ᐊᖓᔪᕐᖄᖃᕙᓪᓗᓗᓂ ᖃᕆᑕᐅᔭᓕᕆᕕᐅᑉ ᑐᑭᒧᐊᕐᑎᓯᔨᖓᓂᒃ, ᖃᕆᑕᐅᔭᓕᕆᕕᒻᒥ ᖃᐅᔨᓴᕐᑎ ᐊᐅᓚᑦᓯᒋᐊᖃᖃᑦᑕᕋᔭᕐᑐᖅ, ᐱᐅᓭᖃᑦᑕᓗᓂ ᐊᒻᒪᓗ ᑎᒥᐅᔫᑉ ᐃᑖᕐᑕᐅᒌᒃᑯᑎᖏᓐᓂᒃ ᑲᒪᒋᔭᖃᖃᑦᑕᓗᓂ. ᖃᕆᑕᐅᔭᓕᕆᕕᒻᒥ ᖃᐅᔨᓴᕐᑎ ᐱᓇᓱᐊᖃᑎᖃᖃᑦᑕᕋᔭᕐᑐᖅ ᐃᑲᔪᕐᑐᐃᖃᑦᑕᓗᓂᓪᓗ ᐱᓇᓱᑦᑎᐅᖃᑎᒥᓂᒃ, ᖃᐅᔨᓴᖃᑎᖃᖃᑦᑕᓗᓂ ᐊᒻᒪᓗ ᖃᕆᑕᐅᔭᕈᑎᓂᒃ ᑐᑭᒧᐊᕆᖃᑦᑕᓗᓂ ᑮᖕᖒᒪᒋᔭᐅᔪᓂ ᑐᕌᒐᕆᔭᐅᔪᓂᓪᓗ ᐃᓕᓴᕐᓂᓕᕆᓂᒃᑯᑦ ᐸᕐᓇᓯᒪᐅᑎᖏᑦᑕ, ᐅᓐᓂᑑᑎᓕᐅᖃᑦᑕᓗᓂ ᑎᒥᐅᔫᑉ ᐱᕙᓪᓕᐊᑎᑦᓯᒍᑎᑦᓴᖏᓐᓂᑦ ᐅᕝᕙᓘᓐᓃᑦ ᐸᕐᓀᒍᑎᑦᓴᓂᒃ ᐱᐅᓯᐅᒦᒋᐊᕋᓱᐊᕐᓂᑯᑦ ᑲᔪᓯᑦᓯᐊᖁᓪᓗᒋᑦ.

ᐃᓂᖓ ᐱᓇᓱᐊᕆᐊᓕᖏᓪᓗ:

• ᐃᑖᕐᑕᐅᕇᒃᑯᑎᓕᐅᖃᑕᐅᖃᑦᑕᓗᓂ ᖃᕆᑕᐅᔭᑎᒎᕐᑐᓂ ᐃᓘᓐᓇᖏᓐᓂ ᐃᓕᓐᓂᐊᕕᓕᒫᓂ ᐱᓇᓱᕝᕕᐅᔪᓂ 14-ᓂᑦ ᓄᓇᓕᓐᓂ ᓄᓇᕕᒻᒥ, ᐆᑦᑑᑎᒋᓗᒍ ᐊᐴᒪᑎᑦᓯᒍᑏᑦ, ᐃᑖᕋᓱᑦᑐᓂᑦ ᓇᓂᓯᒐᓱᐊᕐᓂᖅ ᐊᒻᒪᓗ ᐃᑖᕐᑕᐅᑎᑦᓯᑌᓕᓃᑦ, ᐊᒻᒪᓗ ᐊᓪᓚᓯᒪᔪᓂᑦ ᓴᐳᒻᒥᓃᑦ ᐊᒻᒪᓗ ᐊᐅᓚᑦᓯᓃᑦ (SIEM).
