ᐊᐅᓚᓂᖏᑦ ᐊᒻᒪᓗ ᐱᔭᑦᓴᖏᑦ:

ᑲᒪᒋᔭᐅᓗᓂ ᖃᕆᑕᐅᔭᓕᕆᔨᒃᑯᑦ ᑲᒪᔨᖓᓄᑦ,ᖃᕆᑕᐅᔭᓕᕆᐅᑎᓂ ᖃᐅᔨᓴᕐᑎ ᑲᒪᔨᐅᒻᒪᑦ ᕿᒥᕐᕈᓂᕐᒥᒃ,ᓄᐃᑦᓯᓂᕐᒥᒃ ᐊᒻᒪᓗ ᑲᒪᔨᒻᒪᕆᐅᑦᓱᓂ ᓴᕐᕿᑎᑕᐅᒋᐊᓕᓕᒫᓂ ᐊᒻᒪᓗ ᓴᓇᔭᐅᓂᐊᕐᑐᓂ ᑭᖕᖒᒪᒋᔭᐅᔪᓂ ᐱᓇᓱᕝᕕᖓᓄᑦ ᑲᑎᕕᒃᑯᑦ ᑲᑎᒪᔨᖏᓐᓄᑦ,ᐃᑉᐱᒍᓱᑦᓯᐊᓗᓂᓗ ᖃᐅᔨᓴᐅᑎᐅᔪᓕᒫᓂᑦ. ᑖᓐᓇ ᓂᕈᐊᕐᑕᐅᓯᒪᔪᖅ ᓄᐃᑕᑎᑦᓯᖃᑦᑕᓚᖓᕗᖅ ᐱᔪᓐᓇᐅᑎᒥᓂ ᐃᓂᒥᓂ,ᐅᑯᓂᖓᓗᐊᖕᖑᐊᖅ ᖃᐅᔨᒪᔭᐅᒋᐊᓕᓐᓂ ᖃᕆᑕᐅᔭᓕᕆᓂᕐᒥᒃ ᑲᒪᔨᐅᓂᕐᒥᒃ,ᐱᓇᓱᕝᕕᐅᑉ ᐊᑐᕐᑕᐅᓂᕆᒋᐊᓕᖏᑦ,ᐱᐅᓂᖓ ᐊᒻᒪᓗ ᒪᓕᑦᓯᐊᓂᖓᓂ.

ᐱᔭᑦᓭᑦ ᐅᑯᐊ ᐃᓚᐅᒻᒥᔪᑦ ᑖᒃᑯᑐᐊᖑᖕᖏᑐᑦ:

• ᑲᒪᒋᔭᖃᕐᓗᓂ ᐱᔭᕆᐊᑐᔪᓂᑦ ᐱᓇᓱᐊᕋᑦᓴᓂᑦ ᐊᒻᒪᓗ ᐸᕐᓇᑕᐅᓯᒪᔪᓂᑦ ᖃᐅᔨᓴᖃᑦᑕᓗᓂ ᑎᓕᔭᐅᒍᓂᑎᑦ.
• ᑲᔪᓯᑎᑦᓯᕙᓪᓗᓂ ᓯᕗᓪᓕᐹᕐᓯᐅᑎᓂᑦ ᐊᒻᒪᓗ ᑐᑭᖃᑦᓯᐊᑐᓂᑦ ᖃᐅᔨᓴᕐᑕᐅᓯᒪᔪᓂᑦ ᑐᑦᓯᕋᕐᑕᐅᔪᓂᑦ.
