ᑎᓕᔭᐅᓂᖏᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐊᖓᔪᕐᖄᖓᑕ ᐊᒻᒪᓗ ᐳᕐᑐᓂᕐᓴᒥ ᑲᑎᖕᖓᔨᖏᑦᑕ

ᒪᓐᑐᔨᐊᓪ, ᑯᐯᒃ (ᑏᓯᒻᐱᕆ 7, 2020) – ᑲᑎᖕᖓᔩᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐃᓕᓐᓂᐊᓂᓕᕆᓂᕐᒥ ᑭᒡᒐᑐᕐᑎᓂ ᓅᕕᒻᐱᕆ 18-ᖑᑎᓪᓗᒍ ᓂᕈᐊᕐᑕᕕᓃᑦ ᓯᕗᓪᓕᐹᒥᒃ ᑲᑎᒪᓂᖃᓛᓯᔪᑦ ᑰᒃᔪᐊᒥ ᑕᒡᒐᓂ ᐱᓇᓱᐊᕈᓯᕐᒥ, ᑲᑎᒪᓗᑎᒃ ᑏᓯᒻᐱᕆ 7-ᒥᑦ 10-ᒧᑦ.

ᑌᑲᓂ ᓯᕗᓪᓕᐹᒥ ᐃᓕᓐᓂᐊᓂᓕᕆᓂᕐᒥ ᑭᒡᒐᑐᕐᑏᑦ ᑲᑎᖕᖓᒋᐊᖕᖓᑎᓪᓗᒋᑦ, ᐃᓕᓐᓂᐊᓂᓕᕆᓂᕐᒥ ᑭᒡᒐᑐᕐᑏᑦ ᓂᕈᐊᕐᑐᕕᓃᑦ ᐊᖓᔪᕐᖄᒥᒃ, ᐊᖓᔪᕐᖄᑉ-ᑐᖓᓕᖓᓂᒃ ᐊᒻᒪᓗ ᒪᕐᕈᒋᐊᓪᓛᓂᒃ ᑲᑎᖕᖓᔩᓐᓂᒃ ᐳᕐᑐᓂᕐᓴᓂ ᑲᑎᖕᖓᔨᐅᓚᖓᑎᓪᓗᒋᒃ. ᐊᒻᒪᓗ ᖃᐅᔨᒪᔭᐅᖁᒻᒥᔭᕗᑦ ᓅᕕᒻᐱᕆ 24-ᒥ, ᐃᓕᓴᐱ ᐊᓕᖁ ᕿᐅᐳᑦ ᓂᕈᐊᕐᑕᐅᓚᐅᔪᒻᒪᑦ ᐃᓕᓐᓂᐊᓂᓕᕆᓂᕐᒥ ᑭᒡᒐᑐᕐᑎᐅᓂᕐᒧᑦ ᐊᑯᓕᕕᒻᒥ.

ᖁᕕᐊᕙᕗᑦ ᑐᓴᕐᑕᐅᑎᒋᐊᖏᑦ ᓂᕈᐊᕐᑕᐅᒪᓚᖓᓯᔪᑦ ᐊᑎᖏᑦ:

  • ᑲᑎᕕᒃ ᐃᓕᓴᕐᓂᓕᕆᓂᕐᒥ ᐊᖓᔪᕐᖄᖅ ᐊᒻᒪᓗ ᐳᕐᑐᓂᕐᓴᓂ ᑲᑎᖕᖓᔨ: ᓯᐊᔭ ᐋᓗᐸ (ᖁᐊᕐᑕᖅ)
  • ᑲᑎᕕᒃ ᐃᓕᓴᕐᓂᓕᕆᓂᕐᒥ ᐊᖓᔪᕐᖄᑉ ᑐᖓᓕᖓ ᐊᒻᒪᓗ ᐳᕐᑐᓂᕐᓴᓂ ᑲᑎᖕᖓᔨ: ᐋᑕᒥ ᐹᓪᓚᔮᑦ (ᐃᓄᑦᔪᐊᖅ)
  • ᐳᕐᑐᓂᕐᓴᓂ ᑲᑎᖕᖓᔨ: ᓯᐊᔭ ᐴᓐ (ᐳᕕᕐᓂᑐᖅ)
  • ᐳᕐᑐᓂᕐᓴᓂ ᑲᑎᖕᖓᔨ: ᒫᑎᓐ ᓯᑳᑦ (ᐊᐅᐸᓗᒃ)
  • ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑭᒡᒐᑐᕐᑐᖓ ᐊᒻᒪᓗ ᐳᕐᑐᓂᕐᓴᓂ ᑲᑎᖕᖓᔨ: ᔨᐊᓂᕗ ᖃᓐᑐ (ᑰᒃᔪᐊᕌᐱᒃ)

* ᓴᐅᒥᐊᓂᑦ ᑕᓕᕐᐱᐊᓄᑦ: ᓯᐊᔭ ᐋᓗᐸ, ᐋᑕᒥ ᐹᓪᓚᔮᑦ, ᓯᐊᔭ ᐴᓐ, ᒫᑎᓐ ᓯᑳᑦ ᐊᒻᒪᓗ ᔨᐊᓂᕗ ᖃᓐᑐ.

