ᐃᓪᓗᓕᐅᕐᓂᖅ ᓄᓇᕕᒻᒥ : ᑕᑯᓐᓈᖑᐊᕐᓂᒥᒃ / ᐊᓪᓚᖑᐊᕐᓂᒥᒃ ᐃᓪᓗᓕᐅᕐᓂᒧᑦ
ᐸᕐᓇᓯᒪᐅᑎᓕᒫᓄᑦ ᐃᓪᓗᓕᐅᕐᓂᒥᒃ, ᐊᑑᑎᔭᐅᒋᓖᑦ ᐊᒥᓱᐹᓗᐃᑦ ᐃᑭᓐᓂᓴᐅᖕᖏᓚᑦ ᓯᒪᑕᐅᔪᖏᒐᕐᑐᓂᒃ ᐱᒋᐊᓚᐅᕐᑎᓇᒍ ᐃᓪᓗᓕᐅᕐᓂᒥᒃ. ᐊᐱᕐᓲᑎᓕᐅᕐᓂᒥᒃ ᑮᓇᐅᔭᖃᕐᑎᑕᐅᓂᕐᒥᒃ ᐊᑎᓕᐅᕐᓂᒧᑦ ᐊᖏᖃᑎᒌᒍᑎᒥᒃ, ᐱᓇᓱᐊᕐᑕᐅᒪᕆᕐᖄᕆᐊᓕᒃ ᐱᒋᐊᓪᓚᕆᓚᐅᕐᑎᓇᒍ. ᒫᓐᓇ, ᑕᑯᓐᓇᖑᐊᕆᑦ ᐃᓪᓗᓕᐅᕐᓂᒥᒃ ᓄᓇᕕᒻᒥ. ᐊᑦᔨᖃᖕᖏᓚᖅ ᓇᓗᓇᕐᓂᓴᐅᑦᓱᓂ!
ᑖᒃᑯᓂᖓ ᐱᖓᓱᓂᒃ ᑐᓴᕋᑦᓴᓂᒃ, ᑐᓴᕐᑎᓯᓚᖓᕗᒍᑦ ᐱᖓᓱᓂᒃ ᐊᑑᑎᔭᐅᒋᐊᓕᓐᓂᒃ ᐱᒻᒪᕆᐅᔪᓂᒃ ᐃᓪᓗᓕᐅᕐᓂᒨᓕᖓᔪᓂᒃ ᓄᓇᕕᒻᒥ: ᑐᑭᑖᕆᓂᖅ ᐃᓂᖓ ᓇᓃᓛᕐᓂᖓ, ᐊᓪᓚᖑᐊᕐᓂᖅ ᐸᕐᓇᓯᒪᐅᑎᒥᒃ ᐊᐅᓚᑦᓯᓂᕐᒥᓗ ᐊᒻᒪᓗ ᑲᒪᑦᓯᐊᓂᕐᒥᒃ ᐃᓪᓗᓂᒃ.
ᐅᑯᐊᑕᒐ ᑐᓴᕋᑦᓭᑦ ᑐᖓᓕᐅᑦᓱᑎᒃ ᑕᒪᒃᑯᓄᖓᓕᖓᔪᑦ.
ᐃᓱᒪᑦᓯᐊᖄᕆᐊᓕᒃ ᐃᓂᑦᓴᖓᓂᒃ ᐃᓪᓗᓕᐅᓯᓚᐅᕋᓂ
« ᐆᑦᑑᑎᒋᓗᒍ ᑲᔪᓯᕕᒃ ᐃᓕᓐᓂᐊᑏᑦ ᑐᔪᕐᒥᐅᕕᖓ ᓄᑖᖑᑦᓱᓂ ᑰᑦᔪᐊᒥ, ᑭᓯᑦᓱᒋᑦ 18 ᑕᕐᖀᑦ ᐃᑭᓐᓂᓴᐅᑎᓪᓗᒋᑦ ᐊᓪᓚᖑᐊᕐᓂᒧᑦ ᐊᑑᑎᔭᐅᒋᐊᓕᒃ », ᑐᑭᓯᑎᑦᓯᔪᖅ ᒥᓕᓴ ᑰᑎ-ᓚᕗᕐᔾ, ᐊᑕᐅᑦᓯᑰᕐᑎᓯᔨ ᐱᒍᑦᔨᕕᒻᒥ ᐱᕕᑦᓴᓂᒃ, ᑐᓴᕐᑎᓯᕐᖄᕈᑎᖃᕐᓱᓂ ᑕᒪᑦᓱᒧᖓᓕᖓᔪᓂᒃ.
