ᐃᓕᓐᓂᐊᕋᑦᓭᓗ ᐊᒻᒪᓗ ᐱᔪᓐᓇᐅᑎᑕᕈᑎᐅᒍᓐᓇᑐᓂᒃ ᐱᕙᓪᓕᐊᑎᑦᓯᓂᕐᒥᒃ ᐊᑐᐃᓐᓇᐅᑎᑦᓯᒍᑎᐅᕗᑦ ᐃᓕᖓᔪᑦ ᐃᓄᑐᐃᓐᓇᓄᑦ ᐃᓕᓐᓂᐊᑎᑦᓯᔨᓄᑦ, ᐱᒋᐅᕐᓴᑎᑦᓯᔨᓄᓪᓗ

ᕿᒥᕐᕈᕈᓐᓇᓱᑎᓪᓗ ᐃᓕᓐᓂᐊᑎᑦᓯᒍᑎᑦᑎᓂᒃ ᐊᑐᐃᓐᓇᐅᑎᑕᕗᓐᓂᒃ ᐱᓇᓱᐊᖃᑎᖃᕐᓱᑕ ᑕᒫᓂ ᒪᑭᐅᓪ ᐃᓕᓐᓂᐊᕕᕐᔪᐊᖓᓂᒃ, ᐃᓕᓐᓂᐊᑎᑦᓯᔨᐅᓂᕐᒧᑦ ᓇᓗᓀᕐᑕᐅᒍᑎᑖᕐᓂᒨᓕᖓᑎᑦᓯᒍᓐᓇᑐᓂᒃ, ᐃᓕᓐᓂᐊᕕᕐᔪᐊᒥ ᐊᓪᓕᖓᓂᒃ ᓇᓗᓀᕐᑕᐅᒍᑎᓄᑦ ᐊᒻᒪᓗ ᐱᔭᕇᕈᑎᓄᑦ.

ᐃᓕᓐᓂᐊᑎᑦᓯᒍᑏᑦ ᐊᑐᐃᓐᓇᐅᑎᑕᐅᔪᑦ ᐱᓇᓱᐊᖃᑎᖃᕐᓱᑎᒃ ᐃᓕᓐᓂᐊᕕᕐᔪᐊᖓᓂᒃ ᐅᕙᓂ ᑯᐯᒻᒥ ᐊᐱᑦᑎᐱ ᑎᒥᔅᑭᒦᖕᒥ, ᓇᓗᓀᕐᑕᐅᒍᑎᑖᕐᓂᒨᓕᖓᑎᑦᓯᒍᓐᓇᑐᓂᒃ ᐃᓕᓐᓂᐊᕕᕐᔪᐊᑉ ᐊᓪᓕᖓᓂ.

ᐊᑑᑎᒋᐊᕕᑦᑐᑦ!

ᐃᓕᓐᓂᐊᑏᑦ ᐅᒥᐊᕐᔪᐊᑯᑦ ᓯᑯᑎᒎᕐᑐᑦ

ᑭᖑᕃᑦᑌᓕᒋᑦ ᐊᑑᑎᓛᕐᑐᒥᒃ ᐃᓕᓐᓂᐊᑏᑦ ᐅᒥᐊᕐᔪᐊᑯᑦ ᓯᑯᑎᒎᕐᑐᑦ ᐊᐅᓚᓂᕆᓛᕐᑕᖓᓂᒃ!

ᐃᓱᓕᓂᖃᓛᕐᑐᖅ ᐃᓚᐅᒐᓱᐊᕈᑏᑦ: ᔭᓄᐊᕆ 6, 2020-ᒥ.

ᓱᓇᐅᕚ ᐃᓕᓐᓂᐊᑏᑦ ᐅᒥᐊᕐᔪᐊᑯᑦ ᓯᑯᑎᒎᕐᑐᑦ?

ᐃᓕᓐᓂᐊᑏᑦ ᐅᒥᐊᕐᔪᐊᑯᑦ ᓯᑯᑎᒎᕐᑐᑦ ᑎᓕᔭᐅᒪᐅᑎᖓ ᐱᑕᖃᕐᑎᓯᓂᕐᒥᒃ ᐅᕕᒐᕐᑐᓂᒃ ᐱᒍᒪᓕᕐᑎᓯᔪᓂᒃ ᐃᓕᓐᓂᐊᓂᓕᕆᓂᕐᒥᒃ ᐱᕕᖃᕐᑎᓯᒍᓐᓇᓂᕐᒥᒃ ᐃᓱᖏᓐᓂ ᓯᓚᕐᔪᐊᒥ, ᑌᒣᑦᓱᑎᒃ, ᐃᑲᔪᕐᓯᓂᖃᓲᑦ ᓄᑖᓂᒃ ᑐᑭᓯᒪᓂᕐᓂᒃ ᐊᒻᒪᓗ ᓲᓱᑦᓴᓂᕐᒥᒃ ᓯᓚᕐᔪᐊᒥᒃ ᐊᒻᒪᓗ ᐊᑐᓂᑦ ᐃᒻᒥᒎᕐᑐᓂᒃ ᐊᒻᒪᓗ ᐱᒍᒪᓕᕐᑎᑕᐅᓂᕐᒥᒃ ᐱᓇᓱᐊᕈᒪᓕᕐᓂᒥᒃ ᐊᒻᒪᓗ ᐊᓯᑦᔨᑐᐃᓂᕐᒥᒃ.

