ᑎᒃᑯᐊᑕᐅᓂᖓ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑲᑎᒪᔨᖏᑦᑕ ᑭᒡᒐᑐᕐᑎᓴᖓ ᑲᑎᕕᒃ ᐃᓕᓴᕐᓂᓕᕆᓂᐅᑉ ᑲᑎᒪᔨᖏᓐᓄᑦ

ᒪᓐᑐᕆᐊᓪ, ᑯᐯᒃᒥᑦ (ᑎᓯᒻᐸ 13, 2018) – ᔨᐊᓂᕗ ᖃᓐᑐ ᑲᑎᒪᖃᑕᐅᓐᓂᖁᖅ ᐃᓕᓴᕐᓂᓕᕆᓂᕐᒥᒃ ᑭᒡᒐᑐᕐᑎᓄᑦ ᐊᒻᒪᓗ ᐳᕐᑐᓂᕐᓴᖁᑎᖏᓐᓄᑦ ᑎᒃᑯᐊᑕᐅᓯᒪᒐᒥ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑲᑎᒪᔨᖏᓐᓄᑦ ᑭᒡᒐᑐᕐᑎᐅᓂᕐᒧᑦ. ᔨᐊᓂᕗ ᑭᒡᒐᑐᕐᑎᐅᓚᖓᓂᕐᒥᓂᒃ ᐊᖏᕈᑎᖃᓚᐅᔪᕗᖅ ᐃᓕᓴᕐᓂᓕᕆᓂᕐᒥᒃ ᑭᒡᒐᑐᕐᑏᑦ ᑲᑎᒪᓂᖃᕐᑎᓗᒋᑦ, ᒪᓐᑐᕆᐊᓪᒥ ᑎᓯᒻᐸ 10-13, 2018.

ᑲᑎᕕᒃ ᐃᓕᓴᕐᓂᓕᕆᓂᐅᑉ ᐳᕐᑐᓂᕐᓴᖁᑎᖏᑦ ᑕᒐ:

  • ᑲᑎᕕᒃ ᐃᓕᓴᕐᓂᓕᕆᓂᐅᑉ ᑲᑎᒪᔨᖏᑦᑕ ᐊᖓᔪᕐᖄᖓ ᐳᕐᑐᓂᕐᓴᐅᖃᑕᐅᑦᓱᓂᓗ: ᐅᔮᐱ ᒍᐊᑦ (ᑰᒃᔪᐊᖅ)
  • ᑲᑎᕕᒃ ᐃᓕᓴᕐᓂᓕᕆᓂᐅᑉ ᑲᑎᒪᔨᖏᑦᑕ ᐊᖓᔪᕐᖄᖓᑕ ᑐᖓᓕᖓ ᐳᕐᑐᓂᕐᓴᐅᖃᑕᐅᑦᓱᓂᓗ: ᐋᓚᓯ ᓈᓚᑦᑑᔭᖅ (ᐃᓄᒃᔪᐊᒥᐅᖅ)
  • ᐳᕐᑐᓂᕐᓴᐅᖃᑕᐅᔪᖅ: ᓯᐊᔭ ᐋᓗᐸ (ᖁᐊᕐᑕᖅ)
  • ᐳᕐᑐᓂᕐᓴᐅᖃᑕᐅᔪᖅ: ᐋᓐᑐᓂ ᐃᑦᑐᓵᖅ (ᑰᒃᔪᐊᕌᐱᒃ)
  • ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑲᑎᒪᔨᖏᑦᑕ ᑭᒡᒐᑐᕐᑎᖓ ᐳᕐᑐᓂᕐᓴᐅᖃᑕᐅᑦᓱᓂᓗ: ᔨᐊᓂᕗ ᖃᓐᑐ (ᑰᒃᔪᐊᕌᐱᒃ)

ᐃᓕᓴᕐᓂᓕᕆᓂᖅ:

ᑲᑎᕕᒃ ᐃᓕᓴᕐᓂᓕᕆᓂᖅ ᓄᐃᑕᐅᓯᒪᔪᖅ 1975ᒥ, ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒧᑦ. 1978ᒥᓂᑦ, ᓄᓇᕕᒻᒥᐅᓕᒫᑦ ᐃᓕᓴᕐᓂᓕᕆᔨᑐᐊᕆᓯᒪᔭᖏᑦ. ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᐅᑉ ᐅᖃᐅᓯᕐᑕᖏᑎᒍᑦ, ᐃᓕᓴᕐᓂᓕᕆᓂᖅ ᐊᑦᔨᒋᔭᐅᖕᖏᓂᕐᓴᓂᒃ ᓄᑭᖃᕐᕕᓕᒃ ᑐᑭᑖᕈᓐᓇᕕᖃᕐᓱᓂᓗ ᐱᐅᓕᐊᕐᑕᐅᒋᐊᖃᕐᓂᖏᓐᓄᑦ ᐱᕙᓪᓕᐊᑎᑕᐅᒋᐊᖃᕐᓂᖏᓐᓄᓗ ᐃᓄᐃᑦ ᐅᖃᐅᓯᖓᑕ, ᐃᓕᕐᖁᓯᖓᑕ, ᐃᓅᓯᖓᑕᓗ, ᐃᓕᓐᓂᐊᓂᖃᕐᑎᓯᓂᒃᑯᑦ ᐃᓄᓐᓅᓕᖓᔪᓂᒃ ᐃᓕᓴᕋᑦᓴᖃᕐᑎᓯᓂᒃᑯᓗ. ᐃᓕᓴᕋᑦᓴᓕᐊᕆᔭᐅᓯᒪᔪᑦ ᐃᓕᓴᕐᓂᓕᕆᕕᒻᒥ ᐃᓕᓭᒍᑕᐅᓲᑦ ᖁᓕᓪᓗ ᓯᑕᒪᓪᓗᓂ ᓄᓇᕕᒻᒥ ᓄᓇᓕᓐᓂ, ᐃᓄᒃᑎᑐᑦ ᐅᖃᐅᓯᕐᖄᒍᑎᓪᓗᒍ ᑌᒪ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᖓᓂᒃ. ᐃᓕᓴᕐᓂᓕᕆᓂᖅ ᐊᐅᓚᑦᓯᔪᖅ ᖁᓕᓪᓗ ᓯᑕᒪᐅᔪᖕᖏᒐᕐᑐᓗᓐᓂᒃ ᐃᓕᓴᕐᕕᓂᒃ ᒥᑭᓂᕐᓴᓄᑦ ᐳᕐᑐᓂᕐᓴᓄᓪᓗ ᐊᒻᒪᓗ ᑕᓪᓕᒪᓂᒃ ᐃᓄᒻᒪᕆᓐᓄᑦ ᐃᓕᓴᕐᕕᓂᒃ ᐊᒻᒪᓗ ᐃᓕᓐᓂᐊᕕᒻᒪᕆᒻᒧᑦ ᐃᓕᓴᕐᑐᓭᑦ ᐱᒋᐅᕐᓴᔭᐅᕕᖓᓂᒃ. ᑐᑭᓯᒋᐊᑦᓯᐊᕕᑦᓴᖅ ᖃᕆᑕᐅᔭᒃᑯᑦ:  www.kativik.qc.ca

— 30 —

ᑐᑭᓯᒋᐊᕐᕕᓴᖅ:

ᔮᑦ ᑐᓯᓅ-ᐱᕐᓀ

ᑐᓴᕋᑦᓴᓕᕆᕕᒻᒥ ᐊᑕᐅᑦᓯᑰᕐᑎᓯᔨ

514-482-8220 ext. 309 | publicrelations@kativik.qc.ca

Back to Press release