ᒫᑦᔨ 26-ᒥᑦ 28-ᒧᑦ ᑲᑎᕕᒃ ᐃᓕᓴᕐᓂᓕᕆᓂᖅ ᐅᐸᑦᑕᐅᓛᕐᑐᖅ ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒧᑦ ᑕᑯᑦᓴᐅᑎᑦᓯᓂᖓᓄᑦ 2019 (QASF), ᑰᑦᔪᐊᒥ

ᒫᑦᔨ 26-ᒥᑦ 28-ᒧᑦ ᑲᑎᕕᒃ ᐃᓕᓴᕐᓂᓕᕆᓂᖅ ᐅᐸᑦᑕᐅᓛᕐᑐᖅ ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒧᑦ ᑕᑯᑦᓴᐅᑎᑦᓯᓂᖓᓄᑦ 2019 (QASF), ᑰᑦᔪᐊᒥ. ᐱᓂᐊᕐᓂᐅᔪᒧᑦ ᐋᕐᕿᓱᐃᖃᑕᐅᔪᑦ ᐃᓕᓴᕐᓂᓕᕆᓂᖅ ᐊᒻᒪᓗ ᑯᐯᒻᒥ ᓄᓇᖃᕐᖄᓯᒪᔪᑦ ᓱᑯᐃᔦᓂᕐᒧᑦ ᐊᒻᒪᓗ ᖃᐅᔨᒪᔨᒻᒪᕇᑦ ᓴᓇᓂᕐᒧᑦ ᖃᑐᑦᔨᖃᑎᒌᖏᑦ, ᑲᑎᑎᑦᓯᓛᕐᑐᑦ ᐃᓚᐅᔪᓂᒃ 30 ᐊᑦᔨᒌᖏᑐᑦ ᓄᓇᖃᕐᖄᓯᒪᔪᑦ ᐊᒻᒪᓗ ᐃᓄᐃᑦ ᓄᓇᓕᖏᓐᓂᑦ.

ᐅᕕᒐᕐᑐᐃᑦ ᐋᓪᑳᓐᑯᐃᓐ, ᐊᑎᒃᑲᒥᒃ, ᑯᔩ, ᑭᐅᔮᓐ-ᕗᐃᓐᑖᑦ, ᐃᓄᐃᑦ, ᐃᓅ, ᒥᒃᒫᒃ ᐊᒻᒪᓗ ᒨᖄᑦᑯᑦ ᓄᓇᓕᖏᓐᓂᑦ ᑲᑎᓛᕐᑐᑦ ᑰᑦᔪᐊᒥ ᑕᑯᑦᓴᐅᑎᑦᓯᓗᑎᒃ ᓱᑯᐃᔦᓂᕐᒧᑦ ᐱᓇᓱᐊᕐᓯᒪᔭᒥᓂᒃ ᐅᑯᓂᖓ ᑐᑭᓕᓐᓂᒃ: ᓱᑯᐃᔦᓂᖅ ᓄᓇᖃᕐᖄᓯᒪᔪᑦ ᖃᐅᔨᒪᒍᓯᖓᑦ.

ᑖᓐᓇ ᑐᑭᖓ ᓄᐃᑕᑎᑦᓯᔪᖅ ᐱᕙᓪᓕᐊᓂᖓᓂᒃ ᐃᓄᓐᓅᓕᖓᔪᒥᒃ ᐃᓕᓐᓂᐊᓂᓕᕆᓂᕐᒥᒃ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐅᖃᕐᑕᐅᓯᒪᔪᒥᒃ ᐸᕐᓀᓂᕐᒥ ᐋᕐᕿᓱᕐᓯᒪᐅᑎᓄᑦ. ᑕᒃᑲᓂ ᐱᓇᓱᐊᕈᓯᕐᒥ ᓱᑯᐃᔦᓂᕐᒧᑦ, ᐱᐅᒃᑯᑎᓄᑦ ᓄᑖᓄᑦ ᐊᒻᒪᓗ ᐃᓗᕐᖁᓯᕐᒧᑦ ᓱᖃᑦᓯᓂᕐᓄᑦ, ᐃᓕᓐᓂᐊᑏᑦ ᐃᓕᓐᓂᐊᓛᕐᑐᑦ ᐃᓄᐃᑦ ᓱᑯᐃᔦᓂᕐᒧᑦ ᖃᐅᔨᒪᒍᓯᖓᓂᒃ.

