ᐃᓕᓐᓂᐊᕕᒻᒪᕆᒃ / CEGEP (ᓄᓇᕕᒃ ᓯᕗᓂᑦᓴᕗᑦ ᐃᓚᐅᑎᓪᓗᒍ)

ᐃᓕᓐᓂᐊᑏᑦ ᐃᓕᓐᓂᐊᑐᑦ CEGEP-ᒥ ᑯᐯᒃ ᐃᓗᓂ ᐱᓯᒪᒋᐊᓖᑦ ᐳᕐᑐᓂᕐᓴᓂᒃ ᐃᓕᓐᓂᐊᕈᑎᓂᒃ ᐃᓕᓐᓂᐊᕇᕈᑎᒥᓂᒃ ᐱᒋᐊᖕᖏᓂᕐᒥᓂ ᐃᓕᓐᓂᐊᕈᑎᒥᒃ.

48-ᓂᒃ CEGEP-ᓕᒃ ᑯᐯᒃ ᓄᓇᖓᓂ. ᐊᑦᔨᒌᖕᖏᑐᒻᒪᕆᐊᓗᓐᓂᒃ ᐃᓕᓐᓂᐊᕈᑎᓖᑦ ᐃᓕᓐᓂᐊᑏᑦ ᓇᓪᓕᑳᕐᕕᒋᒍᓐᓇᑕᖏᓐᓂᒃ. ᐃᓕᓐᓂᐊᑏᑦ ᑐᑭᑖᕈᓐᓇᑐᑦ ᐃᓕᓐᓂᐊᓚᖓᓗᑎᒃ ᓇᓪᓕᐊᒍᑐᐃᓐᓇᖅ ᖃᓪᓗᓈᑎᑐᑦ ᐅᕝᕙᓘᓐᓃᑦ ᐅᐃᒍᐃᑎᑐᑦ. ᐃᓕᓐᓂᐊᑏᑦ ᐊᒥᓱᑦ ᐊᑭᓕᕐᑐᐃᒍᑦᔭᐅᔪᑦ ᐃᓕᓴᕐᓂᓕᕆᓂᕐᒧᑦ ᓂᕈᐊᕐᑐᑦ ᐃᓕᓐᓂᐊᕈᒪᑦᓱᑎᒃ ᖃᓪᓗᓈᑎᑑᕐᑐᒥ CEGEP-ᒥ ᐃᓕᓐᓂᐊᓲᑦ ᐃᓕᓐᓂᐊᕕᒻᒪᕇᒃ John Abbott College ᐅᕝᕙᓘᓐᓃᑦ Dawson College ᓇᓪᓕᐊᓂ. ᐃᓕᓐᓂᐊᑏᑦ ᐱᔭᕇᕈᒪᔪᑦ ᐃᓕᓐᓂᐊᕕᒻᒪᕆᒻᒥ ᐃᓕᓐᓂᐊᕈᑎᒥᓂᒃ ᐅᐃᒍᐃᑎᑑᕐᓗᑎᒃ ᐱᐅᓯᒃᑯᑦ ᐃᓕᓐᓂᐊᕕᒻᒪᕆᓕᐊᓲᑦ Collège Montmorency-ᒧᑦ. 2017-ᒥᓂᒃ, ᐃᓕᓐᓂᐊᑏᑦ ᓴᓇᒍᓐᓇᓕᕐᒥᔪᑦ ᐃᓕᓐᓂᐊᕕᒻᒪᕆᒻᒥᒃ ᐃᓕᑦᓯᒍᑎᓂᒃ ᐃᓕᓐᓂᐊᓗᑎᒃ ᐃᓄᐃᑦ ᓯᕗᓪᓕᕕᓂᖏᓐᓂᒃ, ᐃᓗᕐᖁᓯᖓᓂᒃ, ᐊᒻᒪᓗ ᐊᐅᓚᑦᓯᔨᖃᕐᓂᖓᓂᒃ ᓄᓇᕕᒃ ᓯᕗᓂᑦᓴᕗᑦᒥ. ᐊᒥᓱᒋᐊᓪᓚᓂᒃ ᐊᓯᖏᓐᓂᒃ ᓇᓪᓕᑳᕈᑎᑦᓴᖃᕐᒥᔪᖅ ᐃᓕᓐᓂᐊᑎᓄᑦ ᒪᑐᐃᖕᖔᑐᓂᒃ.

