ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᑮᓇᐅᔭᓕᕆᕕᒻᒥ ᐊᖓᔪᖄᑉ ᐃᑲᔪᕐᑎᖓᓂᒃ, ᐊᓪᓚᕕᒻᒥ ᐱᓇᓱᑦᑎ ᐳᕐᑐᓂᖓ 1 ᐊᑭᓕᕐᑕᐅᒋᐊᓕᓕᕆᓂᕐᒥ ᒪᑯᓂᖓ ᐱᓇᓱᑦᑎᐅᓗᓂ:

• ᑎᑭᑕᐅᖃᑦᑕᓗᑎᑦ, ᑐᓂᔭᐅᖃᑦᑕᓗᑎᑦ ᐊᒻᒪᓗ ᑲᒪᒋᖃᑦᑕᓗᒋᑦ ᓂᐅᕕᕐᓂᒧᑦ ᑐᑦᓯᕋᐅᑎᓕᐊᕕᓃᑦ ᐊᒻᒪᓗ ᐊᑦᔨᖏᓐᓄᑦ ᐊᐅᓪᓚᑎᑦᓯᒍᑎᓕᐅᓯᓗᒋᑦ ᐊᓪᓚᕕᑦᓵᐱᖏᑦ ᑌᒣᒋᐊᖃᕐᐸᑕ.
• ᑎᑭᓭᒍᑎᕕᓃᑦ ᐊᑭᓕᑦᓴᖃᕐᓂᕃᒍᑎᖏᑦ ᓈᒻᒪᓈᕐᑎᖃᑦᑕᓗᒋᑦ ᑎᑭᑎᑕᐅᒋᐊᓕᓐᓄᑦ ᑌᒃᑯᓗᖓᑦᓯᐊᖅ ᓂᐅᕕᕈᑎᓂᓪᓗ ᑎᑭᓭᒍᑎᒃᑯᑦ, ᑎᑭᓴᕐᑕᐅᔪᕕᓃᑦ ᓱᓇᐅᓂᖏᓐᓂᒃ ᖃᐅᔨᓴᕐᑎᐅᓗᓂ ᓈᒻᒪᓈᕐᒪᖔᑕ: ᖃᑦᓯᐅᓂᖏᑦ, ᐊᑭᖏᑦ, ᐊᑭᓕᕐᑕᐅᒍᑎᖏᓪᓗ;
• ᐅᖄᓚᕕᖃᖃᑦᑕᓗᓂ ᒋᐊᖃᕈᓂ ᑎᑭᓭᕕᓐᓂᒃ ᓱᕐᖁᐃᓯᒐᓱᐊᕐᓂᒧᑦ ᐃᓗᓕᖏᓐᓂᒃ ᐋᕐᕿᒋᐊᕆᐊᓕᓐᓂᓘᓃᑦ;
• ᐊᑭᓕᕐᑕᐅᒍᒪᐅᑎᓂᒃ ᐃᓂᖓᓅᕐᓯᓯᐊᖃᑦᑕᓗᓂ ᖃᕆᑕᐅᔭᕐᒨᓗᒋᓪᓗ ᑮᓇᐅᔭᓕᕆᐅᑎᓄᑦ;
• ᐊᑐᐃᓐᓇᕈᕐᑎᖃᑦᑕᓗᒋᑦ ᓇᓗᓀᒃᑯᓯᕐᑐᓗᒋᓪᓗ ᑮᓇᐅᔭᕐᑑᑏᑦ ᐊᓪᓚᓯᒪᓂᖏᑦ ᐃᓕᓐᓂᐊᓂᕐᒥᒃ ᑭᒡᒐᑐᕐᑎᓄᑦ ᐊᖏᕐᑕᐅᔪᑦᓴᐅᑎᓪᓗᒋᑦ;
• ᓇᓗᓀᖃᑦᑕᓗᒋᑦ ᖃᖓᐅᑎᓪᓗᒍ ᑎᑭᒻᒪᖔᑕ ᐁᑦᑐᑑᑎᒋᓗᒋᓪᓗ ᐊᓪᓚᕖᑦ ᐊᓪᓚᑖᖏᑦ;
• ᐊᓪᓚᕕᐅᑉ ᐊᓪᓚᖁᑎᖏᑦ ᐊᓪᓚᖁᑎᖃᐅᑎᒨᕐᖃᖃᑦᑕᓗᒋᑦ;
• ᓄᐃᖃᑦᑕᓗᒋᑦ, ᖃᐅᔨᓴᖃᑦᑕᓗᒋᑦ, ᓇᓗᓀᒃᑯᓯᕐᓗᒋᑦ ᐊᑭᓕᑦᓴᓕᐅᕈᑎᒋᖃᑦᑕᓗᒋᓪᓗ ᐊᑭᓕᕐᑕᐅᒋᐊᓖᓪᓗ ᑮᓇᐅᔭᑦᓴᓕᐅᕈᑎᒋᖃᑦᑕᓗᒋᑦ ᒋᐊᓖᑦ;
• ᑎᑭᓭᔨᐅᓗᓂ ᑮᓇᐅᔭᓕᕆᕕᐅᑉ ᐱᖁᑎᒋᒋᐊᓕᖏᓐᓂᒃ;
• ᐊᓯᖏᓐᓄᓗ ᐱᓇᓱᐊᖃᑦᑕᒥᓪᓗᓂ ᒋᐊᓕᒻᒥᓂᖅ.

