ᐃᓂᖓ ᐱᓇᓱᒋᐊᓕᖏᓪᓗ:

ᖃᐅᔨᑎᑦᓯᖃᑦᑕᓗᓂ ᑐᑭᒧᐊᕐᑎᔨᐅᑉ ᐃᑲᔪᕐᑎᖓᓄᑦ, ᑐᑭᒧᐊᕐᑎᓯᔩᑦ ᐃᑲᔪᕐᑎᖏᑦ ᐃᑲᔪᕐᓯᒪᔪᑦ ᑎᒥᒻᒥᒃ ᐊᐅᓚᑦᓯᓂᕐᒥᒃ ᐊᒻᒪᓗ ᐊᐅᓚᑦᓯᓂᓕᕆᓂᕐᒥᒃ ᐃᓕᓴᕐᕕᓂ. ᐱᓇᓱᒐᕐᒥ ᐱᓇᓱᖃᑦᑕᓚᖓᔭᑎᑦ ᐅᑯᓂᖓ ᐃᓚᖃᕐᑐᑦ:

• ᐃᓚᐅᕕᖃᕐᓗᑎᑦ ᐸᕐᓇᑕᐅᒍᑎᖏᓐᓂᒃ ᐊᑐᓕᕐᑎᑕᐅᒍᑎᖏᓐᓂᓗ ᐃᓕᓴᕐᓂᓕᕆᓂᐅᑉ ᐋᕐᕿᓱᕈᑎᑦᓴᔭᖁᑎᖏᑦᑕ ᐱᓇᓱᐊᕐᑕᐅᒍᑎᖏᓐᓄᑦ;
• ᐱᓇᓱᑦᑎᑖᕐᓗᓂ, ᑲᒪᓗᓂ ᖃᐅᔨᓴᖃᑦᑕᓗᓂᓗ ᑐᑦᑕᕕᖏᓐᓂᒃ ᐅᕕᒃᑫᑦ ᐱᒍᑦᔨᕕᖏᓐᓂᒃ;
• ᐃᑉᐱᒋᔭᖃᕐᓗᓂ ᒪᓕᑦᓯᐊᑐᖃᕐᓂᖏᓐᓄᑦ ᒪᓕᒉᑦ, ᒪᓕᒐᕐᓂᒃ, ᐱᓇᓱᒍᑦᔨᓂᕐᒧᑦ ᐊᖏᕈᑎᓅᓕᖓᔪᓂᒃ ᐊᖏᕐᓯᒪᐅᑎᓂᒃ, ᐊᒻᒪᓗ ᐱᓇᓱᕝᕕᐅᑉ ᖃᓄᐃᓘᕈᓯᖏᓐᓂᒃ;
• ᐱᒍᓐᓇᑕᒥᓂᒃ ᐁᑦᑐᐃᖃᑦᑕᓗᑎᒃ ᐃᓕᓴᕐᕕᓂ ᐊᐅᓚᑦᓯᔨᓄᑦ ᐃᑲᔪᕐᓯᒋᐊᕈᑎᒋᓗᒋᑦ ᐊᐅᓚᑦᓯᓯᐊᕈᓐᓇᓯᓂᐊᕐᒪᑕ ᐃᓕᓴᕐᕕᓂ;
• ᐃᑲᔪᖃᑦᑕᓗᑎᑦ ᐃᑲᔪᕐᓯᒋᐊᖃᑐᐊᕈᕕᑦ ᐅᕝᕙᓘᓐᓃᑦ ᐱᓇᓱᑦᑎᓴᕐᓯᐅᕆᐊᖃᑐᐊᕈᕕᑦ ᐃᓕᓐᓂᐊᕕᐅᑉ ᐱᓇᓱᑦᑎᖏᓐᓄᑦ;
• ᖃᐅᔨᓴᕐᓗᓂ ᓴᕐᕿᑕᐅᒐᓱᐊᕐᑐᑦ ᒪᓕᑦᓯᐊᕋᓗᐊᕐᒪᖔᑕ ᐃᓕᓴᕐᓂᓕᕆᓂᐅᑉ ᑲᑎᒪᔨᖏᓐᓄᑦ;
• ᐃᓚᐅᖃᑦᑕᓗᓂ ᑲᑎᒪᔪᓄᑦ, ᑲᑎᒪᔨᐊᐱᓐᓄᓗ ᐱᓇᓱᐊᖃᑎᒌᑉᐸᑐᓂᒃ ᐃᓚᐅᔫᔪᓂᓪᓗ;
• ᐃᓚᐅᕕᖃᕆᐊᖃᒻᒥᔪᑦ ᐸᕐᓇᑕᐅᓂᖏᓐᓄᑦ ᐊᑐᐃᓐᓇᕈᕐᑎᑕᐅᓂᖏᓐᓄᓗ ᐱᒍᑦᔨᕕᐅᔫᑉ ᐊᕐᕌᒍᑕᒫᑦ ᑮᓇᐅᔭᕐᑐᕋᑦᓴᖁᑎᖏᓐᓄᑦ;
• ᐃᑲᔪᕐᓯᖃᑦᑕᓗᑎᑦ ᐃᓕᓴᕐᕖᑦ ᐸᕐᓇᓯᒪᐅᑎᖏᓐᓂᒃ ᐱᓇᓱᐊᕈᑎᖏᓐᓄᑦ;
• ᐊᓯᖏᓐᓂᒃ ᑲᒪᒋᔭᒃᓴᓂᒃ ᑲᒪᖃᑦᑕᓗᓂ ᐱᓇᓱᒐᑦᓴᒥᒃ ᑐᓂᔭᐅᖃᑦᑕᒐᔭᕐᒥᔪᖅ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