ᐃᓕᓐᓂᐊᑏᑦ ᐃᓚᐅᒍᒪᔪᑦ CEGEP-ᒥ ᑭᖑᓂᖓᓂ ᓂᕈᐊᕐᔫᒥᓲᑦ ᓇᓪᓕᐊᓂᒃ ᓯᓚᑦᑐᓴᕐᕕᒥᒃ-ᓯᕗᓂᓕᒻᒥᒃ ᐊᕐᖁᑎᒥᒃ ᐅᕝᕙᓘᓐᓃᑦ ᐱᓇᓱᒐᒻᒫᒧᑦ ᐊᕐᖁᑎᒥᒃ. ᐃᓕᓐᓂᐊᑏᑦ ᐱᔭᕇᕈᓐᓇᒥᔪᑦ ᐊᑐᖏᓐᓇᖃᑦᑕᕆᐊᓕᒻᒥᒃ ᐊᕐᕌᒍᒥ-ᓯᕗᓪᓕᐹᒥ ᐃᓕᓐᓂᐊᕕᒻᒪᕆᓐᓂ ᐃᓕᓐᓂᐊᕈᑎᓂᒃ ᓄᓇᕕᒃ ᓯᕗᓂᑦᓴᕗᑦᒥ.

ᐊᓪᓕᒥ ᑕᑯᓚᖓᔪᑎᑦ ᖁᓛᓂᒃ ᑕᑯᒍᑎᐊᐱᓐᓂᒃ ᐃᓕᓐᓂᐊᕕᒻᒪᕆᐅᑉ-ᐳᕐᑐᓂᖓᓂ ᐊᕐᖁᑎᑦᓴᓂᒃ ᐊᑐᕈᓐᓇᑕᕐᓂᐅᕕᑦ.

ᓯᓚᑦᑐᓴᕐᕕᒥᒃ-ᓯᕗᓂᓖᑦ ᐃᓕᓐᓂᐊᕈᑏᑦ

ᑖᒃᑯᐊ ᐃᓕᓐᓂᐊᕈᑏᑦ ᐊᑐᐃᓐᓇᕈᐃᕗᑦ ᐃᓕᓐᓂᐊᑎᓂᒃ ᑭᖑᓂᕐᒥ ᐃᓕᓐᓂᐊᕈᒫᕐᓂᒧᑦ ᓯᓚᑦᑐᓴᕐᕕᐅᑉ ᐳᕐᑐᓂᖓᓂ. ᐃᓕᓐᓂᐊᕈᑏᑦ 2-3-ᓂᒃ ᐊᕐᕌᒍᓂᒃ ᐊᑯᓂᕆᓂᖃᕈᓪᓕᐅᔪᑦ. ᓇᓪᓕᑲᕈᑎᑦᓭᑦ ᐃᓚᖏᑦ ᓯᓚᑦᑐᓴᕐᕕᒥᒃ-ᓯᕗᓂᓕᓐᓂ ᐃᓕᓐᓂᐊᕈᑎᓂ ᒪᑯᓂᖓ ᖃᓗᓯᔪᑦ: ᓱᑯᐃᔦᓂᖅ, ᐃᓅᖃᑎᒌᓂᒥᒃ ᓱᑯᐃᔦᒍᑏᑦ, ᑕᑯᑦᓴᓂᒃ ᓴᓇᖕᖑᐊᓃᑦ, ᐊᒻᒪᓗ ᐃᓱᒪᓕᐅᕐᓯᒪᒍᑎᓂᒃ ᓴᓇᖕᖑᐊᓃᑦ.

ᐱᓇᓱᒐᒻᒫᓂᒃ ᐃᓕᓐᓂᐊᕈᑏᑦ

ᐱᓇᓱᒐᒻᒫᓂᒃ ᐃᓕᓐᓂᐊᕈᑏᑦ CEGEP-ᒥ ᓴᓇᒪᕗᑦ ᐃᓕᓐᓂᐊᑎᓂᒃ ᐊᑐᐃᓐᓇᕈᐃᒍᒫᕐᓂᐊᓱᑎᒃ ᐱᓇᓱᑦᑎᓴᐅᖃᑕᐅᓂᕐᒧᑦ. ᐃᓕᓐᓂᐊᕈᑏᑦ ᐊᕐᕌᒍᓂᒃ ᐱᖓᓱᓂᒃ ᐅᖓᑖᓄᓪᓘᓃᑦ ᐊᑯᓂᕆᓂᖃᓲᑦ. ᐃᓕᓐᓂᐊᑏᑦ ᐱᕕᖃᓚᖓᔪᑦ ᐊᒡᒐᒧᑦ-ᐊᐅᓚᑦᓯᓗᑎᒃ ᐱᓕᓂᖕᖑᓂᕐᒥᒃ ᓂᕈᐊᕐᑕᒥᓂ ᐱᓇᓱᒐᒻᒫᒥᒃ ᐃᓕᓐᓂᐊᕈᑎᒥ, ᐃᓕᓐᓂᐊᕈᑏᑦ ᐊᒥᓲᓂᕐᓴᖏᑦ ᐱᕕᖃᕐᑎᓯᒻᒥᑎᓪᓗᒋᑦ ᐆᑦᑐᕋᕐᓂᒥᒃ ᐅᕝᕙᓘᓐᓃᑦ ᐱᓇᓱᕝᕕᒧᑦ ᐃᓕᔭᐅᓂᕐᒥᒃ ᐃᓕᓐᓂᐊᑎᐅᑉ ᐃᓕᓐᓂᐊᑕᐅᓂᖓᑕ ᑭᖑᓪᓕᐹᖏᓐᓂ. ᓇᓪᓕᑳᕈᑎᑦᓭᑦ ᐃᓚᖏᑦ ᐱᓇᓱᒐᒻᒫᒥᒃ ᐃᓕᓐᓂᐊᕈᑎᓂ ᖃᓗᓯᔪᑦ: ᓱᓕᖕᖑᐊᓂᖅ ᐱᓇᓱᒐᕆᓗᒍ, ᓱᖃᑦᓯᓂᖅ ᐊᒻᒪᓗ ᓄᓇᓕᓐᓂ ᐱᕙᓪᓕᐊᓂᖅ, ᐊᑦᔨᖑᐊᓂᒃ ᐊᒻᒪᓗ ᖃᕆᑕᐅᔭᒃᑯᑦ ᐅᒃᑯᐃᕕᓐᓂᒃ ᓴᓇᓂᖅ, ᐋᓐᓂᐊᓯᐅᕐᓂᖅ, ᓴᓇᒻᒪᓕᐅᕐᓂᒥᒃ ᐱᓇᓲᑏᑦ ᐊᒻᒪᓗ ᐃᓅᓱᑦᑐᐃᑦ ᐊᒻᒪᓗ ᐃᓄᒻᒪᕇᑦ ᐋᕐᕿᒋᐊᕐᕈᑎᖏᓐᓂᒃ ᑲᒪᔨᐅᓂᖅ.

ᐊᕐᖁᑏᑦ ᑲᓱᕐᕕᖏᑦ ᐊᒻᒪᓗ ᒥᖕᖏᕖᑦ ᐃᓕᓐᓂᐊᕈᑏᑦ

ᑖᒃᑯᐊ ᐃᓕᓐᓂᐊᕈᑏᑦ ᐊᑐᐃᓐᓇᐅᕗᑦ ᐃᓕᓐᓂᐊᕕᒻᒪᕇᑦ ᐊᒻᒪᓗ CEGEP ᐃᓚᖏᓐᓂ ᐃᓕᓐᓂᐊᑎᓂᒃ ᐊᑐᐃᓐᓇᕈᑦᑎᕈᑕᐅᑦᓱᑎᒃ ᓴᖑᓂᖓᓄᑦ ᐱᒋᐊᖕᖏᓂᖏᓐᓂ ᐃᓕᓐᓂᐊᕕᒻᒪᕆᒻᒥ ᐃᓕᓐᓂᐊᕈᑎᓂᒃ ᓂᕈᐊᕐᑕᒥᓂᒃ. John Abbott College ᐊᕐᖁᑎᓄᑦ ᑲᓱᕐᕕᓂᒃ ᐃᓕᓐᓂᐊᕈᑎᖃᕐᑎᓯᔪᑦ ᑕᒪᑐᒥᖓ ᐊᑐᕈᒪᔪᓄᑦ ᐱᒋᐊᓯᔪᓄᑦ ᓄᓇᓕᑐᖃᑦᓴᔭᐅᑦᓱᑎᒃ ᐃᓕᓐᓂᐊᑎᓄᑦ. ᑕᒪᑐᒥᖓ ᖃᐅᔨᒋᐊᑦᓯᐊᕈᓐᓇᑐᑎᑦ ᑕᒡᒐᓂ. Montmorency College ᐃᓕᓐᓂᐊᕕᒻᒪᕆᖓ ᐱᑕᖃᕐᒥᔪᖅ ᐊᑦᔨᒐᓚᖓᓂᒃ ᐃᓕᓐᓂᐊᕈᑎᒥᒃ ᐅᐃᒍᐃᑎᑐᑦ ᐃᓕᓐᓂᐊᑐᓄᑦ. ᐃᓕᓐᓂᐊᕕᒻᒪᕇᑦ ᐊᓯᖏᑦ ᑯᐯᒻᒥ ᐱᑕᖃᓲᖒᒻᒥᔪᑦ ᑌᒣᑦᑐᓂᒃ ᐃᓕᓐᓂᐊᕈᑎᓂᒃ.

ᓄᓇᕕᒃ ᓯᕗᓂᑦᓴᕗᑦ (NS)

ᖃᒻᒥᑯᑦ ᓇᓪᓕᑳᕈᑎᑦᓴᕈᕐᓯᒪᔪᖅ ᐳᕐᑐᓂᕐᓴᓂᒃ ᐃᓕᓐᓂᐊᓂᕐᒥᒃ ᐱᔭᕇᕐᑐᓄᑦ ᓄᓇᕕᒻᒥ ᑕᒪᓐᓇᐅᕗᖅ ᐃᓕᓐᓂᐊᓂᖅ NS-ᒥ. ᐃᓂᖃᕐᓱᓂ ᐊᕙᑕᖅ ᐱᐅᓯᑐᖃᓕᕆᕕᒻᒥ ᒪᓐᑐᔨᐊᓪ ᐃᓪᓗᒐᓴᓕᖓᑕ ᕿᑎᖓᓂ, NS ᒪᓂᒻᒥᑎᑦᓯᔪᖅ ᐊᑕᐅᓯᕐᒥᒃ ᐊᕐᕌᒍᒥᒃ ᐃᓕᓐᓂᐊᕈᑎᒥᒃ ᑕᒡᒎᓇ ᐃᓕᓐᓂᐊᑐᑦ ᐃᓕᓐᓂᐊᑎᑕᐅᑎᓪᓗᒋᑦ ᐃᓄᐃᑦ ᐃᓗᕐᖁᓯᖓᑕ ᒥᑦᓵᓄᑦ, ᓯᕗᓪᓕᕕᓂᖏᓐᓂᓗ, ᐊᐅᓚᑦᓯᔨᖃᕐᓂᖓᓐᓂᒃ ᐊᒻᒪᓗ ᐅᖃᐅᓯᖓᓐᓂᒃ. ᐃᓕᓐᓂᐊᕈᑎᖓ ᐱᐅᓗᖁᑎᓕᒃ ᐃᓗᕐᖁᓯᓕᕆᑦᓱᓂ ᓄᓇᓄᑦ ᑕᑯᓂᐊᕐᓯᒪᓂᕐᓂᒃ, ᙯᖁᔭᐅᒪᔪᓂᓪᓗ ᐅᖄᔪᖃᓲᖒᑦᓱᓂ, ᐊᒻᒪᓗ ᐃᓕᓐᓂᐊᕈᑎᖏᑦ ᓈᒻᒪᓯᓕᑎᕐᓯᒪᑦᓱᑎᒃ ᑐᕌᓪᓚᕆᑦᑕᖏᓐᓄᑦ ᓄᓇᕕᒻᒥᐅᓄᑦ. ᐃᓕᓐᓂᐊᕈᑎᒥᒃ ᐱᔭᕇᑐᐊᕋᒥᒃ, ᐃᓕᓐᓂᐊᑏᑦ ᐱᑎᑕᐅᓲᑦ ᐃᓕᓐᓂᐊᕕᒻᒪᕆᒻᒥ ᐃᓕᑦᓯᒍᑎᒥᒃ ᓄᓇᓕᓐᓂ ᐊᒻᒪᓗ ᐃᓗᕐᖁᓯᕐᑎᒍᑦ ᓯᕗᓕᕐᓂᒧᑦ ᐃᓕᖓᔪᒥᒃ. ᐃᓕᓐᓂᐊᕕᒻᒪᕆᒻᒥ ᐃᓕᑦᓯᒍᑏᑦ ᑭᓯᑕᐅᒍᑎᖏᑦ ᐃᓕᓐᓂᐊᑏᑦ ᓴᓇᔭᖏᑦ ᑭᓯᖃᑕᐅᒍᓐᓇᑐᑦ ᐊᑐᕐᓗᑎᒃ ᑭᖑᓂᕐᒥ ᐃᓕᓐᓂᐊᕕᒻᒪᕆᒻᒥᒃ ᐱᔭᕇᕈᑎᑖᕐᓂᒧᑦ, ᖃᐅᔨᒋᐊᓪᓚᕈᒪᒍᕕᑦ ᓄᓇᕕᒃ ᓯᕗᓂᑦᓴᕗᑦ ᒥᑦᓵᓄᑦ ᐳᓛᕐᓗᑎᑦ ᐅᕙᓂ www.sivunitsavut.ca.

ᐃᓕᓐᓂᐊᕕᒻᒪᕆᒻᒥ CEGEP-ᒥ ᐃᓚᐅᒍᒪᐅᑎᓕᐅᕈᒪᕕᑦ?

ᐳᕐᑐᓂᕐᓴᓂᒃ ᐃᓕᓐᓂᐊᕈᑎᓂᒃ ᐱᔭᕇᕈᑎᒥᒃ ᐱᑕᖃᕐᕿᑦ? ᐊᑭᓕᕐᑐᐃᒍᑦᔭᐅᓂᕐᒥᒃ ᐱᔪᓐᓇᑐᑦᓴᐅᕕᑦ? ᐃᓕᓐᓂᐊᕕᒻᒪᕆᒻᒦ ᐃᓕᓐᓂᐊᕈᑎᓂᒃ ᐱᒋᐊᕈᒪᕕᑦ? ᐋᖃᐅᑐᐊᕐᐸᑦ, ᐅᑯᐊ ᐅᓪᓗᐃᑦ ᐳᐃᒍᕐᑌᓕᒋᐊᓕᑎᑦ CEGEP-ᒥ ᐃᓕᓐᓂᐊᓂᕐᒧᑦ ᐃᓚᐅᒍᒪᐅᑎᒥᒃ ᐊᓪᓚᓕᕈᕕᑦ:

ᐅᑭᐊᒃᑯᑦ ᐃᓕᓐᓂᐊᓂᕐᒧᑦ (ᐃᓕᓐᓂᐊᕈᑏᑦ ᐱᒋᐊᕈᓪᓕᐅᔪᑦ ᐊᐅᒡᒍᔅᑎᐅᑉ ᕿᑎᖓᓂ):

  1. ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎᓕᐅᕐᓗᑎᑦ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᕕᕈᐊᕆ 1 ᐃᓱᒋᓗᒍ*ᐃᑉᐱᒋᔭᐅᓕ: ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎ ᑲᔪᓯᑎᑕᐅᓂᐊᕐᐸᑦ, ᐋᑦᓯᒋᐊᖃᕐᑐᑎᑦ ᐊᑦᔨᓂᒃ ᐅᑯᓄᖓ ᐊᓪᓚᓯᒪᔪᓄᑦ: ᐃᓅᓕᕐᓂᒧᑦ ᓇᓗᓀᒃᑯᑕᖅ, ᐋᓐᓂᐊᕕᒻᒥ ᑲᒪᒋᔭᐅᒍᑎ ᓵᑦᑐᔮᖅ, ᐃᓕᓐᓂᐊᕕᐅᑉ ᐃᓕᓐᓂᐊᑎᒧᑦ ᐊᓪᓚᖁᑎᖏᑦ ᐊᒻᒪᓗ ᐃᓚᐅᔫᒍᑎ ᓵᑦᑐᔮᖅ. ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎᓂᒃ ᐊᓪᓚᕕᑦᓴᖅ ᐊᓪᓚᒍᓐᓇᑌᑦ ᐅᕙᓂ.
  2.  ᐃᓚᐅᒍᒪᐅᑎᓕᐅᕐᓗᑎᑦ ᐃᓕᓐᓂᐊᕈᑎᒧᑦ ᐊᒻᒪᓗ ᐃᓕᓐᓂᐊᕕᒻᒧᑦ ᐅᐸᒍᒪᔭᕐᓅᕕᑦ ᒫᑦᔨ 1 ᐃᓱᒋᓗᒍ*ᐃᑉᐱᒋᔭᐅᓕ: ᐊᑐᕈᒪᒍᕕᑦ ᐃᓕᓐᓂᐊᕈᑎᒥᒃ ᒪᓂᒻᒥᔪᒥᒃ ᑎᒥᒥ ᒪᓐᑐᔨᐊᓪᒧᑦ ᖃᓂᑦᑐᒥ, ᑐᑦᓯᕋᐅᑎᓕᐅᕈᓐᓇᑐᑎᑦ ᐅᕙᓂ SRAM. ᐊᑐᕈᒪᒍᕕᑦ ᐃᓕᓐᓂᐊᕈᑎᓂᒃ ᒪᓂᔭᐅᒪᔪᓂᒃ ᐃᓕᓐᓂᐊᕕᒻᒥ ᓄᓇᒥ ᐊᓯᐊᓂ, ᒪᓕᒋᐊᖃᕐᑐᑎᑦ ᑐᑦᓯᕋᐅᑎᓕᐅᕐᓂᐅᑉ ᒪᓕᒐᖏᓐᓂᒃ ᐊᑐᕆᐊᖃᕐᑎᑕᐅᔪᓂᒃ ᑖᑦᓱᒧᖓ ᑎᒥᒧᑦ.

ᐅᑭᐅᒃᑯᑦ ᐃᓕᓐᓂᐊᓂᕐᒧᑦ (ᐃᓕᓐᓂᐊᕈᑏᑦ ᐱᒋᐊᕈᓪᓕᐅᔪᑦ ᔭᓄᐊᕆᐅᑉ ᕿᑎᖓᓂ):

  1. ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎᓕᐅᕐᓗᑎᑦ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᐅᒃᑑᐱᕆ 1 ᐃᓱᒋᓗᒍ*ᐃᑉᐱᒋᔭᐅᓕ: ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎ ᑲᔪᓯᑎᑕᐅᓂᐊᕐᐸᑦ, ᐋᑦᓯᒋᐊᖃᕐᑐᑎᑦ ᐊᑦᔨᓂᒃ ᐅᑯᓄᖓ ᐊᓪᓚᓯᒪᔪᓄᑦ: ᐃᓅᓕᕐᓂᒧᑦ ᓇᓗᓀᒃᑯᑕᖅ, ᐋᓐᓂᐊᕕᒻᒥ ᑲᒪᒋᔭᐅᒍᑎ ᓵᑦᑐᔮᖅ, ᐃᓕᓐᓂᐊᕕᐅᑉ ᐃᓕᓐᓂᐊᑎᒧᑦ ᐊᓪᓚᖁᑎᖏᑦ ᐊᒻᒪᓗ ᐃᓚᐅᔫᒍᑎ ᓵᑦᑐᔮᖅ. ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎᓂᒃ ᐊᓪᓚᕕᑦᓴᖅ ᐊᓪᓚᒍᓐᓇᑌᑦ ᐅᕙᓂ.
  2. ᐃᓚᐅᒍᒪᐅᑎᓕᐅᕐᓗᑎᑦ ᐃᓕᓐᓂᐊᕈᑎᒧᑦ ᐊᒻᒪᓗ ᐃᓕᓐᓂᐊᕕᒻᒧᑦ ᐅᐸᒍᒪᔭᕐᓅᕕᑦ ᓄᕕᒻᐱᕆ 1 ᐃᓱᒋᓗᒍ*ᐃᑉᐱᒋᔭᐅᓕ: ᐊᑐᕈᒪᒍᕕᑦ ᐃᓕᓐᓂᐊᕈᑎᒥᒃ ᒪᓂᒻᒥᔪᒥᒃ ᑎᒥᒥ ᒪᓐᑐᔨᐊᓪᒧᑦ ᖃᓂᑦᑐᒥ, ᑐᑦᓯᕋᐅᑎᓕᐅᕈᓐᓇᑐᑎᑦ ᐅᕙᓂ SRAM. ᐊᑐᕈᒪᒍᕕᑦ ᐃᓕᓐᓂᐊᕈᑎᓂᒃ ᒪᓂᔭᐅᒪᔪᓂᒃ ᐃᓕᓐᓂᐊᕕᒻᒥ ᓄᓇᒥ ᐊᓯᐊᓂ, ᒪᓕᒋᐊᖃᕐᑐᑎᑦ ᑐᑦᓯᕋᐅᑎᓕᐅᕐᓂᐅᑉ ᒪᓕᒐᖏᓐᓂᒃ ᐊᑐᕆᐊᖃᕐᑎᑕᐅᔪᓂᒃ ᑖᑦᓱᒧᖓ ᑎᒥᒧᑦ.

ᖃᐅᔨᒪᒍᑎᒋᐊᓪᓚᓂᒃ ᐱᒋᐊᖃᖏᓐᓇᐱᑦ? ᐊᐱᕐᓲᑎᑦᓴᖃᕐᕿᑦ? ᐋᖃᐅᑐᐊᕐᐸᑦ, ᐅᖃᓕᒪᓗᑎᑦ ᑲᑎᕕᒃ ᐃᓕᓴᕐᓂᓕᕆᔨᒃᑯᑦ ᐳᕐᑐᓂᕐᓭᑦ ᑭᖑᓂᐊᒍᑦ ᐃᓕᓐᓂᐊᑐᓂᒃ ᐱᒍᑦᔨᕕᖓᓄᑦ ᐅᕙᓂ 514 457-1178 ext.: 224. ᐃᓕᓐᓂᒃ ᐃᑲᔪᕆᐊᖅ ᐊᓕᐊᓱᓚᖓᕗᒍᑦ!

ᐱᓇᓱᒐᕐᒥᒃ ᐱᒋᐅᕐᓴᐅᑏᑦ