ᑐᓴᕐᑎᓯᒍᑎ: ᒪᐃ 20, 2020, 5:00 p.m.

ᐃᓱᓕᓐᓂᐅᔭᓕᕐᑎᓗᒍ ᐃᓕᓐᓂᐊᓂᒃ, ᑲᑎᕕᒃ ᐃᓕᓴᓐᓂᓕᕆᓂᖅ ᐊᖑᒻᒪᑎᑦᓯᒋᐊᒍᑎᓂᑦ ᐊᖓᔪᕐᖄᒋᔭᐅᔪᓄᑦ ᐊᒻᒪᓗ ᐃᓕᓐᓂᐊᑎᓄᑦ ᐅᕕᒐᕐᑐᓄᑦ ᐃᓄᒻᒪᕆᓄᓪᓗ ᖃᓄᒃ ᐃᓕᓐᓂᐊᒍᑎᕕᓂᕐᒥᓂᑦ ᐱᒐᔭᕐᒪᖔᑕ.

ᐱᒻᒪᕆᐅᕗᒃ ᑐᑭᓯᒪᔭᐅᒋᐊᓕᒃ ᐃᓕᓐᓂᐊᓂᓕᕆᓂᒃ ᒪᓕᑐᐃᓐᓇᒪᑦ ᒪᓕᒐᓕᐊᖑᓯᒪᔪᓂᑦ ᓄᐃᑎᑕᐅᑦᓱᑎᒃ ᒥᓂᔅᑕᑯᓐᓄᑦ ᐃᓕᓐᓂᐊᓂᓕᕆᓂᒥ ᖃᓄ ᐃᓕᓐᓂᐊᒍᑎᕕᓂᕐᒥᓃᑦ ᐱᔭᐅᑎᑕᐅᖃᑦᑕᓂᐊᕐᒪᖔᑕ.

ᐃᓄᒻᒪᕇᑦ ᐃᓕᓐᓂᐊᑏᑦ

ᐊᓕᐊᓱᕐᐳᒍᑦ ᑐᓴᕐᑎᓯᒋᐊᒥᑦ ᒥᓂᔅᑕᑯᑦ ᐃᓕᓐᓂᐊᓂᓕᕆᓂᕐᒥ ᑎᓕᔨᓚᐅᕐᐳᑦ ᖃᐅᔨᓴᕐᑕᐅᒍᑎᖏᓐᓂ ᑲᔪᓯᑎᑦᓯᖁᑦᓱtᑦ ᐃᓕᓐᓂᐊᑏᑦ ᐃᓄᒻᒪᕇᑦ ᐃᓕᓐᓂᐊᓂᖏᑦ, ᐱᒋᐊᓪᓗᒍ ᒪᐃ 11. ᑖᑯᐊ ᐊᑑᑎᑎᑕᐅᓛᕐᑐᑦ ᐃᓄᒻᒪᕇᑦ ᐃᓕᓐᓂᐊᕕᖓᓐᓂ ᐅᕝᕙᓘᓐᓃᑦ ᐅᕕᒐᕐᑐᐃᑦ ᐃᓕᓐᓂᐊᕕᖓᓐᓂ, ᐊᒻᒪᓗ ᐊᑑᑎᑎᑕᐅᒐᔭᕐᑐᑦ ᐃᓕᓐᓂᐊᑎᓄᑦ, ᑐᕌᖓᓗᑎᑦ ᐃᓘᓐᓈᒍᑦ, ᑎᑭᐅᑎᑎᑦᓯᒍᑏᑦ ᐳᕐᑐᓂᓴᒥᑦ ᐱᔭᒌᒍᓯᓂᒧᑦ ᐅᕝᕙᓘᓐᓃᑦ ᐳᕐᑐᓂᓴᒧᑦ ᐃᓕᓐᓂᐊᒍᑏᑦ ᐱᓪᓗᑯᑦᑐᒋᐊᓕᓐᓄᑦ.

