ᐃᓂᖓ ᐱᓇᓱᐊᕆᐊᓕᖏᓪᓗ:

ᐱᓇᓱᐊᓗᐊᖕᖑᐊᕋᔭᕐᑕᖓ ᐊᒻᒪᓗ ᐱᓇᓱᕙᓪᓗᓲᖓ ᐱᓇᓱᑦᑎᐅᑉ ᑕᒃᑲᓂ ᐱᓇᓱᒐᕐᒥ ᑲᒪᒋᔭᖃᕐᓱᓂ ᓯᖁᒥᑎᑦᓯᑌᓕᓂᕐᒥᒃ, ᐋᕐᕿᒋᐊᕆᓂᕐᒥᒃ ᐊᒻᒪᓗ ᐊᓯᑦᔨᑐᐃᓂᕐᒥᒃ ᐱᓇᓱᓐᓂᒥᒃ ᐊᒥᓱᒐᓚᓐᓂ ᓴᓇᓂᕐᒧᑦ ᐱᓇᓱᕝᕕᐅᔪᓂ.

• ᑖᓐᓇ ᐱᓇᓱᑦᑎ ᐱᓇᓱᐊᕋᔭᕐᑐᖅ ᐅᕝᕙᓘᓐᓃᑦ ᐃᑲᔪᕐᓗᓂ ᐃᓘᓐᓈᒍᑦ ᓯᖁᒥᑎᑦᓯᑌᓕᓂᕐᒥᒃ ᐅᕝᕙᓘᓐᓃᑦ ᓱᒃᑯᑎᑦᓯᑌᓕᓂᕐᒥᒃ ᐱᓇᓱᓪᓗᓂ ᐃᓘᓐᓇᖏᓐᓂᒃ ᐱᐅᓕᓂᐊᒐᕐᓂ ᐊᒻᒪᓗ ᐃᖏᕐᕋᑎᑦᓯᒍᑎᓂ ᐃᓕᓴᕐᓂᓕᕆᓂᕐᒥ.
• ᐊᑐᐃᓐᓇᐅᒋᐊᓕᒃ ᐊᐅᓪᓚᑲᑕᓐᓂᒧᑦ ᐊᒻᒪᓗ ᓄᓇᓖᑦ ᐊᓯᖏᓐᓅᕈᓐᓇᓗᓂ ᒪᓕᓪᓗᒋᑦ ᐱᓇᓱᒐᖓᑕ ᐅᓪᓗᖁᑎᖏᑦ ᐃᓚᐅᑎᓪᓗᒋᑦ ᐅᐃᒪᓇᕐᓯᔪᑦ.
• ᕆᐊᖃᑐᐊᕈᓂ, ᐱᓇᓱᐊᕋᔭᕐᑐᖅ ᐊᓯᖏᓐᓂᒃ ᐱᓇᓱᒐᖓᓅᓕᖓᔪᓂᒃ.
• ᐊᐱᕆᔭᐅᑐᐃᓐᓇᕆᐊᓕᒃ ᑲᔪᓯᑎᑦᓯᓗᓂ ᐱᓇᓱᐊᕐᑕᖏᓐᓂᒃ ᐊᓯᖏᑦ ᓯᖁᒥᓯᒪᔪᕐᓂᐊᓂᕐᒥᒃ ᐱᓇᓱᑦᑎᓂᒃ.

ᐱᒍᓐᓇᐅᑎᒋᒋᐊᓕᖏᑦ:

ᐱᔭᕇᕈᑎᑖᕐᓯᒪᓗᓂ ᐅᕝᕙᓘᓐᓃᑦ ᐱᓇᓱᒐᕐᒧᑦ ᐱᒋᐅᕐᓴᑎᑕᐅᓯᒪᓗᓂ ᐃᓪᓗᖁᑎᓅᓕᖓᔪᓂᒃ ᐱᓇᓱᒐᕐᒨᓕᖓᔪᓂᒃ ᐅᕝᕙᓘᓐᓃᑦ ᐱᔭᕇᕈᑎᑖᕐᓯᒪᓗᓂ ᐅᕝᕙᓘᓐᓃᑦ ᓇᓗᓀᕐᑕᐅᒍᑎᒥᒃ ᐃᓕᓐᓂᐊᓂᕐᒧᑦ ᐃᓕᑕᕆᔭᐅᔪᒥᒃ ᐊᑦᔨᐸᓱᒋᔭᐅᔪᒥᒃ ᐃᓕᑕᕆᔭᐅᓂᓕᓐᓄᑦ ᐊᒻᒪᓗ ᐱᓇᓱᐊᕐᓯᒪᒋᐊᖃᕐᓱᓂ ᓯᑕᒪᓂᒃ ᐊᕐᕌᒍᓂᒃ ᑖᑦᓱᒧᖕᖓᓕᖓᔪᓂᒃ ᐱᓇᓱᒐᒧᑦ (ᐆᑦᑐᑎᒋᓗᒍ ᐃᑯᒪᓕᐅᕐᑎᐅᓗᓂ, ᓱᓪᓗᓕᓕᕆᔨᐅᓗᓂ, ᐊᓯᖏᓐᓂᓗ).

