ᑯᐯᓕᒫᒨᓕᖓᑦᓱᓂ ᐊᒻᒪᓗ ᐊᑦᔨᒌᓕᕐᑎᑕᐅᒪᑦᓱᓂ ᐱᐅᓯᑦᓴᓕᐊᕆᔭᐅᓯᒪᔪᖅ, ᑯᐯᒻᒥ ᐃᓕᓐᓂᐊᑎᓄᑦ ᐅᓐᓂᓗᒐᕐᕕᒃ ᐃᑲᔪᕐᑕᐅᓂᖃᓲᖅ ᓄᓇᓕᓕᒫᓂ ᐃᓕᓐᓂᐊᑎᓄᑦ ᐅᓐᓂᓗᒐᕐᕕᒧᑦ ᑯᐯᓕᒫᒥ ᑖᓐᓇᓗ ᐃᓄᒃ ᑲᒪᒋᔭᖃᓲᖑᑦᓱᓂ ᐅᓐᓂᓗᒐᐅᑎᓂᑦ ᑐᕃᓐᓇᑐᒥᒃ ᑐᓴᐅᒪᖃᑎᒌᒍᑎᐅᑦᓯᐊᕋᓗᐊᕐᒪᖔᑦ. ᐊᑕᐅᑦᓯᑯᑦ, ᑲᒪᒋᔭᖃᓲᑦ ᐃᓕᓐᓂᐊᑎᓗ ᐊᖓᔪᕐᖄᓗ ᐱᔪᓐᓇᐅᑎᒋᔭᖏᑦ ᑕᑯᑦᓴᐅᖁᓪᓗᒋᑦ. ᓄᐃᑦᓯᒍᑎᒋᔭᖏᑦ, ᐃᑲᔪᕐᓯᓲᖅ ᑲᔪᓯᑦᓯᐊᑐᒥᒃ ᐱᐅᓯᐅᒦᕙᓪᓕᐊᓂᒃᑯᑦ ᐃᓕᓐᓂᐊᕕᓕᒫᓂ.

ᐃᓱᐃᓪᓕᐅᓂᕐᒧᑦ ᐅᖃᕈᑎᖃᕈᒪᒍᓂ, ᐃᓕᓐᓂᐊᑎ ᐊᖓᔪᕐᖄᖓᓘᓐᓃᑦ ᓯᕗᓪᓕᐹᒥ ᐃᓄᒻᒥᒃ ᑐᕃᓐᓇᑐᒥᒃ ᐅᖄᖃᑎᖃᕆᐊᓕᒃ ᐅᕝᕙᓘᓐᓃᑦ ᐃᓅᑉ ᐊᖓᔪᕐᖄᕆᔭᖓ.

ᐃᓱᐃᓪᓕᐅᓂᕐᒧᑦ ᐅᖃᕈᑎ ᐅᖃᐅᓯᕐᑎᒎᕈᓐᓇᑐᖅ, ᑭᓯᐊᓂ ᐱᐅᓂᕐᓴᐅᒐᔭᕐᑐᖅ ᐊᓪᓚᓯᒪᑎᓪᓗᒍ.

ᐃᓄᒃ ᐃᓱᐃᓪᓕᐅᔪᒧᑦ ᐅᖃᐅᑎᔭᐅᒍᓂ ᐅᓪᓗᓂ 10-ᓂᑦ ᑭᐅᒐᓱᐊᕆᐊᓕᒃ.

