ᐃᓂᖓ ᐱᓇᓱᐊᕆᐊᓕᖏᓪᓗ: 

ᐃᑲᔪᕐᑎᖃᕐᓗᓂ ᑐᑭᒧᐊᕐᑎᓯᔨᐅᑉ ᐊᓪᓚᕕᖓᓂᒃ  ᐃᑲᔪᕐᑕᐅᒋᐊᓪᓛᒍᑎᓂᒃ ᐱᒍᑦᔨᐅᑏᑦ – ᓴᑐᕐᓇᑐᓕᓐᓂᒃ ᐃᓕᓐᓂᐊᕕᖃᕐᓂᖅ, ᐃᓱᒪᓕᕆᔨ ᖃᐅᔨᓴᕐᓂᖃᕐᐸᓂᐊᕐᓗᓂ, ᐊᑐᐊᒐᑦᓴᓕᐅᕐᐸᓗᓂᓗ ᐅᓚᐱᑦᓴᐅᑎᑦᓴᓕᐅᖃᑕᐅᕙᓗᓂᓗ, ᐱᓪᓗᒋᑦ ᐃᓕᓵᑦ ᐃᓅᓯᖏᑦ-ᐃᑉᐱᓂᐊᕐᓂᖏᓗ ᐃᓱᒪᓕᕆᔨᒃ ᖃᓂᑕᖃᕐᓗᓂ ᐱᓇᓱᐊᖃᑎᖃᕐᐸᓗᓂ ᐃᓕᓐᓂᐊᕖᑦ ᐊᐅᓚᑦᓯᔨᖏᓐᓂᒃ,  ᐃᓕᓵᓄᑦ ᐃᓕᓴᕐᑕᐅᒐᑦᓴᓂᑦ ᐃᑲᔪᕐᑏᓂᒃ, ᐊᒻᒪᓄ ᓄᓇᓕᓐᓂᑦ ᓄᓇᓕᓕᒫᓂᓗ ᐃᓕᓵᓂᑦ ᐃᑲᔪᕐᑎᐅᓲᓂᑦ. 

ᑐᕃᓐᓇᑐᑎᒍᑦ ᐃᓕᓵᓂᑦ ᐱᒍᑦᔨᓂᐅᔪᐃᑦ  

• ᐱᓇᓱᐊᖃᑎᖃᕐᐸᓗᓂ ᐃᓕᓵᑦ ᐃᓱᐊᕐᓭᔨᖏᓐᓂᒃ, ᑲᑎᓯᖃᑦᑕᓗᓂ ᐃᓕᓐᓂᐊᑎᓂᒃ ᐃᓕᒃᑰᑐᒥᒃ ᐅᕝᕙᓘᓐᓃᑦ ᐊᒥᓱᐃᖑᑎᓪᓗᒋᑦ ᓄᓇᓕᒻᒧᑦ ᑕᑯᓂᐊᓕᕐᐸᑕ ᕿᒥᕐᕈᓗᒋᑦ ᐃᓱᒪᒃᑯᑦ ᖃᓄᐃᖕᖏᓂᖏᑦ.  

• ᐱᓇᓱᖃᑎᖃᖃᑦᑕᓗᓂ ᓄᓇᓕᒻᒥ ᐊᑐᕐᑎᓂᒃ, ᐸᕐᓀᖃᑎᒌᓪᓗᑎᒃ ᐃᓕᓵᓂᒃ ᐳᓛᕆᐊᕐᓂᐅᕋᔭᕐᑐᓂᒃ ᕿᒥᕐᕈᔭᐅᒍᑎᖏᓐᓂᓗ ᐅᖓᓯᑦᑐᒦᒐᓗᐊᕐᑎᓗᒋᑦ. 

