ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᖃᕆᑕᐅᔭᓕᕆᕕᒻᒥ ᑲᒪᔨᒥᒃ, ᑖᑦᓱᒥᖓ ᐃᓂᓕᒃ ᐃᑉᐱᒋᔭᖃᓲᖅ ᖃᐅᔨᓴᕐᓱᓂ, ᐋᕐᕿᓱᐃᑦᓱᓂ ᐊᒻᒪᓗ ᑲᒪᒋᔭᖃᕐᓱᓂ ᐃᓘᓐᓇᖏᓐᓂᒃ ᐱᕙᓪᓕᐊᑎᑕᐅᓂᖏᓐᓂᒃ ᐊᒻᒪᓗ ᖃᕆᑕᐅᔭᓕᕆᐅᑎᓂᒃ ᐋᕐᕿᓱᐃᑦᓱᓂ ᑮᓇᐅᔭᓕᐅᕋᓱᐊᕐᓂᒧᑦ ᑭᖒᒪᒋᔭᖏᓐᓂᒃ ᐃᓕᓴᕐᓂᓕᕆᓂᐅᑉ ᐱᑕᖃᕐᑎᓯᓗᓂ. ᐊᐱᕆᔭᐅᓲᖑᒻᒥᔪᖅ ᐃᑲᔪᕐᓯᖁᔭᐅᑦᓱᓂ ᐱᓇᓱᖃᑎᒥᓂᒃ ᐊᒻᒪᓗ ᐃᓚᐅᓗᓂ ᓱᒃᑯᑌᓕᑎᑦᓯᓗᓂ ᐊᐅᓚᑎᑕᐅᓂᖏᓐᓄᑦ ᐋᕐᕿᓯᒪᐅᑏᑦ.

• ᐱᓇᓱᐊᕐᓗᓂ ᐊᑭᖏᓐᓂᒃ ᐱᐅᓂᕐᐹᓂᒃ ᖃᐅᔨᓴᕐᓗᓂ ᖃᕆᑕᐅᔭᓕᕆᐅᑎᓂᒃ ᐃᓱᒪᒋᔭᖃᕐᓗᓂ ᐊᒻᒪᓗ ᐋᕐᕿᓗᓂ ᐃᓱᓕᓂᖏᓐᓂᒃ ᐊᑐᓕᕐᑎᑕᐅᓂᖏᓐᓂᒃ ᐊᖏᕐᑕᐅᒪᔪᑦ ᐱᓇᓱᐊᕐᑕᐅᔪᑦ;
• ᐱᕙᓪᓕᐊᑎᑦᓯᓗᓂ ᐊᒻᒪᓗ ᐃᑲᔪᕐᓗᓂ ᐃᓕᓴᕐᓂᓕᕆᓂᐅᑉ ᐱᖁᑎᖏᓐᓂᒃ ᐊᒻᒪᓗ ᑮᓇᐅᔭᓕᐅᕋᓱᐊᕐᓂᒧᑦ ᖃᕆᑕᐅᔭᓕᕆᐅᑎᖏᓐᓂᒃ;
• ᖃᕆᑕᐅᔭᓕᕆᐅᑎᓂᒃ ᐋᕐᕿᓱᐃᔨᐅᓗᓂ ᑭᖕᖒᒪᒋᔭᐅᔪᓂᒃ ᐋᕐᕿᓱᐃᓗᓂ ᖃᕆᑕᐅᔭᓕᕆᐅᑎᓂᒃ ᐊᒻᒪᓗ ᐊᑐᕐᑕᐅᓂᖏᓐᓂᒃ ᑮᓇᐅᔭᓕᐅᕋᓱᐊᕐᓂᒧᑦ ᑭᖕᖒᒪᒋᔭᐅᔪᓂᒃ ᐊᑦᔨᒌᖕᖏᑐᓄᑦ ᐱᓇᓱᕝᕕᓄᑦ ᐊᒻᒪᓗ ᐃᓕᓴᕐᓂᓕᕆᓂᕐᒧᑦ ᐃᓘᓐᓈᒍᑦ.