ᐃᓕᓐᓂᐊᑎ ᐊᖓᔪᕐᖄᖓᓘᓐᓃᑦ ᐊᓕᐊᓱᖕᖏᑑᖏᓐᓇᐸᑦ ᖃᓄᖅ ᐅᖃᕈᑎᕕᓂᖅ ᑲᒪᒋᔭᐅᓐᓂᒪᖔᑦ, ᐅᕝᕙᓘᓐᓃᑦ 10 ᐅᓪᓗᐃᑦ ᓈᑦᓯᒪᓕᕐᐸᑕ, ᐃᓄᒻᒥᒃ ᑲᒪᒋᔭᖃᕆᐊᓕᒻᒥᒃ ᐃᓱᐃᓪᓕᐅᒍᑎᓂᑦ ᐅᖃᕈᑎᐅᔪᓂᑦ ᐅᖄᕕᒋᓯᒋᐊᓕᖓ ᐃᓕᓐᓂᐊᕕᐅᑉ ᐃᓗᐊᓂ, ᐃᓕᓴᕐᓂᓕᕆᓂᐅᑉ ᐃᓗᐊᓂ ᐅᕝᕙᓘᓐᓃᑦ ᓇᒻᒥᓂᒋᔭᐅᔪᒥ ᐃᓕᓐᓂᐊᕕᒻᒥ, ᑌᒣᑦᑑᐸᑦ.

ᐅᖃᕈᑎᐅᔪᖅ ᐅᖃᕐᓂᑰᒍᓐᓇᑐᖅ, ᑭᓯᐊᓂ ᐱᐅᓂᕐᓴᐅᒐᔭᕐᑐᖅ ᐊᓪᓚᓯᒪᓗᓂ.

ᐃᓄᒃ ᑲᒪᒋᔭᖃᕆᐊᓕᒃ ᐃᓱᐃᓪᓕᐅᒍᑎᓂᑦ ᐅᖃᕈᑎᐅᔪᓂᑦ ᐅᓪᓗᓂᑦ 15-ᓂᑦ ᑭᐅᒐᓱᐊᕆᐊᓕᒃ. ᐅᖄᕕᒋᒍᓐᓇᑌᑦ:

• ᐅᕙᖓ ᕕᓕᒪᐅᖕ ᐳᐃᓘ
  ᐃᓄᒃ ᐃᓱᐃᓪᓕᐅᒍᑎᓂᑦ ᐅᖃᕈᑎᕕᓂᕐᓂᑦ ᑲᒪᒋᔭᖃᓲᖅ
  9800, Cavendish Blvd., ᐊᓪᓚᕕᒃ 510
  ᐅᖄᓚᐅᑎᖓ : (514) 482-8220 ᓃᓂᕐᓗᒍ. 302 | 1 (800) 361-2244
  philemon.boileau@kativik.qc.ca
• ᐅᕝᕙᓘᓐᓃᑦ ᐃᓱᐃᓪᓕᐅᒍᑎᕐᒥᒃ ᐅᖃᕈᑎᖃᕈᒪᒍᕕᑦ ᑐᕃᓐᓇᑐᒥ ᑕᑕᕐᓴᒐᕐᒥᒃ ᑕᑕᕐᓭᒍᓐᓇᑐᑎᑦ

ᐃᓕᓐᓂᐊᑎ ᐊᖓᔪᕐᖄᖓᓘᓐᓃᑦ ᐊᓕᐊᓱᖕᖏᐸᑦ ᐃᓱᐃᓪᓕᐅᒍᑎᖏᑦᑕ ᐅᖃᕈᑎᒋᓯᒪᔭᖏᑦ ᑲᒪᒋᔭᐅᓂᕆᔭᖏᓐᓂᑦ, ᐅᕝᕙᓘᓐᓃᑦ ᐅᓪᓗᓂ 15-ᓂᑦ ᐊᓂᒎᑎᓯᒪᓕᕐᐸᑦ, ᐅᖄᖃᑎᖃᕈᓐᓇᑐᑦ ᓄᓇᓕᓕᒫᓄᑦ ᐃᓕᓐᓂᐊᑏᑦ ᐅᓐᓂᓗᒐᕐᕕᖓᓄᑦ ᐅᖄᕕᖃᕈᓐᓇᑐᑦ, ᐃᑲᔪᕐᓯᒍᓐᓇᓯᒐᔭᕐᑐᑦ ᐊᓪᓚᓯᒪᔪᓕᐅᕐᓂᒥᒃ ᐃᓱᐃᓪᓕᐅᕈᑎᒋᔭᒥᓂᒃ.