ᑕᕝᕙᓂ ᐱᓇᓱᐊᕈᓯᕐᒥ, ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖓ ᐱᑦᔪᔨᕕᒃ ᐅᖃᖃᑎᖃᖃᑦᑕᑐᑦ ᐃᓕᓂᐊᑎᓂᑦ ᓱᕐᖁᐃᓯᒐᓱᓪᓗᑎᑦ ᖃᖓ ᐱᕕᑦᓴᖃᕐᑎᓯᒐᔭᕐᒪᖔᕐᒥᑦ ᖃᐅᔨᓴᕐᑕᐅᒍᑎᒥᓂᑦ ᐱᓇᓱᐊᒐᔭᕐᒪᖔᑕ.

ᐃᓕᓐᓂᐊᑏᑦ ᐱᓇᓱᒐᕐᒥᒃ ᐱᒋᐅᕐᓴᑎᑕᐅᔪᐃᑦ ᐃᓗᓪᓕᑐᕐᓯᒪᔪᓂᒃ ᐱᓇᓱᐊᕐᑐᐃᑦ ᐱᓯᒪᓕᕐᑐᑦ ᐃᓕᓐᓂᐊᒍᑎᕕᓂᖏᑦᑕ ᖃᓄᐃᓪᓗᐊᓂᖏᓐᓂ ᐃᓗᓪᓕᑐᕐᓯᒪᔪᓂᒃ ᒪᓕᑦᓱᒋᑦ ᐱᓇᓱᐊᕐᓯᒪᔭᖏᑦ ᐅᓚᐱᑕᐅᓚᐅᒐᑎᒃ COVID-19 ᓄᕙᓐᓇᔪᐊᒧᑦ. ᖃᐅᓯᓴᕐᑕᐅᓱᑎᒃ ᐃᓗᓪᓕᑐᕐᓯᒪᔪᓂᒃ ᐱᓇᓱᐊᕐᑕᕕᓃᑦ ᐊᑐᕐᓱᒋᑦ ᖃᐅᔨᒪᔪᒻᒪᕇᑦ ᐃᓕᒃᓂᐊᑎᑦᓯᔨᖏᑦ, ᐊᒻᒪᓗ ᑐᖕᖓᕕᒋᒻᒥᓱᒋᑦ ᐱᔭᕇᑦᓯᒪᔭᖏᑦ ᐱᓯᒪᔭᐅᒋᐊᓖᑦ ᐃᓕᓐᓂᐊᑕᖏᑦ ᒪᓕᑦᓱᒋᑦ. ᐃᓕᓐᓂᐊᓂᖅ ᑲᔪᓯᓕᕐᒥᐸᑦ, ᐃᓕᓐᓂᐊᑎᓕᒫᓂᑦ ᐅᖃᖃᑎᖃᓛᖁᒍᑦ ᐱᔭᕇᒋᐊᓕᓐᓂᑦ ᐊᓯᖏᓐᓂᑦ ᐃᓗᓪᓕᑐᕐᓯᒪᔪᓂᒃ ᐱᓇᓱᐊᕐᑐᐃᑦ ᐱᔭᕇᒍᓯᖁᓪᓗᒋᑦ ᐃᓕᓐᓂᐊᑕᕐᒥᓂᑦ ᐱᓇᓱᒐᕐᓂᒃ ᐱᒋᐅᕐᓴᔭᐅᕕᓐᓂ.

ᐃᓕᓐᓂᐊᓂᖅ ᐃᓘᓐᓈᒍᑦ ᑲᔪᓯᔪᖅ ᐅᖓᓯᑦᑐᒥ ᐃᒻᒥᒎᑦᑐᓂ ᐃᓕᓐᓂᐊᒍᑎᖃᕐᓂᒃ. ᐃᓕᓐᓂᐊᒍᒪᒍᕕᑦ, ᐊᓪᓚᕕᒋᓗᒍ Simata Manning ᖃᕆᑕᐅᔭᑎᒍᑦ ᐅᕝᕙᓘᓃᑦ ᐃᓐᓄᒪᕇᑦ ᐃᓕᓐᓂᐊᓂᕐᒧᑦ ᐊᒻᒪᓗ ᐱᓇᓱᒐᕐᓂᒃ ᐱᒋᐅᕐᓴᔭᐅᑎᑦᓯᓃᑦ ᐅᖃᕐᕕᖓᓄᑦ (@KIadulted).

