ᐄᕐᖃᒐᓕᕆᕕᒻᒥ ᐱᓪᓗᑯᒋᐊᓕᓐᓂᒃ ᐃᑲᔪᕐᑎ

ᐄᕐᖃᒐᓕᕆᕕᒻᒥ ᐱᓪᓗᑯᒋᐊᓕᓐᓂᒃ ᐃᑲᔪᕐᑎ

ᓄᓇᕕᒻᒥ ᐱᒋᐅᕐᓴᕕᒃ, ᐃᓄᒃᔪᐊᒃ

ᐱᔭᕇᕈᑎᒃ ᐱᒋᐅᕐᓴᓂᕐᒥᒃ ᐱᔭᕇᕐᑐᓄᑦ (DVS)

1,230 -ᓂᒃ ᑫᕙᓪᓚᒍᓯᕐᑐᑐᖅ
ᐃᓕᓴᕐᓗᓂ ᐱᓇᓱᐊᕐᓂᖃᖕᖏᑐᖅ

ᐃᓕᓐᓂᐊᑕᐅᓚᖓᔫᑉ ᐅᓕᕐᓀᑕᐅᒍᑎᖓ

ᐃᓗᓯᓕᕆᓂᕐᒨᑦ ᐃᓕᖓᔪᒥ ᐱᓇᓱᕈᒪᒐᔭᕐᕿᑦ? ᐅᓇ ᐃᓕᓐᓂᐊᑕᐅᖕᖑᓱᑦᑐᖅ ᐃᓕᓐᓄᑦ ᐊᑑᑎᖃᑦᓴᑐᐃᓐᓇᕆᐊᓕᒃ.

ᑕᒪᑐᒥᖓ ᐃᓕᓐᓂᐊᓂᖅ ᐊᑐᐃᓐᓇᕈᕐᑕᐅᒍᑎᒋᓇᔭᕐᑌᑦ ᐃᑲᔪᕐᓯᒪᕈᓐᓇᓯᓗᑎᑦ ᐄᕐᖃᕋᕐᑖᑎᑦᓯᔨᒥᒃ ᖃᐅᑕᒫᕐᓯᐅᑎᒥᓂᒃ ᐱᓇᓱᑦᑎᓗᒍ.  ᒪᓐᓇᓗᐊᖕᖑᐊᖑᔪᖅ, ᐃᓕᓐᓂᐊᕋᔭᕋᕕᑦ ᐱᖁᔭᓂᒃ ᒪᓕᒐᐅᑎᑕᓂᓪᓗ ᑕᒪᑐᒥᖓ ᐱᓇᓱᒐᖃᕐᑐᓄᑦ ᐃᓕᖓᔪᓂᒃ.  ᐱᔭᕆᐅᕐᓴᑕᐅᕈᑎᖃᕋᔭᕐᒥᓱᑎᑦ ᒪᑯᓂᖓ:

  • ᐄᕐᖃᕋᕐᑖᑎᑦᓯᓂᕐᒧᑦ ᖃᕆᑕᐅᔭᒃᑯᑦ ᐱᓇᓲᑎᖏᓐᓂᒃ ᐊᑐᖃᑦᑕᓗᑎᑦ ᐃᓗᓯᓕᕆᕕᐅᔪᓂ
  • ᐃᕐᒪᖃᐅᑎᓴᖃᑦᓯᐊᒋᐊᖃᕐᓂᒥᒃ ᐊᐅᓚᑦᓯᓗᑎᑦ
  • ᐊᑐᐃᓐᓇᕈᕐᑎᖃᑦᑕᓗᒋᑦ ᐊᓪᓚᓗᒋᓪᓗ ᐄᕐᖃᕋᕐᑖᑎᑦᓯᒍᑎᑦᓭᑦ

ᐄᕐᖃᕋᕐᑖᕕᒻᒥ ᐱᓪᓗᑯᒋᐊᓕᓐᓂᒃ ᐃᑲᔪᕐᑎᐅᓗᑎᑦ, ᐱᓇᓱᕋᔭᕐᑐᑎᑦ ᐃᓗᓯᓕᕆᓂᕐᒥᒃ ᐱᓇᓱᑉᕕᒥᒃ ᐅᑉᕙᓘᓐᓃᑦ ᓇᒻᒥᓂᕆᔭᐅᔪᒥ ᐄᕐᖃᕋᕐᑖᕕᒻᒥ, ᐄᕐᖃᕋᕐᑖᑎᑦᓯᔨᒥᒃ ᐊᖓᔪᕐᖄᖃᕐᓗᑎᑦ.  ᑕᒪᑐᒥᖓ ᐃᓕᓐᓂᐊᓂᖅ ᐊᑐᐃᓐᓇᕈᕐᑕᐅᕈᑎᒋᓇᔭᕐᑌᑦ ᒪᑯᓄᖓ:

  • ᐄᕐᖃᕋᕐᑖᕋᓲᑎᑦᓴᓂᒃ ᐊᓪᓚᖃᑦᑕᓗᑎᑦ
  • ᐋᓐᓂᐊᕕᓕᐊᕐᓯᒪᔫᑉ ᐊᓪᓚᖁᑎᖏᓐᓂᒃ ᐊᐅᓚᑦᓯᖃᑦᑕᓗᑎᑦ
  • ᐱᓇᓱᐊᖃᑦᑕᓗᑎᑦ ᐱᓇᓱᐊᓪᓗᑯᐊᐱᒋᐊᓕᓐᓂᒃ ᐃᓕᖓᑦᓱᑎᒃ ᐊᑐᐃᓐᓇᕈᕐᑎᕆᓂᕐᒧᑦ ᐋᓐᓂᐊᓯᐅᑎᓂᒃ

ᐃᓕᒐᓱᐊᕐᑑᑉ ᐱᒍᓐᓇᕆᐊᓕᖏᑦ

ᐃᓕᒐᓱᐊᕐᑐᖅ ᐅᑯᓂᖓ ᖃᐅᔨᒪᒋᐊᓕᒃ:

ᐃᓄᐃᑦ ᐳᕐᑐᓂᕐᓴᒥᒃ ᐃᓕᓐᓂᐊᕇᕐᓯᒪᓂᕐᒥᓄᑦ ᐱᔭᕇᕈᑎᑖᕐᓯᒪᔪᑦ ᐅᑉᕙᓘᓐᓃᑦ ᐃᓕᑕᕆᔭᒥᒃ ᓇᓕᕐᖁᐊᖓᓃᒋᐊᖓᓂᑦ, ᐆᑦᑐᕋᐅᑎᒋᓗᖑ, ᓇᓕᕐᖁᐊᖓᓂᒃ ᐳᕐᑐᓂᕐᓴᖅ 5-ᒥᒃ ᐱᔭᕇᕐᓯᒪᓂᕐᒥᒃ ᐅᖃᕐᑕᐅᓯᒪᓗᓂ, ᐅᑉᕙᓘᓐᓃᑦ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᕇᕐᓯᒪᓂᕐᒥᓄᑦ ᑳᓕᑦᔅ-ᓚᔭᒥ ᐃᓕᓐᓂᐊᑕᕕᓂᕐᒥᓂᒃ ᐅᑉᕙᓘᓐᓃᑦ ᐁᑉᐸᖃᖕᖏᑐᑦ ᐃᓕᑕᕆᔭᐅᒍᑎᖓᓂᒃ.

ᐃᓄᐃᑦ ᐅᑭᐅᖃᑦᓴᓚᐅᕐᐸᑕ 16-ᓂᒃ ᐊᒥᕃᔭᐅᑦ 30-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐃᓕᓐᓂᐊᓂᖓ ᐱᒋᐊᕐᓂᐅᔭᓕᕐᑎᓗᒍ ᐳᕐᑐᓂᕐᓴᖅ 4-ᒥ ᖁᑉᕙᒋᐊᕈᓯᕐᑕᓯᔭᐅᓯᒪᓗᓂ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᑐᕐᖃᑕᐅᕕᐅᑉ ᒥᓂᔅᑕᖓᓄᑦ, ᐅᑉᕙᓘᓐᓃᑦ ᐃᓕᑕᕆᔭᐅᒍᑎᑖᕐᓯᒪᒍᓂ ᓇᓕᕐᖁᐊᖓᓃᑦᑐᒥᒃ ᐃᓕᓐᓂᐊᓯᒪᓂᕐᒥᓄᑦ.

