ᓂᕈᐊᕐᓂᐅᑉ ᓄᐃᑎᑕᖏᑦ: ᐃᓕᓐᓂᐊᓂᓕᕆᔨᓄᑦ

ᑰᑦᔪᐊᖅ (ᓯᑦᑎᒻᐱᕆ 26, 2018) – ᑲᑎᕕᒃ ᐃᓕᓴᕐᓂᓕᕆᓂᖅ ᐊᓕᐊᓱᒃᑯᖅ ᑐᓴᕐᑎᓯᒋᐊᒥᒃ ᓄᐃᑎᑕᖏᓐᓂᒃ ᐃᓕᓐᓂᐊᓂᓕᕆᔨᑦᓴᓄᑦ ᓂᕈᐊᕐᓂᐅᑫᓐᓇᑐᒧᑦ ᐅᓪᓗᒥ. ᐊᑐᓂᑦ ᓄᓇᕕᒻᒥ ᓄᓇᓖᑦ ᓂᕈᐊᑫᓐᓇᑐᑦ ᑭᒡᒐᑐᕐᑎᓴᓂᒃ ᓄᓇᓕᓐᓂ ᐃᓕᓐᓂᐊᓂᓕᕆᔨᓂᒃ ᐊᕐᕌᒎᓐᓄᑦ ᒪᕐᕉᓄᑦ ᐊᑕᓚᖓᔪᓂᒃ.

ᐃᓕᓐᓂᐊᓂᓕᕆᔩᑦ ᐱᓇᓱᐊᕋᑦᓴᖃᓲᑦ ᐅᓐᓂᑑᑎᒍᑎᓕᐅᕐᓱᑎᒃ ᐊᒻᒪᓗ ᐃᒣᓕᒋᐊᕆᔨᐅᑦᓱᑎᒃ ᐃᓕᓐᓂᐊᕕᒻᒥ ᐊᐅᓚᑦᓯᓂᓕᕆᔨᓂᒃ ᐊᒻᒪᓗ ᐃᓕᓴᕐᓂᓕᕆᓂᕐᒧᑦ ᐊᑦᔨᒌᖕᖏᑐᓂᒃ ᐃᓕᓐᓂᐊᓂᓕᕆᓂᕐᒨᓕᖓᔪᓂᒃ ᐊᒻᒪᓗ ᐱᓇᓱᑦᑎᑖᓂᓄᑦ ᐃᓕᓐᓂᐊᕕᒻᒥ ᐱᓇᓱᑦᑎᓴᓂᒃ.

ᓄᑖᑦ ᓂᕈᐊᕐᑕᐅᕋᑖᕐᑐᑦ ᐃᓕᓐᓂᐊᓂᓕᕆᔩᑦ ᓯᕗᓪᓕᐹᒥ ᑲᑎᖕᖓᓂᖃᓛᕐᑐᑦ ᐱᓇᓱᐊᕈᓯᕐᓂ ᙯᔪᓂ. ᑕᒃᑲᓂ ᓯᕗᓪᓕᐹᒥ ᑲᑎᖕᖓᓂᕐᒥ, ᓂᕈᐊᓛᕐᑐᑦ ᐊᖓᔪᕐᖄᓴᕐᒥᓂᒃ ᐊᒻᒪᓗ ᐊᖓᔪᕐᖄᑉ ᑐᖓᓕᑦᓴᖓᓂᒃ.

ᑭᓇᒃᑰᓂᕗᓐᓄᐊᖓᔪᖅ:

ᑲᑎᕕᒃ ᐃᓕᓐᓂᐊᓂᓕᕆᓂᖅ (ᑲᑎᕕᒃ) ᑎᒥᖕᖑᑎᑕᐅᓯᒪᔪᖅ 1975ᒥ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᑎᒍᑦ ᓄᐃᑕᐅᑦᓱᓂ.  ᑌᒪᖕᖓᓂᑦ 1978ᒥᓂᑦ, ᑖᓐᓇᑑᑦᓱᓂ ᐃᓕᓐᓂᐊᓂᕐᒥᒃ ᐱᒍᑦᔨᐅᑎᓂᒃ

ᐱᑕᖃᕐᑎᓯᔪᑑᓯᒪᔪᖅ ᓄᓇᕕᒻᒥᐅᓄᑦ.  ᐃᓕᓐᓂᐊᓂᕐᒥᒃ ᐱᓇᓱᐊᕐᓃᑦ ᐱᕙᓪᓕᐊᑎᑕᐅᓯᒪᔪᑦ ᑲᑎᕕᒃᑯᓄᑦ ᒪᓂᔭᐅᕗᑦ ᐃᓕᓴᕐᕕᓕᒫᖏᓐᓂ 14-ᓂᑦ ᓄᓇᕕᒻᒥ ᓄᓇᓕᓐᓂ, ᐅᖃᐅᓯᕐᖄᕆᔭᐅᑎᓪᓗᒍᑦ ᐃᓄᒃᑎᑐᑦ ᐊᒻᒪᓗ ᒍᐃᒍᐃᑎᑐ ᖃᓪᓗᓈᑎᑐᓪᓗ ᐅᖃᐅᓯᕐᒧᑦ ᐁᑉᐱᒍᑎᐅᑎᓪᓗᒋᒃ.  ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 17-ᓂᒃ ᐳᒃᑭᓂᕐᓴᓃᑦᑐᓂᒃ ᐳᕐᑐᓂᕐᓵᓃᑦᑐᓂᓪᓗ ᐃᓕᓴᕐᕕᓂᒃ ᐊᒻᒪᓗᑦᑕᐅᖅ 5-ᓂᒃ ᐃᓄᒻᒪᕆᓄᑦ ᐃᓕᓴᕐᕕᓂᒃ.  ᑐᑭᓯᒋᐊᓪᓚᕕᑦᓭᑦ ᐅᕙᓂ: www.kativik.qc.ca

— 30 —

ᑐᑭᓯᒋᐊᑦᓯᐊᕈᒪᒍᕕᑦ, ᐅᒥᖓ ᐅᖄᕕᖃᕐᓗᑎᑦ: ᑲᐅᑦᔭᒃ ᐹᓪᓚᔮᑦ, ᑭᓇᒃᑯᑐᐃᓐᓇᓄᑦ ᑐᓴᐅᒪᖃᑎᒌᑦᑎᓯᔨ

514-482-8220 ext. 384 | publicrelations@kativik.qc.ca

Back to Press release