ᐃᓕᕐᖁᓯᑎᒍᑦ
ᐃᓗᕐᖁᓯᐅᑉ ᐊᑐᕐᑕᐅᒍᑎᖏᑦ ᐊᒻᒪᓗ ᐱᐅᓯᑐᙯᑦ ᐊᒥᓱᓂᒃ ᐊᑑᑎᖃᕐᖁᑦ. ᐊᒥᓱᕐᑕᖏᑎᒍᑦ ᑕᒪᒃᑯᐊ ᐱᐅᓯᑐᙯᑦ ᐃᑲᔪᑐᐃᓐᓇᔭᖏᑦᑐᑦ ᑐᑭᓯᓐᓇᑎᑦᓯᓂᕐᒥᒃ ᓄᓇᕐᖃᑎᒌᓂᒃ, ᐃᑲᔪᕐᒥᒐᒥᒃ ᐱᖕᖑᐃᓂᕐᒥᒃ ᓄᓇᕐᖃᑎᒌᓂᒃ. ᒪᒥᓴᕐᓇᑐᖃᕐᒥᔪᑦ ᐃᑲᔪᕐᑎᒋᒐᑦᑎᒋᑦ ᐱᑐᓐᓂᓕᐅᕐᓂᑯᑦ ᐃᓗᒃᑯᑦ, ᐃᑉᐱᒍᓱᒍᑎᒋᑦᓱᒋᑦ ᐃᓚᐅᓂᕐᒥᒃ ᐊᒻᒪᓗ ᓂᑲᓀᓪᓕᑎᕆᒐᒥᒃ ᓇᐅᖑᓇᓱᒋᓂᕆᔭᒥᒃ ᐊᒻᒪᓗ ᐃᓅᑦᔪᑎᖃᓇᓱᒋᓂᕐᒥᒃ.
ᐅᐱᒍᓱᓐᓂᖅ ᐃᓄᐃᑦ ᖃᐅᔨᒪᔭᖏᓐᓂᒃ, ᓴᐳᑦᔨᓂᖅ ᐃᓕᕐᖁᓯᑎᒍᑦ ᐆᒻᒪᕿᑦᑑᓂᖏᓐᓂᒃ
ᐃᓕᕐᖁᓯᑎᒍᑦ ᐃᓕᓭᒍᑎᒃ ᐃᓕᓭᒍᑎᐅᕗᖅ ᐃᓕᕐᖁᓯᑎᒍᑦ ᐱᒋᐊᕐᑎᑕᐅᓯᒪᑦᓱᓂ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᐃᑲᔪᕐᓯᒍᑎᐅᑦᓱᓂ ᓄᓇᓕᓐᓂᒃ ᓄᓇᕕᒻᒦᑐᓂᒃ ᐱᐅᓕᐊᕆᓂᒃᑯᑦ, ᐆᒻᒪᑎᑦᓯᒋᐊᓪᓛᓂᒃᑯᑦ, ᐊᒻᒪᓗ ᖁᕝᕙᑎᑦᓯᒋᐊᕐᓂᑯᑦ ᐃᓄᐃᑦ ᐱᐅᓯᑐᖃᖓᓂᒃ ᖃᐅᔨᒪᓂᕐᒥᒃ, ᐱᒍᓐᓇᓂᕆᔭᖏᓐᓂᒃ, ᐊᒻᒪᓗ ᐃᓪᓕᕆᔭᖏᓐᓂᒃ. ᐃᓕᓭᒍᑎᒃ ᑐᖕᖓᕕᖃᕐᑐᖅ ᐅᑉᐱᕆᔭᐅᓂᖏᓐᓂᒃ ᐃᓕᕐᖁᓯᖅ ᑐᖕᖓᕕᒋᔭᐅᓂᖓᓂᒃ ᐃᓕᓴᕐᓂᒧᑦ, ᑭᓇᐅᓂᕐᒧᑦ, ᐊᒻᒪᓗ ᒪᒥᓴᕐᓂᒧᑦ. ᐊᒡᒐᒥᒍᑦ ᓱᖃᑦᓯᑎᑕᐅᓂᒃᑯᑦ, ᑭᖑᕚᑦᑎᓄᑦ ᐃᓕᓭᓂᖅ, ᐊᒻᒪᓗ ᓄᓇᕐᖃᑎᒌᑦ ᐃᑲᔪᖃᑎᒌᓐᓂᖏᓐᓄᑦ, ᐃᓕᕐᖁᓯᑎᒍᑦ ᐃᑲᔪᕐᓯᓲᖅ ᓲᖑᓯᒋᐊᕆᑦᓱᓂ ᐅᐱᒍᓱᓐᓂᒥᒃ ᐊᒻᒪᓗ ᐱᑐᑦᓯᒪᒍᓐᓇᓂᕐᒥᒃ ᐃᓄᐃᑦ ᐃᓕᕐᖁᓯᑐᖃᖏᓐᓄᑦ, ᓄᒃᑭᑎᑦᓯᓂᖃᕐᓱᑎᑦ ᐅᕕᒐᕐᑐᓂᒃ ᐃᓄᒻᒪᕆᓐᓂᓗ ᓄᓇᓕᐅᔪᓂᒃ.
