ᐱᓇᓱᑦᑐᓕᕆᕕᒃ ᑮᓇᐅᑦᔭᓵᓕᕆᕕᐅᓪᓗ (HR) ᐊᑕᐅᑦᓯᑰᕐᑎᓯᔨᖓ ᐱᑎᑦᓯᓲᖅ ᐊᖓᔪᕐᖄᓂᒃ ᐱᓇᓱᑦᑎᓂᓪᓗ ᑎᓕᔭᐅᒪᔪᓂᒃ ᓄᓇᓕᓐᓂ ᐱᔭᕆᐊᓕᖏᓐᓂᒃ, ᖃᐅᑕᒫᑦ ᐃᑲᔪᕐᑐᐃᓂᖅ ᐃᓕᓐᓂᐊᑎᑕᐅᓂᕐᓗ ᐊᑦᑐᐊᓂᓕᓐᓂᒃ ᐱᓇᓱᑦᑐᓕᕆᕕᒃᑯᓂ ᐊᐅᓚᑦᓯᓂᕐᒥᒃ ᐱᓇᓱᑦᑎᓴᕐᓯᐅᓂᕐᒧᑦ, ᐱᓇᓱᑦᑐᓕᕆᓂᖅ ᐱᓇᓱᑦᑐᓕᕆᕕᒃᑯᓄᓪᓗ ᑐᕌᖓᔪᑦ ᐊᑦᑐᐊᓂᓖᑦ ᐱᕙᓪᓕᐊᓂᑦᓴᖏᓐᓄᑦ.

ᐱᔭᑦᓴᕆᓚᖓᔭᖓ:

ᐃᑉᐱᒋᔭᐅᓗᓂ ᐱᓇᓱᑦᑐᓕᕆᔨᒃᑯᑦ ᑐᑭᒧᐊᕐᑎᓯᔨᖓᓄᑦ ᐱᓇᓱᖃᑎᖃᕐᓗᓂᓗ ᑐᑭᒧᐊᕐᑎᓯᔨᐅᑉ ᐃᑲᔪᕐᑎᖓᓂᒃ, ᐊᑕᐅᑦᓯᑰᑦᑎᓯᔨ ᐅᑯᓂᖓ ᑲᒪᒋᔭᖃᒋᐊᓕᒃ:

ᐱᓇᓱᑦᑎᑖᕋᓱᐊᕐᓂᖅ

• ᐱᓇᓱᖃᑎᖃᕐᓗᓂ ᑲᒪᔨᒻᒪᕆᓐᓂᒃ ᖃᐅᔨᓴᕐᓗᒋᑦ ᐱᓇᓱᑦᑏᑦ ᑭᖕᖒᒪᒋᔭᖏᓐᓂᒃ, ᐱᓇᓱᒉᓪᓗ ᐅᒃᑯᐃᖔᕐᑐᑦ ᓄᑕᐅᓯᓕᖃᑦᑕᓗᒋᑦ, ᐊᐱᕐᓲᑎᑦᓭᑦ, ᐊᓯᖏᓪᓗ ᐱᓇᓲᑎᐅᔪᑦ ᓄᓇᓕᓐᓂ ᐱᓇᓱᑦᑎᓴᕐᓯᐅᓂᕐᒧᑦ ᐊᐅᓚᑦᓯᖃᑎᖃᕐᓗᓂ ᒪᓐᑐᔨᐊᓪ-ᐊᓪᓚᕕᖓᓂ ᐊᐅᓚᑦᓯᓂᓕᕆᓂᕐᒥ ᑲᒪᔨᓂᑦ;
• ᑐᑭᒧᐊᕐᑎᓯᓗᓂ ᐱᓇᓱᑦᑎᑖᕋᓱᐊᕐᓂᒧᑦ ᐱᕙᓪᓕᐊᓂᐅᔪᒥᒃ, ᐱᓇᓱᒐᑦᓴᓂᓪᓗ ᐊᑐᐃᓐᓇᐅᔪᓂᒃ ᓄᐃᑎᑦᓯᖃᑦᑕᓗᓂ, ᓂᕈᐊᖃᑦᑕᓗᓂ ᐱᓇᓱᑦᑎᖑᒐᓱᐊᕐᑐᓂᒃ, ᐊᒻᒪᓗ ᑲᒪᒋᔭᖃᕐᓗᓂ ᐱᓇᓱᑦᑎᑖᖑᕐᖃᒥᓐᓂᒃ ᑲᑎᕕᒃ ᐃᓕᓴᕐᓂᓕᕆᕕᒃᑯᓄᑦ, ᖃᐅᕕᓴᕐᑕᐅᓂᖓ ᐱᓇᓱᓐᓂᖓᑕ ᐃᓱᓕᖕᖏᓂᓕᒫᖓᓂ;
• ᐁᑦᑐᐃᖃᑦᑕᓗᓂ ᐱᔪᓐᓇᐅᑎᖃᕐᑐᓂᒃ ᐱᓇᓱᖃᑎᒌᑦᑐᓄᑦ ᑐᓴᐅᒪᔭᐅᒋᐊᓕᓐᓂᒃ ᐸᕐᓇᓯᒪᐅᑎᐅᔪᓂᒃ ᐋᕐᕿᓱᑦᑕᐅᓯᒪᔪᓂᓪᓗ ᓄᓇᓕᓐᓂ ᐱᓇᓱᑦᑎᑖᒐᓱᐊᕐᓂᒧᑦ, ᖃᐅᔨᓴᖃᑦᑕᓗᓂ ᐊᓪᓚᒍᑎᖃᕐᓂᓗᓪᓗ ᐱᑦᔪᑎᓕᓐᓄᑦ;
• ᐃᓱᒪᒋᔭᒥᓂᒃ ᐅᖃᖃᑦᑕᓗᓂ, ᐊᓪᓚᓯᒪᔪᓂᒃ, ᑐᓴᐅᒪᔭᐅᒋᐊᓕᓐᓂᓗ ᓄᓇᓕᓐᓂ ᓄᓇᓕᓕᒫᓐᓂᓗ ᐱᓇᓱᑦᑎᑖᒐᓱᐊᕐᓂᐅᑉ ᖃᓄᖏᓕᖓᓂᖏᓐᓂᒃ ᐊᒻᒪᓗ ᐱᒋᐅᕐᓴᐅᑎᐅᔪᓂᒃ;
• ᑲᒪᖃᑦᑕᓗᓂ ᐸᓯᔭᑦᓴᐅᕈᑎᖃᖕᖏᑲᓗᐊᕐᒪᖔᑕ ᐃᕐᖃᑐᐃᕕᒃᑯᑎᒍᑦ ᐱᓇᓱᑦᑏ, ᐊᑭᓕᕐᑐᑕᐅᒐᑎᒃ ᐱᓇᓱᑦᑐᓂᒃ ᐱᓇᓱᓐᓂᒧᑦ ᐊᖏᕈᑎᓕᓐᓂᓗ;
• ᐅᓐᓂᑐᖃᑦᑕᓗᓂ ᐱᓇᓱᑦᑎᑖᕋᓱᐊᕐᓂᒧᑦ ᐱᕙᓪᓕᐊᓂᐅᔪᒥᒃ ᑲᒪᔨᒧᑦ ᑐᑭᒧᐊᕐᑎᓯᔨᐅᓪᓗ ᐃᑲᔪᕐᑎᖓᓄᑦ.

ᐱᓇᓱᑦᑐᓕᕆᓂᖅ

• ᐱᓇᓱᑦᑎᓂᒃ ᐃᑲᔪᖃᑦᑕᓗᓂ ᐱᓇᓱᕝᕕᖓᓅᓂᖓᔪᓂᒃ (ᐱ÷ᓱᒍᑦᓯᓂᕐᒧᑦ ᐊᖏᖃᑎᒌᒍᑏᑦ, ᑎᓕᔨᑦᔪᓰᑦ, ᐃᓄᒻᒪᕆᐅᓂᕐᒧᑦ ᓄᕐᖃᓂᖅ, ᐃᒻᒪᖃᐅᑎᖃᕈᑏᑦ ᐃᒻᒥᒎᕐᑐᑯᑦ), ᐃᓕᓐᓂᐊᑎᑕᐅᓂᒃᑯᑦ ᐅᕝᕙᓘᓐᓃᑦ ᐊᑐᓂ ᐃᓄᑑᑎᓪᓗᒋᑦ ᑲᑎᓯᓗᓂ;
• ᐃᓕᑕᕐᓯᓂᕐᒥᒃ, ᖃᐅᔨᓴᐅᑎᓂᓪᓘᓃᑦ ᐊᐅᓪᓚᑎᑦᓯᕕᒋᖃᑦᑕᓗᒋᑦ ᑐᑦᓯᕋᐅᑎᒥᒃ ᐊᐱᕐᓲᑎᓂᓪᓘᓃᑦ ᐱᓇᓱᑦᑐᓕᕆᕕᒃᑯᓄᑦ ᒪᓐᑐᔨᐊᓪᒥ;
• ᐅᖃᐅᓯᑦᓭᓘᓐᓃᑦ ᐅᖃᕐᑕᐅᔪᕕᓃᓪᓘᓃᑦ ᐊᐅᓪᓚᑎᖃᑦᑕᓗᒋᑦ ᐊᖓᔪᕐᖄᓄᑦ, ᐱᑕᖃᓕᑐᐊᕐᐸᑕᒫᑦ;
• ᐃᓚᐅᖃᑦᑕᓗᓂ ᐃᓂᕐᑎᕆᓂᕐᒧᑦ ᖃᐅᔨᓴᕐᓂᐅᔪᓂᒃ, ᕿᓂᕝᕕᐅᔪᖃᓕᕐᐸᑦ ᐱᓇᓱᒐᐅᔫᑉ ᐊᕙᑎᖓᓂ, ᐊᓪᓚᓗᓂᓗ ᐅᖄᕈᑎᐅᔪᓂᒃ, ᐱᓂᐊᕐᓂᐅᒋᐊᖃᓕᑐᐊᕐᐸᑕᒫᑦ;
• ᑲᑎᒪᖃᑕᐅᖃᑦᑕᓗᓂ ᐱᓇᓱᑦᑐᓕᕆᔨᒃᑯᓄᑦ ᑭᒡᒐᑐᕐᑎᖏᑦ ᑲᑎᒪᓕᕐᐸᑕ, ᐱᑕᖃᓕᑐᐊᕐᐸᑕᒫᑦ;
• ᖃᐅᔨᓴᖃᑦᑕᓗᓂ ᐊᑐᓕᕐᑎᑕᐅᒐᓗᐊᕐᒪᖔᑕ ᐋᓐᓂᑌᓕᒪᓂᕐᒧᑦ ᐊᑦᑕᓴᕐᑌᓕᒪᓂᕐᒧᓗ ᒪᓕᑦᑕᐅᓯᐊᒐᓗᐊᕐᒪᖔᑕ, ᐃᑲᔪᕐᓗᓂᓗ ᐱᐅᓰᒋᐊᕐᓂᒧᑦ ᐱᒋᐅᕐᓴᐅᑎᓂᒃ ᐊᑦᓇᕐᑌᓕᒪᓂᕐᒧᑦ.

ᑮᓇᐅᑦᔭᓵᓕᕆᓂᖅ

• ᐊᖓᔪᕐᖄᑦ ᐱᓇᓱᑦᑏᓗ ᑐᓴᐅᒪᔭᐅᒋᐊᓕᓐᓂᒃ ᐱᑎᖃᑦᑕᓗᒋᑦ, ᐃᓕᓐᓂᐊᑎᑦᓯᓗᓂᓗ, ᐃᑲᔪᖃᑦᑕᓗᓂ ᑮᓇᐅᑦᔭᓵᓅᓕᖓᔪᓂᒃ ᑐᑭᓯᔭᐅᒋᐊᓕᓐᓂᒃ, ᐃᓚᒋᔭᐅᑎᓪᓗᒋᑦ ᐊᑭᓕᑦᑕᐅᓗᐊᕐᑐᕕᓂᖃᑉᐸᑦ ᐋᕐᕿᑕᐅᓂᑦᓴᖏᓐᓄᑦ ᐱᓇᓱᑦᑎᓄᑦ.
• ᖃᐅᔨᓴᖃᑦᑕᓗᓂ ᑭᖑᕙᕐᓯᒪᖕᖏᑲᓗᐊᕐᒪᖔᑕ ᑕᒻᒪᓯᒪᖕᖏᑐᓂᓪᓗ ᐊᑐᓕᕐᑎᑕᐅᓯᒪᒻᒪᖔᑕ ᑮᓇᐅᑦᔭᓵᓄᑦ ᑐᕌᖓᔪᑦ ᐁᑦᓯᐊᓂᕐᒧᓗ ᐊᐅᓚᑦᓯᓂᕐᒧᑦ ᒪᓕᑦᑕᐅᒋᐊᓖᑦ, ᐃᓚᒋᔭᐅᑎᓪᓗᒍ ᑭᓯᐊᓂ ᑭᓪᓕᖃᑦᑎᑕᐅᓂᖏᑐᑦ, ᐱᒋᐊᕈᑎᑦᓴᓄᑦ ᑕᑕᓴᕋᑦᓭᑦ, ᐱᓇᓱᖕᖏᑐᕕᓂᐅᓂᕃᒍᑏᑦ ᑕᑕᓴᕋᑦᓭᑦ, ᐱᓇᓱᑦᑐᕕᓂᐅᓂᕃᒍᑏᑦ ᑕᑕᓴᕋᑦᓭᑦ, ᐊᓪᓚᓯᒪᔪᑦ;
• ᐊᓪᓚᖃᑦᑕᓗᓂ ᐱᓀᓗᑕᐅᔪᓂᒃ, ᐃᓱᐃᓪᓕᐅᕈᑎᐅᔪᓂᒃ, ᐅᓐᓕᓘᑎᐅᔪᓂᓪᓗ ᐱᓇᓱᑦᑎᓄᑦ;
• ᐃᑲᔪᖃᑦᑕᓗᓂ ᑲᑎᕐᓱᐃᓕᕐᐸᑕ ᐊᐅᓚᑦᓯᓂᕐᒥᓗ ᑮᓇᐅᑦᔭᓵᓄᑦ ᐊᓪᓚᖁᑎᓂᒃ, ᐊᓪᓚᓯᒪᔪᓂᒃ, ᑐᓴᐅᒪᔭᐅᒋᐊᓕᓐᓂᓗ.

ᐊᓯᖏᑦ

• ᐃᑲᔪᖃᑦᑕᓗᓂ ᐱᓇᓱᑦᑐᓕᕆᔨᒃᑯᑦ ᐱᓇᓱᐊᕋᑦᓴᓕᐊᖏᓐᓂ, ᐱᒋᐊᕐᑎᓯᒪᔭᖏᓐᓂᓗ;
• ᑲᔪᓯᑎᑦᓯᖃᑦᑕᓗᓂ ᐊᓯᖏᓐᓂᕐ ᐱᓇᓱᐊᕋᑦᓴᐅᔪᓂᒃ ᑎᓕᔨᒍᑎᐅᔪᓂᒃ ᐊᖓᔪᕐᖄᒧᑦ.

ᐱᒍᓪᓇᐅᑎᒋᒋᐊᓕᖏᑦ:

• ᐳᕐᑐᓂᕐᓴᒥ ᐃᓕᓐᓂᐊᓯᒪᓗᓂ ᐊᕐᕌᒍᕐᓂ ᐱᖓᓱᓂᒃ (3), ᐅᕝᕙᓘᓐᓃᑦ ᐊᐅᓚᑦᓯᔨᐅᓂᕐᒥᒃ ᐱᓇᓱᑦᓯᒪᓗᓂ, ᐊᐅᓚᑦᓯᔨᒻᒪᕆᐅᔪᕕᓂᐅᓯᒪᓗᓂᓘᓐᓃᑦ.
• ᑕᓪᓕᒪᓂ ᐊᕐᕌᒍᕐᓂ (5) ᐱᓇᓱᑦᓯᒪᔪᕕᓂᐅᓗᓂ ᑐᑭᐊᒎᕐᑐᒥ.