ᐱᒋᐊᓚᐅᕐᓇᒃ ᐊᓪᓚᖑᐊᕐᓂᒥᒃ ᐊᓪᓚᕕᑦᓴᒥ ᐊᓪᓚᖑᐊᕐᓂᒧᑦ ᐃᓪᓗᓴᒥᒃ, ᐊᐱᕐᓲᑏᑦ ᐊᒥᓱᑦ ᐊᐱᕐᓲᑎᐅᑦᓯᐊᖄᕆᐊᓖᑦ : ᖃᑦᓯᓂᒃ ᐃᓄᓐᓂᒃ ᓇᔪᕐᓯᒋᐊᖃᓛᕐᖁᒍᑦ? ᑭᓇᒃᑰᕙᑦ? ᓱᓇᓂᒃ ᑭᖕᖒᒪᑦᓯᕙᑦ? ᓱᓇᒥᒃ ᐊᑑᑎᖃᓛᕐᑐᖅ ᐃᓪᓗᖅ, ᐅᓪᓗᒥ ᐊᒻᒪᓗ ᖁᓕᓂ (10) ᐊᕐᕌᒍᓂ? ᐊᒥᓱᐹᓗᐃᑦ ᐊᑑᑎᔭᐅᕐᖄᕆᐊᓖᑦ ᐊᑑᔭᐅᒋᐊᓕᓐᓂᒃ ᐊᓪᓚᖑᐊᕐᓂᒧᑦ.
ᐃᓪᓗᑐᐃᓐᓇᐅᑯᐊᓗᑦᑑᖅ, ᓯᓚᑖᑐᐃᓐᓇᐅᖏᓪᓚᖅ. ᐊᑑᑎᓕᒃ ᐱᒻᒪᕆᐅᔪᒥᒃ ᐊᒻᒪᓗ ᑎᑭᐅᑎᒋᐊᖃᕐᖁᒍᑦ ᐊᓂᕐᕋᖃᓛᕐᑐᐃᑦ ᑭᖕᖒᒪᒋᔭᖏᓐᓂᒃ.