• ᐊᓪᓚᓯᒪᔪᖕᖑᐃᓗᓂ ᐃᓘᓐᓇᖏᓐᓂᒃ ᐊᑐᕐᑕᐅᔪᓂᒃ ᐊᒻᒪᓗ ᖃᕆᑕᐅᔭᓕᕆᓂᕐᒧᑦ ᐊᑐᕐᑕᐅᓲᓂᒃ;
• ᐱᐅᓯᑎᑦᓯᓗᓂ ᐊᒻᒪᓗ ᓄᑕᐅᓯᓕᑎᕆᓗᓂ ᐊᓪᓚᓯᒪᔪᓂᒃ ᐋᕐᕿᓱᕐᓯᒪᐅᑎᓂᒃ ᓄᑖᖑᓂᕐᓴᓄᑦ ᐊᑐᕐᑕᐅᓲᓄᑦ ᐃᑉᐱᒋᔭᖃᖏᓐᓇᓗᓂᓗ ᓈᒻᒪᒋᐅᑎᑦᓯᐊᒪᖔᑕ ᐊᓯᖏᓐᓄᑦ ᖃᕆᑕᐅᔭᓕᕆᐅᑎᓄᑦ;
• ᐱᐅᓯᐅᒥᑎᑦᓯᓗᓂ, ᐊᑕᑎᑦᓯᓗᓂ ᐊᒻᒪᓗ ᐱᕙᓪᓕᐊᑎᑦᓯᓗᓂ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᒻᒥᒃ;
• ᖃᐅᔨᓴᕐᓗᓂ ᐊᒻᒪᓗ ᐱᐅᓯᐅᒥᑎᑦᓯᓗᓂ ᑮᓇᐅᔭᓕᐅᕋᓱᐊᕐᓂᑯᑦ ᐱᕙᓪᓕᐊᕈᑎᓂᒃ ᐊᒻᒪᓗ ᐱᓇᓱᐊᕐᑕᐅᔪᐃᑦ ᐱᔭᕇᕐᑕᐅᓂᖏᓐᓂᒃ (ᑕᑕᕐᓴᕋᑦᓭᑦ) ᐊᑐᓕᕐᑕᐅᑎᑦᓯᓗᓂ ᖃᕆᑕᐅᔭᒥ ᐱᑐᑦᓯᒪᒍᑎᓂᒃ ᐅᕝᕙᓘᓐᓃᑦ cloud ᑰᕈᑎᓂᒃ ᖃᕆᑕᐅᔭᒥ ᐱᑐᑦᓯᒪᒍᑎ;
• ᐱᓇᓱᐊᖃᑎᖃᕐᓗᓂ ᑮᓇᐅᔭᓕᕆᕕᒻᒥᒃ, ᓂᐅᕕᕐᑎᓂᒃ ᐊᒻᒪᓗ ᐊᐅᓚᓂᓕᕆᓂᕐᒧᑦ ᐱᓇᓱᕝᕕᓂᒃ ᐋᕐᕿᓱᐃᓗᓂ ᐋᕐᕿᓱᕐᓯᒪᐅᑎᑦᓴᓂᒃ ᑲᒪᒋᔭᐅᓂᑦᓴᖏᓐᓄᑦ ᐱᐅᓕᓂᐊᒉᑦ ᐊᐅᓪᓚᑎᑕᐅᔪᑦ ᐊᑦᔨᒌᖕᖏᑐᓄᑦ ᐱᓇᓱᕝᕕᐅᔪᓄᑦ ᐱᒍᑦᔭᐅᔪᓄ ᐃᓕᓴᕐᓂᓕᕆᓂᕐᒧᑦ;
• ᐃᑲᔪᕐᓗᓂ ᐋᕐᕿᓗᓂ ᓴᓇᓂᕐᓄᑦ ᐱᓀᓗᑕᓂᒃ ᐊᒻᒪᓗ ᓄᐃᔪᕕᓂᕐᓂᒃ ᐃᓚᐅᑎᓪᓗᒋᑦ ᐊᑦᔨᒌᖕᖏᑐᑦ ᖃᐅᔨᓴᐅᑏᑦ ᐊᒻᒪᓗ ᓱᓕᑎᑦᓯᔪᑦ ᐃᓱᒪᒋᔭᐅᔪᒥᒃ;
• ᐃᑉᐱᒋᔭᖃᕐᓗᓂ ᐱᐅᓂᕐᐹᒥᒃ ᐱᕙᓪᓕᐊᑎᑦᓯᒐᓱᐊᕐᓂᒥᒃ ᐊᑐᕐᑕᐅᓂᖓᓄᑦ;
• ᐃᑉᐱᒋᔭᖃᕐᓗᓂ ᐱᐅᓯᕆᔭᐅᔪᑦ, ᐊᑐᕐᑕᐅᓲᑦ ᐊᒻᒪᓗ ᖃᓄᐃᖕᖏᓯᐊᕐᓂᒨᓕᖓᔪᑦ ᐊᑐᕐᑕᐅᒋᐊᓕᓐᓂᒃ ᐱᑕᖃᕐᑎᓯᓗᓂ;
• ᐃᓚᐅᓗᓂ ᖃᕆᑕᐅᔭᕐᑎᓂᒃ ᐃᑲᔪᕐᑕᐅᒋᐊᓕᓐᓂᒃ ᐊᒻᒪᓗ ᐃᓪᓗᖁᑎᖏᓐᓂᒃ ᐊᒻᒪᓗ ᖃᕆᑕᐅᔭᒃᑯᑦ ᐱᑐᑦᓯᒪᒍᑎᓂᒃ ᓯᖁᒥᑎᑦᓯᑌᓕᓗᓂ;
• ᐱᓇᓱᐊᕆᐊᓕᓐᓂᒃ ᑖᑦᓱᒧᖕᖓᓕᖓᔪᓂ ᐊᓯᖏᓐᓂᒃ ᐱᓇᓱᐊᕐᓗᓂ.

