ᐊᓪᓚᑎᐅᓂᕐᒥᒃ ᐃᓕᓐᓂᐊᑎᑕᐅᒍᑏᑦ

 


ᓇᓃᓐᓂᖓ
ᑲᔪᓯᕕᒃ ᐱᑦᔪᔨᕕᒃ, ᑰᒃᔪᐊᖅ


‹〈 ᐊᓪᓚᓯᒪᔪᖕᖑᐃᒍᑎ 

 

ᐱᓇᓱᒐᑦᓴᔭᓂᒃ ᐃᓕᓐᓂᐊᓯᒪᓂᕐᓄᑦ ᐱᔭᕇᕈᓯᕐᑕᐅᒍᑎ

1,485-ᓂ ᑫᕙᓪᓚᒍᓯᕐᓂ
ᐃᓕᓐᓂᐊᓗᑎᑦ ᐊᕐᕋᒎᒃ ᒪᕐᕉᒃ ᓈᓗᒋᒃ

ᐃᓕᓐᓂᐊᑕᕕᓂᕐᒥᓂᒃ ᐊᑑᑎᒋᐅᕐᓴᓂᖅ

90-ᓂ ᑫᕙᓪᓚᒍᓯᓂ

ᐃᓕᓐᓂᐊᖃᑕᐅᒍᒪᒍᑏᑦ ᐊᕐᕌᒎᓕᒫᒥ ᑎᒍᓚᔭᐅᖃᑦᑕᓲᑦ ᐃᓕᓐᓂᐊᑎ ᐱᒍᓐᓇᑕᒥᓂᒃ ᐃᓕᓐᓂᐊᑎᑕᐅᒍᑎᓕᒃ

 

ᐃᓕᓐᓂᐊᑕᐅᓚᖓᔪᒥᒃ ᖃᐅᔨᑎᑦᓯᒍᑎ

ᐱᓇᓱᒐᐅᑉ ᖃᓄᐃᓘᕈᑎᑕᖏᑦ

  • ᖃᕆᑕᐅᔭᒨᔭᕐᓗᒋᑦ ᐊᓪᓚᓯᒪᔪᖕᖑᐃᒍᑎᑦᓴᔦᑦ ᐊᓪᓚᓗᒋᑦ ᐊᒻᒪᓗ ᐊᓪᓚᓯᒪᔪᑦ ᐋᕐᕿᓱᒋᐊᓪᓛᓗᒋᑦ, ᐊᒻᒪᓗ ᐅᓂᒃᑲᐅᔨᓂᒃᑯᑦ ᐃᒣᓕᖓᔫᕈᑎᑦᓭᑦ ᐊᓪᓚᓗᒋᑦ, ᐊᓪᓚᓯᒪᔪᓂᓪᓗ ᐃᓗᓕᖏᓐᓂᒃ ᐊᓪᓚᕕᑦᓴᓕᐅᕐᓗᑎᑦ ᑐᑭᓯᑎᑦᓯᒍᑎᑕᖃᕐᑎᓗᒋᑦ ᐊᒻᒪᓗ ᐊᓪᓚᓗᒋᑦ ᐊᓪᓚᕕᐅᑐᐃᓐᓇᖃᑦᑕᓛᕐᑐᑦ.
  • ᐊᑐᖃᑦᑕᓗᒋᑦ ᖃᕆᑕᐅᔦᑦ ᐊᓪᓚᓯᒪᔪᖃᐅᑎᖏᓐᓃᑐᑦ, ᐊᓪᓚᒍᑎᖏᑦ, ᐊᕕᑦᑐᓯᒪᔪᓕᐅᕈᑎᖏᑦ, ᑐᓴᖃᑦᑕᐅᑎᒍᑎᖏᑦ ᐊᒻᒪᓗ ᑮᓇᐅᔭᓕᕆᓂᕐᒥᒃ ᖃᕆᑕᐅᔭᒃᑯᑦ ᐱᓇᓱᒍᑎᑦᓴᔦᑦ
  • ᐱᓇᓱᕝᕕᒥ ᐱᓇᓱᒐᖅ ᐊᐅᓚᓗᒍ ᒍᐃᒍᐃᑎᑐᑦ, ᖃᓪᓗᓈᕐᑎᑐᑦ ᐃᓄᒃᑎᑐᓪᓗ ᐅᖃᐅᓰᑦ ᐊᑐᕐᓗᒋᑦ