• ᖃᐅᔨᓴᕐᓗᒋᑦ ᐃᓕᑦᓯᕙᓪᓕᐊᓕᖏᑦ, ᐃᑉᐱᓂᐊᕐᓂᖏᑦ ᐱᐅᓯᖏᓐᓅᖓᔪᓂᓗ ᑭᖕᖒᒪᒋᔭᖏᓐᓂᒃ ᐃᒫᙰᒋᐊᕈᑎᑦᓴᓕᐅᕐᐸᓗᒋᓗ ᐃᓕᓭᕖᑦ ᐱᓇᓱᑦᑎᖏᑦ ᓴᐳᒻᒥᒪᑦᓯᐊᓚᖓᖁᓗᒋᑦ ᐃᓕᓵᓂᒃ. 

• ᐊᖑᒪᓗᒋᑦ ᐃᓅᓯᖏᓐᓅᖓᔪᐃᑦ-ᐃᑉᐱᓂᐊᕐᓂᖏᓐᓅᖓᔪᐃᑦ ᑭᖕᖑᒪᒋᖃᑦᑕᓂᐊᕐᑕᖏᑦ ᐃᓕᓵᑦ ᐸᕐᓇᓯᒪᐅᑎᓕᐅᕐᓗᒋᓗ ᐅᓚᐱᑦᓯᒍᑎᐅᒐᔭᕐᑐᑦ ᐃᓕᒪᓇᕐᑐᒦᓯᐊᕿᕈᑎᒋᒍᓐᓇᑕᖏᑦ ᐃᑯᓪᓚᕙᓂᐊᖁᒧᑦ 

• ᐃᓕᓵᓂᒃ ᖃᐅᔨᔭᐅᑎᑦᓯᖃᑦᑕᓗᓂ ᑲᒪᒋᔨᒋᒋᐊᓕᖏᓐᓄᑦ ᐱᓪᓗᑯᒋᐊᓕᓐᓂ ᐱᒍᑦᔨᕕᓐᓄᑦ ᒋᐊᖃᕐᓂᐸᑦ. 

• ᐊᓪᓚᖁᑎᓕᐅᖃᑦᑕᓗᓂ ᑲᒪᒍᑎᕕᓂᕐᒥᓂᒃ ᐃᓕᓵᑦ ᐃᓚᖏᓐᓂᒃ ᓇᐅᑐᐃᓐᓇᓄᑦ ᑐᓴᕐᑎᓯᒍᑎᑦᓴᐅᒍᓐᓀᑎᓪᓗᒋᑦ ᐊᑦᔨᖏᓐᓂᓗ ᐊᓪᓚᕕᒻᒪᕆᒻᒨᓯᖃᑦᑕᓗᓂ (ᓇᐅᑐᐃᓐᓇᓅᓕᖓᖕᖏᑐᑦ ᐊᓪᓚᖁᑏᑦ ᑲᑎᕐᓱᑕᐅᕕᖓᓄᑦ). 