ᐊᑐᐃᓐᓇᕈᕐᑎᓯᓂᖅ ᐊᑐᐃᓐᓇᕈᕐᑎᕈᑎᓂᒃ ᓄᓇᓕᓐᓄᑦ
ᑐᑭᓯᓇᑦᓯᐊᑎᑦᓯᓂᕐᒧᑦ ᐊᑐᐃᓐᓇᕈᕐᑎᕈᑎᓂᒃ ᑭᖕᖒᒪᒋᔭᐅᔪᐃᓪᓗ ᓱᕐᖁᐃᑕᕕᓃᑦ ᐱᓇᓱᖃᑎᒌᑦᑐᑦ ᑲᒪᔪᑦ ᐊᑐᐃᓐᓇᕈᕐᑎᓯᒋᐊᓖᑦ ᐃᓂᓂᒃ ᐱᒻᒪᕆᐅᔪᓂᒃ ᐊᓪᓚᖑᐊᓚᐅᕐᑎᓇᒃ : ᐳᓛᕐᕕᓂᒃ, ᖃᕆᐊᕐᓂᒃ ᐊᑕᐅᓯᐅᓈᕐᑐᓂᒃ ᒪᕐᕉᓈᕐᑐᓂᓪᓗ, ᐃᒐᓕᒻᒥᒃ, ᖃᕆᐊᕐᓂᒃ ᐊᑑᑎᓂᕐᒧᑦ ᓱᖃᑦᓯᓂᕐᓂᒃ ᐊᑑᑎᔪᓂᒃ ᐃᓄᐃᑦ ᐃᓗᕐᖁᓯᖏᓐᓂᒃ, ᐊᓯᖏᓪᓗ. ᐊᑐᐃᓐᓇᕈᕐᑎᓯᑦᓯᐊᓂᕐᒧᑦ ᐃᓱᒪᒋᔭᐅᕆᐊᖃᕐᒥᔪᑦ ᓱᓇᒐᓓᑦ ᑭᖕᖒᒪᒋᔭᐅᓲᑦ ᐃᓪᓗᓂ ᐊᑑᑎᔭᐅᓲᑦ (ᐃᓪᓕᖅ, ᓵᖅ ᐊᑑᑎᔭᐅᓗᓂ ᐱᓇᓱᐊᕐᓂᒧᑦ, ᖁᐊᖃᐅᑎᐊᐱᒃ, ᐆᓇᕐᓰᒍᑎᒃ, ᐊᓯᖏᓪᓗ), ᐊᑑᑎᔭᐅᕐᖄᒋᐊᓕᓐᓂᒃ ᑖᒃᑯᐊ ᐊᑑᑎᔭᐅᕐᖄᒋᐊᓖᑦ.
ᑕᒪᓐᓇ ᐊᑑᑎᔭᐅᒋᓕᒃ ᑐᑭᓯᒪᑦᓯᐊᖁᔨᔪᖅ ᓄᓇᓕᐅᑉ ᖃᓄᐃᓕᖓᓂᖏᓐᓂᒃ ᐊᒻᒪᓗ ᐃᓄᐃᑦ ᐃᓪᓗᒥᒃ ᐊᑑᑎᓛᕐᑐᑦ ᑭᖕᖒᒪᒋᔭᖏᓐᓂᒃ.
ᐃᓱᒪᑐᐃᓐᓇᕆᐊᖃᖕᖏᑐᒍᑦ ᐃᓂᒋᔭᐅᓚᖓᔪᑦ ᐊᑐᕐᑕᐅᓚᖓᒋᐊᖏᓐᓂᒃ ᐊᑐᕐᑕᐅᒍᓯᖏᒍᑦ ᑕᐅᓇᓂᒥᐅᑎᑐᑦ ᑯᐯᒃᒥ: ᑐᑭᓯᒪᕐᖄᕆᐊᖃᕐᑐᒍᑦ ᑭᖕᖒᒪᒋᔭᐅᒐᔭᕐᑐᓂᒃ ᓯᕗᓂᕐᒥᒃ ᓇᔫᕐᕕᖃᖃᑦᑕᓛᕐᑐᓂᒃ. ᑐᑦᓯᕌᖏᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᒪᓕᑦᓱᒋᑦ, ᐸᕐᓇᓚᐅᔪᒍᑦ ᐊᖏᓂᕐᓴᓂᒃ ᐃᓚᒌᑦ ᐃᓪᓗᓴᖏᓐᓂᒃ ᐃᓕᓐᓂᐊᑎᐅᔪᓄᑦ ᐊᖓᔪᕐᖄᕆᔭᐅᔪᓄᑦ ᐱᐊᕋᖏᓐᓄᓗ, ᐊᒻᒪᓗ ᓴᓇᓚᐅᔪᑦᓱᑕ ᖃᕆᐊᓂᒃ ᑐᕌᕐᓂᖃᕐᑐᓂᒃ ᐃᓕᕐᖁᓯᓕᕆᓂᕐᒧᑦ ᓱᖃᑦᓯᐅᑎᓂᒃ – ᐊᑐᐃᓐᓇᕈᕐᑎᕆᓂᕐᒧᑦ ᓂᕿᑐᐃᓐᓇᓂᒃ, ᓴᓇᖕᖑᐊᓂᕐᒧᑦ, ᐊᒻᒪᓗ ᑎᒥᒧᑦ ᐃᙯᓕᓴᕐᕖᑦ. ᐱᒻᒪᕆᐅᓚᐅᕐᒥᔪᖅ ᑐᓂᓯᒋᐊᒥᒃ ᐅᒃᑯᐊᓯᒪᔪᒥᒃ ᓱᒐᓱᐊᕐᕕᓴᒥᒃ ᐃᑎᕐᕕᐅᑉ ᓴᓂᒋᓐᓃᑐᓂᒃ ᓴᓂᕐᕓᕕᖃᕐᑎᓗᒍ ᑲᒥᒋᔭᐅᔪᓂᒃ.
