ᐃᓂᖓ ᐱᓇᓱᐊᕆᐊᓕᖏᓪᓗ:

• ᐊᑐᐃᓐᓇᕈᕐᑎᓯᓗᓂ ᐊᒻᒪᓗ ᐊᑑᑎᑎᑦᓯᓂᖅ ᐱᓇᓱᐊᕐᑕᐅᒋᐊᓕᓐᓂᒃ ᐊᑑᑎᔭᐅᓲᓂᒃ ᓇᓯᕝᕕᒥ ᑲᖏᕐᓱᔪᐊᒥ;
• ᐋᕐᕿᓱᐃᓗᓂ ᓱᓇᒐᓚᓐᓂᒃ ᐅᑯᓂᖓ ᐃᑲᔪᕈᓐᓇᑐᓂᒃ:
  • ᓄᐃᑦᓯᓗᓂ ᓈᒻᒪᓯᐊᕐᑐᓂᒃ ᐃᑲᔪᕐᓯᒍᑎᑦᓴᓂᒃ ᒪᑯᓂᖓ:
  • ᐃᓕᓐᓂᐊᑐᑦᓴᓯᐅᕈᑎᓂᒃ;
  • ᐃᓕᓐᓂᐊᑐᐃᑦ ᐱᒋᐅᕐᓴᑎᑕᐅᓂᖏᑦ ᑲᔪᓯᖏᓐᓇᑎᓗᒋᑦ;
  • ᐱᓇᓱᖃᑎᒌᑦᑐᓄᑦ ᐱᓇᓱᖃᑎᒌᑦᓯᐊᓂᖏᑦ;
• ᐱᒋᐅᕐᓴᕕᐅᑉ ᓄᓇᓕᓕᒫᓂ ᓲᓱᒋᔭᐅᑦᓯᐊᕈᑎᖏᑦ;
• ᑲᒪᔨᐅᓗᓂ ᐱᒋᐅᕐᓴᕕᒻᒥ Wsy3ᓲᑎᒋᑦᓱᒋᑦ ᐱᒋᐅᕐᓴᑎᑦᓯᓂᕐᒥᓄᑦ ᓱᓇᓱᐊᕐᑎᓯᒍᑎᖏᓐᓂᒃ;
• ᐃᑲᔪᕐᓯᒪᓗᓂ ᐃᓕᓐᓂᐊᑎᑦᓯᔨᓂᒃ ᐱᓇᓱᐊᕐᑕᖏᓐᓂᑦ;
• ᐱᕙᓪᓕᐊᑎᑦᓯᓗᓂ ᓇᔪᕋᑦᓴᓯᐊᒥᒃ ᐊᑲᐅᓈᕐᓯᒪᒋᐊᕐᑐᒥᒃ ᐃᓕᑦᓯᓂᕐᒥ;
• ᐱᑐᑦᓯᒪᒍᑎᑦᓭᑦ ᐃᓕᓐᓂᐊᓂᕐᒨᓕᖓᔪᓂᕐ ᐱᓇᓱᐊᕐᑎᓯᒍᑎᓄᑦ ᐊᒻᒪᓗ ᐃᓕᓐᓂᐊᑏᑦ ᐊᓂᕐᕋᕆᑦᓱᒍ ᓇᔪᒐᖓᓄᑦ ᐱᓇᓱᐊᖃᑎᒋᓗᒍ ᐊᓂᕐᕋᖏᑦᑕ ᑲᒪᔨᖓ;
• ᐱᕙᓪᓕᐊᑎᑦᓯᓗᓂ ᑲᒪᒋᔭᖃᕐᓗᓂᓗ ᐱᓇᓱᐊᕐᑕᐅᔪᓂᒃ ᐃᑲᔪᕐᓯᒪᒐᓱᐊᕐᑐᓂᒃ ᐃᓕᓐᓂᐊᑐᐃᑦ ᐱᕈᕐᐸᓕᐊᓂᖏᓐᓂᒃ ᐊᒻᒪᓗ ᐃᓗᕐᕈᓯᕐᒥᒍᑦ ᐃᓅᖃᑎᒌᒍᓯᖏᓐᓂᒃ.