ᐳᒃᑭᓂᕐᓴᒦᑦᑐᑦ

ᐳᒃᑭᓂᕐᓴᓂ ᐳᕐᑐᓂᕐᓴᓂᓪᓗ ᐃᓕᓐᓂᐊᑏᑦ ᖁᕝᕙᕆᐊᕈᑎᑖᖏᑦᑕ ᓱᕐᖁᐃᑕᐅᓂᖏᓐᓄᑦ, ᐃᓘᓐᓇᖏᓐᓄᑦ ᑐᖕᖓᕕᐅᑎᑕᐅᔪᑦᐅᖃᐅᓯᐅᓚᐅᔪᔪᑦ ᒫᑦᔨ 22-ᖑᑎᓪᓗᒍ ᑯᐯᒻᒥ ᐃᓕᓐᓂᐊᓂᓕᕆᓂᕐᒥ ᑐᕐᖃᑕᕐᕕᑯᓐᓄᑦ ᓱᓕ ᐅᓪᓗᒥᒧᑦ ᐊᑐᕐᑎᑕᐅᔪᑦ:  ᓅᑦᑎᑕᐅᓂᖏᑦ ᐳᕐᑐᓂᒧᑦ ᑐᖓᓕᐊᓄᑦ ᐃᓕᖓᓚᖓᔪᑦ ᐃᓕᓭᔨᖏᑦᑕ ᐱᔪᓐᓇᐅᑎᖃᕐᓂᒥᒍᑦ ᑐᑭᑖᕐᓂᖏᑎᒍᑦᑐᖕᖓᕕᖃᓚ:ᖓᑦᓱᑎᓗ ᐃᓕᓐᓂᐊᑎᐅᑉ ᖁᕝᕙᕆᐊᕈᑎᑖᕆᓚᐅᔪᔭᒋᓐᓂᒃ ᐃᓕᓐᓂᐊᓇᐅᑉ ᐊᕐᕌᒍᖓᑕ ᐊᕕᑦᑐᓯᒪᓂᖓᑕᓯᕗᓪᓕᖓᓂ ᑐᖓᓕᐊᓂᓪᓗ.

ᒪᐃ 6, ᐃᓕᓐᓂᐊᓂᓕᕆᓂᐅᑉ ᒥᓂᔅᑕᖓᑦ ᓇᓗᓇᐃᑦᓯᒋᐊᓚᓚᐅᑉᐳ ᖃᐅᔨᓴᕐᑕᐅᒍᑏᑦ ᐳᒃᑭᓂᕐᓴᒦᑦᑐᑦ, ᐃᓱᒪᒋᔭᖃᑦᓱᑎᑦ ᐊᑑᑎᔭᐅᓚᐅᕐᓯᒪᖏᓯᐊᕐᑐᒥᑦ ᐱᑦᔪᑎᒋᑦᓱᒍ COVID-19. ᐱᓂᐊᕐᓂᐅᒍᒪᔪᒃ ᐅᖄᒍᑕᐅᖏᓐᓇᑐᖅ ᑯᐸᐃᑯᑦ ᑲᕙᒪᒃᑯᖏᓐᓂ ᐊᓯᑦᔨᑐᐃᒍᑕᐅᒋᐊᖃᓛᕐᑐᒃ Basic school regulation (Regime pedagogique) ᐱᕕᑦᓴᖃᖁᓪᓗᒋᑦ ᐋᕐᕿᒋᐊᒍᓐᓇᑐᓂᑦ ᖃᐅᔨᓴᕐᑕᐅᓂᖏᑦᑕ ᐃᓕᓐᓂᐊᒍᑎᖏᑦ. ᓯᕗᓂᕐᒥ ᓇᓗᓇᒍᓐᓇᐃᑎᑦᓯᔪᒃ, ᔪᓚᐃ 10, ᐃᓘᓐᓇᓕᒫᑎᒃ ᐃᓕᓐᓂᐊᑕᕕᓂᖏᑦᑕ ᖃᐅᔨᓴᕐᑕᐅᒍᑎᖏᑦ ᑐᓂᔭᐅᒪᓛᕐᑐᑦ ᐃᓕᓐᓂᐊᑎᓄᑦ ᐃᓕᓐᓂᐊᓂᓕᕆᓂᐅᑉ ᒥᓂᔅᑕᑯᖏᓐᓄᑦ.