• ᐳᕐᑐᓂᕐᓴᒋᐊᓪᓚᒥᑦ ᐱᔭᕇᕈᑎᖃᕆᐊᓕᒃ ᐊᐅᓚᑦᓯᓂᓕᕆᓂᕐᒧᑦ ᐅᕝᕙᓘᓐᓃᑦ ᐊᑦᔨᐸᓱᖏᓐᓄᑦ ᐱᓇᓱᒉᑦ;
• ᓯᑕᒪᐅᔪᖏᒐᕐᑐᓂᒃ (8) ᐊᕐᕌᒍᓂᒃ ᐱᓇᓱᑦᓯᒪᒋᐊᓕᒃ ᐊᒻᒪᓗ ᐊᕐᕌᒍᓂᒃ ᑕᓪᓕᒪᓂᒃ (5) ᐳᕐᑐᓂᕐᓴᒋᐊᓪᓚᒥᒃ ᐱᓇᓱᐊᕐᓯᒪᓗᓂ;

ᐃᓕᓴᕐᓂᓕᕆᓂᖅ, ᐱᔪᒪᓂᕐᓴᕆᒍᓂᐅᒃ, ᐱᔪᓐᓇᐅᑎᒋᔭᐅᒋᐊᖃᕐᓂᕋᕐᑕᐅᑫᓐᓇᑐᒥᒃ ᐊᑐᕐᑕᐅᑎᑦᓯᖏᑐᐃᓐᓇᕆᐊᓕᒃ ᓇᑉᕚᓯᒪᑐᐊᕈᓂ ᐱᓇᓱᑦᑐᓴᒥᒃ ᔦᒻᔅ ᐯᒥ ᑯᐯᑉ ᑕᕐᕋᖓᓂᓗ ᐊᖏᖃᑎᒌᒍᑎᒧᑦ ᐃᓚᐅᔪᒥᒃ (JBNQA) ᑖᓐᓇᓗ ᐊᖏᕐᑐᕕᓂᐅᑉᐸᑦ, ᐱᓇᓱᒐᖃᕐᑎᑕᐅᒍᑎᒋᓚᖓᓗᒍ, ᐱᔭᕆᐅᕐᓴᑕᐅᒍᑎᑦᓴᒥᒃ ᐃᓕᓴᕐᓂᓕᕆᓂᕐᒧᑦ ᐋᕐᕿᓱᕐᑕᐅᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

• ᐅᖄᕈᓐᓇᓗᓂ ᒪᕐᕉᓂᒃ (2) ᐱᖓᓱᓂᒃ (3) ᐃᓕᑕᕆᔭᖏᓐᓂᒃ ᐅᖃᐅᓯᕐᓂᒃ ᑲᑎᕕᒃ ᐃᓕᓴᕐᓂᓕᕆᓂᐅᑉ (ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ);
• ᐊᑐᐃᓐᓇᐅᒋᐊᓕᒃ ᐊᕐᕕᑕᕆᐊᖃᑦᑕᕋᔭᕐᒪᑦ ᓄᓇᕕᒻᒥ;
• ᐊᐅᓚᑦᓯᒍᓐᓇᓯᐊᕐᓗᓂ ᐱᓇᓱᕝᕕᒥᓪᓗ ᐋᕐᕿᓱᐃᒍᓐᓇᓯᐊᕐᓗᓂ ᐊᑑᑎᖃᑦᓯᐊᑐᒥᒃ ᐱᓇᓱᕝᕕᓴᒥᒃ ᓄᐃᑦᓯᒍᒪᓂᕐᒧᑦ;
• ᐱᒋᐊᕐᑎᓯᒍᑏᑦ;
• ᖃᐅᔨᒪᑦᓯᐊᓗᓂ ᖃᕆᑕᐅᔭᕈᑎᓂᒃ MS Outlook, SharePoint, Teams, Word ᐊᒻᒪᓗ Exel;
• ᐃᓄᒃᑎᑐᑦ ᐅᖄᕈᓐᓇᕈᓂ ᐱᐅᔫᒻᒥᔪᖅ;
• ᖃᐅᔨᒪᓂᖅ ᓄᓇᕕᒻᒥᑦ ᐊᒻᒪᓗ ᐃᓄᑐᐃᓐᓀᑦ ᐱᐅᓯᑐᖃᖏᓐᓂᑦ ᐱᕙᓪᓕᖁᑎᐅᒍᓐᓇᑐᖅ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕆᐅᑎᑦᓴᖏᓪᓗ:

ᐳᕐᑐᓂᖅ 10-ᒍᑦᓱᓂ * ᑲᑎᕕᒃ ᐃᓕᓴᕐᓂᓕᕆᓂᕐᒥ ᐊᐅᓚᑦᓯᔩᑦ ᖃᓄᐃᓘᕈᑎᑦᓴᖏᑎᒍᑦ: $116,551-$155,396 ᐊᕐᕌᒍᑕᒫᑦ ᒪᓕᓪᓗᒋᑦ ᐱᔪᓐᓇᐅᑎᖏᑦ ᐱᓇᓱᖃᑦᑕᓯᒪᔭᖏᓪᓗ.