (MELS).
- ᐱᓇᓱᒐᕐᓂᒃ ᐱᒋᐅᕐᓴᓂᖅ, ᐃᓕᓐᓂᐊᑏᑦ ᐃᓕᑕᕆᔭᐅᒍᑎᑖᓲᑦᐱᓇᓱᒐᕐᓂᒃ ᐱᒋᐅᕐᓴᓯᒪᓂᕐᒧᑦ (DVS), ᐃᓕᑕᕆᔭᐅᓂᓕᒻᒥᒃ ᐃᓕᓐᓂᐊᓂᓕᕆᓂᕐᒥᒃ, ᐱᖕᖑᐊᑐᓕᕆᓂᕐᒥᒃ, ᓱᖃᑦᓯᑎᑦᓯᓂᕐᒥᓗ ᑐᕐᖃᑕᕐᕕᖓᓄᑦ (MELS).
ᐃᓕᓐᓂᐊᓂᕐᒥᒃ ᓄᓇᕕᒻᒥ ᐱᕕᑦᓴᐅᖏᑦᑐᓂᒃ ᓯᓚᑖᓂ ᐱᕕᑦᓴᖃᕐᑎᓯᓂᖅ
ᐊᑕᐅᓯᐅᖕᖏᑐᑦ ᐃᓕᓐᓂᐊᒉᖅ ᐱᕕᑦᓴᐅᓲᖑᕗᑦ ᐳᕐᑐᓂᕐᓴᒥ, ᐳᕐᑐᓂᕐᓴᕆᐊᓪᓚᒥ ᐃᓕᓐᓂᐊᕕᕐᔪᐊᒥᓪᓗ. ᓄᓇᕕᒻᒥᐅᑦ ᐃᓕᓐᓂᐊᕈᒪᐅᑎᓕᐅᕈᓐᓇᓲᑦ ᐃᓕᓐᓂᐊᒉᑦ ᐃᓕᓐᓂᐊᕈᒪᔭᖏᑦ ᐃᓕᓐᓂᐊᑎᑦᓯᒍᑎᐅᓲᖑᖕᖏᐸᑕ ᓄᓇᕕᒻᒥ.
ᑭᓇᓕᒫᒃᑯᑦ ᐃᓕᓐᓂᐊᕈᒪᔪᑦ ᖃᐅᔨᒋᐊᕐᕕᖃᕈᓐᓇᑐᑦ ᖃᐅᔨᒪᐅᑎᐅᒋᐊᓕᓐᓂᒃ ᑐᑭᓯᓂᐊᕈᒪᒍᑎᒃ ᐃᓕᓐᓂᐊᕖᑦ ᐊᖓᔪᕐᖄᖏᑦ ᖃᐅᔨᒋᐊᕐᕕᒋᓗᒋᑦ ᐃᓄᓐᒪᕇᓪᓗ ᐃᓕᓐᓂᐊᕕᖏᑦ. ᑲᑎᕕᒃ ᐃᓕᓐᓂᐊᓂᓕᕆᕕᒻᒧᑦ ᑐᕃᓐᓇᓗᑎᒃ ᐅᖄᓚᒍᓐᓇᒥᔪᑦ, ᐅᕗᖓ 1-800-361-2244
ᐱᓇᓱᑦᑏᑦ ᖃᐅᔨᒋᐊᕐᕕᐅᒍᓐᓇᑐᑦ ᐱᑐᑦᓯᒪᐅᑎᒃᑯᓗ ᑐᕌᕈᑎᖏᑦ ᓄᓇᕕᒻᒥ ᐱᒋᐅᕐᓴᕕᒻᒥ:
ᓄᓇᕕᒻᒥ ᐱᒋᐅᕐᓴᕕᒃ
ᐊᓪᓚᑖᕐᕕᐅᑉ ᑐᕌᕈᑎᖓ 326
ᐃᓄᒃᔪᐊᖅ (ᑯᐯᒃ) ᔪᔾᓚ ᖕᓚᔾ
(819) 254-8247 ᐅᕝᕙᓘᓐᓃᑦ (819) 254-8686
ᓱᑲᑦᑐᑰᕈᑎᒃ: (819) 254-8595
ᐃᓕᓐᓂᐊᑎᑦᓯᔩᑦ ᐊᖓᔪᕐᖃᖓ:
pierre.bazinet@kativik.qc.ca
ᐃᓕᓐᓂᐊᑏᑦ ᐊᓂᕐᕋᖓᓂ ᑲᒪᔨᒻᒪᕆᒃ:
melanie.boudreau@kativik.qc.ca
ᐃᓕᓐᓂᐊᑏᑦ ᐃᓱᐊᕐᓭᔨᖓ:
--
ᐊᓪᓚᕕᒻᒥ ᐊᓪᓚᑎ:
siasi.kumarluk@kativik.qc.ca
ᑕᑯᓐᓇᕋᑦᓴᓕᕆᓂᒃᑯᑦ-ᑐᓴᕈᑎᓕᕆᓂᒃᑯᑦ ᐱᓪᓗᑯᒋᐊᓕᓕᕆᔨ:
caroline.oweetaluktuk@kativik.qc.ca
ᑭᐅᔨ:
maina.kumarluk@kativik.qc.ca