ᐊᑐᓂ ᐊᐅᓚᓂᖏᑦ ᑕᑕᑦᑐᑦ ᖃᐅᔨᓴᕐᓂᓂᒃ, ᐃᓕᑦᓯᓂᕐᒥᒃ, ᑐᓴᕐᑎᓯᓂᕐᒥᒃ, ᑲᑎᒪᓂᐊᕈᓯᕐᓂᒃ, ᐊᒻᒪᓗ ᐱᓇᓱᐊᕐᓱᑎᒃ ᖃᐅᔨᓴᕐᓂᓂᒃ ᐊᒻᒪᓗ ᓄᓇᒦᑦᓱᑎᒃ ᒪᔪᕋᕐᓂᒥᒃ. ᐱᓇᓱᐊᕐᓂᖃᓲᖑᒻᒥᔪᐃᑦ ᐆᒪᔪᓂᒃ ᑕᑯᖃᑦᑕᓱᑎᒃ, ᐳᓛᕆᐊᕐᓱᑎᒃ ᖃᓂᖕᖏᑐᒦᑦᑐᓂᒃ ᓄᓇᓂᒃ ᐃᓚᐅᑎᓪᓗᒋᑦ ᑌᑲᓃᑦᓱᑎᒃ ᐃᓕᑦᓯᒍᓐᓇᓂᕐᒥᒃ ᐱᒍᓐᓇᕕᖃᕐᓂᒥᒃ ᐊᒻᒪᓗ ᑕᑯᒍᓐᓇᓂᕐᒥᒃ ᖃᓄᐃᑦᑐᑐᐃᓐᓇᐅᓂᖏᓐᓂᒃ ᓯᓚᕐᔪᐊᒥ ᐅᕐᖂᓯᕙᓪᓕᐊᓂᖓᓄᑦ ᐊᓯᑦᔨᕙᓪᓕᐊᓂᖓᓂᒃ, ᖃᐅᔨᒪᐅᓯᑐᖃᕐᒥᒃ, ᓱᑯᐃᔦᓂᕐᑎᒍᑦ ᖃᐅᔨᓴᕐᓂᒥᒃ ᒪᓕᒉᑦ ᐊᒻᒪᓗ ᐊᓯᖏᑦ ᐱᒻᒪᕆᐅᔪᑦ ᐅᖄᔭᐅᓲᑦ ᓄᓇᓕᖏᓐᓂ ᐅᑭᐅᕐᑕᑑᑉ.

ᓱᓇᐅᕚᑦ ᐅᕙᓐᓄᑦ ᐊᑐᕐᓂᖃᕋᔭᕐᑐᐃᑦ?

ᐃᓅᑦᓱᑎᑦ ᐃᓕᓐᓂᐊᑎᑦᓯᔨᐅᑦᓱᑎᑦ, ᓱᑯᐃᔦᓂᕐᒧᑦ ᖁᕝᕙᕆᐊᕈᑎᓂᒃ ᐱᑖᕋᔭᕐᑐᑎᑦ ᑭᖕᖒᒪᒋᔭᑎᓐᓂᒃ ᒪᑭᐅᓪ ᐃᓕᓐᓂᐊᑎᑦᓯᔩᑦ ᓇᓗᓀᕐᑕᐅᓂᕐᒧᑦ ᐃᓕᓐᓂᐊᑎᑦᓯᒍᑎᖏᓐᓂ.

ᖃᖓᐅᕚ ᐊᐅᓪᓚᓂᐅᔪᖅ?

ᐊᐅᓚᓂᖃᕋᔭᕐᑐᑦ ᔪᓓ 5-ᒥᑦ 20-ᒧᑦ, 2020-ᒥ.

ᐱᓇᓱᐊᕈᓰᓐᓂ ᒪᕐᕉᓂ ᐃᒪᕐᒦᒐᔭᕐᑐᑎᑦ ᓭᓐᑦ ᔮᓐ (ᓂᐅᕙᐅᓐᓛᓐᒥ) ᐃᖃᓗᓐᓄᑦ (ᓄᓇᕘᑦᒧᑦ) ᐳᓚᕋᕐᓗᑎᒃ ᐅᖃᐅᕐᑕᑐᒥ ᓄᓇᓕᖏᓐᓄᑦ, ᓱᑯᐃᔦᓂᕐᒧᑦ ᐱᓇᓱᕝᕕᖏᓐᓄᑦ ᐊᒻᒪᓗ ᒥᕐᖑᐃᓯᕐᕕᖏᓐᓄᑦ ᐊᒻᒪᓗ ᓄᓇᓖᑦ ᐊᕕᑦᑐᓯᒪᔪᖏᓐᓄᑦ.