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᖃᐅᔨᒪᓗᓂ ᓴᓇᓂᕐᒥᒃ, ᐃᑯᒪᐅᑎᓕᕆᓂᕐᒥᒃ, ᒥᖑᐊᕆᓂᕐᒥᒃ, ᓯᖁᓯᒪᔪᕐᓂᐊᓂᕐᒥᒃ ᐊᒻᒪᓗ ᓱᓪᓗᓕᓕᕆᓂᕐᒥᒃ ᐱᒍᓐᓇᕆᐊᖃᕐᓂᑯᒧᑦ ᓯᖁᒥᓯᒪᔪᕐᓂᐊᓂᕐᒥᒃ ᐊᒻᒪᓗ ᓴᓇᒋᐊᓪᓛᓂᕐᒥᒃ.
• ᐱᓇᓱᐊᕐᓯᒪᓗᓂ ᐅᕐᖂᓯᓴᐅᑎᓂᒃ ᐊᒻᒪᓗ ᐅᕐᖂᓯᓴᐅᑎᐅᑉ ᐊᕐᖁᑎᖏᓐᓂᒃ ᐊᒻᒪᓗ ᐋᕐᕿᑕᐅᒪᒍᓯᖏᓐᓂᒃ ᐱᐅᔫᕋᔭᕐᑐᖅ.
• ᐱᓇᓱᐊᕐᓂᒧᑦ ᖃᐅᔨᒪᓗᓂ ᒪᕐᕉᓂᒃ ᐅᖃᐅᓯᖏᓐᓂᒃ ᐃᓕᓴᕐᓂᓕᕆᓂᐅᑉ ᐱᖓᓱᓂᒃ ᐅᖃᐅᓯᖏᓐᓂᒃ (ᐃᓄᑦᑎᑐᑦ, ᐅᐃᒍᐃᑎᑐᑦ, ᖃᓪᓗᓈᑎᑐᑦ).
• ᐊᖁᒍᓐᓇᐅᑎᖃᕐᓗᓂ.

ᐱᓇᓱᐊᕐᓂᖓ:

38,75-ᓂᑦ ᑫᕙᓪᓚᒍᓯᕐᓂᑦ ᐱᓇᓱᐊᕈᓯᑕᒫᑦ ᐊᓪᓕᕇᕐᑐᓂᑦ ᓂᕿᑦᓯᑐᓄᑦ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᒃᑯᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑏᑦ ᐱᓇᓱᑦᑎᑐᐃᓐᓇᓅᓕᖓᔪᑦ, ᑖᓐᓇ ᐱᓇᓱᒐᖅ ᐃᓕᖓᔪᖅ ᐱᓇᓱᒉᑦ ᐊᕕᑦᑐᓯᒪᓂᖏᓐᓄᑦ 5117, ᐅᓄᕐᓂᖃᕐᓱᓂ $25.63/ᑫᕙᓪᓚᒍᓯᒧᑦ, ᐃᓚᖃᕐᓱᓂ 10%-ᒥᒃ ᐱᓇᓱᑦᑎᑖᕆᔭᐅᓂᕐᒧᑦ ᐊᒻᒪᓗ ᐊᑌᓐᓇᓚᖓᓂᕐᒧᑦ ᐱᕚᓪᓕᕈᑎᑦᓴᑖᕐᓗᓂ, ᐃᓚᖃᕐᑎᓗᒍ ᐃᒻᒥᒎᕐᑎᑐᑦ ᐊᑭᓕᕐᑕᐅᒋᐊᓪᓚᒍᑎᒃ ᐃᒣᓪᓗᐊᑐᒥᑦ $10,627-ᒥᑦ $22,100-ᒧᑦ ᑐᖕᖓᕕᒋᑦᓱᒋᑦ ᐊᑯᓃᕐᓂᖓ ᐱᒍᑦᔨᓂᖓᓂᑦ ᐊᒻᒪᓗ ᐱᔭᑦᓴᖏᓐᓂᑦ.