ᔮᓄᐊᕆ 8, 2021-ᖑᑎᓪᓗᒍ, ᑯᐯᒃ ᐃᓕᓐᓂᐊᓂᓕᕆᓂᕐᒥ ᑐᕐᖃᑕᕐᕕᖓ ᑐᓴᕐᑕᐅᑎᑦᓯᓚᐅᔪᒻᒪᑦ ᐃᓅᓱᑦᑐᓄᑦ ᐃᓕᓐᓂᐊᕕᓐᓂ ᐊᕐᕌᒎᑉ-ᐃᓱᓕᓐᓂᖓᓂ ᑐᕐᖃᑕᕐᕕᑯᑦ ᖃᐅᔨᓴᕈᑎᖏᑦᑕ ᐊᑐᕐᑎᑕᐅᓛᕈᓐᓀᓂᖏᓐᓂᒃ

ᔮᓄᐊᕆ 8, 2021-ᖑᑎᓪᓗᒍ, ᑯᐯᒃ ᐃᓕᓐᓂᐊᓂᓕᕆᓂᕐᒥ ᑐᕐᖃᑕᕐᕕᖓ ᑐᓴᕐᑕᐅᑎᑦᓯᓚᐅᔪᒻᒪᑦ ᐃᓅᓱᑦᑐᓄᑦ ᐃᓕᓐᓂᐊᕕᓐᓂ ᐊᕐᕌᒎᑉ-ᐃᓱᓕᓐᓂᖓᓂ ᑐᕐᖃᑕᕐᕕᑯᑦ ᖃᐅᔨᓴᕈᑎᖏᑦᑕ ᐊᑐᕐᑎᑕᐅᓛᕈᓐᓀᓂᖏᓐᓂᒃ, ᐃᓕᓐᓂᐊᓇᐅᑉ ᐊᕐᕌᒍᖓᓂ ᑕᒡᒐᓂ ᐊᑐᕐᑐᒥ.  ᑖᓐᓇ ᐅᖃᐅᓯᖓ ᓄᓇᕕᓕᒫᒧᑦ ᐃᓕᖓᔪᖅ.

ᐃᓅᓱᑦᑐᓄᑦ ᐃᓕᓐᓂᐊᕕᓐᓂ 2021 ᐊᕐᕌᒎᑉ-ᐃᓱᓕᓐᓂᖓᓂ ᑐᕐᖃᑕᕐᕕᑯᑦ ᖃᐅᔨᓴᕈᑎᖏᑦᑕ ᓄᕐᖃᑎᑕᐅᓂᖏᑦ ᓱᕃᖏᑦᑐᖅ ᑌᒃᑯᓂᖓ ᕕᕗᐊᕆᒥ 2021ᒥ ᐊᑑᑎᔪᑦᓴᓕᐊᖑᓯᒪᔪᓂᒃ ᓄᓇᕕᒻᒥ ᑭᖕᖑᓂᑯᒋᔭᓅᓕᖓᔪᓂᒃ ᐃᓕᓐᓂᐊᒐᕐᓄᑦ ᖃᐅᔨᓴᕐᑕᐅᒍᑎᖏᓐᓂᒃ.

ᓱᓕᒋᐊᓪᓚᒃ, ᐃᓕᓐᓂᐊᓂᓕᕆᓂᕐᒥ ᑐᕐᖃᑕᕐᕕᒃ ᓱᓕᓂᕃᓚᐅᔪᒻᒥᔪᖅ ᐃᒫᒃ ᐊᕐᕌᒎᑉ-ᐃᓱᓕᓐᓂᖓᓂ ᐊᓂᒍᐃᓂᖓᑕ ᖁᕝᕙᕆᐊᕈᑎᑖᖏᑦ ᑐᖕᖓᕕᑐᐊᖃᓛᕐᑎᓗᒋᑦ ᒪᕐᕉᓂᒃ ᑖᒃᑯᓃᖓ ᐊᕐᕌᒍᖓᑕ ᐊᕕᑦᑐᓯᒪᓂᑐᐊᒋᓐᓂᒃ.  ᑐᕐᖃᑕᕐᕕᑯᑦ ᒪᓕᑦᑕᐅᔪᑦᓴᓕᐊᖏᑦ ᓇᓗᓀᔦᓯᒪᓗᑎᒃ ᐃᓕᓐᓂᐊᑎᐅᑉ ᖁᕝᕙᕆᐊᒍᑎᑖᕆᓂᐊᕐᑕᖏᑕ ᑭᓯᑕᐅᒍᑎᖏᓐᓄᑦ ᑕᒪᒋᓐᓄᒃ ᐃᓕᓐᓂᐊᓇᐅᑉ ᐊᕐᕌᒍᖓᑕ ᐊᕕᑦᑐᓱᓂᒪᓂᒋᓐᓄᒃ ᐃᓕᖓᔪᑦ ᓂᕆᐅᒋᔭᐅᔪᑦ ᓯᕗᓂᕐᒥ ᐱᓇᓱᐊᕈᓯᕐᓂ ᙯᔪᓂᑦ.

ᐅᖃᐅᓯᐅᓚᐅᔪᒻᒥᒪᑦ ᐆᒃᑑᐱᕆᐅᑎᓪᓗᒍ, ᕿᑐᕐᖓᓖᑦ ᑐᔪᕐᑕᐅᓛᕐᑐᑦ ᒪᕐᕈᐃᓇᕕᓪᓗᑎᒃ ᐃᓕᓐᓂᐊᑏᑦ ᐃᓕᓐᓂᐊᒐᖏᓐᓄᐊᖓᔪᓂᒃ ᑐᓴᕐᑎᓯᒍᑎᓂᒃ ᑕᒡᒐᓂ ᐊᕐᕌᒍᒥ.  ᓯᕗᓪᓕᖅ ᐃᓕᓐᓂᐊᑏᑦ ᐃᓕᓐᓂᐊᒐᖏᓐᓂᒃ ᑐᓴᕐᑎᓯᒍᑎ ᓄᐃᑕᐅᓛᕐᑐᖅ ᕕᕗᐊᕆ 15, 2021 ᑭᖑᓂᐊᒎᖕᖏᑐᖅ.  ᑐᖓᓕᐊ ᐃᓕᓐᓂᐊᑏᑦ ᐃᓕᓐᓂᐊᒐᖏᓐᓂᒃ ᑐᓴᕐᑎᓯᒍᑎ ᓄᐃᑕᐅᓛᕐᑐᖅ ᔪᓓ 10, 2021 ᑭᖑᓂᐊᒎᖕᖏᑐᖅ.

ᑐᑭᓯᒪᒍᑎᑦᓴᒋᐊᓪᓓᑦ ᑕᒐᐅᑦᓴᓕᑐᐊᕐᐸᑕ, ᑲᑎᕕᒃ ᐃᓕᓴᕐᓂᓕᕆᓂᖅ ᑐᓴᕐᑎᓯᒍᑎᒥᒃ ᓄᐃᑦᓯᓛᕐᑐᖅ ᖃᕆᑕᐅᔦᑦ ᐱᑐᑦᓯᒪᖃᑎᒌᕝᕕᖓᓂ ᑕᑯᑦᓴᐅᑎᑦᓯᕕᒥᓂ.

Back to News