ᑐᑭᖓ “ᓱᑯᐃᔦᓂᕐᒧᑦ ᓄᓇᖃᕐᖄᓯᒪᔪᑦ ᖃᐅᔨᒪᐅᓯᖓ” ᓄᐃᑕᑎᑕᐅᒻᒥᔪᖅ ᑕᑯᓐᓇᕋᑦᓴᓂ ᐋᕐᕿᓱᕐᑕᐅᓯᒪᔪᓂ ᑕᒃᑲᓂ ᐊᕐᕌᒍᒥ ᓄᐃᑎᑕᖏᓐᓂ ᑯᐯᒃᑯᑦ ᓄᓇᖃᕐᖄᓯᒪᔪᖏᑦ ᓱᑯᐃᔦᓂᕐᒧᑦ ᑕᑯᑦᓴᐅᑎᑦᓯᓂᖅ. ᓴᓇᖕᖑᐊᑕᐅᓯᒪᔪᒥᒃ ᓄᓇᕕᒻᒥ ᓴᓇᖕᖑᐊᑎᓄᑦ ᐃᑦᔭᓯᑦᓱᓂ ᑏᕕ ᐃᑦᑐᒧᑦ, ᐁᐸᔭᖄ ᐃᕐᖁᖅ, ᒫᑭ ᑭᐊᑌᓐᓇᖅ ᐊᒻᒪᓗ ᔪᐊᓇᓯᐊᓗᒃ ᐃᕐᕈᒥᐊᖅ, ᓱᑎᑦᓯᓂᕐᒧᑦ ᐊᑭᓐᓇᒥᐅᑕᖓ ᓄᐃᑕᑎᑦᓯᔪᖅ ᐃᓱᒪᓇᕐᓂᖓᓂᒃ ᓅᕙᓪᓕᐊᓂᖏᑦ ᑲᑎᒪᑦᓱᑎᒃ ᓯᕗᒧᑦ, ᑐᖕᖓᕕᖃᕐᓱᑎᒃ ᓄᓇᖃᕐᖄᓯᒪᔪᑦ ᖃᐅᔨᒪᐅᓯᖓᓂᒃ ᐊᒻᒪᓗ ᓱᑯᐃᔦᓂᕐᒥᒃ.

ᙯᖁᔨᕗᖑᑦ ᐃᓘᓐᓇᖏᓐᓂᒃ ᑰᑦᔪᐊᒥᐅᓂᒃ ᐊᒻᒪᓗ ᐳᓛᕆᐊᕐᓯᒪᔪᓂᒃ ᑰᑦᔪᐊᖅ ᓄᓇᓕᖓᓄᑦ ᐊᑯᓐᓂᖏᓐᓂ ᒫᑦᔨ 26 ᐊᒻᒪᓗ 28 ᐃᓚᐅᖁᑦᓱᒋᑦ ᓱᖃᕐᓯᑎᑦᓯᓂᕐᒧᑦ. ᓄᓇᖃᕐᖄᓯᒪᔪᓄᑦ ᐃᓕᓐᓂᐊᑎᓄᑦ ᑯᐯᓕᒫᒥ ᐱᓯᒪᔪᓄᑦ ᐃᓚᐅᖁᔨᕗᒍᑦ, ᐅᓪᓗᖃᕐᑎᓯᑎᓪᓗᒋᑦ ᐱᑕᖃᑦᓯᐊᑑᓂᕐᒥᓂᒃ ᓲᑯᐃᔦᓂᕐᒧᑦ ᕿᒻᒪᖁᓯᐊᖃᕐᓂᒧᑦ.

ᐃᓕᓴᕐᓂᓕᕆᓂᖅ ᐊᓕᐊᓱᑉᐳᖅ ᖃᐅᔨᑎᑦᓯᒋᐊᒥᒃ ᐃᓚᐅᓛᕐᓂᖓᓂᒃ ᓰᓚ ᒍᐊᑦ-ᑯᓘᑦᓰ, ᐅᖄᓛᕐᑐᖅ ᐃᓚᐅᔪᓄᑦ ᒫᑦᔨ 27-ᖑᓕᕐᐸᑦ, ᐅᒃᑯᐃᓯᓂᖃᕐᑎᓗᒋᑦ. ᒍᐊᑦ-ᑯᓘᑦᓰ ᑲᓇᑕᒥᐅᖑᑦᓱᓂ ᐃᓄᑐᐃᓐᓇᐅᓱᓂ ᐊᓯᑦᔩᒐᓱᐊᕐᑎ ᐱᓂᐊᕐᓂᓕᕆᓂᕐᒧᑦ ᐊᒻᒪᓗ ᐃᓅᖃᑎᒌᓐᓂᒧᑦ, ᐊᓪᓚᓯᒪᔪᖅ ᕿᒥᕐᕈᐊᓂᒃ “ᐄᒃᑭᓇᕐᑐᒦᐅᑕᐅᒍᓐᓇᕆᐊᖃᕐᓂᕗᑦ” ᐊᒻᒪᓗ ᐱᓂᐊᕐᓂᓕᕆᓂᕐᒧᑦ ᑭᒡᒐᑐᕐᑎᐅᓯᒪᔪᖅ ᐃᓄᓐᓄᑦ ᓄᓇᓕᓕᒫᓂ, ᑲᓇᑕᓕᒫᒥ ᐊᒻᒪᓗ ᓯᓚᕐᔪᐊᓕᒫᒥ.