ᐱᒍᓐᓇᐅᑎᒋᒋᐊᓕᖏᑦ:

• ᐃᓕᓐᓂᐊᕕᕐᔪᐊᒥ ᐱᔪᓐᓇᐅᑎᑖᕐᓯᒪᓗᓂ ᐃᓕᓐᓂᐊᓂᓕᕆᓂᕐᒥᒃ;
• ᐊᕐᕌᒍᓂᒃ ᓯᑕᒪᐅᔪᕐᑐᓂᒃ ᐊᑐᕐᓂᖃᕈᓐᓇᑐᓂᒃ ᐱᓇᓱᐊᓚᐅᕐᓯᒪᓗᓂ;

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᓄᑦ  ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐊᒻᒪᓗ ᐊᖏᕐᓯᒪᑐᐊᕐᐸᑦ ᑖᓐᓇ, ᐱᓇᓱᒐᖓᑕ ᖃᓄᐃᓕᖓᓂᖓᓄᑦ ᐃᓚᒋᔭᐅᑎᓪᓗᒍ, ᐃᓕᓐᓂᐊᑎᑕᐅᒍᑎᑦᓴᓂᐊᖑᓯᒪᔪᓂᒃ ᐃᓕᓐᓂᐊᓂᓕᕆᓂᕐᒧᑦ ᐃᓕᓐᓂᐊᖃᑎᐅᓂᐊᕐᓗᓂ.

ᐱᒍᓐᓇᓯᐊᕆᐊᓕᖏᑦ:

• ᐱᓇᓱᐊᓕᓂᐅᓪᓚᕆᓪᓗᓂ ᐱᒋᐅᕐᓴᑎᑦᓯᓂᕐᓂᑦ ᐊᒻᒪᓗ/ᐅᕝᕙᓘᓐᓃᑦ ᐱᓪᓗᑯᒋᐊᓕᓐᓂᒃ ᐱᒋᐅᕐᓴᑎᑦᓯᓂᕐᓂᒃ;
• ᐱᓇᓱᐊᓕᓂᐅᓪᓚᕆᓪᓗᓂ ᐊᒥᓱᓂᒃ ᐃᓄᓐᓂᒃ ᑲᒪᒋᔭᖃᕆᐊᓕᓐᓂᒃ;
• ᐅᖄᒍᓐᓇᓯᐊᕐᓗᓂ ᐊᒡᓚᒍᓐᓇᓯᐊᕐᓗᓂᓗ ᐅᖃᐅᓰᓐᓂᒃ ᒪᕐᕉᓂᒃ ᐃᓕᓐᓂᐊᓂᓕᕆᓂᕐᒥ ᐊᑐᕐᑕᐅᔪᓂᑦ (ᐃᓄᒃᑎᑐᑦ, ᐅᐃᒍᐃᑎᑐᑦ, ᖃᓪᓗᓈᑎᑐᑦ);
• ᐱᓇᓱᐊᓚᐅᕐᓯᒪᒍᓂ ᓯᕗᓕᕐᓂᒥᒃ ᐃᓗᕐᕈᓯᖃᖃᑎᒌᖕᖏᑐᓂᒃ ᐱᓇᓱᓐᓂᖓᓂᒃ ᐃᑲᔪᕐᓯᒐᔭᕐᑐᖁᑎᒋᔭᖅ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᑦ:

ᐳᕐᑐᓂᖓ 00-08 ᐱᓇᓱᓐᓂᖓ ᒪᓕᑦᓱᒍ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐊᐅᓚᑦᓯᔨᐅᓂᖓᓄᑦ: $103,121-ᒥᒃ $137,492-ᒧᑦ ᐊᑦᕌᒍᑕᒫᑦ ᐱᔪᓐᓇᐅᑎᖏᑦ ᐱᓇᓱᐊᕐᓯᒪᔭᖏᓪᓗ ᒪᓕᑦᓱᒋᑦ.