ᐱᒋᐊᕐᕕᖓᑕ ᐅᓪᓗᖓ
ᐊᐅᒡᒍᓯ 2023
ᐋᓐᓂᐊᓯᐅᕐᑎᐅᓂᖅ

Partner:

Cégep de Saint-Félicien

ᑰᒃᔪᐊᖅ ᐊᒻᒪᓗ ᐳᕕᕐᓂᑐᖅ

ᐱᔭᕇᕈᑎ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᒐᕐᓂᒃ (DCS)

3 ᐊᕐᕌᒍᑦ
ᐃᓚᖃᓲᑦ ᐃᓗᓯᓕᕆᓂᕐᒥ ᐱᓇᓱᐊᕐᕕᒥ ᐱᓇᓱᐊᓪᓗᑐᕐᓗᒋᓗ ᐃᓕᓐᓂᐊᓂᕐᒥᒃ

ᐃᓕᓐᓂᐊᒉᑦ ᑐᑭᓯᓇᕈᑎᖓ

ᐱᔪᓐᓇᐅᑎᖃᕐᕕᒋᓗᒍ ᐱᓇᓱᐊᕐᓂᑯᑦ ᐱᕚᓪᓕᓇᕐᑐᑕᓕᒃ ᐱᓇᓱᐊᕐᓗᒍ ᑭᓇᑐᐃᓐᓇᑯᓐᓄᑦ ᐃᓚᑦᔪᒍᓱᓐᓂᓕᓐᓄᑦ, ᑲᒪᒋᔭᖃᑦᓯᐊᕈᓐᓇᑐᔭᓄᑦ ᐱᓇᓱᐊᖏᓐᓇᓲᓄᓪᓗ ᐊᑲᐅᒋᔭᐅᔪᑦᓴᔭᖅ.  ᐋᓐᓂᐊᓯᐅᕐᑎᐅᓱᓂ ᐱᓇᓱᒐᖅ ᑎᒥᒃᑯᑦ ᐃᖃᖕᖏᑐᒻᒪᕆᐅᒋᐊᖃᕐᓇᑐᓕᒃ, ᓈᓚᒍᓐᓇᓯᐊᕐᓗᓂ, ᐃᒻᒥᓂᕐᓱᓗᓂ ᐱᓇᓱᐊᕈᓐᓇᓗᓯᐊᕐᓗᓂ ᑐᑭᑖᑦᓯᐊᕈᓐᓇᑐᔭᐅᓗᓂᓘᕆᐊᓕᒃ.

ᓯᕗᓪᓕᐸᐅᑦᓱᓂ ᓄᓇᕕᒻᒥ, ᑖᓐᓇ ᐃᓕᓐᓂᐊᒐᖅ ᖃᓪᓗᓈᑎᑐᑦ ᐃᓕᓐᓂᐊᑕᐅᓲᖅ ᐊᒻᒪᓗ ᑎᑭᐅᑎᒍᑎᐅᓲᖑᑦᓱᓂ ᐱᔭᕇᕈᑎᑖᕐᓂᒧᑦ DCS-ᒥᒃ.  ᐃᓕᓐᓂᐊᓂᓕᕆᓂᕐᒥ ᐱᓇᓱᐊᕐᑕᐅᒍᓯᓕᒃ ᐊᑐᕐᑕᐅᒍᓯᖏᑦ ᓄᑖᒍᑦᓱᑎᒃ, ᐱᓇᓱᐊᓪᓗᑐᕐᑎᓯᓂᕐᒥᒃ ᑐᖕᖓᕕᓕᒻᒪᕆᐅᑦᓱᑎᒃ.

ᐃᓚᐅᕕᖃᑦᓯᐊᕆᑦ ᐃᓕᓐᓂᐊᒐᑎᓐᓂᒃ, ᐊᓂᕐᕋᒧᑦ ᐅᖓᓯᑦᑑᓗᐊᖕᖏᑐᒦᓪᓗᑎᑦ, ᐃᓚᑎᓐᓄᑦ ᐃᓗᕐᕈᓯᕐᓅᕕᓪᓗ ᐊᕙᓗᔭᐅᒪᑦᓯᐊᓗᑎᑦ.

ᐃᓕᓐᓂᐊᕇᕐᓂᒥᑕ ᐋᓐᓂᐊᓯᐅᕐᑎᐅᓂᕐᒧᑦ DCS-ᒥᒃ ᐱᔭᕇᕈᑎᑖᕐᓂᒥᑕᓗ ᑭᖑᓂᐊᒍᑦ, ᐃᓕᓐᓂᐊᑏᑦ ᐊᓂᒎᑎᒋᐊᖃᕐᒥᔪᑦ OIIQ (Ordre des infirmières et infirmiers du Québec) ᖃᐅᔨᓴᕐᑕᐅᒍᑎᓂᒃ ᐱᔪᓐᓇᐅᑎᑖᕈᑎᒋᓗᒍ ᐊᓱᐃᓛᓪᓗ ᐋᓐᓂᐊᓯᐅᕐᑎᐅᓂᕐᒥᒃ ᐱᓇᓱᐊᕈᓐᓇᓯᓗᑎᒃ ᓇᓂᑐᐃᓐᓇᖅ ᑯᐯᒃᒥ.

ᐱᓇᓱᐊᕐᓗᑎᑦ ᐋᓐᓂᐊᓯᐅᕐᑎᐅᓂᕐᒥᒃ, ᐱᒍᓐᓇᓯᓯᒪᓂᐊᕐᑐᑎᑦ ᐅᑯᓂᖓ:

  • ᑭᓇᑐᐃᓐᓇᐅᑉ ᐃᓗᓯᖓᑦ ᖃᓄᐃᒻᒪᖔᑦ ᖃᐅᔨᒐᓱᐊᕈᑎᓂᒃ ᐱᓇᓱᐊᕐᓗᓂ
  • ᓱᕐᖁᐃᓗᒋᑦ ᐊᑑᑎᔭᐅᑎᓗᒋᓗ ᐋᓐᓂᐊᓯᐅᕐᑕᐅᓂᖓᓄᑦ ᒪᒥᓴᕐᓂᖓᓄᓪᓗ ᐸᕐᓀᕆᒍᑏᑦ
  • ᐋᓐᓂᐊᓯᐅᕐᑎᐅᓂᕐᒥ ᐋᓐᓂᐊᓯᐅᑎᑑᒪᑎᑦᓯᓂᕐᒥᓗ ᑲᒪᒋᔭᖃᕐᓗᓂ ᒪᒥᓴᕐᑎᓯᓗᓂᓗ ᓱᒃᑯᓕᐅᒥᑎᑦᑌᓕᓗᒋᑦ ᐅᕝᕙᓘᓐᓃᑦ ᐃᓗᓯᕐᒥᓄᑦ ᐅᑎᕈᓐᓇᓯᑎᓗᒋᑦ ᐊᒻᒪᓗ ᐋᓐᓂᐊᓕᕐᓇᑐᓂᒃ ᐱᑕᖃᕐᑎᓯᑦᑌᓕᓗᓂ.
  • ᐊᔪᓕᕐᕕᒥᓃᒍᑎᓕᓐᓂᒃ ᑲᒪᒋᔭᖃᕐᓂᖅ
  • ᐃᓗᓯᖏᓐᓂᒃ ᖃᓄᐃᒻᒪᖔᑕ ᐋᓐᓂᐊᓯᐊᕐᑕᐅᒍᑎᓖᑦ ᑲᒪᓗᓂ ᐊᒻᒪᓗ ᐋᓐᓂᐊᓯᐅᕐᑌᑦ ᐊᒡᓚᓯᒪᔪᖁᑎᖏᓐᓂᒃ ᐊᖑᒻᒪᑎᑎᑦᓯᓗᓂ
  • ᐱᓪᓗᑯᒋᐊᓕᓐᓂᒃ ᑲᒪᒋᔭᖃᕐᓗᓂ (ᒪᑦᑐᓯᕐᑐᐃᓃᑦ, ᐊᐅᖓᑦ ᖃᓄᓪᓗᐊᑎᒋᒃ ᑏᓪᓕᑖᕐᒪᖔᑦ ᓇᐅᑦᓯᑐᕐᓃᑦ, ᐊᐅᖏᕐᓯᓃᑦ, ᑲᐱᓯᓃᑦ, ᐊᓯᖏᓪᓗ.)
  • ᐋᓐᓂᐊᓯᐅᕐᑕᐅᔪᓂᒃ ᐋᓐᓂᐊᓯᐅᑎᑐᕐᑎᓯᓂᖅ ᐋᕐᕿᒋᐊᕆᓃᓪᓗ ᐋᓐᓂᐊᓯᐅᑎᑑᒪᒍᑎᐅᔪᓂᒃ
  • ᐱᓇᓱᐊᕐᓗᓂ ᖃᐅᔨᓴᕈᑎᓂᒃ ᐊᒻᒪᓗ ᒪᒥᓭᒍᑎᓂᒃ ᐋᓐᓂᐊᓯᐅᕐᑎᒪᕆᐅᑉ ᐊᑐᕐᑕᐅᖁᓯᒪᔭᖏᓐᓂᒃ ᒪᓕᓪᓗᓂ

ᐱᓇᓱᐊᓪᓗᑐᕐᓱᒋᓗ ᐃᓕᓐᓂᐊᒉᑦ ᐃᓗᓯᓕᕆᓂᕐᒥ ᐱᓇᓱᐊᕐᕕᓂ

ᐃᓕᓐᓂᐊᑏᑦ ᐃᑉᐱᒍᓱᓕᒍᑎᑦᓴᑖᕐᓂᐊᑐᑦ ᓯᕗᓂᕐᒥ ᐱᓇᓱᕝᕕᒋᒍᒫᕐᑕᒥᓄᐊᖓᔪᓂᒃ. ᐃᓚᖏᑦ ᐃᓕᓐᓂᕆᐊᓕᖏᑦᑕ ᐊᕕᑦᑐᓯᒪᓂᖏᑦ ᐋᓐᓂᐊᓯᐅᕆᕕᓐᓂ ᐊᑑᑎᖃᑦᑕᓂᐊᕐᑐᑦ, ᐱᓇᓱᐊᓪᓗᑐᕐᓗᒋᑦ ᐊᑑᑎᔭᐅᓪᓗᑐᕐᑐᓂᑦ ᐃᓕᓐᓂᐊᕕᖃᖃᑦᑕᓗᑎᒃ.

ᐱᓇᓱᐊᕐᓗᒋᓗ ᐃᓕᓐᓂᐊᓗᓂᓗ ᐃᓕᓐᓂᐊᒉᑦ ᐃᓕᓐᓂᐊᑎᓂᒃ ᐊᓯᐊᓄᑦ ᓄᓇᓕᒻᒧᑦ ᐊᐅᓪᓚᑫᓐᓇᕆᐊᖃᕐᑎᓯᑐᐃᓐᓇᕆᐊᓖᑦ ᐊᑯᓃᕆᐊᕐᑐᕈᓐᓀᓗᑎᒃ. ᐊᐅᓪᓚᕆᐊᖃᑐᐃᓐᓇᕆᐊᓖᑦ ᓄᓇᕕᐅᑉ ᓯᓚᑖᓄᑦ ᐱᑕᖃᑐᐃᓐᓇᕆᐊᖃᕐᒥᔪᑦ ᐱᒃᑲᕆᑦᓯᑎᓄᑦ ᑌᑲᓂ ᐱᓇᓱᒍᑎᑦᓴᕆᒋᐊᓕᖏᓐᓂᒃ ᐱᑕᖃᕐᖃᔭᖕᖏᐸᑕ (ᐆᒃᑐᕋᐅᑎᒋᓗᒍ ᐱᓚᑦᑐᐃᔨᐅᓂᖅ, ᐃᓱᒪᓕᕆᔨᐅᓂᖅ).