ᐃᓕᓐᓂᐊᑏᑦ ᐃᓪᓗᖓ ᐆᑦᑑᑎᒋᓗᒍ, ᐃᓚᖏᑦ ᖃᕆᐊᑦ ᐃᓱᒪᒋᔭᕕᓃᑦ ᐊᓯᑦᔨᑕᐅᓗᑎᒃ ᒪᕐᕉᓄᑦ ᐊᑑᑎᔭᐅᖔᕈᓐᓇᓗᑎᒃ, ᑐᖕᖓᓱᑦᑎᓯᓂᕐᒧᑦ ᐃᓚᒌᓂᒃ. ᐃᑉᐱᒍᓱᒍᓐᓇᓯᐊᕐᓂᒧᑦ ᐃᓕᓐᓂᐊᑏᑦ ᑭᖕᖒᒪᒋᔭᖏᑦ ᓯᕕᑐᔪᒧᑦ.
ᐊᓂᕐᕋᖃᑦᓯᐊᓂᖅ ᐊᒥᓱᓂᒃ ᐱᔪᓐᓇᑎᑦᓯᕗᓂᒃ
ᐃᓕᓐᓂᐊᑏᑦ ᐃᓪᓗᖓ ᓄᑖᖅ ᐊᓂᕐᕌᐱᓖᑦ ᒪᕐᕉᓂᒃ ᖃᕆᐊᓕᓐᓂᒃ ᐊᒻᒪᓗ ᒥᑭᓂᕐᓴᓂᒃ ᐊᑕᐅᓯᐅᓈᕐᑎᑐᓄᑦ ᐃᓕᓐᓂᐊᑎᓄᑦ, ᐊᓂᕐᕋᖃᕐᑎᓯᓂᕐᒧᑦ ᐃᓕᓐᓂᐊᑎᓂᒃ 84-ᓂᒃ.