ᐃᓕᓐᓂᐊᑎ ᐊᖓᔪᕐᖄᖓᓘᓐᓃᑦ ᓂᕈᐊᒍᓐᓇᑐᑦ ᖃᓄᖅ ᐃᓱᐃᓪᓕᐅᒍᑎᒥᓂᒃ ᑐᓴᕐᑎᓯᒍᑎᓕᐅᒍᒪᒻᒪᖔᒻᒥ ᓇᓪᓕᐊᒍᑐᐃᓐᓇᖅ:

• ᖃᕆᑕᐅᔭᒦᑦᑐᒥᒃ ᑕᑕᕐᓴᒐᕐᒥᒃ ᐊᑐᕐᓗᑎᒃ
• ᐅᖄᓚᐅᑎᒃᑯᑦ ᐅᕝᕙᓘᓐᓃᑦ ᐊᓪᓚᕕᒋᓗᒋᑦ: 1-833-420-5233
• ᑐᕌᒍᑎᒃᑯᑦ: plaintes-pne@pne.gouv.qc.ca

ᓄᓇᓕᓕᒫᓄᑦ ᐃᓕᓐᓂᐊᑏᑦ ᐅᓐᓂᓗᒐᕐᕕᖓ ᖃᓄᐃᓘᕈᑎᖏᑦ 20-ᓂᑦ ᐱᓇᓱᓐᓀᑦ ᐅᓪᓗᖏᓐᓂ ᑲᒪᒐᓱᐊᕈᓐᓇᑐᑦ ᐃᓱᐃᓪᓕᐅᒍᑎᐅᔪᒥᒃ ᐊᒻᒪᓗ ᖃᓄᐃᓕᒋᐊᖁᔨᒍᑎᓂᒃ ᑐᓂᓯᓯᓗᑎᒃ. ᐃᓱᐃᓪᓕᐅᓂᕐᒧᑦ ᐅᖃᕈᑎᖓ ᓱᓕᑦᓯᐊᑑᓂᕋᕐᑕᐅᐸᑦ, ᐅᓐᓂᑑᑎᓕᐅᒍᓐᓇᑐᑦ ᐃᓕᓐᓂᐊᕕᒻᒥ, ᐃᓕᓴᕐᓂᓕᕆᓂᒃᑯᓂ ᐅᕝᕙᓘᓐᓃᑦ ᓇᒻᒥᓂᒋᔭᐅᔪᒥ ᐃᓕᓐᓂᐊᕕᒻᒥ.

ᑌᒣᒐᓗᐊᕐᑎᓗᒍ, ᑐᑭᑖᕈᑏᑦ ᐊᐅᓪᓚᑎᑕᐅᓚᐅᒐᑎᑦ, ᓄᓀᑦ ᐊᕕᑦᑐᓯᒪᓂᖏᑎᒍᑦ ᐃᓕᓐᓂᐊᑏᑦ ᐅᓐᓂᓗᒐᕐᕕᖓ ᖃᐅᔨᓴᕐᓂᖃᓲᑦ. ᐅᓪᓗᓂ 5-ᓂᑦ ᑐᑭᑖᕋᓱᐊᒍᓐᓇᑐᑦ ᖃᐅᔨᓴᕐᑐᓴᐅᒻᒪᖔᒻᒥ ᐅᖃᕈᑎᐅᔪᕕᓂᕐᒥ. ᑌᒣᑉᐸᑦ, ᐅᓪᓗᓂ 10-ᓂᑦ ᐱᓇᓱᓐᓀᑦ ᐅᓪᓗᖏᓐᓂ ᑲᒪᒋᔭᖃᕋᓱᐊᒍᓐᓇᑐᑦ ᖃᐅᔨᓴᕐᓂᑯᑦ ᐊᒻᒪᓗ, ᑌᒣᒋᐊᖃᕐᐸᑦ, ᑕᐅᕐᓯᓗᒋᑦ ᑐᑭᑖᕈᑎᐅᔪᕕᓃᑦ ᐅᕝᕙᓘᓐᓃᑦ ᐅᓐᓂᑑᑎᖏᑦ ᓄᓇᓕᓕᒫᓄᑦ ᐃᓕᓐᓂᐊᑏᑦ ᐅᓐᓂᓗᒐᕐᕕᖓᓄᑦ.

ᓄᓇᓕᓕᒫᓂ ᐃᓕᓐᓂᐊᑏᑦ ᐅᓐᓂᓗᒐᕐᕕᖓ ᑌᒪ ᑐᓴᕐᑎᓯᓲᖅ ᐅᖃᕈᑎᓕᕕᓂᒻᒥᒃ ᐊᒻᒪᓗ ᐃᓕᓐᓂᐊᕕᒻᒥᒃ, ᐃᓕᓴᕐᓂᓕᕆᓂᒻᒥᒃ ᐅᕝᕙᓘᓐᓃᑦ ᓇᒻᒥᓂᒋᔭᐅᔪᒥᒃ ᐃᓕᓐᓂᐊᕕᒻᒥ ᑐᑭᑖᕈᑎᐅᔪᓂ ᐊᒻᒪᓗ ᐅᓐᓂᑑᑎᐅᔪᓂ ᓇᐅᑐᐃᓐᓇᓂᒃ.

ᐃᓕᓐᓂᐊᕕᒃ, ᐃᓕᓴᕐᓂᓕᕆᓂᒃ ᐅᕝᕙᓘᓐᓃᑦ ᓇᒻᒥᓂᒋᔭᐅᔪᖅ ᐃᓕᓐᓂᐊᕕᒃ ᐱᓇᓱᓐᓀᑦ ᐅᓪᓗᖏᓐᓂᑦ 10-ᓂᑦ  ᑐᓴᕐᑎᓯᒐᓱᐊᕈᓐᓇᕕᓖᑦ ᐅᖃᕈᑎᓕᕕᓂᒻᒥᑦ ᐊᒻᒪᓗ ᓄᓇᓕᓕᒫᓄᑦ ᐃᓕᓐᓂᐊᑏᑦ ᐅᓐᓂᓗᒐᕐᕕᖓ ᕿᒥᕐᕈᑐᑦᓴᐅᒪᖔᒻᒥᒃ ᑐᑭᑖᕈᑎᕕᓂᕐᓂ ᐊᒻᒪᓗ ᐅᓐᓂᑑᑎᐅᔪᓂ, ᐅᕝᕙᓘᓐᓃᑦ ᐱᑦᔪᑎᖏᓐᓂᒃ ᑐᑭᑖᕈᑎᕕᓂᖏᑦᑕ ᓱᒋᐊᖕᖏᑑᓂᐊᕐᓂᖏᓐᓄᑦ.

ᖃᐅᔨᒪᒋᑦ ᓄᓕᐊᕐᓂᑯᑦ ᐱᓗᑲᑦᑕᐅᓂᕕᓂᐅᑉᐸᑦ, ᐃᓕᓐᓂᐊᑎ ᐅᕝᕙᓘᓐᓃᑦ ᐊᖓᔪᕐᖄᒋᒃ ᓇᓪᓕᑐᐃᓐᓇᒋᒃ, ᑌᒣᒍᒪᒍᑎᒃ ᑐᕃᓐᓇᑐᒥ ᐅᖄᖃᑎᖃᕈᓐᓇᑐᑦ ᓄᓇᓕᓕᒫᓄᑦ ᐃᓕᓐᓂᐊᑏᑦ ᐅᓐᓂᓗᒐᕐᕕᖓᓄᑦ.

