ᖃᓄᐃᑦᑐᒦᓐᓂᖃᕈᑎᖃᕐᓂᖓᓄᑦ ᐃᒣᓐᓂᐊᓂᕐᒥ, ᐃᒥᕐᑕᑕᐅᕐᖃᔭᖕᖏᓂᕐᒥ, ᐃᒪᕐᓗᑯᐃᔭᐅᑏᑦ ᐊᐅᓚᑦᓯᓂᓕᕆᔭᐅᓂᖏᓐᓂ ᐳᕕᕐᓂᑐᒥ, ᑲᑎᕕᒃ ᐃᓕᓴᕐᓂᓕᕆᓂᖅ ᐱᔭᕆᐊᑐᔪᒻᒪᕆᒃᑯᑦ ᑐᑭᑖᕆᐊᖃᓚᐅᕐᖁᖅ ᐅᒃᑯᐊᓂᑦᓴᐅᑎᒋᓂᕐᒧᑦ ᐃᓕᓐᓂᐊᕖᓐᓂᒃ ᐱᒍᐊᕐᓯᕕᒻᒥᒃ ᐃᑳᕐᕕᒥᓪᓗ, ᐅᒃᑯᐊᓱᒋᒃ ᒣ 20, 2025-ᒥ. ᒫᓐᓇᐅᑎᓪᓗᒍ, ᓱᕐᖁᐃᓯᕐᖃᔭᖕᖏᑐᒍᑦ ᐃᓕᓐᓂᐊᑎᑦᓯᒍᑏᑦ ᑲᔪᓯᑎᑕᐅᒍᓐᓇᓂᐊᕐᒪᖔᑕ.
ᐋᕐᕿᓯᒪᐅᑏᑦ ᐊᑑᑎᔭᐅᕗᑦ ᓱᕐᖁᐃᓯᓯᒪᔭᖃᕐᓂᒧᑦ ᐃᓕᓐᓂᐊᑏᑦ ᐃᓱᐃᑦᑐᒨᑦᑎᑕᐅᑦᑌᓕᑎᑦᓱᒋᑦ. ᐃᓕᓐᓂᐊᑎᓕᒫᑦ ᐊᕐᕌᒎᑉ ᐃᓱᐊᓂ ᖃᐅᔨᓴᐅᑎᒦᒋᐊᓖᑦ ᖁᕝᕙᕆᐊᕈᑎᑖᕈᑎᖃᕆᐊᓕᓐᓂᒃ ᐳᕐᑐᓂᕐᓴᒥ ᐱᔭᕇᕈᓯᕐᓂᒧᑦ ᑎᑭᐅᑎᒍᓐᓇᐅᑎᓄᑦ ᐊᑑᑎᒍᓐᓇᓚᖓᔪᑦ. ᐱᓇᓱᐊᕈᓯᐅᓚᐅᕐᑑᑉ ᐃᓱᐊᓂ, ᑫᕙᓪᓚᒍᓰᑦ ᓇᓪᓕᐅᑎᑦᑕᕈᑎᖏᑦ ᐋᕐᕿᓱᒋᐊᕐᑕᐅᒪᔪᑦ. ᐱᑦᓴᑖᕐᕕᖃᕈᑏᑦ ᓄᐃᑕᐅᓛᕐᒥᔪᑦ ᓱᕐᖁᐃᓯᓯᒪᓂᕐᒧᑦ ᐊᖑᒪᑦᓯᓂᕐᒧᑦ ᐃᓕᓐᓂᐊᑎᑦᓯᒍᑎᓂᒃ, 2025-2026-ᒥ ᐃᓕᓐᓂᐊᓇᐅᑉ ᐊᕐᕌᒍᖓᓂᒋᐊᖃᕐᐸᑕ.
ᐃᓕᓐᓂᐊᕖᒃ ᐅᒃᑯᐊᓯᒪᑎᓗᒋᒃ ᐃᓕᓐᓂᐊᑎᓄᑦ, ᐱᓇᓱᑦᑏᑦ ᐱᓇᓱᕝᕕᒦᖏᓐᓇᓚᖓᔪᑦ. ᐅᓪᓗᓂ ᐊᓂᒍᕐᑐᓂ, ᑲᑎᕕᒃ ᐃᓕᓴᕐᓂᓕᕆᓂᖅ ᐊᑐᐃᓐᓇᕈᕐᑎᖃᑦᑕᑐᖅ ᐅᐃᒪᓇᕐᑐᑯᑦ ᐊᑑᑎᒍᑎᑦᓴᓂᒃ ᐱᓇᓱᖃᑎᒋᑦᓱᒋᑦ ᐱᓇᓱᑦᑐᑦ ᑲᕙᒫᐱᒃᑯᓂᓪᓗ ᐱᔪᓐᓇᑎᑦᓯᔨᓂᒃ ᐃᒪᖃᕐᑎᑕᐅᕕᓐᓂᒃ ᓄᓇᓕᒻᒥᐅᓄᑦ (ᐆᑦᑑᑎᒋᓗᒍ, ᐊᓐᓄᕌᓂᒃ ᐅᕝᕙᕆᐊᕐᑐᕕᑦᓭᑦ ᐃᓪᓗᖁᑎᑦᑕ ᐃᓚᖏᓐᓂ). ᓴᐳᑦᔨᓂᖃᖏᓐᓇᓚᖓᕗᒍᑦ ᑲᕙᒫᐱᒃᑯᑦ ᐱᔪᓐᓇᑎᑦᓯᔨᖏᓐᓄᑦ ᓴᐳᑦᔨᒍᑎᓂᒃ ᐱᓇᓱᐊᕈᓯᐅᖃᑦᑕᓚᖓᔪᓂ.