ᑭᓇᒃᑰᓂᕗᑦ:

ᑲᑎᕕᒃ ᐃᓕᓐᓂᐊᓂᓕᕆᓂᖅ (ᑲᑎᕕᒃ) ᑎᒥᖕᖑᑎᑕᐅᔪᕕᓂᖅ 1975-ᖑᑎᓪᓗᒍ, ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ (ᐊᖏᖃᑎᒌᓐᓂᖅ).  1978-ᒥᓂᑦ ᐱᑕᖃᕐᑎᓯᔪᑐᐊᖑᓯᒪᕗᖅ ᐃᓕᓐᓂᐊᓂᕐᒨᓕᖓᔪᓂᒃ ᐱᒍᑦᔨᐅᑎᓂᒃ ᓄᓇᕕᒻᒥᐅᓄᑦ.  ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ, ᐃᓕᓐᓂᐊᓂᓕᕆᓂᖅ ᐱᔪᓐᓇᓂᖃᕐᑎᑕᐅᔪᖅ ᐊᐅᓚᑦᓯᔨᐅᕕᖃᕐᑎᑕᐅᑦᓱᓂᓗ ᐃᓄᐃᑦ ᐃᓗᕐᕈᓯᖓᓂᒃ ᒪᓕᑦᓯᐊᑐᓂᒃ ᐃᓕᓐᓂᐊᕈᑎᑦᓴᓕᐅᕐᓂᒥ ᐃᓕᓐᓂᐊᑎᑦᓯᓂᕐᒥᓗ.  ᑐᕌᒐᖓ ᑎᓕᔭᐅᒪᒍᑎᒋᑦᓱᒍ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᑌᒣᒻᒪᑦ ᒪᕐᕈᐃᓕᕿᖓᕗᖅ.  ᓯᕗᓪᓕᖅ, ᓄᓇᓕᓕᒫᓂ ᐃᓕᓐᓂᐊᓂᓕᕆᔨᐅᑦᓱᓂ ᓄᓇᕕᒻᒥᐅᓕᒫᓄᑦ.  ᐁᑉᐹᒍᓪᓗ, ᑎᒥᖁᑎᒋᔭᐅᕗᖅ ᐊᑦᔨᒋᔭᐅᖕᖏᑐᓂᒃ ᐱᔪᓐᓇᐅᑎᖃᕐᓱᓂ ᐊᐅᓚᑦᓯᔨᐅᕕᖃᕐᓱᓂᓗ ᓴᐳᑦᔨᒍᑎᐅᒋᐊᕐᑐᓂᒃ, ᐱᑕᖃᕐᑎᓯᖏᓐᓇᕈᑎᐅᒋᐊᕐᑐᓂᒃ, ᐊᒻᒪᓗ ᐱᕙᓪᓕᐊᑎᑦᓯᒍᑎᓂᒃ ᐃᓄᐃᑦ ᐅᖃᐅᓯᖓᓂᒃ, ᐃᓗᕐᕈᓯᖓᓂᒃ, ᐃᓅᑦᔪᓯᖓᓂᓪᓗ.  ᐃᓕᓐᓂᐊᕈᑎᑦᓭᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ ᐃᓕᓐᓂᐊᕈᑎᓕᐊᑦ ᐃᓕᓐᓂᐊᑎᑦᓯᒍᑎᐅᕗᑦ ᐃᓘᓐᓇᖏᓐᓂᑦ ᑖᒃᑯᐊ 14-ᐃᑦ ᓄᓇᓖᑦ ᐃᓕᓐᓂᐊᕕᖏᓐᓂᑦ, ᐃᓄᒃᑎᑐᑦ ᐅᖃᐅᓯᕐᖄᖓᓂᒃ ᐊᒻᒪᓗ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᖓᓂᒃ.  ᐃᓕᓐᓂᐊᓂᓕᕆᓂᖅ ᐊᐅᓚᑦᓯᔪᖅ 17-ᓂᒃ ᐳᒃᑭᓂᕐᓴᓂ ᐳᕐᑐᓂᕐᓴᓂᓪᓗ ᐃᓕᓐᓂᐊᕕᓐᓂᒃ ᐊᒻᒪᓗᑦᑕᐅᖅ 5-ᓂᒃ ᐃᓄᒻᒪᕇᑦ ᐃᓕᓐᓂᐊᕕᖏᓐᓂᒃ.  ᑐᑭᓯᒋᐊᓪᓚᕈᑎᑦᓭᑦ ᑕᑯᔭᐅᒍᓐᓇᑐᑦ ᐅᕙᓂ:  www.kativik.qc.ca

— 30 —

ᑐᑭᓯᒋᐊᑦᓯᐊᕈᒪᒍᕕᑦ, ᐅᒥᖓ ᐅᖄᕕᖃᕐᓗᑎᑦ:

ᔮᑦ ᑐᓯᓅ-ᐱᐊᕐᓃ, ᐅᖄᖃᑎᒌᓐᓂᒥ ᐊᑕᐅᑦᓯᑰᕐᑎᓯᔨ

publicrelations@kativik.qc.ca

Back to Press release