ᐱᓇᓱᒐᖃᕐᕕᐅᔪᓂᓗ ᐊᓂᕐᕋᕆᔭᐅᔪᓂᓗ ᑲᒪᔨᓂᒃ ᐃᑲᔪᕐᑏᑦ

ᐱᓇᓱᒐᖃᕐᕕᐅᔪᓂᓗ ᐊᓂᕐᕋᕆᔭᐅᔪᓂᓗ ᑲᒪᔨᓂᒃ ᐃᑲᔪᕐᑏᑦ

ᑲᔪᓯᕕᒃ, ᑰᒃᔪᐊᖅ

ᐱᔭᕇᕈᑎᒃ ᐱᒋᐅᕐᓴᓂᕐᒥᒃ ᐱᔭᕇᕐᑐᓄᑦ (DVS)

870 ᐃᑲᐅᕐᓃᑦ
255 ᐃᑲᐅᕐᓃᑦ ᐃᓚᐅᑎᓪᓗᒌᑦ ᐱᓇᓱᐊᕆᐅᕐᓴᓃᑦ

ᐃᓕᓴᕋᑦᓴᐅᑉ ᑐᑭᓯᓇᕐᑎᑕᐅᓂᖓ

ᐃᓄᓕᕆᒋᐊᒥᒃ ᑲᐅᔨᒪᕕᑦ ᐃᓅᖃᑎᒥᓪᓗ ᑲᒪᒋᐊᒥᒃ ᐊᓕᐊᒋᔭᖃᕐᐱᑦ? ᐃᓄᒻᒪᕆᓐᓂᒃ ᑎᒥᒥᒍᓪᓗ ᐊᐅᓚᑦᓯᐊᖃᔭᖕᖏᑐᓂᒃ ᑲᒪᔨᐅᒍᓐᓇᖂᕋᕕᑦ!

ᐅᑯᓂᖓ ᐱᒋᐅᕈᓐᓇᐳᑎᑦ :

  • ᐃᑲᔪᖃᑦᑕᓗᑎᒃ ᐋᓐᓂᐊᓯᐅᑎᓂᒃ, ᐋᓂᐊᕕᐅᑉ ᐱᓇᓱᑦᑎᖏᓐᓂᒃ, ᐋᓐᓂᐊᓯᐅᑎᐊᓗᓐᓂᓗ ᐋᓂᐊᑐᓂᓪᓗ ᐃᑲᔪᕐᑎᓂᒃ ᐃᑲᔪᖃᑦᑕᓗᑎᑦ..
  • ᐋᓐᓂᐊᕕᓐᓂ ᐱᓇᓱᐊᕐᓗᑎᑦ, ᐊᓂᕐᕋᕆᔭᐅᔪᓂᒃ ᐱᓇᓱᐊᕐᓗᑎᑦ, ᐊᓯᖏᓐᓂᓗ ᐃᓗᓯᓕᕆᕕᓐᓂᒃ.
  • ᐊᑯᓂᐅᖕᖏᑐᖅ ᐊᑯᓃᕐᑐᒥᓪᓗ ᓴᐳᑎᓗᑎᑦ ᐱᒍᑦᔭᐅᒋᐊᓕᓐᓂᒃ ᐃᓚᒌᓂᓪᓗ ᐊᑕᓕᒫᖕᖏᑐᒥ ᐱᒍᓐᓇᖏᕐᓯᒪᔪᓂᒃ, ᐋᕐᕿᐸᓪᓕᐊᔪᓂᒃ ᑲᒪᓗᑎᑦ, ᐃᓚᒌᓂᓘᓐᓃᑦ ᐱᓀᓗᑕᓕᓐᓂᒃ ᐃᑲᔪᕐᓗᑎᑦ.
  • ᑲᕙᒣᑦ ᐱᒍᑦᔨᕕᖏᓐᓂᒃ ᐱᓇᓱᐊᕐᓗᑎᑦ, ᑮᓇᐅᔭᓂᒃ ᖄᖏᕐᓂᑯᑦᑕᖏᑦᑐᓂᒃ ᐱᓇᓱᐊᕐᓗᑎᑦ, ᐊᓂᕐᕋᒥ ᐱᒍᑦᔨᔨᓂᒃ ᐱᓇᓱᐊᕐᓗᑎᑦ.

ᐃᓕᒐᓱᐊᕐᑑᑉ ᐱᒍᓐᓇᕆᐊᓕᖏᑦ

ᐃᓕᒐᓱᐊᕐᑐᖅ ᐅᑯᓂᖓ ᖃᐅᔨᒪᒋᐊᓕᒃ:

ᐃᓄᐃᑦ ᐳᕐᑐᓂᕐᓴᒥᒃ ᐃᓕᓐᓂᐊᕇᕐᓯᒪᓂᕐᒥᓄᑦ ᐱᔭᕇᕈᑎᑖᕐᓯᒪᔪᑦ ᐅᑉᕙᓘᓐᓃᑦ ᐃᓕᑕᕆᔭᒥᒃ ᓇᓕᕐᖁᐊᖓᓃᒋᐊᖓᓂᑦ, ᐆᑦᑐᕋᐅᑎᒋᓗᖑ, ᓇᓕᕐᖁᐊᖓᓂᒃ ᐳᕐᑐᓂᕐᓴᖅ 5-ᒥᒃ ᐱᔭᕇᕐᓯᒪᓂᕐᒥᒃ ᐅᖃᕐᑕᐅᓯᒪᓗᓂ, ᐅᑉᕙᓘᓐᓃᑦ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᕇᕐᓯᒪᓂᕐᒥᓄᑦ ᑳᓕᑦᔅ-ᓚᔭᒥ ᐃᓕᓐᓂᐊᑕᕕᓂᕐᒥᓂᒃ ᐅᑉᕙᓘᓐᓃᑦ ᐁᑉᐸᖃᖕᖏᑐᑦ ᐃᓕᑕᕆᔭᐅᒍᑎᖓᓂᒃ.

ᐃᓄᐃᑦ ᐅᑭᐅᖃᑦᓴᓚᐅᕐᐸᑕ 16-ᓂᒃ ᐊᒥᕃᔭᐅᑦ 30-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐃᓕᓐᓂᐊᓂᖓ ᐱᒋᐊᕐᓂᐅᔭᓕᕐᑎᓗᒍ ᐳᕐᑐᓂᕐᓴᖅ 4-ᒥ ᖁᑉᕙᒋᐊᕈᓯᕐᑕᓯᔭᐅᓯᒪᓗᓂ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᑐᕐᖃᑕᐅᕕᐅᑉ ᒥᓂᔅᑕᖓᓄᑦ, ᐅᑉᕙᓘᓐᓃᑦ ᐃᓕᑕᕆᔭᐅᒍᑎᑖᕐᓯᒪᒍᓂ ᓇᓕᕐᖁᐊᖓᓃᑦᑐᒥᒃ ᐃᓕᓐᓂᐊᓯᒪᓂᕐᒥᓄᑦ.

ᐃᓄᐃᑦ 18-ᓂᒃ ᐅᑭᐅᖃᓚᐅᕈᑎᒃ ᐃᓕᓐᓂᐊᓚᖓᔪᓄᑦ ᐃᓚᐅᓯᒍᑎᒃ ᐱᓇᓱᐊᕈᑎᒋᔪᓐᓇᓗᒋᑦ ᐊᑐᕈᓐᓇᒋᐊᓕᓂ: ᐊᓂᒍᐃᑦᓯᐊᓯᒪᒋᐊᓕᒃ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓯᒪᓂᕐᒧᑦ ᖃᐅᔨᓴᕐᑕᐅᒍᑎᒥᒃ, ᐅᑉᕙᓘᓐᓃᑦ ᓇᓕᕐᖁᐊᖓᓂᑦ ᐃᓕᓐᓂᐊᓯᒪᓂᕐᒥᓄᑦ.