• ᑲᒪᖃᑦᑕᓗᓂ ᖃᑦᓯᕌᕐᓂᖏᓐᓂᑦ ᐱᕙᓪᓕᐅᑎᑦᓭᑦ ᖃᐅᔨᓴᕐᓂᒨᓕᖓᔪᑦ ᖃᕆᑕᐅᔭᓕᕆᔨᒃᑯᑦᓄᑦ ᐋᕐᕿᒋᐊᕈᑎᑦᓭᑦ ᐃᓱᒪᑦᓴᓯᐅᕈᑕᐅᒪᔪᑦ ᐊᒻᒪᓗ ᐋᕐᖀᓯᒪᓗᓂ ᓈᓐᓂᕆᒋᐊᓕᖓᓂᑦ ᓄᐃᑕᓯᒪᔪᑦ ᑐᑦᓯᕋᐅᑎᓕᐊᑦ ᐊᖏᕐᑕᐅᓯᒪᔪᑦ.
• ᑕᑯᓐᓇᖑᐊᕈᓐᓇᑎᑦᓯᓗᓂ ᐱᓇᓱᕝᕕᐅᑦ ᑭᖕᖒᒪᒋᔭᖏᓐᓂᑦ ᐊᒻᒪᓗ ᐃᑦᔪᐊᓯᕙᓪᓗᓂ ᑲᔪᓯᑎᑕᐅᒋᐊᓕᓐᓂ,ᕆᐊᖃᕐᐸᑦ.
• ᑲᑎᖃᑎᖃᖃᑦᑕᓗᓂ ᐃᓚᐅᔫᖃᑕᐅᔪᑦ ᐃᓱᒫᓘᑎᖃᑐᐊᕐᐸᑕ,ᖃᐅᔨᓴᕐᓗᓂ ᑭᖕᖒᒪᒋᔭᖏᓐᓂᑦ ᐊᒻᒪᓗ ᖃᐅᔨᒪᑎᑦᓯᓗᓂ ᐊᑐᐃᓐᓇᐅᔪᓂᑦ ᖃᕆᑕᐅᔭᑎᒍᑦ ᐋᕐᖀᒍᑎᐅᒍᓐᓇᑐᓂᑦ ᐊᒻᒪᓗ ᐃᓚᐅᒍᑏᑦ ᐊᑭᒋᖏᓐᓂᑦ,ᕆᐊᖃᑐᐊᕐᐸᑦ.
• ᑐᓂᓯᖃᑦᑕᓗᓂ ᐅᖃᐅᓯᐅᓯᒪᔪᓂᑦ ᐱᓇᓱᕝᕕᐅᔪᒧᑦ ᓱᓀᑦ ᐱᕙᓪᓕᐊᒪᖔᑕ ᑐᑦᓯᕋᐅᑎᐅᔪᑦ.
• ᐃᓚᐅᖃᑦᑕᓗᓂ ᐱᕙᓪᓕᐊᑎᑦᓯᔪᓂᑦ ᐊᑐᓕᕐᑎᓯᕙᓪᓕᐊᔪᓂᓪᓗ ᑐᑭᓯᒋᐊᕋᑦᓴᓂᑦ ᐃᑲᔫᑎᓄᑦ,ᐃᓚᐅᑎᓪᓗᒋᑦ ᐃᕐᖃᑑᑎᐅᔪᑦ ᐊᒻᒪᓗ ᓱᓂᓕᕃᒍᑏᑦ ᐃᓱᒪᒋᔭᐅᔪᑦ ᑌᒣᓐᓂᕃᒍᑏᑦ.
• ᓇᓗᖕᖏᓯᐊᕐᓗᓂ ᐊᐅᓚᑦᓯᒍᓐᓇᓗᓂ,ᐃᓚᐅᑎᓪᓗᒋᑦ ᐊᓪᓚᓕᕆᑦᓯᐊᕈᓐᓇᓂᖅ ᐸᕐᓀᓕᕈᓂ ᓴᕐᕿᑎᑕᐅᒋᐊᓕᓐᓂᑦ ᓄᑖᓂᑦ ᐅᕝᕙᓗᓐᓃᑦ ᓄᐃᑕᒌᕐᑐᓂᑦ ᓴᕐᕿᑎᑕᐅᒋᐊᓕᓐᓂᑦ.
