ᑖᑦᓱᒥᖓ ᐃᓕᓐᓂᐊᕋᓱᐊᒍᕕᑦ, ᐃᒣᓘᒍᓐᓇᓚᖓᔪᑎᑦ:

• ᐊᑐᐃᓐᓇᕈᕐᑎᓗᒋᑦ, ᐋᕐᕿᓱᐃᓗᑎᑦ, ᓄᐃᑕᑎᑦᓯᓗᑎᓪᓗ ᐊᑦᔨᒌᖕᖏᑐᑦ ᓂᕆᔭᑦᓴᓂᒃ ᓂᕆᔭᐅᓚᖓᔪᓂᒃ ᑌᑲᓂ ᓂᐅᕕᕐᕕᒥᓘᓐᓃᑦ.
• ᐊᑐᐃᓐᓇᕈᕐᑎᓗᒋᑦ, ᑕᕆᐅᓪᓕᑐᕐᓗᒋᑦ ᐊᑦᔨᒌᖕᖏᑐᓂᒃ, ᐃᒐᓗᒋᓗ ᓂᕿᓂᒃ ᐃᑉᐱᒋᔨᐅᑦᓯᐊᓗᑎᒃ.
• ᐊᑐᕐᓗᒋᑦ ᐊᑐᕐᑕᐅᒋᐊᓖᑦ ᓴᓗᒪᓂᕐᒧᑦ ᓂᕿᓄᓪᓗ ᐊᑦᑕᓇᕐᑌᓕᒪᓂᕐᒧᑦ ᐊᑐᕐᓂᒧᑦ ᐃᒐᕕᒻᒥ.
• ᐃᓚᐅᑦᓯᐊᓗᑎᑦ ᖃᓄᐃᖕᖏᓯᐊᕐᓂᒧᑦ ᐊᑦᑕᓇᕐᑌᓕᒪᓂᕐᒧᓗ ᐋᕐᕿᓯᒪᐅᑎᓂᒃ ᐱᓇᓱᕝᕕᒥ ᐊᑦᑕᓇᕐᑌᓕᒪᓂᕐᒥᒃ ᐱᓇᓱᕝᕕᒥ.
• ᐱᓇᓱᑦᑎᓯᓂᕐᒥᒃ ᐊᐅᓚᑦᓯᓗᑎᑦ ᐊᒻᒪᓗ ᐱᓇᓱᕝᕕᒥ ᑐᓴᐅᒪᖃᑎᒌᑦᓯᐊᓂᕐᒥᒃ ᐃᑉᐱᒋᔭᖃᑦᓯᐊᓗᑎᑦ.
• ᐊᑐᐃᓐᓇᕈᕐᑎᓗᒋᑦ ᐃᒐᔭᐅᒐᔭᕐᑐᑦ, ᐅᐊᕈᑎᑦᓭᑦ, ᖃᔪᖅ, ᐱᔭᕆᐊᑐᔫᖕᖏᑐᐃᓪᓗ ᖃᓚᒍᐊᕐᑐᐃᑦ.
• ᐊᑐᐃᓐᓇᕈᕐᑎᓗᒋᑦ ᓂᕿᑦ, ᐸᑳᑯᐊᓐᓂᒃ, ᐃᖃᓗᐃᑦ, ᐃᒪᕐᒥᐅᑕᓂᕐᓗ ᓂᕆᕕᓐᓄᑦ ᑐᕌᖓᔪᓂᒃ.
• ᐊᑐᐃᓐᓇᕈᕐᑎᓗᒋᑦ ᓂᕆᑎᓗᒋᓪᓗ ᐊᑦᔨᒌᖕᖏᑐᓂᒃ ᐅᓪᓛᕈᒥᑕᒐᑦᓴᓂᒃ ᓂᕆᕕᐅᓪᓗ ᓂᕆᔭᑦᓴᓕᐊᕆᓲᖏᓐᓂᒃ.
• ᓱᑲᑦᑐᒥ ᐱᓇᓱᐊᖃᑎᐅᓂᕐᒥᒃ ᐱᓇᓱᐊᕐᓱᓂ ᐃᑉᐱᒍᓱᑦᓯᐊᓗᑎᑦ ᐱᓇᓱᖃᑎᐅᑦᓯᐊᓗᑎᑦ.
• ᐱᓇᓱᕝᕕᒥ ᐃᓚᐅᒋᑦ ᐱᑕᖃᕐᓗᑎᑦ ᐱᒍᓐᓇᐅᑎᓂᒃ ᓂᕆᕕᒻᒧᑦ ᐱᓇᓱᕝᕕᓂᑦ ᓱᑲᑦᑐᒥᓪᓘᓃᑦ ᖃᓚᒍᐊᕐᑐᓂᒃ ᐱᓇᓱᕝᕕᓂᑦ.

