ᒣ 18th, 2018-ᖑᑎᓪᓗᒍ ᓄᓇᕕᒃ ᓯᕗᓂᑦᓴᕗᑦ ᓯᕗᓪᓕᐹᑦ ᐱᔭᕇᕈᑎᑖᓚᐅᕐᑐᑦ ᐃᓕᓐᓂᐊᑕᒥᓂᒃ ᐊᒻᒪᓗ ᑕᑯᑦᓴᐅᑎᑦᓯᓂᖃᕐᓱᑎᒃ. ᐊᕐᕌᒍᓕᒫᒥ, ᐃᓕᓐᓂᐊᑏᑦ ᐱᓇᓱᐊᒻᒪᕆᖃᑦᑕᓚᐅᕐᑐᑦ ᖃᓄᑐᐃᓐᓇᖅ. ᐃᓚᖏᑦ ᕿᓚᐅᑦᔭᕆᐅᕐᑐᕕᓃᑦ, ᐃᓚᖏᑦ ᒥᕐᓱᕈᓯᕐᒥᓂᒃ ᐱᒋᐅᑦᓯᐊᕆᐊᕐᑎᓗᒋᑦ. ᐱᔭᕆᐊᑭᑦᑐᐊᐱᐅᓯᒪᖕᖏᑐᖅ ᓅᓐᓂᖏᓐᓄᑦ, ᑭᓯᐊᓂ ᐊᒥᓱᑦ ᐅᖃᕋᔭᕐᑐᑦ ᐱᐅᔪᓪᓚᕆᐅᒋᐊᖓᓂᒃ! ᑕᑯᓐᓇᕈᓐᓇᓯᓚᐅᔪᒍᑦ ᑭᖑᓪᓕᐹᒥ ᑕᑯᑦᓴᐅᑎᑦᓯᓂᖏᓐᓄᑦ ᐋᑦᕗᐊᑕᒥ, ᑲᑕᑦᔭᑎᓪᓗᒋᑦ, ᑭᓇᐅᑦᔭᓱᑎᓪᓗ ᐊᒻᒪᓗ ᐅᓂᒃᑳᑐᐊᕐᓱᑎᒃ.

ᐊᑕᐅᓯᐅᓈᕐᑎᑳᕐᓱᑎᒃ ᐅᖄᓂᖃᓚᐅᔪᑦ ᓇᑯᕐᒦᓱᑎᒃ, ᐃᓕᓐᓂᐊᑎᑦᓯᔨᒥᓂᒃ ᐊᒻᒪᓗ ᐃᓚᒥᓂᒃ. ᓂᓪᓕᐅᔨᒍᑎᖃᕐᓱᑎᒃ ᐃᒻᒥᓄ ᓄᓇᕕᒃ ᓯᕗᓂᑦᓴᒥ ᓄᑲᕇᑦ. ᐅᐱᓐᓇᕋᑎᒃ ᐊᑑᑎᖃᑦᑕᓚᐅᕋᒥᒃ ᐊᓯᒥᑦᑕ ᐊᑑᑎᖕᖏᑕᖓᓂᒃ, ᓯᕗᓪᓕᐸᐅᑦᓱᑎᒃ. ᖃᕆᐊᖅ ᓂᐸᓕᕋᑕᐅᓚᐅᔪᖅ ᐊᓕᐊᓱᒍᑦᔨᔪᓂᒃ, ᐃᔪᕿᑕᕐᑐᓂᒃ ᐊᒻᒪᓗ ᐊᓕᐊᓱᑦᓱᑎᒃ ᖁᕝᕕᓘᒃᑳᑐᓂᒃ. ᐊᒥᓱᓄᑦ ᐃᓕᓐᓂᐊᑎᓄᑦ, ᐱᔭᕇᕈᓐᓇᕋᔭᕐᑑᔭᓚᐅᔪᖕᖏᑐᑦ ᑭᓯᐊᓂ ᑕᒃᑲᓂ ᓂᖁᕐᕋᓚᐅᔪᑦ ᐊᑕᐅᑦᓯᑯᑦ ᐅᐱᒍᓱᑦᓱᑎᒃ. ᑲᔪᓯᓚᖓᔪᑦ ᐱᕈᕐᐸᓕᐊᓗᑎᒃ ᐊᒻᒪᓗ ᐱᒍᒪᓕᕐᑎᓯᖃᑦᑕᐅᑎᓗᑎᒃ ᑲᔪᓯᓂᕐᒥᓄᑦ ᓄᑖᓄᑦ ᐱᓇᓱᐊᓚᖓᓕᕐᒥᔭᒥᓄᑦ. ᑖᑦᓱᒧᖓ ᑕᑯᓐᓇᕋᑦᓴᒧᑦ ᑕᑯᒋᐊᕈᓐᓇᖁᒍᑦ, ᐊᑑᑎᒋᐊᓪᓚᓗᒍ ᐅᓪᓗᖃᕐᑎᓯᓂᐅᓚᐅᔪᖅ. ᐃᓚᐅᖁᔨᕗᒍᑦ ᐅᐱᒍᓱᒍᑦᔨᑎᓪᓗᑕ ᐃᓕᓐᓂᐊᑎᓂᒃ ᐱᒻᒪᕆᒻᒥᒃ ᐊᕐᕌᒍᖃᓚᐅᕐᑎᓗᒋᑦ, ᐊᒻᒪᓗ ᑐᖕᖓᓱᑦᑎᓯᕗᒍᑦ ᐃᓕᓐᓂᐊᑎᐅᓚᖓᔪᓂᒃ 2018-2019-ᒥ!

Back to News