• ᐱᒍᑦᔨᕙᓪᓗᓂ ᖃᓂᖕᖏᑐᒦᒐᓗᐊᕈᓂ (ᖃᕆᑕᐅᔭᓕᕆᐅᑎᓄᑦ ᐱᑐᕝᕕᖓᑎᒍᑦ/ᐅᖄᓚᐅᑎᑎᒍᑦ) ᐃᓕᓵᓂᒃ ᐱᒍᑦᔭᐅᔭᒋᐊᖃᓕᕐᓯᒪᔪᓂᒃ  

ᑐᕃᓐᓇᖏᑦᑐᑎᒍᑦ ᐃᓕᓵᓂᒃ ᐱᒍᑦᔨᓂᐅᕋᔭᕐᑐᑦ ᐃᓕᓐᓂᐊᕖᓪᓗ ᐱᓇᓱᑦᑎᖏᓐᓂ ᐱᒍᑦᔨᓂᐅᕋᔭᕐᑐᑦ 

• ᒪᓕᓪᓗᓂ/ᐸᐸᑕᐅᓗᓂ ᖃᐅᔨᓴᕐᓂᐅᔪᓄᑦ,  ᐃᓕᓴᕐᓂᓅᖓᔪᓂᒃ ᐱᒋᐅᕐᓴᓂᐅᔪᓄᑦ ᐊᒻᒪᓗ ᐱᓇᓱᐊᒐᑦᓴᖑᕐᑕᐅᒪᔪᓄᑦ ᐱᕕᖃᕐᑎᓯᒻᒪᑕ  ᑲᔪᓯᐅᒐᕐᑐᓂᒃ ᐱᒋᐅᕐᓴᓂᐅᔪᓂᒃ ᐃᑲᔪᕐᑎᐅᕙᓗᓂᓗ ᐃᓕᓵᑦ ᓴᒻᒥᔨᖏᓐᓂ ᖃᐅᔨᒪᔪᓪᓚᕆᖕᖑᓯᒪᔪᓂᒃ (SSP) ᓄᓇᓕᓐᓃᑐᓂᓗ ᐃᓕᓵᑦ ᐃᑲᔪᕐᑎᖏᓐᓂᒃ. 

• ᐃᑲᔪᕐᑕᐅᒍᒪᓂᖃᓕᕐᐸᑕ ᐱᓇᓱᑦᑏᑦ, ᐋᓐᓂᐊᓯᐅᕐᓂᓄᐊᖓᔪᓂᑦ ᑲᒪᓇᓱᑦᑎᒋᔭᐅᓯᕙᓗᓂ ᑭᖕᖒᒪᑦᓯᓕᕐᐸᑕ ᐱᓇᓱᑦᑎᐅᔪᓄᑦ 

• ᐱᓇᓱᐊᖃᑎᖃᑦᓭᓇᕐᐸᓗᓂ ᐃᓕᓵᑦ ᐃᑲᔪᕐᑎᖏᓐᓂᒃ ᐊᔪᒉᑦᑐᔭᑎᒍᑦ ᐃᓕᓴᕐᑕᐅᔪᓂᑦ 

• ᐱᓇᓱᐊᖃᑎᒋᕙᓗᒋᑦ ᐃᓕᓵᑦ ᐃᑲᔪᕐᑎᖏᑦ ᐸᕐᓇᓯᒪᐅᑎᓕᐅᓕᕐᐸᑕ ᐅᖑᒪᕈᑎᑦᓴᓕᐅᒐᓱᐊᓕᕐᐸᑕ  ᐱᓗᑲᐅᑎᓂᕐᓅᖓᔪᓂᑦ, ᐃᒥᐊᓗᓐᓅᖓᔪᓂᑦ ᐊᖓᔭᓐᓇᑐᔭᐅᔪᓂᓗ ᐊᑐᕐᓂᓗᓐᓂᓅᖓᔪᓂᑦ. 

• ᐱᓇᓱᐊᖃᑎᖃᕐᐸᓗᓂ ᐃᑲᔪᕐᑕᐅᒋᐊᓪᓛᒍᑎᓂᒃ ᐱᒍᑦᔨᐅᑏᑦ – ᓴᑐᕐᓇᑐᓕᓐᓂᒃ ᐃᓕᓐᓂᐊᕕᖃᕐᓂᖅ ᐸᕐᓇᓯᒪᐅᑎᓕᐅᓕᕐᐸᑕ ᐱᒋᐅᕐᓴᑕᐅᒍᑎᑦᓴᓕᐅᕐᓂᖏᓐᓂ ᐃᓖᓵᖓᔪᓂᑦ ᐃᓇᓱᑦᑎᓅᖓᔪᓂᓗ ᖁᕝᕙᕆᐊᕈᑎᒋᒐᓱᐊᕐᓗᒋᑦ ᐱᕙᓪᓕᐊᑎᑕᐅᓂᕆᔭᖏᓐᓂᒃ ᐃᓕᓵᑦ ᐊᑦᓱᕈᓗᐊᓪᓚᓇᕐᑐᑰᑦᑕᐸᓐᓂᖏᓐᓄᑦ   