ᐃᓕᓐᓂᐊᖃᑕᐅᒍᓐᓇᕈᒪᒍᕕᑦ, ᐊᑕᐅᓯᕐᒥᒃ ᒪᓕᒋᐊᓕᓐᓂᒃ ᐊᑐᕆᐊᖃᕐᖁᑎᑦ ᐊᑐᓂᒃ ᐊᕕᕐᑐᓯᒪᔪᓂᒃ.

ᖃᓄᐃᓕᖓᓂᐅᔪᑦ – ᐊᕕᑦᑐᓯᒪᔪᑦ A

ᐅᑯᓂᖓ ᐊᑕᐅᓯᕐᒥᓘᓐᓃᑦ ᐱᒍᓐᓇᕆᐊᓕᒃ:

• ᐳᕐᑐᓂᕐᓴᓂ III ᖁᕝᕙᕆᐊᕈᑎᑖᕈᑏᑦ: ᖁᕝᕙᕆᐊᕈᑎᑖᕐᓂᖅ (ᐅᕝᕙᓘᓐᓃᑦ ᐊᑦᔨᐸᓱᖓᓂᒃ) ᐅᖃᐅᓯᕐᒥᒃ ᐃᓕᓐᓂᐊᑎᑕᐅᒍᑎᒥᒃ, ᐅᖃᐅᓯᐅᑉ ᐁᑉᐱᐅᑎᖓᓂᒃ, ᐊᒻᒪᓗ ᑭᓯᑦᓯᒍᑎᓐᓂᐊᓂᕐᒥᒃ.
• AESS: ᐱᔭᕇᕐᓯᒪᔪᖅ ᓇᓗᓀᕐᓯᒍᑎᒥᒃ ᐊᑦᔨᒌᑦᑎᓯᑦᓯᐊᓂᖓᓄᑦ ᐳᕐᑐᓂᕐᓴᓂᒃ ᐃᓕᓐᓂᐊᓯᒪᓂᕐᒧᑦ.
• GDT: ᐱᔭᕇᕐᓯᒪᔪᖅ ᐱᕙᓪᓕᐊᕆᐊᖃᕐᓂᒧᑦ ᖃᐅᔨᓴᐅᑎᒥᒃ (ᐃᓕᓐᓂᐊᕆᐊᖃᕐᓯᒪᑉᐸᑦ ᐅᕝᕙᓘᓐᓃᑦ ᐃᓕᓐᓂᐊᕆᐊᖃᕐᓯᒪᖕᖏᐸᑦ ᐃᓕᓐᓂᐊᕆᐊᖃᕐᓯᒪᒍᑎᐅᒋᐊᓖᑦ ᓯᓚᑖᒍᑦ).

