ᖁᐊᕐᑎᕋᕐᒥᑦ ᑐᖕᖓᕕᑦᓴᓕᐅᕐᓂᖅ

ᐅᒃᑯᐊᓯᒪᔪᖅ
ᐊᓪᓚᓯᒪᔪᖕᖑᐃᒍᑎ ᐃᓚᐅᖃᑕᐅᖁᓪᓗᑎᑦ ᐅᑕᕐᕿᑎᑕᐅᔪᓄᑦ
ᖁᐊᕐᑎᕋᕐᒥᑦ ᑐᖕᖓᕕᑦᓴᓕᐅᕐᓂᖅ

ᐱᓇᓱᐊᖃᑕᐅᔪᑦ:

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᓴᓇᔩᑦ)

ᓄᓇᕕᒻᒥ ᐱᒋᐅᕐᓴᕕᒃ, ᐃᓄᒃᔪᐊᖅ

7 ᓄᐊᒍᓐᓇᑐᑦ ᐃᓕᑕᕐᓯᔭᐅᒪᒍᖏᑦ ᐃᓕᓐᓂᐊᓯᒪᓂᕐᒧᑦ

105 ᑫᕙᓪᓚᒍᓰᑦ ᓄᐊᒍᓐᓇᑐᑦ ᐱᒋᐊᖕᖓᕈᓐᓇᓂᕐᒧᑦ

ᐱᔭᕆᐅᕐᓴᓂᕐᑕᖓᑕ ᐅᓕᕐᓀᑕᐅᒍᑎᑕᖓ

ᑖᒃᑯᐊ ᐱᒍᓐᓇᑕᑎᑦ ᐃᓕᓐᓂᐊᑕᐅᓯᒪᒋᐊᓖᑦ ᐱᓇᓱᒍᓐᓇᓯᓂᐊᕋᕕᑦ! ᑫᕙᓪᓚᒍᓰᑦ ᐱᔭᕇᕐᓯᒪᔭᑎᑦ ᐊᑐᕈᓐᓇᑐᑦ ᐱᒋᐊᖕᖓᕈᓐᓇᓯᓂᕐᒧᑦ. ᐱᕕᑦᓴᖃᕐᑐᑎᑦ ᓄᐊᑦᓯᒍᓐᓇᓂᕐᒥᒃ ᐃᓕᓐᓂᐊᓯᒪᓂᕐᒧᑦ ᐃᓕᑕᕐᓯᔭᐅᒪᒍᑎᖏᓐᓂᒃ ᐱᔭᕇᒍᓐᓇᐅᑎᑖᕐᓂᒧᑦ ᐃᓕᓐᓂᐊᒍᒪᔭᕐᓂᒃ ᐃᓕᓐᓂᐊᓯᒪᓂᕐᒧᑦ (DVS) ᕿᔪᓕᕆᓂᕐᒥᒃ.

ᑖᓐᓇ ᐱᒋᐅᕐᓴᓂᖅ ᐃᑲᔪᕐᓯᒍᓐᓇᑐᖅ ᐱᒍᓐᓇᓂᕐᑖᕙᓪᓕᐊᓂᕐᒧᑦ. ᐋᖅᑭᓱᕐᑕᐅᓯᒪᔪᖅ ᐃᓄᓐᓄᑦ ᑖᒃᑯᓂᖓ ᐱᓇᓱᒋᐅᕐᓴᓕᕐᑐᓄᑦ ᐊᒻᒪᓗ ᐃᑲᔪᕐᓯᒍᓐᓇᓱᓂ ᐃᓪᓗᓕᐅᕐᑎᑐᖃᐅᔪᓂᒃ.

ᐱᒋᐅᕐᓴᔭᐅᓂᕐᓂᒃ ᐱᒍᓐᓇᓂᕐᑖᕋᔭᕐᑐᑎᑦ ᐊᑐᐃᓐᓇᕈᕐᑎᑕᐅᓗᑎᑦ ᒪᑯᓄᖓ:

  • ᐸᕐᓇᓂᖅ ᐱᓇᓱᐊᕋᑦᓴᓂᒃ
  • ᐃᓕᐅᖅᑫᓂᖅ ᐊᒻᒪᓗ ᓇᓪᓕᖁᐊᒌᓕᕐᑎᓯᓂᖅ ᑐᖕᖓᕕᑦᓴᖏᓐᓂᒃ
  • ᐃᓕᐅᖅᑫᓂᖅ ᖁᐊᕐᑎᕋᕐᒥᒃ ᐊᑭᓐᓇᑕᕐᒥᑦ
  • ᐋᖅᑭᓱᐃᓂᖅ ᐃᓕᙰᓐᓇᑐᑦᓴᓂᒃ
  • ᑐᑭᒧᐊᑦᓯᐊᓕᕐᑎᓯᓂᖅ ᓇᓛᒎᑦᓯᐊᓕᕐᑎᓯᓂᕐᓗ
  • ᓱᖅᑯᐃᓯᓂᖅ ᐱᓇᓱᐊᕐᑕᓂᑦ
  • ᓇᓗᓀᕐᓯᓂᖅ ᐊᑦᔨᒌᖕᖏᑐᓂᒃ ᐃᓕᙰᓐᓇᑎᕋᑦᓴᓂᒃ
  • ᐃᓕᐅᖅᑫᓂᖅ ᒪᔫᑎᓂᒃ ᐊᒻᒪᓗ ᐊᑦᑕᓇᕐᑎᓯᒌᒃᑯᑎᑦᓴᖏᓐᓂᒃ
  • ᐋᖅᑭᓱᐃᓂᖅ ᑐᖕᖓᕕᑦᓴᖏᓐᓂᒃ ᓴᐳᑦᔨᓚᖓᔪᓂᒃ ᐱᑐᑦᓯᒪᐅᑎᖏᓐᓂᒃ ᑭᓴᖏᓐᓂᓗ
  • ᐸᕐᓇᓂᖅ ᐱᑑᑕᖏᓐᓂᒃ ᓇᒃᑯᐊᕆᔭᖏᓐᓂᒃ ᐊᒻᒪᓗ ᐊᑕᕕᑦᓴᖏᓐᓂᒃ
  • ᓱᖅᑯᐃᓯᓂᖅ ᖃᓄᐃᓪᓗᐊᑐᒥᒃ ᑯᕕᓯᒋᐊᖃᕐᓂᐅᔪᓂᒃ ᖁᐊᕐᑎᕋᑦᓴᒥᒃ, ᐲᕐᓯᓂᖅ ᑐᖕᖓᕕᐅᑫᓐᓇᕈᑎᓂᒃ, ᓱᖅᑯᐃᓯᑦᓯᐊᓂᕐᓗ ᑯᕕᕕᑦᓴᖏᓐᓂᒃ ᐊᒻᒪᓗ ᖃᐅᓯᓕᕐᑌᓕᑎᑦᓯᒍᑎᖏᓐᓂᒃ