• ᐃᓚᐅᖏᓐᓇᖃᑦᑕᓗᓂ ᐱᕙᓪᓕᐊᑎᑦᓯᒍᑎᓂᑦ ᑲᔪᓯᑎᑦᓯᒍᑎᓂᓪᓗ ᐃᑖᕐᑕᐅᒌᒃᑯᑏᑦ ᐱᖁᔭᖏᓐᓂ ᐊᒻᒪᓗ ᒪᓕᑦᑕᐅᒋᐊᓕᓐᓂᑦ ᖃᕆᑕᐅᔭᕈᑏᑦ ᐱᑐᑦᓯᒪᐅᑎᖏᑦ ᐃᑖᕐᑕᐅᖁᓇᒋᑦ ᐅᐃᕖᓴᕋᓱᑦᑐᓄᑦ ᐊᑐᕐᓂᓗᒐᓱᑦᑐᓂᓪᓗ.
• ᖃᐅᔨᓭᓐᓇᖃᑦᑕᓗᓂ ᐃᑖᕐᑕᐅᒌᒃᑯᑏᑦ ᐋᕐᕿᓯᒪᒍᓯᖏᓐᓂᑦ ᐊᒻᒪᓗ ᐱᑐᑦᓯᒪᐅᑎᓂᑦ ᓇᓗᓀᕐᓯᒐᓱᐊᖃᑦᑕᓗᓂ ᐃᑖᕋᓱᐊᑐᐃᓐᓇᕆᐊᓕᓐᓂᒃ ᐊᒻᒪᓗ ᑌᒣᑲᓪᓚᐸᑦ ᓱᒋᐊᖃᑦᑕᓗᓂ.
• ᑕᒻᒪᓯᒪᔪᕐᓂᐊᖃᑕᐅᖃᑦᑕᓗᓂ ᐃᑖᕐᑕᐅᒌᒃᑯᑎᓂᑦ ᐊᒻᒪᓗ ᖃᐅᔨᓭᓐᓇᖃᑦᑕᓗᓂ ᑎᒥᐅᔫᑉ ᐃᑖᕐᑕᐅᒌᒃᑯᑏᑦ ᐱᖁᔭᖏᓐᓂᒃ ᒪᓕᑦᑕᐅᒋᐊᓖᓪᓗ ᒪᓕᑦᑕᐅᓯᐊᒐᓱᐊᕐᒪᖔᑕ.
• ᖃᐅᔨᓴᖃᑕᐅᖃᑦᑕᓗᓂ ᖃᕆᑕᐅᔭᓕᕆᕕᒃᑯᑦ ᒪᑉᐱᒐᖏᓐᓂᑦ ᓇᓗᓀᕐᓯᒐᓱᐊᕐᓗᓂ ᑲᑎᒪᐅᑎᓂᑦ ᑭᖕᖒᒪᑦᓯᒪᖔᑕ ᐅᕝᕙᓘᓐᓃᑦ ᓄᑕᐅᓯᓕᕐᑕᐅᒋᐊᖃᕐᒪᖔᑕ ᐅᕝᕙᓘᓐᓃᑦ ᐊᓯᑦᔨᑕᐅᒋᐊᖃᕐᒪᖔᑕ.
• ᑭᐅᖃᑦᑕᓗᓂ ᐃᑖᕐᑕᐅᒌᒃᑯᑏᑦ ᐃᓱᐃᓪᓕᐸᑕ, ᐆᑦᑑᑎᒋᓗᒍ ᑲᑎᕐᓱᐊᑦ ᐃᑖᕐᑕᐅᐸᑕ ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐅᐃᕖᕐᕆᑕᐅᑉᐸᑕ, ᖃᐅᔨᓴᕐᓗᒋᑦ ᐱᓂᕐᓘᑏᑦ, ᓯᖁᒥᑕᐅᔪᑦ, ᐊᒻᒪᓗ ᐋᕐᕿᓱᕐᓗᒋᑦ ᓯᕗᓂᕐᒥ ᑌᒣᑕᐅᒋᐊᓪᓚᖁᓇᒍ.
• ᐳᕐᑐᓂᕐᐹᒥᒃ ᓴᐴᓗᑦᓯᒐᓱᓪᓗᒍ.
