ᐱᒋᐅᕐᓴᑎᑕᐅᓂᒃᑯᑦ ᐃᓕᑦᑕᐅᓯᒪᔪᑦ: 

• ᓯᖁᒥᓯᒪᔪᓐᓂᐊᓂᖅ ᐊᐅᓚᐅᑎᓂᓪᓗ ᐋᕐᕿᓱᐃᓃᑦ ᐃᖏᕐᕋᐅᑏᑦ ᐊᐅᓚᐅᑎᖏᓐᓂᑦ  

• ᓯᖁᒥᓯᒪᓂᖓᓂ ᓇᓗᓀᕐᓯᒐᓱᐊᕐᓃᑦ ᐊᒻᒪᓗ ᑐᑭᓯᓴᕐᓂᖅ ᓇᓗᓀᕐᓯᒐᓱᐊᕐᓂᑯᑦ ᐱᓓᓗᑕᓂᓪᓗ ᐋᕐᕿᓱᐃᓃᑦ  

• ᓄᓇᒃᑰᔫᑦ ᐃᓗᓕᖏᓐᓂ ᐃᓚᐅᑎᓪᓗᒋᑦ ᐃᖏᕐᕋᕈᑎᖏᑦ Power Trains, ᓱᒃᑫᓕᒋᐊᕆᒍᑏᑦ, ᓄᓇᒃᑰᔫᑉ ᐊᐅᓚᑎᑦᓯᒍᑎᖏᑦ, ᐃᑯᒪᒨᕐᑐᖏᑦ ᐊᒻᒪᓗ ᐃᓗᓕᑦᓴᖏᑦ, ᐊᒻᒪᓗ ᓱᕐᖄᑎᕆᒍᓐᓇᓃᑦ. 

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ. 

ᐊᑐᕈᓐᓇᕆᐊᓕᖏᑦ: 

• ᐅᖄᒍᓐᓇᓯᐊᕐᓗᓂ ᒪᕐᕉᓂᒃ (2) ᐅᖃᐅᓰᓐᓂᒃ ᐱᖓᓱᓂᑦ (3) ᐅᖃᐅᓯᕆᔭᐅᔪᓂᑦ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ); 

• ᐱᓇᓱᐊᕐᓯᒪᓗᓂ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᓐᓂ; 

• ᐱᓇᓱᐊᕐᓯᒪᓗᓂ ᐊᑦᔨᒌᖕᖏᑐᓂᒃ ᐳᕐᑐᓂᓕᓐᓂᒃ ᐃᓕᓐᓂᐊᕕᒻᒥ ᖃᕆᐊᒥ. 

ᓇᒻᒥᓂᖏᑦ: 

• ᖃᐅᔨᒪᓗᓂ ᐊᒻᒪᓗ ᐃᓕᓭᒍᓯᕐᓂᑦ ᐱᓯᒪᔪᓂᑦ MEES-ᓂᑦ ᐃᓕᓴᐅᑎᖏᓐᓂᑦ; 

• ᐅᖃᐅᓯᐅᑉ ᐁᑉᐱᐅᑎᖓᓂ ᐃᓕᓐᓂᐊᑎᑦᓯᓚᐅᕐᓯᒪᓗᓂ ᐱᐅᔫᒐᔭᕐᑐᖅ; 

• ᖃᐅᔨᒪᓗᓂ Moodle-ᓚᔭᐅᔫᑉ ᐊᑐᕐᑕᐅᒍᓯᖓᓂᒃ ᐱᐅᔫᒐᔭᕐᑐᖅ. 

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ: 

ᑮᓇᐅᑦᔭᓵᑦ & ᐱᕙᓪᓕᖁᑏᓪᓗ ᑐᖕᖓᕕᒋᑦᓱᒋᑦ ᐃᓕᓭᔩᑦ ᐊᖏᖃᑎᒌᓐᓂᖏᓐᓅᓕᖓᔪᑦ ᐃᓕᓴᕐᓂᓕᕆᓂᕐᑎᒍᑦ: ᐱᒋᐅᕐᕕᖃᕐᓱᑎᒃ $52,799 ᐅᕗᖓ $102,857 ᐊᕐᕌᒍᑕᒫᑦ ᑐᖕᖓᕕᒋᑦᓱᒋᑦ ᐊᑑᑎᓯᒪᓂᖓ ᐊᒻᒪᓗ ᐱᒍᓐᓇᐅᑎᖓ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.