ᐃᓄᐃᑦ ᐳᕐᑐᓂᕐᓴᖅ 3-ᒥ ᖁᑉᕙᒋᐊᕈᓯᕐᑕᓯᔭᐅᓯᒪᔪᑦ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᑐᕐᖃᑕᕐᕕᐅᑉ ᒥᓂᔅᑕᖓᓄᑦ ᑲᔪᓯᒋᐊᓖᑦ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓂᕐᒥᓂᒃ, ᐊᑕᐅᑦᓯᑰᖃᑕᐅᑎᓪᓗᒍ ᐱᓇᓱᒐᕐᑖᕆᓇᔭᕐᓗᒍ ᐃᓕᓐᓂᐊᓂᕐᒥᓂ, ᐱᒍᑎᒋᓇᔭᕐᓗᒍ ᐳᕐᑐᓂᕐᓴᖅ 4-ᒥ ᖁᑉᕙᒋᐊᕈᑎᓄᑦ ᐃᓄᕐᓴᕈᑎᕕᓂᕐᒥᓂᒃ ᐃᓕᓐᓂᐊᓱᓂ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥᒃ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᒪᓂᔅᑕᒧᑦ.

15ᓂᒃ ᐅᑭᐅᖃᕐᓗᓂ ᐅᖓᑖᓄᓘᓐᓃᑦ ᔫᓂ 30ᐅᑎᓪᓗᒍ ᐃᓕᓴᕐᓇᖅ ᐱᒋᐊᕐᑎᓗᒍ ᐃᓕᒐᓱᐊᕐᓗᓂ ᐃᓕᓴᕋᑦᓴᐅᑉ ᐆᑐᕋᕐᑕᐅᓂᖓᓂ ᐊᑕᐅᑦᓯᑰᖃᑕᐅᓗᓂ ᐃᓕᓴᕐᓂᑐᐃᓐᓇᒥᒃ ᐱᒋᐅᕐᓴᓂᑐᐃᓐᓇᒥᓪᓗ, ᐱᒋᐅᕐᓴᕕᒻᒥ ᐃᓕᓴᕈᓐᓇᓯᓯᒪᔪᖅ ᐳᕐᑐᓂᕐᓴᒥ II ᑭᑎᑦᔪᑎᑖᕐᑎᑕᐅᓯᒪᓗᓂ ᑲᕙᒪᒃᑯᓂ ᐃᓕᓴᕋᑦᓴᐅᑉ ᐅᖃᐅᓯᖓᓂᒃ ᖃᐅᔨᒪᓗᓂ, ᐅᖃᐅᓯᑉ ᐁᑉᐹᓂᒃ ᖃᐅᔨᒪᓗᓂ ᑭᑎᑦᔪᑎᓐᓂᐊᓂᕐᒥᓗ. ᐃᓕᒐᓱᐊᕐᓂᒧᑦ ᐊᑕᐅᑦᓯᖂᖃᑕᐅᒋᐊᓕᓐᓂᒃ ᐃᑲᐅᕐᓂᖏᓐᓂᓗ ᐋᕐᕿᑕᐅᓯᒪᔪᓂᒃ ᒪᓗᒍᓐᓇᓗᓂ, ᑲᔪᓯᓗᓂ ᐱᒋᐅᕐᓴᓂᕐᒥᓂᒃ ᐃᓕᓴᕐᓂᑐᐃᓐᓇᒥᓄᓪᓗ ᐃᓕᓴᕐᕕᑐᐃᓐᓇᒥ ᐱᔭᕇᕋᓱᐊᕐᓗᓂ IIIᒥᒃ ᐱᒍᓐᓇᓯᓯᒪᒋᐊᓕᖏᑦ ᐱᒋᐅᕐᓴᕕᒻᒥ ᐃᓕᓴᕇᕈᓯᕐᑕᐅᓗᓂ. ᐃᓕᓴᕐᓂᓕᕆᔨᖏᑦᑕ ᑯᐯᒃ ᑲᕙᒪᖓᓂ ᐊᖏᕐᑕᐅᒋᐊᓕᒃ ᐊᑕᐅᑦᓯᑰᖃᑕᐅᔪᒥᒃ ᐃᓕᓴᕐᓂᐊᐸᑦ ᐱᒋᐅᕐᓴᓗᓂᓗ ᐳᕐᑐᓂᓴᖅ III ᐃᓕᓴᕋᑦᓴᖏᓐᓂᒃ.