ᐃᓕᓴᕐᓂᓕᕆᓂᖅ, ᐃᓱᒪᕐᓱᕈᑎᒋᓗᓂᐅᒃ, ᐊᑐᖕᖏᑕᖃᑐᐃᓐᓇᕆᐊᓕᒃ ᐃᓚᖏᓐᓂᒃ ᐃᓘᓐᓀᓂᓘᓐᓃᑦ ᐱᔪᓐᓇᐅᑎᖃᕐᕕᐅᖁᔭᐅᑫᓐᓇᑐᓂᒃ ᑕᑯᓯᒪᔪᕆᒍᓂ ᐱᓇᓱᑦᑐᓴᒥᒃ ᐃᓚᐅᔫᖓᓂ ᔦᒻᔅ ᐯ ᑯᐯᑉ ᑕᕐᕋᖓᓐᓂᓪᓗ ᐊᖏᖃᑎᒌᒍᑎᒧᑦ (JBNQA) ᑕᑯᓯᒪᔪᕆᔭᖓᓗ ᐊᖏᕐᐸᑦ, ᐱᓇᓱᓚᖓᓂᖓᓅᓕᖓᑎᓪᓗᒍ, ᐃᓕᓐᓂᐊᓚᖓᓂᕐᒥᓂᒃ ᐱᔭᕆᐅᕐᓴᑕᐅᕈᑎᒋᓗᓂᒍ ᐃᓕᓴᕐᓂᓕᕆᓂᐅᑉ ᐋᕐᕿᑕᐅᑎᑕᖓᓂᒃ.

ᐊᑐᕈᓐᓇᒋᐊᓕᖏᑦ:

• ᐅᖄᒍᓐᓇᓯᐊᕐᓗᓂ ᐃᓄᒃᑎᑐᑦ ᐊᒻᒪᓗ ᐅᖃᐅᓰᕐᓂᒃ ᐊᑐᕐᑕᐅᔫᓐᓂᒃ ᓇᓪᓕᑐᐃᓐᓇᖓᓂᒃ ᐅᖄᒍᓐᓇᓗᓂ ᑐᑭᓯᒍᓐᓇᒋᖃᓕᒃ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ (ᖃᓪᓗᓈᑎᑐᑦ, ᐅᐃᒍᐃᑎᑐᑦ).
• ᖃᐅᔨᒪᓗᓂ ᐃᓄᐃᑦ ᐃᓗᕐᖁᓯᖓᓂᒃ;
• ᐱᓇᓱᖃᑦᑕᓯᒪᓗᓂ ᐱᓇᓱᑦᑎᓴᕐᓯᐅᓂᕐᒥᒃ;
• ᐱᓇᓱᖃᑦᑕᓯᒪᓗᓂ ᐃᓕᓐᓂᐊᓂᓕᕆᓂᕐᒥᒃ;
• ᐱᓇᓱᖃᑦᑕᓯᒪᓗᓂ ᑲᑐᑦᔨᖃᑎᒌᑦᑕᓕᒻᒥᒃ ᐱᓇᓱᕝᕕᒥ (ᐃᑲᔪᕐᓯᓂᓕᒃ);
• ᐋᕐᕿᓱᐃᑦᓯᐊᒍᓐᓇᓗᓂ ᐊᐅᓚᑦᓯᓯᐊᒍᓐᓇᓗᓂᓗ;
• ᐃᓄᑑᓗᓂ ᐱᓇᓱᒍᓐᓇᓯᐊᕐᓗᓂ;
• ᐊᐅᓪᓚᖃᑦᑕᕈᒪᓂᖃᑦᓯᐊᓗᓂ ᐊᑦᔨᒌᖕᖏᑐᓄᑦ ᓄᓇᓕᓐᓄᑦ ᓄᓇᕕᒻᒥ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕆᐅᑎᑦᓴᖏᓪᓗ:

Class 00-08 ᒪᓕᓪᓗᒋᑦ ᐱᓇᓱᓐᓂᒧᑦ ᖃᓄᐃᓕᖓᓂᖏᑦ ᐊᐅᓚᑦᓯᔩᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ: ᐱᒋᐊᕐᓗᓂ $101,612 to $135,480 ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᙵᕕᒋᓗᒋᑦ.

*ᐃᓪᓗᖃᕐᑎᓯᖕᖏᑐᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ.*

(ᐃᓄᐃᑦ ᐃᓚᐅᔫᒍᑎᓖᑦ ᐱᔪᓐᓇᐅᑎᓖᑦ ᐃᓪᓗᖃᕐᑎᑕᐅᓂᕐᒧᑦ ᐃᑲᔫᑎᑦᓴᓂᒃ.)