ᐅᖃᕈᑎᐅᔪᖅ ᑐᕃᓐᓇᑐᒥ ᓄᓇᓕᓕᒫᓄᑦ ᐃᓕᓐᓂᐊᑏᑦ ᐅᓐᓂᓗᒐᕐᕕᖓᓄᑦ, ᐃᓚᐅᖕᖏᑎᓪᓗᒋᑦ ᒪᕐᕉᒃ ᓯᕗᓪᓖᒃ ᐊᓪᓗᒋᐊᕈᑏᑦ ᐅᑯᓄᖓ:

• ᐃᓕᓐᓂᐊᑎᑦᓯᔨ
• ᐃᓕᓐᓂᐊᑎᑦᓯᔨᐅᒐᓂ ᐱᓇᓱᑦᑎ ᐱᔪᓐᓇᐅᑎᓕᒃ
• ᐳᕐᑐᓂᕐᓴᐅᖃᑕᐅᔪᖅ ᐱᓇᓱᑦᑎ ᐃᓕᓐᓂᐊᕕᒻᒥ
• ᐊᓯᖏᑦ ᐃᓕᓐᓂᐊᑏᑦ ᐅᕝᕙᓘᓐᓃᑦ ᐊᖓᔪᕐᖄᒋᒃ ᓇᓪᓕᑐᐃᓐᓇᒋᒃ

ᐃᓄᒃ ᐅᖃᕈᑎᓕᐅᕐᓯᒪᒍᓂ ᓂᕈᐊᒍᓐᓇᑐᑦ ᖃᓄᖅ ᐃᓱᐃᓪᓕᐅᒍᑎᒥᓂᒃ ᑐᓴᕐᑎᓯᒍᑎᓕᐅᒍᒪᒻᒪᖔᒻᒥ ᓇᓪᓕᐊᒍᑐᐃᓐᓇᖅ ᐃᓱᐊᒋᔭᒥᑎᒍᑦ:

• ᖃᕆᑕᐅᔭᒦᑦᑐᒥᒃ ᑕᑕᕐᓴᒐᕐᒥᒃ ᐊᑐᕐᓗᑎᒃ
• ᐅᖄᓚᐅᑎᒃᑯᑦ ᐅᕝᕙᓘᓐᓃᑦ ᐊᓪᓚᕕᒋᓗᒋᑦ: 1-833-420-5233
• ᑐᕌᒍᑎᒃᑯᑦ: plaintes-pne@pne.gouv.qc.ca

ᐅᖃᕈᑎᕕᓃᑦ ᑲᒪᒋᔭᐅᓯᑦᓴᐅᑎᒋᓲᑦ. ᐊᓪᓚᓯᒪᔪᐃᑦ ᐃᓅᑉ ᐊᑎᖓᓂ ᐃᓗᓕᕐᑕᖃᕐᓱᑎᒃ ᑕᑯᑦᓴᐅᑎᑕᐅᓲᖑᖕᖏᑐᖅ ᑭᓇᑐᐃᓐᓇᒧᑦ, ᐃᓄᒻᒥᒃ ᑕᑯᔭᐅᖁᔭᒧᑭᓯᐊᓂ. ᐱᖁᔭᑎᒍᑦ ᑌᒣᖁᔭᐅᑉᐸᑦ, ᓄᓇᓕᓕᒫᓄᑦ ᐃᓕᓐᓂᐊᑏᑦ ᐅᓐᓂᓗᒐᕐᕕᖓ ᑕᑯᑦᓴᐅᑎᑦᓯᓲᑦ ᐃᓅᑉ ᑭᓇᐅᓂᖓᓂᑦ ᐅᕕᒃᑫᑦ ᓴᐳᒻᒥᔨᖏᑦᑕ ᑐᑭᒧᐊᕐᑎᓯᔨᖓᓄᑦ.

ᓄᓇᓕᓕᒫᓄᑦ ᐃᓕᓐᓂᐊᑏᑦ ᐅᓐᓂᓗᒐᕐᕕᖓ ᓇᒻᒥᓂᖅ ᐱᒋᐊᖕᙰᒍᓐᓇᒥᔪᖅ, ᐸᓯᑦᓯᒐᓱᐊᕐᓂᑯᑦ ᓄᓕᐊᓐᓂᑯᑦ ᐱᓗᑲᕐᓂᕕᓂᕐᒥᒃ.