• ᐋᕐᕿᓱᐃᔨᐅᓗᓂ ᐱᓇᓱᐊᕋᑦᓴᓂᑦ ᐸᕐᓇᑕᐅᓯᒪᔪᓂᑦ ᐊᒻᒪᓗ ᑲᒪᔨᐅᓗᓂ ᑲᔪᓯᑎᑕᐅᒋᐊᓕᓐᓂᑦ ᐱᓇᓱᖃᑎᒋᔭᐅᔪᓄᑦ,ᖃᐅᔨᒪᑎᑦᓯᓯᐊᖃᑦᑕᓗᓂᓗ ᐸᕐᓇᑕᐅᔪᓂᑦ ᐱᓇᓱᐊᕋᑦᓴᓂᑦ ᒪᓕᑦᓱᒋᑦ ᐱᕙᓪᓕᐊᑎᑕᐅᔪᑦ,ᐱᑦᓯᐊᖏᑦᑐᐃᓗ ᐱᕙᓪᓕᐊᑎᑕᐅᒐᓱᑦᑐᑦ ᐊᒻᒪᓗ ᒪᓕᒋᐊᑦᓯᐊᕕᖃᖃᑦᑕᓗᓂ ᐅᓚᐱᒍᓇᐅᒐᔭᕐᑐᓂᑦ ᐱᓇᓱᐊᕐᑕᐅᔪᓂᑦ.
• ᑲᒪᒋᔭᖃᕐᓗᓂ ᐊᓪᓚᕕᓐᓂᑦ,ᓴᕐᕿᑎᑦᓯᕙᓪᓕᐊᓂᕐᓂᑦ,ᐊᐅᓚᑦᓯᓂᕐᒥᒃ,ᐃᓂᓪᓚᑎᕆᔨᐅᓗᓂ ᐱᓇᓱᐊᕋᑦᓴᓂᑦ,ᖃᐅᔨᓴᕐᑎᐅᓗᓂ,ᐱᐅᓯᒋᐊᕐᑎᓯᔨᐅᓗᓂᓗ.
• ᑲᒪᒋᔭᖃᕐᓗᓂ ᖃᐅᔨᓴᕐᑎᐅᓂᕐᒥᒃ ᐊᒻᒪᓗ ᖃᕆᑕᐅᔭᓕᕆᐅᑎᓂᒃ ᑕᑯᓐᓇᑎᐅᓗᓂ,ᐅᑯᓂᖓᓗᐊᖕᖑᐊᖅ ᐱᐅᓰᒋᐊᕐᓂᖅ ᓄᐃᑕᒌᕐᑐᓂᑦ ᐊᒻᒪᓗ ᓄᐃᑦᓯᖃᑦᑕᓗᓂ ᓄᑖᓂᑦ ᐊᑐᕐᑕᐅᖃᑦᑕᓂᐊᕐᑐᓂᑦ ᐊᒻᒪᓗ ᐱᔨᑦᓯᕋᐅᑎᓂᑦ.
• ᓴᓇᔨᐅᓗᓂ ᐊᒻᒪᓗ ᓄᐃᑦᓯᔨᐅᓗᓂ ᐊᓪᓚᑕᐅᓯᒪᔪᓂᑦ ᑐᑦᓯᕋᐅᑎᐅᔪᓂᑦ ᐊᑐᐃᓐᓇᐅᑎᑦᓯᖃᑦᑕᓂᐊᕐᓗᓂ ᐃᓕᓂᐊᕕᒻᒥ ᑲᑎᒪᔨᐅᔪᑦ ᐱᔨᑦᓯᕋᐅᑎᖏᓐᓂᑦ. ᐃᓚᐅᖃᑦᑕᓗᓂ ᐊᓪᓚᑕᐅᓯᒪᔪᓂᑦ ᐱᔭᕇᕐᓯᒪᒋᐊᓕᓐᓂᑦ ᐅᓂᒃᑲᐅᓯᐅᒋᐊᓕᓐᓂᑦ ᐊᒻᒪᓗ ᑲᒪᔨᐅᓗᓂ ᐊᑐᕐᑕᐅᒋᐊᓖᑦ ᐱᒋᐅᕐᓴᑕᐅᒋᐊᖃᓕᕐᐸᑕ.