ᐃᓄᐃᑦ 18-ᓂᒃ ᐅᑭᐅᖃᓚᐅᕈᑎᒃ ᐃᓕᓐᓂᐊᓚᖓᔪᓄᑦ ᐃᓚᐅᓯᒍᑎᒃ ᐱᓇᓱᐊᕈᑎᒋᔪᓐᓇᓗᒋᑦ ᐊᑐᕈᓐᓇᒋᐊᓕᓂ: ᐊᓂᒍᐃᑦᓯᐊᓯᒪᒋᐊᓕᒃ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓯᒪᓂᕐᒧᑦ ᖃᐅᔨᓴᕐᑕᐅᒍᑎᒥᒃ, ᐅᑉᕙᓘᓐᓃᑦ ᓇᓕᕐᖁᐊᖓᓂᑦ ᐃᓕᓐᓂᐊᓯᒪᓂᕐᒥᓄᑦ.

ᐱᓇᓱᐊᕈᑎᒋᔪᓐᓇᒋᐊᓕᖓ ᐊᑐᕈᓐᓇᓗᒍ:


  • ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓ

ᐃᓄᒻᒪᕇᑦ ᐃᓕᓐᓂᐊᓂᖓ: 3101-2 + 3102-2 or 3070-3
ᐅᕕᒃᑲᓂ ᐃᓕᓐᓂᐊᓂᖓ: 632-306


  • ᐁᑉᐱᐅᑎᒥᒃ ᐅᖃᐅᓯᖃᕐᓂᖓ

ᐃᓄᒻᒪᕇᑦ ᐃᓕᓐᓂᐊᓂᖓ: 2102-3 or 2091-6
ᐅᕕᒃᑲᓂ ᐃᓕᓐᓂᐊᓂᖓ: 634-206 or 635-206


ᐃᓄᐃᑦ ᐳᕐᑐᓂᕐᓴᖅ 3-ᒥ ᖁᑉᕙᒋᐊᕈᓯᕐᑕᓯᔭᐅᓯᒪᔪᑦ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᑐᕐᖃᑕᕐᕕᐅᑉ ᒥᓂᔅᑕᖓᓄᑦ ᑲᔪᓯᒋᐊᓖᑦ ᐃᓘᓐᓃᓄᐊᖓᔪᒥᒃ ᐃᓕᓐᓂᐊᓂᕐᒥᓂᒃ, ᐊᑕᐅᑦᓯᑰᖃᑕᐅᑎᓪᓗᒍ ᐱᓇᓱᒐᕐᑖᕆᓇᔭᕐᓗᒍ ᐃᓕᓐᓂᐊᓂᕐᒥᓂ, ᐱᒍᑎᒋᓇᔭᕐᓗᒍ ᐳᕐᑐᓂᕐᓴᖅ 4-ᒥ ᖁᑉᕙᒋᐊᕈᑎᓄᑦ ᐃᓄᕐᓴᕈᑎᕕᓂᕐᒥᓂᒃ ᐃᓕᓐᓂᐊᓱᓂ ᐃᓕᓐᓂᐊᑎᑦᓯᔨᐅᑉ ᐅᖃᐅᓯᖓᒍᑦ, ᐁᑉᐱᐅᑎᒥᒃ ᐅᖃᐅᓯᕐᒥ ᑭᓯᑦᓯᑎᓐᓂᐊᓂᕐᒥᓗ ᐃᓕᓐᓂᐊᑕᐅᔪᑦᓴᓕᐊᖑᓯᒪᔪᓂ ᒪᓂᔅᑕᒧᑦ.