ᐃᓂᖓ ᐱᓇᓱᐊᕆᐊᓕᖏᓪᓗ:

ᑐᓴᕐᑎᓯᖃᑦᑕᓗᓂ ᐃᓄᒻᒪᕇᑦ ᐃᓕᓐᓂᐊᕕᖓ ᐱᓇᓱᒐᕐᓂᓗ ᐱᒋᐅᕐᓴᕕᐅᑉ ᑐᑭᒧᐊᕐᑎᓯᔨᖓᓂᒃ, ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ ᐱᔭᑦᓴᓕᒃ ᖃᓄᐃᓘᕐᓂᐅᒋᐊᓕᓕᒫᓂᒃ ᐱᒍᑦᔨᕕᒻᒥᒃ ᐱᓇᓱᕝᕕᓄᑦ ᓄᓇᓕᓐᓄᓗ (SBC) ᐱᓇᓱᕝᕕᐅᔪᑦ ᐱᕈᕐᐸᓕᐊᔪᑦ ᐱᓇᓱᐊᕋᑦᓴᓄᑦ, ᐱᓇᓱᐊᖃᑎᖃᕐᓃᑦ, ᑮᓇᐅᔭᖃᕐᑎᑕᐅᒍᑎᖏᓪᓗ ᐊᑦᔨᒌᖕᖏᑐᓂᒃ ᐱᕙᓪᓕᐊᓂᖏᑦ. ᑖᓐᓇ ᐱᓇᓱᒐᖅ ᐃᒻᒥᓂᕿᒍᓐᓇᓗᓂ ᐳᕐᑐᓂᕐᓴᒦᑦᓱᓂ ᐸᕐᓇᓂᕐᒥᒃ, ᐊᑐᓕᕐᑎᓯᓂᖅ, ᐃᑉᐱᒋᔭᖃᕐᓂᓗ SBC ᐱᓇᓱᐊᕐᑎᓯᒍᑎᖏᓐᓂᑦ, ᐱᓇᓱᐊᖃᑎᖏᓐᓂᓗ, ᐊᒻᒪᓗ ᑮᓇᐅᔭᓂᒃ ᐱᓇᓱᐊᕈᑎᑦᓴᓂᒃ ᐊᖏᖃᑎᒌᒍᑎᓂᒃ, ᑲᒪᒋᔭᖃᕐᓱᓂᓗ ᐃᑲᔪᕐᑎᒌᓐᓂᓂᒃ ᑮᓇᐅᔭᓕᕆᓂᕐᒥ ᑮᓇᐅᔭᕐᑐᓂᕐᒥᓪᓗ ᒪᓕᑦᑕᐅᒋᐊᓕᓐᓂᒃ. ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ ᑐᓂᓯᒪᓪᓚᕆᓐᓂᒥᒃ ᓯᕗᓕᕐᓂᖃᓲᖑᒻᒥᔪᖅ ᓴᐳᑦᔨᓂᒃᑯᑦ ᐱᕈᕐᐸᓕᐊᓂᕐᒥᒃ ᐊᒻᒪᓗ ᓄᑖᓂᒃ ᖃᐅᔨᒻᒪᓭᓂᕐᒥᒃ ᐱᒍᑦᔨᕕᐅᔪᓂ, ᐊᒻᒪᓗ ᑲᒪᒋᔭᖃᓪᓚᕆᑦᓱᓂ ᐱᓇᓱᐊᕋᑦᓴᓂᒃ ᐱᕙᓪᓕᐊᑎᑦᓯᔨᓂᒃ ᐊᐅᓚᑦᓯᓂᓕᕆᓂᕐᒥᓗ ᐱᓪᓗᑯᒋᐊᓕᓕᕆᔨᓂᒃ.

ᐱᓇᓱᒐᕐᒥ ᒪᑯᓂᖓ ᐱᔭᑦᓴᑕᓕᒃ ᐊᓯᖏᓐᓂᓗ:

• ᖃᐅᔨᓭᓐᓇᓗᒋᑦ SBC-ᑯᑦ ᐱᓇᓱᐊᕋᑦᓴᓕᒫᖏᑦ, ᖃᐅᔨᒪᒋᐊᕐᓗᒋᑦ ᐊᑦᔨᖃᕋᓗᐊᕐᒪᖔᑕ ᐱᓇᓱᕝᕕᐅᑉ ᑐᕌᒐᖏᓐᓂᒃ ᐊᒻᒪᓗ ᓄᓇᓖᑦ ᐱᔭᕆᐊᖃᕐᑕᖏᓐᓂᒃ.
• ᐊᐅᓚᑦᓯᓗᓂ ᓇᑭᑐᐃᓐᓇᖅ ᑮᓇᐅᔭᓂᒃ ᐱᓯᒪᔪᓂᒃ, ᑮᓇᐅᔦᑦ ᑐᕌᒐᖏᑦ, ᒪᓕᑦᑕᐅᒋᐊᓖᑦ, ᑐᓴᒐᑦᓴᓕᐅᕐᓂᖅ, ᐊᒻᒪᓗ ᐃᓱᐃᓪᓕᕈᑎᐅᑐᐃᓐᓇᕆᐊᓖᑦ ᐃᑯᓪᓚᑎᑕᐅᒋᐊᖃᕐᓂᖏᓐᓂᒃ ᐃᓚᐅᑎᓪᓗᒋᑦ.
• ᐋᕐᕿᓱᐃᓗᓂ ᑲᔪᓯᑎᑦᓯᓗᓂᓗ ᐱᓇᓱᐊᖃᑎᒋᒍᒪᔭᐅᔪᓂᒃ ᓄᓇᓕᓐᓂ ᑎᒥᐅᔪᓂᒃ, ᓯᓚᑖᓂᓗ ᑎᒥᐅᔪᓂᒃ.
• ᐃᓚᐅᖃᑦᑕᓗᓂ ᑎᒥᐅᔪᓕᒫᓂ ᐱᒋᐊᕐᑎᑕᐅᔪᓂᒃ ᐱᒍᑦᔨᓂᕐᒥᒃ ᐱᓇᓱᕝᕕᒥ ᐊᒻᒪᓗ ᓄᓇᓕᓐᓂ, ᐱᓇᓱᒐᕐᓂᒃ ᐱᒋᐅᕐᓴᓃᑦ , ᐃᓘᓐᓈᒍᑦᐃᓕᓐᓂᐊᓂᕐᒥᓗ
• ᐊᐅᓚᑦᓯᓗᓂ ᐃᑲᔪᕐᓯᓗᓂᓗ ᐱᓇᓱᑦᑎᓂᒃ, ᐃᓚᒋᔭᐅᑎᓪᓗᒋᑦ ᐱᓇᓱᐊᕐᑕᐅᒍᒪᔪᓂᒃ ᐱᓇᓱᑦᑎᓕᕆᔩᑦ, ᐃᒫᙰᕐᑎᓄᑦ
• ᐃᑉᐱᒋᔭᖃᕐᓗᓂ ᓱᑲᓐᓂᕆᔭᖏᓐᓂ ᐊᒻᒪᓗ ᐱᓇᓱᐊᕐᓃᑦ ᖃᐅᔨᓴᕐᑕᐅᓂᖏᓐᓂᒃ ᐃᓘᓐᓇᑎᒃ SBC-ᑯᑦ ᓱᒐᓚᖃᑦᑕᑕᖏᑦ ᐱᓂᐊᕐᓂᖏᓐᓂᒃ ᐊᒻᒪᓗ ᐱᓇᓱᐊᕆᓚᖓᔭᖏᑦ.
• ᐊᐅᓚᑦᓯᓗᓂ ᐸᕐᓀᒍᑎᒥᒃ ᓇᓗᓀᕐᓯᖃᑦᑕᓗᓂᓗ ᐱᕕᑦᓴᓂᒃ ᐱᓇᓱᐊᕈᑎᑦᓴᓄᑦ ᐱᕙᓪᓕᐊᑎᑦᓯᓂᕐᒧᑦ ᐊᖏᓕᒋᐊᕐᑎᓯᓂᕐᒧᓗ.
• ᑭᒡᒐᑐᕐᓗᒍ ᐱᒍᑦᔨᕕᒃ ᓯᓚᑖᓂ ᑲᑎᖕᖓᖃᑎᖃᕐᓂᓂ, ᐊᖏᖃᑎᒌᒐᓱᐊᕐᓂᓂᒃ, ᐊᒻᒪᓗ ᐱᓇᓱᕝᕕᓂ ᑲᑎᖕᖓᕕᓐᓂ.
• ᒪᓕᖃᑎᒌᑦᑐᓂᒃ ᐊᐅᓚᑦᓯᓗᓂ ᐱᓇᓱᒍᑎᐅᔪᓂᒃ ᑮᓇᐅᔭᓂᒃ ᐊᖏᖃᑎᒌᒍᑎᓂᒃ, ᒪᓕᒐᕐᓂᒃ, ᐊᒻᒪᓗ ᑎᒥᐅᔫᑉ ᐱᓇᓱᒍᓯᑦᓴᔭᖏᓐᓂᒃ.
• ᓲᓱᒋᔭᖃᕐᓗᓂ ᐊᓯᖏᓐᓂᒃ ᐱᓇᓱᐊᕐᑕᐅᖁᔭᐅᔪᓂᒃ ᑐᖕᖓᕕᖏᓐᓅᓕᖓᔪᓂᒃ ᑎᓕᔭᐅᒍᑎᒋᑐᐃᓐᓇᕆᐊᓕᓐᓄᑦ ᐱᓇᓱᕝᕕᒥ ᐊᖓᔪᕐᖄᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐱᔭᕇᕐᓯᒪᐅᑎᖃᕐᓂᓗ ᐊᐅᓚᑦᓯᓂᓕᕆᔨᐅᓂᕐᒥᒃ ᑕᒪᑦᓱᒧᖓᓕᖓᔪᒥᓪᓘᓃᑦ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐊᑐᕈᓐᓇᕆᐊᓕᖏᑦ:

• ᐊᕐᕌᒍᓂ ᓯᑕᒪᐅᔪᕐᑐᓂ (8) ᑌᒣᑦᑐᒐᓛᒥᒃ ᐱᓇᓱᐊᕐᓯᒪᓗᓂ ᐊᕐᕌᒍᓂ ᑕᓪᓕᒪᓂ ᐊᐅᓚᑦᓯᓂᓕᕆᓂᕐᒥ ᐱᓇᓱᐊᕐᓯᒪᓗᓂ.
• ᐅᖃᐅᓰᕐᓂᒃ ᒪᕐᕉᓂᒃ ᐱᒍᓐᓇᑕᖃᕐᓗᓂ ᐃᓕᓐᓂᐊᓂᓕᕆᓂᐅᑉ ᐅᖃᐅᓯᖏᑦᑕ ᓇᓪᓕᖏᓐᓂᒃ (ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ).
• ᐊᐅᓚᑦᓯᓂᓕᕆᓂᖃᕈᓐᓇᓯᐊᕐᓗᓂ ᐃᓂᓪᓚᖓᕈᓐᓇᓯᐊᕐᓗᓂ ᐱᓇᓱᑦᓯᐊᕈᓐᓇᓇᕐᑐᒥᒃ ᐊᕙᑎᖃᕐᑎᓯᓂᕐᒧᑦ.
• ᐱᒋᐊᖕᖓᑎᑦᓯᖃᑦᑕᓗᓂ.
• ᖃᐅᔨᒪᔭᖃᑦᓯᐊᓗᓂ ᖃᕆᑕᐅᔭᕈᑎᓂᒃ MS Outlook-ᒥᒃ, Word-ᒥᒃ, Excel-ᒥᓪᓗ.
• ᓄᓇᕕᒻᒥᒃ ᐃᓄᐃᓪᓗ ᐃᓗᕐᖁᓯᖓᓂᒃ ᖃᐅᔨᓴᔭᖃᕈᓂ ᐱᐅᔪᖅ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 10* ᒪᓕᑦᓱᒋᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᒐᖃᕐᓂᒥ ᖃᓄᐃᑦᑐᒦᓐᓂᖃᕈᑎᖏᑦ ᐊᐅᓚᑦᓯᓂᓕᕆᔩᑦ: $116,551-ᓂᑦ $155,396-ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᙵᕕᒋᓗᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.