ᑖᓐᓇ ᐊᓕᐊᓇᕐᑐᕋᑕᐅᑦᓱᓂ ᐊᐅᓚᓂᐅᔪᖅ, ᐃᓚᐅᓪᓚᕆᓐᓂᖃᕆᐊᖃᕋᔭᕐᑐᑦ ᐊᒻᒪᓗ ᐊᑐᐃᓐᓇᕈᕐᑎᓗᑎᒃ ᐃᓚᐅᔪᑦ. ᐊᐅᓚᓂᖏᓐᓂ, ᓯᕗᓕᕋᔭᕐᑐᑎᑦ ᐊᒻᒪᓗ ᐃᓚᐅᓗᑎᑦ ᐱᕙᓪᓕᐊᑎᑦᓯᓂᖏᓐᓄᑦ ᓄᓇᒦᓪᓗᑎᒃ ᓱᑯᐃᔦᓂᕐᒧᑦ ᐃᓕᓐᓂᐊᑎᑦᓯᒍᑎᖏᓐᓄᑦ, ᐃᓕᓐᓂᐊᓂᕐᒧᑦ ᐱᓇᓱᐊᕈᑎᐅᔪᓂᒃ ᐃᓕᓐᓂᐊᓂᓕᕆᓂᕐᒧᑦ ᐱᓇᓱᐊᕈᑎᐅᔪᓂᒃ. ᐱᔭᕇᕈᕕᑦ ᐊᐅᓚᓂᐅᔪᓂ, ᓱᑯᐃᔦᓂᕐᒨᓕᖓᔪᓂᒃ ᐱᑖᕋᔭᕐᑐᑎᑦ ᖁᕝᕙᕆᐊᕈᑎᓂᒃ ᒪᑭᐅᓪ ᐃᓕᓐᓂᐊᕕᕐᔪᐊᖓᓂ.

ᑭᓇᒃᑰᑦ ᐃᓚᐅᒐᓱᐊᕈᓐᓇᖃᑦ?

  • ᐃᓄᐃᑦ ᒫᓐᓇᐅᔪᖅ ᐱᓇᓱᒐᓖᑦ ᐃᓕᓐᓂᐊᑎᑦᓯᔨᐅᓂᕐᒥᒃ, ᐃᓕᓐᓂᐊᑎᑦᓯᔨᓂᒃ ᐃᓕᓐᓂᐊᑎᑦᓯᔩᑦ ᐅᕝᕙᓘᓐᓃᑦ ᐃᓕᓐᓂᐊᑎᑦᓯᔩᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ.
  • ᓄᓇᕐᔪᐊᒥᐅᖑᖃᑎᒌᓄᑦ ᐊᐅᓚᒍᓐᓇᕈᑎᒥᒃ ᐱᑕᖃᕆᐊᖃᕐᑐᑎᑦ ᐃᓱᓕᓯᒪᖕᖏᑐᒥᒃ ᐊᑐᑦᓯᐊᑐᒥᒃ ᐊᐅᓚᓯᑐᐊᕈᑦᓯ
  • ᐁᑦᑐᐃᒋᐊᖃᕐᑐᑎᑦ ᑐᑭᓯᓇᑦᓯᐊᑐᓂᒃ ᐳᓖᓯᒃᑯᓂ ᖃᐅᔨᓴᕐᑕᐅᒍᑎᕕᓂᕐᓂᒃ ᐊᓪᓚᓯᒪᐅᑎᖏᓐᓂᒃ

ᖃᓅᖅ ᐃᓚᐅᒐᓱᐊᕈᓐᓇᑐᐃᑦ?

ᑕᑕᕐᓴᓗᒍ ᖃᕆᑕᐅᔭᑎᒍᑦ ᐱᒐᓱᐊᕐᓂᒧᑦ ᑕᑕᕐᓴᕋᑦᓴᖅ ᔭᓄᐊᕆ 6, 2020 ᓚᐅᕐᑎᓇᒍ (ᒍᐃᒍᑎᑐᑦ ᖃᓪᓗᓈᑎᑐᓪᓗ ᑭᓯᐊᓂ ᐊᑐᐃᓐᓀᑦ).

ᖃᐅᔨᒋᐊᑦᓯᐊᕈᒪᒍᕕᑦ, ᖃᕆᑕᐅᔭᑎᒍᑦ ᐊᓪᓚᓯᒪᔪᓂᒃ ᐊᐅᓪᓚᑎᑦᓯᓗᑎᑦ ᐃᓕᓐᓂᐊᑎᑦᓯᔩᑦ ᐱᒋᐅᕐᓴᑎᑕᐅᓂᖏᑦ ᐱᓇᓱᖃᑎᒌᖕᖏᓐᓄᑦ ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᐅᕗᖓ 819 964-1136 # 306.