ᖃᓄᐃᓕᖓᓂᐅᔪᑦ – ᐊᕕᑦᑐᓯᒪᔪᑦ B

ᐅᑯᓂᖓ ᐊᑕᐅᓯᕐᒥᓘᓐᓃᑦ ᐱᒍᓐᓇᕆᐊᓕᒃ:

• ᓄᕐᖃᖓᓂᖅ ᐃᓕᓐᓂᐊᓂᕐᒥᒃ: ᐃᓕᓐᓂᐊᕆᐊᓪᓚᕆᓐᓂᒥᓂᒃ ᐅᓪᓗᓂᒫᑦᓯᐅᑎᒥᒃ ᑕᕐᕿᓂ ᖁᓕᓪᓗ ᒪᕐᕈᓗᓂᒃ.
• ᐅᑭᐅᖃᕆᐊᓕᒃ: 18−ᓂᒃ ᐅᑭᐅᖃᕆᐊᓕᒃ ᐃᓕᓐᓂᐊᕆᐊᓕᕈᕕᑦ.
• ᓯᕗᓂᖓᒍᑦ ᐱᔭᕇᕈᓯᕐᑕᐅᒍᑎ: ᐱᔭᕇᕈᓯᕐᑕᐅᒪᓂᕐᒧᑦ ᐳᕐᑐᓂᕐᓴᒥ ᐃᓕᓐᓂᐊᕕᒻᒥ (SSD), ᐱᓇᓱᒐᕐᒥᒃ ᐃᓕᓐᓂᐊᓯᒪᓂᕐᒧᑦ ᐱᔭᕇᕈᑎ (DVS), ᐅᕝᕙᓘᓐᓃᑦ ᓇᓪᓕᖁᐊᖓᓂᒃ.
• ᐱᓇᓱᒐᑦᓴᓯᐅᕐᓂᒧᑦ-ᑯᐯᒃ: ᑲᑎᓯᒋᐊᕐᓗᑎᑦ ᐱᒍᓐᓇᓂᖃᕐᓂᐅᑉ ᖃᓄᐃᓕᖓᒋᐊᖃᕐᓂᖏᓐᓂᒃ ᐱᓇᓱᒐᑦᓴᓯᐅᕐᓂᒧᑦ-ᑯᐯᒃ ᐱᓇᓱᑦᑎᓂᒃ ᐱᒋᐅᕐᓴᑎᑦᓯᒍᑎᖓᑕ ᐊᑐᕐᑕᐅᒍᑎᖓᓂᒃ.

ᐱᔭᕇᕐᓂᕈᕕᑦ (TCST)-ᒥᒃ ᐊᕐᖁᓯᐅᕐᓂᒥᒃ, ᐱᒍᓐᓇᐅᑎᖃᕐᖁᑎᑦ (TCST-STC ᐊᕐᖁᓯᐅᕐᓂᒧᑦ) ᐅᑯᓂᖓ ᐱᔭᕇᕐᓯᒪᒍᕕᑦ ᒪᓕᓪᓗᑎᑦ ᐱᖓᓱᓂᒃ ᒪᑯᓂᖓ ᒪᓕᒐᕐᓂᒃ:

• ᐃᓕᑕᕆᔭᐅᒍᑎᑖᕐᓯᒪᓗᓂ ᐱᓇᓱᒐᕐᒥᒃ ᐱᒋᐅᕐᓴᑎᑦᓯᒍᑎᓂᒃ ᓴᓇᔨᐅᓂᕐᒧᑦ (TCST).
• 16-ᓂᒃ ᐅᑭᐅᖃᕐᓗᑎᑦ ᓯᑦᑎᒻᐱᕆ 30-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐱᒋᐅᕐᓴᓂᕐᒥᒃ ᐱᒋᐊᓚᐅᕐᑎᓇᒍ.
• ᖁᕝᕙᕆᐊᕈᑎᖃᕐᓗᓂ ᐅᖃᐅᓯᕐᒧᑦ ᐃᓕᓐᓂᑎᑦᓯᕈᑎᐅᔪᒧᑦ, ᐅᖃᐅᓯᐅᑉ ᐁᑉᐱᐅᑎᖓᓂ ᑭᓯᑦᓯᒍᑎᓐᓂᐊᓂᕐᒥᓗ (ᐳᕐᑐᓂᕐᓴᖅ ᐊᕐᕌᒍᖅ 1 ᐅᕕᒃᑲᓄᑦ ᐃᓕᓐᓂᐊᑎᓂᑦ ᐅᕝᕙᓘᓐᓃᑦ ᐳᕐᑐᓂᕐᓴᖅ 2 ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᑎᒍᑦ).