ᐊᑐᐃᓐᓇᕈᕐᑎᓂᕐᒧᑦ ᐊᕐᕌᒍᖅ - ᐋᓐᓂᐊᓯᐅᕐᑎᐅᓂᖅ (DCS)

ᐱᒋᐊᕐᕕᖓᑕ ᐅᓪᓗᖓ
ᐊᐅᒡᒍᓯ 2022
ᐊᑐᐃᓐᓇᕈᕐᑎᓂᕐᒧᑦ ᐊᕐᕌᒍᖅ - ᐋᓐᓂᐊᓯᐅᕐᑎᐅᓂᖅ (DCS)

Partner:

Cégep de Saint-Félicien

ᑰᒃᔪᐊᖅ
+ ᐃᓄᒃᔪᐊᖅ
(ᐊᑯᓃᖕᖏᑐᒥ ᓱᕐᖁᐃᓯᒐᓱᐊᕐᕕᒨᕈᓐᓇᐅᑎ)

ᐳᕐᑐᓂᕐᓴᒥ ᐃᓕᓐᓂᐊᒐᕐᓄᐊᖓᔪᑦ ᖁᕝᕙᕆᐊᕈᑎᑖᑦ

1 ᐊᕐᕌᒍᖅ

ᐃᓕᓂᐊᒐᐅᑉ ᓱᓇᐅᓂᖓ

ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕈᑎᖃᕐᓱᑎᑦ ᑭᓯᐊᓂ ᐳᕐᑐᓂᕐᓴᒋᐊᓪᓚᒥ ᐃᓗᓯᓕᕆᓂᕐᒥ (ᐋᓐᓂᐊᓯᐅᕐᑎᐅᓂᕐᒧᑦ ᐊᓯᐊᓄᓘᓐᓃᑦ) ᐃᓕᓐᓂᐊᒐᕐᒧᑦ ᐱᑕᖃᕆᐊᓕᓐᓂᒃ ᑭᖕᖒᒪᒋᔭᖃᕐᐲᑦ?  ᑖᓐᓇ ᐊᑐᐃᓐᓇᕈᕐᑎᓂᕐᒧᑦ ᐊᕐᕌᒍᖅ ᐃᓕᓐᓄᑦ ᑐᕌᖓᔪᖅ!

ᐃᓕᓐᓂᐊᓚᖓᔭᑎᑦ ᐋᕐᕿᓱᕐᓯᒪᒍᓯᖃᕐᑎᑕᐅᓂᐊᕐᑐᑦ ᐃᓕᓐᓂᐊᒐᑦᑎᒍᑦ ᐃᓕᓐᓄᐊᖓᓪᓗᑐᕐᑐᑦ ᒪᓕᓪᓗᒋᑦ.

ᑖᓐᓇ ᐊᑦᑐᐃᓐᓇᕈᕐᑎᓂᕐᒧᑦ ᐊᕐᕌᒍᖅ ᐃᑲᔪᕐᓯᓚᖓᔪᖅ ᑎᑭᐅᑎᕙᓪᓕᐊᑎᓪᓗᑎᑦ ᐋᓐᓂᐊᓯᐅᕐᑎᐅᓂᕐᒥ ᐃᓕᓐᓂᐊᒐᕐᒧᑦ (ᑐᕌᕐᑐᑦ ᐳᕐᑐᓂᕐᓴᒋᐊᓪᓚᒥ ᐱᔭᕇᒍᑎᒧᑦ DCS-ᒧᑦ) ᐃᓕᓐᓂᐊᒐᐅᑎᑕᐅᓛᕐᑐᖅ ᓄᓇᕕᒻᒥ, ᐱᒋᐊᕐᓗᓂ ᐊᐅᒡᒍᓯ 2023-ᒥ.

ᑐᑭᓯᒋᐊᑦᓯᐊᕆᑦ ➔

ᐃᓕᓐᓂᐊᕈᒪᒐᔭᕐᓂᓴᐅᕖᑦ ᓄᓇᕕᐅᑉ ᓯᓚᑖᓃᓪᓗᑎᑦ? ᐊᑐᕐᑕᐅᖔᕈᓐᓇᒥᔪᖅ! ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕐᓯᒪᒋᐊᓖᑦ ᑭᖕᖒᒪᒋᔭᑎᑦ ᐱᑦᓴᑐᐊᕈᕕᒃᑭᑦ, ᐃᓚᐅᒍᒪᒍᑎᓕᐅᕐᕕᖃᕐᓗᑎᑦ ᐃᓕᓐᓂᐊᕕᒋᒍᒪᔭᕐᓂᑦ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ.

ᐃᓕᓐᓂᐊᒉᑦ ᓱᓇᐅᓂᖏᑦ

ᐳᕐᑐᓂᕐᓴᒥ ᐃᓕᓐᓂᐊᒉᑦ ᐱᑕᖃᕆᐊᓖᑦ ᐃᓚᐅᑎᑕᐅᒍᓐᓇᐅᑎᓄᑦ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ ᐋᓐᓂᐊᓯᐅᕐᑎᐅᓂᕐᒥ ᐃᓕᓐᓂᐊᒐᕐᒧᑦ ᐊᓯᖏᓐᓄᓘᓐᓃᑦ ᐃᓗᓯᓕᕆᓂᕐᒧᐊᖓᔪᓄᑦ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᒐᕐᓄᑦ.

  • ᐳᕐᑐᓂᕐᓴᒥ IV ᐊᕙᑎᒧᐊᖓᔪᓂᒃ ᓱᑯᐃᔦᓂᖅ ᖃᕆᑕᐅᔭᕈᑎᑕᓕᓐᓂᒃ ᐱᓇᓱᒍᑎᓕᕆᓂᖅ ᐅᕝᕙᓘᓐᓃᑦ ᓱᑯᐃᔦᓂᖅ ᐊᒻᒪᓗ ᐊᕙᑎᓕᕆᓂᖅ.
  • ᐳᕐᑐᓂᕐᓴᒥ V ᐅᐊᕈᑦᓯᑐᒐᓕᕆᓂᖅ.
  • ᐅᖃᐅᓯᐅᑉ ᐁᑉᐸᖓᓂ ᐱᒍᓐᓇᓂᖓᑕ ᐳᕐᑐᓂᖓ.
  • ᐃᑉᐱᒋᓗᒋᑦ ᐃᓕᓐᓂᐊᑏᑦ ᐃᓕᓐᓂᐊᒐᑎᒍᑦ ᓱᓇᓂᒃ ᐃᓕᓐᓂᐊᓯᒪᓂᕐᑕᖏᑦ, ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᒉᑦ ᐃᓚᒋᔭᐅᑎᑕᐅᓯᒪᑐᐃᓐᓇᕆᐊᓖᑦ ᑕᒡᒐᓂ ᐊᑐᐃᓐᓇᕈᕐᑎᓂᕐᒧᑦ ᐊᕐᕌᒍᕐᒥ ᐃᓕᓐᓂᐊᑕᐅᔪᓄᑦ.

 

*ᐳᐃᒍᕐᑌᓕᒋᑦ: ᐃᓚᖏᑦ ᑐᑭᓯᓴᕐᓃᑦ ᓱᓇᑦᓴᔦᑦ ᖃᓄᐃᓕᖓᓗᑎᒃ ᐅᐊᕈᑎᒌᕈᓐᓇᒪᖔᑕ ᐊᒻᒪᓗ ᓱᑯᐃᔦᓂᕐᒥ ᐅᖓᒻᒧᐊᓃᑦ ᓱᕐᖁᐃᓯᒐᓱᐊᕐᕕᒨᕈᓐᓇᓯᒍᑏᑦ ᐃᓕᓐᓂᐊᑕᐅᓛᕐᒪᑕ ᐃᓄᒃᔪᐊᒥ, ᓄᓇᕕᒻᒥ ᐱᒋᐅᕐᓴᕕᒻᒥ ᐃᓄᒻᒪᕇᑦ ᐃᓕᓐᓂᐊᕕᖓᓂ. ᐊᓂᕐᕋᖃᕐᑎᑕᐅᒍᓐᓇᓱᑎ ᓂᕆᒐᑦᓴᖃᕐᑎᑕᐅᓗᑎᓪᓗ ᐃᓕᓵᑦ ᐊᓂᕐᕋᖓᓂ.

ᐃᓚᐅᒍᓐᓇᑎᑕᐅᓂᕐᒧᑦ ᐱᑕᖃᕆᐊᓖᑦ

ᐃᓕᓐᓂᐊᓂᕐᒧᑦ ᐃᓚᐅᒍᒪᔪᑦ ᐱᑕᖃᕆᐊᓕᓐᓂᒃ  ᓇᓪᓕᐊᓂᑦ ᐊᑕᐅᓯᕐᒥᒃ ᐱᖃᕆᐊᓖᑦ.

ᑭᓇᑐᐃᓐᓇᑯᑦ ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕈᑎᑖᕐᓯᒪᔪᑦ.

ᐃᓕᓐᓂᐊᕈᓐᓀᑐᕕᓂᐅᒍᕕᑦ ᐳᕐᑐᓂᕐᓴᒥ 5-ᒥ ᐃᓕᓐᓂᐊᓕᕐᓱᑎᑦ ᑭᖕᖒᒪᑦᓯᓱᑎᓗ ᐃᓚᖏᓐᓂᒃ ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕈᑎᑖᕐᓂᒧᑦ ᖁᕝᕙᕆᐊᕈᑎᑖᖑᒋᐊᓕᓐᓂᒃ, ᐃᓚᐅᑎᑕᐅᒍᓐᓇᑐᐃᓐᓇᕆᐊᖃᕐᑐᑎᑦ.
ᐃᓚᐅᒍᒪᒍᑎᓕᐅᕆᑦ ᐊᓱᐃᓛᓗ ᖃᓄᐃᓕᖓᒻᒪᖔᑕ ᐱᕕᑦᓴᕆᒍᓐᓇᑕᑎᑦ ᑕᑯᓂᐊᕋᑦᑕ.