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᒥᒃ 5-ᒥ ᐊᕐᕌᒍᓂᒫᕐᒥᓗ ᐱᓇᓱᐊᕐᓯᒪᓗᓂ ᐊᑭᓕᕋᑦᓴᓕᕆᔨᐅᓂᕐᒥᒃ.

ᐃᓕᓐᓂᐊᓂᓕᕆᓂᖅ ᐱᕕᖃᕐᓂᐊᒥᔪᖅ, ᐃᓱᒪᒥᓪᓗᓂ, ᖁᔭᓈᕐᓂᒥᒃ ᐃᓘᓐᓚᖏᓂᒃ ᐃᓚᖏᓐᓂᓘᓐᓃᑦ ᐱᒍᓐᓚᐅᑎᒋᒋᐊᓕᓐᓂᒃ ᖁᓪᓕᓂ ᐅᖃᕐᑕᐅᕋᑖᓂᒃ ᑕᑯᒍᓂ ᓈᒻᒪᑐᒥᒃ ᐱᓇᓱᒍᒪᔪᒥᒃ ᐃᓚᐅᔪᒥᒃ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ ᐊᒻᒪᓗ ᐊᖏᕐᑐᒥᒃ, ᐱᓇᓱᒐᕐᑖᓂᖓᓄᑦ ᐃᓚᐅᑎᓪᓗᒍ, ᐊᑐᓚᖓᓂᕐᒥᓂᒃ ᐃᓕᓐᓂᐊᑎᑕᐅᓕᖓᑕ ᐸᕐᓇᑕᐅᒍᑎᖓᓂᒃ ᐃᓕᓐᓂᐊᓂᓕᐱᔩᑦ ᓇᓗᓀᕐᑕᖓᓐᓂᒃ.

ᐊᑐᕈᓐᓇᕆᐊᓕᖏᑦ:

• ᐅᖃᐅᓰᓐᓂᒃ ᒪᕐᕉᓂᒃ ᐊᑐᕈᓐᓇᓗᓂ ᐃᓕᓐᓂᐊᓂᓕᕆᓂᐅᑉ ᐅᖃᐅᓯᕐᓂᒃ ᐱᖓᓱᓂᒃ ᐊᑐᕐᐸᑕᖏᑦᑕ ᓇᓪᓕᖏᓐᓂᒃ (ᐃᓄᑦᑎᑐᑦ, ᒍᐃᒍᐃᑎᑐᑦ ᖃᓪᓗᓈᑎᑐᓪᓗᓃᑦ).
• ᑮᓇᐅᔭᓕᕆᐅᑎᓕᕆᒍᓐᓇᓗᓂ;
• ᖃᕆᑕᐅᔭᒃᑯᑦ ᑲᑎᕐᓱᐃᕕᓐᓂᒃ ᑮᓇᐅᔭᓕᕆᐅᑎᓂᒃ ᐊᑐᓕᓂᐅᓗᓂ;
• ᖃᕆᑕᐅᔭᒃᑯᑦ ᑮᓇᐅᔭᓕᕆᐅᑎᓂᒃ ᐊᑐᕈᓐᓇᓗᓂ ᐅᑦᑑᑎᒋᑦᓱᒍ Excel;
• ᖃᐅᔨᓴᑦᓯᐊᕈᓐᓇᓗᓂ ᐃᑉᐱᒋᔭᖃᑦᓯᐊᓗᓂᓗ ᑐᑭᓯᓇᕐᑎᓯᒍᑎᓂᒃ;
• ᐃᒻᒥᓂᕐᓱᕈᓐᓇᓯᐊᕐᓗᓂ ᐱᓇᓱᑦᓯᐊᕈᓐᓇᓗᓂᓗ;
• ᖃᐅᔨᒪᓗᓂ ᒪᓂᒐᖏᓐᓂᒃ ᖃᓄᐃᓘᕐᑕᐅᒍᓯᖏᑦᑕ ᑖᒃᓯᔭᕈᑎᐅᓲᑦ GST, QST.

ᐱᓇᓱᓐᓂᖓᑕ ᐅᓪᓗᖁᑎᖏᑦ:

35 ᐃᑲᐅᕐᓃᑦ/ ᐱᓇᓱᐊᕈᓯᑕᒫᑦ ᐊᓪᓕᕇᕐᑐᓂᑦ ᓂᕿᑦᓯᑐᓄᑦ

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4102-ᒥᒃ ᐱᓇᓱᕝᕕᖃᕋᔭᕐᑐᖅ,

ᐱᒋᐊᕐᓱᒋᑦ $25.61-ᓂᑦ $28.65-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.