ᐊᕐᖁᓯᓂᐅᒍᓐᓇᑐᖅ ᐱᓇᓱᒐᕐᓄᑦ

ᐃᓕᓐᓂᐊᓂᖅ ᐱᓇᓱᒐᐅᒍᓐᓇᑐᓂᒃ ᐃᓕᓐᓂᐊᑎᑦᓯᒍᑎᐅᓲᖑᕗᖅ ᐊᒡᒐᒧᑦ ᑎᒎᓪᓚᑕᐅᒍᓐᓇᑐᓂᒃ, ᐊᕐᕌᒍᓕᒫᒥ ᐃᓕᓐᓂᐊᑎᑦᓯᒍᑎᐅᑦᓱᓂ ᐃᓕᓐᓂᐊᑎᐅᑉ ᐱᓇᓱᕝᕕᒥ ᐱᓇᓱᓕᓂᕈᕈᑎᒋᒍᓐᓇᑕᖓ ᐱᔭᕇᕈᓯᕐᑕᐅᓗᓂᓗ ᐃᓕᑕᕆᔭᐅᑦᓯᐊᑐᒥᒃ. ᓴᓇᔭᐅᓯᒪᔪᖅ ᐱᓇᓱᒐᕐᓂᒃ ᐃᓕᓐᓂᐊᕈᒪᓲᓅᓕᖓᑦᓱᓂ, ᐃᑲᔪᕐᑎᖃᕐᓗᑎᒃ, ᐱᓇᓱᒐᕐᒧᓗ ᑐᕃᓐᓇᕈᒪᔪᓄᑦ — ᐊᕐᕌᒍᒋᐊᓪᓚᒥ ᐃᓕᓐᓂᐊᕈᓐᓀᓗᑎᒃ.

ᐃᓕᑦᓯᓂᖅ ᐊᑑᑎᓂᒃᑯᑦ

ᐃᓕᓐᓂᐊᑎᓕᒫᑦ ᐃᓕᓐᓂᐊᑎᑦᓯᕕᒻᒥ ᐃᑦᓯᕙᑐᐃᓐᓇᓲᖑᖕᖏᑐᑦ. ᐃᓚᖏᑦ ᐊᑑᑎᑦᓱᒍ ᐃᓕᓐᓂᐊᑎᑦᓯᓲᑦ, ᐱᓇᓱᐊᕐᓱᒍ, ᐊᒡᒐᒥᓄᑦ ᐱᓇᓱᐊᕐᓱᑎᒃ, ᓯᓚᕐᔪᐊᒥ ᐊᑑᑎᓪᓚᕆᑦᑐᓂᒃ ᑐᑭᓯᓴᕐᓱᑎᒃ. ᑖᓐᓇᑕᒐ ᐱᓇᓱᒐᐅᒍᓐᓇᑐᓂᒃ ᐃᓕᓐᓂᐊᑎᑦᓯᒍᑎᐅᑉ ᐱᒋᐊᕐᓂᖓ. “ᐃᓕᓐᓂᐊᑏᑦ ᐱᔭᕇᕈᓯᕐᑕᐅᓲᑦ ᐱᓇᓱᒐᕐᒧᑦ ᑐᕃᓐᓇᕈᑎᐅᒍᓐᓇᑐᒥᒃ ᐱᓇᓱᒐᐅᒍᓐᓇᑐᓂᒃ ᐃᓕᓐᓂᐊᓱᑎᒃ,” ᐅᖃᕐᑐᕕᓂᖅ ᔨᓕᐊᓐ ᒍᐊᓄ, ᐃᓕᓐᓂᐊᕈᑎᑦᓴᓕᐅᕐᓂᓄᑦ ᖃᐅᔨᒋᐊᕐᕕᒃ (ᑰᒃᔪᐊᒥ).

ᑕᒑ, ᓱᓇᐅᕙ “ᐱᓇᓱᒐᐅᒍᓐᓇᑐᓂᒃ” ᐃᓕᓐᓂᐊᓂᖅ ?

ᑖᒃᑯᐊ ᐃᓕᓐᓂᐅᑎᑦᓯᒍᑏᑦ ᐱᓇᓱᒐᕐᑖᕈᑎᐅᒍᓐᓇᑐᓂᒃ. ᐊᓯᐊᒍᑦ ᐅᖃᕐᓗᒍ, ᐱᓪᓗᑯᒋᐊᓕᓪᓗᑯᐊᐱᓐᓂᒃ ᐃᓕᓐᓂᐊᑎᑕᐅᓯᒪᒋᐊᑐᖕᖏᑐᑦ, ᐆᑦᑐᕋᐅᑎᒋᓗᒍ ᐱᓇᓱᒐᕐᓂᒃ ᐃᓕᓐᓂᐊᓂᖅ ᐅᕝᕙᓗᓗᓐᓃᑦ ᐱᔭᕇᕈᓯᕐᑕᐅᓂᖅ. ᐆᑦᑐᕋᐅᑎᒋᑦᓱᒍ ᓂᐅᕕᕐᓂᐊᑎᑦᓯᔨ, ᐯᕆᑦᓯᕕᓕᕆᔨ, ᖃᖓᑦᑕᔫᒥᒃ ᐅᓯᓕᕐᑐᐃᔨ, ᐅᕐᓱᐊᓗᓐᓂᐊᑎ – ᑖᒃᑯᐊ ᐱᓇᓱᒉᑦ ᐱᑕᖃᕇᕐᑐᑦ, ᐃᓕᓐᓂᐊᑎᑦᓯᒍᑎᑕᖃᓲᖑᖕᖏᑐᑦ.