ᐃᓚᐅᖃᑕᐅᔪᑦ ᐱᔭᕇᕐᓯᒪᔪᑦ ᐃᓚᖏᓐᓂᒃ ᐃᓕᕐᖁᓯᑎᒍᑦ ᑲᑎᒪᓂᐊᕈᓯᖃᕐᑎᓯᓂᖏᓐᓄᑦ ᐱᑎᑕᐅᒍᓐᓇᕕᖃᑐᐃᓐᓇᕆᐊᓖᑦ ᐃᓕᓐᓂᐊᕇᕐᓯᒪᐅᑎᓂᒃ ᐊᓯᐊᒎᕐᑐᓂᒃ ᐃᓕᓭᒍᑎᓂᒃ ᑐᕌᖓᒍᓐᓇᑎᓪᓗᒋᑦ ᐳᕐᑐᓂᕐᓴᒥᑦ ᐃᓕᓐᓂᐊᓂᕐᒥᒃ ᐱᔭᕇᒍᑎᒥᒃ. ᑖᓐᓇ ᐃᓕᓐᓂᐊᕇᕐᓯᒪᓂᕐᒥᒃ ᐃᓕᑕᕐᓯᔭᐅᓂᖓ ᐱᕕᖃᕐᑎᓯᔪᖅ ᐃᓕᓴᕐᑐᓂᒃ ᐃᓕᑦᓯᕆᐊᓪᓛᒍᓐᓇᓂᖏᓐᓂᒃ ᐃᓕᕐᖁᓯᕐᒥᒃ ᖃᐅᔨᒪᔭᖏᓐᓂᒃ ᑲᔪᓯᐅᑦᔨᖏᓐᓇᓗᑎᓪᓗ ᐃᓕᓐᓂᐊᕕᒻᒥ ᐃᓕᓐᓂᐊᑕᒥᓂᒃ.
ᐃᓕᓭᒍᑏ ᓱᑎᑦᓯᓲᒍᕙ?
- ᐃᑲᔪᕐᓯᓲᖅ ᓄᓇᓕᓐᓂᒃ: ᑐᓂᓯᓲᖑᔪᒍᑦ ᐃᓕᓐᓂᐊᓂᓕᕆᓂᕐᒨᓕᖓᔪᓂᒃ ᐃᑲᔪᕐᓯᓂᕐᒥᒃ ᓄᓇᓕᐅᑉ ᐱᑦᓴᑕᖃᕐᕕᖏᓐᓂᒃ ᐱᕙᓪᓕᐊᑎᑦᓯᓂᕐᒧᑦ ᐊᒻᒪᓗ ᐊᑐᓕᕐᑎᓯᓂᕐᒧᑦ ᐃᓕᕐᖁᓯᑎᒍᑦ ᐃᓕᓭᒍᑎᐅᔪᓂᒃ.
- ᑐᑭᒧᐊᑦᑎᓯᓲᖅ ᐃᓕᕐᖁᓯᕐᓄᐊᖓᔪᓂᒃ ᓱᖃᑦᓯᑎᑦᓯᓂᒐᓚᓐᓂᒃ: ᐃᑲᔪᖃᑎᒌᑦᓲᖑᔪᒍᑦ ᓄᓇᕕᐅᑉ ᓄᓇᓕᖏᓪᓗ ᑲᑎᒪᓂᐊᕈᓯᖃᕐᑎᓯᓂᕐᑯᑦ, ᑐᓴᐅᑎᒦᒋᐊᕐᑐᓯᒪᓂᒃᑯᑦ, ᓄᓇᒦᑦᑎᓯᓂᒃᑯᑦ, ᐊᒻᒪᓗ ᓄᓇᓕᐅᑉ ᑲᑎᑲᑦᑕᓂᖏᒍᑦ.
- ᓄᒃᑭᒋᐊᕆᓯᒪᓂᖅ ᓄᓇᓕᐅᑉ ᑲᔪᓯᒃᑫᔨᖏᓐᓂᒃ: ᑕᓯᐅᕐᓯᓱᒋᑦ ᑲᔪᓯᒃᑫᔩᑦ ᐊᐅᓚᑦᓯᓂᕐᒥᒃ ᐃᓗᓕᑕᕆᔭᐅᔪᓂᒃ, ᐃᓕᓭᓂᐅᑉ ᑐᓂᔭᐅᓂᖓᓂᒃ, ᐊᒻᒪᓗ ᖁᕝᕙᑎᑦᓯᒋᐊᕆᓂᕐᒥᒃ-ᐃᑉᐱᒋᑦᓯᐊᓱᒋᑦ ᓴᓇᕐᕈᑎᖃᑦᓯᐊᑎᑦᓯᓱᒋᑦ ᑲᔪᓯᑦᓯᐊᕈᓐᓇᓂᐊᕐᒪᑕ.