• ᐃᓚᐅᕙᓗᓂ ᐃᓕᓐᓂᐊᕕᓐᓂ ᓵᒦᖃᑎᒋᓐᓂᐅᔪᓂᑦ ᖃᓂᖕᖏᑐᒦᓪᓗᓂ ᖃᓄᕐᑑᖃᑎᖃᕈᑎᖃᓕᕐᐸᑕ ᐃᓕᓵᑦ ᑭᖕᖒᒪᓕᕆᑦᑕᖏᓐᓂᒃ, ᐃᒫᙰᒋᐊᕈᑎᑦᓴᖁᑎᒋᓕᕐᑕᒥᓂᑦ ᒪᓂᔨᕙᓗᓂ, ᐸᕐᓇᖃᑎᐅᕙᓗᓂᓗ ᐅᓚᐱᑦᓯᒋᐊᖃᕈᑎᐅᑐᐃᓐᓇᕆᒋᐊᓕᖏᓐᓂ ᐃᓕᓵᑦ ᓯᕗᓂᕐᒥ. 

• ᐱᓇᓱᐊᕐᐸᓗᓂ ᐃᓕᓐᓂᐊᕕᓪᓂᑦ/ᓄᓇᓕᓐᓂ ᖃᖏᓐᓂᑐᒦᓪᓗᓂᓘᓐᓃᑦ ᐃᓕᓭᔨᓂᑦ ᐊᐅᓚᑦᓯᔨᐅᔪᓂᓗ ᓱᕐᖁᐃᓯᓇᓱᐊᓕᑐᐊᕐᐸᑕ ᐱᓀᓕᑦᓯᓯᒪᒍᑎᐅᔪᒥ(ᔪᓂᒃ) 

• ᑲᑎᒪᓂᐊᕈᓯᖃᕐᑎᓯᖁᔭᐅᓕᕈᓂ ᑲᑎᒪᓂᐊᕈᓯᖃᕐᑎᓯᖃᑦᑕᓗᓂ ᐃᓕᓐᓂᐊᓂᓕᕆᕕᐅᑉ ᐱᓇᓱᑦᑎᖏᓐᓂᒃ ᐃᓅᓯᕐᒨᓕᖓᔪᑦ ᐱᓪᓗᒋᑦ. 

• ᑲᒪᓇᓱᕙᓪᓗᓂ ᐱᓇᓱᐊᖃᑕᐅᓗᓂᓗ ᐅᓚᐱᑦᓯᒍᑎᓴᓕᐅᕐᓂᐅᔪᓂᒃ ᑭᖑᓂᖓᓂᓗ  ᐱᓂᐊᕐᓂᖃᕐᓂᐅᒋᐊᖃᓕᕋᔭᕐᑐᑦ ᐱᓪᓗᒋᑦ ᐅᐃᒻᒪᓂᐅᔭᓚᕿᐅᑎᐅᒍᓐᓇᑐᑦ ᓄᓇᕕᒻᒥ.  

• ᐱᓇᓱᐊᖃᑎᖃᕐᓗᓂ  ᓯᓚᑖᓂᒥᐅᔭᕐᓂᑦ ᑲᑐᑦᔨᖃᑎᒌᓲᒥᓂᑦ ᐱᕙᔾᓕᐊᒍᑎᐅᒍᓪᓇᑐᓂᑦ  ᐱᓪᓗᒋᑦ ᐅᓚᐱᑦᓯᒍᓯᐅᒍᓐᓇᑐᑦ ᓄᓇᕕᒻᒥ  (ᐱᓇᓱᐊᖃᑎᖃᕐᓂᖅ, ᖃᐅᔨᓴᕐᕕᖃᕐᓂᖅ, ᐊᒻᒪᓗ ᐅᓚᐱᑦᓯᓂᖅ)  

• ᐱᕙᓪᓕᑕᐅᕙᖁᒧᑦ ᐃᓕᓵᑦ ᐃᓕᑦᓯᑕᕐᑕᓂᖏᓐᓂ  ᐃᑉᐱᓂᐊᕐᑕᕙᓂᖏᓐᓂᒃ  ᐱᐅᓯᕐᒥᒍᓪᓗ ᐱᓐᓀᓕᑦᓯᑕᑕᕐᐸᓂᖏᑦ. 