ᐃᓚᒋᐊᕈᑎᐅᑎᓪᓗᒍ, ᖃᐅᔨᒪᔭᐅᓂᓕᒃ ᐃᓄᑐᐃᓐᓇᐅᓱᓂ ᐃᙯᓕᓴᕐᑎ, ᓱᓕᔫᖕᖑᐊᓕᐅᕐᑎ ᐊᒪᓗ ᐃᓗᕐᖁᓯᓕᕆᓂᕐᒧᑦ ᐃᓕᓐᓂᐊᑎᑦᓯᔨ ᔮᓂ ᐃᓴᓗᒃ ᓯᕗᓕᓛᕐᑐᖅ ᑲᑎᒪᓂᐊᕈᓯᕐᓂ ᑕᑯᑎᑦᓯᓗᓂ ᐃᓚᐅᔪᓂᒃ ᓱᖃᑦᓯᒍᑎᓄᑦ ᐃᓄᐃᑦ ᐱᐅᓯᖓᓅᓕᖓᔪᓂᒃ, ᐃᓗᕐᖁᓯᖓᓄᑦ ᐊᒻᒪᓗ ᖃᐅᔨᒪᐅᓯᖓᓄᑦ.

ᖃᓄᐃᓘᕐᓂᕆᓛᕐᑕᖏᑦ

ᐊᓪᓕᕇᕐᑐᓂ, ᒫᑦᔨ 25

ᑎᑭᓐᓂᓴᖏᑦ 13 ᓄᓇᕕᒻᒥ ᐃᓕᒌᓛᕐᑐᑦ ᑰᑦᔪᐊᒧᑦ

 

ᐁᑉᐸᖓᓐᓂ, ᒫᑦᔨ 26

ᑎᑭᓐᓂᓴᖏᑦ ᐃᓘᓐᓇᑎᒃ ᐃᓚᐅᓛᕐᑐᑦ 8-ᓂᒃ ᐊᓯᖏᓐᓂ ᓄᓇᖃᕐᖄᓯᒪᔪᓂ ᐱᓯᒪᔪᑦ ᑰᑦᔪᐊᒧᑦ ᐊᒻᒪᓗ ᐃᓗᕐᖁᓯᕐᒧᑦ ᓱᖃᑦᓯᓂᐅᓛᕐᑐᒧᑦ

 

ᐱᖓᔪᐊᓐᓂ, ᒫᑦᔨ 27 

9:00 ᐅᓪᓛᑯᑦ | ᐅᒃᑯᐃᓯᓂᖅ (ᐃᓚᐅᔪᓄᑦ)

9:45 ᐅᓪᓛᑯᑦ | ᓱᑯᐃᔦᓂᕐᒥᒃ ᑕᑯᑦᓴᐅᑎᑦᓯᓂᖅ (ᖃᐅᔨᓴᕐᑕᐅᓂᖃᓛᕐᑐᑦ)

1:00 ᕿᑎᕋᓕᕇᒥ | ᓱᑯᐃᔦᓂᕐᒧᑦ ᑕᑯᑦᓴᐅᑎᑦᓯᓂᖅ (ᐃᓕᓐᓂᐊᕕᓐᓄᑦ ᐳᓚᕋᕐᓂᖅ)

4:00 ᕿᑎᕋᓕᕇᒥ | ᐃᓗᕐᖁᓯᕐᒧᑦ ᓱᖃᑦᓯᓂᖅ (ᐃᓚᐅᔪᓄᑦ)

 

ᓯᑕᒪᖓᓐᓂ, ᒫᑦᔨ 28 

9:00 ᐅᓪᓛᑯᑦ | ᓱᑯᐃᔦᓂᕐᒧᑦ ᑕᑯᑦᓴᐅᑎᑦᓯᓂᖅ (ᑐᑭᑖᕆᓂᖅ ᓴᓚᖃᐅᑎᑦᓴᓄᑦ )

1:00 ᕿᑎᕋᓕᕇᒥ | ᓱᑯᐃᔦᓂᕐᒧᑦ ᑕᑯᑦᓴᐅᑎᑦᓯᓂᖅ (ᑭᓇᓕᒫᒃᑯᓄᑦ ᐳᓛᕆᐊᕐᑕᐅᓂᖓ)

3:00-ᖑᒥ ᕿᑎᕋᓕᕇᒥ | ᐃᓱᓕᓂᖓ ᓱᑯᐃᔦᓂᕐᒧᑦ ᑕᑯᑦᓴᐅᑎᑦᓯᓂᖅ

7:00-ᖑᒥ ᐅᓐᓄᑯᑦ | ᐅᒃᑯᐊᑕᐅᓂᖓ (ᑭᓇᓕᒫᒃᑯᑦ ᙯᖁᔭᐅᓂᖓ)

 

ᓂᕿᑦᓯᑐᓂ, ᒫᑦᔨ 29

ᐊᐅᓪᓚᓂᖏᑦ ᐃᓘᓐᓇᑎᒃ ᐃᓚᐅᔪᐃᑦ

Back to News