ᓱᓇᓂ ᖁᕝᕙᑎᑦᓯᒋᐊᕐᓂᖃᓲᖑᓂᕗᑦ
ᐃᓕᕐᖁᓯᑎᒍᑦ ᐃᑲᔪᕐᓯᓂᖃᓲᑦ ᐊᒥᓱᓂᒃ ᐊᑦᔨᒌᖕᖏᑐᓂᒃ ᐱᐅᓯᑐᖃᕐᑎᒎᓕᖓᔪᓂᒃ ᐊᒻᒪᓗ ᐅᓪᓗᒥᐅᓕᕐᑐᖅ ᐃᓕᕐᖁᓯᕐᑎᒍᑦ ᓄᐃᑕᑎᑦᓯᓂᖃᕐᓂᑯᑦ:
- ᐃᓄᐃᑦ ᐱᒍᓐᓇᓂᖏᑦ ᖃᐅᔨᒪᐅᓯᖏᓪᓗ: ᐊᓐᓄᕌᑦ, ᓴᓇᕐᕈᑏᑦ, ᐱᖁᑏᑦ, ᒪᙯᓐᓂᒧᑦ, ᐊᓐᓇᐅᒪᓂᕐᒧᑦ, ᒥᕐᓱᓂᕐᒧᑦ, ᕿᓚᐅᑦᔭᓂᒃᑯᑦ, ᑐᓃᑦ (ᑐᓃᑦ), ᐅᓂᒃᑲᐅᓯᑎᒍᑦ, ᐊᒻᒪᓗ ᐊᒥᓱᒋᐊᓪᓚᑎᒍᑦ.
- ᐱᐅᓯᑐᖃᕐᑎᒍᑦ ᓱᖃᑦᓯᓃᑦ: ᐃᓄᐃᑦ ᐱᖕᖓᐊᕈᓯᖏᑦ, ᓯᓚᐅᑉ ᓇᓪᓕᐅᑎᑦᑕᓂᖓᓄᑦ ᐊᓐᓂᑐᕐᓃᑦ, ᓄᓇᒦᒋᐅᕐᓴᑎᑦᓯᓃᑦ, ᐃᓚᒌᑎᒍᑦ ᐃᓕᕐᖁᓰᑦ, ᐱᕈᕐᓭᒍᓰᓪᓗ.
- ᑭᓇᐅᓂᕆᔭᕗᑦ ᒪᒥᓴᕐᓂᓗ: ᑎᒍᓯᒋᐊᕐᓂᖅ ᐃᓄᐃᑦ ᐅᐱᒍᓱᓐᓂᖏᓐᓂᒃ, ᐃᒻᒥᓂᒃ-ᓈᒻᒪᒋᔭᖃᕐᓂᒥᒃ, ᐱᑐᒋᐊᓪᓛᓂᕐᒥᒃ ᐃᓕᕐᖁᓯᕐᒥᓄᑦ, ᐅᖃᐅᓯᖅ, ᐊᒻᒪᓗ ᐱᑦᔪᑎᖃᕐᓂᖅ ᐅᓪᓗᒥᐅᓕᕐᑐᖅ ᓯᓚᕐᔪᐊᑎᓐᓂᒃ.
ᕿᓂᕐᑐᒍᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑎᒍᒥᐊᑎᐅᔪᓂᒃ
ᒫᓐᓇᐅᑎᓪᓗᒍ ᕿᓂᕐᑐᒍᑦ ᐃᓄᐃᑦ ᐃᓕᕐᖁᓯᖓᓂᒃ ᐃᓕᓭᔨᐅᒐᔭᕐᑐᓂᒃ ᐅᐱᒋᔭᖃᕐᑐᓂᒃ ᐁᑦᑐᑐᐃᒍᓐᓇᕆᐊᕐᒥᓂᒃ ᐱᐅᓯᑐᖃᕐᑎᒍᑦ ᖃᐅᔨᒪᔭᑎᓐᓂᒃ. ᐃᓚᐅᒍᒪᑦᓴᓂᕈᕕᑦ ᖃᐅᔨᒪᓪᓚᕆᑦᑕᑎᓐᓂᒃ ᖃᐅᔨᔭᐅᑎᑦᓯᓂᕐᒥᒃ ᐊᒻᒪᓗ ᐊᓯᑎᓐᓂᒃ ᐱᓇᓱᖃᑎᖃᕋᔭᕐᓗᑎᑦ ᐃᑲᔪᕐᓯᒥᔪᓂᒃ ᐃᓄᐃᑦ ᐃᓕᕐᖁᓯᖓᓂᒃ, ᐃᓕᓐᓂ ᖃᐅᔨᒍᒪᔪᒍᑦ. ᑐᖕᖓᓱᑦᑎᒥᔭᕗᑦ ᐃᑲᔪᖃᑎᒌᖑᔪᑦ ᐊᓯᖏᓐᓂᒃ ᑎᒥᐅᔪᓂᒃ ᑕᒪᑦᓱᒥᖓᑦᓭᓇᖅ ᑕᑯᓐᓇᓂᖃᕐᒥᔪᓂᒃ.