ᓴᓇᓂᕐᒥᒃ ᐱᔪᓐᓇᑕᐅᒋᐊᓖᑦ ᐱᓇᓱᐊᕐᓗᒋᑦ
ᐅᒃᑯᐊᓯᒪᔪᖅ
ᐱᔭᕆᐅᕐᓴᓂᕐᑕᖓᑕ ᐅᓕᕐᓀᑕᐅᒍᑎᑕᖓ
ᐅᓇ ᐱᔭᕆᐅᕐᓴᑕᐅᓂᖅ ᐋᕐᕿᓱᕐᑕᐅᓯᒪᕗᖅ ᐃᓄᐃᑦ ᓴᓇᔩᑦ ᐱᓪᓗᒋᑦ ᐱᓇᓱᑦᑐᑦ ᒪᑭᑉᕕᒃ ᑯᐊᐳᕇᓴᒃᑯᓂ.
ᑕᒪᑐᒥᖓ ᐱᔭᕆᐅᕐᓴᑕᐅᓂᖅ ᓄᑖᓂᒃ ᐱᓇᓱᑦᑎᑐᖃᕐᓂᓗ ᓴᓇᔨᓂᒃ ᐃᓅᑦᓱᑎᒃ ᐱᔪᓐᓇᓯᓚᖓᑦᓯᐊᑕᖏᓐᓂᒃ ᐃᓗᓕᕐᑕᓕᒃ ᐆᑦᑐᕋᐅᑎᒋᓗᒋᑦ:
- ᑭᓯᑦᓯᑎᓕᕆᓯᑎᐅᓂᖅ
- ᐊᓪᓚᓯᐊᕈᓐᓇᓂᖅ
- ᐊᓪᓚᓯᒪᔪᓕᕆᔪᓐᓇᓂᖅ
- ᐊᓯᓂᒃ ᐱᓇᓱᖃᑎᖃᕈᓐᓇᓂᖅ
- ᐃᓱᒪᒐᓱᐊᓪᓚᕆᕈᓐᓇᓂᖅ
- ᐃᓪᓗᔪᐊᓕᐅᕐᓂᖅ (ᓴᓇᔨ)
ᑕᒪᑐᒥᖓ ᐱᔭᕆᐅᕐᓭᒍᑎᖃᕐᓂᖅ ᒪᓂᔭᐅᒪᒍᓪᓕᐅᓲᖅ ᐊᐅᔭᓕᒫᖅ.
ᑕᒪᑐᒥᖓ ᐱᔭᕆᐅᕐᓭᒍᑎᖃᕐᓂᖅ ᐃᓕᖓᔪᖅ ᓴᓇᓂᕐᒥᒃ ᐱᓇᓱᑦᑎᓄᑦ. ᑌᒣᓕᖓᒐᓗᐊᕐᑎᓗᒍ, ᐱᔭᕆᐅᕐᓴᖃᑕᐅᔪᓂᒃ ᑕᓯᐅᕐᓯᕈᑕᐅᔪᓐᓇᑐᖅ ᐊᑦᔨᒋᖕᖏᑐᓄᑦ ᐊᕐᖁᓯᓂᕐᓄᑦ ᐊᑐᒋᐊᕋᑦᓴᖏᓐᓄᑦ.
ᑕᒪᑐᒥᖓ ᐱᔭᕆᐅᕐᓴᑕᐅᓂᖅ:
- ᑐᑭᓯᒪᔭᓐᓂᒃ ᐱᕙᓪᓕᒋᐊᕈᑎᒋᓚᖓᔦᑦ ᐱᔪᓐᓇᓕᕐᑕᑎᓐᓂᓗ ᑕᒪᒃᑯᓇᓂ ᖃᐅᔨᒪᒋᐊᖃᕋᔭᕐᑕᓂᒃ ᐱᓇᓱᒐᕐᑖᕆᒐᔭᕐᓗᒍ ᐱᔭᕆᐅᕐᓴᑕᐅᓂᕐᒧᑦ ᐃᓚᐅᓚᕿᐅᑎᒋᔪᓐᓇᓯᓗᒍ
- ᓴᐳᑦᔨᓯᒪᓚᖓᔪᖅ ᐱᔪᓐᓇᓚᕆᑦᑑᓂᕐᒧᑦ ᐱᕙᓪᓕᐊᓂᕐᓂ ᓴᓇᓂᕐᒥ ᓴᓇᔨᐊᓗᓐᓂ.
ᐃᓕᓐᓂᐊᖃᑕᐅᕈᓐᓇᓚᖓᔪᑦ
ᑖᓐᓇ ᐱᔭᕆᐅᕐᓴᑕᐅᓂᖅ ᒪᓂᔭᐅᒪᕗᖅ ᑯᐯᒃᑯᑦ ᐃᑯᒪᓕᕆᔨᖏᑕ ᐱᓇᓱᑦᑎᖏᓐᓄᐊᖓᔪᒥᒃ.
ᖃᓄᐃᓕᖓᓂᖓ ᖃᐅᔨᓚᐅᕐᓗᒍ, ᐊᖏᕐᑕᐅᓂᖅ ᑲᔪᓯᑎᑦᓯᖃᑎᑦᑎᓄᑦ ᖃᑦᓯᐅᓂᖏᓪᓗ ᐱᔭᕆᐅᕐᓴᑕᐅᓚᖓᔪᑦ ᖃᐅᔨᓚᐅᕐᓗᒋᑦ, ᑕᒪᑐᒥᖓ ᐱᔭᕆᐅᕐᓴᑕᐅᓂᖅ ᒪᑐᐃᕐᑕᐅᑐᐃᓐᓇᒋᐊᖃᕐᒥᔪᖅ ᐃᓚᐅᒍᓐᓇᑐᓕᐊᕆᓗᒋᑦ ᑭᓇᒃᑯᑐᐃᓐᓀᑦ.