• ᐱᓇᓱᐊᕐᓗᓂ ᐱᓇᓱᐊᕆᐊᓕᓐᓂᒃ ᐱᓇᓱᒐᕐᒥᓅᓕᖓᔪᓂᒃ ᐊᐱᕆᐅᑎᐅᔪᓂᒃ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓭᑦ ᐱᖓᔪᖓᓂ ᐱᔭᕇᕈᑎᖃᕐᓗᓂ ᖃᕆᑕᐅᔭᓕᕆᓂᕐᒧᑦ ᐅᕝᕙᓘᓐᓃᑦ ᐱᓇᓱᒐᕐᒧᑦ ᑖᑦᓱᒧᖓᓕᖓᔪᓂᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᖕᖏᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐱᒍᓐᓇᓯᐊᕆᐊᓕᖏᑦ:

• ᑕᓪᓕᒪᓂᒃ ᐊᕐᕌᒍᓂ ᐱᓇᓱᐊᕐᓯᒪᓗᓂ ᑖᑦᓱᒪᐅᑉ ᐱᓇᓱᒐᐅᑉ ᐊᑦᔨᖓᓂᒃ.
• ᐱᓇᓱᐊᕐᓯᒪᓗᓂ ᒪᑯᓂᖓ ᖃᕆᑕᐅᔭᕈᑎᓂᑦ Microsoft Azure, SCCM, Intune, Active Directory, GPO, Office 365, IIS, Microsoft Exchange, ᐊᒻᒪᓗ EDR solutions.
• ᐱᓇᓱᐊᕐᓯᒪᓗᓂ PowerShell ᐊᓪᓚᓯᒪᕈᓯᖏᓐᓂᑦ ᐊᒻᒪᓗ ᐋᕐᕿᓯᒪᒍᓯᖏᓐᓂᑦ ᐃᑲᔪᕐᓯᐅᑎᓂᑦ.
• ᐱᓇᓱᐊᕈᓐᓇᓗᓂ ᑕᑯᓐᓇᕈᑎᓂᑦ ᖃᕆᑕᐅᔭᒨᕐᑐᓂᑦ.
• ᐊᓪᓚᕈᓐᓇᓗᓂ ᖃᐅᔨᑎᑦᓯᒍᑎᓂᑦ, ᐱᐅᓯᐅᒋᐊᓕᓐᓂᑦ, ᐱᕙᓪᓕᐊᑎᑦᓯᒍᑎᓂᑦ ᐊᒻᒪᓗ ᒪᓕᒐᑦᓴᐅᔪᓂᑦ.
• ᖃᕆᑕᐅᔭᓕᕆᓂᕐᒥᒃ ᖃᐅᔨᒪᓪᓚᕆᓪᓗᓂ, ᐆᑦᑑᑎᒋᓗᒍ ᐱᑐᑦᓯᒪᐅᑏᑦ ᐃᑖᕐᑕᐅᒌᒃᑯᑎᖏᓐᓂᑦ, ᐊᐅᓚᑦᓯᒍᑎᓂᑦ, ᐊᒻᒪᓗ ᖃᕆᑕᐅᔦᑦ ᖃᕆᑕᖏᓐᓂᑦ ᐃᑖᕐᑕᐅᒌᒃᑯᑎᑦᓴᔭᓂᑦ.
• ᖃᐅᔨᒪᓂᖃᕐᓗᓂ ᐃᑖᕐᑕᐅᒌᒃᑯᑏᓂᑦ ᖃᕆᑕᐅᔭᒍᑎᓂᑦ ᐃᑲᔪᕐᓯᐅᑎᓂ, ᐆᑦᑑᑎᒋᓗᒍ Firewalls, ᐃᑖᕋᓱᑦᑐᓂᒃ ᓇᓂᓯᐅᑏᑦ ᐊᒻᒪᓗ ᐃᑖᕐᑕᐅᒌᒃᑯᑏᑦ ᓱᓇᐅᓂᖏᓐᓂᑦ, EDR solutions, ᐊᒻᒪᓗ SIEM ᖃᕆᑕᐅᔭᕈᑎᓂ.
• ᐊᐅᓪᓚᑲᑕᒍᓐᓇᓗᓂ ᓄᓇᕕᒻᒧᑦ ᕆᐊᖃᓕᑐᐊᕈᓂ.