ᒪᑯᐊ ᐊᓪᓚᓯᒪᔪᑦ ᐃᕐᓯᓵᕆᒍᓯᐅᓂᕋᕐᑕᐅᔪᑦ ᐃᓕᓐᓂᐊᑎᒥᒃ ᐅᕝᕙᓘᓐᓃᑦ ᐊᖓᔪᕐᖄᖏᓐᓂᒃ:

• ᐱᔪᓐᓇᐅᑎᒋᔭᖏᓐᓂᒃ ᐊᖏᖕᖏᓂᖅ
• ᐊᑦᔨᐅᖏᑦᑑᑎᓪᓗᒋᑦ ᐱᐅᓯᖃᕐᕕᖃᕐᓂᖅ
• ᐃᓕᓐᓂᐊᑎ ᐃᓕᓐᓂᐊᕕᒻᒥ ᓄᕐᖃᖓᑎᑕᐅᑫᓐᓇᓂᖓ ᐅᕝᕙᓘᓐᓃᑦ ᐃᓕᓐᓂᐊᕕᒻᒥ ᐲᕐᑎᓗᒍ

ᐱᓇᓱᑦᑏᑦ ᐃᓕᓐᓂᐊᕕᒻᒥ ᐅᖃᕈᑎᖃᕐᐸᑕ ᐅᕝᕙᓘᓐᓃᑦ ᐃᓚᐅᓂᖃᕐᐸᑕ ᖃᐅᔨᓴᕐᑕᐅᒍᑎᖓᓄᑦ ᐃᓱᐃᓪᓕᐅᒍᑎᐅᑉ ᐅᕝᕙᓘᓐᓃᑦ ᐅᖃᕈᑎᐅᔫᑉ, ᒪᑯᐊ ᐊᓪᓚᓯᒪᔪᑦ ᑕᑯᑦᓴᐅᕗᑦ ᐊᑭᒋᐊᕈᑎᐅᓂᕐᓄᑦ:

• ᓱᓇᑦᑎᐅᓂᖏᑦ ᐳᒃᑭᓕᓵᕐᑕᐅᓂᖏᑦ
• ᐃᓕᓐᓂᐊᕕᒻᒥ ᓄᕐᖃᖓᑎᑕᐅᑫᓐᓇᓂᖓ
• ᐱᓇᓱᒐᕐᒥᒃ ᐲᕐᑎᑕᐅᓂᖓ
• ᓅᑦᑕᐅᓂᖓ
• ᐃᓂᕐᑎᑕᐅᓂᖓ ᐅᕝᕙᓘᓐᓃᑦ ᐊᓯᐊᒍᑦ ᓱᒋᐊᕐᑕᐅᓂᖓ ᓱᕐᕃᒍᓐᓇᑎᓪᓗᒍ ᐱᓇᓱᕝᕕᒋᔭᖓ ᐅᕝᕙᓘᓐᓃᑦ ᐱᓇᓱᓐᓂᕆᒋᐊᓕᖓᑕ ᐱᐅᓯᒋᒋᐊᓕᖓ.

ᐊᑭᓕᕋᑦᓴᑖᕈᓐᓇᑐᖅ ᐃᓄᒃ ᐊᑭᕆᐊᕐᐸᑦ ᐅᕝᕙᓘᓐᓃᑦ ᐃᕐᓯᓵᕆᑉᐸᑦ ᐅᓄᕐᓂᓕᒻᒥᒃ $2,000-ᒥ ᐱᒋᐊᕐᑐᓂᒃ $20,000-ᒧᑦ ᑎᑭᑦᑐᓂᒃ. ᐊᑭᓕᕋᑦᓴᑖᕆᔭᐅᓲᑦ ᑎᑭᒍᓐᓇᑐᑦ $10,000-ᒥ ᐱᑦᓱᑎᒃ $250,000-ᓄᑦ ᑎᑭᑦᑐᓄᑦ ᐱᖁᔭᓕᕆᔨᑦᑎᒍᑦ.