• ᖃᐅᔨᒋᐊᕐᕕᐅᖃᑦᑕᓗᓂ ᐊᐅᓚᑦᓯᔨᓄᑦ ᐱᓇᓱᑦᑎᓄᓪᓗ,ᐃᒫᙰᕐᑎᐅᓗᓂ,ᐃᒫᙰᕈᑎᐅᖁᔭᐅᔪᑦ ᐊᒻᒪᓗ ᐃᑲᔪᕐᓯᓗᓂ ᐊᓯᖏᓐᓂᑦ ᓯᓚᑎᒥᓂ ᖃᐅᔨᒪᔭᐅᖁᔭᐅᔪᓂᑦ. ᐃᒫᙰᕈᓐᓇᓗᓂ ᖃᐅᔨᓴᕐᓂᖃᓕᕐᐸᑦ ᐅᕝᕙᓘᓐᓃᑦ ᖃᐅᔨᓴᕐᓂᖃᕐᓗᓂ ᐱᕙᓪᓕᐊᑎᑕᐅᔪᑦ ᖃᐅᔨᒪᔭᐅᒋᐊᓖᑦ ᐊᑐᕐᑕᐅᓲᑦ ᐅᕝᕙᓘᓐᓃᑦ ᐱᔭᐅᒍᒪᔪᑦ ᐃᓕᓐᓂᐊᕖᑦ ᑲᑎᖕᖓᔨᖏᓐᓄᑦ.
• ᐃᓚᐅᖃᑦᑕᓗᓂ ᓴᓇᔭᐅᔪᑦ ᐅᕝᕙᓘᓐᓃᑦ ᐳᕐᑐᓯᒋᐊᕐᑕᐅᒋᐊᓖᑦ ᐃᒫᙰᕈᑎᐅᔪᑦ ᐊᑦᑐᐊᓂᓖᑦ ᐊᒥᓱᓂᑦ ᒪᓕᑕᐅᒋᐊᓕᓐᓂᑦ.
• ᑲᒪᔨᐅᓗᓂ ᖃᕆᑕᐅᔭᓕᕆᔨᒃᑯᓂᑦ ᖃᐅᔨᓴᕐᑎᓂᑦ,ᐊᑑᑎᑎᑦᓯᔨᐅᓗᓂᓗ ᒪᓕᒐᐅᔪᓂᑦ.
• ᐱᓇᓱᖃᑎᙯᓐᓇᕈᓐᓇᓗᓂᑦ ᐊᒥᓱᓂᑦ ᐱᓇᓱᑦᑎᓂᑦ ᐃᓗᐊᓂ ᐊᒻᒪᓗ ᓯᓚᑖᓂ ᐃᓚᐅᔫᔪᓂᑦ.

ᐱᔪᓐᓇᓂᕆᔭᐅᒋᐊᓖᑦ:

ᐃᓕᓐᓂᐊᕕᕐᔪᐊᒥ ᐱᔭᕇᕈᓐᓇᐅᑎᖃᕆᐊᓕᒃ ᓈᒻᒪᓈᕐᑐᒥᒃ ᐱᓇᓱᒐᕐᒧᑦ,ᖃᕆᑕᐅᔭᓕᕆᓂᕐᒧᑦ ᖃᐅᔨᓴᕐᓂᒧᑦ ᐅᕝᕙᓘᓐᓃᑦ ᖃᕆᑕᐅᔭᓕᕆᔨᒻᒪᕆᐅᓂᕐᒧᑦ.

