ᑰᒃᔪᐊᖅ, ᑯᐯᒃ (ᐊᐅᔭᓕᕈᑦ 16, 2017) –  ᐃᓖᓇ ᐴᑎ ᐃᓚᐅᓯᓚᐅᔪᕗᖅ ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᑭᒡᒐᑐᕐᑎᓄᑦ ᐊᒻᒪᓗ ᐳᕐᑐᓂᕐᓴᓄᑦ ᑲᑎᒪᔨᖏᓐᓄᑦ ᑎᓕᔭᐅᓯᒪᓂᕐᒥᒍᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑭᒡᒐᑐᕐᑎᖓᓄᑦ.  ᐃᓖᓇ ᐃᓇᖐᔪᖅ ᒥᐊᔨ ᐱᓗᕐᑑᒥᒃ ᓄᕐᖃᓚᐅᔪᒻᒪᑦ ᓇᑦᓯᐊᓕᐅᑦ 2017-ᒥ.  ᑲᑎᒪᔨᐅᓂᕐᒧᑦ ᐊᖏᕈᑎᒥᓂᒃ ᐸᑎᒻᒥᓯᑎᑕᐅᓚᐅᕐᑐᖅ ᐃᓕᓐᓂᐊᓂᕐᒥᒃ ᑭᒡᒐᑐᕐᑏᑦ ᑲᑎᖕᖓᑎᓪᓗᒋᑦ, ᒪᓐᑐᕆᐊᓪᒥ ᒪᓐᓂᓕᐅᑦ 19ᒥᑦ 23ᒧᑦ.

ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᓄᓇᓕᓐᓂᑦ ᑭᒡᒐᑐᕐᑎᖏᓐᓂ ᑲᑎᒪᔩᑦ ᐅᑯᐊᖑᕗᑦ:

• ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐊᖓᔪᕐᖄᖅ, ᐳᕐᑐᓂᕐᓴᓂ ᑲᑎᒪᔨ ᐊᒻᒪᓗ ᐃᓄᒃᔪᐊᒥᐅᑦ ᑭᒡᒐᖓ:  ᐋᓚᓯ ᓈᓚᒃᑑᔭᒃ
• ᑲᑎᕕᒃ ᐃᓕᓐᓂᐊᓂᓕᕆᓂᕐᒥ ᐊᖓᔪᕐᖄᑉ-ᑐᖓᓕᖓ, ᐳᕐᑐᓂᕐᓴᓂ ᑲᑎᒪᔨ ᐊᒻᒪᓗ ᑰᒃᔪᐊᒥᐅᑦ ᑭᒡᒐᖓ:  ᕌᐳᕐᑦ ᒍᐊᑦ
• ᐳᕐᑐᓂᕐᓴᓂ ᑲᑎᒪᔨ ᐊᒻᒪᓗ ᐊᐅᐸᓗᒻᒥᐅᑦ ᑭᒡᒐᖓ:  ᒫᕐᑎᓐ ᓯᑳᑦ
• ᐳᕐᑐᓂᕐᓴᓂ ᑲᑎᒪᔨ ᐊᒻᒪᓗ ᐳᕕᕐᓂᑐᒥᐅᑦ ᑭᒡᒐᖓ: ᓯᐊᔭ ᐴᐅᓪᓐ
• ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑭᒡᒐᖓ ᐊᒻᒪᓗ ᐳᕐᑐᓂᕐᓴᓂ ᑲᑎᒪᔨ:  ᐃᓖᓇ ᐴᑎ
• ᑲᖏᕐᓱᐊᓗᒃᔪᐊᒥᐅᑦ ᑭᒡᒐᖓ: ᔮᓐ ᓗᑑᒃ
• ᑰᒃᔪᐊᕌᐱᒻᒥᐅᑦ ᑭᒡᒐᖓ: ᐋᓐᑕᓂ ᐃᑦᑐᓵᑦ
• ᑕᓯᐅᔭᕐᒥᐅᑦ ᑭᒡᒐᖓ: ᐹᓴ ᐴᑎ
• ᑲᖏᕐᓱᒥᐅᑦ ᑭᒡᒐᖓ: ᓯᐊᔭ ᐊ. ᑯᔩ
• ᖁᐊᕐᑕᒥᐅᑦ ᑭᒡᒐᖓ: ᐹᓪᓚᔮ ᐃᔨᑭᐅᓪ
• ᑲᖏᕐᓱᔪᐊᕐᒥᐅᑦ ᑭᒡᒐᖓ: ᔨᐊᓯᑲ ᐋᕐᖓᖅ
• ᓴᓪᓗᒥᐅᑦ ᑭᒡᒐᖓ: ᑲᒃᑭᓂᖅ ᓇᓗᐃᔪᒃ
• ᐅᒥᐅᔭᕐᒥᐅᑦ ᑭᒡᒐᖓ: ᐄᕙ ᓂᕕᐊᕐᓯ
• ᐃᕗᔨᕕᒻᒥᐅᑦ ᑭᒡᒐᖓ: ᓭᕋ ᑲᓈᕐᔪᐊᖅ
• ᐊᑯᓕᕕᒻᒥᐅᑦ ᑭᒡᒐᖓ: ᒫᑯᓯ ᕿᓐᓄᐊᔪᐊᖅ