ᑕᒪᓐᓇ ᐱᒍᓐᓇᓯᑎᑕᐅᔪᖅ ᐱᓇᓱᐊᖃᑎᒋᑦᓱᒋᑦ ᓄᓇᕕᒻᒥ ᐃᓗᓯᓕᕆᓂᕐᒧᐊᖓᔪᓂᒃ ᐱᓇᓱᐊᕐᕖᑦ ᐅᑯᐊ:

  • ᐃᓅᓕᑦᓯᕕᒃ
  • ᐅᖓᕙᒥ ᑐᓚᑦᑕᕕᒃ ᖃᓄᐃᖏᓯᐊᔅᓂᒧᑦ

ᐃᓚᐅᒍᓐᓇᑎᑕᐅᓂᕐᒧᑦ ᐱᑕᖃᕆᐊᓖᑦ

ᐃᓕᓐᓂᐊᓂᕐᒧᑦ ᐃᓚᐅᒍᒪᔪᑦ ᐱᑕᖃᕆᐊᓕᓐᓂᒃ ᓇᓪᓕᐊᓂᑦ ᐊᑕᐅᓯᕐᒥᒃ ᐱᖃᕆᐊᓖᑦ.

ᑭᓇᑐᐃᓐᓇᑯᑦ ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕈᑎᑖᕐᓯᒪᔪᑦ ᐅᕝᕙᓘᓐᓃᑦ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ ᐱᔭᕇᕈᑎᓖᑦ ᐆᒃᑐᕋᐅᑎᒋᓗᒍ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᒐᕐᓂᒃ ᐱᔭᕇᕈᑎ ᐅᕝᕙᓘᓐᓃᑦ ᓯᓚᑦᑐᓴᕐᕕᒥ ᐃᓕᓐᓂᐊᕕᕐᔪᐊᒥ ᐊᓪᓕᖓᓃᓐᓂᓴᒥᒃ ᐱᔭᕇᕈᑎᑖᕐᓯᒪᔪᑦ.

ᐃᓚᐅᒍᒪᒐᔭᕐᓱᑏᑦ ᑭᓯᐊᓂ ᐱᑕᖃᕆᐊᖃᕐᓂᕃᒍᑎᖏᓐᓂᒃ ᐱᖃᕐᓇ?
ᐊᒡᓚᑕᐅᓯᒪᒍᑎᑦᓴᓕᐅᕆᑦ ᐊᑐᐃᓐᓇᕈᕐᑎᒍᑎᓄᑦ ᐊᕐᕌᒍᓕᒫᒥ ᐃᓕᓐᓂᐊᒐᐅᑎᑕᐅᓛᕐᑐᒧᑦ ᑰᒃᔪᐊᒥ ᐱᒋᐊᕐᓗᓂ ᐊᐅᒡᒍᓯ 2022-ᒥ.

ᑐᑭᓯᒋᐊᑦᓯᐊᕆᑦ ➔

 

*ᖃᐅᔨᒪᔭᐅᑦᓯᐊᕆᐊᓕᒃ*

ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕈᑎᖃᕈᕕᑦ, ᐱᔭᕇᕐᓯᒪᒋᐊᖃᕐᒥᔭᑎᑦ ᐳᕐᑐᓂᕐᓴᒥ ᐃᓕᓐᓂᐊᒉᑦ ᐅᑯᐊ:

  • ᐳᕐᑐᓂᕐᓴᒥ IV EST ᐅᕝᕙᓘᓐᓃᑦ SE – ᐳᕐᑐᓂᕐᓴᒥ IV ᐊᕙᑎᒧᐊᖓᔪᓂᒃ ᓱᑯᐃᔦᓂᖅ ᖃᕆᑕᐅᔭᕈᑎᑕᓕᓐᓂᒃ ᐱᓇᓱᒍᑎᓕᕆᓂᖅ ᐅᕝᕙᓘᓐᓃᑦ ᓱᑯᐃᔦᓂᖅ ᐊᒻᒪᓗ ᐊᕙᑎᓕᕆᓂᖅ.
  • ᐳᕐᑐᓂᕐᓴᒥ V ᐅᐊᕈᑦᓯᑐᒐᓕᕆᓂᖅ – ᐳᕐᑐᓂᕐᓴᒥ V ᐅᐊᕈᑦᓯᑐᒐᓕᕆᓂᖅ.
  • ᐅᖃᐅᓯᐅᑉ ᐁᑉᐸᖓᓂ ᐱᒍᓐᓇᓯᐊᕐᓂᖓᑕ ᐳᕐᑐᓂᖓ.