ᓴᓇᔨᐅᕆᐅᕐᓴᓂᖅ 2-ᒥ

ᐱᒋᐊᕐᕕᖓᑕ ᐅᓪᓗᖓ
ᑲᔪᓯᑎᑕᐅᒋᐊᓖᑦ
ᓴᓇᔨᐅᕆᐅᕐᓴᓂᖅ 2-ᒥ

ᐱᖃᑎᒋᔭᐅᔪᖅ:

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᓴᓇᔩᑦ)

ᓄᓇᕕᒻᒥ ᐱᒋᐅᕐᓴᕕᒃ, ᐃᓄᒃᔪᐊᒥ

ᐱᔭᕇᕐᓯᒪᓂᕐᒥᒃ ᓇᓗᓀᕐᑕᐅᕋᔭᕐᑐᖅ

70 -ᓂᒃ ᑫᕙᓪᓚᒍᓯᑐᕐᑐᖅ

ᐱᔭᕆᐅᕐᓴᓂᕐᑕᖓᑕ ᐅᓕᕐᓀᑕᐅᒍᑎᑕᖓ

ᑕᒪᑐᒥᖓ ᐱᔭᕆᐅᕐᓴᑕᐅᓂᖅ ᐋᕐᕿᓱᕐᑕᐅᓯᒪᔪᑦ ᐃᓄᓐᓄᑦ ᓴᓇᔨᓂ ᐱᓇᓱᒐᖃᓕᕇᕐᑐᓄᑦ ᐃᓕᖓᑦᓱᓂ, ᐅᑉᕙᓘᓐᓃᒃ ᑭᓇᒃᑯᑐᐃᓐᓇᓄᑦ ᓴᓇᔨᐅᒋᐅᕐᓴᕈᒪᔪᓄᑦ.

ᑕᒪᑐᒥᖓ ᐱᔭᕆᐅᕐᓴᑕᐅᒍᑎᖃᕐᓂᖅ ᐃᓚᐅᔪᓂᒃ ᐱᔪᓐᓇᓯᑎᑦᓯᓚᖓᔪᖅ ᒪᑯᓄᖓ ᐃᓕᖓᔪᓂᒃ:

  • ᐃᓪᓗᐊᐱᓕᐅᕐᓂᖅ
  • ᐃᒐᓛᓕᐅᕐᓂᖅ ᑭᑭᐊᒥᓪᓗ ᐅᒃᑯᐊᒥᒃ
  • ᐃᑭᐊᕐᒥᐅᓯᕐᑐᐃᓂᖅ
  • ᐃᓪᓘᑉ ᐃᓗᐊᓂ ᐱᔭᕇᕈᓯᕐᓂᖅ
  • ᖁᓛᓕᐅᕐᓂᖅ, ᐊᑭᓐᓇᓕᐅᕐᓂᖅ ᓇᑎᖓᓂᓪᓗ
  • ᕿᖓᓕᐅᕐᓂᖅ ᓂᕈᒪᔪᐊᕐᑕᓰᓂᕐᓗ ᐊᓄᕆᑖᕆᒃᑯᑎᒥᒃ
  • ᐊᑐᕐᕆᐅᕐᓴᓂᖅ ᓴᓇᕐᕈᑎᓂᒃ, ᐃᑯᒪᐅᒻᒨᑐᓂᒃ, ᐱᓇᓲᑎᓂᒃ, ᓱᓇᒐᓚᓐᓂᓗ ᐊᑐᕐᑕᐅᒋᐊᖃᓲᓂᒃ ᓴᓇᔪᓄᑦ

ᑕᒪᑐᒥᖓ ᐱᔭᕆᐅᕐᓴᑕᐅᓂᖅ ᐃᓕᖓᔪᖅ ᓴᓇᔨᓄᑦ ᐃᓄᓐᓄᓗ ᓴᓇᔨᖕᖑᒐᓱᕈᒪᔪᓄᑦ.  ᑌᒣᓕᖓᒐᓗᐊᕐᑎᓗᒍ, ᐊᑦᔨᒋᖕᖏᑐᓄᑦ ᓯᕗᓂᕐᒥ ᑕᓯᐅᕐᓯᔨᒋᕈᓐᓇᒥᔦᑦ.

ᑕᒪᑐᒥᖓ ᐱᔭᕆᐅᕐᓴᑕᐅᓂᖅ:

  • ᖃᐅᔨᒪᓂᕐᓂᒃ ᐱᔪᓐᓇᓕᕐᑕᓂᓪᓗ ᐱᕙᓪᓕᒋᐊᕈᑕᐅᓚᖓᔪᖅ ᒪᑯᓇᓂ ᐊᑐᓪᓗᑐᕆᐊᓕᑦᓴᔭᓂ ᐱᓇᓱᒐᕆᓕᕋᔭᕐᑐᒥᒃ ᐱᔭᕆᐅᕐᓴᑕᐅᓂᕐᒧᑦ ᐃᓚᐅᒍᓐᓇᕈᑎᒋᓯᓗᒍ.
  • ᓴᐳᑦᔨᓯᒪᐅᑎᒋᓗᒍ ᐱᓇᓱᑦᑎᒪᕆᖕᖑᐸᓪᓕᐊᓂᕐᓄᑦ ᓴᓇᔨᐊᓗᓐᓂ.

ᐃᓕᓐᓂᐊᖃᑕᐅᕈᓐᓇᓚᖓᔪᑦ

ᐱᔭᕆᐅᕐᓴᕈᒪᔪᑦ ᐅᑯᓂᖓ ᐊᓂᒍᐃᒋᐊᖃᕐᒥᔪᑦ.

ᐱᔭᕆᐅᕐᓴᑕᐅᓚᖓᒍᓂ ᑲᓱᕐᓗᓂᒋᑦ ᐅᑯᐊ:

  • 16-ᓂᒃ ᐅᑭᐅᖃᕐᓗᑎᒃ ᐅᖓᑖᓄᓪᓗ
  • ᓄᓇᕕᒻᒥᐅᖑᓗᓂ