ᑭᓇᒃᑰᓂᕗᓐᓄᐊᖓᔪᖅ:
ᑲᑎᕕᒃ ᐃᓕᓐᓂᐊᓂᓕᕆᓂᖅ (ᑲᑎᕕᒃ) ᑎᒥᖕᖑᑎᑕᐅᓯᒪᔪᖅ 1975ᒥ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᑎᒍᑦ ᓄᐃᑕᐅᑦᓱᓂ.  ᑌᒪᖕᖓᓂᑦ 1978ᒥᓂᑦ, ᑖᓐᓇᑑᑦᓱᓂ ᐃᓕᓐᓂᐊᓂᕐᒥᒃ ᐱᒍᑦᔨᐅᑎᓂᒃ ᐱᑕᖃᕐᑎᓯᔪᑑᓯᒪᔪᖅ ᓄᓇᕕᒻᒥᐅᓄᑦ.  ᐃᓕᓐᓂᐊᓂᕐᒥᒃ ᐱᓇᓱᐊᕐᓃᑦ ᐱᕙᓪᓕᐊᑎᑕᐅᓯᒪᔪᑦ ᑲᑎᕕᒃᑯᓄᑦ ᒪᓂᔭᐅᕗᑦ ᐃᓕᓴᕐᕕᓕᒫᖏᓐᓂ 14-ᓂᑦ ᓄᓇᕕᒻᒥ ᓄᓇᓕᓐᓂ, ᐅᖃᐅᓯᕐᖄᕆᔭᐅᑎᓪᓗᒍᑦ ᐃᓄᒃᑎᑐᑦ ᐊᒻᒪᓗ ᒍᐃᒍᐃᑎᑐ ᖃᓪᓗᓈᑎᑐᓪᓗ ᐅᖃᐅᓯᕐᒧᑦ ᐁᑉᐱᒍᑎᐅᑎᓪᓗᒋᒃ.  ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 17-ᓂᒃ ᐳᒃᑭᓂᕐᓴᓃᑦᑐᓂᒃ ᐳᕐᑐᓂᕐᓵᓃᑦᑐᓂᓪᓗ ᐃᓕᓴᕐᕕᓂᒃ ᐊᒻᒪᓗᑦᑕᐅᖅ 5-ᓂᒃ ᐃᓄᒻᒪᕆᓄᑦ ᐃᓕᓴᕐᕕᓂᒃ.  ᑐᑭᓯᒋᐊᓪᓚᕕᑦᓭᑦ ᐅᕙᓂ:

www.kativik.qc.ca

ᑐᑭᓯᒋᐊᓪᓚᕈᒪᒍᕕᑦ, ᐅᓇ ᐅᖄᓚᕕᒋᓗᒍ:
Jade Duchesneau-Bernier
ᑐᓴᐅᒪᖃᑎᒌᓐᓂᓕᕆᓂᕐᒥ ᐊᑕᐅᑦᓯᑰᕐᑎᓯᔨ
(514) 482-8220

Back to News