Publications

ᑐᓴᕐᑎᓯᐅᑏᑦ: ᕿᒥᕐᕈᔭᐅᓂᖏᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐊᐅᓚᓂᕆᔭᖓᑦ ᐊᒻᒪᓗ ᐃᓂᓪᓚᖓᐅᓯᒋᔭᖓᑦ

2024 | 02 | 5
ᑐᓴᕋᑦᓴᖅ

ᑐᓴᕐᑎᓯᐅᑏᑦ
ᓇᓕᕐᙯᑐᖅ 3, 2024-ᖑᑎᓪᓗᒍ, ᑯᐯᒃᑯᑦ ᐃᓕᓐᓂᐊᓂᓕᕆᓃᑦ ᑐᕐᖃᑕᕐᕕᖓᑦ ᑐᓴᕐᑎᓯᓚᐅᔪᔪᖅ ᐅᕙᑦᑎᓂᑦ ᑐᑭᒧᐊᕆᓂᕐᒧᑦ ᐃᓘᓐᓈᒍᑦ ᐱᖁᔭᓕᐅᕐᑏᑦ ᑎᓕᔨᒍᑎᓕᐅᕐᓯᒪᓂᖏᓐᓄᑦ ᖃᐅᔨᓴᖁᑦᓱᒋᑦ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐊᐅᓚᓂᕆᔭᖓᓂᒃ ᐊᒻᒪᓗ ᐃᓂᓪᓚᖓᐅᓯᖓᓂᒃ. ᑕᒪᓐᓇ ᑭᖑᓪᓕᒋᔭᖓᑦ ᐳᕐᑐᓂᕐᓭᑦ ᑲᑎᒪᔨᖏᓐᓄᑦ ᑐᑭᑖᕈᑎᓕᐊᕕᓂᕆᔭᖓᓄᑦ ᑯᐯᒃᑯᑦ ᑲᕙᒪᒃᑯᖏᑦᑕ ᐋᕐᔪᓕᐅᑉ 20, 2023-ᒥ.

 

ᐅᖃᐅᓯᑦᓭᑦ

“ᐊᖏᕐᓯᒪᑦᓯᐊᑐᒍᑦ ᖃᐅᔨᓴᕐᓂᐅᖁᔭᐅᔪᒥᒃ. ᐅᑉᐱᒋᔭᖃᕐᑐᖓ ᐱᕕᑦᓴᖃᕐᑎᓯᓂᐊᕐᓂᖓᓄᑦ ᑯᐯᒃᑯᑦ ᑲᕙᒪᒃᑯᖏᓐᓂᑦ ᑐᑭᓯᓕᐅᒥᑎᓚᖓᑦᓱᒋᑦ ᑭᖕᖒᒪᒋᔭᑦᑎᓂᑦ ᐊᒻᒪᓗ ᐊᐅᓚᑦᓯᓂᕆᓲᑦᑕ ᐊᕙᑖᓂ ᐱᐅᓯᒋᓲᑦᑎᓂᑦ ᐊᐅᓚᑦᓯᒐᓱᐊᕐᓱᑕ. ᐱᒍᓐᓇᕕᓕᒫᑦᑎᓄᑦ ᐊᔪᐃᓐᓇᕈᑎᖃᕋᓱᐊᕐᑐᒍᑦ ᐱᓇᓱᐊᖃᑎᒋᑦᓱᒋᑦ ᖃᐅᔨᓴᕐᑏᑦ ᑲᔪᓯᐅᑦᔨᒐᓱᐊᕐᑎᓗᒋᑦ ᐱᒻᒪᕆᐊᓗᒻᒥᒃ ᐱᓇᓱᐊᕋᑦᓴᒥᓂᒃ.”

– ᖄᔨᐊ ᑭᓕᐅᑕᒃ, ᑲᔪᓯᒃᑫᔨ, ᑲᑎᕕᒃ ᐃᓕᓴᕐᓂᓕᕆᓂᖅ

“ᑭᖕᖒᒪᑦᓯᔪᒍᑦ ᐃᑲᔪᕐᑕᐅᒋᐊᖃᕐᓂᒥᒃ ᑯᐯᒃᑯᑦ ᐃᓕᓐᓂᐊᓂᓕᕆᓃᑦ ᑐᕐᖃᑕᕐᕕᖓᓄᑦ, ᐊᒻᒪᓗ ᓂᕆᐅᓐᓂᖃᕐᑐᖓ ᑕᒪᓐᓇ ᖃᐅᔨᓴᕐᓂᐅᓚᖓᔪᖅ ᐅᕙᑦᑎᓂᑦ ᐃᑲᔪᕐᓯᓚᖓᒻᒪᑦ ᓯᕗᒧᐊᕐᓂᖃᕐᓂᒧᑦ ᐊᒥᓱᐃᓕᖓᔪᓂᑦ ᑐᖕᖓᕕᓕᓐᓂᑦ. ᐊᓯᖃᕋᓗᐊᕐᒥᑎᓪᓗᒍ, ᐱᕕᑦᓴᖃᕐᑎᓯᒐᔭᕐᑐᖅ ᐊᑦᔨᒌᑦᓯᐊᑐᒥᒃ ᐱᓇᓱᑦᑎᖁᑎᑦᑕ ᐱᓇᓱᓐᓂᑯᑦ ᐱᐅᓯᒋᒋᐊᓕᖏᓐᓄᑦ ᐱᒻᒪᕆᖁᑎᐅᖏᓐᓇᓕᒫᓲᖑᑦᓱᑎᓪᓗ ᐃᓕᓐᓂᐊᓂᕐᒥᒃ ᑭᒡᒐᑐᕐᑎᓄᑦ. ᑮᓇᐅᔦᑦ ᑐᕌᒐᖏᑦᑕ ᐱᖁᔭᖏᑦ ᐃᓱᓕᑦᓯᒪᒻᒥᔪᑦ ᒪᓐᓂᓕᐅᑉ 2023-ᒥ; ᓄᑖᑦ ᒪᓕᒉᑦ ᑐᕌᕐᓂᖃᑦᓯᐊᕆᐊᓖᑦ ᐱᐅᓯᕆᓲᑦᑎᓄᑦ ᐊᒻᒪᓗ ᐱᓇᓱᕝᕕᑎᓐᓂ ᐃᓪᓗᓴᖃᕆᐊᖃᕐᓂᒧᑦ ᓈᒻᒪᓯᐊᕐᑐᓂᒃ ᐊᒻᒪᓗ ᐱᓇᓱᑦᑎᖃᕐᓂᒥᒃ ᑭᖕᖒᒪᒋᔭᑦᑎᒍᑦ.”

– ᓯᐊᔭ ᐋᓗᐸ, ᐊᖓᔪᕐᖄᖅ, ᑲᑎᕕᒃ ᐃᓕᓴᕐᓂᓕᕆᓂᖅ