ᒫᓐᓇᐅᔪᒃ, ᐅᑕᕐᕿᕗᑦ ᐊᐅᓚᑦᔭᒋᐊᕈᑎᑦᓴᓂᑦ ᐃᓕᓐᓂᐊᓂᓕᕆᔨᓕᒫᑦ ᑯᐸᐃᒻᒥ ᒥᓂᔅᑕᒃᑯᖏᓐᓂᑦ ᐃᓕᓐᓂᐊᓂ. ᐱᒻᒪᕆᐅᓂᖃᕐᐳᒃ ᑕᑯᑦᓴᐅᑎᒋᐊᒥᒃ ᓄᓇᕕᐅᑦ ᐃᓕᓐᓂᐊᑎᖏᑦ ᖁᔭᓈᕐᑕᐅᒪᖕᖏᒋᐊᖏᑦ. ᑖᒃᑯᐊ ᐊᑑᑎᒻᒪᑕ ᑕᐃᒻᒪᐃᑦᑐᓴᐃᓐᓇᒥᑦ ᐊᑑᑎᔭᐅᔪᒥᑦ ᐃᓕᓐᓂᐊᑎᓕᒫᓄᑦ ᑯᐸᐃᓕᒫᒥ ᑕᐃᒃᑯᐊᑎᑐᑦ ᐃᓕᓐᓂᐊᓂᓕᕆᓂᓕᒫᑦ ᓄᓇᓕᕐᔪᐊᑕ ᐃᓗᐊᓂ, ᑲᑎᕕᒃ ᐃᓕᓴᕐᓂᓕᕆᓂᒃ ᑐᓂᓯᒪᕗᖅ ᖃᐅᔨᓴᕐᑕᐅᓂᖏᑦᑕ ᐃᓕᓐᓂᐊᒍᑎᖏᑦ ᐱᔭᒌᑦᑕᐅᒪᓚᖓᒋᐊᖏᑦ ᓈᒻᒪᑐᒃᑯᑦ ᐃᓕᓐᓂᐊᓂᐅᑉ ᒥᓂᔅᑕᖓᑦ ᐊᑐᐃᓐᓇᐅᑎᑦᓯᓴᑐᐊᕐᐸᑦ ᒪᓕᒐᐅᓚᖓᔪᓂᑦ.

ᐳᑦᑐᓂᕐᓴᒥᑦ 5 ᐃᓕᓐᓂᐊᑏᑦ ᐱᔭᕇᒍᓯᑦᑕᐅᓛᒋᐊᖏᑦ ᓂᕆᐅᒋᔭᐅᔪᑦ ᑕᕝᕙᓂ ᐊᕐᕌᒍᒻᒥ ᐃᓕᓐᓂᐊᕈᒪᓯᒪᔪᑦ ᐱᓇᓱᒐᓐᓂᒃ ᐱᒋᐅᕐᓴᔭᐅᑎᑦᓯᓃᑦ ᐅᕝᕙᓘᓐᓃᑦ ᐃᓱᒻᒪᓴᕐᕕᓂ ᐱᓯᒪᓛᕐᑐᑦ ᑭᖑᓪᓕᐹᒥ ᐃᓕᓐᓂᐊᑕᕕᓂᖏᑦᑕ ᖃᐅᔨᓴᕐᑕᐅᒍᑎᖏᑦ ᐊᖑᒻᒪᑎᓗᑎᑦ ᑲᔪᓯᒍᒪᒍᑎᑦ ᐃᓕᓐᓂᐊᓂᕐᒥ ᐳᕐᑐᓂᕐᓴᓂᑦ.

ᑭᓇ ᐱᓇᓱᕐᖃ ᒫᓐᓇᐅᔪᒃ ᐃᓕᓐᓂᐊᓂᓕᕆᔨᒃᑯᓂ?