« ᐃᓪᓗᑖᕐᑎᓯᑐᐃᓐᓇᓛᖕᖏᓚᒍᑦ. ᐱᓇᓱᑦᑎᓂᒃ ᐱᓇᓱᕝᕕᓯᐊᕐᑖᑎᑦᓯᓛᕐᖁᒍᑦ, ᐃᓕᓐᓂᐊᑎᓄᓪᓗ ᐃᓕᓐᓂᐊᕕᑦᓯᐊᒥᒃ », ᐅᖃᕐᑐᖅ ᒥᓕᓴ ᑰᑏ-ᓚᕘᕐᔾ ᐱᒻᒪᕆᐅᑎᑦᓯᓱᓂ, ᐊᑕᐅᑦᓯᑰᕐᑎᓯᔨ ᐱᖁᑎᓕᕆᕕᒻᒥ. ᐊᒥᓱᕕᑦᓱᑎᒃ, ᐱᓇᓱᑦᑎᒪᕆᕗᑦ ᑲᑎᒋᐊᕐᑐᓲᑦ ᐃᓄᓐᓂᒃ ᐊᑑᑎᓛᕐᑐᓂᒃ ᑖᒃᑯᓂᖓ ᐃᓂᓂᒃ ᐃᑉᐱᒍᓱᑦᓯᐊᕋᓱᐊᕐᓂᒧᑦ ᑎᑭᐅᑎᑦᓯᐊᕋᓗᐊᓛᕐᒪᖔᑕ ᑭᖕᖒᒪᒋᔭᖏᓐᓂᒃ. ᐃᓪᓗᓕᐅᕐᑕᐅᓛᕐᑐᖅ ᐃᒐᕕᓕᒃ ᐊᑑᑎᔭᐅᖃᑦᑕᓂᕐᒧᑦ ᑮᓇᐅᔭᓕᐅᕐᓂᒧᑦ, ᐱᖓᓱᕕᓪᓗᑎᒃ ᐅᓪᓗᑕᒫᑦ ᓂᕿᓕᐅᕐᕕᐅᓱᓂ, ᐊᑑᑎᓗᑎᒃ ᓯᑕᒪᐅᔪᖏᒐᕐᑐᓂᒃ ᐅᓪᓗᓂᒃ ᐱᓇᓱᐊᕈᓯᑕᒫᑦ. ᖃᕆᐊᖃᕐᒥᔪᖅ ᑕᓚᕖᓴᓕᒻᒥᒃ ᐱᖕᖑᐊᓂᒃ ᖃᕆᑕᐅᔭᒨᓕᖓᔪᓂᒃ, ᐱᖕᖑᐊᕕᒻᒥᓗ ᐱᐊᕋᕐᓄᑦ, ᒪᕐᕉᓂᓗ ᖃᕆᐊᕐᓂᒃ ᓱᖃᑦᓯᕖᓐᓂᒃ ᐊᑑᑎᔪᓂᒃ ᐃᓄᐃᑦ ᐃᓗᕐᖁᓯᖏᓐᓂᒃ.
« ᑖᓐᓇ ᐸᕐᓇᓯᒪᐅᑎᒃ ᐱᔪᒥᓇᑦᓯᐊᑐᖅ. ᖃᓄᐃᑦᑐᑐᐃᓐᓇᓂᒃ ᖃᕆᐊᖃᕐᖁᓯ ᑕᓚᕖᓴᓕᒻᒥᒃ ᐱᖕᖑᐊᓕᒻᒥᓗ ᖃᕆᑕᐅᔭᒨᓕᖓᔪᓂᒃ, ᐳᓛᕐᕕᓂᒃ, ᑲᑐᑦᔨᖃᑎᒌᕝᕕᓂᒃ, ᓂᕆᕕᓂᒃ… ᐊᑑᑎᔭᐅᒋᐊᓖᑦ ᐊᒥᓱᐹᓗᐃᑦ ᐃᑉᐱᒋᔭᐅᒋᐊᓖᑦ ᑖᒃᑯᓄᖓ ᖃᕆᐊᓄᑦ », ᐅᖃᕐᑐᖅ ᒥᓕᓴ, ᑕᑯᑎᑦᓯᒌᕐᓱᓂ ᐃᓪᓗᒥᒃ. ᐃᓘᓐᓇᑎᒍᑦ, ᐃᓘᓐᓇᖏᑦ ᐃᓱᒪᒋᔭᐅᔪᕕᓃᑦ ᓱᓇᓕᒫᑦᓯᐊᑦ ᒥᑭᔪᐊᐲᓪᓗ ᐃᑉᐱᒋᔭᐅᒋᐊᓖᑦ.