ᑲᑎᖕᖓᔩᑦ ᐃᓱᒪᕐᓲᑎᖃᕐᓗᑎᒃ ᓂᕈᐊᕈᓐᓇᒥᔪᑦ ᓇᓪᓕᐊᓂᑐᐃᓐᓇᖅ ᑕᒣᓐᓂᓘᓐᓃᑦ ᖁᓛᓂ ᐊᓪᓚᓯᒪᔪᓂᑦ ᐊᔪᖕᖏᓂᕆᔭᐅᔪᓂᑦ ᐱᔪᓐᓇᐅᑎᖃᕈᓂ ᓇᕝᕚᕈᑎᒃ ᓈᒻᒪᓈᕐᑐᒥᒃ ᐱᓇᓱᒐᕐᑖᕋᓱᑦᑐᒧᑦ ᐃᓚᐅᔫᒍᓂ ᔦᒥᓯ ᐯ ᒥ ᑯᐯᒃ ᑕᕐᕋᖓᓂ ᐊᖏᕈᑎ (JBNQA) ᐊᖏᕐᓯᒪᑉᐸᑦ ᑎᓕᓯᒍᑎᐅᔪᓂ ᐱᓇᓱᓐᓂᒧᑦ ᒪᓕᒍᓐᓇᓗᓂ ᐱᒋᐅᕐᓴᑎᑕᐅᒍᑎᐅᒋᐊᓕᓐᓂᑦ ᐋᕐᕿᓱᕐᑕᐅᓯᒪᔪᓂᑦ ᑲᑎᒪᔨᓄᑦ.

ᐊᑐᕐᑕᐅᒋᐊᓖᑦ:

• ᐅᖄᒍᓐᓇᓯᐊᕐᓗᓂ ᒪᕐᕉᓂᒃ (2) ᐅᖃᐅᓰᓐᓂᒃ ᐱᖓᓱᓂᑦ (3) ᐅᖃᐅᓯᕆᔭᐅᔪᓂᑦ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ);
• ᐊᑑᑎᓯᒪᓕᓂᐅᒋᐊᓕᒃ ᐱᓇᓱᐊᕐᓂᒧᑦ ᐅᖃᐅᓯᕐᓂᒃ: VB6, .NET (C #, VB.NET, ASP.NET, Visual studio)
• ᐊᑑᑎᓯᒪᓕᓂᐅᒋᐊᓕᒃ ᐅᑯᓂᖓ SQL 2016 Server and SQL ᐅᖃᐅᓰᑦ
• ᐊᑑᑎᓯᒪᓕᓂᐅᒋᐊᓕᒃ ᐅᑯᓂᖓ VBA language and PowerShell
• ᐊᑑᑎᓯᒪᓕᓂᐅᒋᐊᓕᒃ ᐅᑯᓂᖓ Power BI
• ᖃᐅᔨᒪᓂᖃᕆᐊᓕᒃ ᐅᑯᓂᖓ ServiceNow
• ᖃᐅᔨᒪᓂᖃᕆᐊᓕᒃc Salesforce
• ᖃᐅᔨᒪᓂᖃᕆᐊᓕᒃ ᐅᑯᓂᖓ Web services and IIS
• ᖃᐅᔨᒪᓂᖃᕆᐊᓕᒃ ᐅᑯᓂᖓ the following web technologies: HTML5, CSS, JavaScript and jQuery
• ᖃᐅᔨᒪᓂᖃᕆᐊᓕᒃ ᐅᑯᓂᖓ different web frameworks, including ASP.Net MVC
• ᖃᐅᔨᒪᓂᖃᕆᐊᓕᒃ ᐅᑯᓂᖓ AJAX, JSON and SOAP
• ᖃᐅᔨᒪᓂᖃᕆᐊᓕᒃ ᐅᑯᓂᖓ cloud technologies
• ᖃᐅᔨᒪᓂᖃᕆᐊᓕᒃ ᐅᑯᓂᖓ Office 365
• ᓯᕗᓕᕈᓐᓇᓯᐊᕆᐊᓕᒃ
• Agile ᒥ ᖃᐅᔨᒪᓂᖅ, ᖃᐅᔨᓴᕈᓐᓇᓂᖅ ᐅᖄᖃᑎᖃᑦᓯᐊᕈᓐᓇᓂᕐᓗ ᐃᑲᔫᑎᐅᒍᓐᓇᓯᐊᕋᔭᕐᑐᑦ.