ᐱᒍᓐᓇᐅᑎᒋᒋᐊᓕᖏᑦ:

• ᐱᔭᕇᕈᑎᑖᕐᓯᒪᓗᓂ ᐃᓕᓐᓂᐊᕕᕐᔪᐊᑉ ᐊᓪᓕᖓᓂ ᖃᕆᑕᐅᔭᓕᕆᓂᕐᒧᑦ ᓱᑯᐃᔦᓂᕐᒥᒃ ᐅᕝᕙᓘᓐᓃᑦ ᑖᑦᓱᒧᖕᖓᓕᖓᔪᒧᑦ ᐱᓇᓱᒐᕐᒧᑦ;
• ᐱᓇᓱᐊᕐᓯᒪᓗᓂ ᐊᕐᕌᒍᓐᓂᒃ ᒪᕐᕉᓂᒃ ᖃᕆᑕᐅᔭᒥ ᐱᑐᑦᓯᒪᖃᑎᒌᓂᒃ ᐱᒍᑦᔨᓂᕐᒧᑦ ᐊᒻᒪᓗ ᖃᕆᑕᐅᔭᒥ ᓄᐃᑕᑎᑦᓯᒪᖃᑎᒌᒍᑎᓂᒃ ᐱᕙᓪᓕᐊᑕᐅᓂᖏᓐᓂᒃ ᑲᐅᔨᓴᕐᑎᐅᓂᕐᒥᒃ ᐱᓇᓱᒐᕐᒧᑦ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐊᑐᕈᓐᓇᕆᐊᓕᖏᑦ:

• ᐅᖄᒍᓐᓇᓯᐊᕐᓗᓂ ᒪᕐᕉᓂᒃ (2) ᐅᖃᐅᓰᓐᓂᒃ ᐱᖓᓱᓂᑦ (3) ᐅᖃᐅᓯᕆᔭᐅᔪᓂᑦ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ);
• ᐱᓇᓱᐊᕐᓯᒪᓗᓂ ᖃᕆᑕᐅᔭᓕᕆᐅᑏᑦ ᐅᖃᐅᓯᖏᓐᓂᒃ VB6, .NET (C #, VB.NET, ASP.NET, Visual studio);
• ᐱᓇᓱᐊᕐᓯᒪᓗᓂ ᐅᑯᓂᖓ SQL 2016 ᐱᒍᑦᔨᒍᑎᓂᒃ ᐊᒻᒪᓗ SQL ᐅᖃᐅᓯᖏᓐᓂᒃ;
• ᐱᓇᓱᐊᕐᓯᒪᓗᓂ ᐅᑯᓂᖓ VBA ᐅᑲᐅᓯᖏᓐᓂᒃ, PowerShell ᐊᒻᒪᓗ vbScript;
• ᖃᐅᔨᒪᓗᓂ ᐱᒍᑦᔨᒍᑎᒥᒃ ServiceNow;
• ᖃᐅᔨᒪᓗᓂ ᐱᑐᑦᓯᒪᖃᑎᒌᕝᕕᒥ ᐱᒍᑦᔨᒍᑎᓂᒃ ᐊᒻᒪᓗ IIS-ᒥᒃ;
• ᖃᐅᔨᒪᓗᓂ ᐅᑯᓂᖓ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᓂᒃ HTML5, CSS, JavaScript ᐊᒻᒪᓗ jQuery;
• ᖃᐅᔨᒪᓗᓂ ᐊᑦᔨᒌᖕᖏᑐᓂᒃ ᖃᕆᑕᐅᔭᑎᒍᑦ ᐱᑐᑦᓯᒪᒍᑏᑦ ᐋᕐᕿᓯᒪᐅᑎᖏᓐᓂᒃ, ᐃᓚᐅᑎᓪᓗᒋᑦ ASP.Net ᐊᒻᒪᓗ MVC;
• ᖃᐅᔨᒪᓗᓂ ᐅᑯᓂᖓ AJAX, JSON ᐊᒻᒪᓗ SOAP;
• ᖃᐅᔨᒪᓗᓂ Cloud-ᒥ ᖃᕆᑕᐅᔭᓕᕆᐅᑎᓂᒃ;
• ᖃᐅᔨᒪᓗᓂ ᐱᓇᓱᒍᑎᒥᒃ Office 365.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᑦᑏᑦ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓕᓐᓄᑦ $55,812-ᒥᑦ $95,643-ᒧᑦ ᑎᑭᐅᑎᒍᓐᓇᑐᑦ / ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.