ᐸᕐᓇᓯᒪᐅᑎᒃ ᐱᒻᒪᕆᐅᑎᑦᓯᓱᓂ ᐊᑐᐃᓐᓇᕈᕐᑎᒍᑎᒥᒃ ᐊᖏᓂᕐᓴᒥᒃ
ᐃᓪᓗᓕᐅᕐᓂᖅ ᑖᑦᓱᒥᖓ ᐃᓕᓐᓂᐊᑏᑦ ᐃᓪᓗᓴᔭᖓᓂᒃ ᑐᕌᒐᖃᕐᑎᓯᕗᖅ ᐊᖏᓂᕐᓴᒥᒃ ᐃᓕᓐᓂᐊᓂᓕᕆᔨᓂᒃ : ᐱᔪᓐᓇᑎᑦᓯᔪᓂᒃ ᐊᒥᓲᓂᕐᓴᓂᒃ ᐃᓕᓐᓂᐊᕋᑦᓴᓂᒃ ᐱᒋᐅᕐᓴᐅᑎᓂᓪᓗ ᐃᓄᒻᒪᕆᓄᑦ ᓄᓇᕕᒻᒥ, ᐃᓗᕐᖁᓯᖏᓐᓃᖏᑦᑑᑎᑦᓯᑌᓕᓗᑎᒃ. 2023-ᒥ, ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᑐᓴᕐᑎᓯᓚᐅᔪᕗᑦ ᐊᑐᐃᓐᓇᕈᕐᑎᕈᑎᖏᓐᓂᒃ ᑐᓴᕐᑎᓯᓚᐅᔪᑦ ᐊᑑᑎᖁᔭᐅᔪᓂᒃ ᐱᐅᓯᐅᒥᑎᑦᓯᒐᓱᐊᕐᓂᒧᑦ / ᐱᕙᓐᓕᑎᑦᓯᒐᓱᐊᕐᓂᒧᑦ ᐱᔪᓐᓇᑎᑦᓯᓂᕐᒥᒃ ᐱᒋᐅᕐᓴᐅᑎᓂᒃ ᐱᓇᓱᒐᕐᒥᓄᑦ, ᐃᓚᐅᑎᓗᒋᑦ ᖃᕆᐊᑦ ᓄᑖᑦ, ᐱᑐᑦᓯᒪᑦᓯᐊᑎᑦᓯᓂᕐᒥᓗ ᖃᕆᑕᐅᔭᒧᑦ ᐱᑐᑦᓯᒪᐅᑎᒥᒃ ᐃᓕᓐᓂᐊᒐᑦᓴᓄᑦ ᐱᒋᐅᕐᓴᐅᑎᓄᓪᓗ ᐊᑑᑎᔭᐅᔪᓂᒃ ᖃᕆᑕᐅᔭᒨᓕᖓᔪᓂᒃ ᐊᒻᒪᓗ ᐸᕐᓇᓯᒪᐅᑏᑦ ᑮᓇᐅᔭᓕᕆᓂᕐᒧᑦ, ᓄᔭᓕᕆᒋᐅᕐᓴᓂᖅ ᐊᒻᒪᓗ ᐱᒋᐅᕐᓴᐅᑏᑦ ᐱᒋᐅᕐᓴᑎᑦᓯᓂᕐᒧᑦ ᒪᓕᓪᓗᒋᑦ ᐃᓄᐃᑦ ᑭᖕᖒᒪᒋᔭᖏᑦ ᐊᑦᔨᒌᖕᖏᑐᑦ (Radio-Canada, 2023-ᒥ).
ᑐᕌᒐᖅ ᓇᓗᓇᖕᖏᓚᖅ : ᐃᓕᓐᓂᐊᑎᑦᓯᓂᕐᒥᒃ ᐃᓄᓐᓂᒃ ᐃᓕᓐᓂᐊᑎᓂᒃ, ᐱᔪᓐᓇᐅᑎᑖᕈᓐᓇᑎᓗᒋᑦ ᐊᒻᒪᓗ ᐃᑲᔪᕈᓐᓇᑎᓗᒋᓪᓗ ᓄᓇᕐᖃᑎᒥᓂᒃ ᓄᓇᓕᖏᓐᓃᖏᓐᓇᓗᑎᒃ.
