ᓯᓚᑖᖓᓂᒃ ᐱᔭᕇᕆᓂᖅ
ᐅᒃᑯᐊᓯᒪᔪᖅ
ᐊᓪᓚᓯᒪᔪᖕᖑᐃᒍᑎ ᐃᓚᐅᖃᑕᐅᖁᓪᓗᑎᑦ ᐅᑕᕐᕿᑎᑕᐅᔪᓄᑦ
ᐊᓪᓚᓯᒪᔪᖕᖑᐃᒍᑎ ᐃᓚᐅᖃᑕᐅᖁᓪᓗᑎᑦ ᐅᑕᕐᕿᑎᑕᐅᔪᓄᑦ
ᐱᔭᕆᐅᕐᓴᓂᕐᑕᖓᑕ ᐅᓕᕐᓀᑕᐅᒍᑎᑕᖓ
ᑖᒃᑯᐊ ᐱᒍᓐᓇᑕᑎᑦ ᐃᓕᓐᓂᐊᑕᐅᓯᒪᒋᐊᓖᑦ ᐱᓇᓱᒍᓐᓇᓯᓂᐊᕋᕕᑦ! ᑫᕙᓪᓚᒍᓰᑦ ᐱᔭᕇᕐᓯᒪᔭᑎᑦ ᐊᑐᕈᓐᓇᑐᑦ ᐱᒋᐊᖕᖓᕈᓐᓇᓯᓂᕐᒧᑦ. ᐱᕕᑦᓴᖃᕐᑐᑎᑦ ᓄᐊᑦᓯᒍᓐᓇᓂᕐᒥᒃ ᐃᓕᓐᓂᐊᓯᒪᓂᕐᒧᑦ ᐃᓕᑕᕐᓯᔭᐅᒪᒍᑎᖏᓐᓂᒃ ᐱᔭᕇᒍᓐᓇᐅᑎᑖᕐᓂᒧᑦ ᐃᓕᓐᓂᐊᒍᒪᔭᕐᓂᒃ ᐃᓕᓐᓂᐊᓯᒪᓂᕐᒧᑦ (DVS) ᕿᔪᓕᕆᓂᕐᒥᒃ.
ᑖᓐᓇ ᐱᒋᐅᕐᓴᓂᖅ ᐃᑲᔪᕐᓯᒍᓐᓇᑐᖅ ᐱᒍᓐᓇᓂᕐᑖᕙᓪᓕᐊᓂᕐᒧᑦ. ᐋᖅᑭᓱᕐᑕᐅᓯᒪᔪᖅ ᐃᓄᓐᓄᑦ ᑖᒃᑯᓂᖓ ᐱᓇᓱᒋᐅᕐᓴᓕᕐᑐᓄᑦ ᐊᒻᒪᓗ ᐃᑲᔪᕐᓯᒍᓐᓇᓱᓂ ᐃᓪᓗᓕᐅᕐᑎᑐᖃᐅᔪᓂᒃ.
ᐱᒋᐅᕐᓴᔭᐅᓂᕐᓂᒃ ᐱᒍᓐᓇᓂᕐᑖᕋᔭᕐᑐᑎᑦ ᐊᑐᐃᓐᓇᕈᕐᑎᑕᐅᓗᑎᑦ ᒪᑯᓄᖓ:
- ᐱᓇᓱᐊᕐᓗᓂ ᐊᓪᓚᖑᐊᕐᑕᐅᓯᒪᔪᓂᒃ ᐊᒻᒪᓗ ᓱᖅᑳᑎᒐᑦᓴᓕᐊᖑᓯᒪᔪᓂᒃ
- ᐱᓇᓱᐊᕐᓗᓂ ᐊᑐᐃᓐᓇᕈᕐᑎᑕᐅᓯᒪᒌᕐᑐᓂᒃ ᐊᑭᓐᓇᓂᒃ
- ᐱᓇᓱᐊᕐᓗᓂ ᑐᓴᕋᑦᓴᓕᐊᖑᑎᑕᐅᓯᒪᔪᓂᒃ ᑲᓇᑕᐅᑉ ᐃᓪᓗᓕᕆᔨᖏᑦᑕ ᒪᓕᒐᖏᓐᓂᒃ
- ᐊᑐᕐᓗᓂ ᐊᑐᕐᑕᐅᒋᐊᓕᓐᓂᒃ ᓴᓇᕐᕈᑎᓂᒃ, ᐃᑯᒪᐅᑎᒨᕐᑐᓂᒃ ᓴᓇᕐᕈᑎᓂᒃ, ᐱᖁᑎᓂᒃ, ᒥᖑᐊᕈᑎᓂᒃ ᐊᒻᒪᓗ ᓴᒃᑯᑎᖏᓐᓂᒃ
- ᐃᓕᐅᖅᑫᓗᓂ ᐅᒃᑯᐊᓂᕐ ᐊᒻᒪᓗ ᐃᒐᓛᑦ ᑐᖕᖓᕕᖏᓐᓂᒃ
- ᐃᓕᖅᑫᓗᓂ ᓴᓇᔭᐅᓯᒪᔪᑦ ᐃᓚᑦᓴᖏᓐᓂᒃ (ᐅᒃᑯᐊᓂᒃ ᐃᒐᓛᓪᓗ ᑐᖕᖓᕕᖏᓐᓂᒃ) ᑭᑭᐊᓂᒃ
- ᐃᓕᐅᖅᑫᓗᓂ ᐃᕐᖓᕇᒃᑯᑎᓂᒃ ᐊᒻᒪᓗ ᐅᖁᕐᑕᕇᒃᑯᑎᓂᒃ
- ᐃᓕᐅᖅᑫᓗᓂ ᓯᓚᑖᓃᓲᓂᒃ ᕿᔪᓐᓂᒃ, ᐊᑭᓐᓇᓴᔭᕐᓂᒃ ᐊᒻᒪᓗ ᕿᔪᒻᒥᒃ ᕿᓪᓚᓭᒍᑎᓂᒃ
- ᐱᔭᕇᕐᓗᒋᑦ ᐊᑯᓐᓂᖏᑦ ᐊᒻᒪᓗ ᑕᑭᓗᐊᕐᑐᑦ ᓀᓪᓕᑎᕐᓗᒋᑦ
- ᓯᒥᑎᕐᓗᒋᑦ ᓯᒥᑦᑐᐃᒍᑎᓄᑦ ᐊᒻᒪᓯᒪᓂᖏᑦ ᐊᒻᒪᓗ ᐊᕕᐅᑎᕐᕕᖏᑦ
- ᓱᖅᑯᐃᓗᒋᑦ ᖃᓄᐃᑦᓯᐊᖏᒃᑲᓗᐊᕐᒪᖔᑕ ᐱᓇᓱᐊᕐᑕᕕᓃᑦ
ᐃᓕᓐᓂᐊᖃᑕᐅᕈᓐᓇᓚᖓᔪᑦ
ᐱᔭᕆᐅᕐᓴᕈᒪᔪᑦ ᐅᑯᓂᖓ ᐊᓂᒍᐃᒋᐊᖃᕐᒥᔪᑦ.
ᐱᔭᕆᐅᕐᓴᑕᐅᓚᖓᒍᓂ ᑲᓱᕐᓗᓂᒋᑦ ᐅᑯᐊ:
- 16-ᓂᒃ ᐅᑭᐅᖃᕐᓗᓂ ᐅᖓᑖᓄᓪᓘᓃᑦ.
- ᓄᓇᕕᒻᒥᐅᖑᓗᓂ.