ᐃᓕᓐᓂᐊᑏᑦ ᐱᓇᓱᒐᕐᒨᑕᐅᒐᓚᑐᐃᓐᓇᓲᖑᖕᖏᑐᑦ “ᐃᒻᒥᓂᕿᓕᕆᑦ ᓚᔭᐅᑦᓱᑎᒃ”: ᑕᓯᐅᕐᑎᖃᑦᓯᐊᓲᑦ ᐱᓇᓱᕝᕕᐅᑉ ᐊᖓᔪᕐᖃᖓᓂᒃ, ᐊᑐᓂᑦ ᐃᓕᓐᓂᐊᑏᑦ ᐃᓕᓐᓂᐊᕈᓐᓇᑐᑦ ᐱᓇᓱᒐᕆᓚᖓᔭᒥᑕ ᖃᓄᐃᓘᓲᖑᓂᖓᓂᒃ ᐃᒻᒥᓂᕿᒍᓐᓇᓯᑦᓱᑎᒃ ᑲᒪᒋᒋᐊᓕᒻᒥᓂᓪᓗ ᑐᑭᓯᑦᓯᐊᓱᑎᒃ. ᐃᓚᖏᑦ ᐃᓕᓐᓂᐊᑏᑦ ᑖᒃᑯᓂᖓ ᐃᓕᓐᓂᐊᕇᑐᐊᕋᒥᒃ ᐱᓇᓱᒐᕐᒧᑦ ᑐᕃᓐᓇᓲᑦ.

ᓇᓪᓕᖓ ᐱᐅᓂᕐᐸᐅᕙ ? ᑖᒃᑯᐊ ᐃᓕᓐᓂᐊᑎᑦᓯᒍᑏᑦ ᐱᒋᐅᕐᑎᓯᓂᕐᒥᒃ ᑐᖕᖓᕕᓖᑦ – ᐱᔭᕇᕈᓯᑐᐃᓐᓇᐅᖏᑦᑐᖅ ᓇᕝᕚᑐᖅ ᐊᕐᖁᓯᓂᕆᒍᓐᓇᑕᒥᓂᒃ. ᐱᓇᓱᒐᕐᒧᑦ ᑐᕃᓐᓇᕋᓗᐊᕈᕕᑦ, ᐃᓕᓐᓂᐊᓚᖓᒍᕕᓪᓘᓂᑦ ᐱᓇᓱᒐᐅᒍᓐᓇᑐᓂᒃ ᐃᓕᓐᓂᐊᑕᓂᓪᓘᓃᑦ ᑲᔪᓯᓂᐊᕋᓗᐊᕈᕕᑦ, ᑖᒃᑯᐊ ᐃᓕᓐᓂᐊᑎᑦᓯᒍᑏᑦ ᐱᕕᑦᓴᑖᕐᕕᒋᒍᓐᓇᑕᑎᑦ ᐊᑑᑎᒍᓐᓇᓚᕆᑦᑐᓂᒃ, ᐱᒍᓐᓇᓯᐊᕐᑕᑎᓐᓂᒃ, ᐊᒻᒪᓗ ᐱᔭᖃᕈᑎᐅᑦᓯᐊᕈᓐᓇᓱᑎᒃ.

ᑲᑎᕕᒃ ᐃᓕᓴᕐᓂᓕᕆᓂᖅ ᐊᒥᓱᓂᒃ ᐃᓕᓐᓂᐊᑎᑦᓯᒍᑎᑎᒍᑦ ᐊᕐᖁᓯᓂᖃᕐᑐᖅ ᐊᑦᔨᒌᖕᖏᑐᑦ ᐃᓕᓐᓂᐊᑏᑦ ᑭᖕᖒᒪᒋᔭᖏᓐᓄᑦ, ᐱᒐᓱᐊᕈᒪᔭᖏᓐᓄᑦ ᐱᒍᓐᓇᓯᒍᒪᔭᖏᓐᓄᓗ ᐊᑐᕐᑕᐅᒍᓐᓇᑐᓂᒃ. ᐊᑐᓂᑦ ᐊᕐᖁᓯᓃᑦ ᐃᓕᓐᓂᐊᑎᓄᑦ ᐱᒍᑎᑦᓴᑖᕈᑎᐅᒍᓐᓇᑐᑦ — ᐃᓕᓐᓂᐊᓯᒪᓂᕋᕐᑕᐅᒍᑎ, ᐱᔭᕇᕈᑎ, ᐅᕝᕙᓗᓗᓐᓃᑦ ᖁᕝᕙᕆᐊᕈᑏᑦ – ᐊᕗᖓᐅᓕᒋᐊᓪᓚᕈᑎᒋᒍᓐᓇᑕᖏᓐᓂᒃ ᐃᓕᓐᓂᐊᓂᕐᒥᓂ, ᐱᒋᐅᕐᓴᓂᕐᒥᓂ ᐱᓇᓱᒐᕐᒥᓂᓪᓘᓃᑦ.

ᖃᐅᔨᒋᐊᒃᑭᑦ ᐃᓕᓐᓂᐊᕈᑎᑦᓴᕗᑦ ➔