ᑖᓐᓇ ᐱᓇᓱᒐᖅ ᓈᒻᒪᓯᐊᕐᑐᖅ ᐃᓄᒻᒧᑦ ᑲᒃᑯᓂᖓ ᒪᓕᑦᑕᐅᒋᐊᓕᓐᓂᒃ ᐱᔪᓐᓇᑕᖃᑦᓯᐊᑐᒧᑦ:

  • ᐅᖄᒍᓐᓇᓯᐊᕐᓗᓂᓗ ᐊᓪᓚᒍᓐᓇᓂᖃᑦᓯᐊᓗᓂᓗ ᒍᐃᒍᐃᑎᑐᑦ
  • ᖃᐅᔨᒪᔭᖃᑦᓯᐊᓗᓂ ᐅᖃᐅᓯᕐᒥ ᐁᑉᐱᐅᑎᖓᓂᒃ
  • ᐱᒍᓐᓇᓂᖃᑦᓯᐊᓗᑎᑦ ᐊᒃᒐᑎᓐᓂᒃ ᐱᓇᓱᒍᑎᖃᕐᓂᒥᒃ
  • ᑕᑯᑦᓴᐅᑎᑦᓯᓗᑎᑦ ᐅᖃᔭᑦᑎᐅᖏᓐᓂᓂᒃ, ᐃᓄᑐᓗᑎᑦ ᐱᓇᓱᒍᓐᓇᓗᑎᑦ, ᐊᒻᒪᓗ ᑐᑭᓯᒪᓗᑎᑦ ᐱᓇᓱᒐᕐᓂᒃ ᐱᕙᓪᓕᐊᑎᑦᓯᒍᑎᐅᒍᓐᓇᑐᓂᒃ
  • ᐱᔪᓐᓇᑕᖃᑦᓯᐊᓗᓂ ᐃᓄᓐᓄᑦ ᐅᖄᒍᓐᓇᓂᕐᒥᒃ ᐊᒻᒪᓗ ᐱᓇᓱᓪᓗᓂ ᐃᓄᓐᓂᒃ ᐊᑦᔨᒌᑎᑦᓯᒍᓐᓇᓂᕐᒥᒃ.
  • ᖃᓄᐃᒋᔭᖃᖕᖏᓗᓂ ᑖᒃᑯᓭᓐᓇᐅᔮᕐᑐᓂᒃ ᐊᓪᓚᕕᒻᒥ ᐱᓇᓱᖃᑦᑕᕆᐊᒥᒃ
  • ᖃᓄᐃᒋᔭᖃᖕᖏᓗᓂ ᐱᐅᓯᕐᓲᑎᑐᐃᓐᓇᓂᒃ ᐊᓪᓚᕕᒻᒥ ᐱᓇᓱᒋᐊᒥᒃ
  • ᐱᔪᓐᓇᑕᖃᑦᓯᐊᓗᓂ ᐱᔪᓐᓇᐅᑎᓖᑦ ᐱᐅᓯᕆᒋᐊᓕᖏᓐᓂᒃ ᐊᒻᒪᓗ ᐅᖃᔭᑦᑎᐅᒍᓐᓀᓗᓂ

ᐃᓘᓐᓈᒍᑦ ᐃᑎᕈᑎᒥᒃ ᐱᑕᖃᕆᐊᓕᒃ

ᐃᓕᒐᓱᐊᕐᑐᖅ ᐅᑯᓂᖓ ᓇᓪᓕᑐᐃᓐᓇᖓᓂᒃ ᐱᑕᖃᕆᐊᓕᒃ:


  • ᐃᓄᐃᑦ ᐳᕐᑐᓂᕐᓴᒥᒃ ᐃᓕᓐᓂᐊᕇᕐᓯᒪᓂᕐᒥᓄᑦ ᐃᓕᑕᕆᔭᐅᑦᔪᑎᑖᕐᓯᒪᔪᑦ ᐅᕝᕙᓘᓐᓃᑦ ᓇᓪᓕᖁᐊᖓᓃᑦᑐᓂᒃ ᐃᓕᑕᕆᔭᐅᑦᔪᑎᖃᕐᓗᑎᒃ, ᐆᑦᑐᕋᐅᑎᒋᓗᒍ’ ᐳᕐᑐᓂᕐᓴᖅ ᑕᓪᓕᒪᖓᓐᓂ ᓇᓪᓕᖁᐊᖓᓃᑦᑐᓂᒃ ᐃᓕᓐᓂᐊᓯᒪᓂᕃᔪᒥᒃ,ᐅᕝᕙᓘᓐᓃᑦ ᐳᕐᑐᓂᕐᓴᐅᑉ ᑭᖑᓂᖓᒍᑦ ᐃᓕᑕᕆᔭᐅᑦᔪᑎᑖᕐᓯᒪᒍᓂ ᓲᕐᓗ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᓯᒪᓂᕐᒧᑦ ᐃᓕᑕᕆᔭᐅᑦᔪᑎᒥᒃ ᐅᕝᕙᓘᓐᓃᑦ ᐃᓕᓐᓂᐊᕕᕐᔪᐊᒥ ᐱᓯᒪᔭᒥᓂᒃ ᐊᓂᒍᐃᒋᐊᖓᐅᑎᐅᓂᕋᕐᑕᒥᒃ.


ᐅᕝᕙᓘᓐᓃᑦ

  • ᐃᓄᐃᑦ 16ᓂᒃ ᐅᑭᐅᓖᑦ ᐃᑭᓐᓂᐸᐅᑎᓪᓗᒋᑦ ᐅᑭᐅᖏᑎᒍᑦ ᓯᑦᑎᒻᐱᕆ 30ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐱᔭᕆᐅᕐᓴᑕᐅᕕᑦᓴᖓᑕ ᐱᒋᐊᕐᕕᒋᒋᐊᓕᖓᓂ ᐊᓂᒍᐃᓯᒪᑐᐊᕐᐸᑕᓗ ᐳᕐᑐᓂᕐᓴᖅ ᓯᑕᒣᖓᓐᓂᒃ ᐱᓯᒪᒋᐊᓕᖕᒥᓂᒃᐅᖃᐅᓯᕐᓂᒃ ᐃᓕᓐᓂᐊᓂᕐᒥᒃ, ᐅᖃᐅᓯᐅᑉ ᐁᑉᐸᖓᓂᒃ ᓴᓇᑦᑐᓴᐅᑎᓕᕆᓂᕐᒥᓗ ᐃᓕᓐᓂᐊᕋᑦᓴᐅᓂᐊᕐᑎᓗᒋᑦ ᓄᐃᑕᐅᓯᒪᔪᒥᒃ ᑐᕐᖃᑕᕐᕕᖓᓄᑦ, ᐅᕝᕙᓘᓐᓃᑦ ᐱᑎᑕᐅᓯᒪᓐᓂᕈᓂ ᐃᓕᑕᕆᔭᐅᑦᔪᑎᒥᒃ ᓇᓕᕐᖁᐊᖏᓐᓃᑐᓂᒃ ᐃᓕᓐᓂᐊᓯᒪᓂᕐᒥᓄᑦ.


ᐅᕝᕙᓘᓐᓃᑦ

  • ᐃᓄᐃᑦ 18ᓂᒃ ᐅᖓᑖᓄᓪᓗ ᐅᑭᐅᖃᓚᐅᕈᑎᒃ ᐃᓕᓐᓂᐊᖃᑕᐅᓚᖓᓯᒍᑎᒃ ᒪᑯᐊᓗ ᐊᑐᕈᓐᓇᓗᓂᒋᑦ ᑐᑭᓯᒪᔭᕆᐊᓕᖕᒥᓂᒃ*: ᐊᓂᒍᐃᑦᓯᐊᓯᒪᒋᐊᓕᒃ ᐃᓘᓐᓈᒍᑦ ᐱᕙᓪᓕᐊᒐᓲᑎᑦᓴᒥᒃ ᖃᐅᔨᓴᐅᑎᒥᒃ, (ᑕᑯᒋᐊᕐᓗᒍ ᐊᓪᓚᓯᒪᔪᖅ ᐊᑖᓂ) ᐅᕝᕙᓘᓐᓃᑦ ᐃᓕᑕᕆᔭᐅᑦᔪᑎᑖᕐᓯᒪᓗᓂ ᓇᓕᕐᖁᐊᖏᓐᓃᑐᒥᒃ ᐃᓕᓯᒪᓂᕐᒥᓂᒃ.


ᐅᕝᕙᓘᓐᓃᑦ

  • ᐃᓄᐃᑦ ᐳᕐᑐᓂᕐᓴᖅ 3ᒥ ᖁᕝᕙᕆᐊᕈᑎᓂᒃ ᐱᓯᒪᒍᑎᒃ ᐅᖃᐅᓯᕐᒥᒃ ᐊᑐᕐᓱᑎᒃ ᐃᓕᓐᓂᐊᑕᒥᓂᒃ, ᐅᖃᐅᓯᑐᖃᕐᒥᑕᓗᐁᑉᐱᐅᑎᑦᓴᖓᓂᒃ ᓴᓇᑦᑐᓴᐅᑎᓕᕆᓂᕐᒥᓗ ᐃᓕᓐᓂᐊᕋᑦᓴᓕᐊᖑᓯᒪᔪᒃᑯᑦ ᑐᕐᖃᑕᕐᕕᑯᓐᓄᑦ ᐃᓘᓐᓀᓄᐊᖓᔪᒥᒃ ᐃᓕᓐᓂᐊᓂᕐᒥᒃ ᐊᑑᑎᖃᑕᐅᕆᐊᓖᑦ, ᐊᑕᐅᑦᓯᑰᖃᑕᐅᑎᓪᓗᒍ ᐱᓇᓱᒐᖕᖑᓚᖓᔪᓂᒃ ᐃᓕᓐᓂᐊᓂᕐᒥᓄᑦ, ᐱᓚᕿᐅᑎᒋᓂᐊᕋᒥᐅᒃ ᐳᕐᑐᓂᕐᓴᖅ 4ᒥ ᖃᕝᕙᕆᐊᕈᑎᑦᓴᓂᒃ ᐅᖃᐅᓯᕐᒥ ᐃᓕᓐᓂᐊᓂᕐᒥᓂ ᑭᖕᖒᒪᒋᓐᓂᕈᓂᐅ, ᐅᖃᐅᓯᖓᑕ ᐁᑉᐸᖓᓂᒃ ᓴᓇᑦᑐᓴᐅᑎᓕᕆᓂᕐᒧᓗ ᑐᕐᖃᑕᕐᕕᑯᑦ ᐃᓕᓐᓂᐊᕋᑦᓴᐅᓂᐊᕐᑎᓗᒋᑦᐱᑕᖃᕐᑎᑕᖓᒍᑦ.

 

* Language of Instruction

ᐃᓄᒻᒪᕇᑦ ᐃᓕᓐᓂᐊᕕᖏᑦ

ᐅᕕᒐᕐᑐᐃᑦ ᐃᓕᓐᓂᐊᕕᖓ

3101-2 + 3102-2
ᐅᕝᕙᓘᓐᓃᑦ
3070-3
632-306

 

* Second Language

ᐃᓄᒻᒪᕇᑦ ᐃᓕᓐᓂᐊᕕᖏᑦ

ᐅᕕᒐᕐᑐᐃᑦ ᐃᓕᓐᓂᐊᕕᖓ

2102-3
ᐅᕝᕙᓘᓐᓃᑦ
2091-6
634-206
ᐅᕝᕙᓘᓐᓃᑦ
635-206

 

ᐱᑦᔪᔭᐅᔪᓂᒃ ᐱᑦᔪᔨᒍᑏᑦ