ᐊᐅᓚᑦᓯᓕᕆᓂᕐᒥᒃ ᐊᓪᓚᕕᓕᒫᑦ ᐅᒃᑯᐃᖔᖏᓐᓇᑐᑦ. ᐱᓇᓱᑦᑏᑦ ᐱᓇᓱᕐᕕᓖᑦ ᐊᓂᕐᕋᒥᓂ ᐱᓇᓱᐊᕐᑐᑦ. ᐃᓕᓐᓂᐊᕕᒃ ᐊᒻᒪᓗ ᐃᓐᓄᒪᕇᑦ ᐃᓕᓐᓂᐊᕝᖏᓐᓂᑦᑕ ᐊᓚᕕᒻᒥ ᐱᓇᓱᑦᑎᖏᑦ ᖃᕆᑕᐅᔭᒃᑯᑦ ᐱᓇᓱᐊᕐᑐᑦ ᑐᓂᓯᑦᓱᑎᒃ ᐊᑑᑎᒋᐊᓕᓐᓂᑦ ᖃᐅᔨᒪᖃᑎᒌᓂᑯᑦ ᐱᓇᓱᕝᕕᐅᑉ ᐃᓗᐊᓂ ᐅᐃᒪᓇᑐᑦᖃᑐᐊᕐᐸᑦ ᐊᒻᒪᓗ ᑭᖒᒪᒋᔭᐅᔪᑦ ᐊᑐᐃᓐᓇᐅᑎᑕᐅᓂᖏᑦ.

ᐃᓕᓐᓂᐊᑎᑦᓯᔩᑦ ᐳᒃᑭᓂᕐᓴᓂ ᐊᒻᒪᓗ ᐃᓐᓄᒪᕆᓐᓂ ᒫᓐᓇᐅᔪᖅ ᐊᓂᕐᕋᒥᓂ ᐱᓇᓱᐊᕐᑐᑦ. ᐳᒃᑭᓂᕐᓴᓂ, ᐃᓕᓐᓂᐊᑎᑦᓯᔩᑦ ᐋᕿᓱᐃᖃᑦᑕᑐᑦ ᐃᓕᓐᓂᐊᒍᑎᓂᑦ ᖃᕆᑕᐅᔭᒃᑯᑦ ᐊᑐᑦᑕᐅᒍᓐᓇᑐᓂ Nunavik-Ice ᑐᕌᒐᖓᓄᑦ, ᐃᑲᔪᕐᑐᓯᑎᑦ ᐳᕐᑐᓂᕐᓴᒥ ᐃᓕᓐᓂᐊᑎᓄᑦ ᐊᔭᕐᑐᐃᒍᑎᑎᒍᑦ ᐊᒻᒪᓗ ᐊᒥᓱᓂᑦ ᑐᖕᖓᕕᓕᓐᓂᑦ ᓄᓇᕕᒻᒥ ᐃᓕᓐᓂᐊᑎᑦᓯᔩᑦ ᑐᓂᓯᖃᑦᑕᖁᑦ ᐃᑲᔪᕐᑐᓱᑎᒃ ᓄᓇᕕᐅᑉ ᖃᓄᐃᖕᖏᓯᐊᕐᓂᓕᕆᔨᖏᓐᓂ.

ᐸᕐᓇᐃᓂᒃ ᐊᕐᕌᒎᓛᕐᑐᒧᑦ ᐊᒻᒪᓗ ᓱᕐᖁᐃᓯᑦᓯᐊᓂ ᐃᓕᓂᐊᓂᓕᕆᓂᐅᑉ ᑲᔪᓯᓂᖕᖏᓐᓂᑦ ᐳᒃᑭᓂᕐᓴᓄᑦ ᐊᒻᒪᓗ ᐃᓐᓄᒪᕇᑦ ᐃᓕᓐᓂᐊᓂᖏᓐᓄᑦ

ᐃᓕᓴᓐᓂᓕᓂᖅ ᑲᔪᓯᔪᒥᑦ ᐱᓇᓱᐊᕐᐳᑦ ᐸᕐᓇᐃᓂᑯᑦ ᓯᕗᓂᕐᒥ ᐃᓕᓐᓂᐊᓂᐅᓛᕐᑐᒧᑦ.  ᐋᕿᓱᐃᖃᑦᑕᑐᑦ  ᖃᓄᐃᓕᖓᑐᐃᓐᓇᒋᐊᓖᑦ ᐃᓱᒪᒋᑦᓱᒋᑦ ᑕᒪᓐᓇ ᑐᑭᑖᕐᑕᐅᓯᐊᓛᕐᑐᒃ ᓄᓇᕕᒻᒥ ᐅᐃᒪᓇᕐᑐᖃᑐᐊᕐᐸᑦ ᐊᑐᐃᓐᓇᕈᑎᑏᑦ ᑲᑎᒪᔨᖏᑦ (NREPAC) ᑐᓂᓯᓲᑦ ᐊᑑᑎᔭᐅᖁᔭᒥᓂᑦ ᖃᖓ ᐅᒃᑯᐃᑕᐅᓂᕆᒐᔭᕐᑕᖓᓂᑦ ᓄᓇᕕᐅᑉ.