ᐱᒍᓐᓇᐅᑎᒋᒋᐊᓕᖏᑦ: 

• ᓯᕗᓪᓕᖓᓂᒃ ᐃᓕᓐᓂᐊᕕᕐᔪᐊᒥ ᐱᔪᓐᓇᐅᑎᖃᕐᓗᓂ ᑖᑦᓱᒧᖓ ᐃᓂᒧᑦ ᐊᑐᕐᓂᓕᒻᒥᒃ ᐃᓕᓐᓂᐊᓯᒪᓗᓂ 

• ᐃᓚᐅᔫᓗᓂ “ᐃᓱᒪᓕᕆᔩᑦ ᑯᐊᐳᕇᓴᖓᓄᑦ ᑯᐯᒻᒥ” 

ᐃᓕᓐᓂᐊᕕᕐᔪᐊᒥ ᐳᕐᑐᓂᕐᐸᒥᒃ ᐱᔭᕇᕈᓯᕐᑕᐅᓯᒪᓗᓂ ᑕᒡᒐᓂ ᐃᓂᒥ ᐱᒍᓐᓇᐅᑎᒋᔭᐅᒋᐊᓕᓐᓄᑦ ᐱᑐᑦᓯᒪᓂᖃᕐᑐᒥᒃ. 

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ 

ᐊᑐᕈᓐᓇᕆᐊᓕᖏᑦ: 

• ᖃᐅᔨᒪᓂᖃᑦᓯᐊᓗᓂ ᖃᓪᓗᓈᑎᑐᑦ ᐅᐃᒍᐃᑎᑐᓪᓗ 

• ᐱᓇᓱᐊᓕᓂᐅᓗᓂ ᑕᕐᕋᒥ ᐊᒻᒪᓗᓘᓐᓃ ᐃᓕᕐᕈᓯᖃᑎᒌᓐᓂᓅᖓᔪᓂᑦ ᐃᑲᔪᕐᓯᕋᔭᕐᒥᔪᖅ 

• ᓄᓇᕕᓕᐊᖃᑦᑕᕈᓐᓇᓗᓂ 

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ: 

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2113-ᒥᒃ 

ᐱᓇᓱᕝᕕᖃᕋᔭᕐᑐᖅ: $59.282-ᒥᑦ $110.674-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.  

*ᐅᓪᓗᖓᓂᒃ ᑲᑐᑦᔮᕆᔭᐅᔫᑉ ᐊᖏᖃᑎᒌᒍᑎᐅᒪᔫᑉ ᐊᑐᓕᕐᑎᑕᐅᓕᕐᓂᒪᓂᑦ, ᖃᐅᔨᒪᔨᓪᓚᕆᖕᖑᓯᒪᒧᖅ 10%ᑕᓄᑦ ᑮᓇᐅᔭᑦᓵᖓᑦ ᐅᓄᕐᓯᒋᐊᕐᑕᐅᓂᖃᕈᓐᓇᓂᓕ 6.5%ᑕᓄᓗ ᐱᓇᓱᑦᑎᒋᔭᐅᓂᐊᓕᕐᓂᒥᓄᑦ ᐃᑉᐱᒋᓗᒋᑦ ᑮᓇᐅᑦᔭᓴᕐᓂᖏᑦ ᐃᑲᐅᕐᓂᑕᒫᑦ.