• ᖃᐅᔨᓴᕈᓐᓇᓚᕆᓪᓗᓂ ᑐᑭᑖᕆᐊᓕᓐᓂᓗ ᑐᑭᑖᕆᕈᓐᓇᓗᓂ, ᑐᑭᓯᒪᐅᑎᓂᒃ ᑐᑭᓯᒪᑦᓯᐊᕈᓐᓇᓗᓂ ᐊᒻᒪᓗ ᐅᐃᒪᓇᕐᑐᓂᒃ ᐱᓇᓱᐊᕈᓐᓇᓯᐊᕐᓗᓂ.
• ᑐᑭᓯᓇᕈᓐᓇᓗᓂ ᖃᕆᑕᐅᔭᕈᑏᑦ ᐅᖃᐅᓯᖏᓐᓂᑦ ᓇᓗᓇᕐᑐᓂᒃ ᐅᖄᕈᑎᖃᕐᓂᑯᑦ ᖃᕆᑕᐅᔭᕈᑎᓂᒃ ᖃᐅᔨᒪᑦᓯᐊᖏᑦᑐᒧᑦ ᐃᓄᓐᓄᑦ ᐊᒻᒪᓗ ᐱᓇᓱᐊᖃᑎᒋᒍᓐᓇᓗᒋᑦ ᐊᓯᖏᑦ ᖃᕆᑕᐅᔭᓕᕆᕕᒻᒥ ᐱᓇᓱᑦᑏᑦ ᐊᒻᒪᓗ ᐊᓯᖏᑦ ᐱᓇᓱᖃᑎᐅᔪᑦ.
• ᖃᖓᑐᐃᓐᓇᓕᒫᖅ ᐅᖄᓚᕕᐅᒍᓐᓇᓗᓂ ᐊᒻᒪᓗ ᐊᑐᐃᓐᓇᐅᓗᓂ ᐱᓇᓱᒋᐊᖃᑐᐊᕈᓂ ᐅᐃᒪᓇᕐᑐᒥᒃ, ᑭᖕᖒᒪᒋᔭᐅᒍᓂ ᐅᐃᒪᓇᕐᑐᖃᕐᑐᕕᓂᐅᑉᐸᑦ.
• ᖃᐅᔨᓴᕈᓐᓇᓯᐊᕐᓂᒥᒃ ᐱᒍᓐᓇᓯᐊᕐᓗᓂ.

ᐱᐅᔫᕋᔭᕐᒥᔪᖅ:

• ᖃᐅᔨᒪᑐᐊᕈᓂ ᐱᓇᓱᐊᕐᓯᒪᓗᓂᓗ Mac OS-ᒥᒃ, Mozaik, Watchguard ᓴᐳᒻᒥᒍᑎ, Aruba ᐱᐅᓕᓂᐊᒉᑦ, Packetfence, cloud-ᒥ ᐊᑐᕐᓱᑎᒃ ᐱᓪᓗᑯᒋᐊᓕᓕᕆᐅᑏᑦ, Defender EDR, NDR, ᐃᑖᕐᑕᐅᒌᒃᑯᑎᓕᕆᓂᕐᒥᒃ ᐃᓕᑕᕆᔭᐅᒍᑎᓂᑦ ᐆᑦᑑᑎᒋᓗᒍ CompTIA Security+.
• ᓇᓪᓕᖁᐊᖓᓂᒃ ᐱᓇᓱᐊᕐᓯᒪᓗᓂ ᐃᓕᓴᕐᓂᓕᕆᓂᕐᒥ ᐅᕝᕙᓘᓐᓃᑦ ᐃᓕᓐᓂᐊᓂᓕᕆᓂᕐᒥ ᐱᓇᓱᕝᕕᒥ

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᑎᒃ SPPENOM-ᑯᑦ ᐱᔪᓐᓇᐅᑎᓖᑦ ᑲᑐᑦᔨᖃᑎᒌᓐᓂᖓᑕ ᐊᖏᖃᑎᒌᓐᓂᖓᓂᒃ; ᑖᓐᓇ ᐱᓇᓱᒐᖅ ᐱᓇᓱᒉᑦ ᓇᓗᓀᕐᑕᐅᓯᒪᕕᖓᓂ 2120-ᒦᑦᑐᖅ:  ᐱᒋᐊᕐᑐᑦ $48,689-ᒥᑦ $83,462-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.