ᑲᑎᕕᒃ ᐃᓕᓴᕐᓂᓕᕆᓂ ᑐᓴᕐᑎᓯᒐᔭᕐᑐᒃ ᓄᓇᕕᒻᒥᐅᓂᑦ ᓄᑖᒥᑦ ᑐᓴᕋᑦᓴᖃᓕᕐᐸᑦ.

 

ᖃᓂᒪᓇᕐᑐᒨᓕᖓᔪᖅ COVID-19

ᖃᓂᒪᓇᕐᑐᖅ COVID-19 ᓱᕐᕃᒍᓐᓇᑐᖅ ᐊᓂᕐᑎᕆᓂᐅᔪᓂᒃ ᐆᓈᕿᓚᕿᑎᑦᓯᒍᓐᓇᓱᓂ, ᖁᐃᕐᑐᑎᑦᓯᒍᓐᓇᓱᓂ ᐊᒻᒪᓗ ᐊᓂᕐᓵᓯᐊᖕᖏᑑᑎᑦᓯᓗᓂ. ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᑕᒪᑦᓱᒥᖓ ᐋᓐᓂᐊᖑᔪᒥᒃ ᐱᖕᖑᐊᖃᖕᖏᓚᕆᑦᑐᑦ. ᑲᕙᒪᒃᑯᑦ ᐱᒍᑦᔨᔨᖏᑦ, ᐃᓚᐅᑎᓪᓗᒋᑦ ᖃᓄᐃᖕᖏᓯᐊᕐᓂᓕᕆᔨᒃᑯᑦ ᐊᒻᒪᓗ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᑐᓴᕐᑕᐅᒋᐊᓕᓐᓂᒃ ᑲᑎᕕᒃ ᐃᓕᓴᕐᓂᓕᕆᓂᒃᑯᓂᒃ ᑐᓴᕐᑎᓯᖃᑦᑕᑐᑦ ᖃᓄᐃᓘᖁᔨᒍᑎᓂᒃ ᐊᒻᒪᓗ ᑐᑭᒧᐊᒍᑎᑦᓴᓂᓪᓗ ᑕᒪᑦᓱᒪ ᖃᓂᒻᒪᓇᐅᑉ ᒥᑦᓵᓅᓕᖓᔪᓂᒃ.

ᐁᑦᑐᑑᑕᐅᑦᑌᓕᒪᓃᑦ ᐃᕐᙯᑎᑦᓯᒋᐊᕈᑏᑦ

ᐃᓄᓕᒫᑦ ᐊᑐᓂ ᑲᒪᑦᓯᐊᕆᐊᓖᑦ ᐁᑦᑐᑑᑎᐅᖁᓇᒍ ᖃᓂᒻᒪᓯᖅ. ᖃᓄᐃᖕᖏᓯᐊᕋᓱᐊᕐᓃᑦ ᐅᓐᓂᑑᑏᑦ ᑐᓴᐅᒪᔭᐅᒋᐊᓖᑦ ᐊᑖᓂᑦᑐᑦ ᐊᑐᐃᓐᓇᐅᑎᑕᐅᔪᑦ ᑯᐯᒃᑯᑦ ᑲᕙᒪᖓᓄᑦ.

ᑯᐯᒃᑯᑦ ᖃᓄᐃᖕᖏᓯᐊᕐᓂᒨᓕᖓᔪᓂᒃ ᑐᓴᕐᑎᓯᐅᑎᖏᑦ ᐱᕕᒋᓗᒋᑦ ᐅᕙᓂ.

ᓄᓇᕕᒻᒥᐅᓄᑦ ᖃᓄᐃᖕᖏᓯᐊᕐᓂᒧᑦ ᑐᓴᐅᒪᒍᑎᑦᓴᖏᑦ ᐅᕙᓂ.

Back to Press release