ᑖᓐᓇ ᐱᓇᓱᐊᕈᓯ ᐊᑐᕐᑎᓗᒍ, ᑲᑎᕕᒃ ᐃᓕᓴᕐᓂᓕᕆᓂᖅ ᖁᕕᐊᓱᒍᑎᓕᒃ ᑲᒪᔨᓂᒃ ᐊᐅᓚᑦᓯᓂᓕᕆᔨᓐᓂᓗ ᐅᐱᒍᓱᓐᓂᒧᑦ ᐱᓇᓱᐊᕈᓯᕐᒥᒃ.

ᐱᕕᑦᓴᐅᓂᖓᓂ ᑕᑯᑦᓴᐅᑎᒋᐊᓪᓚᒍᒪᔭᒃᑲ, ᑲᒪᔨᑦᑕ ᐊᐅᓚᑦᓯᓂᓕᕆᔨᑦᑕᓗ ᐱᓇᓱᐊᕈᓐᓇᓚᕆᓐᓂᖏᑦ.  ᑖᒃᑯᐊᖑᑦᓱᓯ ᐱᓇᓱᖃᑎᒌᓐᓂᑯᑦ,,  ᐱᓇᓱᐊᓲᖑᕗᓯ ᓲᕐᓗ ᐃᑉᐱᓂᐊᕈᑎᕋᐅᑎᒋᔭᐅᑦᓱᓯ ᐃᓕᓐᓂᐊᓂᕐᒧᐊᖓᔪᓄᑦ ᐱᒍᑦᔨᐅᑎᓄᑦ. ᐅᓪᓗᑕᒣᑕᐱᒋᐊᕐᓂᖓᓂᑦ ᐃᓱᓕᓐᓂᖓᓄᑦ, ᐊᕐᖁᑎᑦᓴᐅᕗᓯ ᓭᒪᖃᑎᒌᓐᓂᒧᑦ, ᐱᒍᓐᓇᓱᓯ ᐱᓇᓱᑦᑎᓯ ᐱᒍᓐᓇᓯᐊᕐᓂᖏᓐᓂᒃ ᐱᒍᓐᓇᓯᐊᖕᖏᓂᖏᓐᓂᓗ ᐃᓪᓗᒌᑦᑎᒍᓐᓇᓱᒋᑦ ᐱᓇᓱᐊᕐᓂᖏᓐᓂᑦ ᐱᓇᓱᖃᑎᒌᑦᓯᐊᕈᓐᓇᑎᑦᓱᒋᑦ.  ᐊᑕᐅᓯᕐᒥᒃ ᑐᕌᒐᓕᐅᕐᓯᒪᖃᑎᒌᓐᓂᑯᑦ, ᐱᓇᓱᑦᑏᑦ ᐊᒻᒪᓗ ᓄᓇᕕᒻᒥᐅᑦ ᐃᓕᓐᓂᐊᑏᑦ ᐱᔭᖃᑦᓯᐊᕈᑎᑦᓴᖏᓐᓄᑦ ᐸᕐᓀᓲᖑᕗᓯ.

ᐱᒍᑦᔨᓱᒋᑦ ᐱᓇᓱᖃᑎᒋᓲᓕᒫᓯ ᐊᒻᒪᓗ ᐅᕙᓐᓂᑦ, ᓇᑯᕐᒦᒃ!

ᖄᔨᐊ ᑭᓕᐅᑕᒃ,
ᑲᔪᓯᒃᑫᔨ