ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐃᓕᓐᓂᐊᕈᑎᓕᐅᕐᕕᒥ ᑐᑭᒧᐊᑦᑎᓯᔨᒥᒃ ᐱᓇᓱᐊᖃᑎᖃᕐᓗᓂᓗ ᐊᓯᖏᓐᓂᒃ ᐊᐅᓚᑦᓯᓂᓕᕆᔨᓂᒃ ᐃᓕᓐᓂᐊᕈᑎᓕᐅᕐᕕᒥ, ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ ᑲᒪᒋᔭᖃᕆᐊᓕᒃ ᐱᔭᑦᓴᓂᒃ ᐱᓇᓱᐊᕆᐊᓕᓐᓂᓗ ᐅᑯᓂᖓ:

• ᑲᒪᒋᔭᖃᕐᓗᓂ ᐊᑐᐃᓐᓇᕈᕐᑎᕆᖃᑦᑕᓗᓂᓗ ᐋᕐᕿᓱᐃᓂᒃᑯᑦ ᓄᑕᐅᓯᓕᕐᑐᐃᖃᑦᑕᓗᓂᓗ ᐃᓕᓐᓂᐊᑎᑦᓯᒍᑎᓂᑦ ᐃᓕᓐᓂᐊᑕᐅᔪᓂ ᐅᖃᐅᓯᐅᑉ ᐁᑉᐱᐅᑎᖓᓂ ᐳᒃᑭᓂᕐᓴᒥ, ᐃᓚᒋᐊᓪᓚᑐᒥᒃ ᐃᓕᑕᕆᔭᐅᒍᑎᑖᕋᓱᐊᕐᑐᓄᑦ ᐃᓕᓐᓂᐊᑐᓄᑦ;
• ᐊᑐᐃᓐᓇᕈᕐᑎᕆᖃᑦᑕᓗᓂ ᓄᑕᐅᓯᓕᕐᑐᐃᖃᑦᑕᓗᓂᓗ ᐱᓇᓱᐊᕐᓂᐅᔪᓂ ᑲᔪᓯᑎᑦᓯᒍᑎᐅᒐᔭᕐᑐᓂᒃ ᐃᓕᓐᓂᐊᕋᑦᓴᓄᑦ ᒪᓕᑦᓱᒋᑦ ᒪᓕᑦᑕᐅᖁᔭᐅᔪᑦ ᐃᓕᓐᓂᐊᓂᕐᒧᑦ ᒥᓂᔅᑕᖃᕐᕕᒧᑦ;
• ᐃᑲᔪᖃᑦᑕᓗᓂ ᐱᐅᓭᓂᕐᒥᒃ ᑲᔪᓯᒃᑫᓂᕐᒥᓗ ᐃᓕᓐᓂᐊᑕᐅᔪᕕᓂᕐᓂᒃ ᖃᐅᔨᓴᐅᑎᑦᓴᓂᒃ ᐊᒻᒪᓗ ᐃᓕᓐᓂᐊᕕᐅᑉ ᐃᓗᐊᓂ ᖃᐅᔨᓴᕈᑎᐅᖃᑦᑕᕋᔭᕐᑐᓂᒃ ᐃᓕᓐᓂᐊᑕᐅᔪᓂ;
• ᑲᒪᒋᔭᖃᖃᑦᑕᓗᓂ ᐱᓇᓱᑦᑏᑦ ᐱᓇᓱᐊᕐᑕᖏᓐᓂᒃ ᑲᒪᒋᒋᐊᓕᒥᓂᒃ;
• ᑮᓇᐅᔦᑦ ᑐᕌᒐᖏᓐᓂᒃ ᑲᒪᒋᔭᖃᖃᑦᑕᓗᓂ ᐋᕐᕿᓱᕐᓗᒋᓪᓗ, ᐊᑐᕐᑕᐅᓂᖏᑦ ᐊᒻᒪᓗ ᑐᓴᕐᑎᓯᐅᑎᓕᐅᖃᑦᑕᓗᓂ ᑭᖕᖒᒪᒋᔭᐅᓕᕐᐸᑕ;
• ᐃᓚᐅᖃᑦᑕᓗᓂ ᐋᕐᕿᓱᐃᓂᕐᒥᒃ ᓄᑕᐅᓯᓕᕐᑐᐃᓂᕐᒥᓗ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐱᖁᔭᖏᓐᓂᑦ ᐊᒻᒪᓗ ᒪᓕᒐᖏᓐᓂᑦ;
• ᑭᒡᒐᑐᕐᓗᒍ ᑲᑎᕕᒃ ᐃᓕᓴᕐᓂᓕᕆᓂᖅ, ᑌᒣᒋᐊᖃᓕᕈᓂ, ᑐᖕᖓᕕᓕᓐᓂᒃ ᐱᓇᓱᒐᖓᓅᓕᖓᔪᓂᒃ;
• ᐃᓚᐅᕕᖃᖃᑦᑕᓗᓂ ᐊᑦᔨᒌᖕᖏᑐᓄᑦ ᑲᑎᖕᖓᕕᐅᕕᓐᓄᑦ ᐱᓇᓱᒐᖏᓐᓅᓕᖓᔪᓂᑦ;
• ᑲᒪᒋᔭᖃᖃᑦᑕᓗᓂ ᐱᓇᓱᕝᕕᐅᑉ ᓯᓚᑖᓂ ᑮᓇᐅᔭᖃᕐᑎᓯᓂᕐᒧᑦ ᐊᑦᔨᒌᖕᖏᑐᓄᑦ ᐱᓇᓱᐊᕐᑕᐅᔪᓄᑦ;
• ᑲᒪᒋᔭᖃᖃᑦᑕᓗᓂᓗ ᐊᓯᖏᓐᓂᒃ ᐱᔭᑦᓴᓂᒃ ᐱᓇᓱᐊᕐᑕᐅᖁᔭᐅᔪᓂᑦ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

• ᐃᓕᓐᓂᐊᕕᕐᔪᐊᒥ ᐱᔭᕇᕐᓯᒪᒍᑎᒃ ᐊᑐᕐᓂᖃᕈᓐᓇᑐᓂᒃ ᐃᓕᓐᓂᐊᓯᒪᓗᓂ ᐊᕐᕌᒍᓂᒃ ᐱᖓᓱᓂᒃ ᐃᑭᓐᓂᓴᐅᖕᖏᑐᓂᒃ ᐃᓕᓐᓂᐊᑕᐅᒋᐊᓕᑦᓴᔭᒥᒃ ᐅᕝᕙᓘᓐᓃᑦ ᐱᓇᓱᒐᖃᕐᓯᒪᓗᓂ ᐱᓇᓱᑦᑎᒪᕆᐅᓂᕐᒥᒃ ᑲᒪᔨᒻᒪᕆᐅᓂᕐᒥᓘᓐᓃ ᐃᓕᓐᓂᐊᕕᕐᔪᐊᒥ ᐱᔭᕇᕐᓯᒪᔪᐃᑦ ᑭᖕᖒᒪᒋᔭᐅᔪᑦ ᐱᒍᓐᓇᐅᑎᖃᓪᓗᑯᒋᐊᓖᑦ;
• ᐱᖓᓲᔪᕐᑐᓂᒃ (6) ᐊᕐᕌᒍᓂ ᐊᑐᕐᓂᖃᕈᓐᓇᑐᓂᒃ ᐱᓇᓱᓚᐅᕐᓯᒪᓗᓂ, ᐃᓚᖃᕐᑎᓗᒍ ᐱᓇᓱᖃᑎᒌᑦᑐᓂᒃ ᑲᒪᔨᐅᓚᐅᕐᓯᒪᓂᕐᒥᒃ;
• ᐃᓕᓐᓂᐊᑎᑦᓯᒍᓐᓇᐅᑎᖃᕐᓗᓂ ᐃᓕᑕᕆᔭᐅᓯᒪᔪᒥᒃ ᐃᓕᓐᓂᐊᓂᓕᕆᓂᕐᒥ ᐱᖁᔭᖅ ᑯᕇᒃᑯᓄᑦ, ᐃᓄᓐᓄᑦ ᐊᒻᒪᓗ ᓇᔅᑳᐱᓄᑦ (R.S.Q., c. I-14).

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᐅᖄᒍᓐᓇᓯᐊᕐᓗᓂ ᒪᕐᕉᓂᒃ (2) ᐅᖃᐅᓰᓐᓂᒃ ᐱᖓᓱᓂᑦ (3) ᐅᖃᐅᓯᕆᔭᐅᔪᓂᑦ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ);
• ᓯᕗᓕᕈᓐᓇᓂᖃᕐᓗᓂ ᐱᓇᓱᐊᖃᑎᒌᓐᓂᒥᓪᓗ ᑲᔪᖏᕐᓭᒍᓐᓇᓗᓂ;
• ᐃᓕᓐᓂᐊᑎᑦᓯᓯᒪᔫᓗᓂ ᓄᓇᕕᒻᒥ ᐱᐅᔫᒐᔭᕐᑐᖅ
• ᐊᕐᕕᑕᖃᑦᑕᕈᓐᓇᕆᐊᓕᒃ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 10* ᒪᓕᑦᓱᒋᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᒐᖃᕐᓂᒥ ᖃᓄᐃᑦᑐᒦᓐᓂᖃᕈᑎᖏᑦ ᐊᐅᓚᑦᓯᓂᓕᕆᔩᑦ: 113 708 $ ᑎᑭᑦᓱᓂ 151 605 $ -ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᙵᕕᒋᓗᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.