• ᐱᔪᓐᓇᓂᖃᕆᐊᓕᒃ ᐃᑲᔪᖃᑎᒌᒍᓐᓇᓗᓂ ᐊᒻᒪᓗ ᐅᖄᖃᑎᖃᑦᓯᐊᕈᓐᓇᓗ ᐊᒥᓱᓂᑦ ᐃᓚᐅᔫᔪᓂᑦ.
• ᐊᑑᑎᓯᒪᓗᓂ ᐅᕝᕙᓘᓐᓃᑦ ᖃᐅᔨᒪᓂᖃᑦᓯᐊᓗᓂ ᐃᓕᓐᓂᐊᓂᓕᕆᓂᕐᒥᒃ,ᐅᑯᓂᖓᓗᐊᖕᖑᐊᖅ ᓄᓇᖃᕐᖄᓯᒪᔪᑦ ᐃᓕᓐᓂᐊᓂᓕᕆᓂᖏᑦ,ᐊᑑᑎᖃᕋᔭᕐᒥᔪᖅ.
• ᐱᒍᓐᓇᓯᐊᕐᑐᖅ,ᐅᒃᑯᐃᖔᑦᓯᐊᑐᖅ ᐃᓱᒪᖓ,ᓯᕗᓪᓕᐅᔨᒍᓐᓇᑐᖅ ᐃᓘᓐᓀᓂᑦ ᐃᓚᐅᔪᓂᑦ ᐃᓄᑐᐃᓐᓇᓂᑦ ᐱᓇᓱᑦᑎᓂᑦ.
• ᐃᓱᕐᕆᒍᓐᓇᑐᖅ ᐱᓇᓱᖃᑎᖃᕆᐊᒥᒃ ᐊᑦᔨᒌᖕᖏᑐᓂᑦ ᐃᓗᕐᕈᓯᓕᓐᓂᑦ.
• ᒪᕐᕉᓂᒃ ᐅᖃᐅᓰᓐᓂᒃ ᐅᖄᒍᓐᓇᕆᐊᓕᒃ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐊᑐᐃᓐᓇᐅᑎᑕᖏᓐᓂᑦ (ᐃᓄᑦᑎᑐᑦ,ᐅᐃᒍᐃᑎᑐᑦ,ᖃᓪᓗᓈᑎᑐᓪᓘᓃᑦ)
• ᑎᓕᔭᐅᒍᓂ ᐊᐅᓪᓚᖃᑦᑕᕈᓐᓇᕆᐊᓕᒃ ᓄᓇᕕᒻᒧᑦ.ᐃᓱᐊᕐᑑᒐᔭᕐᒥᔪᖅ ᓄᓇᕕᒻᒦᓕᓂᐅᒍᓂ

ᓇᓃᓐᓂᖓ/ᑮᓇᐅᑦᔭᓵᑦ/ᐃᑲᔫᑏᑦ:

ᒪᓕᑦᓱᒍ SPPENOM ᐱᓇᓱᑦᑎᓄᑦ ᐊᖏᖃᑎᒌᒍᑎ ᐱᔪᓐᓇᐅᑎᓕᓐᓄᑦ. ᑖᓐᓇ ᐱᓇᓱᒐᕐ ᑐᕌᖓᔪᖅ ᐅᑯᓄᖓ 2156:  $57,492-ᒥᑦ – $105,469-ᒧᑦ ᐊᕐᕌᒍᑕᒫᕐᓯᐅᑏᑦ ᒪᓕᓪᓗᒋᑦ  ᐱᔪᓐᓇᐅᑎᖏᓐᓄᑦ ᐊᑑᑎᓯᒪᔭᖏᓐᓄᓗ.