ᐱᒍᑦᔨᕕᒋᐊᓪᓛᕕᒻᒥ

ᑐᖕᖓᓱᒋᑦᓯ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᒍᑦᔨᕕᒋᐊᓪᓛᕕᖓᓂ. ᑐᕌᒐᖃᕐᑐᒍᑦ ᐱᒍᑦᔨᒍᓐᓇᕕᓕᒫᕗᓐᓄᑦ ᐱᒍᑦᔨᓂᕐᒥᒃ ᐃᓕᓐᓂᐊᑎᓂᒃ ᖃᓄᐃᑦᑐᑐᐃᓐᓇᓂᒃ.

ᑕᑯᓐᓇᓂᖃᓲᖑᔪᒍᑦ ᐃᓕᓐᓂᐊᑎᓂᒃ ᐊᑐᓂᑦ ᐊᑦᔨᒌᑦᑎᓇᒋᑦ ᐃᓕᓐᓂᐊᓂᑦᓯᐊᖃᕐᑎᓯᓂᕐᒥᓗ ᐋᕐᕿᓱᕐᑕᐅᒪᔪᓂᒃ ᑭᖕᖒᒪᒋᔭᖏᓐᓄᑦ.

ᑐᕌᒐᓱᐊᕐᑕᕗᓐᓂᒃ ᐱᔭᖃᕈᓐᓇᓲᖑᔪᒍᑦ ᐃᑲᔪᕐᑕᐅᒋᐊᓪᓚᕆᐊᓕᓐᓂᒃ  ᐃᓕᓐᓂᐊᑎᑦᓯᔩᑦ ᐱᓪᓗᑯᒋᐊᓕᓕᕆᔩᑦ, ᐃᓕᓐᓂᐊᑏᑦ ᐃᑲᔪᕐᑎᖏᑦ, ᑯᑦᓴᓇᕐᑐᒨᑦᑎᓯᑦᑌᓕᔩᓪᓗ ᐱᓇᓱᐊᕐᓂᖏᓐᓄᑦ. ᓄᓇᓕᓕᒫᓂ ᐱᓇᓱᑦᑎᖃᒻᒥᔪᒍᑦ ᑰᑦᔪᐊᒥ, ᓴᓪᓗᓂ, ᑕᓯᐅᔭᒥ, ᑰᑦᔪᐊᕌᐱᒻᒥ ᒪᓐᑐᔨᐊᒥᓗ ᐱᓇᓱᑦᑐᓂᒃ ᓲᖑᓂᕐᓴᓂᒃ ᐃᓱᒪᖏᒍᑦ ᖃᐅᔨᓴᕐᓂᖃᓲᓂᒃ ᓇᐅᑦᓯᑐᕐᓱᒋᓗ.

ᓯᕗᓪᓕᒥ ᐊᑑᑎᖃᑦᑕᓯᒪᔪᑦ ᑕᑯᑦᓱᒋᑦ, ᖃᐅᔨᒪᓕᕐᑐᖓ ᐊᑑᑎᖏᓐᓇᓲᒥᒃ ᓴᖑᑎᑕᐅᕐᖃᔭᖕᖏᑐᒥᒃ ᖃᓄᐃᓕᒋᐊᕈᑎᖃᒋᐊᖃᕐᓂᑎᓐᓂᒃ ᐃᑉᐱᒍᓱᓚᕿᒍᑎᒋᑦᓱᒍ. ᑕᒪᓐᓇ ᐊᑑᑎᖏᓐᓇᓲᖑᑎᑕᐅᔪᖅ ᐃᓕᓐᓂᐊᑏᑦ ᐅᓄᕐᓯᕙᓪᓕᐊᑐᐃᓐᓇᓂᖏᓐᓄᑦ ᐃᑲᔪᕐᑕᐅᒋᐊᓪᓚᕆᐊᓕᓐᓂᒃ ᑭᖕᖒᒪᒋᔭᓖᑦ.
 
ᐃᓕᓐᓂᐊᑎ ᐱᓐᓀᓗᑕᖃᑐᐊᕐᒪᑦ ᐃᓕᓐᓂᐊᓂᕐᒥᓂ, ᐃᓅᖃᑎᒌᓐᓂᒥ, ᐃᓱᒪᒥᒍᓪᓘᓃᑦ ᓂᕆᐅᒋᔭᖃᕐᓂᕗᑦ ᐃᓕᓐᓂᐊᑎᒥᒃ ᒥᑭᓂᕐᓴᐅᑎᖕᖑᓱᓲᕆᒐᑦᑎᒍ, ᐃᓕᓐᓂᐊᑎᐅᑉ ᐱᒍᓐᓇᕋᔭᕐᓂᖓᓂᒃ ᑎᓪᓕᕕᒋᔫᔮᕐᓱᒍ ᐃᓕᓐᓂᐊᓂᕐᒥᓂ ᑐᖕᖓᕕᑦᑖᒍᓐᓇᕋᔭᕐᓂᖏᓐᓂᓗ ᓇᒻᒥᓂᖅ ᖁᓚᒋᔭᖃᖕᖏᓂᕐᒥᒃ. ᐱᓇᓱᐊᕐᓂᓴᐅᒋᐊᖃᕐᑐᒍᑦ ᑐᑭᓯᒪᑦᓯᐊᓂᕐᓴᐅᓂᕐᒧᑦ ᐱᓐᓀᓗᑕᕐᒥᒃ ᐱᐅᓯᕐᓲᑎᒥ ᑕᒪᑦᓱᒥᖓ ᐊᑯᓐᓂᖁᑦᓯᐅᑎᖃᒍᓐᓇᑎᑕᐅᓗᑕᓗ ᓈᒻᒪᓂᕐᓴᑯᑦ.

ᑌᒣᑦᑑᑎᑦᓗᒍ ᐅᐃᒪᓇᕐᑑᓚᕆᑦᑐᖅ ᐱᓪᓚᕆᐅᑦᓱᓂᓗ ᖃᓄᐃᓘᒍᑎᑦᓴᓂᒃ ᖃᐅᔨᒐᓱᐊᕐᓂᖅ ᐊᑑᑎᖃᑦᓯᐊᕈᓐᓇᑐᓂᒃ ᐃᓕᓐᓂᐊᑎᓄᑦ ᐊᕐᓱᕉᑎᓕᓐᓄᑦ, ᖃᐅᔨᒪᔪᐃᓐᓇᐅᒐᑦᑕ ᐊᕐᓱᕉᑎᙯᓐᓇᓚᖓᓂᖏᓐᓂᒃ ᐃᑲᔪᕐᑕᐅᓯᐊᖕᖕᑐᐊᕈᑎᒃ.

ᐃᓕᓐᓂᐊᕕᓕᒫᓂᒃ ᑫᓪᓗᑐᕐᖁᖓ ᓄᓇᓕᒻᒥᓂ ᑲᑎᒪᔨᖃᕐᓂᒧᑦ ᐃᑲᔪᕐᑕᐅᒋᐊᓪᓚᕆᐊᓕᓐᓂᒃ ᐃᓕᓐᓂᐊᓂᓕᕆᓂᕐᒧᑦ ᐋᕐᕿᒋᐊᕈᑎᑦᓴᓯᐅᖃᑦᑕᑐᑦᓴᓂᒃ ᓄᓇᓕᒻᒥᓂ. ᑌᒣᑦᑐᑰᕐᓗᑕ ᐃᓕᓐᓂᐊᑎᑦᓯᓂᖅ ᐃᓕᓐᓂᐊᓂᕐᓗ ᐃᓘᓐᓇᖏᓐᓄᑦ ᐊᓂᒎᑎᔭᐅᑦᓯᐊᖃᑦᑕᓗᓂ ᐊᑑᑎᔭᐅᖃᑦᑕᕋᔭᕐᒪᑦ.
 
ᑐᖕᖓᓱᑦᑎᓯᓲᖑᕗᒍᑦ ᐅᖃᐅᓯᑦᓴᓕᓐᓂᒃ ᖃᓄᐃᓕᒋᐊᖁᔨᓂᕐᒧᑦ ᐱᐅᓯᐅᒥᒋᐊᕈᑎᑦᓴᓂᒃ ᐱᒍᑦᔨᒍᑎᕗᓐᓂᒃ ᑐᑭᓯᒪᓂᕐᓴᐅᓂᕐᒧᓗ ᑭᖕᖒᒪᒋᔭᐅᔪᓂᒃ.

 
*** Looking for Complementary services forms:
Go to the Intranet section
 
Note: Kativik School Board employees can access the Intranet section by logging in to this website with the username and password they were provided.
 
 

ᐱᓇᓱᑦᑏᑦ ᑲᒪᒋᒋᐊᓕᖏᓪᓗ, ᐱᒍᑦᔨᕕᒋᐊᓪᓛᕕᒻᒥ
Soré Moller ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ, ᐱᒍᑦᔨᒋᐊᓪᓛᕕᒃ ᐊᖓᔪᕐᖄᖑᑦᓱᓂ ᓇᐅᑦᓱᑐᕐᑎᐅᓱᓂᓗ ᐱᓇᓱᐊᕐᓂᖏᓐᓂᒃ ᐃᓱᒪᓕᕆᔩᑦ, ᐃᓕᓐᓂᐊᕈᑎᑦᓴᓕᐅᕐᑏᑦ ᐱᓇᓱᑦᑎᑐᐃᓐᓀᓗ ᐱᓪᓗᑯᒋᐊᓕᓐᓂᒃ ᐃᓕᓐᓂᐊᓂᓕᕆᓂᕐᒥ ᐃᑲᔪᕐᓯᓯᒪᓂᕐᒥᓗ
Mary Cain ᐃᑲᔪᕐᑕᐅᒋᐊᓪᓚᕆᐊᓕᓐᓂᒃ ᐃᓕᓐᓂᐊᓂᕐᒥᒍᑦ ᐃᑲᔪᕐᑎ ᐃᓄᒃᑎᑐᑦ ᖃᐅᔨᓴᕐᓂᓂᒃ ᐅᑭᐅᑭᑦᑑᖏᓐᓇᑎᓪᓗᒋᑦ ᐊᐅᓚᑦᓯᔨ, ᐃᑲᔪᕐᓯᒪᔨ ᓄᓇᓕᓐᓂ ᐱᓪᓗᑯᒋᐊᓕᓐᓂᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᑦᑎᓂᒃ, ᒋᐊᖃᓕᕋᒥ ᑭᓪᓕᓯᓂᐊᕐᕕᓂᒃ ᐱᓇᓱᖃᑎᖃᓲᖅ, ᐃᑲᔪᕐᓯᓲᖅ ᐃᓄᒃᑎᑐᑦ ᐃᓕᓐᓂᐊᕈᑎᑦᓴᓕᐅᕐᓂ ᐱᓪᓗᑯᒋᐊᓕᓐᓂᒃ ᐃᓕᓐᓂᐊᓂᓕᕆᓂᕐᒥ, ᐃᑲᔪᕐᓯᒪᓲᖅ ᑲᔪᓯᑎᑕᐅᓂᖏᓐᓂ ᐃᒻᒥᒎᕐᑎᑐᑦ ᐃᓕᓐᓂᐊᕈᑎᑦᓴᖏᓐᓄᑦ ᐸᕐᓀᑕᐅᓯᒪᔪᓂᒃ
Jessie Clunas ᐃᑲᔪᕐᑕᐅᒋᐊᓪᓚᕆᐊᓕᓐᓂᒃ ᐃᓕᓐᓂᐊᓂᕐᒥᒍᑦ ᐃᑲᔪᕐᑎ ᐃᓄᒃᑎᑐᑦ ᖃᐅᔨᓴᕐᓂᓂᒃ ᐅᑭᐅᑭᑦᑑᖏᓐᓇᑎᓪᓗᒋᑦ ᐊᐅᓚᑦᓯᔨ, ᐃᑲᔪᕐᓯᒪᔨ ᓄᓇᓕᓐᓂ ᓄᓇᓕᓕᒫᓂᓪᓗ ᐱᓪᓗᑯᒋᐊᓕᓐᓂᒃ ᐃᓕᓐᓂᐊᓂᓕᕆᓂᕐᒥ ᐱᓇᓱᑦᑎᓂᒃ, ᒋᐊᖃᓕᕋᒥ ᑭᓪᓕᓯᓂᐊᕐᕕᓂᒃ ᐱᓇᓱᖃᑎᖃᓲᖅ, ᐃᑲᔪᕐᓯᓲᖅ ᐃᓄᒃᑎᑐᑦ ᐃᓕᓐᓂᐊᕈᑎᑦᓴᓕᐅᕐᓂ ᐱᓪᓗᑯᒋᐊᓕᓐᓂᒃ ᐃᓕᓐᓂᐊᓂᓕᕆᓂᕐᒥ, ᐃᑲᔪᕐᓯᒪᓲᖅ ᑲᔪᓯᑎᑕᐅᓂᖏᓐᓂ ᐃᒻᒥᒎᕐᑎᑐᑦ ᐃᓕᓐᓂᐊᕈᑎᑦᓴᖏᓐᓄᑦ ᐸᕐᓀᑕᐅᓯᒪᔪᓂᒃ
Gilles Payette ᐃᑲᔪᕐᑕᐅᒋᐊᓪᓚᕆᐊᓕᓐᓂᒃ ᐃᓕᓐᓂᐊᓂᕐᒥᒍᑦ ᐃᑲᔪᕐᑎ ᑲᔪᓯᑎᑦᓯᓲᖑᑦᓱᓂ ᐱᖕᖑᑎᑦᓯᓲᖑᑦᓱᓂᓗ ᐃᒻᒥᒎᕐᑎᑐᓂᒃ ᐃᓕᓐᓂᐊᕈᑎᑦᓴᓄᑦ ᐸᕐᓇᓯᒪᐅᑎᓂᒃ ᐱᓇᓱᖃᑎᒋᑦᓱᒋᑦ ᓄᓇᓕᓐᓂ ᐱᓪᓗᑯᒋᐊᓕᓐᓂᒃ ᐃᓕᓐᓂᐊᑎᓂᓕᕆᓂᕐᒥ ᐱᓇᓱᑦᑏᑦ, ᐃᓕᓐᓂᐊᕕᓕᒫᓄᑦ ᑭᓪᓕᓯᓂᐊᕐᕕᐅᕈᓐᓇᑐᖅ, ᓄᑖᓂᒃ ᖃᐅᔨᒣᓐᓇᑎᑦᓯᓲᖅ ᖃᐅᔨᓴᕐᓂᒨᓕᖓᔪᓂᒃ ᐱᓪᓗᑯᒋᐊᓕᓐᓂᒃ ᐃᓕᓐᓂᐊᓂᓕᕆᓂᕐᒥ ᑲᕙᒪᐅᓪᓗ ᒪᓕᒐᖏᓐᓂᒃ
Annie Alaku ᓄᓇᓕᓕᒫᓂ ᐃᓕᓐᓂᐊᑎᓂᒃ ᐃᑲᔪᕐᑎ, ᐅᖓᕙᒥ ᐱᒋᐅᕐᓴᑎᑦᓯᓂᖃᓲᖅ ᐃᑲᔪᕐᓯᒪᓲᖑᑦᓱᓂᓗ ᐃᓕᓐᓂᐊᑎᓂᒃ ᐃᑲᔪᕐᑎᓂᒃ, ᑲᑉᐱᐊᓇᕐᑐᒨᑦᓯᒪᔪᓂᒃ ᐊᑯᓐᓂᖁᑦᓯᐅᑎᓲᖅ ᐃᑲᔪᕐᓯᒪᓲᖑᑦᓱᓂᓗ ᑲᑎᒪᓂᐊᕈᓯᖃᕐᑎᓯᒍᑎᓂᒃ ᖁᔭᐅᑐᐊᕋᒥ
Louisa Brown ᓄᓇᓕᓕᒫᓂ ᐃᓕᓐᓂᐊᑎᓂᒃ ᐃᑲᔪᕐᑎ, ᑕᓯᐅᔭᕐᔪᐊᒥ ᐱᒋᐅᕐᓴᑎᑦᓯᓂᖃᓲᖅ ᐃᑲᔪᕐᓯᒪᓲᖑᑦᓱᓂᓗ ᐃᓕᓐᓂᐊᑎᓂᒃ ᐃᑲᔪᕐᑎᓂᒃ, ᑲᑉᐱᐊᓇᕐᑐᒨᑦᓯᒪᔪᓂᒃ ᐊᑯᓐᓂᖁᑦᓯᐅᑎᓲᖅ ᐃᑲᔪᕐᓯᒪᓲᖑᑦᓱᓂᓗ ᑲᑎᒪᓂᐊᕈᓯᖃᕐᑎᓯᒍᑎᓂᒃ ᖁᔭᐅᑐᐊᕋᒥ
Catherine Langlois-Cloutier ᓄᓇᓕᓕᒫᓂ ᐃᓱᒪᓕᕆᔨ ᓄᓇᓕᓕᒫᓂ ᐃᓕᓐᓂᐊᑎᓂᒃ ᐃᑲᔪᕐᑎᓂᒃ ᐱᓇᓱᖃᑎᖃᓲᖅ ᐃᑲᔪᕐᓯᒪᓲᖑᑦᓱᓂᓗ ᓄᓇᓕᓐᓂ ᐃᓕᓐᓂᐊᑎᓂᒃ ᐃᑲᔪᕐᑎᓂᒃ ᐃᓕᓐᓂᐊᕕᓐᓂᓗ, ᐱᔪᓐᓇᓂᕐᓂᒃ ᐱᔭᑦᓴᓂᓪᓗ ᖃᐅᔨᓴᕐᓂᖅ ᐃᓚᐅᑎᓪᓗᒍ, ᖃᐅᔨᓴᕐᓂᒥ ᖃᓄᐃᑦᑐᒦᓐᓂᓂᕐᓗ ᐊᐅᓚᑦᓯᓂᕐᒥ
Robert Levy-Powell ᓄᓇᓕᓕᒫᓂ ᐃᓱᒪᓕᕆᔨ ᓄᓇᓕᓕᒫᓂ ᐃᓕᓐᓂᐊᑎᓂᒃ ᐃᑲᔪᕐᑎᓂᒃ ᐱᓇᓱᖃᑎᖃᓲᖅ ᐃᑲᔪᕐᓯᒪᓲᖑᑦᓱᓂᓗ ᓄᓇᓕᓐᓂ ᐃᓕᓐᓂᐊᑎᓂᒃ ᐃᑲᔪᕐᑎᓂᒃ ᐃᓕᓐᓂᐊᕕᓐᓂᓗ, ᐱᔪᓐᓇᓂᕐᓂᒃ ᐱᔭᑦᓴᓂᓪᓗ ᖃᐅᔨᓴᕐᓂᖅ ᐃᓚᐅᑎᓪᓗᒍ, ᖃᐅᔨᓴᕐᓂᒥ ᖃᓄᐃᑦᑐᒦᓐᓂᓂᕐᓗ ᐊᐅᓚᑦᓯᓂᕐᒥ