ᓯᓚᑦᑐᓴᕐᕕᒃ

ᐃᓕᓐᓂᐊᑏᑦ ᐱᔭᕇᕐᓯᒪᔪᑦ CEGEP-ᒥ ᐃᓕᓐᓂᐊᕈᑎᒥᓂᒃ ᑐᑭᑖᕈᓐᓇᑐᑦ ᐅᖓᒻᒧᐊᑎᑦᓯᒋᐊᓪᓚᓚᖓᓗᑎᒃ ᐃᓕᓐᓂᐊᓂᕐᒥᓂᒃ ᓯᓚᑦᑐᓴᕐᕕᐅᑉ ᐳᕐᑐᓂᖓᓂ. ᐃᓄᒻᒪᕇᑦ* ᐃᓕᓐᓂᐊᑏᑦ DEC-ᒥᒃ ᐱᑕᖃᖕᖏᑐᑦ ᑐᑦᓯᕋᐅᑎᓕᐅᕈᓐᓇᒥᔪᑦ ᑐᕃᓐᓇᓗᑎᒃ ᓯᓚᑦᑐᓴᕐᕕᒧᑦ ᑯᐯᒃ ᐃᓗᐊᓂ. 18-ᓂᒃ ᓯᓚᑦᑐᓴᕐᕕᖃᕐᖁᖅ ᑯᐯᒻᒥ ᐊᒻᒪᓗ ᑕᒪᒃᑯᐊ ᒪᓂᒻᒥᑎᑦᓯᕗᑦ ᐊᑦᔨᒌᖕᖏᑐᒻᒪᕆᐊᓗᓐᓂᒃ ᐃᓕᓐᓂᐊᕈᑎᓂᒃ.

ᐃᓕᓐᓂᐊᑏᑦ ᐃᓚᖏᑦ ᐊᑭᓕᕐᑐᐃᒍᑦᔭᐅᔪᑦ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᐃᓕᓐᓂᐊᖃᑦᑕᓯᒪᔪᑦ ᓯᓚᑦᑐᓴᕐᕕᓂ ᒪᑯᓇᓂ ᒪᑭᓪ, ᑲᓐᑯᐊᑎᐊ ᐊᒻᒪᓗ ᐱᓴᑉ. ᐃᓕᓐᓂᐊᕈᑎᓂᒃ ᓈᓭᒪᒍᑏᑦ ᓯᕕᑐᔫᒐᓗᐊᕐᑎᓗᒋᑦ, ᐃᓕᓐᓂᐊᑏᑦ ᐃᓕᓐᓂᐊᖃᑦᑕᓯᒪᔪᑦ ᓱᓇᑐᐃᓐᓇᓂᒃ ᐃᓕᓐᓂᐊᑎᑦᓯᓂᕐᒥᒃ ᐱᒋᐊᕐᓱᒍ ᑎᑭᑦᓱᒍ ᐃᓄᓐᓂᒃ ᑲᒪᔨᐅᓂᕐᒧᑦ ᐊᒻᒪᓗ ᓄᓇᖃᕐᖄᓯᒪᔪᑦ ᐃᓄᖏᓐᓂᒃ ᐃᓕᓐᓂᐊᓂᕐᒧᑦ ᐊᒻᒪᓗ ᐱᖁᔭᓕᕆᓂᕐᒧᑦ. ᐃᓕᓐᓂᐊᑏᑦ ᐃᓕᓐᓂᐊᕈᒪᔪᑦ ᑯᐯᒃ ᓯᓚᑖᓂ ᖃᓄᕐᑑᖃᑎᖃᕆᐊᓖᑦ ᐳᕐᑐᓂᕐᓭᑦ ᑭᖑᓂᐊᒍᑦ ᐃᓕᓐᓂᐊᑐᓂᒃ ᐱᒍᑦᔨᕕᒻᒥᒃ ᐅᖄᖃᑎᒋᓗᒋᑦ ᓇᓪᓕᑳᕈᑎᑦᓴᓂᒃ ᐱᔪᓐᓇᑕᒥᓂᒃ.

*ᐃᑉᐱᒋᔭᐅᓕ: ᐃᓄᒻᒪᕆᒃ ᐃᓕᓐᓂᐊᑎ ᐅᓕᕐᓀᓯᒪᔪᖅ ᐃᒫᒃ ᐃᓄᒃ 21-ᓂᒃ ᐅᑭᐅᖃᓕᕐᑐᖅ ᐅᖓᑖᓄᓪᓘᓃᑦ ᐃᓚᐅᒍᒪᐅᑎᒥᒃ ᐊᓪᓚᒍᑎᒥᓂ ᐊᒻᒪᓗ ᓂᐳᕐᑎᓯᖕᖏᑐᖅ ᐱᐅᓯᒃᑯᑦ ᐃᑎᕈᓐᓇᓚᖓᓗᓂ ᓂᐳᕐᑎᒋᐊᓕᓐᓂᒃ.  

ᓯᓚᑦᑐᓴᕐᕕᒥ ᐃᓚᐅᒍᒪᐅᑎᒥᒃ ᐊᓪᓚᒍᒪᕕᑦ?

ᐊᑭᓕᕐᑐᐃᒍᑦᔭᐅᓂᕐᒥᒃ ᐱᒍᓐᓇᑐᑦᓴᐅᕕᑦ? ᐃᓕᓐᓂᐊᕇᕐᓯᒪᐅᑎᖃᕐᕿᑦ CEGEP-ᒥᒃ ᐱᓯᒪᔪᒥᒃ ᐅᕝᕙᓗ ᐃᓄᒻᒪᕆᐅᑦᓱᑎᒃ ᐃᓕᓐᓂᐊᑎᐅᕕᑦ? ᐋᖃᐅᑐᐊᕐᐸᑦ, ᐅᑯᐊ ᐅᓪᓗᐃᑦ ᐃᓱᓕᕕᑦᓴᓕᐊᖑᓯᒪᔪᑦ ᐳᐃᒍᕐᑌᓕᒋᐊᓕᑎᑦ ᐃᓚᐅᒍᒪᐅᑎᒥᒃ ᓯᓚᑦᑐᓴᕐᕕᒧᑦ ᑯᐯᒃ ᐃᓗᐊᓂ ᐊᓪᓚᓕᕈᕕᑦ:

ᐅᑭᐊᒃᑯᑦ ᐃᓕᓐᓂᐊᓂᕐᒧᑦ (ᐃᓕᓐᓂᐊᕈᑏᑦ ᐱᒋᐊᕈᓪᓕᐅᔪᑦ ᐊᐅᒡᒍᔅᑎᐅᑉ ᐃᓱᒐᓚᖓᓂ):

  1. ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎᓕᐅᕐᓗᑎᑦ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᕕᕈᐊᕆ 1 ᐃᓱᒋᓗᒍ 

    *ᐃᑉᐱᒋᔭᐅᓕ: ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎ ᑲᔪᓯᑎᑕᐅᓂᐊᕐᐸᑦ, ᐋᑦᓯᒋᐊᖃᕐᑐᑎᑦ ᐊᑦᔨᓂᒃ ᐅᑯᓄᖓ ᐊᓪᓚᓯᒪᔪᓄᑦ: ᐃᓅᓕᕐᓂᒧᑦ ᓇᓗᓀᒃᑯᑕᖅ, ᐋᓐᓂᐊᕕᒻᒥ ᑲᒪᒋᔭᐅᒍᑎ ᓵᑦᑐᔮᖅ, ᐃᓕᓐᓂᐊᕕᐅᑉ ᐃᓕᓐᓂᐊᑎᒧᑦ ᐊᓪᓚᖁᑎᖏᑦ ᐊᒻᒪᓗ ᐃᓚᐅᔫᒍᑎ ᓵᑦᑐᔮᖅ. ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎᓂᒃ ᐊᓪᓚᕕᑦᓴᖅ ᐊᓪᓚᒍᓐᓇᑌᑦ ᐅᕙᓂ. 

  2. ᑐᑦᓯᕋᐅᑎᓕᐅᕐᓗᑎᑦ ᑐᕃᓐᓇᑐᒥᒃ ᓯᓚᑦᑐᓴᕐᕕᒧᑦ ᐊᒻᒪᓗ ᐃᓕᓐᓂᐊᕈᑎᒧ(ᓄ)ᑦ ᐊᑐᕈᒪᔭᕐᓅᕕᑦ ᒫᑦᔨ 1 ᐃᓱᒋᓗᒍ

ᐅᑭᐅᒃᑯᑦ ᐃᓕᓐᓂᐊᓂᕐᒧᑦ (ᐃᓕᓐᓂᐊᕈᑏᑦ ᐱᒋᐊᕈᓪᓕᐅᔪᑦ ᔭᓄᐊᕆᐅᑉ ᕿᑎᖓᓂ):

  1.  ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎᓕᐅᕐᓗᑎᑦ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ ᐅᒃᑑᐱᕆ 1 ᐃᓱᒋᓗᒍ

    *ᐃᑉᐱᒋᔭᐅᓕ: ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎ ᑲᔪᓯᑎᑕᐅᓂᐊᕐᐸᑦ, ᐋᑦᓯᒋᐊᖃᕐᑐᑎᑦ ᐊᑦᔨᓂᒃ ᐅᑯᓄᖓ ᐊᓪᓚᓯᒪᔪᓄᑦ: ᐃᓅᓕᕐᓂᒧᑦ ᓇᓗᓀᒃᑯᑕᖅ, ᐋᓐᓂᐊᕕᒻᒥ ᑲᒪᒋᔭᐅᒍᑎ ᓵᑦᑐᔮᖅ, ᐃᓕᓐᓂᐊᕕᐅᑉ ᐃᓕᓐᓂᐊᑎᒧᑦ ᐊᓪᓚᖁᑎᖏᑦ ᐊᒻᒪᓗ ᐃᓚᐅᔫᒍᑎ ᓵᑦᑐᔮᖅ. ᐊᑭᓕᕐᑐᐃᒍᑦᔭᐅᓂᕐᒥᒃ ᑐᑦᓯᕋᐅᑎᓂᒃ ᐊᓪᓚᕕᑦᓴᖅ ᐊᓪᓚᒍᓐᓇᑌᑦ ᐅᕙᓂ.

  2. ᑐᑦᓯᕋᐅᑎᓕᐅᕐᓗᑎᑦ ᑐᕃᓐᓇᑐᒥᒃ ᓯᓚᑦᑐᓴᕐᕕᒧᑦ ᐊᒻᒪᓗ ᐃᓕᓐᓂᐊᕈᑎᒧ(ᓄ)ᑦ ᐊᑐᕈᒪᔭᕐᓅᕕᑦ ᓄᕕᒻᐱᕆ 1 ᐃᓱᒋᓗᒍ

    ᖃᐅᔨᒪᒍᑎᒋᐊᓪᓚᓂᒃ ᐱᒋᐊᖃᖏᓐᓇᐱᑦ? ᐊᐱᕐᓲᑎᑦᓴᖃᕐᕿᑦ? ᐋᖃᐅᑐᐊᕐᐸᑦ, ᐅᖃᓕᒪᓗᑎᑦ ᑲᑎᕕᒃ ᐃᓕᓴᕐᓂᓕᕆᔨᒃᑯᑦ ᐳᕐᑐᓂᕐᓭᑦ ᑭᖑᓂᐊᒍᑦ ᐃᓕᓐᓂᐊᑐᓂᒃ ᐱᒍᑦᔨᕕᖓᓄᑦ ᐅᕙᓂ 514 457-1178 ext.: 224. ᐃᓕᓐᓂᒃ ᐃᑲᔪᕆᐊᖅ ᐊᓕᐊᓱᓚᖓᕗᒍᑦ!