ᑖᒃᑯᐊ ᐃᓪᓗᐃᑦ ᐱᒻᒪᕆᐅᑦᓯᐊᑐᑦ ᐃᓅᖃᑎᕗᓐᓄᑦ, ᐱᔭᕇᕈᑎᑖᕐᓂᖏᓐᓄᑦ ᑕᒫᓂ. […] ᓯᕗᓂᕐᒥ ᑕᑯᒍᒪᕋᔭᕐᑐᖓ ᐃᓄᓐᓂᒃ ᑐᑭᒧᐊᑦᑎᓯᔨᓂᒃ ᐱᓇᓱᕝᕕᓂ ᖃᓄᐃᑦᑐᑐᐃᓐᓇᓂᒃ ᑕᕐᕋᒥ.
ᐊᑑᑎᔪᑦᓭᑦ…
ᒫᓐᓇ ᐃᓪᓗᖅ ᓴᓇᔭᐅᒪᒌᕐᑎᓗᒍ, ᑐᖕᖓᓱᑦᑎᓯᒍᓐᓇᓛᕐᑐᖅ ᐃᓕᓐᓂᐊᑎᓂᒃ ᐊᓂᕐᕋᖃᓛᕐᑐᓂᒃ ᐅᑭᐊᑦᓴᒥ 2025-ᒥ.
ᑭᓯᐊᓂᓕ ᐃᓪᓗᐃᑦ ᓴᓇᔭᐅᒌᕐᐸᑕ ᖃᓄᐃᓕᖓᓛᑑᒐᓗᐊᑦ? ᖃᓄᖅ ᐃᑉᐱᒋᔭᐅᑦᓯᐊᕈᓐᓇᓛᕐᑐᑦ ᐊᐅᓚᑕᐅᑦᓯᐊᕆᐊᖃᕐᓂᖏᓐᓄᑦ, ᑲᒪᒋᔭᐅᑦᓯᐊᕆᐊᖃᓛᕐᓂᖏᓐᓄᑦ ᐊᒻᒪᓗ ᖃᓄᖅ ᓯᕕᑐᔪᒧᑦ ᐱᐅᔫᖏᓐᓇᕈᓐᓇᕋᔭᕐᑐᖅ ᐃᓱᒪᒋᓗᒍ ᓯᓚᖅ ᐱᔭᕆᐊᑐᔪᐹᓘᒻᒪᑦ ᑕᕐᕋᒥ ᐊᑦᑐᐃᓚᕿᓗᓂ ᐃᓪᓘᑉ ᓴᓇᔭᐅᒪᓂᖓᓂᒃ? ᑐᑭᓯᓇᕐᑎᑕᐅᓚᖓᓯᕗᑎᑦ ᑐᓴᕐᑎᓯᒍᑎᕗᓐᓂᒃ ᐱᖓᔪᐊᓂ ᑭᖑᓪᓕᐹᖑᑦᓱᓂ ᑐᓴᕋᑦᓴᕗᓐᓂᒃ.
ᐱᕕᑦᓴᕗᑦᑕ ᑭᓯᑦᓱᒋᑦ
ᖃᐅᔨᒋᐊᕈᒪᕖᑦ ᐃᓪᓗᓕᐅᕐᓂᓅᓕᖓᔪᓄᑦ ᓄᓇᕕᒻᒥ? ᑐᓴᕐᑎᓯᒍᑏᑦ ᑕᑯᒋᐊᑦᓴᑭᑦ ᐅᕗᖕᖓᓗᑎᑦ :
ᑐᓴᕋᑦᓭᑦ ᓯᕗᓪᓖᑦ (1)➔ ᐃᓪᓗᓕᐅᕐᓂᖅ ᓄᓇᕕᒻᒥ: ᐱᔭᕆᐊᑦᑐᑎᑦᓯᔪᑦ ᐃᓂᑦᓴᒥᒃ ᓂᕈᐊᓂᕐᒥᒃ